27003	ACT 1:11	Kalu a꞉la꞉ma꞉yo꞉ imo꞉wo꞉ a꞉la꞉sio꞉, “Ga꞉lili kalu gio꞉, madali akin amio꞉ alolo bo꞉fo꞉leko꞉ mo꞉wo꞉ ha꞉? Ya꞉su gi o꞉lia꞉lo꞉ elen ko꞉lo꞉ Godeya꞉ Hebenelo꞉ tilia꞉gane a꞉no꞉, E a꞉ma꞉la꞉ yalikiyo꞉, E Hebenelo꞉ ha꞉nabikilo꞉ ba꞉dab o꞉leaum a꞉ma꞉la꞉yo꞉lo꞉ a꞉la꞉ka mia꞉ib.”
27121	ACT 4:30	Gode go꞉no꞉n halaido꞉wa꞉ widakiyo꞉, gi nanog dian kalu, Ya꞉suwa꞉ wiya ilikiyo꞉, kaluka꞉isaleyo꞉ falele alifelaki, molo ha꞉na꞉no꞉ nolo꞉ dimida꞉lubi.”
27132	ACT 5:4	Giyo꞉ heno꞉ semo꞉kilili amio꞉, hen a꞉no꞉ hendele ga꞉no꞉ ko꞉lo꞉ kililia꞉sa꞉ga꞉ mole di a꞉no꞉ ga꞉lo꞉ asulab aumbo꞉ o꞉li dimidama꞉no꞉ dowo꞉. A꞉la꞉fo꞉ko꞉lo꞉, giyo꞉ dikilima꞉no꞉ a꞉la꞉likiyo꞉ waga asulaki sa꞉laya? Madalilo꞉ sa꞉lako꞉, giyo꞉ kaluwo꞉ ko꞉lo꞉ dikidaba. Godeyo꞉ ko꞉lo꞉ dikili sa꞉lab.”
27137	ACT 5:9	A꞉la꞉fo꞉ko꞉lo꞉ Bida eyo꞉ emo꞉ a꞉la꞉sio꞉, “Ga꞉go꞉ towo꞉ imilise saeta꞉ga꞉yo꞉, Godeya꞉ Mamayo꞉ da꞉fe ba꞉ba꞉nikiyo꞉, Emo꞉wo꞉ waga dikili sa꞉laya? Ge kalulo꞉ daida꞉len kalu i a꞉no꞉ tog amilo꞉ o꞉yayom ko꞉lo꞉ gelo꞉ a꞉na dia꞉ha꞉na꞉sa꞉ga꞉ dalima꞉nigab.”
27276	ACT 8:31	A꞉la꞉dabuba꞉dabiki, kalu a꞉ma꞉yo꞉ a꞉ma꞉la꞉bo꞉ a꞉la꞉sio꞉, “Kalu noma꞉yo꞉ nemo꞉wo꞉ mo꞉fanda sa꞉lalega, ne mada mo꞉fanda asuluma꞉ib.” A꞉la꞉sata꞉ga꞉, Filibo꞉ elo꞉ sab i fofodo꞉ anib wa꞉l a꞉na mesa꞉ mena a꞉la꞉sio꞉.
27282	ACT 8:37	Filib eyo꞉ a꞉la꞉sio꞉, “Ge asulo꞉wo꞉ amio꞉ hendele tilida꞉dalega, ge ho꞉n amio꞉ o꞉li to꞉loma꞉nigo꞉l.” A꞉la꞉sa꞉labiki, Itiobia kalu eyo꞉ a꞉la꞉sio꞉, “Ya꞉su E Godeya꞉ Inso꞉ a꞉la꞉bo꞉ ne tili asulo꞉l.”
27333	ACT 10:5	A꞉la꞉fo꞉ko꞉lo꞉ Saimon Bida e mena꞉ki, o꞉go꞉ ge kalu nolo꞉ Yoba amisa꞉na iliga꞉foma. Bida e no꞉ do꞉go꞉fdo dinafaya꞉sen kalu, Saimon o꞉lia꞉ so꞉lu ho꞉n aniba sab ko꞉lo꞉, e gelo꞉wa mena꞉ki, kalu nolo꞉ iliga꞉foma.”
