39	GEN 2:8	Bi Yawe God raghani matane, Eden kubura kamone kwabu tana ikabununayi; da name tomoyina iberana itore.
46	GEN 2:15	Wasina bi Yawe God - tomoyina ikabi da Eden kwabuna kamone itore da iyabigeni bi iyakoyayi.
54	GEN 2:23	Na tomoyina iwona bo, “Eka! Katada tagu mayimayiyigu - irike tagu irikeguma, bi vigho tagu vighoguma, na kana waghawagha Wasike, basuna touna tomogha gwabinama ikanibu.”
76	GEN 3:20	Wasina bi Adam wavinena iviwaghawaghayeni Eve, basuna touna wawaya tupadi kiiravidiye na katare inisinada.
79	GEN 3:23	Na Yawe God noko kiiravine tomoyina wavinena teya Eden kwabunama ivikanibuvedi da dobodobone inawawa mekonama touna itubughana.
80	GEN 3:24	Wasina bi Yawe God iviporadi bi murine, na Eden kwabune raghani matane serubim ivikoyayidi bi kate seri wiibububuna wiikuwamiwamirina, nabo da mabo itore da yawa verevereyana kiina kana keda sinakoyayi bi sinitarababareni, da wawaya kiine gesiyapiikana.
81	GEN 4:1	Adam, wavinena Eve teya sivimumurana, da iropeya bi ivituwa da Kein itubugha. Na Eve iwona bo, “Yawe God yana wiiwiita kamone natugu tomogha avitubuyi,” na kana waghawagha ikwatuveni da Kein.
82	GEN 4:2	Bi muriye ivituwa magha da natuna ivibata bi ikwatuveni da Eibol. Bi sivimagura murine, Eibol, na ribiribi kadi waghawagha sip iyakoyakoyagha, bi Kein na kiiuwa iyawawawa tarana kamodiye.
84	GEN 4:4	bi Eibol na yana ribiribi kamodima nigenige mududi iyiyarokodi ivikasunughana bi taridi miisedi ipiikedi da Yawe God biidi isuwara. Yawe God na Eibol yana suwara teya kiiravine iviwaghasineni,
88	GEN 4:8	Wasina muriye na Kein tiinaru Eibol iwoneni bo, “Tana kanibu wareregha tana pepewa.” Raghanina toudi name warereye, na Kein tiinaru igogonakuri da ikasunuyi.
89	GEN 4:9	Noko berana murine Yawe God, Kein ivitarakiiyaneni bo, “Tiiru Eibol meme?” Na Kein iwona bo, “Gegha ayakovi da meme. Bi tagu gegha touna kanakoyakoyaghana.”
105	GEN 4:25	Bi Adam, wavinena teya sivimumurana magha, da tomogha ivitubuyi. Bi ikwatuveni da kana waghawagha Set, basuna Eve iwona bo, “God, wawaya tana iveremayegu da Eibol kana wiitaparara kiiravine, basuna Kein tiinaru ikasunuyi.”
350	GEN 14:13	Bi tomogha tana wiirouwa kamonama ivikanibu iveraipiika Abram biidi, da awaki wiirouwa kamone itubugha na tupana iwoneni, bi noko raghanine na Abram, touna Hibru tomogha, bi Amori dam tomogha kana waghawagha Mamri yana kii kabikabikarawayidi gwagwaridi riiridiye iyamakamake. Bi Mamri yana rakaraka Iskol da Ena yawata na Abram teya siyitoghatii, bi wiiwaghasina sibera da wiirouwa raghanine na siyiwiita kabivivirana.
363	GEN 15:2	Bi Abram, iwona bo, “Yawe God yagu Bada, tagu natunatugu gegha bi yam puyo ghamanakina kate gegha iniwiiteguna. Tam gegha natugu tomogha kuyavereguna, bi anarabobo murine, na Damaskas tomogha kana waghawagha Eliyesa, yagu wiibagubagurana, buderigu tupana inayouna.”
