27016	ACT 1:24	Wi a꞉la꞉ a꞉no꞉ salitakiyo꞉, iliyo꞉ Godemo꞉wo꞉ a꞉la꞉ dulugu sio꞉, “Alan Giyo꞉, nili kufa꞉ uso꞉ ba꞉da꞉sen ko꞉lo꞉ a꞉la꞉ we nowo꞉ Giyo꞉ da꞉feyo꞉lalega, Giyo꞉ nimo꞉wo꞉ walama.
27019	ACT 2:1	Bentekos ho꞉len a꞉no꞉ fa꞉la꞉dowabiki, tilidabu kaluka꞉isaleyo꞉ sagala꞉liki, a usa kegeo꞉.
27035	ACT 2:17	“‘Godeya꞉yo꞉ sa꞉lakiyo꞉, “Elema꞉no꞉ ho꞉leno꞉ ko꞉na꞉ma dowalikiyo꞉, Ni Mamayo꞉ kaluka꞉isale tambomo꞉ ko꞉go꞉lu alifelema꞉no꞉ ko꞉lo꞉, Gi so꞉wa iyo꞉lo꞉, ga꞉la꞉la꞉yo꞉lo꞉, dinali sa꞉lan kaluwa꞉lo꞉ widan o꞉ngo꞉ doma꞉ib. So꞉wa iliyo꞉ ho꞉le ba꞉ba꞉ib, a꞉la꞉ta꞉ga꞉, kalu anaso꞉ imo꞉wo꞉ ofowo꞉ walalifelema꞉ib.
27041	ACT 2:23	Godeya꞉yo꞉ Ya꞉suwo꞉ gili dagiya꞉ difa꞉ ko꞉lo꞉ giliyo꞉ E mogago꞉ kalu nolbo꞉ i malana aluma꞉kilo꞉ ta꞉fo꞉ a꞉no꞉, gili sa꞉ndan o꞉ngo꞉ ko꞉lo꞉ giliyo꞉ a꞉la꞉dimidama꞉ib a꞉la꞉liki, Godeya꞉yo꞉ mo꞉lu da꞉fefa꞉.
27048	ACT 2:30	E dinali sa꞉lan kalu ko꞉lo꞉ Debidiya꞉ e ma꞉mu amilo꞉ kalu so꞉wa fa꞉la꞉dowab a꞉ma꞉yo꞉, tif amio꞉ e misa꞉ kalu dowaki, hen elo꞉ a꞉no꞉ bo꞉fo꞉mela꞉ib a꞉la꞉liki, Godeya꞉lo꞉ dinali sio꞉ a꞉no꞉, eyo꞉ asulo꞉.
27058	ACT 2:40	Bida eyo꞉ imo꞉wo꞉ towo꞉ ko꞉li ko꞉lilo꞉ wida꞉sa꞉ga꞉, hagugo꞉ towo꞉lo꞉ imo꞉wo꞉ a꞉la꞉sio꞉, “Kaluka꞉isale o꞉gdo꞉ mogago꞉lo꞉ dimida꞉likilo꞉ sab we wa꞉dema꞉ib ko꞉lo꞉ gio꞉lo꞉ Godeya꞉yo꞉ wa꞉deabena꞉ki, dinafa dowa꞉bi” a꞉la꞉sio꞉.
27070	ACT 3:5	Eyo꞉ mole dia꞉no꞉ a꞉la꞉asulaki, a꞉la꞉yo꞉ a꞉na sikudu ba꞉ba꞉.
27074	ACT 3:9	Kaluka꞉isale tambowa꞉yo꞉ e ha꞉na꞉ga꞉ ha꞉nakiyo꞉, Godeya꞉ wiyo꞉ wabuda꞉i ha꞉nabiki ba꞉ba꞉ ko꞉lo꞉, iliyo꞉ e giliga꞉sen kalu Tog Gesego꞉wa silikilo꞉ molelo꞉ ha꞉iya꞉sen o꞉mo꞉lo꞉b a꞉la꞉asulaki, iliyo꞉ e falele alifa꞉lo꞉b a꞉la꞉asula꞉sa꞉ga꞉, iyo꞉ iligakiyo꞉ molo asulo꞉.
27084	ACT 3:19	A꞉la꞉fo꞉ko꞉lo꞉ Godeya꞉yo꞉ gili mogago꞉ dimida꞉sen a꞉no꞉ hala꞉ma꞉ki, gio꞉ mogago꞉wo꞉ ta꞉ta꞉sa꞉ga꞉, Godelo꞉loba꞉da꞉ nodoma. Godeya꞉yo꞉ Enedo꞉ da꞉feyo꞉ kalu, Ya꞉su E a꞉ma꞉la꞉ iliga꞉talikiyo꞉, Alan a꞉no꞉ gi o꞉lia꞉ siliki, ha꞉salo꞉ mesa꞉no꞉ ho꞉len nafale gimo꞉wo꞉ dimina꞉ki, gio꞉ asugo꞉ nodoma.
27092	ACT 4:1	Bida o꞉lia꞉ Yon o꞉lia꞉yo꞉ kaluka꞉isalemo꞉wo꞉ o꞉wida꞉lena, Godeya꞉ Malilo꞉ alo꞉ bo꞉fo꞉lowan misa꞉ kalu o꞉lia꞉ Godemo꞉lo꞉ boba so꞉mia꞉sen kalu i o꞉lia꞉, Sadusi kaluwo꞉ iyo꞉ tambo ya꞉ga꞉ a꞉la꞉lo꞉wa fa꞉la꞉dowo꞉.
27124	ACT 4:33	Iliga꞉felo꞉ kalu iliyo꞉ a꞉la꞉widaki, “Alan Ya꞉su E hendele a꞉ma꞉la꞉ dasilia꞉ga꞉, mela꞉no꞉ a꞉labka꞉!” a꞉la꞉likilo꞉ towo꞉ halaido꞉ wida꞉len ko꞉lo꞉ Godeya꞉yo꞉ Ene kelego꞉ nafaleyo꞉ iya kogolu alifa꞉.
27135	ACT 5:7	A꞉la꞉ta꞉ga꞉ ofa꞉si otalen ta꞉ta꞉sa꞉ga꞉yo꞉, ingayo꞉ Ananaias sowo꞉wo꞉ mo꞉da꞉daki, elo꞉ Bidalo꞉wa mio꞉.
27136	ACT 5:8	A꞉na fa꞉la꞉dowabiki, Bidaya꞉ emo꞉wo꞉ a꞉la꞉dabuba꞉ba꞉, “Mole gaindo di a꞉no꞉, tambo yomo꞉?” A꞉la꞉sa꞉labiki, Safaila eyo꞉ a꞉la꞉sio꞉, “A꞉, moleyo꞉ tambo dia꞉mio꞉ yom.”
27149	ACT 5:21	Elo꞉ sio꞉ o꞉leaum iliyo꞉ a꞉la꞉dimidaki, kea꞉fo nulu ofo꞉ yabikiyo꞉, iyo꞉ Godeya꞉ malilo꞉ aya tina꞉sa꞉ga꞉, a꞉na mo꞉mo꞉da wido꞉. O꞉g kea꞉fo nulu a꞉nami, bobalo꞉ so꞉mia꞉sen misa꞉ kalu o꞉lia꞉ e o꞉lia꞉lo꞉ elen kalu o꞉lia꞉ma꞉yo꞉, Yu amilo꞉ Kanisolo dosdo꞉wo꞉ a꞉na kegeo꞉. Isolael misa꞉ kalu tambo a꞉na kegea꞉sa꞉ga꞉, iliyo꞉ iliga꞉felo꞉ kaluwo꞉ tililia꞉ mena꞉ki dibololo꞉ sab a꞉na to saga꞉fo꞉.
