45	GEN 2:14	Ro una do be ije Taegirisi fu kanana aesakae Asiria ijia vae. Ro do be ijeja Ufiretisi.
89	GEN 4:9	Areme Godi fu uri Keini kumei, Uvia one Eboro fu izieburekino kumei? Fu ijiege kumemoga Keini fu una gue kumei, Na uvia none ije na nare maza boeje samuavo baki. Ijadufuo fu iziebure oenoeno ije nake naebe gae.
90	GEN 4:10	Fu ijiege kumemoga Godi fu kuae, Vame ije a kema ije fuka ma ise. Uvia one a kanaema ijadufuo kavuane ije fu sakaedo ijia usiaema ije nane gae. Kavuane ije fu vierafe na fu vafaekiro fu ije e igege nimena na kurarieme.
190	GEN 8:6	Areme maza foti (40) ijiege furikoga Noa fune uri viene daovena ume kadia ijene dabe nujamo fune vae. Ume ije fu vaema fu naebe una ruae. Ro fume kave ijia oenoeko vakuma do ije funeka mukoreigia sina ari.
258	GEN 10:23	Ro una e Aramedo uifari ijeja e Usiko ijiakina e Uruko ijiakina e Getako ro e Miseko ijene.
262	GEN 10:27	Ro kuke uifari gue ijeja e Adoramiko ijiakina e Usavoko ijiakina e Dikiroko ro e Obariko ijene. Ro uifari gue ijeja e Abimaeroko ijiakina e Sibako ijiakina e Ofiko e Avirako e Jobabeko ijene. Ame boeje bu e Jokitanido uifari ijene.
550	GEN 22:2	Areme Godi fu kume, Urina Aeseki fari one ka besu a ma ireobo oetuamo ijene mesirina uri are Moraea ijia vane. A ijia vaga na uruo be nijasaga a ijia fari one ije abe kanana na zinone ifaejieno kumei.
568	GEN 22:20	Eburame fu ijia fino ijia rade maza be bu ebe iviene fuone e Neodo bara Miruka ame eiti (8) fu tuanaema ijene kuarae. Ro ame ijiebuo ive ijeja boga ije e Uzi ro uviarafa fuone ije e Buzikina Kemuero e Aramedo asoe ijene. Ro e Kesetikina e Ezokina Firudasikina e Jidirafiki e Betuero bara Ribekado asoe ijene. Eburamedo uvia e Neodo bara Miruka fu ame uije eti (8) ijiege tuanae. Ro e Neo fu una bara Ruma bara ije fu fuefuo imeno ijiaki naenoga fu ame bino duaku tuanae. Ro ame amure ije Teba ro be ije Garami ro be ije e Tarasi ro iviene ije e Maka ijene tuanae.
670	GEN 25:11	Eburame fu baronekoga rade Godi fu fari fuone Aeseki daro mamo fu are be bu kua E Ni Uria Fino Fu Na Giemono kuavo ijia fi.
770	GEN 27:42	Ijadufuo Ribeka fu vua ije fiena uri kiamo bu Jekafu mesirina rovoga fu urina kuae, Uvia one ije fuka ziemo ijadufuo fuka naebe oemarei. Ijadufuo fu a biedakuma fuka kanakiro kuaemo na fie.
861	GEN 30:30	Ude mave-sifi one bu naebe uruvana rei rove mazani ije na ruaeva ijia buka ma uruvana rei. Ro are boeje iziebure na oenoeva ijia E Ireobo fuka a daro mana mukoreigia ifejamoga ire boeje buka maradiae. Ro naeje na izege reke? Ijadufuo iviama nine irere na rade ijia bijua fidufuo ije vajieno kuae.
970	GEN 33:9	Rove Iso fu una kuae, Uviano na vierafe ire boeje na fune mani ma ijadufuo ni una one keno kuae.
971	GEN 33:10	Ro Jekafu fu una kuae, Uviano a na giega fuka oemadavoga ni a isekie subine ije na a vajavo ije oemarekinu kene. Na nikubae one ije gavo ije naka Godido nikubae igege gave. A iviama aka una nosiki kai mukore rei.
