26993	ACT 1:1	Tiofela꞉s ge, Ya꞉suwa꞉lo꞉ tamin amilo꞉ mo꞉mo꞉da wido꞉wo꞉lo꞉, dimido꞉wo꞉lo꞉, a꞉la꞉ta꞉ga꞉ Hebenelo꞉ a꞉ma꞉la꞉do꞉ ane a꞉no꞉, Lug ne tamin amio꞉ gemo꞉ sa꞉sa꞉liga꞉fo꞉. Godeya꞉yo꞉ Ya꞉suwo꞉ Hebene halonamio꞉ semo꞉ tililia꞉ ha꞉naki, Eyo꞉ Enedo꞉ iliga꞉felema꞉no꞉ kaluwo꞉ da꞉fea꞉sa꞉ga꞉, imo꞉wo꞉ asuluma꞉no꞉ to nowo꞉ Mamaya꞉ halaido꞉ a꞉ma꞉yo꞉ sio꞉.
27001	ACT 1:9	To a꞉no꞉ sa꞉la꞉sa꞉ga꞉ eletakiyo꞉, Ya꞉suwo꞉ halona ha꞉nabiki, iyo꞉ alolo bo꞉fo꞉leno꞉, E kola꞉ go꞉lulabiki, iliyo꞉ wa꞉kabiyo꞉ mo꞉ba꞉ba꞉.
27005	ACT 1:13	Iyo꞉ Ya꞉lusalem fa꞉la꞉dowa꞉sa꞉ga꞉yo꞉, ilo꞉ sa꞉sen galale wa꞉l amio꞉ a꞉na tiane. Kalu i a꞉namilo꞉ seno꞉ we, Bida, Yon, Yemes, Andulu, Filib, Tomas, Batolomiyu, Madiyu, Yemes Alofiusa꞉ inso꞉, Saimon Sa꞉la꞉t kalu, a꞉la꞉ta꞉ga꞉ Yuda꞉s, Yemesa꞉ inso꞉.
27011	ACT 1:19	Ya꞉lusa꞉lem kaluka꞉isaleyo꞉ tambo dabu ko꞉lo꞉ iliyo꞉ hen a꞉no꞉ ene to wikilakiyo꞉, Akedama a꞉la꞉sio꞉. To a꞉no꞉ ha꞉go꞉ we, ho꞉bo꞉lo꞉ tulo꞉ hen.
27043	ACT 2:25	Taminde amio꞉ Debidiya꞉yo꞉ Ya꞉su amilo꞉ fa꞉la꞉doma꞉ibo꞉ ko꞉lo꞉ asulaki, towo꞉ a꞉la꞉sio꞉, “‘Ho꞉leno꞉ tambowo꞉ Alan E ne o꞉lia꞉ elena ba꞉ba꞉. E ni dagi ililiba iliki, ni asuwa꞉fa꞉ib ko꞉lo꞉ ne mada mo꞉tagima꞉no꞉.
27062	ACT 2:44	Tilidabu kaluka꞉isale iyo꞉ asulo꞉ imilise dowaki, kelego꞉ da꞉lab ilido꞉ a꞉no꞉ tambo ua dia꞉mela꞉no꞉ a꞉la꞉liki ta꞉fo꞉.
27067	ACT 3:2	Godeya꞉ malilo꞉ a amilo꞉ tog nowo꞉ “Gesego꞉” a꞉la꞉sa꞉la꞉sen ko꞉lo꞉ a꞉la꞉yo꞉ tog a꞉na ha꞉nakiyo꞉, giligo꞉ sen kalu nowo꞉ tog aniba sena ba꞉ba꞉. Kalu a꞉no꞉ anowa꞉ e sa꞉la꞉liakiyo꞉, e giligo꞉ o꞉ngo꞉ sa꞉la꞉li ko꞉lo꞉, kaluka꞉isaleyo꞉ aya ha꞉na꞉lab o꞉mo꞉wo꞉ moleyo꞉ ha꞉iya꞉melea꞉ki, ho꞉leno꞉ tambo kalu nolba꞉yo꞉ e ga꞉lilia꞉ga꞉, Tog Gesego꞉ a꞉na tagai ta꞉lila꞉sen.
27074	ACT 3:9	Kaluka꞉isale tambowa꞉yo꞉ e ha꞉na꞉ga꞉ ha꞉nakiyo꞉, Godeya꞉ wiyo꞉ wabuda꞉i ha꞉nabiki ba꞉ba꞉ ko꞉lo꞉, iliyo꞉ e giliga꞉sen kalu Tog Gesego꞉wa silikilo꞉ molelo꞉ ha꞉iya꞉sen o꞉mo꞉lo꞉b a꞉la꞉asulaki, iliyo꞉ e falele alifa꞉lo꞉b a꞉la꞉asula꞉sa꞉ga꞉, iyo꞉ iligakiyo꞉ molo asulo꞉.
27087	ACT 3:22	Tamin amio꞉ Moses eyo꞉ a꞉la꞉sio꞉, ‘Gode Alana꞉yo꞉ ne ko꞉lo꞉ gimo꞉lo꞉ iliga꞉fo꞉ aumbo꞉, dinali sa꞉lan kalu noma꞉yo꞉ gimo꞉wo꞉ sama꞉kiyo꞉, Isolael kalu go꞉no꞉na a꞉la꞉ta꞉ga꞉ iliga꞉fa꞉ib ko꞉lo꞉, giliyo꞉ to elo꞉ sa꞉labo꞉ tilida꞉da꞉bi.
27089	ACT 3:24	“Tamina Godeya꞉ dinali sa꞉lan kalu, Samuel eya mo꞉mo꞉data꞉ga꞉lo꞉ mio꞉wo꞉, o꞉go꞉do꞉ fa꞉la꞉dowab we iliyo꞉ a꞉no꞉ ko꞉lo꞉ tambo sio꞉.
27090	ACT 3:25	Gi ma꞉mu imo꞉lo꞉ dinali sa꞉lan kalu tamin amilo꞉ sio꞉ a꞉no꞉, giliyo꞉lo꞉ a꞉no꞉ko꞉ dia꞉ib. A꞉la꞉ta꞉ga꞉ Godeya꞉yo꞉ A꞉bla꞉ham o꞉lia꞉ e ma꞉mui o꞉lia꞉mo꞉wo꞉ towo꞉ saitakiyo꞉, ‘Gilo꞉ so꞉wa sa꞉la꞉la꞉i ha꞉nab i a꞉na a꞉la꞉ta꞉ga꞉yo꞉, henfelo꞉ amilo꞉ so꞉lo꞉ mesa꞉ib a꞉no꞉ tambo halaido꞉ mesea꞉ki ta꞉fa꞉no꞉.’ To saefa꞉ a꞉no꞉ gimo꞉wo꞉lo꞉ sio꞉.