1241	GEN 41:45	Wasina bi kiiwawo Ijipt gamodima Jousep waghawagha ivereni Jepenet-Paniya. Bi bada wasike ivereni da wavinena; kana waghawagha Esenet. Bi tamananaki na Potipera bi On kuburina kana prist. Wasina Jousep Ijipt kuburina tupana ivibadeni.
1817	EXO 11:10	Mosis da Eron mmkodi berakayowiiwiiyaka tupadi Ijipt kana kiiwawo matane sibera, bi Yawe God ibera da kiiwawo nuwanuwana ikotakii, na Isrel damdi geiyiwaghasinedi da Ijipt siyakanibutavenina.
1818	EXO 12:1	Yawe God Ijiptne Mosis da Eron biiyadi mma naboni iwonedi,
1845	EXO 12:28	Na Isrel damdi sinagho da metagha Yawe God, Mosis da Eron iwonedi na naboni sibera.
1848	EXO 12:31	Wasina bi Ijipt kana kiiwawo nubabasuve Mosis da Eron ikwatuvedi sipiika bi iwonedi bo, “Kogeghomiiri! Yagu wawaya kokuyovedi, tami da Isrel damdi! Konagho, yagu kubura kokanibutaveni da Yawe God konakabepepi metagha kovibabana.
1860	EXO 12:43	Yawe God, Mosis da Eron iwonedi bo, “Koughanu porayina siradi mmakatanidi: kuburawiibata wawayidi gesinakanina.
1941	EXO 15:20	Eron toghanaru Miriyam na peroveta wasikena tana. Bi inawa gisina ikabi bi wasiwasike mududi yawata sikanibu da inavidi gisigisidi siyarourouwa bi siyarikuriku.
1948	EXO 15:27	Muriye na sipiika Elim kubure. Noko gawarine na wusira yadi 12 bi kate notuveya kiidi yadi 70. Bi nama rarima ririne sivitaki.
1949	EXO 16:1	Wasina bi Isrel damdi tupadi Elim kubura sikuyoveni bi sikanibu sinagho mayaba kana waghawagha Sin, nama Elim da Sainai Koyana bi basudiye. Noko gawarine na gabudara 15 nawaravi wiibatane bi siverakanibu, nokona nawaravi tana ikovi Ijipt kubura sikuyoveni bi murine.
1950	EXO 16:2	Isrel damdi noko gawarine Mosis da Eron biiyadi bada sigwinimagha.
1994	EXO 17:10	Mosis metagha iwona, na naboni Josuwa ibera, bi Amelek yadi wiiyogha damdi teya sivirouwa. Bi raghanina tanagha, bada Mosis, Eron da Hur sinagho sigae koya debane.
1996	EXO 17:12	Bi raghanina Mosis imana siyamameyana, da gerubana iyarukabepa siyagae, na Eron da Hur akima sikabi da Mosis rogune sitore da debane iyamakekira bi ririne sivimiiri nawaneni da imana sirukabekabepa, na imana gesiyidagudagu patana da gabudara imakepowa.
2191	EXO 24:13	Wasina bi Mosis kana wiiwiita Josuwa teya sikabununagha da koya siyaghiini. Na dogadogara biiyadi ivisisiya iwona bo, “Mma kokoyayimii patana da kanaveramagha tami biiyadi. Bi Eron da Hur na tami yawata mma. Memeda iiyabo wiikawakereyana nuwapoyina gwabine na inapiika toudi biiyadi da sinakabiwiirotomani.” Wasina bi Mosis da Josuwa, Yawe God yana koya aghiinina sidaguni.
2295	EXO 28:1	Wasina bi Yawe God, Mosis iwonena mayeni bo, “Waresim Eron da natunatuna: Nadab, Abiu, Eliesa da Itama kwatuvedi yawata sinapiika. Dam Isrel kamodima na toudi avineyidi da sinabagibagiyegu naboni prist.