27155	ACT 5:27	Dibolo alo꞉ bo꞉fo꞉lowan kaluwa꞉yo꞉ Iliga꞉felo꞉ kalu iyo꞉ tilili ya꞉sa꞉ga꞉, Yuwa꞉ kanisolo kalulo꞉wa ta꞉fo꞉liki, bobalo꞉ so꞉mia꞉sen misa꞉ kalu eyo꞉ imo꞉wo꞉ a꞉la꞉sio꞉, “Niliyo꞉ tamin amio꞉ gimo꞉wo꞉ ‘kalu wa꞉ma꞉ wi amio꞉ kaluka꞉isalemo꞉wo꞉ wida꞉so꞉boka꞉’ a꞉la꞉bo꞉ towo꞉ halaido꞉ saefa꞉ ko꞉sega giliyo꞉ Ya꞉lusalem kaluka꞉isalemo꞉wo꞉ tambo towo꞉ wida꞉li ha꞉nab ko꞉lo꞉ giliyo꞉ kaluka꞉isalemo꞉wo꞉ ‘kalu we nili sanasowo꞉ka꞉’ a꞉la꞉li diga꞉li sa꞉la꞉lab” a꞉la꞉sio꞉.
27162	ACT 5:34	Ko꞉sega Fa꞉lisi kalu nowo꞉, ene wiyo꞉ Gamaliel, e elelo꞉ asulo꞉ kalu ko꞉lo꞉ Yu kaluka꞉isale iyo꞉ man elo꞉wo꞉ nafale ba꞉da꞉sen. O꞉g a꞉namio꞉ Gamaliel e, misa꞉ kalu o꞉lia꞉ sen ko꞉lo꞉, e dasila꞉sa꞉ga꞉, kalu nolbo꞉wo꞉ “Iliga꞉felo꞉ kaluwo꞉ ha꞉la꞉ya o꞉tililia꞉ hamana” a꞉la꞉sa꞉la꞉sa꞉ga꞉, Yu misa꞉ kalu imo꞉wo꞉ a꞉la꞉sio꞉, “Isolael kalu giliyo꞉, kelego꞉ nowo꞉ kalu i wemo꞉wo꞉ dimidama꞉no꞉lalega, giliyo꞉ dinafa asula꞉bi.
27174	ACT 6:4	Giliyo꞉ ko꞉lo꞉ a꞉la꞉dimidalikiyo꞉, ho꞉leno꞉ tambowo꞉ niliyo꞉ Godemo꞉ dulugu sa꞉la꞉liki, Ene towo꞉ ko꞉lo꞉ walasa꞉la꞉li mesa꞉no꞉.”
27181	ACT 6:11	A꞉la꞉gabiki, iliyo꞉ towo꞉ wo꞉no꞉le sa꞉la꞉li siya꞉likiyo꞉, “Sitifen eyo꞉ Gode o꞉lia꞉ Moses o꞉lia꞉mo꞉wo꞉ dio꞉ge sa꞉lab a꞉la꞉bo꞉ niliyo꞉ dabulo꞉bo꞉ka꞉” a꞉la꞉bo꞉ kalu nolbo꞉wo꞉ towo꞉ sama꞉ki, salifa꞉la꞉li ane.
27182	ACT 6:12	Iliyo꞉ kaluka꞉isale o꞉lia꞉ ko꞉go꞉do꞉ kaluwo꞉ o꞉lia꞉ elelo꞉ asulo꞉ kalu o꞉lia꞉ma꞉ asulo꞉wo꞉ digidalifa꞉la꞉liki ane ko꞉lo꞉ iliyo꞉ Sitifen e ta꞉lia꞉sa꞉ga꞉ mo꞉walilima꞉ni, Yu amilo꞉ Kanisolo kalulo꞉wa tililigane.
27196	ACT 7:11	“A꞉la꞉ta꞉ga꞉ Isib hen o꞉lia꞉ Kenan hen a꞉namio꞉, maiyo꞉wo꞉ alan fa꞉la꞉dowaki, hida꞉yo꞉ alan dowo꞉ ko꞉lo꞉, ni ma꞉muwa꞉yo꞉ ma꞉no꞉ ma꞉no꞉wo꞉ aundo꞉ma dowo꞉.
27202	ACT 7:17	“Godeya꞉yo꞉ A꞉bla꞉hambo꞉lo꞉ dinali sio꞉ ho꞉leno꞉ ko꞉na꞉ma fa꞉la꞉dowabiki, Isib a꞉namio꞉ Isolael kaluwo꞉ mada modo꞉ ko꞉lo꞉ fa꞉la꞉dowo꞉.
27203	ACT 7:18	A꞉la꞉ta꞉ga꞉ Isib amio꞉ misa꞉ kalu ho꞉gi fa꞉la꞉dowakiyo꞉, eyo꞉ Yosa꞉bo꞉ mo꞉fanda asulo꞉ ko꞉lo꞉ eyo꞉ ni ma꞉mu imo꞉wo꞉ dikida꞉sa꞉ga꞉ hida꞉yo꞉wo꞉ alan dimi. A꞉la꞉gabiki, eyo꞉ inin so꞉wa ho꞉gi sa꞉la꞉la꞉iyo꞉ ka soma꞉ki, ha꞉la꞉ya sandifelema꞉no꞉ a꞉la꞉saefa꞉.
27206	ACT 7:21	A꞉la꞉ta꞉ga꞉ e ha꞉la꞉ya ta꞉fo꞉lena, Isib misa꞉ kaluwa꞉ ida꞉ya꞉ ta꞉ulia꞉ga꞉, ene so꞉wayo꞉ aumta꞉ga꞉ fofo꞉.
27220	ACT 7:35	A꞉la꞉fo꞉ko꞉lo꞉ Sitifen eyo꞉ to nolo꞉ a꞉kudu sio꞉, “Moses ko꞉lo꞉ o꞉gdo꞉ Godelo꞉ Isibdo꞉ iliga꞉fa꞉nigab a꞉no꞉, tamin amilo꞉ Isolael kaluka꞉isaleya꞉lo꞉ e gola ba꞉dakiyo꞉, emo꞉wo꞉ a꞉la꞉sio꞉, ‘Nio꞉ gi bo꞉fo꞉liki mo꞉walila꞉bika꞉ a꞉la꞉bo꞉, abe saefa꞉yo꞉?’ a꞉la꞉do꞉ sa꞉labikilo꞉ aneyo꞉ o꞉m. A꞉la꞉fo꞉ko꞉lo꞉ Godeya꞉yo꞉ ma꞉mul kalu ilo꞉wa a꞉la꞉ta꞉ga꞉ Mosesdo꞉ amilo꞉ fa꞉la꞉dowo꞉ a꞉ma꞉liki, Moses eyo꞉ Isolael kaluka꞉isaleyo꞉ sili dofo꞉liki bo꞉fo꞉melea꞉ki, iliga꞉fo꞉.
27226	ACT 7:41	Ho꞉len a꞉namio꞉ iliyo꞉ madali godeyo꞉, kao inso꞉ o꞉ngo꞉ a꞉na dimida꞉sa꞉ga꞉ ta꞉fo꞉liki, iliyo꞉ o꞉mo꞉ boba somiaki gulugulula꞉len. Iliyo꞉ ini dagiya꞉lo꞉ dimido꞉ gode a꞉no꞉ wabudakiyo꞉, ma꞉no꞉wo꞉ naki sagalo꞉ alan dowo꞉.
