4	GEN 1:4	God yeghana ikita da imiise; na yeghana da wiididibara ivibogabogaedi.
39	GEN 2:8	Bi Yawe God raghani matane, Eden kubura kamone kwabu tana ikabununayi; da name tomoyina iberana itore.
50	GEN 2:19	Wasina bi tanawa dobodobo nama kwabu ribiribidi tupadi da kiidamo manudi tupadi iberadi. Bi kate ipiikedi bi iyakita da metagha tomoyina iyiwaghawaghayedi; bi metagha ribiribi tupadi iviwaghawaghayedi na wasina kadi waghawagha naboni.
62	GEN 3:6	Na wasikena ikita da kii uwana kanakam ivinuwakayowana bi kiina ivimatakonakona, da kate kiina nuwagiura iyavereni, na uwana mududi iyouna bi ikam; da kate mududi moghanena nama yawata na ivereni, da touna bada ikam.
63	GEN 3:7	Wasina bi yadi batabata matadi siruyeghana, da sakowa bi sinoghota da ighanidigha; na bidogo rugurugudi siwaturatawatawana naboni kwama da sivikasibabara.
70	GEN 3:14	Na Yawe God mota iwoneni bo, “Tam mmko berana kubera kiiravine na aro kunakabi; ribiribi tupadi ananamanidi da gegha ananamanidi kamodiye, na tam kawagha aro kunakabi: kata da nabo inagho na tam dobodobo debanagha kamokamomma kunasasa, bi popoku kunakamkam yam yawa kamone.
71	GEN 3:15	Bi anaberam da wasike teya nonowa koninuwapughu kabivivirana; kate anabera da touna nosinosina da tam nosinosim nonowa siniaviya. Touna nosina gayamim initugudaguda bi tam touna nosina kayegiduna kunarutarayi.”
1171	GEN 39:21	na Yawe God na gwabine; bi ivinuwayuyuneni da ivimiiseyeni, na biwa gawarina kana bodaboda ivinuwamiise kirakii touna biidi.
1187	GEN 40:14	Bi raghanine bera inarotomana tam biidi na kunoghosigu bi yam miisena anakita, da kiiraviguve; kiiwawo biidi kunikawa da mmko gawarinama anikanibutaveyana.
1193	GEN 40:20	Wasina bi gabudara aroba murine, na kiiwawo yana tubugha gabudarine, na kepo tana ibera yana ababagibagi damdi kadi babada ghamaghamadi kiiravidiye; redu kana verevereyana badana da kam kadi gabugabuna badana ivikanibuvedi yana ababagibagi damdi kadi babada naghodiye.
1196	GEN 40:23	Bi redu kana verevereyana badana gegha Jousep iyanoghosina; touna Jousep ivinuwawapi.
1234	GEN 41:38	Na yana wiitamariyana iwonedi bo, “Wiisuwona God kanumina Jousep gwabine; touda gerubana wawaya tana nuwanuwagiurina tana banani ware mmko tomoyina naboni.”
1241	GEN 41:45	Wasina bi kiiwawo Ijipt gamodima Jousep waghawagha ivereni Jepenet-Paniya. Bi bada wasike ivereni da wavinena; kana waghawagha Esenet. Bi tamananaki na Potipera bi On kuburina kana prist. Wasina Jousep Ijipt kuburina tupana ivibadeni.
1830	EXO 12:13	Bi ganigani matamkete na yami bare kana matakira, bi iniyevevegu da nokodi barediye na nama kamone komakamake; bi raghanina ganiganina anakita, na anaveratupiiremi. Bi getana awaki berona tami biiyadi inatubughana raghanina Ijipt kuburina biwa anavereverenina.
1922	EXO 15:1	Wasina bi Mosis da Isrel damdi Yawe God biidi mmko ayinama sikabepepa, mma naboni sitawora, “Tagu, Yawe God anakabepepi, basuna kana aviya parapa igeiwayidi; bi hosi da seriyot ere aviya badadi yegiiye ivitavenayowoyedi.
1923	EXO 15:2	Yawe God na kagu wiiwiita maragasina na ayima anakabepepi; touna iviyawiigu. Touna na yagu God na anakabepepi, bi tamagunaki yana God na anakabikuwayeni.