2296	EXO 28:2	Bi kounagha kabikabikuwayidi kobera waresim Eron kiiravine, da ragahanina inikote na kanakita ininuwakayowana bi wawaya sinakabikarawayeni.
2297	EXO 28:3	Wawaya akowa kirakiidi kuwonedi, iiyawogha nuwagiura averedi da sawara sinabera. Na toudi kawagha prist kadikunagha sinabera Eron kiiravine bi wawayina konakabireni da tagu inabagibagiyegu naboni prist kiikiiwawona.”
2431	EXO 31:10	bi kounagha wiinuwakayowanidi katukatuyidi poopodi - nokodi na Eron kana gara prist kiikiiwawona kiiravine, da kate gara natunatuna sinakounagha bi sinabagibagiyegu naboni prist;
2440	EXO 32:1	Wasina bi wawaya sikita da Mosis koyama geiyayowogha yaininagha, na Eron sigwagwari bi siwoneni bo, “Geghomiiri da god kiiravidae kunabera da ininaghoveda bi inakoyayida. Noko tomoyina, Mosis iiyabo Ijipt kuburama ikabikanibuveda, na gekayakovi da awaki itubugha touna biidi.”
2441	EXO 32:2	Na Eron iwonedi bo, “Natuwavinemi, natunatumi tomotomogha da wasiwasike taina yodi gouldma beraberadi siyagha na kokabitavetaveyana, bi kokawara kopiika tagu biidi.”
2442	EXO 32:3	Na wawaya tupadi kadi taina yodi sikabitavetaveyana bi sikawara sipiika Eron biidi.
2444	EXO 32:5	Raghanina Eron ikita da wawaya sivinuwamiise, na kau natuna makina naghone suwara gabugabuna gawarina ibera bi iviyonayona iwona bo, “Maram na Yawe God biidi kepo tana tanabera.”
2460	EXO 32:21	Wasina bi Mosis, Eron ivitarakiiyaneni iwona bo, “Mmkodi wawaya awaki tam biidi sibera bi kuvinaghovedi mmko tamumuna ghamana sibera?”
2461	EXO 32:22	Na Eron iwonabodeyana bo, “O bada, genuwanuwam inapughu bi mmkodi wawaya na kwakovidi da yadi wiina metagha bi berona siyabera.
2464	EXO 32:25	Mosis ikita da Eron gerubana wawaya iyakabiwiidouvidi, bi sibera da kadiaviya matadiye toudi neghanegha waghata.
2474	EXO 32:35	Wasina bi wawaya kau natuna makina, Eron ibera bi sipepeteni kiiravine na Yawe God gubaga bero kirakiinama aro iveredi.
2527	EXO 34:30	Eron da Isrel damdi sikita bi Mosis mayiyina iyayeyeghani na sinaghara da gesiyapiika ririnena.
2528	EXO 34:31	Bi gegha da Mosis ikwatuvedi na Eron da Isrel dogadogara siveramagha bi ivisisiya toudi biiyadi.
2720	EXO 40:12	Bi Eron natunatuna yawata kupiikedi Kiregoru Kabikabikuwayina naghone da rarimama kiyekidi.
2721	EXO 40:13	Bi Eron gara kabikabikuwayidima kikounayi, bi mayawaga debane kiwayi da kutoreireni tagu inabagibagiyegu naboni prist.
2739	EXO 40:31	na Mosis, Eron da natunatuna yawata name imadi da kayedi samagha,
2751	LEV 1:5	Yawe God naghone kunakasunuyi, bi Eron natunatuna toudi na prist noko ribiribina ganiganina sinayouna bi Kiregoru Kabikabikuwayina matamketane, suwara gabugabuna gawarina nawanawana yadi 4 sineburidi.
2781	LEV 3:2	Bi Kiregoru Kabikabikuwayina matamketana naghone, imam ribiribina gayamina debane kutore bi kunakasunuyi. Bi Eron natunatuna toudi na prist ribiribina ganiganina sinakabi da suwara gabugabuna gawarina yadi nawanawana 4 sineburidi.
