1117	GEN 37:33	Na Jeikap akovina ikabi na iwona bo, “Wasina, mmkona natugu kana kwama! Ribiribi dipa itarunuyi. Oo-o, natugu! Ribiribi itainamiimiini.”
1241	GEN 41:45	Wasina bi kiiwawo Ijipt gamodima Jousep waghawagha ivereni Jepenet-Paniya. Bi bada wasike ivereni da wavinena; kana waghawagha Esenet. Bi tamananaki na Potipera bi On kuburina kana prist. Wasina Jousep Ijipt kuburina tupana ivibadeni.
1927	EXO 15:6	Oo Yawe God, katiiyam na ivimaragata kirakii; bi yam maragatama na aviya damdi kuvitugaogaoworidi.
1937	EXO 15:16	Naghara ghamanakina tupadi debadiye ibeku. Oo Yawe God, yam maragata ghamana sikita na simiiri waghata ware akima, patana da toumii yam wawaya kapepewa da kaveratupiiredi, nokodi wawaya wiibaguranama kugimona mayemiina.
2427	EXO 31:6	Bi kana wiiwiita, na Dan kana dam kamonama, Ahisamek natuna tomogha Oholiyab avineyi. Bi kate bagibagi damdi akakovidi nuwagiura averedi da awaki sawaridi awonem da kunabera na sinabera.
2443	EXO 32:4	Bi gould iyouna da ivirararayidi na sivirarima bi ibera da kau natuna makina igubani. Raghanina wawaya sikita na sirukwatu bo, “O Isrel, god na mmakatanina meko Ijiptma ikabi kanibuvedana!”
2450	EXO 32:11	Bi gegha da Mosis, God nuwanuwana ikani iwona bo, “O Yawe God, yam maragata ghamanama yam wawaya Ijiptama kukabi kanibuvedi, bi noko kiiravine na gegha nuwanuwam inapughu da kuniberodina!
2461	EXO 32:22	Na Eron iwonabodeyana bo, “O bada, genuwanuwam inapughu bi mmkodi wawaya na kwakovidi da yadi wiina metagha bi berona siyabera.
2506	EXO 34:9	iwona bo, “O Yawe God, memeda kuninuwamiise tagu biidi na arurupari da gwabimiiye kunamake. Wiisuwona mmkodi damdi nuwanuwadi sikotakii, bi gegha da bagune, yama beraberodi da tamumu kunoghotatavedi bi kabimii da tamwosina yam wawaya.”
4351	NUM 21:10	Wasina bi dam Isrel sitouya sinagho da kubura kana waghawagha Obotne sivitaki.
4352	NUM 21:11	Bi Obot kubura sikuyoveni sitouya na sinagho mayabe kubura kana waghawagha Iye-Abarim, Moab kubure raghani matana nawane.
4374	NUM 21:33	Wasina bi dam Isrel simiiri wamira da keda yageegee Basanma na sikabi sinagho. Bi Basan kana kiiwawo Og yana aviya damdi teya sikanibu da kubura kana waghawagha Edreine sivirouwa.
4375	NUM 21:34	Bi gegha da Yawe God, Mosis iwoneni bo, “Gekunanagharenina, kiiravine touna, yana wiiaviya damdi tupadi da kate yana kubura imadebamve atoretoredi. Bi Amori damdi yadi kiiwawo Siyon, iiyabo Hesbonne iyibada bi metagha kuberani na naboni mayimayiyina kunabera kiiwawo Og biidi.”
4376	NUM 21:35	Na dam Isrel, kiiwawo Og, natunatuna da yana wiiaviya damdi sigeiwayidi, getana iiyabo siyakabiwiiadina. Wasina bi yana kubura sikabi sivirapeneni.
7220	1SA 1:6	Orananaki Penina, Hana nonowa na wiinamaghama iyisisiya beroveni basuna Yawe God ivigagari da geiyituwana.
7225	1SA 1:11	Na ruparima ivisuwona iwona bo, “O Yawe God Maragata Kirakiim, kitagu, tagu yam wiitamariyana! Yagu nuwapoya kita bi kunoghosigu! Gekuninuwawapiguna! Bi memeda natugu tomogha kunaveregu, na iisuwona da anatoreireni tam kiiravimve yana yawa tupane bi gemeyani gayamina inaborina.”
7240	1SA 1:26	bi sinananaki iwona bo, “O bada! Iisuwonem da tagu noko wasikena iiyabo rorowayinagha kukitagu Yawe God biidi ayaruruparina.