27123	ACT 4:32	Tilidabu kaluka꞉isaleyo꞉ asulo꞉ imilise dota꞉ga꞉, iyo꞉ “kelego꞉ we na꞉no꞉” a꞉la꞉bo꞉ mo꞉asulaki, tambowo꞉ ua a꞉no꞉ dowo꞉.
27139	ACT 5:11	Tilidabu kaluka꞉isale tambo olia꞉ kalu nol a꞉namio꞉ sen a꞉no꞉lia꞉yo꞉, malolo꞉ a꞉no꞉ da꞉da꞉sa꞉ga꞉, iyo꞉ tambo tagi alan dowo꞉.
27140	ACT 5:12	Iliga꞉felo꞉ kalu iliyo꞉ molo ha꞉na꞉no꞉ ko꞉li ko꞉lilo꞉wo꞉ amisa꞉n us a꞉na dimida꞉len. Tilidabu kaluka꞉isale iyo꞉ ua, Solomona꞉ Isagen a꞉na kegea꞉sen.
27157	ACT 5:29	To a꞉no꞉ da꞉da꞉sa꞉ga꞉, Bida o꞉lia꞉ Iliga꞉felo꞉ kalu i nol a꞉ma꞉yo꞉ towo꞉ a꞉la꞉sio꞉, “Niliyo꞉ kaluwa꞉ towo꞉ mo꞉kudu ha꞉na꞉no꞉ ko꞉sega, Godeya꞉ Ene toleyo꞉ ko꞉lo꞉ mada kudu ha꞉na꞉no꞉.
27164	ACT 5:36	Mo꞉wo꞉ o꞉semo꞉amalela꞉ amio꞉, kalu nowo꞉ Teudas e babuma꞉niki, kalu alan o꞉ngo꞉ dasilabiyo꞉, kalu do꞉la꞉lowo꞉wo꞉ do꞉la꞉fo꞉ fa꞉la꞉da꞉in e kudu ane. Ko꞉sega e sana sowabikiyo꞉, kalu elo꞉ kudu ane a꞉no꞉ tambo dalale ane ko꞉lo꞉ elo꞉ dimidama꞉no꞉ asulo꞉ a꞉no꞉ madali wala꞉.
27175	ACT 6:5	Iliyo꞉ a꞉la꞉sa꞉labiki, tilidabu kaluka꞉isale iliyo꞉ to sa꞉lab a꞉no꞉ da꞉da꞉sa꞉ga꞉ tambo sagalaki, iliyo꞉ kalu nolo꞉ da꞉feyo꞉. Da꞉feyo꞉ kaluwo꞉ nowo꞉ Sitifen. E tilidabu alan a꞉la꞉ta꞉ga꞉ Godeya꞉ Mamayo꞉ e amio꞉ wa꞉lifo꞉. Da꞉feyo꞉ kalu nowo꞉ we, Filib, Bolokolus, Nikanol, Timon, Balmenas, a꞉la꞉ta꞉ga꞉ nowo꞉ Nikolas, e Antio꞉g amisa꞉n kalu ko꞉lo꞉ e tamin amio꞉ Yu kaluwa꞉lo꞉ tilidabu a꞉no꞉ elo꞉ kudu ane.
27176	ACT 6:6	Tilidabu kalu iyo꞉ doma꞉la꞉fo꞉ a꞉no꞉ da꞉fea꞉sa꞉ga꞉, Iliga꞉felo꞉ kalulo꞉wa tililia꞉ga꞉, Iliga꞉felo꞉ kaluwa꞉yo꞉ iyo꞉ Godemo꞉ dulugu sa꞉la꞉sa꞉ga꞉, dagiyo꞉ ili misa꞉ wa꞉la difa꞉.
27186	ACT 7:1	Sitifen e mo꞉walila꞉la꞉ga꞉ dotabikiyo꞉, bobalo꞉ so꞉mia꞉sen misa꞉ kalu a꞉ma꞉yo꞉ emo꞉wo꞉ a꞉la꞉dabuba꞉ba꞉, “To gemo꞉lo꞉ mo꞉walilakilo꞉ sa꞉lab we hendeleyo꞉?”
27187	ACT 7:2	To elo꞉ dabu ba꞉dab a꞉na, a꞉ma꞉la꞉ sa꞉lakiyo꞉ a꞉la꞉sio꞉, “Nao i, do i, gio꞉ dabuma! Nili ma꞉mu A꞉bla꞉ham eyo꞉ Halan amisa꞉n semo꞉ ane amio꞉, Mesobotemia hena sen amio꞉, halaido꞉ Gode a꞉no꞉ elo꞉wa fa꞉la꞉dowakiyo꞉, emo꞉wo꞉ a꞉la꞉sio꞉, ‘Ge go꞉no꞉n mo꞉mio꞉ o꞉lia꞉, go꞉no꞉n hen o꞉lia꞉ ta꞉taki, hen ko꞉li nilo꞉ gemo꞉lo꞉ walama꞉no꞉ a꞉no꞉, ge a꞉na mesa꞉no꞉ hamana.’
27199	ACT 7:14	A꞉ma꞉ fa꞉s amio꞉, Yosa꞉b eyo꞉ ene iya Yekob o꞉lia꞉ so꞉lo꞉ o꞉lia꞉yo꞉ elo꞉wa tambo mena꞉ki saga꞉fo꞉. To saga꞉fo꞉ a꞉no꞉ da꞉da꞉sa꞉ga꞉, Yekobo꞉ Isib ane ko꞉lo꞉ Yekoba꞉ so꞉lo꞉ Isib a꞉lab a꞉no꞉lia꞉ agelo꞉wo꞉ do꞉la꞉fo꞉ dom a꞉la꞉ta꞉ga꞉ bila꞉fo꞉ ko꞉lo꞉ fa꞉la꞉dowo꞉. Yekob o꞉lia꞉ ene sowayo꞉lo꞉ a꞉naka sowo꞉.
27201	ACT 7:16	Tif amio꞉ ini ki a꞉no꞉ a꞉ma꞉la꞉ dia꞉ya꞉sa꞉ga꞉, Sekem hen a꞉namio꞉, Hamol insisa꞉ma꞉ heno꞉ A꞉bla꞉hama꞉ tamina moleya꞉ kilili ko꞉lo꞉ ini kiyo꞉ a꞉na daido꞉.
27214	ACT 7:29	To sa꞉lab a꞉no꞉ da꞉da꞉sa꞉ga꞉, Moses e nai ha꞉na꞉ga꞉, Isib heno꞉ ta꞉ta꞉ga꞉, Midian hen a꞉na ha꞉na꞉sa꞉ga꞉yo꞉, e mio꞉ kalu silikiyo꞉, so꞉wayo꞉ a꞉la꞉ sa꞉la꞉li.
