27004	ACT 1:12	Olif misio꞉ a꞉no꞉ Ya꞉lusalem o꞉lia꞉yo꞉ ko꞉na꞉ma ko꞉lo꞉, iyo꞉ Olif misio꞉wo꞉ ta꞉ta꞉sa꞉ga꞉, a꞉ma꞉la꞉ Ya꞉lusalem ane.
27034	ACT 2:16	O꞉ngo꞉ma! Kalu i we, dinali sa꞉lan kalu Yoel, elo꞉ dinali sio꞉ o꞉leaum dimidab. Yoel eyo꞉ a꞉la꞉sio꞉,
27086	ACT 3:21	O꞉go꞉ Ya꞉su E Hebeneya ilikiyo꞉, Godeya꞉lo꞉ kelego꞉wo꞉ tambo ho꞉gi fa꞉la꞉doma꞉nigab ho꞉len a꞉no꞉ ko꞉lo꞉ yasisab. Ho꞉len a꞉no꞉ tamin amio꞉ Godeya꞉yo꞉ Enedo꞉ dinali sa꞉lan kaluwa꞉ sama꞉ki, towo꞉ imo꞉ salifa꞉.
27149	ACT 5:21	Elo꞉ sio꞉ o꞉leaum iliyo꞉ a꞉la꞉dimidaki, kea꞉fo nulu ofo꞉ yabikiyo꞉, iyo꞉ Godeya꞉ malilo꞉ aya tina꞉sa꞉ga꞉, a꞉na mo꞉mo꞉da wido꞉. O꞉g kea꞉fo nulu a꞉nami, bobalo꞉ so꞉mia꞉sen misa꞉ kalu o꞉lia꞉ e o꞉lia꞉lo꞉ elen kalu o꞉lia꞉ma꞉yo꞉, Yu amilo꞉ Kanisolo dosdo꞉wo꞉ a꞉na kegeo꞉. Isolael misa꞉ kalu tambo a꞉na kegea꞉sa꞉ga꞉, iliyo꞉ iliga꞉felo꞉ kaluwo꞉ tililia꞉ mena꞉ki dibololo꞉ sab a꞉na to saga꞉fo꞉.
27162	ACT 5:34	Ko꞉sega Fa꞉lisi kalu nowo꞉, ene wiyo꞉ Gamaliel, e elelo꞉ asulo꞉ kalu ko꞉lo꞉ Yu kaluka꞉isale iyo꞉ man elo꞉wo꞉ nafale ba꞉da꞉sen. O꞉g a꞉namio꞉ Gamaliel e, misa꞉ kalu o꞉lia꞉ sen ko꞉lo꞉, e dasila꞉sa꞉ga꞉, kalu nolbo꞉wo꞉ “Iliga꞉felo꞉ kaluwo꞉ ha꞉la꞉ya o꞉tililia꞉ hamana” a꞉la꞉sa꞉la꞉sa꞉ga꞉, Yu misa꞉ kalu imo꞉wo꞉ a꞉la꞉sio꞉, “Isolael kalu giliyo꞉, kelego꞉ nowo꞉ kalu i wemo꞉wo꞉ dimidama꞉no꞉lalega, giliyo꞉ dinafa asula꞉bi.
27246	ACT 8:1	Ililo꞉ Sitifen sana sowab a꞉no꞉, So꞉l eyo꞉ o꞉li dimidab a꞉la꞉asulo꞉. O꞉g ho꞉len a꞉namio꞉ gisa꞉yo꞉ Ya꞉lusalem Keliso kaluka꞉isalemo꞉wo꞉ hida꞉yo꞉ nolo꞉ modo꞉ mo꞉mo꞉dabiki, tilidabu kaluka꞉isale iyo꞉ dalalelia꞉ga꞉, Yudia hen o꞉lia꞉ Samalia hen o꞉lia꞉ a꞉na ane. Ko꞉sega iliga꞉felo꞉ kalu iyo꞉ mo꞉dalaidaki, Ya꞉lusalem a꞉naka sen.