1925	EXO 15:4	Ijipt kana kiiwawo yana seriyot da iyo tomotomogha yegiiye ivitavenayowoyedi; bi kiiwawo yana babada miisedi Yegii Idurine iviniudonadi.
1926	EXO 15:5	Bi rarima wautapudi isowodi; na sinibuka siyowogha sinagho yegii dibune ware akima.
1927	EXO 15:6	Oo Yawe God, katiiyam na ivimaragata kirakii; bi yam maragatama na aviya damdi kuvitugaogaoworidi.
1929	EXO 15:8	Yawiimma yegii kuveni na rarima ivitaghotaghoma mayeni, bi yabarata simiirikikita ware papa; bi rarima wautapudi yegii nuwanuwane na sikakokako.
1931	EXO 15:10	Bi gegha da, yawiimma yegii kuvenatatabi na isowomumudi; da yabarata maragasidi kamodiye sinibuka ware akima vitadi.
1935	EXO 15:14	Dam mududi awaki kuberana sisiyidi siwaiyana na naghara ikabidi. Pilistiya damdi naghara ghamana ivibonuvidi;
1936	EXO 15:15	Idom kubura kana dogadogara sinaghara kirakii; bi Moab kubura kana babada ghamaghamadi sinaghara na siyakirokiroro; bi Kenen damdi tupadi yadi noghota ibeku da gesiyimaragatana.
2211	EXO 25:15	Paghodi kwakiye kokuyowana; gegha konakabitavetavedina.
2425	EXO 31:4	Bi katugha wiinuwakayowanidi beradi bi kate gould, silva da bronsma sawara beradi;
2429	EXO 31:8	kiinabonabo bi kate kana sawara; kibe miimiiri gouldma sibera bi kate kana sawara, da sikoko kana gabugabuna gawarina;
2431	EXO 31:10	bi kounagha wiinuwakayowanidi katukatuyidi poopodi - nokodi na Eron kana gara prist kiikiiwawona kiiravine, da kate gara natunatuna sinakounagha bi sinabagibagiyegu naboni prist;
2432	EXO 31:11	bi wawaya bo sawara toreiredi kana mayawaga; da kate sikoko ghabughabu gawara Kabikabikuwayina kiiravine. Bi wawaya nuwagiura kirakiidi mmkodi sawaridi sinabera metagha awonem na naboni.”
2451	EXO 32:12	Memeda kuniberodi, na Ijipt damdi sinawona da yam noghota berona bi Isrel damdi kupiikedi koyae, da kubura debanama kunibero tuwanonoyidi. Na genuwanuwam inapughuna; yam noghota kuwamiri da gekuna kasiwiiberodina.
2469	EXO 32:30	Raghani ibori na Mosis wawaya iwonedi bo, “Tami tamumu bero kirakiina kobera. Na katana anaveramagha anagae koyae; da memeda tamumu noghotataveyanina Yawe God gwabinama anakabi tami kiiravimiye.”
3274	LEV 18:22	Gegha tomogha tana tomogha turana yawata sinimumuranana, mayimayiyina wasike teya; Mataguve na mmko ibero kirakii.
4103	NUM 13:27	Wasina bi tomotomoyidi, Mosis siwoneni bo, “Tam noko kuburine kuviporami kanagho, na tanavina moumourina, da kwabudi miisedi; bi kam wiiyeveveyana na kiiuwadi makatanina noko kuburinama.
5229	DEU 11:19	Natunatumi koviyevevedi; yami bareye konamakamake na Yawe yana gwara konisisisyedi bo kedae konapeepewana, nubabasuve kena kiiravine bo raghani diidibare kogeghomiirina.
5383	DEU 17:17	Bi kiiwawo genatuwavinena korotodi inayounana. Memeda inabera, na kate nuwanuwana sinatayina wamiri da Yawe God geinakivinina; bi bada moura geinituwiitaghomana.
5738	DEU 31:8	Bi Yawe God touna wosina ininagho naghomve, bi yawata gwabimve; kate gemeyani inakuyovem bo inakayosinighiiyemna. Gegha kunanaghara bo kuninuwapoyana.”
