27179	ACT 6:9	Ko꞉sega Yu kalu nolba꞉yo꞉ e o꞉lia꞉yo꞉ towa꞉yo꞉ kego꞉. Kalu i a꞉ma꞉ tolo꞉ wida꞉sen a wiyo꞉ we “Kalu ga꞉li ha꞉na꞉sen A” a꞉la꞉sa꞉la꞉sen. Kalu i a꞉no꞉ nolo꞉ Sailini amisa꞉n o꞉lia꞉ Alegsandia amisa꞉na a꞉la꞉ta꞉ga꞉ mio꞉. A꞉la꞉ta꞉ga꞉ nolo꞉, Silisia hen o꞉lia꞉ Esia hen a꞉la꞉ta꞉ga꞉ mio꞉ ko꞉lo꞉ iyo꞉ Sitifen o꞉lia꞉yo꞉ towa꞉yo꞉ kego꞉.
27531	ACT 15:20	A꞉la꞉do꞉ mo꞉dimidakiyo꞉, niliyo꞉ imo꞉wo꞉ to sa꞉sa꞉lakiyo꞉, ma꞉no꞉ ko꞉lo꞉ madali godemo꞉lo꞉ bobalo꞉ dimi a꞉no꞉ na꞉so꞉bo. A꞉la꞉ta꞉ga꞉ wo꞉wo꞉ dia꞉so꞉bo. A꞉la꞉ta꞉ga꞉ no꞉ ho꞉bo꞉ a꞉no꞉lia꞉, no꞉wo꞉ dagasa silisa꞉nda꞉sa꞉ga꞉, ho꞉bo꞉wo꞉ mo꞉ane a꞉no꞉lia꞉yo꞉, na꞉so꞉bo. A꞉la꞉likiyo꞉ imo꞉wo꞉ asuluma꞉kiyo꞉, mo꞉fo꞉s amio꞉ sa꞉sa꞉liga꞉fa꞉niki.
27554	ACT 16:2	Keliso kaluka꞉isale, Lista a꞉la꞉ta꞉ga꞉ Aikonium amisa꞉n amilo꞉ sen a꞉ma꞉yo꞉ man elo꞉wo꞉ nafa ba꞉ba꞉ ko꞉lo꞉ e digalo꞉ so꞉wa a꞉la꞉sa꞉la꞉sen.
27828	ACT 23:26	Ne Kolodius Lisias, niyo꞉ mo꞉fo꞉so꞉ we gamani misa꞉ alan kalu Fela꞉ks gemo꞉ sa꞉sa꞉liga꞉to꞉l. Niyo꞉ sagalo꞉ towo꞉ gemo꞉wo꞉ so꞉lo꞉l.
27840	ACT 24:3	Gilo꞉ tambo dimido꞉ a꞉no꞉ asulakiyo꞉, amisa꞉no꞉ tambowa꞉yo꞉ mada sagalaki, nio꞉ mada o꞉m a꞉la꞉sa꞉la꞉sen.
27901	ACT 26:10	Bobalo꞉ so꞉mia꞉sen misa꞉ kalu iyo꞉ asulo꞉ imilise dowabiki, niyo꞉ ini wiya ilikiyo꞉, ne Ya꞉lusalem mo꞉mo꞉dakiyo꞉, Ya꞉su amilo꞉ tilidabu kalu modo꞉wo꞉ dibolo aya to꞉lolo꞉. A꞉la꞉ta꞉ga꞉ kalu i a꞉no꞉ sana soma꞉nikiyo꞉, niyo꞉lo꞉ ‘sanama’ a꞉la꞉sa꞉la꞉sen.
27945	ACT 27:22	Ko꞉sega o꞉go꞉ niyo꞉ gimo꞉wo꞉ a꞉la꞉so꞉lo꞉l. Gio꞉ imilig nowo꞉ ho꞉na꞉yo꞉ mo꞉kanda soma꞉ib, ko꞉lo꞉ gio꞉ mo꞉tagilaki, halaido꞉ doma. Ho꞉n ko꞉su wenako꞉ mada mogagima꞉ib.