1069	GEN 36:28	Ro e agane Uzikiro Arane ijiebuo asae buone ijeja e Disane.
1075	GEN 36:34	Ro ura ijuone fuone ije kini Usame are Temanaetiko ijare.
1117	GEN 37:33	Areme asoe buone fu gake fune ma fari fuone ijadufuo ugone fu abiemo ijene. Ijadufuo Jekafu fuka uri vijena nimekinu kiae, Ugone ige funeka fari none ijadufuo! Na vierafe buneka fanu kuriae taraeko ijiebe fari none ije bune saki dabe buvuase igana ugone bu dabe ijia aberevano kiae.
1289	GEN 42:36	Ijadufuo Jekafu fu uri kiae, Ja anafa none jare ijiege rena ame none inokiro jane kame izege uniaejie. Ude ja Josofu babue areme una Simioni babue. Ro iviama ja una kuke Bezimani mesiri vakuae kieve. Jaja ijiege abekoke naeje naneka ma urukeigia isejavaevo jabe gievono kiae.
1376	GEN 45:17	Areme kini fune urina Josofu kuae, Uviarafa one kiaga bu mave-doniki buone kena una va gamia Kenani usiaena asoe buone ijiakina agane buone kaenamiana una igia ruafo. Bu roga nare Ijifiti guove igia are ma be ije miaga bu ijia karina ire boeje bu ijia tavuavo ijene karina oemarekinu inoeke.
1406	GEN 46:19	Ro una Jekafudo bara Resero ije fudua fu ame fotini (14) ijiege nafenoga bu uri ame buone bino duaku tuanae. Ro fari buone e Josofu ije fu va Ijifiti ijia fina areme uri bara Asenati e Fotiferado kabae ije abei. Ro e Fotifera fu e Oni ijiebuo e zinone ifaejemo be. Ro Josofukiro bara Asenati bu ame inokiro e Manasakiro Ifuremi ije nafei. Ro e Bezimani fu urina anafa fuone e Berakina Bekakina Asiberokina Gerakina Nemanikina Eikina Resikina Mufimikina Umifikina e Adi ijene nafei.
1410	GEN 46:23	Ro Jekafu fu kuke anafa fuone bino duaku nafei. Ijadufuo maeje bara fuone Resoro fu bara Bira bara ije fuefuo imeno ijene Jekafu kuamo fu abena ame bino nafei. Ro kuke Jekafudo bara Bira fu fuefuo imeno ije e Rebani fu abe kabae fuone Resero maema ije fu ame seveni (7) ijiege nafei. Ijadufuo anafa buone inokiro e Denikiro Natari ije buduaku anafa bino nafei. Ro e Denido fari ijeja e Usimi. Ro e Natarido farirafa ijeja e Jazierikina Gunikina Jezakina Sireme ijene.
1456	GEN 48:4	Fu daro miena vua be ijiege kuarie. Fu kie, Nare rade anafa one ma uruvana vajaga bure urina anafa ma uruvana tuanaga buka e uruvana reke. Uifari one buka e uruvana rena bure uri aesakae binobino kena karikono kie. Ro kuke fu kie nare aesakae ige abe miaga bu buone abena ijia kari vakono kie.
1674	EXO 6:18	Ro e Koati fu ame fari fo (4) ijiege nafei ro ive buone ijeja e Ameramikina Isakina Ebironikina e Uzieri ijene. Ro e Koatido juaevasia fu fina ruaema ije uvani aderedi teti tiri (133) ijiege.
1678	EXO 6:22	Ro e Usiero fudua fu kuke ame fari inokubeke nafei ro ive buone ijeja e Miserokina Erisafanikina e Sitiri ijene.
1735	EXO 8:20	Areme E Ireobo fune urina umuanumua ma uruvana ije kiamoga bu kena Ferodo are ireobo ijiakiro e mamekanu fuone ro e Ijifitiko ijiebuo are ijia ruae. Umuanumua bu ijiege rena aesakae Ijifiti ije foteke arafirivoga funeka ma iserei.
1916	EXO 14:26	Areme e Ireobo fu uri Mosisi kuae, Umui one davare ado ijia akoega davare ije fu una nafuena e Ijifitiko ijiakina sarioti buone ije ro e ije ose ke oenoevo ije okuriano kuae.