2784	LEV 3:5	Wasina bi Eron natunatuna suwara gabugabunidi debane sinatoura bi sinagibu wiikapu. Mmkona kam suwarina, bi ghabuna na iwaratete kirakii Yawe God biidi.”
3054	LEV 13:1	Wasina bi Yawe God ivisisiya Mosis da Eron biiyadi iwona bo,
3055	LEV 13:2	“Meboda iiyabo gubaga ghamana, nota bo sinina inaruyano bi yaberabera da beka gubagina ghamana, na yana wawaya sinapiikeni prist biiyadi, Eron, bo natunatuna tana.
3847	NUM 6:23	“Eron da natunatuna kuwonedi da Isrel damdi siniimiiseyedi na mmkodi sisiyidima sinawonedi.
3851	NUM 6:27	Raghanina Eron natunatuna yawata kagu waghawaghae Isrel damdi siniimiiseyedi, na Tagu wosina toudi animiiseyedi.”
4102	NUM 13:26	Mosis, Eron da dam Isrel tupana biiyadi Paran mayabine, kubura kana waghawagha Kedesma. Bi yadi kitawiikighu warana dam Isrel biiyadi sivimaghamaghatara da kate noko kuburinama kiiuwa sikawara siveramagha na siviyevevedi.
4111	NUM 14:2	Da gwinima Mosis da Eron siviaviyedi, siwonedi bo, “Toumii kakayoveni da name Ijiptne kayarabobo! Bo meboda mma mayabe.
4114	NUM 14:5	Wasina bi dam Isrel tupana naghodiye bi Mosis da Eron sipepeta da mayiyidi siyowogha dobodobove.
4135	NUM 14:26	Wasina bi Yawe God, Mosis da Eron iwonedi bo,
4314	NUM 20:2	Bi noko kuburine rarima gegha kiiravine, na wawaya tupadi Mosis da Eron sigwagwaridi bi siviaviyedi.
4318	NUM 20:6	Wasina bi Mosis da Eron, wawaya tupadi sikuyovedi bi sinagho Kiregoru Kabikabikuwayina matamkete bi mayiyidi siyowogha dobodobove. Na Yawe God yana kiniwa yeghanina irumaghatara toudi biiyadi,
4320	NUM 20:8	“Yam dighona kabi bi waresim Eron yawata Isrel tupadi kokwatu wiitaghomidi. Bi wawaya matadiye noko akimina kuwoneni da rarima inaveremi. Noko kedane na tam akimama rarima kunapiikeni toudi kiiravidiye, da yadi ribiribi teya sinaniuna.”
4322	NUM 20:10	Wasina bi Mosis da Eron wawaya tupadi sikwatuvedi na akima ghamana naghone sivitaghomidi, bi Mosis iwona bo, “Kowaiyana, tami wawaya kawakeekeemi, bo mmko akiminama rarima kanapiikeni kiiravimiye?”
4324	NUM 20:12	Bi gegha da Yawe God, Mosis da Eron iwonedi bo, “Tami Isrel damdi matadiye gekoyitumaghanegu bi gekoyiyeveveyana da Tagu kabikabikuwayigu kiiravine, na mmko damna kate gekoninaghovedi meko kuburina avisuwona da ayaveredina nabo.”
4335	NUM 20:23	Bi Idom kubura kana wiibarabarate, Hor Koyane Yawe God, Mosis da Eron iwonedi bo,
4336	NUM 20:24	“Tami kubura Meriba rarimine gekoyakabisisiregu kiiravine, na Eron gerubana noko kuburina Isrel damdi avereveredi na inarughuna, bi touna mma inarabobo.
4337	NUM 20:25	Na Eron da natuna Eliesa kurutayinidi kogae Hor Koyana debane.
4338	NUM 20:26	Bi name prist garadi Eron gwabine na kabitavetaveyana bi natuna Eliesa kikounayi, kiiravine Eron nama inarabobo da inanagho nosinosinanakim biiyadi.”