7244	1SA 2:2	O Yawe God, getana iiyabo kabikabikuwayina ware tam naboni. Getana god mududi meme Getana miiribabara ware tam naboni, yama God.
8826	1KI 3:7	Solomon iwonabodeni iwona bo, “O Yawe yagu God, tam tamagunaki kanagaware kutoregu da anikiiwawo, bi gegha da tagu wawaya ededa kawagha na geayakovi da metagha wawaya anibadena yaporidi.
8845	1KI 3:26	Noko pepeyina sinananaki waghata ivinuwayuyunena kirakiiyeni, na douma ikabida iwona bo, “Oo bada ghamam, pepeyina gekunakasunuyina, noko wasikena kovereni!” Bi wasikena tana iwona bo, “Gegha, pepeyina korigha seseri da bata. Da gegha tagu bo touna natuna.”
9011	1KI 8:23	da mma naboni irupari, “O Yawe Isrel kana God, getana da god tam naboni abama kamone bo mma kubura debane. Tam nonowa kwabera da metagha kwiisuwona na naboni, tam nonowa yam wawaya kwiinuwayuyunedi, iiyawogha nuwanuwadi tupadima sakabikabisisiremna.
9316	1KI 16:30	Omri natuna Aheb na Yawe God matene na bera bero kirakiidi ibera, geware kiikiiwawo tupadi mekodi naghone sivibadana naboni.
9340	1KI 17:20	Bi Yawe God biidi irupari iwona bo, “Oo Yawe yagu God, awaki kiiravine nuwapoya ghamana mmko kwaburina kuvereni? Touna iviwaghasinegu da yana bareye amakamake, bi kata natuna kubera da irabobo!”
9341	1KI 17:21	Wasina bi Elaija iroroni da raghani aroba tomogha gisigisi debane bi irupari Yawe God biidi iwona bo, “Oo Yawe yagu God, mmko tomogha gisigisina yana yawa kuveremayeni!”
9370	1KI 18:26	Na kau makina tana sikabununayi bi suwara gabugabuna gawarina debane sitore. Wasina bi Baal biidi rupari sidaguni, didibare da inagho gabudara youbasuve. Toudi siyarurukwatu siyawonawona bo, “Oo Baal, kuwaiyana bodemii!” Bi getana wonabodeyana, na yadi suwara gabugabuna gawarina meko siyoghani na parapa siyiibaga wiikenavivireni.
9380	1KI 18:36	Ravidiye suwara gabuna gabudarine, na Elaija ipepewa inagho suwara gabugabuna gawarine bi irupari iwona bo, “Oo Yawe - Abraham, Aisik, da Jeikap yadi God - kata kiyeveveyana da tamna God Isrel kamone bi tagu na yam wiitamariyana. Bi kiyeveveyana da tam gamomve na mmkodi bera tupadi abera.
12911	JOB 3:3	“O God, sinagunaki ivitubuyigu na gabudarina kasunaghataveni da kate nubabasune siwona bo, ‘Tomogha itubugha.’
14726	PSA 51:3	O God, yam nuwayuyuna geiyakovikovina na miisena kubera tagu biidi. Tam nonowa wawaya kwiinuwapoyedi, na berona ayaberabera na kunoghotataveni;
14735	PSA 51:12	O God, nuwanuwa miisena, bi wouna kuveregu da tam wiisuwone anakivinim.
14739	PSA 51:16	O God tam kuviyawiigu, na kata yagu yawa kitara babaraneni bi yam keda rotomanidi kiiravine nuwamiiseye anataworedi.
14740	PSA 51:17	O Bada, kiwiitegu da anisisiya da tam anakabepepim.
14742	PSA 51:19	Raghanina atoreyowoyena mayegu bi iibabiim da yagu tamumu kunanoghotataveni, na nokodi suwara naboni na tam yam kayowana. O God, gekuyamiimiiri kubutegu raghanina yagu tamumu kiiravine iinuwapoya bi arupari tam biidina.
14743	PSA 51:20	O God yam nuwasisirama na Zaiyon biidi miisena kunabera; bi Jerusalem papana kunayoghana mayeni.
14946	PSA 67:2	O God, kinuwanuwaghanemii, da kimiiseyemii bi mayiyim kubera da inarukarata toumii biiyadi.
14948	PSA 67:4	Na dam bi dam tupadi tam sinakabepepim, O God, wawaya tupadi na tam sinakabepepim!
14950	PSA 67:6	Na dam bi dam tupadi tam sinakabepepim, O God, wawaya tupadi na tam sinakabepepim!
15859	PSA 110:5	O Yawe God, kiiwawo na katiiyamma yamiimiiri da babarem kiiravine. Bi kiikiiwawo korotodi inikasunughana raghanina nuwanuwana inapughuna.