1949	EXO 16:1	E Isureroko boeje bune are Irimi arena vakuma Sini ae sao ijia usiae. Ro ae sao ije fu are Irimikiro Uruo Saenae ukua ijia. Ro e Isureroko aesakae Ijifiti bu arena ruaeva ije fune asame be furina una be ijadufuo mazani fifitini (15) ijia bu vakuma Sini ae sao ijia usiae.
2037	EXO 19:10	Fu ijiege kuaramoga E Ireobo fu una Mosisi kuae, Ni una va e game kiaga bu iviakina isuome bu buone amaerenamikinu kanafuikina bu na baname isoena kafiafiriedufuo. Ro kiaga e boeje buka sinuome buone sona samuaekina nituame na Uruo Saenae ijia ari vuaga bu gieke.
2041	EXO 19:14	E Ireobo fu vua ijiege Mosisi kuarama furinoga fu una arina ruoma e Isureroko gume kariva ijia kekei. Areme fune uri kiae, Urina kanafui samuaekina no Godi baname isoena kafiafirino kiae. Mosisi fu ijiege kuariamoga bune urina sinuome buone sona amaeri. Fu ijiege kuaria areme kiae, E boeje nituage janika jone mukoe samuanamikiro maza aoke ijia jade barubara oenoejono kiae.
2043	EXO 19:16	Areme nituame ve iraseko ijia fuka saove kumena vebu irakoga ijia amite ka ma ireobo ijare arina uruo ije utikurakoga gibi ma ireobo ijare ijia ufenoga bu fie. Uruo ije fu ijiege remoga e boeje are muvuaka ijia kariva ije buka ma ireobo oeseradiana de judiae.
2045	EXO 19:18	Ro Uruo Saenae foteke fuka miane u ijare utikurae ijadufuo maeje E Ireobo ijare miane rena ijia ari ruae. Ro miane u ije fu una ajiaema ije fuka miane ma ijare ijia naena ajiakoga uruo ije fuka dabe ma urukeigia uvei.
2047	EXO 19:20	Areme E Ireobo fune Uruo Saenae kubi ijia arina Mosisi kumeno fu uruo ijia ajiana vae. Fu ijia ajia vakoga Godi fu kuae, Una arina va e game kiaga bube ine ije a bijia ufuaenoema ije asina na giekuae ruovo. Ro bu faememare ine ije asidia ruakuva buka oeke.
2074	EXO 20:22	Areme E Ireobo fune urina Mosisi kuae, Una va e Isureroko ije vua ige kuariane. Va kia, Na E Ireobo nane ma saove gufia ja vua kuariavoga jane irena adatire jone ijia kena fie.
2193	EXO 24:15	Fu ijiege kuaria areme bune Uruo Saenae ijia ajiana vakoga amite ijare arina uruo kubi ije uti kurae.
2194	EXO 24:16	Areme E Ireobo ijadufuo sanaema ijare Uruo Saenae kubi ijia sanae. Fu ijiege sanakoga amite ije fu mazani sigisi (6) ijiege uruo ije utikurana vakuma mazani seveni ijia E Ireobo fu arina amite uve ijia Mosisi kumei. Ro e Isureroko gume bu uniana vaeva ije bu Godido sanaema ije gana vierafero fume miane uruo ijia naenoro bu ijiege vierafei.
2324	EXO 28:30	Ro ni mune fae inokiro Urimikiro Tumimi ijene kena ugone guge ijadufuo ja saguiva ijia kedekina Eroni fu kena Are Ma Akae na fivo ijia aru vuake. Ro maza bino fuka ugone guge ijadufuo ije abe oe fuone ado ijia abiekina fu e none bu izege redufuo na kuaravo ije fu mune ijiebe nijaeke fu ijia renoedufuo.
2422	EXO 31:1	Areme E Ireobo fune kuke Mosisi kuae, Nane e Judado agane guove ijia e Uredo asae ro e Urido fari Bezarero ijene Kavene Akae ije abe nujaejana daro mae. Na daro ije fu izege ire boeje mukoreigia vierafedufuo ijiakina ire binobino mukoreigia amaeriake fu ijanaridufuo ijene mae.