27230	ACT 7:45	Tif amio꞉ ni ma꞉mu i a꞉ma꞉ ene so꞉wayo꞉ helebeso꞉g a a꞉no꞉ dimi ko꞉lo꞉ iyo꞉ dia꞉li ha꞉na꞉sa꞉ga꞉yo꞉, Yosua e tililia꞉ ha꞉nakiyo꞉, iyo꞉ Godeya꞉ halaido꞉ o꞉lia꞉ma꞉yo꞉, ha꞉la꞉ kalu hen a꞉namilo꞉ sano꞉ o꞉luga꞉felesa꞉ga꞉yo꞉, helebeso꞉g a a꞉no꞉ a꞉na dialifa꞉. A꞉la꞉ta꞉ga꞉ a a꞉no꞉ hen a꞉na a꞉la꞉ta꞉ga꞉lo꞉ dowa꞉mio꞉wo꞉, Isolael misa꞉ Debidi ho꞉len a꞉na edo꞉.
27275	ACT 8:30	A꞉la꞉sa꞉labiki, Filib e nai ha꞉na꞉sa꞉ga꞉, i fofodo꞉ ha꞉nab anib a꞉na fa꞉la꞉dowakiyo꞉, kalu a꞉ma꞉lo꞉ dinali sa꞉lan Aisaya bugo꞉ agela꞉i ha꞉nab a꞉no꞉, e dabu. A꞉la꞉fo꞉ko꞉lo꞉ Filib eyo꞉ kalu o꞉mo꞉wo꞉ a꞉la꞉dabuba꞉ba꞉, “To gilo꞉ agelo꞉ a꞉no꞉, ge ha꞉go꞉ fanda asulaya?”
27296	ACT 9:11	Alana꞉yo꞉ emo꞉wo꞉ a꞉la꞉sio꞉, “Ge Tog Digalo꞉ a꞉na ha꞉na꞉ga꞉, Yuda꞉sa꞉ aya fa꞉la꞉dowakiyo꞉, Tasus amisa꞉n kalu nowo꞉, ene wiyo꞉ So꞉l ko꞉lo꞉, e ba꞉ba꞉nikiyo꞉, emo꞉wo꞉ dabu ba꞉da꞉ni hamana. Mo꞉wo꞉ E a a꞉na dulugu sa꞉la꞉liki sab ko꞉lo꞉ eyo꞉lo꞉ ofolakiyo꞉, kalu imilig nowo꞉, ene wiyo꞉ Ananaias, e elo꞉wa ya꞉ga꞉, e dagiyo꞉ wa꞉la go꞉lalikiyo꞉, ene siyo꞉ o꞉li o꞉bo꞉ba꞉ki a꞉la꞉likiyo꞉ ofowo꞉ ba꞉ba꞉ ko꞉lo꞉lab ko꞉lo꞉, ge elo꞉wa hamana.”
27315	ACT 9:30	Ao i, tilidabu nolba꞉yo꞉ a꞉no꞉ da꞉da꞉ga꞉, iliyo꞉ e Sa꞉sa꞉lia amisa꞉na tililia꞉ ha꞉na꞉ga꞉, Tasus amisa꞉n a꞉na hamana꞉ki ho꞉n ko꞉suwa iliga꞉fo꞉.
27321	ACT 9:36	Yoba amisa꞉n amio꞉, tilidabu ga nowo꞉ siliki, ene wiyo꞉ Tabita, ko꞉sega Gilik towa꞉ sa꞉lakiyo꞉, Dokas a꞉la꞉sa꞉lan. E man nafa dimida꞉liki, wa꞉feyo꞉ kaluka꞉isale kelego꞉lo꞉ma a꞉no꞉ ko꞉lo꞉ asuwa꞉ta꞉sen.
27324	ACT 9:39	A꞉la꞉sa꞉labiki, Bida e a꞉la꞉ o꞉lia꞉ ha꞉na꞉ga꞉ fa꞉la꞉dowabikiyo꞉, iliyo꞉ e tililia꞉ga꞉, galale wa꞉l amio꞉ tiane. Ga sa꞉ba꞉lo꞉ nolo꞉ elo꞉wa hege kagafo꞉liki, ya꞉foda꞉likiyo꞉, Tabita e o꞉silikilo꞉ helebeso꞉g sa꞉ga꞉la꞉sen elo꞉ dimido꞉ a꞉no꞉ Bida emo꞉ wido꞉.
27325	ACT 9:40	Bida eyo꞉ kaluka꞉isaleyo꞉ tambo ha꞉la꞉ya iliga꞉ta꞉sa꞉ga꞉, e gulalu siliki Godemo꞉ dulugu sio꞉. E ga sowo꞉lo꞉ doba꞉da꞉ nodolakiyo꞉ a꞉la꞉sio꞉, “Tabita, ge dasima!” A꞉la꞉sa꞉labiki, ga a꞉no꞉ siyo꞉ fasila꞉sa꞉ga꞉, Bida e sikudu ba꞉da꞉sa꞉ga꞉yo꞉, e dasi asi.
27371	ACT 10:43	Tamin amio꞉ dinali sa꞉lan kalu tambowa꞉yo꞉ Ya꞉su ko꞉lo꞉ sa꞉la꞉kiyo꞉ a꞉la꞉sio꞉, ‘Kaluka꞉isale abeyo꞉ eya tilida꞉dalega, Ya꞉su Keliso a꞉ma꞉ wiyalikiyo꞉, Godeya꞉yo꞉ mogago꞉ ililo꞉wo꞉ ga꞉lila꞉ma꞉ib.’”
27393	ACT 11:17	Tamin amio꞉ nio꞉ Ya꞉su Kelisowa tilidadabikilo꞉ Godeya꞉lo꞉ boba nimo꞉lo꞉ dimi a꞉no꞉ o꞉go꞉ imo꞉wo꞉lo꞉ dimi ko꞉lo꞉ Godeya꞉lo꞉ dimidab a꞉no꞉ niyo꞉ waga ka꞉ma꞉no꞉wo꞉?” Bida a꞉la꞉sio꞉.
27401	ACT 11:25	A꞉la꞉ta꞉ga꞉ Banabas e So꞉l kelema꞉ni ane. E Tasus amisa꞉n a꞉na ha꞉na꞉sa꞉ga꞉, Solo꞉ galili ko꞉lo꞉ Antio꞉g amisa꞉na a꞉ma꞉la꞉ tililia꞉ mio꞉. A꞉la꞉yo꞉ dona imiligo꞉ tilidabu kaluka꞉isale o꞉lia꞉ siliki, kaluka꞉isale modo꞉mo꞉ wida꞉len. A꞉la꞉fo꞉ko꞉lo꞉ kaluka꞉isale a꞉namilo꞉ sen a꞉ma꞉yo꞉ Ya꞉sulo꞉ kudu ha꞉nab kaluka꞉isale a꞉no꞉ “Keliso kaluka꞉isaleka꞉” a꞉la꞉liki Antio꞉g a꞉na mo꞉mo꞉da wikilo꞉.