15975	PSA 119:9	O Yawe God metagha tomogha yaragina keda rotomanine inamake? Nokona wonam kabisisirenina.
16324	PSA 139:17	O God ipiropiro kirakii da tagu yam noghota parapa anakovidi basuna toudi sipeyara kirakii!
16328	PSA 139:21	O Yawe God, tagu iiyawogha sasinighiiyem na asinighiiyedi, da iiyawogha gesiyakabikabi sisiremna.
16330	PSA 139:23	O God, kita rughuwona da nuwanuwagu kunakita bi kuruyaghagu da yagu noghota kunakovi.
19021	JER 1:6	Na awona bo, “O Yawe God, tagu tomogha gisigisi kawagha, bi geayakovi da metagha anisisiya!”
19498	JER 20:7	“O Yawe God, tam kukuwiitupi da yam sisiya wiiwiiyabidi avigeruvedi. Tam parapa maragasim bi tagu noganogagu, na kugeeiwayigu. Gabudara patepatena wawaya sawonawiinamayena pomegu, sanoghosi da tagu geakakoviguna.
19503	JER 20:12	O, Yawe God Maragata Kirakiina, wawaya iiyawogha yadi bera rotomanidi mata kamomve, na yadi berabera kwaruruyaghadi, tam yadi noghota da wiina tupadi kwaruruwiitete yapoyaporidi. Na mmko yagu nuwapoyina ima debamve atoretore, bi awiiwiini anakita da kagu aviya aro kunaveredi.”
19767	JER 31:7	Yawe God iwona bo, “Isrel kiiravine kotawora da kovinuwamiise, kami dam ghamanakina kiiravine korukwatu! Yami kabepepa ayidi rukwatuma mma naboni kotawora, ‘O Yawe God yam wawaya kiyawiidi, Isrel damdi mekodi patana yawayawiidi samakamakena!’
22614	JON 1:14	Na sirukwatu Yawe God biidi siwona bo, “O Yawe God, kiibabiim gekunaberamii da mmko tomoyina kiiravine kana rabobona. Gekuniwawumii da mmko tomoyina miisena kaya kasukasunuyina. Yam basuna miisena kiiravine na mmko bogibogina kudaru touna debane.”
22619	JON 2:3	Iwona bo, “O Yawe God, yagu nuwabero ghamana kamone bi tam biidi arukwatu, na kuwonabodegu. Bi wawaya raborabobodi yadi kubura kamonakinama wiiwiita kiiravine adou na tam kuwaiyanegu.
22639	JON 4:2	Na irupari bo, “O Yawe God, raghanina tagu patana yagu kubura kamone, na awona da mmko iyatubugha, noko kiiravine tagu akabununagha bi avera ayanono Tasis kwanatune. Tagu akovi da tam na kayowiiyayeyana da wiinuwaghaneyana kana God, genuwanuwam iyapughupughu yaininagha bi yam nuwamonika na makewaghawaghasina, bi gegha da yam noghota kuwamiri da wawaya gekuyakasiwiiberodina.
24710	MRK 11:1	Raghanina Yesu kana kivikivina teya Jerusalem siyitutukabikabina, Betapage da Beteni kwanatudi riridiye na sipiika koya kana waghawagha Oliv Koyane. Bi kana kivikivina bata iviporadi sivinagho
24789	MRK 13:3	Wasina God yana bare bi nawane Oliv koyana debane Yesu iyamakamake, na Pita, Jemes, Jon da Andru wiikowoye sivitarakiiyaneni,
24849	MRK 14:26	Wasina bi ayii tana sitawori bi Jerusalem sikanibutaveni sinagho Oliv koyane.
27004	ACT 1:12	Wasina bi apasol siveramagha Jerusalem kwanatune, Oliv Koyanama bi noko tarabogina yana rabaraba na gegha gurina da Jerusalem kwanatuna.
27615	ACT 17:23	Noko awonenina basuna yami kwanatu ayiitubata wiikenavivirena raghanine, na yami kabepepa sawaridi akita bi bada suwara gabugabuna gawarina tana abanani bi debane na mma naboni girugirumina, MMKO GAWARINE GOD MEKO GEKAYAKOVINA KIIRAVINE KASUWARI. Tami noko God na gekoyakovi bi kopeepeteni - na tagu noko God na kiiravine anawonemi.