27993	ACT 28:26	“‘Kaluka꞉isale ilo꞉wa ha꞉na꞉sa꞉ga꞉, imo꞉wo꞉ a꞉la꞉sa꞉la꞉bi. Gio꞉ ni towo꞉ mada da꞉da꞉mela꞉ib ko꞉sega, hendeleyo꞉ mada mo꞉fanda asuluma꞉ib. Gio꞉ nilo꞉ dimidano꞉ ba꞉da꞉mela꞉ib ko꞉sega ha꞉go꞉ mada mo꞉dinafa asuluma꞉ib.
29628	1TH 1:1	Fol ne, Sailaso꞉, Timotiyo꞉ niliyo꞉ to we sa꞉sa꞉lakiyo꞉, Do Gode o꞉lia꞉ Alan Ya꞉su Keliso o꞉lia꞉ma꞉ kaluka꞉isale, Tesalonaika sa꞉s usamilo꞉ sab o꞉mo꞉ sa꞉sa꞉liga꞉to꞉l. Godeya꞉ ene kanulo꞉ o꞉lia꞉ ha꞉sa mesa꞉no꞉ man a꞉no꞉lia꞉yo꞉ gi o꞉lia꞉ dofo꞉melea꞉ki, Godemo꞉ dulugu so꞉lo꞉l.
29629	1TH 1:2	Ho꞉leno꞉ tambo niliyo꞉ gio꞉ ko꞉lo꞉ Godemo꞉ dulugu sa꞉lakiyo꞉, mada o꞉m a꞉la꞉sa꞉la꞉sen.
29630	1TH 1:3	Giliyo꞉ tili da꞉da꞉ga꞉ man nafale dimida꞉sen, a꞉la꞉ta꞉ga꞉ nol o꞉lia꞉yo꞉ ha꞉fo꞉ disa꞉laki, iyo꞉ asuwa꞉ta꞉sen, a꞉la꞉ta꞉ga꞉ Ya꞉su Kelisowo꞉ hendele a꞉ma꞉la꞉ mia꞉nigab a꞉la꞉bo꞉ giliyo꞉ tilida꞉da꞉sa꞉ga꞉, yasila꞉lab ko꞉lo꞉ halale kagaya꞉sen. Niliyo꞉ gililo꞉ dimido꞉ a꞉no꞉ asula꞉liki, Do Godemo꞉ mada o꞉m a꞉la꞉sa꞉la꞉sen.
29631	1TH 1:4	Godeya꞉ to nafa a꞉no꞉ gilo꞉wa fa꞉la꞉dowabikiyo꞉, to mosole ko꞉lo꞉ fa꞉la꞉dowo꞉ma. To a꞉no꞉ niliyo꞉ hendele tilida꞉da꞉sa꞉ga꞉, halale widakiyo꞉, Godeya꞉ ene halaido꞉ o꞉lia꞉ Mama Malilo꞉ enedo꞉ o꞉lia꞉yo꞉ mio꞉. A꞉la꞉ta꞉ga꞉ niliyo꞉ gi o꞉lia꞉ silikiyo꞉, gio꞉ asuwa꞉foma꞉kiyo꞉, nililo꞉ man nafale dimido꞉ a꞉no꞉ giliyo꞉ asulufo꞉lab. Alan Ya꞉su o꞉lia꞉ nililo꞉ man nafale dimido꞉ aumbo꞉ giliyo꞉ kudu ane. Giliyo꞉ hida꞉yo꞉wo꞉ alan di ko꞉sega Mama Malilo꞉ a꞉ma꞉ sagalo꞉wa ilikiyo꞉, Ene to nafa a꞉no꞉ sagala꞉liki dabu. A꞉la꞉fo꞉ko꞉lo꞉ ni naoi, Godeya꞉lo꞉ asula꞉lab kaluka꞉isale gi a꞉na enedo꞉ da꞉fe alifelo꞉wo꞉ o꞉m niliyo꞉ a꞉la꞉asulo꞉. A꞉la꞉ta꞉ga꞉ niliyo꞉ Godemo꞉wo꞉ mada o꞉m a꞉la꞉sa꞉la꞉sen.