27410	ACT 12:4	Bida e ta꞉lia꞉sa꞉ga꞉, dibolo aya to꞉lo alita꞉ga꞉yo꞉, e bo꞉fo꞉melea꞉ki, da꞉la꞉di kalu do꞉la꞉ta꞉ga꞉ do꞉go꞉fela꞉fo꞉ da꞉fea꞉sa꞉ga꞉, kalu fa꞉la꞉da꞉in fa꞉la꞉da꞉in yasilima꞉ ya꞉melea꞉ki, aloba꞉da꞉sa꞉ga꞉ ta꞉fo꞉. Tinio꞉ Asulo꞉ Ma꞉no꞉lo꞉ ma꞉no꞉ ho꞉len a꞉no꞉ edabikiyo꞉, Helo꞉da꞉yo꞉ Bida e a꞉na sili alitaki, kaluka꞉isale siwa꞉la mo꞉walilima꞉no꞉ asulo꞉.
27423	ACT 12:17	Bida eyo꞉ iyo꞉ ha꞉sa mesea꞉ki, dagiya꞉ da꞉fea꞉sa꞉ga꞉ hela꞉tabiki, Alana꞉lo꞉ e ko꞉lo꞉ dibolo aya a꞉la꞉ta꞉ga꞉lo꞉ sili alifa꞉ a꞉no꞉ imo꞉wo꞉ malolo꞉ me. A꞉la꞉ta꞉ga꞉yo꞉ imo꞉wo꞉ a꞉la꞉sio꞉, “To we Yemes o꞉lia꞉ tilidabu kalu nol o꞉lia꞉mo꞉wo꞉ malolo꞉ mia꞉bi.” A꞉la꞉sa꞉la꞉sa꞉ga꞉, e hen nowa ane.
27426	ACT 12:20	Helo꞉d eyo꞉ Taya kaluka꞉isale o꞉lia꞉ Saido꞉n kaluka꞉isale o꞉lia꞉mo꞉wo꞉ gadio꞉ alan dowa꞉sen. Ko꞉sega ili ma꞉no꞉wo꞉ Helo꞉da꞉ hena a꞉la꞉ta꞉ga꞉ dia꞉sen ko꞉lo꞉ Helo꞉d o꞉lia꞉ giso꞉ mo꞉dia꞉li mesa꞉no꞉ a꞉la꞉asulaki, iyo꞉ kegea꞉sa꞉ga꞉ Helo꞉d o꞉lia꞉ nenelema꞉no꞉ a꞉la꞉liki togo꞉ kedo꞉. A꞉la꞉go꞉ko꞉lo꞉ Balastus e Helo꞉da꞉ ene nanog dian kalu digalo꞉le nowo꞉ e ko꞉lo꞉ e i o꞉lia꞉ ko꞉le nenela꞉la꞉ga꞉, e o꞉lia꞉yo꞉ asugo꞉ imilise dowabiki, iyo꞉ asuwa꞉fa꞉no꞉ a꞉la꞉li saefa꞉.
27427	ACT 12:21	Tolo꞉ nenelema꞉no꞉lo꞉ saefa꞉ ho꞉len a꞉namio꞉, Helo꞉d e misa꞉ kaluwa꞉ so꞉go꞉ ka꞉la꞉sa꞉ga꞉, i fofodo꞉ nafa a꞉na asifo꞉liki, kalu kegeo꞉ o꞉mo꞉wo꞉ towo꞉ halaido꞉ sio꞉.
27428	ACT 12:22	To sa꞉lab a꞉no꞉ da꞉da꞉sa꞉ga꞉yo꞉, e sagalema꞉kiyo꞉, iliyo꞉ halale sa꞉la꞉likiyo꞉ a꞉la꞉sio꞉, “To elo꞉ sa꞉lab ko꞉, kaluwa꞉ mego꞉fa꞉ sa꞉labaka꞉yo꞉, to elo꞉ a꞉ma꞉yo꞉ godeya꞉lo꞉ sa꞉lan aumgab.”
27499	ACT 14:16	Taminde amio꞉, Godeya꞉yo꞉ kaluka꞉isaleyo꞉ ini man mogago꞉ dimida꞉melea꞉ki ta꞉fo꞉.
27501	ACT 14:18	To a꞉no꞉ imo꞉wo꞉ sio꞉ ko꞉sega kaluka꞉isale iliyo꞉ boba somia꞉no꞉ a꞉no꞉ mo꞉ta꞉fa꞉no꞉, dimidama꞉no꞉le asulabiki, imo꞉wo꞉ mo꞉dimidama꞉ki, a꞉la꞉ma꞉yo꞉ towo꞉ halaido꞉ sa꞉la꞉i ha꞉nabi, iliyo꞉ mo꞉dimido꞉.
27502	ACT 14:19	Tif amio꞉, Yu kalu Aikoniumdo꞉ seno꞉ a꞉la꞉ta꞉ga꞉ Antio꞉gdo꞉ seno꞉ ya꞉sia꞉sa꞉ga꞉, Lista a꞉na fa꞉la꞉dota꞉ga꞉yo꞉, kaluka꞉isale kegeo꞉ a꞉no꞉ digene alitabiki, iyo꞉ Fol emo꞉wo꞉ gadia꞉sa꞉ga꞉, uwa꞉ agodo꞉ ko꞉lo꞉ e sowab a꞉la꞉asulaki, do꞉mo꞉wo꞉ susululia꞉ga꞉, amisa꞉n ha꞉la꞉ya sandifo꞉.
27514	ACT 15:3	Tilidabu kaluka꞉isale a꞉ma꞉yo꞉ iyo꞉ Ya꞉lusalem a꞉na iliga꞉tabiki ha꞉nakiyo꞉, iyo꞉ Fonisia hen o꞉lia꞉ Samalia hen o꞉lia꞉ a꞉na tinia꞉li ha꞉naki, iliyo꞉ tilidabu kaluka꞉isale nol o꞉mo꞉wo꞉ Yu kaluka꞉isalema iyo꞉ asugo꞉ ho꞉gi nodola꞉sa꞉ga꞉, Ya꞉su amilo꞉ tilidabu a꞉no꞉ imo꞉wo꞉ wida꞉li ane ko꞉lo꞉ to a꞉no꞉ da꞉da꞉sa꞉ga꞉ sagalo꞉ alan dowo꞉.
27516	ACT 15:5	To a꞉no꞉ da꞉da꞉sa꞉ga꞉, Fa꞉lisi amilo꞉ Ya꞉su tilidabu kalu nolo꞉ dasila꞉sa꞉ga꞉ a꞉la꞉sio꞉, “Yu kaluka꞉isalema tilida꞉dab a꞉ma꞉yo꞉ Mosesa꞉ ele saefa꞉ a꞉no꞉ kudu ha꞉na꞉sa꞉ga꞉, iyo꞉ do꞉go꞉fo꞉ hege gedea꞉bi.”