27228	ACT 7:43	Gio꞉ gulugululan helebeso꞉g a dia꞉likilo꞉ sia꞉len a꞉no꞉ madali gode Molog eno꞉ a꞉la꞉ta꞉ga꞉ madali gode tamin ko꞉lo꞉ wabudab a꞉no꞉ Lafan eno꞉. Gini dagiya꞉ madali gode a꞉no꞉ dimida꞉sa꞉, o꞉mo꞉wo꞉ wabulu sio꞉. A꞉la꞉fo꞉ko꞉lo꞉ Niyo꞉ gini hende amio꞉ a꞉ma꞉la꞉yo꞉ mo꞉mena꞉ki, Babalon heno꞉ tiginita꞉ga꞉ ko꞉na꞉ ta꞉foma꞉ki ta꞉fa꞉no꞉.’ Dinali sa꞉lan kaluwa꞉yo꞉ a꞉la꞉sa꞉sa꞉lo꞉.
27246	ACT 8:1	Ililo꞉ Sitifen sana sowab a꞉no꞉, So꞉l eyo꞉ o꞉li dimidab a꞉la꞉asulo꞉. O꞉g ho꞉len a꞉namio꞉ gisa꞉yo꞉ Ya꞉lusalem Keliso kaluka꞉isalemo꞉wo꞉ hida꞉yo꞉ nolo꞉ modo꞉ mo꞉mo꞉dabiki, tilidabu kaluka꞉isale iyo꞉ dalalelia꞉ga꞉, Yudia hen o꞉lia꞉ Samalia hen o꞉lia꞉ a꞉na ane. Ko꞉sega iliga꞉felo꞉ kalu iyo꞉ mo꞉dalaidaki, Ya꞉lusalem a꞉naka sen.
27256	ACT 8:11	Saimon eyo꞉ fofa man a꞉no꞉ imo꞉wo꞉ ko꞉li ko꞉lilo꞉ wida꞉li ha꞉na꞉labiki, iyo꞉ molo asulaki elo꞉ to sa꞉lab a꞉no꞉ iligi dabu.
27272	ACT 8:27	A꞉la꞉sa꞉labiki, Filib e tog a꞉na ha꞉na꞉lena, Itiobia kalu nowo꞉ a꞉na yabiki ba꞉ba꞉. Kalu a꞉ma꞉ ito꞉wo꞉ dugula꞉. Kalu a꞉no꞉ Itiobiaya꞉ misa꞉ ka꞉isale, Kandasiya꞉ ene nanogdo꞉ dian kalu alan nowo꞉ e. E Kandasiya꞉ moleyo꞉ a꞉la꞉ta꞉ga꞉ kelego꞉ nafalelo꞉ tambo bo꞉fo꞉lowano꞉ e. E Godeyo꞉ wabuluma꞉niki, Ya꞉lusalem ane ko꞉lo꞉ a꞉ma꞉la꞉ ya꞉lena ba꞉ba꞉.
27281	ACT 8:36	A꞉la꞉yo꞉ toga ha꞉na꞉la꞉ga꞉, hondo꞉wa fa꞉la꞉dowaki, Itiobia kaluwa꞉yo꞉ a꞉la꞉sio꞉, “Bo꞉ba! Ho꞉no꞉ we ko꞉lo꞉, gio꞉ ne ho꞉na to꞉loma꞉no꞉wo꞉ o꞉liyo꞉?”
27284	ACT 8:39	A꞉la꞉yo꞉ ho꞉na a꞉la꞉ta꞉ga꞉ ha꞉laya fa꞉la꞉dowabikiyo꞉, Godeya꞉ Mamaya꞉yo꞉ Filibo꞉ wigibole a꞉naka dia꞉gane ko꞉lo꞉ Itiobia kalu eyo꞉ wa꞉kabiyo꞉ mada mo꞉ba꞉dabiki, e sagala꞉liki ane.
27286	ACT 9:1	O꞉g ho꞉len a꞉namio꞉ So꞉l eyo꞉ Alan amilo꞉ tilidabu kaluka꞉isaleyo꞉ yasalema꞉no꞉ a꞉la꞉li towo꞉ sa꞉la꞉li sia꞉len. E mo꞉fo꞉so꞉ dia꞉no꞉ a꞉la꞉liki, bobalo꞉ so꞉mia꞉sen misa꞉ kalu elo꞉wa dabu ba꞉ba꞉ni ane.
27287	ACT 9:2	So꞉l e Damaskas amisa꞉na ha꞉na꞉no꞉ asulabiki, e a꞉na ha꞉na꞉ga꞉yo꞉, Alana꞉ Mando꞉ kuduha꞉nab kaluka꞉isale a꞉no꞉ ba꞉dalega, iyo꞉ ta꞉lia꞉sa꞉ga꞉, a꞉ma꞉la꞉ tililia꞉ga꞉, Ya꞉lusalem dibolo aya toloma꞉no꞉ a꞉la꞉asulo꞉. A꞉la꞉fo꞉ko꞉lo꞉ So꞉l eyo꞉ bobalo꞉ so꞉mia꞉sen kalu eyo꞉ o꞉lika꞉ a꞉la꞉liki mo꞉fo꞉s nowo꞉ sa꞉sa꞉la꞉sa꞉ga꞉, emo꞉ dimiab amio꞉, eyo꞉ dia꞉ha꞉na꞉sa꞉ga꞉ Damaskasdo꞉ tolo꞉ wida꞉n misa꞉ kalu dosdomo꞉ walama꞉no꞉ a꞉la꞉liki, dabu ba꞉ba꞉ni ane.
27292	ACT 9:7	Kalu So꞉l o꞉lia꞉lo꞉ ane a꞉no꞉, to sa꞉lab a꞉no꞉ dabu ko꞉sega, kalu misio꞉ mo꞉ba꞉dabiki, iyo꞉ modaki, towo꞉ mo꞉sa꞉laki kagafo꞉len.
27302	ACT 9:17	A꞉la꞉fo꞉ko꞉lo꞉ Ananaias e aya ha꞉na꞉sa꞉ga꞉ tina꞉ga꞉yo꞉, e dagiyo꞉ Solo꞉ go꞉lakiyo꞉ a꞉la꞉sio꞉, “Nao So꞉l, Ne Alana꞉ gelo꞉wa iliga꞉tabi mio꞉. Ge toga ya꞉len amilo꞉, Ya꞉su gelo꞉ amilo꞉ handalowo꞉ a꞉ma꞉ iliga꞉tabi mio꞉. Ge wa꞉ka o꞉li ba꞉da꞉sa꞉ga꞉, Godeya꞉ Mamayo꞉ ge amio꞉ wa꞉lifoma꞉ki, ne gelo꞉wa iliga꞉fo꞉.”
27307	ACT 9:22	Ko꞉sega So꞉l elo꞉ to widab a꞉no꞉ mada halaido꞉ fa꞉la꞉dowaki, Ya꞉su E Godeya꞉lo꞉ Da꞉feyo꞉ Kaluwo꞉ Eka꞉ a꞉la꞉liki hendele fanda sa꞉labiki, Yu kalu Damaskasdo꞉ sen a꞉ma꞉yo꞉, a꞉ma꞉la꞉do꞉ a꞉la꞉sa꞉ma꞉no꞉wo꞉ aundo꞉ma dowo꞉.