29671	1TH 4:1	Ni nao i, to nolo꞉ a꞉sa꞉ma꞉nigo꞉l. Godelo꞉ sagalema꞉no꞉ man a꞉no꞉ giliyo꞉ kudu hamana꞉ki, niliyo꞉ tamin amio꞉ gimo꞉wo꞉ wido꞉ ko꞉lo꞉, gio꞉ kudu ha꞉na꞉lab. Ko꞉sega o꞉go꞉ gio꞉ man a꞉no꞉ wa꞉ka halale a꞉kudu ha꞉na꞉ melea꞉ki, Ya꞉su Alana꞉ wi amio꞉ niliyo꞉ to a꞉no꞉ wa꞉ka halale so꞉lo꞉l.
29706	1TH 5:18	Gilo꞉ amio꞉ kelego꞉ ko꞉li ko꞉lilo꞉wo꞉ fa꞉la꞉dowalikiyo꞉, Godemo꞉wo꞉ mada o꞉m a꞉la꞉sa꞉la꞉lubi. Gio꞉ Ya꞉su Kelisowa dowakiyo꞉, Godeya꞉yo꞉ gio꞉ man o꞉leo꞉ngo꞉ ko꞉lo꞉ dimidama꞉ki asulab.
29717	2TH 1:1	Fol ne, Sailaso꞉, Timotiyo꞉ niliyo꞉ to we sa꞉sa꞉lakiyo꞉, Do Gode o꞉lia꞉ Alan Ya꞉su Keliso o꞉lia꞉ma꞉ kaluka꞉isale Tesalonaika sa꞉s usamilo꞉ sab o꞉mo꞉ sa꞉sa꞉liga꞉to꞉l.
29765	1TI 1:2	Timoti, ge hendele tilidabu ko꞉lo꞉ ni so꞉wale o꞉ngo꞉ fa꞉la꞉dowo꞉. A꞉la꞉fo꞉ko꞉lo꞉ niyo꞉ mo꞉fo꞉s we gemo꞉ sa꞉sa꞉liga꞉to꞉l. Do Gode o꞉lia꞉ nili Misa꞉ Ya꞉su Keliso o꞉lia꞉ma꞉yo꞉ ini kanulo꞉ o꞉lia꞉ 21nofolan o꞉lia꞉ ha꞉salo꞉ mesa꞉no꞉ man a꞉no꞉lia꞉yo꞉ gi o꞉lia꞉ dofo꞉melea꞉ki, to we a꞉na sa꞉sa꞉lo꞉l.
29775	1TI 1:12	Ya꞉su Keliso, nili Alana꞉yo꞉, nemo꞉wo꞉ halaido꞉wo꞉ dimia꞉sa꞉ga꞉, Eyo꞉ ne dibebea꞉sa꞉ga꞉, niyo꞉ nanogo꞉ o꞉li ditandalema꞉ib a꞉la꞉asulaki, ene nanog dima꞉ki dafe alifa꞉ ko꞉lo꞉, niyo꞉ emo꞉wo꞉ mada o꞉m a꞉la꞉so꞉lo꞉l.
29784	1TI 2:1	Tamin amio꞉, gio꞉ Godemo꞉wo꞉ dulugu sa꞉la꞉lubi. Kaluka꞉isaleyo꞉ tambo asuwa꞉takiyo꞉, halale alifoma꞉ki, Godemo꞉ to sa꞉la꞉bi. A꞉la꞉ta꞉ga꞉ Godeya꞉lo꞉ asuwa꞉ta꞉lab a꞉no꞉, mada o꞉m a꞉la꞉sa꞉la꞉bi.