27521	ACT 15:10	Tamin amio꞉ hida꞉yo꞉ ni o꞉lia꞉ nini ma꞉mu i o꞉lia꞉ma꞉yo꞉ dia꞉ga꞉lo꞉ ha꞉na꞉no꞉ mo꞉lilo꞉ dowo꞉ a꞉no꞉, o꞉go꞉ giliyo꞉ Yu kaluka꞉isalema ho꞉gi tilidabu a꞉ma꞉yo꞉ dia꞉ hamana꞉ki, kelena wa꞉lamilo꞉ dia꞉fa꞉nigab a꞉no꞉, mo꞉wo꞉ ha꞉? Godeya꞉lo꞉ wedima꞉ib a꞉no꞉ ge alobana ba꞉dakigaya?
27533	ACT 15:22	To a꞉no꞉ nenela꞉sa꞉ga꞉ saitakiyo꞉, iliga꞉felo꞉ kaluwo꞉lo꞉, sa꞉sdo꞉ bo꞉fo꞉lowan kaluwo꞉lo꞉, sa꞉s kaluka꞉isale tambo kegeo꞉ iliyo꞉, Fol dia꞉ Banabas dia꞉lo꞉ Antio꞉gdo꞉ ha꞉na꞉no꞉wo꞉, kalu nolo꞉ da꞉feyo꞉. Kalu nowo꞉ Yuda꞉s Basabas, nowo꞉ Sailas ko꞉lo꞉ kalu a꞉la꞉ we, tilidabu kaluka꞉isalelo꞉ bo꞉fo꞉lowan ko꞉lo꞉ elen.
27540	ACT 15:29	Ma꞉no꞉ ko꞉lo꞉ madali godemo꞉lo꞉ dimiab a꞉no꞉ na꞉so꞉bo. A꞉la꞉ta꞉ga꞉ no꞉ ho꞉bo꞉ a꞉no꞉lia꞉, no꞉wo꞉ dagasa silisa꞉nda꞉sa꞉ga꞉, ho꞉bo꞉wo꞉ mo꞉ane a꞉no꞉lia꞉yo꞉, na꞉so꞉bo. A꞉la꞉ta꞉ga꞉ wo꞉wo꞉ dia꞉so꞉bo. Man a꞉no꞉ kuduha꞉nalega, gio꞉ kobale mesa꞉ib. To nililo꞉ gimo꞉lo꞉ so꞉lo꞉lo꞉ o꞉m.
27550	ACT 15:39	To a꞉namio꞉ a꞉la꞉yo꞉ alan kega꞉sa꞉ga꞉, alobo꞉no꞉ ko꞉lo꞉ Banabas eyo꞉ Yon Mago꞉ e tililia꞉ga꞉, ho꞉n ko꞉su disa꞉la꞉sa꞉ga꞉, Saibulus a꞉na ane.
27553	ACT 16:1	A꞉la꞉yo꞉ ha꞉na꞉sa꞉ga꞉, Debe fa꞉la꞉dota꞉ga꞉, Lista fa꞉la꞉dowakiyo꞉, tilidabu so꞉wa nowo꞉ a꞉na galili. Ene wiyo꞉ Timoti a꞉la꞉ta꞉ga꞉ ene anowo꞉ Yu ka꞉isale Ya꞉su amilo꞉ tilidabuwo꞉ e, ko꞉sega ene iyayo꞉ Gilig kalu.
27555	ACT 16:3	Fol eyo꞉ Timotiyo꞉ e tililia꞉ sia꞉mela꞉no꞉ asulo꞉ ko꞉lo꞉ ene do꞉go꞉fo꞉ hege gede alifa꞉. Mo꞉wo꞉ Yu kaluka꞉isale amisa꞉n a꞉namilo꞉ sen a꞉ma꞉yo꞉ Timotiya꞉ iyayo꞉ Gilig kalu a꞉la꞉asulo꞉.
27560	ACT 16:8	A꞉la꞉fo꞉ko꞉lo꞉ iyo꞉ Misia hen a꞉no꞉ da꞉la꞉li ha꞉na꞉sa꞉ga꞉, Toloas amisa꞉na tiane.
27563	ACT 16:11	Nio꞉ dimidalia꞉sa꞉ga꞉, ho꞉n ko꞉suwo꞉ Toloas a꞉na disa꞉la꞉sa꞉ga꞉, ho꞉na꞉lo꞉ hegefa꞉ hen Samotilas a꞉na fofa꞉sa꞉ dia꞉sa꞉ga꞉ onolo ha꞉nakiyo꞉, ho꞉len imilig nowo꞉ ta꞉ta꞉ga꞉, Neabolis a꞉na fa꞉la꞉dowo꞉.
27564	ACT 16:12	Nio꞉ a꞉na fa꞉la꞉dota꞉ga꞉, hena ha꞉na꞉la꞉ga꞉, Filibai a꞉na fa꞉la꞉dowo꞉. Filibai a꞉no꞉ Masedonia hen amilo꞉ amisa꞉n alano꞉ e. Tamin amio꞉ Lom kaluwa꞉ amisa꞉n a꞉no꞉ bo꞉fo꞉len. Nio꞉ ho꞉len nowo꞉ a꞉na sen.
27566	ACT 16:14	To nililo꞉ widabdo꞉ da꞉da꞉len ka꞉isale nowo꞉ wiyo꞉ Lidia. Ka꞉isale we Taiataila amisa꞉n ga ko꞉lo꞉ helebeso꞉g ho꞉mo꞉solo꞉ nafalelo꞉ kililia꞉seno꞉ o꞉m ko꞉lo꞉ e Godeya꞉ wilo꞉ wabulu sa꞉la꞉seno꞉ e. Alana꞉yo꞉ ga a꞉ma꞉ asugo꞉ kolaitabikiyo꞉, Fol elo꞉ to widab a꞉no꞉ tilidabu.
27593	ACT 17:1	Fol dia꞉ Sailas dia꞉yo꞉ ha꞉nakiyo꞉, Amfibolis amisa꞉n o꞉lia꞉ Abolonia amisa꞉n a꞉no꞉lo꞉ tinia꞉li ha꞉na꞉ga꞉, Tesalonaika amisa꞉n a꞉na fa꞉la꞉dowo꞉. Amisa꞉n a꞉namio꞉, Yu kaluwa꞉lo꞉ tolo꞉ wida꞉sen ayo꞉ elen ko꞉lo꞉, Fol elo꞉ dimidan o꞉leaumbo꞉, e a꞉na ha꞉na꞉sa꞉ga꞉, Godeya꞉ towo꞉ wida꞉len. So꞉go꞉ agelo꞉ otalen a꞉namilo꞉, Ha꞉fo꞉lo꞉ Dowa꞉sen ho꞉len a꞉no꞉ tambo eyo꞉ Yu kaluwa꞉lo꞉ tolo꞉ wida꞉sen ayamio꞉ ha꞉na꞉sa꞉ga꞉, Godeya꞉ to tamin amilo꞉ sa꞉sa꞉lo꞉ a꞉no꞉ e a꞉fanda wido꞉.