2480	EXO 33:6	Ijadufuo maza ije e Isureroko bu Uruo Saenae arena vakuvejo ijia bu naebe una uniae tamae buone ije uro ijia kiriae.
2519	EXO 34:22	Ro iro ije Uije Amure Masivono kuavo ijadufuo ije nika juaevasia boeje ijiege ikinu vafo. Ro kuke iro ije Are Muvuakano kuavo ijadufuo ije ni asame ije ja ire uije jone masivo ubine ijia ikinu vafo.
2656	EXO 38:22	Ijiege rena e Judado agane be e Erido asae e Bezarero e Urido fari ije fune ire boeje izege E Ireobo fu Mosisi kuaraema ijiege amaeriama furi.
3606	NUM 1:1	(-) Nabasi safita 1:1–6:21 fu izege Mosisi fu Uruo Saenae ijia e Isureroko boeje ijiebuo ive ije fu buki ijia isoema ijene kuae. Ro kuke bu akae ije e Rivaeti bu nuvedufuo ijiakiro akae gue ije bu izege e ifejiaga bu maturaedufuo ijene kuae.
4334	NUM 20:22	Ijiege rena e Isureroko boeje bune are Kedesi ije arena vakuma Uruo Ori manino ijia usiae. Areme E Ireobo fune Uruo Ori aesakae Idome fu va irima ijia Mosisikiro Eroni kiae, Eroni fube aesakae ije na e Isureroko miakono kuaeva ijia vake. Ijadufuo maeje ja e inokiro ja vua none na do Meriba irifo ijia kuariaeva ije jaka naebe irinie.
4337	NUM 20:25	Ijadufuo ni Eronikiro fari fuone e Eriza ije kaenamia Uruo Ori ijia ajia vane. A va ijia Eroni ugone fu saema ije azona una fari fuone e Eriza ije sajane. Ijadufuo maeje e Eroni fu uruo ijia baronekono kuae.
4339	NUM 20:27	Areme Mosisi fune izege E Ireobo fu kuaraema ijiege rena uri e boeje ijiebuo nidua ijia Eronikiro fari fuone ije kaenamiana Uruo Ori ijia ajia vae.
4345	NUM 21:4	Areme e Isureroko ije bune aesakae Idome datura gufarekuae bune urina Uruo Ori arena bune vame ije Davare Kavuane nafuema nake vako ijane ufuaena vae. Rove vame ije bu vaeva buka naebe oemarekinu vae.
4415	NUM 22:39	Areme Berame fune Berakiki bune are Kirati Uzotino kuavo ijia vae.
4577	NUM 27:21	Ro Josua fu E Ireobo ijadufuo vierafe bino mukoreigia giakiro vierafekuma fuka vaga Eriza e zinone ifaejemo ije fu ifejadufuo. Fu ijia fuone vaga Eriza fu mune akae Urimino kuavo ije abena Godi irere fu rekiro vierafemo ije fiena una Josua kuarane. Areme Josuakiro e Isureroko boeje bu ijia sone irere bu redufuo Godi fu vierafemo bu ije giana samadireno kuae.
5901	JOS 3:6	Areme nituame suoke Josua fune uri e zinone ifaejevo ije kiae, Urina Mavua Akae ije abe giena ude do ije tuana vake e boeje bu nuvediano kiae. Fu ijiege kuariamoga e zinone ifaejevo ije bune fu kuariaema ijiege rena uri Mavua Akae ije abe giena vakoga e boeje bune ijia nuvediana vae.
6508	JOS 24:30	Fu baronemoga bu abe sakae fuone Timinate Sera ijia mako rui. Ro sakae ije fu Ifuremi nafare ije ireva ukua ijia ro fu Uruo Gesi manino ivuake ijia.
7143	RUT 1:14	Neomi fu ijiege kuariamoga bune una kuke nirae. Areme bara Ofa fune uri asae fuone ije uimina anaema areme fune una e fuone ijiebuo vae. Fune vakoga Ruti fuka uria asae fuone ijiaki vakiro ireobo vierafe. Ijadufuo Neomi fu uri Ruti kuae, Uvia one ije fune una orafa fuone ro godi fuone ijiebuo vaemano ni aduaku una vano kuae.