27312	ACT 9:27	Ko꞉sega Banabas eyo꞉ So꞉l e asuwa꞉takiyo꞉, e iliga꞉felo꞉ kalulo꞉wa tilia꞉gane. Banabas eyo꞉ imo꞉ dinafa fanda sa꞉lakiyo꞉, So꞉l e Damaskas tog a꞉na ha꞉na꞉lena, elo꞉ Alan ba꞉ba꞉ a꞉no꞉lia꞉, Alana꞉lo꞉ emo꞉lo꞉ towo꞉ sio꞉ a꞉no꞉lia꞉ So꞉l e amisa꞉na ha꞉na꞉sa꞉ga꞉, Ya꞉suwa꞉ wi sa꞉ma꞉no꞉wo꞉ e mo꞉tagilaki, amisa꞉na wida꞉len a꞉la꞉liki, Banabas eyo꞉ imo꞉wo꞉ fanda wido꞉.
27337	ACT 10:9	Ho꞉len no amio꞉ iyo꞉ ha꞉na꞉la꞉ga꞉yo꞉, amisa꞉no꞉ ko꞉na꞉ma fa꞉la꞉doma꞉niki disi dowabikiyo꞉, Bida e Godemo꞉ sa꞉ma꞉ni, a fa꞉sa wa꞉la fa꞉la꞉ ane.
27350	ACT 10:22	A꞉la꞉dabu ba꞉dabiki, iliyo꞉ a꞉la꞉sio꞉, “Loma꞉ da꞉la꞉di bo꞉fo꞉lowan kalu Konilius, nio꞉ e iliga꞉tabiki, gelo꞉wa mio꞉. Konilius, e man digalo꞉ kuduha꞉nakiyo꞉, Godeya꞉ mando꞉ kudu ha꞉na꞉sen ko꞉lo꞉ Yu kaluka꞉isale tambo e ko꞉lo꞉ wabuda꞉sen. A꞉la꞉ta꞉ga꞉ Godeya꞉ ma꞉mula꞉ kaluwo꞉ elo꞉wa ya꞉sa꞉ga꞉ sa꞉lakiyo꞉, ‘Bida elo꞉ to sa꞉lab a꞉no꞉ gelo꞉ da꞉ba꞉niki, e mena꞉ki ho꞉lema’ a꞉la꞉sio꞉ ko꞉lo꞉ mio꞉.”
27364	ACT 10:36	Godeya꞉ sagalo꞉ to ko꞉lo꞉ Isolael kaluka꞉isalemo꞉ saga꞉fo꞉ a꞉no꞉, Ya꞉su Alan, tambolo꞉ bo꞉fo꞉lowan, man a꞉no꞉ e dia꞉mio꞉ ko꞉lo꞉ kaluka꞉isaleyo꞉ to a꞉no꞉ da꞉dakiyo꞉, Gode o꞉lia꞉ o꞉li sagalaki, ege doma꞉ib.
27365	ACT 10:37	Yon eyo꞉ ho꞉na to꞉lo꞉lan wida꞉sa꞉ga꞉yo꞉, Ga꞉lili hen us a꞉namio꞉ mo꞉mo꞉daki, Yesuwa꞉lo꞉ Yudia hen amilo꞉ dimido꞉ a꞉no꞉ gio꞉ asulo꞉
27375	ACT 10:47	A꞉la꞉gabiki, Bidaya꞉yo꞉ a꞉la꞉sio꞉, “Kaluka꞉isale i we Godeya꞉ Mamayo꞉ nililo꞉ di o꞉ngo꞉ di ko꞉lo꞉, kalu nolba꞉yo꞉ i we ho꞉na to꞉loma꞉no꞉wo꞉ mo꞉ka꞉ma꞉ib.”
27406	ACT 11:30	Kegea꞉la꞉ga꞉, Banabas dia꞉ So꞉l dia꞉mo꞉ dimia꞉sa꞉ga꞉, Ya꞉lusalem misa꞉ kalulo꞉wa dia꞉hamana꞉ki, iliga꞉fo꞉.
27410	ACT 12:4	Bida e ta꞉lia꞉sa꞉ga꞉, dibolo aya to꞉lo alita꞉ga꞉yo꞉, e bo꞉fo꞉melea꞉ki, da꞉la꞉di kalu do꞉la꞉ta꞉ga꞉ do꞉go꞉fela꞉fo꞉ da꞉fea꞉sa꞉ga꞉, kalu fa꞉la꞉da꞉in fa꞉la꞉da꞉in yasilima꞉ ya꞉melea꞉ki, aloba꞉da꞉sa꞉ga꞉ ta꞉fo꞉. Tinio꞉ Asulo꞉ Ma꞉no꞉lo꞉ ma꞉no꞉ ho꞉len a꞉no꞉ edabikiyo꞉, Helo꞉da꞉yo꞉ Bida e a꞉na sili alitaki, kaluka꞉isale siwa꞉la mo꞉walilima꞉no꞉ asulo꞉.
27411	ACT 12:5	A꞉la꞉go꞉ko꞉lo꞉ Bida e dibolo aya ta꞉li sabiki, tilidabu kaluka꞉isale iyo꞉ aya silikiyo꞉, Bidayo꞉ mada asuwa꞉foma꞉ki, Godemo꞉ halaido꞉ dulugu sa꞉la꞉li sen.
27417	ACT 12:11	Ma꞉mul kalu e kelege dowabikiyo꞉, Bida eyamilo꞉ dimido꞉ a꞉no꞉ asulakiyo꞉ a꞉la꞉sio꞉, “Dimido꞉ we mada hendelo꞉b a꞉la꞉ asulo꞉l. Helo꞉da꞉ ene halaido꞉ Yu kaluwa꞉yo꞉lo꞉ nemo꞉lo꞉ dimidama꞉no꞉ a꞉no꞉lo꞉ kata꞉foma꞉ki, Alana꞉ ene ma꞉mula꞉ kaluwo꞉ nelo꞉wa iliga꞉fo꞉ ko꞉lo꞉ eyo꞉ ne sili alifa꞉.”
27424	ACT 12:18	A꞉la꞉dimido꞉ ko꞉lo꞉, kea꞉fowo꞉ da꞉la꞉di kalu iliyo꞉ Bida e waga kelege dowo꞉wele a꞉la꞉liki, iyo꞉ kele asulaki, mada babale dowo꞉.
27426	ACT 12:20	Helo꞉d eyo꞉ Taya kaluka꞉isale o꞉lia꞉ Saido꞉n kaluka꞉isale o꞉lia꞉mo꞉wo꞉ gadio꞉ alan dowa꞉sen. Ko꞉sega ili ma꞉no꞉wo꞉ Helo꞉da꞉ hena a꞉la꞉ta꞉ga꞉ dia꞉sen ko꞉lo꞉ Helo꞉d o꞉lia꞉ giso꞉ mo꞉dia꞉li mesa꞉no꞉ a꞉la꞉asulaki, iyo꞉ kegea꞉sa꞉ga꞉ Helo꞉d o꞉lia꞉ nenelema꞉no꞉ a꞉la꞉liki togo꞉ kedo꞉. A꞉la꞉go꞉ko꞉lo꞉ Balastus e Helo꞉da꞉ ene nanog dian kalu digalo꞉le nowo꞉ e ko꞉lo꞉ e i o꞉lia꞉ ko꞉le nenela꞉la꞉ga꞉, e o꞉lia꞉yo꞉ asugo꞉ imilise dowabiki, iyo꞉ asuwa꞉fa꞉no꞉ a꞉la꞉li saefa꞉.
27430	ACT 12:24	Ko꞉sega ho꞉len a꞉namio꞉ Godeya꞉ towo꞉ halaido꞉ fa꞉la꞉dowaki, kaluka꞉isaleyo꞉ asulo꞉wo꞉ modo꞉ nodola꞉i ane.