5842	DEU 34:1	Wasina bi Mosis, Moab ruwiipikapikanama itouya inagho da Nebo Koyana iyaghiini bi igekamokamogha da igekawaruwana koyapokona sakwatuveni Pisga, bi nawane na Jeriko kwanatuna. Bi Yawe God kuburina tupana iviyeveveni; Giliyed kubura da inagho Dan kwanatune,
7221	1SA 1:7	Bodu patepatena mmko berana iyatubutubugha; raghanina sanagho Yawe God yana bareye, na Penina nonowa Hana yimarumaruveni na yinuwapoya kirakii da yadou na kam yasinighii.
7243	1SA 2:1	Wasina bi Hana ruparima iwona bo, “Tagu, Yawe God biidi avinuwamiise; Yagu maragata touna yavereveregu, bi iviyawiigu na iinuwamiise, noko kiiravine kagu aviya iinamayedi.
7245	1SA 2:3	Na anawona bo, ‘Yami kabigeegeeyana kokabitoura; yami noghota mayeyana sisiyidi tughuridi kotoura. Basuna Yawe God bera tupadi iyakowa bi yami bera initupawamiwamiredi.’
7246	1SA 2:4	Yawe God, tam aviya damdi yadi riwariwa kugiidi; bi wawaya noganogadi kukabi wiimaragasidi.
7248	1SA 2:6	Tam rabobo kwiitubuyi bi yawa kwavereyana; Wawaya karawage kwatoredi bi kwakabiwiigeghomiiridi.
7249	1SA 2:7	Yawe God, kwabera na wawaya mududi sagomara bi mududi samoura; kwabera na mududi kwatoreyowoyedi bi mududi kwatoregeeyedi.
7250	1SA 2:8	Moyamoyakidi popokuma kwakabiwiimiiridi bi wiikanighughuvidi yoghoma kwarukabepidi da kiikiiwawo yawata samake bi kabikuwaya gawaridi sirapeneyana. Bi kubura tupana na tam Yawe God rapemve; bi bera tupadi kadi gaware kutoredi.
9124	1KI 11:13	Bi gegha dam Isrel tupana yana wiibadanama anakabitavenina; Tagu yagu wiitamariyana Deivid da Jerusalem kwanatuna, meko avineyi da rapeguve na noghosidiye dam tanagha yana wiibadana rogune anakuyoveni.”
9365	1KI 18:21	Elaija wawaya tupana naghodiye imiiri bi iwonedi bo, “Raghani meme bi noghota bata basudiye konituyakayakata? Memeda Yawe touna God, na kokivini; bi meboda Baal touna God, na wasina kokivini.” Bi gegha, wawaya tupadi sivikawapotapota.
10139	2KI 21:16	Bi kate bada, Manasa igeghomiiri da bera miisedi kadi berabera wawaya korotodi ivikasunughana, na Jerusalem kwanatuna kedadi na ganigani ibonuvi; Na mmko berana ibera na bera katamanina ivikiitayineni bi Jiuda damdi ivinaghovedi da tarabiibiisaka siyapeepetedi bi tamumu siyaberabera Yawe God matane.
12894	JOB 1:21	Na iwona bo, “Getana awakima ayimakabi babarana bi atubugha, da getana awakima animakabi babara raghanina anarabobona. Yawe God sawara iveregu, bi bada Yawe God sawaridi gwabiguve na ikabitavetaveyana; na Yawe God kana waghawagha anakabepepi.”
12913	JOB 3:5	Wiididibara ghamana noko gabudarina inibonuvi; Uwa wowonagha inasowo mumu, bi mmko wiididibarina inabera da sinagunaki ivitubuyiguna gabudarina inanaghara kirakii.
12914	JOB 3:6	Wiididibara ghamana noko nubabasuna inakabitawani! Noko nubabasuna kate geininuwamiise ware gabudara mududi naboni bodu tana kamone; genoko boduna kamone sinakabiyawa wiikapuna.