7165	RUT 2:14	Areme maza uvuoka bu ire ijo ijia e Boezi fu Ruti kuae, Urina ro burete ige bu amaeriaeva ije bino kena ire vaeni igia sana ino kuae. Boazi fu ijiege kuamoga Ruti fune va e ije imevo bu kariva ijia buina fikoga Boezi fu burete ije bu amaeriaeva ije bino karina vajae. Fu karina vajamoga fune inama deufenoga ire nugune ije fu ijia arei. Areme fu una imekiro vakoga e Boezi fu urina e ije imevo ije kiae, Bara ige fu kumune vare ja asevo ije bino karikuma jade kuriaerevo. Ro nime kumune bino runa najaga fu karino kiae.
12501	NEH 8:4	Ijiege rena Esura fune urina fata ije bu iviama saeva vua kuaedufuo ajia mani. Ro e ije bu fuina fata ijia umui maeneke ijia ireva ijeja e Matitiakina Semakina Anaea ro Uriakiro Irikaea ro e Maseja ijene. Ro e ije una umui aeneke ijia ireva ijeja e Fedaeakina Misero ro e Makijakina Asumi ro Asibadanakina e Zekaraea ro e Mesurame ijene.
12528	NEH 9:13	A Uruo Sanae manino kubi ijia a saove ijia arina e one ije vua kuariae. Areme a uri akae one mukore ijiakiro akae ije a e boeje kena besu enafuna kafiamo ije abe miae.
23217	MAT 1:4	Ro e Rame fu uri fari fuone e Aminadabi nafenoga fu uri fari fuone e Nasoni nafei. Ro e Nasoni fu uri fari fuone e Saramoni nafenoga fu uri fari fuone e Boezi nafei. Ro e Boezido asie ije bara Reabi. Ro e Boezi fu uri bara Ruti abena e Obedi nafei. Ro e Obedi fu uri fari fuone e Jesi nafenoga fu uri fari fuone Devidi e ije fu Kini rema ije nafei. Areme Devidi fu uri fari fuone e Soromoni nafei ro asie fuone ije fu e Uraeado bara.
23389	MAT 7:4	A niome one kadure ije fu uria ijia namo ije a izege una uvia one kua, Uviano ro na ni kadure guraeje vajaema ije kejano kuake. E gure ka iti kufuiki gure, ude niome one ijia kadure ireobo ije vajaema ije ke akoe fu marega ni ijare una kadure isekube ije fu uvia one ijadufuo niome ijia namo ije gana ke akoene. A niome one kadure ije a naebe ke akoekuma ade una uvia one ijadufuo ije gana kuamo.
23520	MAT 10:34	Jesu fu ijiege kuaria areme kiae, Umeigia na ruaeva ije na e ige kaenamia una besu afuikiro ruaeva bakiro na e ige dabe atakiro ruae. Na e dabe ataga e gue bu na iriniena una none ruakiro gue buka na ijuoegafieke. Bu ijiege rena fari fu uri asoe fuone ziegafake ro kabae fu uri asie fuone ziegafake. Ro kuke asaefuo fu uri asaefuo ziegafake.
23607	MAT 12:49	Jesu fu ijiege kuaria areme una dakude e vua fuone fievo ije umui bijiana kiae, Uviarafa ro asierafa none maeje ijeja e gure ja kariva ijene.
23818	MAT 18:22	Rove Jesu fu una kuae, Uvia one ije fu afake ise rega a maza seveni ijiaru gana arekuma ije na vierafega fuka naebe marei. Ro kuke a maza seveniti (70) ijiege gana arekuma ije dua fuka naebe marei. Ro fuka maza boeje uria faememarena una ise rerukuma nime gana oe one ijia areno kuae.
24164	MAT 26:41	Urina kojo samuanakinu baname isoekina kavene ise Setani fu ja biesiriakuma jabe mamoeke. Na vierafe oe jone buka baname isoekuae vierafe rove buka vajae jone ijiebe mamoevono kiae.