4340	NUM 20:28	Mosis, Eron kana gara ikabitavetaveyana bi natuna Eliesa ivikounayi, bi Eron name koya debane irabobo. Wasina bi Mosis da Eliesa koyama siveramagha siyowogha,
4341	NUM 20:29	bi raghanina dam Isrel akowa sikabi da Eron irabobo, na tupadi gabudara 30 kiiravine sidou.
4374	NUM 21:33	Wasina bi dam Isrel simiiri wamira da keda yageegee Basanma na sikabi sinagho. Bi Basan kana kiiwawo Og yana aviya damdi teya sikanibu da kubura kana waghawagha Edreine sivirouwa.
4381	NUM 22:5	Bi noko raghanine na Jipo natuna Balak, touna Moab kana kiiwawo kiiravine, na sawariyonayona iviporadi da Beo natuna Balam biidi, touna yana kubura wadubove Petone iyamakamake Euprate rarimina ririne. Na Balak wara idaru iwoneni da iyapiika touna biidi na iwona bo, “Dam tana Ijiptma ipiika. Toudi kubura tupana sakabikabimumu bi ririguve samakamake.
4479	NUM 25:7	Raghanina Eron tubuna, bi Eliesa natuna Piniyas touna na prist, mmko ikitana igeghomiiri da koroto ikuyoveni, bi imane iyo ikabi
4483	NUM 25:11	“Eron tubuna, Piniyas touna na prist yana berama iviyeveveyana da yana noghota tagu naboni, bi geiyiwaghasina da wawaya, god mududi siyapepetedina, wasina tagu kawagha. Nuwanuwagu ipughu Isrel damdi biiyadi bi ayanoghonoghota da ayiberodi, bi gegha da noko naboni na Piniyas yagu nuwapughu ivikovini da gegha aniberodina.
4575	NUM 27:19	Bi Eliesa, touna na prist da kate wawaya tupana naghodiye kubera da Josuwa inamiiri bi matadiye karadeba da touna wawaya ininaghovedi naboni kam tupataveyana.
4577	NUM 27:21	Bi Eliesa, touna na prist naghone inamiiri bi kiiravine na Eliesa inibabiigu da yagu nuwagiura Urimve inakabi. Bi yana sisiye, na Josuwa da dam Isrel tupadi sinakanibu bi yana sisiyama na sinaveramagha.”
4578	NUM 27:22	Na Mosis ibera da metagha Yawe God iwoneni na naboni. Josuwa ikabi bi Eliesa da dam Isrel naghodiye ikabiwiimiiri.
5857	JOS 1:4	Yami kubura na Negeb mayabine inadagu bi inanagho da Lebinon koyadiye kikiramutumutuba yana nawae, bi raghani matene Euprate rarimine inadagu bi inanagho da dam Hitti yadi kubura tupana patana da inanagho Mediteriyen Yegiine, gabudara yowoyinama.
6480	JOS 24:2	Bi Josuwa, wawaya tupadi iwonedi bo, “Yawe God, dam Isrel yadi God iwona bo, ‘Naghove waghata kayekikimi Tera da natunatuna Abraham da Naho, Euprate rarimina nawane siyamakamake, bi god mududi siyapeepetedi.
6492	JOS 24:14	Wasina bi Josuwa, Isrel damdi iwonena mayedi bo, “Noko biidi Yawe God kokabisisireni da nuwanuwami tupanama kobagibagiyeni. Tarabiibiisaka mekodi kayekikimi siyapeepetedina, raghanina Euprate rarimina nawane siyamakamake da kate Ijiptne na kovitavetaveyana, bi Yawe God kawagha konabagibagiyeni.