27279	ACT 8:34	Itiobia kaluwa꞉yo꞉ a꞉na agela꞉sa꞉ga꞉yo꞉, Filibo꞉wo꞉ a꞉la꞉dabuba꞉ba꞉, “Dinali sa꞉lan a꞉la꞉do꞉ sa꞉lab we, o꞉b ko꞉lo꞉ sa꞉laigabele? Eneno꞉ ko꞉lo꞉ sa꞉labele? O꞉ kalu nowo꞉ ko꞉lo꞉ sa꞉labele?”
27286	ACT 9:1	O꞉g ho꞉len a꞉namio꞉ So꞉l eyo꞉ Alan amilo꞉ tilidabu kaluka꞉isaleyo꞉ yasalema꞉no꞉ a꞉la꞉li towo꞉ sa꞉la꞉li sia꞉len. E mo꞉fo꞉so꞉ dia꞉no꞉ a꞉la꞉liki, bobalo꞉ so꞉mia꞉sen misa꞉ kalu elo꞉wa dabu ba꞉ba꞉ni ane.
27394	ACT 11:18	Yu amilo꞉ tilidabu kaluka꞉isaleyo꞉ to a꞉no꞉ da꞉dakiyo꞉, iyo꞉ wa꞉kabiyo꞉ mo꞉kele asulaka, Godeya꞉ wiyo꞉ ko꞉lo꞉ dulugu sa꞉lakiyo꞉ a꞉la꞉sio꞉, “O꞉go꞉ Yu kaluka꞉isalema i a꞉no꞉lo꞉ asugo꞉ nodola꞉sa꞉ga꞉, mela꞉no꞉wo꞉ dima꞉ki, Godeya꞉yo꞉ fogo꞉ hendele dimelo꞉b” a꞉la꞉sio꞉.
27407	ACT 12:1	O꞉g ho꞉len a꞉namio꞉, Misa꞉ kalu Helo꞉d eyo꞉ tilidabu kaluka꞉isale nolo꞉ mogagima꞉no꞉ a꞉la꞉likiyo꞉, to sa꞉ifa꞉ ko꞉lo꞉ iyo꞉ ta꞉lia꞉sa꞉ga꞉ dibolo aya disa꞉.
27602	ACT 17:10	O꞉g nulu a꞉namio꞉, tilidabu kalu iyo꞉ Fol dia꞉ Sailas dia꞉yo꞉ Belia a꞉na iliga꞉tabiki, a꞉la꞉yo꞉ ha꞉na꞉sa꞉ga꞉ Belia amisa꞉na fa꞉la꞉dowa꞉ta꞉ga꞉yo꞉, Yu kaluwa꞉lo꞉ tolo꞉ wida꞉sen a a꞉na ane.
27632	ACT 18:6	Ko꞉sega Yu kalu iyo꞉ to elo꞉ wido꞉ a꞉no꞉ gola ba꞉daki, e dio꞉ge sa꞉labikiyo꞉, Fol eyo꞉ so꞉g sa꞉ga꞉lo꞉ enedo꞉ a꞉no꞉ duda꞉sa꞉ga꞉ hena꞉mu ko꞉lo꞉ babedo꞉ a꞉no꞉ fifilaki a꞉la꞉sio꞉, “Gio꞉ falasilalega, ginido꞉ hala dimido꞉ a꞉na auma꞉ib. Ne amio꞉ halayo꞉ aundo꞉ma ko꞉lo꞉ ne ga꞉li doma꞉no꞉. O꞉g wena a꞉la꞉ta꞉ga꞉yo꞉, ne Yu kaluka꞉isalema imo꞉wo꞉ towo꞉ walama꞉ ha꞉na꞉nigo꞉l.”
27716	ACT 20:22	“O꞉go꞉ ne Godeya꞉ Mamaya꞉lo꞉ sa꞉lab aumb kuduha꞉naki, Ya꞉lusalem ha꞉na꞉nigo꞉l ko꞉lo꞉, a꞉namio꞉ nelo꞉ amio꞉ o꞉bo꞉ngo꞉ fa꞉la꞉doma꞉nigabele babalab.