27595	ACT 17:3	Tamin amilo꞉ dinali sa꞉lan ililo꞉ sa꞉sa꞉lo꞉ a꞉namio꞉ Godeya꞉lo꞉ Da꞉feyo꞉ Kalu e mada nagalo꞉ dia꞉la꞉ga꞉ soma꞉ib ko꞉sega e a꞉ma꞉la꞉ dasima꞉ib a꞉la꞉sa꞉sa꞉lo꞉ ko꞉lo꞉ wido꞉. A꞉la꞉fo꞉ko꞉lo꞉ kalu nilo꞉ mando꞉ wido꞉l Ya꞉su we, Godeya꞉lo꞉ Da꞉feyo꞉ Kaluwo꞉ e. Fol eyo꞉ a꞉la꞉wido꞉.
27603	ACT 17:11	Belia kaluka꞉isale iyo꞉, Tesalonaika kaluka꞉isale i o꞉le o꞉ngo꞉ma ko꞉lo꞉ Belia kaluka꞉isaleya꞉ kufa꞉ uso꞉ kolaifa꞉ ko꞉lo꞉ iyo꞉ Fola꞉ to sa꞉lab a꞉no꞉ sagalo꞉ da꞉dabiki, iliyo꞉ Fol e towo꞉ hendele sa꞉labele a꞉la꞉li, Godeya꞉ towo꞉ ho꞉leno꞉ tambo agelaliki, dinafa alobana asulo꞉.
27605	ACT 17:13	Ko꞉sega Yu kalu Tesalonaikalo꞉ sen a꞉ma꞉yo꞉, Fol eyo꞉ Godeya꞉ towo꞉ Belia a꞉na widab a꞉la꞉ asulaki, iyo꞉ a꞉na ya꞉sa꞉ga꞉, amisa꞉n kaluka꞉isaleyo꞉ Fol dia꞉mo꞉wo꞉ kulufema꞉ki towo꞉ ko꞉li ko꞉lilo꞉ digini me.
27606	ACT 17:14	Wigibo a꞉namio꞉, tilidabu kaluka꞉isale iliyo꞉ Folo꞉ so꞉lu ho꞉n aniba iliga꞉fo꞉, ko꞉sega Sailas dia꞉ Timoti dia꞉yo꞉ mo꞉hanaki, ka sen.
27607	ACT 17:15	Kalu nol Fol elo꞉ tililia꞉ga꞉lo꞉ Atens a꞉namilo꞉ ane a꞉no꞉, a꞉ma꞉la꞉ yabi, eyo꞉ Sailas dia꞉ Timoti dia꞉yo꞉ elo꞉ amio꞉ mada bo꞉bo꞉ge mena꞉ki saga꞉fo꞉.
27617	ACT 17:25	Godeya꞉yo꞉ mela꞉no꞉ meho꞉wo꞉ o꞉lia꞉ kelego꞉ henfelo꞉ amilo꞉ a꞉lab we tambo kaluka꞉isalemo꞉ dimi ko꞉lo꞉ Gode e halaido꞉wo꞉ o꞉li ko꞉lo꞉lab. A꞉la꞉fo꞉ko꞉lo꞉ kaluka꞉isaleya꞉ Gode e a꞉asuwa꞉fa꞉no꞉wo꞉ mo꞉lido꞉. Tamin amio꞉ Godeya꞉ kalu imilig nowo꞉ dimido꞉ ko꞉lo꞉ o꞉go꞉ henfelo꞉ amilo꞉ kaluka꞉isale ko꞉li ko꞉lilo꞉ sab we a꞉na fa꞉la꞉dowo꞉. Kaluka꞉isale a꞉no꞉ semo꞉fa꞉la꞉dowo꞉ amio꞉, Godeya꞉yo꞉ hen ililo꞉wo꞉ ele alifela꞉sa꞉ga꞉, ho꞉len a꞉na doma꞉ib a꞉la꞉bo꞉ dinali da꞉fe salifelo꞉ ko꞉lo꞉lab.
27622	ACT 17:30	Tamin amio꞉ kaluka꞉isaleyo꞉ babalo꞉ dofo꞉liki dimidabiki, Godeya꞉yo꞉ ka ta꞉fo꞉len ko꞉sega, o꞉go꞉ kaluka꞉isale henefelo꞉ we tambolo꞉ a꞉lab a꞉no꞉ asulo꞉wo꞉ nodoma꞉ki, towo꞉ halaido꞉ sio꞉.
27624	ACT 17:32	Iyo꞉ kalu sowo꞉ a꞉ma꞉la꞉ dasi a꞉la꞉do꞉ sa꞉lab a꞉no꞉ da꞉dakiyo꞉, nolba꞉yo꞉ Folo꞉ dio꞉ge sio꞉ ko꞉sega nolba꞉yo꞉ “To a꞉no꞉ nio꞉ a꞉da꞉ba꞉no꞉ ko꞉lo꞉ wa꞉ka sama” a꞉la꞉sio꞉.
27626	ACT 17:34	Fol elo꞉ to wido꞉ a꞉no꞉ kalu nolo꞉ tilidabu ko꞉lo꞉ Ya꞉su kudu ane. Tilidabu kalu nowo꞉ Dionisius, Aleobagus kaunsil kalu nowo꞉ e. A꞉la꞉ta꞉ga꞉ nowo꞉ ga Damalis, a꞉la꞉ta꞉ga꞉ kaluka꞉isale nolo꞉lo꞉ tilidabu.
27627	ACT 18:1	Tif amio꞉, Fol e Atens amisa꞉no꞉ ta꞉ta꞉ga꞉, Kolin amisa꞉na ane.
27631	ACT 18:5	Sailas dia꞉ Timoti dia꞉yo꞉ Masedonia hena a꞉la꞉ta꞉ga꞉ Fol elo꞉wa fa꞉la꞉dowabikiyo꞉, e nanog nowo꞉ mo꞉diaki, ho꞉leno꞉ tambo Yu kaluka꞉isalemo꞉wo꞉ man wida꞉likiyo꞉, Godeya꞉lo꞉ Da꞉feyo꞉ kaluwo꞉, Ya꞉su Keliso eka꞉ a꞉la꞉liki wida꞉len.
27633	ACT 18:7	A꞉la꞉sa꞉la꞉sa꞉ga꞉yo꞉, Fol e tolo꞉ wida꞉sen ayo꞉ ta꞉ta꞉sa꞉ga꞉, a anib amilo꞉ Titius Yastus ene aya ti ane. Kalu a꞉no꞉ Godeya꞉ wiyo꞉ dulugu sa꞉la꞉sen ko꞉lo꞉ Folo꞉ e o꞉lia꞉ sen.