24231	MAT 27:33	Areme bune ruoma are Gorogotano kuavo ijia usiae. (Ro ive Gorogota ijadufuo maeje, Uruo E Nigofo Ane).
24758	MRK 12:16	Ijadufuo bune urina moni sunine ebe abe mae. Bu abe mavoga fu abe nijasiakinu kiae, Igia gafo. Ja gaga uikubae igiakiro ive ije isoeva ije bu eradono kiae? Ro e mamekanu ije bu una kuae, Uikubae ije no gaga fu e Sisadono kuae.
24861	MRK 14:38	Urina kojo samuanamikinu baname isoena karikina kavene ise Setani fu ja biesiriakuma jabe mamoeke. Vua ige naka ma kuariave, na vierafe kavene jone ije buka baname isoekuae vierafe. Rove vajaema jone buka mamoevono kiae.
24917	MRK 15:22	E Saemoni fune kurosi ije abe dabemoga bune Jesu mesirina ruoma are Gorogota kuavo ijia usiae. (Ro ive Gorogota ijadufuo maeje, Uruo e nigofo ane igeki).
25102	LUK 3:8	Rove na ige kuariako fiefo. Ude nika va vame ma ijiaru renoega e boeje bu giana vierafero ja vame ise jone ja kenoejo ije jane arevaro bu ijiege vierafefo. Ro jade kuaeko nono asae nuvuone e Eburamedo uifari ijadufuo Godi fube no ijuegafuokiro ja ijiege kuaevo. Ro igia fie, Ja naebe ise jone arekuva Godi fu e darokido fuka mune gure kena una e Eburamedo uifari amaeriaga bu are jone abekono kiae.
25203	LUK 5:27	Ijiege rena rade Jesu fu vagake Rivae e takesi abeno ije fu are fuone ijia fina e ijiebuo takesi abeno fu gae. Areme fu uri kuae, Rivae, Urina na nuvedieno kuae.
25223	LUK 6:8	Rove Jesu fu irere bu vierafeva ije fune giae. Ijadufuo fu urina e ije umui abe kiraema ije kuae, Urina e boeje ijiebuo niome igia manino kuamoga fu urina ijia mani.
25257	LUK 6:42	A kadure ije fu uria niome one ijia namo ije a izege una uvia one ije kua, Uviano ro na ni kadure guraeje vajaema ije kejano kuake. E gure ka iti kufuiki gure, ude ni niome one kadure ireobo ije fu namo ije ke akoe fu marega ni una kadure isekube ije fu uvia one ijadufuo niome ijia namo ije gana ke akoene.
25325	LUK 8:11	Jesu fu ijiege kuaria areme kiae, Vua ije na mena kuariaeva ijadufuo maeje ijiege. Uije ijeja Godido vua maeje ijene.
25534	LUK 12:6	Ro na vua be bija kuariako ni fiefo. Ume ma isesina umui fague ije buka uria kena moni abagaro inokiro ijia fuaevevo. Rove Godi fu ume sesina ijieki ije fuka totemo baki.
25718	LUK 16:29	Rove Eburame fu una kumei, Uviarafa one ije bu Mosisikiro e Godido vua vierafena kuaevo ijiebuo akae ije bu isoeva ije bune dana vierafei. Ijadufuo ni arega bu vua ije bu isoeva ije mukoreigia dana vierafeno kumei.
25829	LUK 19:29	Fune vakuma are Betifasikiro Beteni ivuake Uruo Orivino kuavo ijia kekei. Fu ijia kekena uri e vua fuone fievo inokiro vua igene kuariae. Fu kiae, Ni va are gafia usiaena viene ijia aru vafo. Ja aru vaga bu mave doniki ame be bu naebe abe oenoevo ijene ijia kiraejoga irana abe una igia ruafo.
25972	LUK 22:39	Jesu fu vua nijasiama furi areme fune izege fu renoeno ijiege fune sidove Jerusareme arena una Uruo Orivi manino ijia vako. Ijadufuo fu ijia vakoga e vua fuone fievo ije bune fuina ijia vae.
25979	LUK 22:46	Bu ni naoevaga Jesu fu kekena kiae, Ja irerefuo ni naove? Urina baname isoena Godi kuaraekina Setani fu jone ja ma vierafevo ije biesiria giakuma jabe mamoekono kiae.
26154	JHN 1:41	Ijadufuo e Eduru fune migegire una va gafia kekena Saemoni Fita kuae, Uviano no Kuraesi e ije Godi fu kuaga fu ro no karaunuodufuo ije none gaevano kuae.