29806	1TI 3:8	Nilo꞉ tamin amilo꞉ so꞉lo꞉l o꞉leaum, digon iyo꞉lo꞉ man nafale dimidaki, wiyo꞉ nafa dia꞉no꞉ a꞉la꞉ta꞉ga꞉ mela꞉no꞉ ko꞉lo꞉lab. Iyo꞉ towa꞉yo꞉ mo꞉a꞉la꞉sa꞉lan. Iyo꞉ aluna꞉ ho꞉no꞉ modo꞉wo꞉ mo꞉na꞉sen a꞉la꞉ta꞉ga꞉ iyo꞉ moleyo꞉ alan asulakiyo꞉, kalu nolo꞉ dikidakiyo꞉, mo꞉afale dia꞉sen.
29812	1TI 3:14	Ne gelo꞉ amio꞉ bo꞉bo꞉ge mia꞉no꞉ asulab ko꞉sega, ne bo꞉ibo꞉ mo꞉yalega, giyo꞉ Godeya꞉ so꞉lo꞉wa꞉lo꞉ man kudu ha꞉nan a꞉no꞉ asuluma꞉ki, niyo꞉ mo꞉fo꞉s we ko꞉le sa꞉sa꞉liga꞉to꞉l. Godeya꞉ so꞉lo꞉ a꞉la꞉do꞉ sa꞉lab a꞉ma꞉ ha꞉go꞉ we. Sa꞉so꞉ Gode mela꞉no꞉lo꞉ a꞉lab a꞉ma꞉no꞉ ko꞉lo꞉ sa꞉s a꞉no꞉ aiko꞉ o꞉ngo꞉ iliki, to hendelelo꞉ halalelo꞉ ta꞉lisabo꞉ o꞉m.
29923	2TI 3:3	Kaluka꞉isale iliyo꞉ nol o꞉lia꞉yo꞉ ha꞉fo꞉wo꞉ mo꞉disa꞉ma꞉ib. Kalu nolba꞉lo꞉ mogago꞉ dimido꞉ a꞉no꞉lo꞉ mo꞉ga꞉lila꞉ma꞉ib. Iyo꞉ nolo꞉lo꞉ sada꞉ba꞉ib. Inin asulo꞉wo꞉ mo꞉tilidoma꞉ib. Kalu nolo꞉ mo꞉nofolakiyo꞉, nagalo꞉ dimiab a꞉no꞉ o꞉ligab a꞉la꞉asuluma꞉ib. A꞉la꞉ta꞉ga꞉ man nafa o꞉lia꞉yo꞉ gis dia꞉ib.
29963	TIT 1:4	Taitus, na꞉no꞉ tilidabuwo꞉ imilig dowo꞉ ko꞉lo꞉, ge no꞉no꞉n so꞉wale dowabiki, niyo꞉ mo꞉fo꞉s we gemo꞉ sa꞉sa꞉liga꞉to꞉l. Kanulan mano꞉ a꞉la꞉ta꞉ga꞉ ha꞉sa dowan man a꞉no꞉ gi o꞉lia꞉ melea꞉ki, niyo꞉ Do Gode o꞉lia꞉ nilo꞉ a꞉ma꞉la꞉ gasili Ya꞉su Keliso o꞉lia꞉mo꞉wo꞉ dulugu sio꞉.
29966	TIT 1:7	Sa꞉sdo꞉ bo꞉fo꞉lowan kalu eyo꞉, Godeya꞉ nanog dimidama꞉kiyo꞉ ene ta꞉fo꞉ ko꞉lo꞉ da꞉feakiyo꞉, kalu we o꞉ngo꞉ ko꞉lo꞉ da꞉fea꞉bi. Eyo꞉ man digalo꞉le kudu ha꞉naki, kalu nolba꞉yo꞉ e hala dimidab a꞉la꞉bo꞉ mo꞉asula꞉sen. A꞉la꞉ta꞉ga꞉ e kalu alan a꞉lakiyo꞉, kaluka꞉isaleyo꞉ mo꞉wa꞉la꞉sa꞉ndan. E bo꞉ibo꞉ mo꞉gadian. E aluna꞉ ho꞉no꞉ modo꞉ nakiyo꞉, mo꞉no꞉nolan. A꞉la꞉ta꞉ga꞉ nol o꞉lia꞉yo꞉ mo꞉buban. E mole alan dia꞉no꞉wo꞉ mo꞉meselan.