27436	ACT 13:5	Yon Mago꞉ a꞉la꞉yo꞉ asuwa꞉foma꞉ki, egele ha꞉na꞉sa꞉ga꞉, Salamis amisa꞉na fa꞉la꞉dowakiyo꞉, Godeya꞉ mano꞉ Yu kaluwa꞉lo꞉ tolo꞉ wida꞉sen a a꞉na wida꞉li sia꞉len.
27437	ACT 13:6	Iyo꞉ hen ho꞉na꞉lo꞉ hegefa꞉ us a꞉na sia꞉la꞉ga꞉, Bafos amisa꞉n a꞉na fa꞉la꞉dowo꞉ amio꞉, Yu amilo꞉ madalilo꞉ dinali sa꞉lan kalu nowo꞉ Ba-Ya꞉su e a꞉na galili. E madalilo꞉ fo꞉falo꞉ dimida꞉seno꞉ e ko꞉lo꞉ Gilig to amio꞉, kalu a꞉no꞉ Elimas a꞉la꞉wikilo꞉, mo꞉wo꞉ Gilig to amilo꞉ Elimas a꞉la꞉do꞉ sa꞉lab a꞉ma꞉ ha꞉go꞉, fo꞉falo꞉ dimidan kalu. Hen a꞉namilo꞉ gamani misa꞉ kalu, Segius Bauluso꞉, e asulo꞉ di kalu ko꞉lo꞉ e Godeya꞉ towo꞉ da꞉ba꞉no꞉ asulabiki, Banabas o꞉lia꞉ So꞉l o꞉lia꞉yo꞉ elo꞉wa walama꞉ mena꞉ki saga꞉fo꞉. Ko꞉sega fo꞉falo꞉ dimida꞉sen kalu a꞉ma꞉yo꞉, e mili ko꞉lo꞉, Banabas dia꞉ So꞉l dia꞉mo꞉wo꞉ gis dowaki, misa꞉ kaluwo꞉ asugo꞉ mo꞉nodoma꞉ki, man walama꞉no꞉wo꞉, e ko꞉lo꞉.
27440	ACT 13:9	A꞉la꞉go꞉ko꞉lo꞉ So꞉l, e wiyo꞉ nowo꞉ Fol, Godeya꞉ Mamayo꞉ e amio꞉ wa꞉lifo꞉liki, Elimas eko꞉ sikudu bo꞉fo꞉liki towo꞉ a꞉la꞉sio꞉,
27441	ACT 13:10	“Ge mada Seteneya꞉ inso꞉ ko꞉lo꞉ man digalo꞉ o꞉lia꞉lo꞉ gisdo꞉ dowa꞉seno꞉ ge. Ge madalilo꞉ dikili sa꞉lan man ko꞉li ko꞉lilo꞉ a꞉no꞉ asulo꞉wa wa꞉lifo꞉liki, Godeya꞉ to nafa digalo꞉ sa꞉lab a꞉no꞉ ge da꞉la꞉li sa꞉la꞉sen.
27443	ACT 13:12	A꞉la꞉gabiki, misa꞉ kalu a꞉ma꞉yo꞉ dimido꞉ fa꞉la꞉dowab a꞉no꞉ ba꞉da꞉ga꞉, e Godeyo꞉ tilidabu. Mo꞉wo꞉ Alana꞉ to man ko꞉lo꞉ widab a꞉namio꞉ e mada alan iligo꞉.
27482	ACT 13:51	A꞉la꞉dimidabiki, Fol dia꞉ Banabas dia꞉ma꞉yo꞉ a꞉la꞉ma꞉ gido꞉fo꞉ amilo꞉ hena꞉mu a꞉no꞉ fifi alita꞉sa꞉ga꞉yo꞉, a꞉la꞉yo꞉ Aikonium amisa꞉na ane.
27501	ACT 14:18	To a꞉no꞉ imo꞉wo꞉ sio꞉ ko꞉sega kaluka꞉isale iliyo꞉ boba somia꞉no꞉ a꞉no꞉ mo꞉ta꞉fa꞉no꞉, dimidama꞉no꞉le asulabiki, imo꞉wo꞉ mo꞉dimidama꞉ki, a꞉la꞉ma꞉yo꞉ towo꞉ halaido꞉ sa꞉la꞉i ha꞉nabi, iliyo꞉ mo꞉dimido꞉.
27502	ACT 14:19	Tif amio꞉, Yu kalu Aikoniumdo꞉ seno꞉ a꞉la꞉ta꞉ga꞉ Antio꞉gdo꞉ seno꞉ ya꞉sia꞉sa꞉ga꞉, Lista a꞉na fa꞉la꞉dota꞉ga꞉yo꞉, kaluka꞉isale kegeo꞉ a꞉no꞉ digene alitabiki, iyo꞉ Fol emo꞉wo꞉ gadia꞉sa꞉ga꞉, uwa꞉ agodo꞉ ko꞉lo꞉ e sowab a꞉la꞉asulaki, do꞉mo꞉wo꞉ susululia꞉ga꞉, amisa꞉n ha꞉la꞉ya sandifo꞉.
27512	ACT 15:1	Fol dia꞉ Banabas dia꞉yo꞉ Antio꞉g a꞉na sen amio꞉, Yudia kalu nolo꞉ ya꞉sa꞉ga꞉, tilidabu kaluka꞉isale o꞉mo꞉wo꞉ a꞉la꞉walasio꞉, “Mosesa꞉ ele saefa꞉ a꞉no꞉ mo꞉kuduha꞉naki, do꞉go꞉fo꞉ mo꞉hege gedealega, Godeya꞉yo꞉ giyo꞉ a꞉ma꞉la꞉bo꞉ mo꞉gasilia꞉ib,” a꞉la꞉liki wido꞉.
27562	ACT 16:10	Fol elo꞉ ho꞉le ba꞉dab a꞉no꞉ nimo꞉wo꞉ sa꞉labikiyo꞉, Godeya꞉ mano꞉ nio꞉ a꞉na walama꞉ki sa꞉lab a꞉la꞉ asulakiyo꞉, nio꞉ Masedonia ha꞉na꞉niki, wigibo a꞉naka dimadali.
27565	ACT 16:13	Ha꞉fo꞉lo꞉ Dowan ho꞉leno꞉ fa꞉la꞉dowabiki, nio꞉ Yu kaluwa꞉lo꞉ dulugu sa꞉la꞉sen hen a꞉no꞉ keda꞉i ha꞉nakiyo꞉, amisa꞉no꞉ ta꞉ta꞉ga꞉, ho꞉na꞉ aniba ka꞉isale nolo꞉ a꞉namilo꞉ kegenefo꞉len a꞉no꞉lia꞉ siliki, towo꞉ imo꞉wo꞉ wido꞉.
27567	ACT 16:15	A꞉la꞉fo꞉ko꞉lo꞉ ga a꞉no꞉ a꞉la꞉ta꞉ga꞉ kaluka꞉isale ene a a꞉namilo꞉ sen a꞉no꞉lia꞉yo꞉, tambo ho꞉na to꞉lolo꞉ ko꞉lo꞉ Lidia eyo꞉ nio꞉ e aya mena꞉ki susiakiyo꞉, “Gio꞉ ne hendele Alan amio꞉ tilida꞉dab a꞉la꞉asulalega, ni aya mesa꞉ mena,” a꞉la꞉sa꞉labikiyo꞉, nio꞉ e o꞉lia꞉ ane.