26156	JHN 1:43	Areme nituame Jesu fune are Gareri ijia vakiro vierafenoeno ijia fu e Firifi bie. Fu biena kuae, Urina na nuvedieno kuae.
26608	JHN 11:16	Areme e Tomasi e ije bu kua Ufake Nafevano kuavo ije fu una kairafa gue kiae, E boege uriga noka E Nijasiamo nuvuone gurena vaekina no fuina besu oeno kiae.
26636	JHN 11:44	Jesu fu ijiege kuamoga e ije fu ugone ije bu dabe utina nujaeva ijiakuma una keke ruae. Areme Jesu fu una e ije kiae, Ugone gure iraejaga fu vano kiae.
26942	JHN 20:6	Fu ijiege manina gamo ijia Saemoni Fita fu rade nuvena vakuma ijia kekena asina mako guove ijia arui. Fu aruna ugone ije bu abe Jesu utijaeva fu namo ijene gae. Ugone ije fu fuebe nakoro be ije bu abe nigofo utijaeva ije fu naebe irase ro fume uria izege bu ude utijaeva fu uria ijiege naovo fu giae.
27187	ACT 7:2	Fu ijiege kuamoga Sitivini fu una kiae, Uviarafa ro asoerafa none gurie, jame igia fiefo. Godi e ije ka sanaema ije fu isuibe asae nuvuone Eburame fu naebe sakae Mesofotamia arena Erani vaema ijia bie. Fu biena kuae, Ni are one igiakina e agane one ije arena uri are be na nijasakuvejo ijia vano kuae.
27446	ACT 13:15	Bu ijia kari fiekoga e ije bu urina Godido vua kafare gue dae. Bu dama furikoga e mamekanu e Jiusibuo are ije samuavo ije bune urina Forukiro e ije fuina vaeva ije kiae, Uviarafa nuvuone mae garie, ja vierafega ja vua bino e ige soesoena kuariakuva ni uri kuariano kiae.
27499	ACT 14:16	Ude fu arekoga e boeje buka uri vame buone binobino bu vierafeva ijia renoe. Rove iviama fune korufuo ire maeje rena nijasiamoga ja ijia gana ma vierafero fuje fune ma Godiro ja ijiege vierafei. Ro fure ve ije kuaga fu dakinu ro ire uije binobino ije ifejiako bu mukoreigia tavuana suni kiravo. Ro kuke fure ire vajiakinu ro maza boeje ifejiako ja mukoreigia oemarekinu karivono kiae.
27505	ACT 14:22	Ro Forukiro Banabasi bu vierafe buka e Jesudo vua fievo ije soesoena ejafiaga bu uria giriesana Jesudo vame ijia nuvekuae bu ijiege vierafei. Ijadufuo bu urina vua maeje dabe e ije kuariae. Areme bu kuke nijasiana kiae, Ume igia no karinoejo ije noka irufui uruvana biediakinu isejavaeke. Rove no uria giriesakuva no una e ije Godi fu oe buone ije samuagiamo ijena besu maziekono kiae.
27524	ACT 15:13	Bu kuariama furikoga Jemisi fu urina kiae, Uviarafano, vua none ige fiefo. E Saemoni fune ude urina Godi izege fu e Jiusi baki ije nidosiana e gue kaenamiamo bu una e fuone reva ije fune kuariae.
27752	ACT 21:20	Fu ije kuariamoga e boeje bu vua fuone fiena buka una Godido oemarei. Areme bu una Foru kuae, Uvia nuvuone gare, e Jiusi ma uruvana bu Jesu ma vierafe rove buka uria akae ije oetuana mukoreigia nuveve.
27803	ACT 23:1	Ijadufuo Foru fu uri e mamekanu ijia kariva ije giama areme kiae, Uviarafano, maza ije na iko oe dakudena Jesu ma vierafeva ijia ruoma iviama ige na vierafe nane vame Godi fu oemaedufuo ijiaru kena ruae. Ijadufuo na Godido nidua ijia na jaevevo baki.
