27005	ACT 1:13	Iyo꞉ Ya꞉lusalem fa꞉la꞉dowa꞉sa꞉ga꞉yo꞉, ilo꞉ sa꞉sen galale wa꞉l amio꞉ a꞉na tiane. Kalu i a꞉namilo꞉ seno꞉ we, Bida, Yon, Yemes, Andulu, Filib, Tomas, Batolomiyu, Madiyu, Yemes Alofiusa꞉ inso꞉, Saimon Sa꞉la꞉t kalu, a꞉la꞉ta꞉ga꞉ Yuda꞉s, Yemesa꞉ inso꞉.
27072	ACT 3:7	Bida eyo꞉ a꞉la꞉sa꞉la꞉sa꞉ga꞉, e dasilima꞉ki, dagi ililiba꞉ gasiliabiki, wigibo a꞉naka kalu a꞉ma꞉ gib o꞉lia꞉ gibo꞉ kagoman o꞉lia꞉ halaido꞉ dowabiki, ho꞉lu ya꞉ba꞉sa꞉ga꞉, e a꞉na ane. A꞉la꞉ta꞉ga꞉ egele Godeya꞉ malilo꞉ a usa tiha꞉nakiyo꞉, e sagala꞉liki, ho꞉lu yabala꞉liki a꞉la꞉i siaki, Godeyo꞉ ko꞉lo꞉ wabulu sa꞉la꞉li ane.
27162	ACT 5:34	Ko꞉sega Fa꞉lisi kalu nowo꞉, ene wiyo꞉ Gamaliel, e elelo꞉ asulo꞉ kalu ko꞉lo꞉ Yu kaluka꞉isale iyo꞉ man elo꞉wo꞉ nafale ba꞉da꞉sen. O꞉g a꞉namio꞉ Gamaliel e, misa꞉ kalu o꞉lia꞉ sen ko꞉lo꞉, e dasila꞉sa꞉ga꞉, kalu nolbo꞉wo꞉ “Iliga꞉felo꞉ kaluwo꞉ ha꞉la꞉ya o꞉tililia꞉ hamana” a꞉la꞉sa꞉la꞉sa꞉ga꞉, Yu misa꞉ kalu imo꞉wo꞉ a꞉la꞉sio꞉, “Isolael kalu giliyo꞉, kelego꞉ nowo꞉ kalu i wemo꞉wo꞉ dimidama꞉no꞉lalega, giliyo꞉ dinafa asula꞉bi.
27260	ACT 8:15	A꞉la꞉yo꞉ fa꞉la꞉dowa꞉sa꞉ga꞉yo꞉, i a꞉no꞉ Godeya꞉ Mamayo꞉ dima꞉ki, Godemo꞉wo꞉ dulugu sio꞉.
27311	ACT 9:26	E amisa꞉n a꞉namilo꞉ seno꞉ sili alita꞉sa꞉ga꞉, Ya꞉lusalem a꞉na fa꞉la꞉dowa꞉sa꞉ga꞉yo꞉, tilidabu kalu a꞉namilo꞉ sen a꞉no꞉lia꞉ gasama꞉no꞉ asulo꞉ ko꞉sega, e Ya꞉su amio꞉ hendele tilidabu a꞉la꞉bo꞉, iyo꞉ mo꞉fanda asulo꞉ ko꞉lo꞉, iliyo꞉ e tagilaki mo꞉gasili.
27423	ACT 12:17	Bida eyo꞉ iyo꞉ ha꞉sa mesea꞉ki, dagiya꞉ da꞉fea꞉sa꞉ga꞉ hela꞉tabiki, Alana꞉lo꞉ e ko꞉lo꞉ dibolo aya a꞉la꞉ta꞉ga꞉lo꞉ sili alifa꞉ a꞉no꞉ imo꞉wo꞉ malolo꞉ me. A꞉la꞉ta꞉ga꞉yo꞉ imo꞉wo꞉ a꞉la꞉sio꞉, “To we Yemes o꞉lia꞉ tilidabu kalu nol o꞉lia꞉mo꞉wo꞉ malolo꞉ mia꞉bi.” A꞉la꞉sa꞉la꞉sa꞉ga꞉, e hen nowa ane.
27602	ACT 17:10	O꞉g nulu a꞉namio꞉, tilidabu kalu iyo꞉ Fol dia꞉ Sailas dia꞉yo꞉ Belia a꞉na iliga꞉tabiki, a꞉la꞉yo꞉ ha꞉na꞉sa꞉ga꞉ Belia amisa꞉na fa꞉la꞉dowa꞉ta꞉ga꞉yo꞉, Yu kaluwa꞉lo꞉ tolo꞉ wida꞉sen a a꞉na ane.
27653	ACT 18:27	A꞉la꞉ta꞉ga꞉ Abolos e Akaya hen a꞉na ha꞉na꞉no꞉ dowabikiyo꞉, Efesa꞉s tilidabu kaluka꞉isale iyo꞉ e hamana꞉kiyo꞉ asulo꞉ imilise dowaki, Akayalo꞉ tilidabu kaluka꞉isale a꞉ma꞉yo꞉ e dinafa tililima꞉kiyo꞉, iliyo꞉ mo꞉fo꞉s nowo꞉ sa꞉sa꞉liga꞉fo꞉. Abolos eyo꞉ Akaya fa꞉la꞉dowa꞉sa꞉ga꞉yo꞉, Godeya꞉lo꞉ kanulalitabikilo꞉ tilidabu kaluka꞉isale a꞉no꞉, Abolos eyo꞉ mada asufa꞉.