30006	PHM 1:1	Fol, ne Ya꞉su Kelisowa꞉ wiya a꞉la꞉ta꞉ga꞉lo꞉ dibolo amilo꞉ so꞉lo꞉ ne o꞉lia꞉ nao Timoti naino꞉ sagalo꞉ towo꞉ gemo꞉ sa꞉sa꞉liga꞉to꞉l. To we nili mili nafa nanogo꞉ negelelo꞉ dia꞉seno꞉, Filemon, ge o꞉lia꞉ nado Abia o꞉lia꞉ negelelo꞉ nanogo꞉ halaido꞉ dia꞉seno꞉ Akibus o꞉lia꞉ Keliso kaluka꞉isale gi ayamilo꞉ Godeya꞉ mando꞉ da꞉ba꞉ ya꞉lab o꞉lia꞉mo꞉wo꞉, mo꞉fo꞉s we gimo꞉ sa꞉sa꞉liga꞉to꞉l.
30334	JAS 1:1	Ne Yemes, Gode o꞉lia꞉ Ya꞉su Keliso Alan o꞉lia꞉ma꞉ ene madali nanogdo꞉ dian kaluwo꞉ ne. Niyo꞉ mo꞉fo꞉s we, Keliso kaluka꞉isaleyo꞉ so꞉lo꞉ kugula꞉fo꞉ alobanaga꞉ta꞉ga꞉lo꞉ hen no amilo꞉ mesa꞉ni ane gimo꞉ sagalo꞉ towo꞉ sa꞉sa꞉liga꞉to꞉l.
30378	JAS 2:18	Ko꞉sega kalu noma꞉ sa꞉lakiyo꞉, “Kaluka꞉isale nolo꞉ tilidabuwo꞉ a꞉lab. A꞉la꞉ta꞉ga꞉ nolo꞉ man nafa dimidano꞉ a꞉lab” a꞉la꞉sa꞉ma꞉ib. Ko꞉sega niyo꞉ a꞉ma꞉la꞉bo꞉ a꞉la꞉sa꞉ma꞉no꞉, “Gi man nafa dimidano꞉ aundo꞉malalega, tilidabu gilo꞉wo꞉ waga walama꞉no꞉wo꞉? Ko꞉sega man nafa ko꞉lo꞉ nilo꞉ dimidab a꞉ma꞉yo꞉, tilidabu nilo꞉ widakigab” a꞉la꞉sa꞉ma꞉no꞉.
30398	JAS 3:12	A꞉la꞉ta꞉ga꞉ ho꞉n nafa o꞉lia꞉ ho꞉n o꞉to꞉ o꞉lia꞉yo꞉, ho꞉n si imilig amio꞉ fa꞉la꞉dowano꞉? Ho꞉n si mogago꞉ a꞉namio꞉, ho꞉n nafayo꞉ mada mo꞉fa꞉la꞉doma꞉ib.
30419	JAS 4:15	A꞉la꞉fo꞉ko꞉lo꞉ giliyo꞉ a꞉la꞉bo꞉ mo꞉sa꞉laki, weaum sa꞉la꞉bi. “Kalu Alana꞉yo꞉ a꞉la꞉dimidama꞉ki asulalega, ne o꞉silikiyo꞉, nanog nol we o꞉dimida꞉mela꞉no꞉” giliyo꞉ a꞉la꞉sa꞉la꞉bi.
30618	1JN 2:1	Ni so꞉wa i, gio꞉ mogago꞉wo꞉ dimidabena꞉ki, niyo꞉ to we gimo꞉ sa꞉sa꞉liga꞉to꞉l. Kalu imilig noma꞉yo꞉ ko꞉lo꞉ mogago꞉wo꞉ dimidalega, nilo꞉ asuwa꞉fa꞉no꞉ kalu nowo꞉ a꞉lab. Ya꞉su Keliso, e mada digalo꞉ kalu ko꞉lo꞉ nilo꞉ asuwa꞉foma꞉kilo꞉, Iyamo꞉lo꞉ tolo꞉ sa꞉la꞉seno꞉ e.