27571	ACT 16:19	Madali nanogdo꞉ dian ga o꞉lo꞉ biso꞉ a꞉ma꞉yo꞉ wa꞉kabiyo꞉ iliyo꞉ moleyo꞉ mo꞉dia꞉nigo꞉bo꞉lo꞉b a꞉la꞉asulaki, iliyo꞉ Fol dia꞉ Sailas dia꞉yo꞉ ta꞉lia꞉sa꞉ga꞉, amisa꞉n kalulo꞉ kegea꞉sen a꞉na susululia꞉ga꞉, Loma꞉ mo꞉walilabdo꞉ da꞉dan kalulo꞉wa ta꞉takiyo꞉ a꞉la꞉sio꞉, “Kalu a꞉la꞉ we Yu kalu ko꞉lo꞉ nili amisa꞉n wenamio꞉ mogago꞉ dimida꞉lab.
27577	ACT 16:25	Nulu us amio꞉, Fol dia꞉ Sailas dia꞉yo꞉ Godemo꞉ dulugu sa꞉la꞉liki, gisalo꞉wo꞉ mola꞉labiki, dibolo kalu nolo꞉ da꞉da꞉li sen.
27587	ACT 16:35	Kea꞉fo ho꞉le bidabiki, Loma꞉ mo꞉walilabdo꞉ da꞉dan kalu iliyo꞉ dibololo꞉ bo꞉fo꞉len o꞉mo꞉wo꞉ to saga꞉takiyo꞉, “Kalu a꞉la꞉ko꞉ sili alifoma” a꞉la꞉liki, da꞉la꞉di kalumo꞉ saga꞉fo꞉.
27589	ACT 16:37	Ko꞉sega Fola꞉yo꞉ a꞉ma꞉la꞉bo꞉ a꞉la꞉sio꞉, “Na꞉no꞉ Lom kalu ko꞉sega iliyo꞉ mo꞉mo꞉walilaki, na꞉no꞉ kaluka꞉isale siwa꞉la yame tanda꞉ya꞉sa꞉ga꞉, dibolowa to꞉lolo꞉ ko꞉lo꞉ o꞉go꞉ na꞉no꞉ iliyo꞉ wo꞉no꞉le sili alifa꞉no꞉ asulab ko꞉sega na꞉no꞉ a꞉la꞉bo꞉ mo꞉dimidama꞉no꞉. Inino꞉ ya꞉sa꞉ga꞉, na꞉no꞉ ha꞉sa tililia꞉ga꞉ ha꞉la꞉ ta꞉talega, na꞉no꞉ a꞉na ha꞉na꞉no꞉.”
27597	ACT 17:5	Ko꞉sega Yu misa꞉ kalu iliyo꞉ Fol dia꞉ Sailas dia꞉mo꞉wo꞉ alan mobeaki gadia꞉sa꞉ga꞉, iyo꞉ amisa꞉ndo꞉ kegea꞉sen henamilo꞉ kalu bo꞉bo꞉gedo gadia꞉sen a꞉no꞉ kegea꞉sa꞉ga꞉ gadima꞉kiyo꞉, towo꞉ digini sio꞉. Iliyo꞉ to a꞉no꞉ iligi dabu ko꞉lo꞉, Fol dia꞉ Sailas dia꞉yo꞉ ta꞉lia꞉niki, Yesan aya ane.
27598	ACT 17:6	Ko꞉sega kalu a꞉la꞉ a꞉no꞉ mo꞉ba꞉dabikiyo꞉, iliyo꞉ Yesan o꞉lia꞉ tilidabu kalu nol a꞉namilo꞉ elen a꞉no꞉ susulu sa꞉la꞉la꞉sa꞉ga꞉, gumiti kalu imo꞉ mo꞉walilima꞉ki tililia꞉ yakiyo꞉, a꞉la꞉sio꞉, “Fol dia꞉ Sailas dia꞉yo꞉ amisa꞉n tambo amio꞉ mogago꞉wo꞉ dimida꞉li sia꞉len ko꞉lo꞉, o꞉go꞉ a꞉la꞉yo꞉ amisa꞉n wena fa꞉la꞉dowabi, Yesan e aya tililia꞉gane ko꞉lo꞉ sab. I a꞉no꞉ tambo Ya꞉su e misa꞉ kalu a꞉la꞉liki sa꞉lakiyo꞉, Loma꞉ misa꞉ alan Sisaya꞉ ene ele difa꞉yo꞉ iyo꞉ tambo o꞉go꞉so꞉.”
27603	ACT 17:11	Belia kaluka꞉isale iyo꞉, Tesalonaika kaluka꞉isale i o꞉le o꞉ngo꞉ma ko꞉lo꞉ Belia kaluka꞉isaleya꞉ kufa꞉ uso꞉ kolaifa꞉ ko꞉lo꞉ iyo꞉ Fola꞉ to sa꞉lab a꞉no꞉ sagalo꞉ da꞉dabiki, iliyo꞉ Fol e towo꞉ hendele sa꞉labele a꞉la꞉li, Godeya꞉ towo꞉ ho꞉leno꞉ tambo agelaliki, dinafa alobana asulo꞉.
27639	ACT 18:13	Iliyo꞉ mo꞉walilakiyo꞉ a꞉la꞉sio꞉, “Kalu wema꞉yo꞉ kaluka꞉isalemo꞉ widakiyo꞉, Godeya꞉lo꞉ ele saefa꞉yo꞉ mo꞉kuduha꞉naki, nio꞉ hala guluguluma꞉kiyo꞉ e wido꞉ ko꞉lo꞉, gemo꞉ mo꞉walilima꞉ki tililia꞉ mio꞉.”
27663	ACT 19:9	Ko꞉sega kalu nolo꞉ asulo꞉ ililo꞉wo꞉ halaidaki goladowakiyo꞉, iliyo꞉ Alana꞉ man a꞉namio꞉ mogago꞉ towo꞉ kalaba sio꞉. A꞉la꞉gabiki, Fol eyo꞉ i a꞉na ta꞉ta꞉ga꞉yo꞉, tilidabu kaluka꞉isale o꞉lia꞉yo꞉ egele ha꞉na꞉sa꞉ga꞉, ho꞉leno꞉ tambo amio꞉ Tilanus sugul aya siliki, nenela꞉len.
27687	ACT 19:33	A꞉la꞉gabikiyo꞉, Yu kaluwa꞉yo꞉ Alisanda, e susululia꞉ga꞉ tamina ta꞉takiyo꞉, to elo꞉ sa꞉ma꞉no꞉wo꞉ emo꞉wo꞉ a꞉na wala sio꞉. Alisanda eyo꞉ towo꞉ dinafa fanda sa꞉ma꞉no꞉ a꞉la꞉liki, kaluka꞉isale towo꞉ hela꞉fo꞉ma꞉kiyo꞉, dagiyo꞉ da꞉feyo꞉.
27703	ACT 20:9	Fol e nuluwo꞉ mano꞉ wida꞉li ha꞉na꞉labiki, kalu so꞉wa nowo꞉, ene wiyo꞉ Yutikus, e a asol fofodo꞉ a꞉namio꞉ ho꞉ ko꞉lo꞉ gulu a꞉ma꞉ wa꞉l ami siliki da꞉da꞉len ko꞉lo꞉, e mida꞉iya꞉la꞉ga꞉, ofowo꞉ ha꞉nakiyo꞉, sulufo꞉ tinda꞉ga꞉, hena beseyo꞉. Iliyo꞉ e gasilia꞉ni tiane ko꞉sega e o꞉ma sowo꞉lo꞉bi ba꞉ba꞉.