12921	JOB 3:13	Memeda yagu tubugha raghanine ayarabobo, na tagu ayakenayowogha, ayiraborabobo; Augunai da tagu ayakenakena, bi nuwaruririye ayiiyawiitaveyana.”
12938	JOB 4:4	Yam sisiya na wawaya bekubekudi ikabiwiigeghomiiridi; bi wawaya utukirokirorodi kuberadi da sivimaragata.
12939	JOB 4:5	Bi katana piropiro ipiika tam biidi, na tam gekuyitumaghanana; piropirona ikabitowoyim, na parapa kwanaghanaghara.
13800	JOB 38:3	Kabunagha da tomogha naboni bagibagi ghamana kiiravine; Basuna gwabiguve na wiitarakiiyana viya tam kiiravimve, da kunawonabodeyana.
14726	PSA 51:3	O God, yam nuwayuyuna geiyakovikovina na miisena kubera tagu biidi. Tam nonowa wawaya kwiinuwapoyedi, na berona ayaberabera na kunoghotataveni;
14729	PSA 51:6	Tagu berona tam biidi abera, tam kawagha; yagu kabikwayo matam kamone ibero. Na raghanina kuwonegu bo, “Tam bera berona kubera!” Na tam wonawaghata kwiisisiya. Raghanina aro kunavereguna, tam bera rotomanina kwaberabera.
14732	PSA 51:9	Yagu berona ayaberabera na kukoghataveni da anamiise magha; da parapa anapoe wamira.
14737	PSA 51:14	Kuberagu da aninuwamiise magha, ware dagudagune kuviyawiiguna raghanine naboni; kuberagu da yam sisiya kabisisirenina nuwanuwagu inasisira.
14743	PSA 51:20	O God yam nuwasisirama na Zaiyon biidi miisena kunabera; bi Jerusalem papana kunayoghana mayeni.
15454	PSA 90:11	Getana iiyabo parapa iyakakovi da yam nuwapughu maragasina metagha; meboda yam nuwapughu kayakowa yapori, na parapa kayakumararayem.
15525	PSA 95:5	Yegii tupana yibadeni, meko iberana; bi bada tanawa, meko touna wosina ikabiwiipakipakina.
15526	PSA 95:6	Kopiika, kobera da tanapepeta bi tana kabikuwayeni; kobera da Yawe God naghone tanituwapore oghogheyana, kada berabera tomoyina!
15527	PSA 95:7	Touna na yada God; bi touda na yana wawaya, na yakoyakoyayida, ware sip bodaboda yana sip yakoyakoyayidina naboni. Kata kowaiyana Yawe God awaki yawonewoneni:
15579	PSA 100:5	Basuna Yawe God na wiinuwanuwaghaneyanina; yana nuwamonika na makewaghawaghasina bi yana nuwamiise na inanowiikarukaru kimta bi kimta biiyadi.
15622	PSA 103:6	Yawe God yana wiiwiita na yayowogha wawaya biiyadi basuna yana keda na nonowa rotomanidi; bi raghanina wawaya berona sabera na Yawe God toudi wawayidi wiitupawamiwamira yaveredi.
15627	PSA 103:11	Yana nuwayuyuna touda kiiravidae, iiyawogha sakabikabikarawayeni na gegha damonana; nuwayuyunina na iragata kirakii, gegha abama yana ragata naboni.
15629	PSA 103:13	Ware tamada natunatuna yanuwatotovedi na naboni, bi Yawe God iiyawogha sakumakumararayeni na yanuwatotovedi;
15976	PSA 119:10	Nuwanuwagu tupanama iimatipo da anabagibagiyem; na kiwiitegu da yam gwara kabisisiredi geanasinighiiyedina.
15981	PSA 119:15	Bi yam keda ananoghonoghosi; yam gwara kiiravidiye na yagu wiinuwanoghonoghota kamone nonowa ananoghonoghosidi.
16315	PSA 139:8	Meboda anagae abame, na tam nama; Bo meboda anarabobo bi sinadogugu, na tam nama.
16321	PSA 139:14	Bi kubera wiimasiyegu kiiravine na iikiikiivem; bagibagi tupadi kwaberabera na waratetedi. Tagu nuwanuwagu tupanama akovi.