27634	ACT 18:8	Tolo꞉ wida꞉sen a o꞉lo꞉ biso꞉ kalu, Kilisbus, e o꞉lia꞉ ene so꞉lo꞉ o꞉lia꞉yo꞉ Alano꞉ tilidabu ko꞉lo꞉ Kolin kaluka꞉isale modo꞉ to elo꞉wo꞉ da꞉da꞉sa꞉ga꞉yo꞉, iyo꞉lo꞉ Alano꞉ tilidadabiki, iyo꞉ ho꞉no꞉ to꞉lolo꞉.
27642	ACT 18:16	To a꞉no꞉ sa꞉la꞉sa꞉ga꞉, Galio eyo꞉ iyo꞉ hamana꞉ki, o꞉luga꞉felo꞉
27655	ACT 19:1	Abolos e Kolin a꞉na elen amio꞉, Fol e wa꞉l toga ya꞉la꞉ga꞉, Efesa꞉s a꞉na fa꞉la꞉dowakiyo꞉, tilidabu kaluka꞉isale nolo꞉ a꞉na galilia꞉sa꞉ga꞉, imo꞉ dabu ba꞉ba꞉, “Gio꞉ ho꞉gi tilidabu amio꞉, Godeya꞉ Mamayo꞉ a꞉namio꞉ diyo꞉?” To a꞉no꞉ da꞉da꞉sa꞉ga꞉, iliyo꞉ a꞉ma꞉la꞉bo꞉ a꞉la꞉sio꞉, “A, Godeya꞉ Mamayo꞉ a꞉lab a꞉la꞉bo꞉, nio꞉ mo꞉dabu.”
27659	ACT 19:5	To a꞉no꞉ da꞉da꞉ga꞉ dowabiki, iyo꞉ Ya꞉su Kelisowa꞉ wiya iliki, ho꞉na to꞉lolo꞉.
27663	ACT 19:9	Ko꞉sega kalu nolo꞉ asulo꞉ ililo꞉wo꞉ halaidaki goladowakiyo꞉, iliyo꞉ Alana꞉ man a꞉namio꞉ mogago꞉ towo꞉ kalaba sio꞉. A꞉la꞉gabiki, Fol eyo꞉ i a꞉na ta꞉ta꞉ga꞉yo꞉, tilidabu kaluka꞉isale o꞉lia꞉yo꞉ egele ha꞉na꞉sa꞉ga꞉, ho꞉leno꞉ tambo amio꞉ Tilanus sugul aya siliki, nenela꞉len.
27676	ACT 19:22	A꞉la꞉fo꞉ko꞉lo꞉ Fol elo꞉ asuwa꞉ta꞉sen kalu a꞉la꞉, Timoti o꞉lia꞉ Elastus a꞉no꞉ Masedonia iliga꞉takiyo꞉, e Asia hen a꞉naka o꞉elen.
27690	ACT 19:36	To so꞉lo꞉l we hendele a꞉lab ko꞉lo꞉, kalu imilig noma꞉yo꞉ o꞉ngo꞉ma a꞉la꞉bo꞉ mo꞉sa꞉ma꞉ib. A꞉la꞉fo꞉ko꞉lo꞉ giliyo꞉ ha꞉sa dowaki, hala nowo꞉ dimida꞉so꞉bo.
27698	ACT 20:4	Kalu e o꞉lia꞉ aneyo꞉ nowo꞉ Sobada, e Belia amisa꞉n kalu Bilusa꞉ inso꞉, nowo꞉ a꞉la꞉ Alistakus o꞉lia꞉ Sekudus a꞉no꞉ Tesalonaika kalu. Nowo꞉ Gaius, Debe kalu, a꞉la꞉ta꞉ga꞉ nowo꞉ Timoti, nowo꞉ a꞉la꞉ Tikikus o꞉lia꞉ Tolofimus a꞉no꞉ Asia kalu.
27699	ACT 20:5	Toloas amisa꞉n a꞉namio꞉, kalu i a꞉no꞉ tamina ha꞉na꞉sa꞉ga꞉, nio꞉ a꞉na galima꞉ni yasilab.
27700	ACT 20:6	Sagala꞉sa꞉ga꞉lo꞉ Ma꞉n Mosolo꞉ na꞉sen a꞉no꞉ ho꞉leno꞉ ilita꞉ga꞉, nio꞉ ho꞉n ko꞉suwa disa꞉la꞉sa꞉ga꞉, ho꞉leno꞉ bila꞉fo꞉wo꞉ alita꞉ga꞉yo꞉, iyo꞉ Toloas a꞉na galilia꞉ga꞉, ho꞉len dom a꞉la꞉fo꞉wo꞉ a꞉na sen.
27729	ACT 20:35	Giliyo꞉ wa꞉feyo꞉ kalu asuwa꞉foma꞉kiyo꞉, nanog halaido꞉ nilo꞉ dimida꞉sen a꞉no꞉ gio꞉ ko꞉lo꞉ widakigo꞉l. Ya꞉su Alana꞉yo꞉ towo꞉ a꞉la꞉sio꞉, ‘Dimiabdo꞉ ge mada sagalo꞉wo꞉ alan doma꞉ib ko꞉sega diabdo꞉ ge sagalo꞉wo꞉ ha꞉lu doma꞉ib.’ To we giliyo꞉ asulufo꞉lubi.”
27735	ACT 21:3	Nio꞉ ha꞉nakiyo꞉, ho꞉na꞉lo꞉ hegefa꞉ hen Saibulus a꞉no꞉ dagi fo꞉fo꞉ndolo ba꞉da꞉ ta꞉ta꞉i aneyo꞉, Silia hen a꞉na ha꞉naki, Taya amisa꞉na fa꞉la꞉dowakiyo꞉, kelego꞉wo꞉ a꞉na segeselabiki, nio꞉lo꞉ a꞉na sili alifa꞉.
27736	ACT 21:4	Taya amisa꞉n a꞉namio꞉ tilidabu kaluka꞉isale nolo꞉ a꞉na galilia꞉sa꞉ga꞉, ho꞉len dom a꞉la꞉fo꞉wo꞉ i o꞉lia꞉ silikiyo꞉, Godeya꞉ Mamaya꞉yo꞉ tilidabu kaluka꞉isale o꞉mo꞉wo꞉ asulo꞉wo꞉ dimiabiki, iliyo꞉ Fol e Ya꞉lusalem ha꞉nabena꞉ki, hagugu sio꞉.