27723	ACT 20:29	Ne ha꞉na꞉ga꞉ dotalikiyo꞉, kalu nolo꞉ ni fa꞉sa ya꞉siakiyo꞉, saila gasa o꞉ngo꞉ ko꞉lo꞉ ya꞉ga꞉, sibiyo꞉ o꞉lu sa꞉ndaki, yasala꞉ma꞉ib, niyo꞉ a꞉la꞉asulab.
27728	ACT 20:34	Niyo꞉ no꞉no꞉n asuwa꞉takiyo꞉, na꞉ dagi wema꞉ nanogo꞉ dimida꞉sa꞉ga꞉, ne o꞉lia꞉lo꞉ dowab a꞉no꞉lo꞉ a꞉ma꞉ asuwa꞉ta꞉sen, a꞉no꞉ gio꞉ asulo꞉.
27731	ACT 20:37	Iyo꞉ tambo ya꞉foda꞉liki, fafulakiyo꞉ Folo꞉ mimilo꞉.
27732	ACT 20:38	Fol eyo꞉ iyo꞉ wa꞉kabiyo꞉ mo꞉ba꞉ba꞉ib a꞉la꞉do꞉ sio꞉ a꞉no꞉ iyo꞉ asulakiyo꞉, nofolo꞉ alan dowo꞉. A꞉la꞉fo꞉ko꞉lo꞉ iliyo꞉ e ho꞉n ko꞉suwa disa꞉ma꞉ki, tililia꞉gane.
27736	ACT 21:4	Taya amisa꞉n a꞉namio꞉ tilidabu kaluka꞉isale nolo꞉ a꞉na galilia꞉sa꞉ga꞉, ho꞉len dom a꞉la꞉fo꞉wo꞉ i o꞉lia꞉ silikiyo꞉, Godeya꞉ Mamaya꞉yo꞉ tilidabu kaluka꞉isale o꞉mo꞉wo꞉ asulo꞉wo꞉ dimiabiki, iliyo꞉ Fol e Ya꞉lusalem ha꞉nabena꞉ki, hagugu sio꞉.
27740	ACT 21:8	Kea꞉fowo꞉ nio꞉ Tolemes a꞉no꞉ ta꞉ta꞉ga꞉ ha꞉nakiyo꞉, Sesalia a꞉na fa꞉la꞉dowa꞉sa꞉ga꞉, amisa꞉n kalu nowo꞉ Filib ene aya ali. Filib e to nafalo꞉ walama꞉no꞉ kalu nowo꞉ e. A꞉la꞉ta꞉ga꞉ iliga꞉felo꞉ kalu iyo꞉ asuwa꞉foma꞉ki, tamin amilo꞉ kalu doma꞉la꞉fo꞉ da꞉feyo꞉wo꞉ nowo꞉ e.
27749	ACT 21:17	Nio꞉ Ya꞉lusalem a꞉na fa꞉la꞉dowabiki, tilidabu kaluka꞉isaleyo꞉ ni ba꞉da꞉ga꞉yo꞉ mada sagalo꞉wo꞉ alan dowo꞉.
27750	ACT 21:18	Ho꞉len a꞉ma꞉ fa꞉s amio꞉, nio꞉ Yemeso꞉ ba꞉ba꞉niki, Foldo꞉ nio꞉ tambo a꞉na ane amio꞉, sa꞉sdo꞉ bo꞉fo꞉lowan kaluwo꞉ tambo a꞉na sena ba꞉ba꞉.
27753	ACT 21:21	Giyo꞉ Yu kaluka꞉isaleyo꞉ ha꞉la꞉ o꞉lia꞉lo꞉ sab o꞉mo꞉ wida꞉li siakiyo꞉, Mosesa꞉ ele saefa꞉ a꞉no꞉ Yu kaluwa꞉yo꞉ dila꞉ma꞉ki, a꞉la꞉ widabikiyo꞉, tilidabu kalu wilo꞉ sen a꞉ma꞉ dabu. Gi sa꞉lakiyo꞉, inin so꞉wagalino꞉ do꞉go꞉fo꞉ hege gedea꞉so꞉bo꞉ a꞉la꞉ta꞉ga꞉ Yuwa꞉ mano꞉lo꞉ kudu ha꞉na꞉so꞉boka꞉ a꞉la꞉do꞉ gilo꞉ wido꞉ a꞉no꞉ iyo꞉ asulufo꞉lab.
27766	ACT 21:34	Ko꞉sega kaluka꞉isale kegeo꞉ nolba꞉yo꞉ to imiliko꞉ mo꞉sa꞉laki, nolba꞉yo꞉ to ko꞉li ko꞉lilo꞉ sio꞉ ko꞉lo꞉ misa꞉ kalu e, to hendeleyo꞉ mo꞉dinafa da꞉ba꞉no꞉ dowabikiyo꞉, eyo꞉ Folo꞉ da꞉la꞉di kalulo꞉ sa꞉sen aya tililia꞉ hamana꞉ki sio꞉.
27769	ACT 21:37	Iliyo꞉ Folo꞉ a usamio꞉ o꞉tina꞉niki, isagena kagayabiki, Fol eyo꞉ misa꞉ kalumo꞉wo꞉ a꞉la꞉dabuba꞉ba꞉, “Niyo꞉ gemo꞉wo꞉ to nowo꞉ sa꞉ma꞉no꞉wo꞉ o꞉liyo꞉?” Fol eyo꞉ Gilig to a꞉la꞉liki dabu ba꞉dabiki, misa꞉ kalu eyo꞉ a꞉ma꞉la꞉ sa꞉laki, “Ge Gilig towo꞉ asulo꞉lo꞉ka꞉?
27772	ACT 21:40	Emo꞉wo꞉ fogo꞉ dimiabikiyo꞉, Fol e wo꞉la꞉ mia kagafo꞉liki, kaluka꞉isale kegeo꞉ a꞉no꞉ hela꞉foma꞉ki, dagiya꞉ da꞉feyo꞉. Kaluka꞉isale iyo꞉ hela꞉tabiki, Fol eyo꞉ kaluka꞉isalemo꞉wo꞉ inin Alam to sa꞉la꞉likiyo꞉ a꞉la꞉sio꞉.
27773	ACT 22:1	“Ko꞉go꞉do꞉ kalu o꞉lia꞉ nao i, gio꞉ dabuma. Niyo꞉ halalo꞉ mo꞉dimido꞉ a꞉la꞉liki, gimo꞉ fanda sa꞉ma꞉nigo꞉l.”
27776	ACT 22:4	Niyo꞉ Alana꞉ Mando꞉ kuduha꞉nab a꞉no꞉ ka ta꞉foma꞉ki, niyo꞉ mogagakiyo꞉, tilidabu kalu o꞉lia꞉ ka꞉isale o꞉lia꞉yo꞉ ta꞉lia꞉sa꞉ga꞉, dibolo aya to꞉lo alifela꞉sa꞉ga꞉, nolo꞉ sana sowa꞉sen.
27777	ACT 22:5	Niyo꞉ a꞉la꞉dimida꞉senka꞉ a꞉la꞉likiyo꞉, Bobalo꞉ so꞉mia꞉sen misa꞉ kaluwo꞉ a꞉la꞉ta꞉ga꞉ kaunsil kalu o꞉lia꞉ma꞉yo꞉ hendeleka꞉ a꞉la꞉likiyo꞉ gimo꞉wo꞉ o꞉li malolo꞉ma꞉ib. Iliyo꞉ mo꞉fo꞉so꞉ sa꞉sa꞉la꞉sa꞉ga꞉, Yu kalu Damaskasdo꞉ sab i o꞉mo꞉ dimina꞉ki, nemo꞉ dimiab amio꞉, niyo꞉ tilidabu kaluka꞉isale a꞉namilo꞉ sab a꞉no꞉ Ya꞉lusalem a꞉ma꞉la꞉ tililia꞉sa꞉ga꞉, mo꞉walilima꞉ki, a꞉na ane.