16327	PSA 139:20	Toudi sisiya berodima sigiboyim; bi kam waghawagha gesiyakabikabi karawayenina.
16709	PRO 9:1	Nuwagiura yana bare iyoghani ware abayoghayoghana yaberana naboni; touna barena kiiravine na kanakoghora yadi 7 itarakatukatuyidi.
16821	PRO 13:4	Wawaya kapokapoyanina parapa yana wiina sawara, bi gegha da getana awaki iyakabikabina; bi wawaya bagibagi kirakiina na awaki yakayokayovenina inakabi.
16841	PRO 13:24	Wawaya iiyabo natuna aro geiyaverevereni, na touna natuna geiyinuwayuyunenina; bi wawaya iiyabo natuna yinuwayuyuneni na raghanina natuna bera berona inabera na inakabiwiirotomani.
17127	PRO 23:13	Gekunanaghara da natum bera berona iberana aro verenina; bagune memeda kiima kurouvi kate geinarabobona.
17226	PRO 26:15	Wawaya kapokapoyanina imana kana kam dabirina kamone yatore; touna ikapokapoyana kirakii da gerubana kam inakabepi da kawane inatorena.
17391	ECC 1:6	Yanunu wareregubugubura yana nawae yatapi yanagho, da yatapi wiikenavivira yagae yanagho kikiramutumutuba yana nawae; yanunu yatapi da yatapi wiikenaviivira.
17393	ECC 1:8	Sawara tupadi saberam da kwamameyem; wawaya kate gerubana noko kiiravine inisisiyana. Bagune mata yakitada meme, bi gerubana inanunurina, bi taina yawaiyana da meme, bi gerubana inanunurina.
17477	ECC 5:9	Memeda mane kuninuwayuyuneni, na kate gegha inanunurimna; bi meboda kwakayokayoveni da kuna moura, na kate geyamkayowana tupadi kunayounana. Yam nuwagiura na kwebuna.
17479	ECC 5:11	Wawaya iiyawogha sabagibagi kirakii na sakena yapora, bagune memeda sakam kirakii bo gesiyakamkam kirakiina; bi wawaya moura ghamana teya, na geiyakenakena yaporana.
17598	ECC 12:5	Tami gawara kiidamo kirakiidi konanagharedi, bi kedae pepewa na sinikumakumararayina. Raghanina almond kiina yapopona; bi tatata tounamani yatayinakwaro mayeni - miimiikiidigha yatete yanagho, bi wiina tupadi na sinamomogha. Kiiravine wawaya na sanono yadi wiiyawiitaveyana gawarina makewaghawaghasine, wasina bi nama kedae na duudu inaghaaghari iiyawogha sirabobo na kiiravidiye.
17599	ECC 12:6	Bi kwaro silvama siberana inatamoyaragha, bi kaboma gouldma beraberana inagawowori; bi kiyabu wusire makamakena inatamogawowora; bi kwaro doguve yarororoga na inatamoyaragha; bo wil doguve inatamorika.
17901	ISA 9:1	Wawaya wiididibare sapeepewa na yeghana matakonakonana sikita; bi iiyawogha wiididibara ghamane samakamake, na yeghana irukarata debadiye.
17955	ISA 11:1	Kiiwawo wouna Jese nosinosina kamodima inapiika; ware kiighabi naboni iyakarapumka iyakanikanibu, ragharagha wouna kiikotowa ramramnama inagogo da inuwagha.
17962	ISA 11:8	Pepeya, mota ere tuwamorobidi kadi bonagha riridiye sinirekwa; bi ededa gisigisidi bada mota googonidi kadi nighuve imadi sinatoura bi gesinakanidina.
18391	ISA 35:1	Nokodi raghanidiye na mayaba da warere sininuwamiise; bi saru gubure na sinapopo.
18396	ISA 35:6	Wawaya digadigadi sinikapokapoka ware diya, bi kawa gumegumedi nuwamiiseye sinarukwatu. Rarima tanawama sinawusira sinagae da mayaba sinavera rughuwonedi;
18398	ISA 35:8	Keda ghamana kana waghawagha “Keda Kabikabikuwayina” na noko gawarina inavera rughuwoneni. Berabero wawayidi gemeyani debane sinapepewana, nokona God yana wawaya kawagha kiiravidiye; wawaya kawakeekeedi geririnagha sinapepewa wapawapana.