6493	JOS 24:15	Bi memeda Yawe God bigenina konasinighiiyeni, na kata konivinevinegha da meko godna konabigeni, nokodi Eupratene kayekikimi sibigedina bo nokodi god, Amori damdi sibigedina, bi kata yadi kubure komakamakena. Bi tagu da yagu rakaraka yawata, na Yawe God kana bagibagiyeni.”
7215	1SA 1:1	Name na tomogha tana kana waghawagha Elkana, dam Ifreim kamonama bi Rama kwanatune iyamakamake Ifreim yadi koyakoya kubure. Touna Jeroham natuna bi Elihu tubuna bi Tohu yana rakaraka, Jup kana dam muduna.
7216	1SA 1:2	Elkana natuwavinena yadi bata, Hana da Penina. Penina ivituwa ere natunatuna bi Hana na gegha.
7217	1SA 1:3	Bodu nunudigha na yana kuburama iyatutuya iyananono Sailoma da Yawe God Maragata Kirakiina biidi iyakabikuwaya da iyasuwara. Bi name na Eli natunatuna yadi bata, Hopni da Piniyas na Yawe yana prist.
7218	1SA 1:4	Raghanina Elkana yapiika suwara puyodi kiiravine, na iyuwa taridi rereyina tana wavinena Penina yavereni da kate bada natunatuna yaveredi.
7219	1SA 1:5	Bi gegha da bagune Yawe God, Hana yana wiituwa kedana igudu. Elkana, Hana ivinuwayuyunena kirakiiyeni na kana reregha iyuwa taridi waratetena bada iyaverevereni.
7222	1SA 1:8	Na moghanena Elkana iyitarakiiyaneni bo, “Hana, awaki kiiravine kwaduudu da geyamkayowana kam? Bi awaki biiyadi nuwanuwam ibero kirakii? Wiisuwona tagu ware natunatum tomotomoyidi yadi 10 naboni tam biidi!”
7223	1SA 1:9	Gabudara tana, Sailone Yawe God yana bareye sikam da siniuna ikovi murine, na Hana igeghomiiri bi inagho da iyarupari. Noko raghanine Eli touna prist na yana gawara God yana bare kamone matamketa ririne iyamakamake.
7226	1SA 1:12	Hana naboni iyarurupari wiiguriguri na Eli kawana iyaruruwiitete.
7227	1SA 1:13	Touna nuwanuwana kamone iyisisiya na Eli gamona geiyawaiwaiyanenina, bi giburu kawanagha siyidagudagu. Noko kiiravine inoghosi da ware Hana iyaniuna neghanegha.
7231	1SA 1:17	Na Eli iwonabodeni bo, “Nuwaruririye kunagho! Bi Isrel kana God gwabinama awaki kiiravine kwiibaba na inaverem.”
7233	1SA 1:19	Raghani ibori, na Elkana yana rakaraka didibara wote sigeghomiiri da Yawe God sikabepepi bi siveramagha yadi bareye Rama kwanatune. Elkana wavinena teya sikena na Yawe God, Hana yana rupari iwaiyaneni.
7235	1SA 1:21	Raghanina puyo gabudarina ikabimayeni na, Elkana yana rakaraka yawata tupadi sinagho Sailoma, metagha ivisuwona na naboni da bodu tughurina suwarina siyapuyo Yawe God biidi.
7237	1SA 1:23	Elkana iwona bo, “Wasina, awaki kwanoghonoghosi imiise tam biidi na kubera bi kumakae da tomogha gisigisi kunikarataveni, bi Yawe God yana sisiya inabera da inarumaghatara.” Na Hana bareye imakae natuna iyisusu patana da ivikarataveni.
7239	1SA 1:25	Bi bull sisuwara ikovi na tomogha gisigisi na sikabi sipiika Eli biidi
7253	1SA 2:11	Bi Elkana yana wawaya yawata siveramagha yadi bareye Rama kwanatune, bi Samwel, Sailo kwanatune imakae da Yawe God ibagibagiyeni bi Eli touna prist yana wiibadana rogune.