27786	ACT 22:14	A꞉la꞉ta꞉ga꞉ Ananaias eyo꞉ nemo꞉wo꞉ wa꞉ka a꞉la꞉sio꞉, ‘Nili ma꞉muwa꞉ Gode eyo꞉, ge da꞉feakiyo꞉, elo꞉ dimidama꞉no꞉ asulo꞉ aumbo꞉ asuluma꞉ki go꞉ a꞉la꞉ta꞉ga꞉ Godeya꞉ ene Digalo꞉ Kalu bo꞉ba꞉ki, a꞉la꞉ta꞉ga꞉ ene to sa꞉labo꞉ dabuma꞉ki, ge a꞉na da꞉feyo꞉.
27789	ACT 22:17	A꞉la꞉go꞉ko꞉lo꞉ ne Ya꞉lusalem a꞉ma꞉la꞉ ya꞉sa꞉ga꞉, Godeya꞉ Malilo꞉ ayamio꞉ dulugu sa꞉la꞉lena, ne ho꞉le ba꞉dakiyo꞉, Alana꞉yo꞉ towo꞉ nemo꞉ sa꞉la꞉lena ba꞉ba꞉. ‘Ge dasima! Giyo꞉ to nilo꞉wo꞉ Ya꞉lusalem wenamio꞉ wida꞉lalega, amisa꞉n kaluka꞉isale iyo꞉ mada mo꞉tigi da꞉ba꞉ib ko꞉lo꞉ ge bo꞉bo꞉ge ta꞉fo꞉ hamana.’
27794	ACT 22:22	Fol eyo꞉ malolabikiyo꞉, kalu kegeo꞉ o꞉li da꞉da꞉len, ko꞉sega Fol eyo꞉ to a꞉no꞉ sa꞉labikiyo꞉, iyo꞉ gadia꞉sa꞉ga꞉, a꞉ma꞉la꞉yo꞉ towo꞉ halale sa꞉lakiyo꞉ a꞉la꞉sio꞉, “Kalu we henfelo꞉ wilo꞉ mesa꞉no꞉ mo꞉ego꞉ ko꞉lo꞉, e sanalema.”
27797	ACT 22:25	Iliyo꞉ Folo꞉ meya꞉ sa꞉mba꞉no꞉ a꞉la꞉ta꞉ga꞉ melabikiyo꞉, eyo꞉ da꞉la꞉dilo꞉ bo꞉fo꞉lowan kalu anib a꞉namilo꞉ kagafo꞉len o꞉mo꞉wo꞉ a꞉la꞉dabuba꞉ba꞉, “Gio꞉ Lom kalule a꞉no꞉ mo꞉ mo꞉walilo꞉ka, madali sa꞉mba꞉no꞉ a꞉la꞉likiyo꞉, gili ele difa꞉ a꞉ma꞉yo꞉ waga saefa꞉ da꞉laba?”
27810	ACT 23:8	Mo꞉wo꞉ Sadusi iliyo꞉ sowo꞉wo꞉ a꞉ma꞉la꞉yo꞉ mo꞉dasima꞉ib a꞉la꞉tiliasulaki, ma꞉mula꞉ kalu o꞉lia꞉ mama o꞉lia꞉yo꞉ aundo꞉mo꞉ a꞉lab a꞉la꞉ tiliasulo꞉. Ko꞉sega Fa꞉lisi kalu iliyo꞉ a꞉no꞉ ko꞉lo꞉ tambo tili asulab.
27812	ACT 23:10	To kegakiyo꞉ bubo꞉ a꞉no꞉ mada alan fa꞉la꞉dowabikiyo꞉, da꞉la꞉di misa꞉ kalu e iyo꞉ Folo꞉ ta꞉li siliki susulutandakiyo꞉ gedema꞉ib a꞉la꞉asulaki, ene da꞉la꞉di kaluwo꞉ ho꞉ida꞉sa꞉ga꞉, Folo꞉ gasilia꞉ga꞉, ilo꞉ sa꞉sen aya tililia꞉ hamana꞉ki sio꞉.
27820	ACT 23:18	A꞉la꞉fo꞉ko꞉lo꞉ da꞉la꞉di bo꞉fo꞉lowan kaluwa꞉yo꞉ so꞉wa a꞉no꞉ tililia꞉ga꞉, ene misa꞉ kalumo꞉ a꞉la꞉sio꞉, “So꞉wa wema꞉yo꞉ to nolo꞉ gemo꞉ sa꞉ma꞉ni mio꞉ ko꞉lo꞉ dibolo kalu Fol eyo꞉ gelo꞉wa tililia꞉ hamana a꞉la꞉liki, nemo꞉ dabu ba꞉dabiki, a꞉na tililia꞉ mio꞉.”
27830	ACT 23:28	Niyo꞉ Yu kalu ililo꞉ diga꞉li sio꞉ a꞉no꞉ mo꞉wo꞉ fanda ba꞉ba꞉no꞉ a꞉la꞉liki, e Yuwa꞉ kanisolo ilo꞉ amio꞉ tililia꞉gane.
27841	ACT 24:4	Gio꞉ mo꞉beabena꞉ki, sambowo꞉ mo꞉sa꞉ma꞉no꞉ ko꞉sega giyo꞉ nimo꞉wo꞉ nofolakiyo꞉, nilo꞉ to ha꞉lu sa꞉ma꞉nigo꞉l a꞉no꞉ ge mada dabuma꞉ki, sa꞉ma꞉nigo꞉l.
27846	ACT 24:9	Yu kalu kegeo꞉ sen a꞉ma꞉yo꞉ Tetulus elo꞉ hendele sa꞉lab a꞉la꞉liki, iliyo꞉lo꞉ sio꞉.
27860	ACT 24:23	A꞉la꞉ta꞉ga꞉ Fela꞉ks eyo꞉ da꞉la꞉di bo꞉fo꞉lowanbo꞉wo꞉ a꞉la꞉sio꞉, “Giyo꞉ Fol e dibolo aya disa꞉la꞉bi. Ko꞉sega, ene mili kaluwa꞉yo꞉ eka asuwa꞉foma꞉ki, togo꞉ ka꞉la꞉so꞉bo” a꞉la꞉sio꞉.
27867	ACT 25:3	Festus eyo꞉ iyo꞉ asuwa꞉foma꞉ki, iliyo꞉ emo꞉wo꞉ dabu ba꞉dakiyo꞉, Fol e a꞉ma꞉la꞉ Ya꞉lusalem iliga꞉foma꞉ki, ha꞉na꞉lo sio꞉. Mo꞉wo꞉ Fol e Ya꞉lusalemo꞉ yalikiyo꞉, iliyo꞉ e toga banaifo꞉la꞉ga꞉ a꞉na sana soma꞉no꞉ dimidaifo꞉liki, dabu ba꞉ba꞉.
27879	ACT 25:15	Ne Ya꞉lusalemdo꞉ ane amio꞉, bobalo꞉ so꞉mia꞉sen misa꞉ kalu i o꞉lia꞉ Yu ko꞉go꞉do꞉ kalu o꞉lia꞉ i a꞉ma꞉ nemo꞉ aloba꞉da꞉sa꞉ga꞉ wa꞉dema꞉ki, salifa꞉.