27756	ACT 21:24	O꞉go꞉ kalu i we, Godeya꞉ siwa꞉l amio꞉ malilo꞉ doma꞉no꞉ man kudu ha꞉na꞉ni ha꞉nab ko꞉lo꞉ gelo꞉ i we o꞉lia꞉ ha꞉na꞉ga꞉ ilido꞉ dimidab o꞉leaum, giyo꞉lo꞉ a꞉la꞉dimidama꞉ni hamana. A꞉la꞉ta꞉ga꞉ man ililo꞉ dimidan ho꞉len a꞉namilo꞉ boba dimian a꞉no꞉ gi kililia꞉bi. A꞉la꞉dimidalikiyo꞉, iyo꞉ misa꞉ fo꞉no꞉ o꞉li hanula꞉ma꞉ib. Giyo꞉ a꞉la꞉dimidalikiyo꞉, Yu kaluka꞉isaleyo꞉ dimido꞉ a꞉no꞉ ba꞉da꞉sa꞉ga꞉yo꞉, gi Mosesa꞉ ele saefa꞉ a꞉no꞉ hendele kudu ha꞉nabo꞉lo꞉b a꞉la꞉asuluma꞉ib ko꞉lo꞉ kaluka꞉isalelo꞉ to da꞉da꞉sa꞉ga꞉lo꞉ sio꞉ a꞉no꞉ madali sio꞉lo꞉b a꞉la꞉asuluma꞉ki, ge i o꞉lia꞉ hamana.
27778	ACT 22:6	Ofo꞉ disi dowabikiyo꞉, ne Damaskas ko꞉na꞉ma fa꞉la꞉doma꞉no꞉ dota꞉sen amio꞉, wigibole a꞉naka ho꞉ nowo꞉ wabeleg o꞉ngo꞉ ko꞉lo꞉ Hebene halona a꞉la꞉ta꞉ga꞉ so꞉so꞉lilia꞉ga꞉ tindakiyo꞉, ne ho꞉ a꞉ma꞉ hegelia꞉ga꞉ difa꞉.
27813	ACT 23:11	O꞉g nulu a꞉namio꞉, Alan e ya꞉sa꞉ga꞉, Fola꞉ aniba kagayaki, emo꞉ a꞉la꞉sio꞉, “Gilo꞉ asulo꞉wo꞉ halaido꞉ dowa꞉bi. Giyo꞉ Ya꞉lusalem kaluka꞉isalemo꞉wo꞉ ne wi ko꞉lo꞉ wido꞉ o꞉li aumbo꞉, Lom a꞉namio꞉lo꞉ a꞉la꞉ka wida꞉bi” a꞉la꞉sio꞉.
27969	ACT 28:2	O꞉g a꞉namio꞉ ho꞉no꞉ tindaki hido꞉ ko꞉lo꞉, kalu a꞉namilo꞉ sen a꞉ma꞉yo꞉, nimo꞉ mano꞉ mada nafale dimidakiyo꞉, iliyo꞉ deyo꞉ gili alitaki, nio꞉ dinafa tili dowo꞉.
27978	ACT 28:11	Nio꞉ ele otaleno꞉ a꞉na sa꞉ga꞉yo꞉, ha꞉na꞉no꞉ ko꞉lo꞉, ho꞉n ko꞉su nowo꞉ Alegsandia a꞉la꞉ta꞉ga꞉lo꞉ mio꞉ a꞉no꞉, fufalo꞉ mio꞉ ho꞉len a꞉namio꞉ Malta a꞉na kagafo꞉len. O꞉go꞉ a꞉namio꞉ fufayo꞉ edo꞉ ko꞉lo꞉ ha꞉na꞉no꞉ a꞉la꞉asulo꞉. Ho꞉n ko꞉su a꞉ma꞉ migi amio꞉, madali gode ao a꞉la꞉ a꞉no꞉ misido꞉ momada꞉ alifa꞉. Madali gode a꞉no꞉ so꞉wa a꞉la꞉ alelo꞉ imilig amilo꞉ sa꞉la꞉li. Nio꞉ ho꞉n ko꞉su a꞉na disa꞉la꞉sa꞉ga꞉ ane.