18741	ISA 50:9	Kita, Yawe God na yagu nawae da yiwiitegu; Iiyabo inawona da tagu bera berona abera? Kagu wiiwawu wawayidi tupadi na sinamomogha ware gara katamanidi beba sakamna naboni.
18774	ISA 52:8	Kuwaiyana, wawaya iiyawogha yam kwanatu sakighukighu na sarurukwatu; bi toudimani matadima sikita da Yawe God yaveraveramagha Zaiyonma, na nuwamiiseye sarurukwatu patapata.
18779	ISA 52:13	Kita, yagu wiitamariyana yana bagibagi inabera wiimasiyeni da yana bagibagi uwadi sinatubugha; Tagu anarukabepi da wawaya tupadi inageetawanidi bi kabi karawagha ghamana sinavereni.
18780	ISA 52:14	Wawaya korotodi raghanina sikitana sikabinokeni; toudi sirouvi siviberoberowaneni da mayiyina kitana ivibogae, bi kanakita iwamiri da gegha naboni ware wawaya.
18787	ISA 53:6	Bi tupada, na ware sip naboni tasiwana, touda tatadigegha, yada kedae yada kedae tanono; bi gegha da Yawe God yada berona da yada tamumu na tupadi touna ivikawari.
18829	ISA 56:6	Muriye, na kubuna damdi sinaveremayedi Tagu, Yawe God biidi da yagu kayowana sinabera; toudi sininuwayuyunegu bi sinakabikuwayegu. Toudi yagu wiiyawiitaveyana gabudarina sinakabikarawayeni bi noko gabudarina kana gwara ayavereveredi na gesinikasigiiyeni da siniberona. Bi yagu wiiwaghasina maragisina sinakabitawana kikisi.
18916	ISA 61:3	Bi wawaya tupadi Jerusalem kamone iiyawogha sinuwabero kirakii na aniwiitedi, bi yapukare gayamidiye wasadi na tagu kepamara pinavina anaveredi. Toudi oilma gayamidi sinighoudi da yadi nuwamiise kana matakira bi gemuriye sinadou maghana. Bi nuwavisi wasadi, na kabepepa ayidi ware kadi gara naboni. Yadi bera na parapa rotomanidi, toudi ware kii miisedi bi maragasidi; Yawe God touna wosina kiidi iwawa da wawaya iyiyevevedi da yana miisena iwaratete awaki patana.
19434	JER 17:8	Toudi ware kii rarima kawabarane sagoogo na naboni, ramramdi sayowogha sanagho rarima ririne. Toudi gabudara muyamuyana gesiyinuwapoyenina, bi raghanina kiyara gegha na naghara gesiyakovina, basuna toudi rugurugudi na nonowa matayidi samakamake; bi nonowa suwuwagha.
19793	JER 31:33	Bi raghani yapiipiika na tagu wiiwaghasina maragasina wouna Isrel damdi yawata kanabera na mma naboni; Tagu yagu gwara gayamidiye anatore, da nuwanuwadiye anagirumi. Bi tagu na yadi God bi toudi na yagu wawaya.
20445	LAM 3:22	Yawe God yana nuwamonika kiiravidaye na getughurinana, bi yana wiinuwaghaneyana gegha iyakovikovina;
22626	JON 2:10	Bi kiiraviguve, na tam anakabepepim; tagu na tam anasuwarim, bi avisuwona da nokodi sawara ayabera tam biidi na anabera. Yawe God, tam kawagha kuviyawiigu.”
24478	MRK 6:2	Wiiyawiitaveyana gabudarine na wiiyeveveyana kabepepa barena kamone idaguni. Wawaya korotodi nama; bi siwaiyanenina tupadi sivisokoveni. Sivitarakiiyana vivirana, “Meme noghota tupadi iyouna?” bi “Metagha da iyakowa kirakii da berakayowiiwiiyaka yabera?”