27695	ACT 20:1	Kaluka꞉isaleya꞉lo꞉ gadiakilo꞉ halaido꞉ to sa꞉la꞉leno꞉ edabikiyo꞉, Fol eyo꞉ tilidabu kaluwo꞉ ho꞉le kegea꞉sa꞉ga꞉yo꞉, iyo꞉ halale mesea꞉ki towo꞉ sa꞉la꞉sa꞉ga꞉yo꞉, “gio꞉ ta꞉biyo꞉” a꞉la꞉sa꞉la꞉sa꞉ga꞉, e Masedonia hena ha꞉na꞉ni ane.
27696	ACT 20:2	A꞉na fa꞉la꞉dowa꞉sa꞉ga꞉yo꞉, amisa꞉n ko꞉lilo꞉ a꞉na tinia꞉li ha꞉nakiyo꞉, kaluka꞉isaleyo꞉ halale alitaki, mano꞉ wida꞉li ha꞉na꞉la꞉ga꞉, Gilig hena fa꞉la꞉dowo꞉.
27733	ACT 21:1	Nio꞉ Efesa꞉s sa꞉sdo꞉ bo꞉fo꞉lowan kalumo꞉wo꞉ ta꞉biyo꞉ a꞉la꞉bo꞉ sa꞉la꞉sa꞉ga꞉, ho꞉n ko꞉suwa disa꞉la꞉sa꞉ga꞉, ho꞉na꞉lo꞉ hegefa꞉ hen, Ko꞉s a꞉na tigini ane. Ho꞉len a꞉ma꞉ fas amio꞉ nio꞉ ha꞉na꞉sa꞉ga꞉ Lodes a꞉na fa꞉la꞉dowo꞉. A꞉la꞉ta꞉ga꞉ ho꞉len a꞉ma꞉ fa꞉s amio꞉ nio꞉ Batala a꞉na fa꞉la꞉dowa꞉ta꞉ga꞉yo꞉, ho꞉n ko꞉su nowo꞉, Fonisia hena ha꞉nabiki, nio꞉lo꞉ a꞉na disa꞉la꞉sa꞉ga꞉ ane.
27739	ACT 21:7	Nio꞉ Taya a꞉na ta꞉ta꞉ga꞉ ha꞉nakiyo꞉, Tolemes amisa꞉na fa꞉la꞉dowa꞉ta꞉ga꞉yo꞉, tilidabu kaluka꞉isale nolo꞉ a꞉na galilia꞉sa꞉ga꞉, ho꞉len imilig nowo꞉ a꞉na ali.
27873	ACT 25:9	Fol eyo꞉ a꞉la꞉sa꞉la꞉sa꞉ga꞉, Festus eyo꞉ Yu kaluwo꞉ sagale alitakiyo꞉, Folbo꞉wo꞉ a꞉la꞉dabu ba꞉ba꞉, “Ge Ya꞉lusalem ha꞉na꞉sa꞉ga꞉, ililo꞉ gemo꞉lo꞉ diga꞉lilab we, ni siwa꞉la mo꞉walilima꞉no꞉wo꞉ o꞉liyele?”
27958	ACT 27:35	Fol eyo꞉ to a꞉no꞉ sa꞉la꞉sa꞉ga꞉yo꞉, eyo꞉ ma꞉n so꞉fa꞉ nolo꞉ dia꞉sa꞉ga꞉, ili milifa kagafo꞉liki, Godemo꞉ mada o꞉m a꞉la꞉sa꞉la꞉sa꞉ga꞉, a꞉na gululia꞉ga꞉ mo꞉no꞉.
27968	ACT 28:1	Nio꞉ tambo gendo꞉ mo꞉dowo꞉ ko꞉lo꞉ ha꞉la꞉ya o꞉li dasilia꞉ga꞉, ha꞉la꞉ya fa꞉la꞉dowa꞉sa꞉ga꞉yo꞉, ho꞉na꞉lo꞉ hegefa꞉ hen Malta a꞉na fa꞉la꞉dowo꞉bo꞉lo꞉b a꞉la꞉asulo꞉.
27982	ACT 28:15	Nilo꞉ fa꞉la꞉doma꞉i yab a꞉la꞉bo꞉ Lom amilo꞉ tilidabu kaluka꞉isale nolo꞉ da꞉da꞉sa꞉ga꞉yo꞉, iyo꞉ nilo꞉ galima꞉ni mio꞉ ko꞉lo꞉, Abius Maget amisa꞉n ta꞉ta꞉sa꞉ga꞉ mio꞉wo꞉, mageso꞉ a nowo꞉ A Otalen a꞉la꞉wikilo꞉lo꞉ a꞉na galili. Fol eyo꞉ kalu a꞉no꞉ ba꞉da꞉sa꞉ga꞉yo꞉, e Godemo꞉ mada o꞉m a꞉la꞉sa꞉la꞉sa꞉ga꞉, e halaido꞉ di.
27983	ACT 28:16	Nio꞉ Lom fa꞉la꞉dowo꞉sa꞉ga꞉yo꞉, Lom gamani kalu iyo꞉ Fol e dibolo a amio꞉ mo꞉to꞉lolaki, e ena꞉li a nowa mesea꞉ki ta꞉takiyo꞉, da꞉la꞉di kalu nolo꞉ a꞉na bo꞉fo꞉melea꞉ki ta꞉fo꞉.