27982	ACT 28:15	Nilo꞉ fa꞉la꞉doma꞉i yab a꞉la꞉bo꞉ Lom amilo꞉ tilidabu kaluka꞉isale nolo꞉ da꞉da꞉sa꞉ga꞉yo꞉, iyo꞉ nilo꞉ galima꞉ni mio꞉ ko꞉lo꞉, Abius Maget amisa꞉n ta꞉ta꞉sa꞉ga꞉ mio꞉wo꞉, mageso꞉ a nowo꞉ A Otalen a꞉la꞉wikilo꞉lo꞉ a꞉na galili. Fol eyo꞉ kalu a꞉no꞉ ba꞉da꞉sa꞉ga꞉yo꞉, e Godemo꞉ mada o꞉m a꞉la꞉sa꞉la꞉sa꞉ga꞉, e halaido꞉ di.
29822	1TI 4:8	Do꞉mo꞉wo꞉ halaido꞉ doma꞉ki, do꞉mo꞉ da꞉feakilo꞉ dimidan a꞉ma꞉yo꞉ ge ha꞉lu asuwa꞉fa꞉ib. Ko꞉sega, Godeya꞉lo꞉ asulab aumb kudu ha꞉nab a꞉ma꞉yo꞉, ge alan asuwa꞉fa꞉ib. O꞉go꞉ mela꞉no꞉ nafale dimia꞉lab ko꞉lo꞉, tif amio꞉ mela꞉no꞉ mela꞉no꞉wo꞉ nafale dimia꞉ib.
29892	2TI 1:16	Ko꞉sega Ya꞉suwa꞉yo꞉ Onesifolus o꞉lia꞉ ene so꞉lo꞉ o꞉lia꞉yo꞉ nofola asuwa꞉foma꞉ki, niyo꞉ iyo꞉ dulugu so꞉lo꞉l. Mo꞉wo꞉, eyo꞉ ne ha꞉sa doma꞉kiyo꞉ tamin amio꞉ asufa꞉ ko꞉lo꞉ ne dibolowa ane amio꞉, eyo꞉ nemo꞉wo꞉ mo꞉sendelo꞉ alifa꞉.
29956	2TI 4:19	Bilisia o꞉lia꞉ Akwila a꞉la꞉ta꞉ga꞉ Onesifolus ene e so꞉lo꞉ o꞉lia꞉mo꞉wo꞉ sagalo꞉ towo꞉ sa꞉la꞉biyo꞉.
30015	PHM 1:10	Ne dibolo aya silikiyo꞉, Onesimus e Keliso dowabiki, ni so꞉wale o꞉ngo꞉ fa꞉la꞉dowo꞉. A꞉la꞉fo꞉ko꞉lo꞉ giyo꞉ Onesimus e o꞉lia꞉yo꞉ ha꞉fo꞉ disa꞉ma꞉kiyo꞉, gemo꞉ dabu bo꞉do꞉l.
30016	PHM 1:11	Tamin amio꞉ Onesimus eyo꞉ ge mo꞉asuwa꞉ta꞉sen ko꞉sega o꞉go꞉ eyo꞉ na꞉no꞉ o꞉li asuwa꞉fa꞉ib.
30017	PHM 1:12	Ne Onesimus o꞉lia꞉yo꞉ asulo꞉wo꞉ imilig dowaki, e o꞉lia꞉ ha꞉fo꞉ disa꞉lakiyo꞉, niyo꞉ e gelo꞉wa a꞉ma꞉la꞉ iliga꞉to꞉l.