27739	ACT 21:7	Nio꞉ Taya a꞉na ta꞉ta꞉ga꞉ ha꞉nakiyo꞉, Tolemes amisa꞉na fa꞉la꞉dowa꞉ta꞉ga꞉yo꞉, tilidabu kaluka꞉isale nolo꞉ a꞉na galilia꞉sa꞉ga꞉, ho꞉len imilig nowo꞉ a꞉na ali.
27740	ACT 21:8	Kea꞉fowo꞉ nio꞉ Tolemes a꞉no꞉ ta꞉ta꞉ga꞉ ha꞉nakiyo꞉, Sesalia a꞉na fa꞉la꞉dowa꞉sa꞉ga꞉, amisa꞉n kalu nowo꞉ Filib ene aya ali. Filib e to nafalo꞉ walama꞉no꞉ kalu nowo꞉ e. A꞉la꞉ta꞉ga꞉ iliga꞉felo꞉ kalu iyo꞉ asuwa꞉foma꞉ki, tamin amilo꞉ kalu doma꞉la꞉fo꞉ da꞉feyo꞉wo꞉ nowo꞉ e.
27744	ACT 21:12	To a꞉no꞉ da꞉da꞉sa꞉ga꞉, ni o꞉lia꞉ amisa꞉n kalu a꞉na sen o꞉lia꞉ma꞉yo꞉, Fol e Ya꞉lusalem halonamio꞉ mo꞉hamana꞉kiyo꞉, towa꞉yo꞉ ha꞉nolo sio꞉.
27761	ACT 21:29	(Ililo꞉ sio꞉ a꞉no꞉ mo꞉wo꞉ we. Tamin amio꞉, iyo꞉ Tolofimus, Efesa꞉s kalu e, Fol o꞉lia꞉ Ya꞉lusalem amio꞉ sia꞉labiki ba꞉ba꞉ ko꞉lo꞉ iliyo꞉ Fol e kalu a꞉no꞉ Malilo꞉ a usa tililia꞉mio꞉ a꞉la꞉asulakiyo꞉, towo꞉ halaido꞉ a꞉na sio꞉.)
27771	ACT 21:39	A꞉la꞉dabu ba꞉dabiki, Fol eyo꞉ a꞉ma꞉la꞉ a꞉la꞉sio꞉, “A, ne Yu kalu, Silisia hen amio꞉ Tasus amisa꞉n alan a꞉no꞉ kaluwo꞉ ne ko꞉lo꞉ giyo꞉ ne kaluka꞉isale kegeo꞉ wemo꞉wo꞉ towo꞉ sama꞉kiyo꞉, fogo꞉ dimia꞉no꞉wo꞉ o꞉liyo꞉?”
27775	ACT 22:3	Da꞉dabiki, Fol eyo꞉ a꞉la꞉sio꞉, “Ne Yu kalu, Silisia hen amio꞉ Tasus amisa꞉n a꞉na sa꞉la꞉li ko꞉sega, ne amisa꞉n wena siliki anayo꞉. Ne Gamaliel e ha꞉ga꞉ ilikiyo꞉, nili ma꞉muwa꞉ mano꞉ nemo꞉ kefele wido꞉ ko꞉lo꞉, o꞉gdo꞉ gili Godemo꞉lo꞉ kudu ha꞉nab o꞉leaumbo꞉, niyo꞉lo꞉ Godeya꞉ man o꞉leo꞉ngo꞉ dinafa kudu ha꞉na꞉sen.
27801	ACT 22:29	To a꞉no꞉ da꞉da꞉sa꞉ga꞉yo꞉, da꞉la꞉di kalu iyo꞉ emo꞉lo꞉ dabu ba꞉ba꞉no꞉ a꞉la꞉likilo꞉ elen a꞉no꞉ tagilaki, a꞉ma꞉la꞉ gigili kagayo꞉. A꞉la꞉ta꞉ga꞉ da꞉la꞉di misa꞉ kaluwa꞉yo꞉, Fol e Lom kalule ko꞉lo꞉ sa꞉niya꞉lo꞉ elo꞉ melo꞉ a꞉no꞉ asulakiyo꞉, e tagi dowo꞉.
27812	ACT 23:10	To kegakiyo꞉ bubo꞉ a꞉no꞉ mada alan fa꞉la꞉dowabikiyo꞉, da꞉la꞉di misa꞉ kalu e iyo꞉ Folo꞉ ta꞉li siliki susulutandakiyo꞉ gedema꞉ib a꞉la꞉asulaki, ene da꞉la꞉di kaluwo꞉ ho꞉ida꞉sa꞉ga꞉, Folo꞉ gasilia꞉ga꞉, ilo꞉ sa꞉sen aya tililia꞉ hamana꞉ki sio꞉.
27815	ACT 23:13	Tolo꞉ saefa꞉ kalu agelo꞉wo꞉ do꞉la꞉fo꞉ fa꞉la꞉da꞉in a꞉no꞉ tinio꞉ a꞉ma꞉ saefa꞉.
27818	ACT 23:16	To nenelakiyo꞉ saitab a꞉no꞉, Fola꞉ e babo a꞉ma꞉ da꞉da꞉la꞉ga꞉yo꞉, e da꞉la꞉dilo꞉ sa꞉sen aya ha꞉na꞉ga꞉, Folbo꞉wo꞉ to a꞉no꞉ malolo꞉ me.
27824	ACT 23:22	To a꞉no꞉ da꞉da꞉sa꞉ga꞉yo꞉, da꞉la꞉diya꞉ misa꞉ kaluwa꞉yo꞉ so꞉wa o꞉mo꞉wo꞉ hagugu sa꞉lakiyo꞉, “Giyo꞉ to we nemo꞉wo꞉ sio꞉ka꞉ a꞉la꞉likiyo꞉, kalu nolbo꞉wo꞉ sa꞉la꞉so꞉bo” A꞉la꞉sa꞉la꞉sa꞉ga꞉ so꞉wa a꞉no꞉ a꞉ma꞉la꞉ iliga꞉fo꞉.
27827	ACT 23:25	To a꞉no꞉ sa꞉la꞉sa꞉ga꞉yo꞉, eyo꞉ mo꞉fo꞉so꞉ iliga꞉takiyo꞉ a꞉la꞉sa꞉sa꞉lo꞉.
27838	ACT 24:1	Ho꞉len bila꞉fo꞉wo꞉ ta꞉ta꞉ga꞉yo꞉, Bobalo꞉ so꞉mia꞉sen misa꞉ kalu, Ananaiaso꞉ a꞉la꞉ta꞉ga꞉ Yu ko꞉go꞉do꞉ kalu nolo꞉ a꞉la꞉ta꞉ga꞉ mo꞉walilabdo꞉ asuwa꞉ta꞉sen kalu Tetuluso꞉, iyo꞉ Sesalia ha꞉na꞉sa꞉ga꞉, gamani misa꞉ kalu si wa꞉l amio꞉ Fol elo꞉ hala dimido꞉ diga꞉li sio꞉ a꞉no꞉ fanda sio꞉.