30630	1JN 2:13	Ko꞉go꞉do꞉ giliyo꞉, kalu taminde amilo꞉ dowa꞉i mio꞉ ko꞉lo꞉ a꞉lab a꞉no꞉, gio꞉ digale asulo꞉le ko꞉lo꞉lab. A꞉la꞉fo꞉ko꞉lo꞉ to we gimo꞉wo꞉ a꞉na sa꞉sa꞉lo꞉l. Kaluka꞉isale asugo꞉ ho꞉gi nodola꞉sa꞉ga꞉lo꞉ tilidabu gi a꞉no꞉, Seteneya꞉ halaido꞉wo꞉ tinio꞉ ko꞉lo꞉ a꞉labi, to we gimo꞉wo꞉ a꞉na sa꞉sa꞉lo꞉l. Ni so꞉wa i, Do Godeya꞉ gio꞉ digale fanda asulo꞉le ko꞉lo꞉ to we gimo꞉wo꞉ a꞉na sa꞉sa꞉liga꞉to꞉l.
30631	1JN 2:14	Ko꞉go꞉do꞉ giliyo꞉, kalu taminde amilo꞉ dowa꞉i mio꞉ ko꞉lo꞉ a꞉lab a꞉no꞉, gio꞉ digale asulo꞉le ko꞉lo꞉lab. A꞉la꞉fo꞉ko꞉lo꞉ to we gimo꞉wo꞉ a꞉na sa꞉sa꞉liga꞉to꞉l. Kaluka꞉isale asugo꞉ ho꞉gi nodola꞉sa꞉ga꞉lo꞉ tilidabu gi amio꞉, halaido꞉wo꞉ da꞉lab a꞉la꞉ta꞉ga꞉ Godeya꞉ mano꞉ gili asulo꞉ usamio꞉ delen ko꞉lo꞉ Seteneya꞉ halaido꞉wo꞉ gili tinio꞉. A꞉la꞉fo꞉ko꞉lo꞉ to we niyo꞉ gimo꞉wo꞉ a꞉na sa꞉sa꞉liga꞉to꞉l.
30638	1JN 2:21	Nilo꞉ gimo꞉lo꞉ mo꞉fo꞉s sa꞉sa꞉liga꞉to꞉l we, gio꞉ to hendeleyo꞉ mo꞉asulo꞉ a꞉la꞉likima, gio꞉ to hendeleyo꞉ asulo꞉ ko꞉lo꞉labiki, niyo꞉ mo꞉fo꞉s we gimo꞉wo꞉ a꞉na sa꞉sa꞉liga꞉to꞉l. Mo꞉wo꞉ to hendele us amio꞉ madali towo꞉ mo꞉alab.
30643	1JN 2:26	Kalu nolba꞉yo꞉ gio꞉ hala tililiha꞉nab ko꞉lo꞉ a꞉no꞉ hagugaki to we gimo꞉ sa꞉sa꞉liga꞉to꞉l.
30681	1JN 4:11	Ne mili, Gode Eyo꞉ ni o꞉lia꞉ ha꞉fo꞉ disa꞉ ko꞉lo꞉, niliyo꞉lo꞉ negelebo꞉ ha꞉fo꞉wo꞉ a꞉la꞉disa꞉ma꞉niki.
30713	2JN 1:1	Misa꞉ kalu sa꞉s amilo꞉ dowo꞉wo꞉ ne, mo꞉fo꞉s we Godeya꞉lo꞉ da꞉feyo꞉ ka꞉isale gi o꞉lia꞉ gini so꞉wagalin o꞉lia꞉mo꞉ sa꞉sa꞉liga꞉to꞉l. Niyo꞉ gimo꞉wo꞉ mada hendele ha꞉fo꞉wo꞉ disa꞉la꞉lab. A꞉la꞉ta꞉ga꞉ kaluka꞉isale to hendelelo꞉ asulab a꞉ma꞉yo꞉lo꞉ gimo꞉wo꞉ ha꞉fo꞉wo꞉ disa꞉la꞉lab.