30020	PHM 1:15	Ge o꞉lia꞉ Onesimus o꞉lia꞉ ho꞉len imilig no amio꞉lo꞉ aloba꞉da꞉sa꞉ga꞉ ane a꞉no꞉ mo꞉wo꞉ ha꞉? E gelo꞉wa a꞉ma꞉la꞉ ya꞉sa꞉ga꞉, ga꞉ino꞉ mela꞉no꞉ mela꞉no꞉ doma꞉no꞉ a꞉la꞉bo꞉ asulaya?
30021	PHM 1:16	Onesimus e gelo꞉wa a꞉ma꞉la꞉ fa꞉la꞉dowalikiyo꞉, e gi madalilo꞉ nanogdo꞉ dian kalu dowaki, giyo꞉ e madali nanogdo꞉ dian kalule a꞉dowab a꞉la꞉bo꞉ asula꞉so꞉bo. Niyo꞉ Onesimuso꞉ mada asulab ko꞉sega, e gi nanog dialikiyo꞉, Alana꞉ wi amio꞉ e gaoleyo꞉ o꞉ngo꞉ dowaki, giyo꞉ e mada alan asuluma꞉ib.
30022	PHM 1:17	A꞉la꞉fo꞉ko꞉lo꞉ na꞉no꞉ giyo꞉ milile a꞉la꞉asulalega, Onesimus e gelo꞉wa fa꞉la꞉dowalikiyo꞉, giyo꞉ ne yab amilo꞉ sagalo꞉ dowa꞉sen o꞉leaumbo꞉, emo꞉wo꞉lo꞉ a꞉la꞉ka sagala꞉bi.
30023	PHM 1:18	Onesimus eyo꞉ gemo꞉wo꞉ halabo꞉ dimido꞉lalikiyo꞉, wa꞉lo꞉ dimia꞉no꞉wo꞉ dowo꞉lalega, gemo꞉wo꞉ wa꞉lo꞉ no꞉no꞉n dugumia꞉no꞉ ko꞉lo꞉ nemo꞉ sa꞉la꞉bi.
30344	JAS 1:11	Hendele, ofo꞉ halaido꞉ ta꞉ndab amio꞉, mamo momado꞉ nafa a꞉no꞉ onaliaki, udufo꞉ tinan. O꞉leaumbo꞉, kalu kelego꞉wo꞉ modo꞉lo꞉ delen a꞉no꞉lo꞉, ene nanog a꞉no꞉ dia꞉li ha꞉na꞉lalikiyo꞉, elo꞉ a꞉la꞉ kelegema꞉ib.
30385	JAS 2:25	O꞉leaumbo꞉ uwo꞉lo꞉ dia꞉lowan ga, Lehab eyo꞉ o꞉lusendo꞉ mio꞉ kalu a꞉la꞉ nowo꞉ e bo꞉fo꞉la꞉ga꞉, gis kaluwa꞉yo꞉ mo꞉sanama꞉ki, kalu a꞉la꞉ a꞉no꞉ tog nowa iliga꞉fo꞉ ko꞉lo꞉, elo꞉ dimido꞉ a꞉no꞉ ba꞉da꞉sa꞉ga꞉, Gode eyo꞉ Lehab e digalo꞉ ka꞉isale a꞉la꞉saefa꞉.
30391	JAS 3:5	O꞉leaumbo꞉, kaluwa꞉ do꞉mo꞉ amio꞉, eano꞉ ha꞉lula꞉su ko꞉lo꞉lab, ko꞉sega to sa꞉lakiyo꞉, enena꞉ma꞉la꞉yo꞉ kailakiyo꞉, towo꞉ alan sa꞉la꞉sen. Nio꞉ asuluma, de ka꞉si ha꞉lula꞉su a꞉ma꞉yo꞉ hena꞉ usa ti alilab amio꞉, hen a꞉namilo꞉ i a꞉no꞉ tambo o꞉li tandalema꞉ib.
30429	JAS 5:8	O꞉leaumbo꞉, Alando꞉ mia꞉nigab a꞉no꞉ ko꞉na꞉ma dowab ko꞉lo꞉, gio꞉lo꞉ halaido꞉ dowaki, ha꞉sa iliki yasila꞉lubi.