27807	ACT 23:5	Ro Foru fu una kiae, Uviarafano na e ije fu e ireobo Godido zinone ifaejemo ije na naebe vierafe ijadufuo na vua ijieki ije kuarae. Ijadufuo maeje Godido vua bu isuibe isoeva ije fu ijiege kuae, Jade e ireobo jone fu ja samuagiamo ije vua ise bino kuaravono kiae.
27900	ACT 26:9	Ude nadua na vierafe naka vame binobino ijia e ije bu Jesu e Nasaretiko ije ma vierafevo ije arafiriakiro vierafe ijadufuo naka buina nigaraenoe.
27978	ACT 28:11	Ijiege rena none sisime be bu kua Ino Uviaki Ufake Nafevano kuavo ijia ajiana none vae. Sisime ije fu ve daga fu davare uije ijia nama areme ve maremoga fune no kaenamuona vae.
27984	ACT 28:17	Bu ijiege samuakinu vakuma mu inokubeke furinoga Foru fune Jiusi ijiebuo e mamekanu ije kumeno bu una besu afui. Bu afuivoga fu urina vua be ijiege kuariae. Fu kiae, Uviarafa none igie nana ire ise bino na naebe e nuvuone igiebuo rei. Ro kuke na vame isuiko asaerafa nuvuone ijiebuo vame bu kenoejo ije bino na naebe kena arafiriae. Ro bume na dabe Jerusareme ijia dibure nujie. Ro ivia bune na mesirina una kuke e Romuko ijiebuo e ireobo ige fino ijia ruae.
28080	ROM 3:21	Ude no Godido akae ije fiena ijia nuvenoe rove akae fuone fu naebe ifejuomo no Godido nidua ijia maturae. Rove iviama Godi fune una vame be ijia ise nuvuone no renoevo ijia karaunuona kaenamuo una vame fuone maeje ijia unuomo. Godi fu vame ije fu remo ije fune isuibe akae fuone ijia kuarue. Ro kuke fune isuibe e vua fuone vierafena kuaevo ijiebuo oe ijia vierafejiamoga bune kuarue.
28125	ROM 5:10	Ude noka naebe Godina kafaena kari ruae ro noka una e ani fuone rei Rove iviama fune fari fuone Jesure nuvuefuo baronena vame nuvuone amaeri. Ijadufuo none una Godina kafaena kari. Ro kuke no vierafe Jesu Kuraesi fuka rade no foteke karaunuoke.
28128	ROM 5:13	Ude fune ise ijare ume igia nakoga e Mosisi fu rade Godido akae ije abena e boege kuariae. Ro maza ije Godido akae fu naebe ruaema ijia e bu ise gue revo ije Godi fu kena isekafiamo baki.
28136	ROM 5:21	Ude noka ise uruvana renoe ijadufuo fune ise ijare no samuaguokinu kaenamuona una vame no oedufuo ijia unue. Rove iviama fune Godido ma rejiamo ijare no samuaguomo ijadufuo noka Godido nidua ijia maturaeve. Ro kuke no E Ireobo nuvuone Jesu Kuraesido duvado ijia no ma karivako ije abeve.
28149	ROM 6:13	Ro kuke nobe mamoega vajae nuvuone gue bu ise renoedufuo. Ude noeje noneka ise rena oekuvejoga Godire no kaenamuona una vame fuone maeje ijia unue. Ijadufuo vajae jone kena Godi vajaga fure kena fuone fu vierafema ijia i fuone maeje mefo.
28156	ROM 6:20	Ude ja Setanido vame ije abena jaka i fuone ise binobino menoe. Ijadufuo ja Godido vame maeje fu oemaedufuo ije ja naebe renoekuae vierafei.
28168	ROM 7:9	Ude na akae ijadufuo maeje na naebe mukoe vierafeva ijadufuo na ma fina ruae. Ro iviama na akae ijadufuo maeje nane gia furi. Ijadufuo na vierafega oe none fune ise ijare iraraema ijadufuo kavene none fune baronema igeki.
28186	ROM 8:2	Ude fu ise ijare giriesana no kaenamuona una vame ise ijia vako ijadufuo noka isejavaekinu oe. Rove iviama fune Kavene Akae ijare Jesudo duvado ijia no karaunuona ke una vame fuone maeje iviaeko ijia unue.