27342	ACT 10:14	A꞉la꞉sa꞉labiki, Bida eyo꞉ a꞉ma꞉la꞉bo꞉ a꞉la꞉sio꞉, “Alan, ne a꞉la꞉bo꞉ mada mo꞉dimidama꞉no꞉! Yu kaluwa꞉ ele difa꞉ usamilo꞉ ‘Na꞉so꞉bo’ a꞉la꞉do꞉ saefo꞉ a꞉no꞉ ne mada mo꞉nan.”
27361	ACT 10:33	A꞉la꞉fo꞉ko꞉lo꞉ ge nelo꞉ wena mena꞉ki, niyo꞉ kalu we gelo꞉ amio꞉ bo꞉i iliga꞉fo꞉ ko꞉lo꞉ ge mada o꞉li mio꞉. A꞉la꞉go꞉ko꞉lo꞉ nio꞉ o꞉ma Godeya꞉ siwa꞉l amio꞉ tambo kegenelia꞉ga꞉lo꞉ sen we, Godeya꞉lo꞉ gemo꞉lo꞉ sama꞉kilo꞉ sio꞉ a꞉no꞉, nilo꞉ da꞉ba꞉niki so꞉l.”
27378	ACT 11:2	A꞉la꞉fo꞉ko꞉lo꞉ Bida e Ya꞉lusalem ha꞉na꞉ga꞉ fa꞉la꞉dowabikiyo꞉, tilidabu kalu do꞉go꞉fo꞉ hege gedeo꞉ kalu iliyo꞉ Bidamo꞉wo꞉ gadi sa꞉laki a꞉la꞉sio꞉, “Ge do꞉go꞉fo꞉ mo꞉gedeo꞉ kaluwa꞉ aya siliki, ma꞉no꞉ gegele na꞉len.”
27420	ACT 12:14	Loda eyo꞉ Bidaya꞉ daganko꞉ da꞉da꞉sa꞉ga꞉yo꞉, e sagalo꞉wo꞉ alan dowaki, tog kolama꞉no꞉wo꞉ babalela꞉sa꞉ga꞉, e a꞉ma꞉la꞉ aya ha꞉na꞉sa꞉ga꞉ a꞉la꞉sio꞉, “Bida e ha꞉la꞉ka o꞉lab.”
27423	ACT 12:17	Bida eyo꞉ iyo꞉ ha꞉sa mesea꞉ki, dagiya꞉ da꞉fea꞉sa꞉ga꞉ hela꞉tabiki, Alana꞉lo꞉ e ko꞉lo꞉ dibolo aya a꞉la꞉ta꞉ga꞉lo꞉ sili alifa꞉ a꞉no꞉ imo꞉wo꞉ malolo꞉ me. A꞉la꞉ta꞉ga꞉yo꞉ imo꞉wo꞉ a꞉la꞉sio꞉, “To we Yemes o꞉lia꞉ tilidabu kalu nol o꞉lia꞉mo꞉wo꞉ malolo꞉ mia꞉bi.” A꞉la꞉sa꞉la꞉sa꞉ga꞉, e hen nowa ane.
27433	ACT 13:2	Iyo꞉ ma꞉no꞉lo꞉ mo꞉nakiyo꞉, Godemo꞉ dulugu sa꞉la꞉len amio꞉, Godeya꞉ Mamaya꞉yo꞉ imo꞉wo꞉ a꞉la꞉sio꞉, “Banabas dia꞉ So꞉l dia꞉ we, ni nanog dima꞉ki da꞉feyo꞉ ko꞉lo꞉ giliyo꞉lo꞉ a꞉la꞉yo꞉ tililia꞉ga꞉ da꞉fema.”
27516	ACT 15:5	To a꞉no꞉ da꞉da꞉sa꞉ga꞉, Fa꞉lisi amilo꞉ Ya꞉su tilidabu kalu nolo꞉ dasila꞉sa꞉ga꞉ a꞉la꞉sio꞉, “Yu kaluka꞉isalema tilida꞉dab a꞉ma꞉yo꞉ Mosesa꞉ ele saefa꞉ a꞉no꞉ kudu ha꞉na꞉sa꞉ga꞉, iyo꞉ do꞉go꞉fo꞉ hege gedea꞉bi.”
27573	ACT 16:21	Lom kaluka꞉isale nililo꞉ man mo꞉dimidama꞉no꞉ a꞉la꞉likilo꞉ saefa꞉ a꞉no꞉, kalu a꞉la꞉ wema꞉yo꞉ man a꞉no꞉ kudu hamana꞉ki wida꞉lab.”
27655	ACT 19:1	Abolos e Kolin a꞉na elen amio꞉, Fol e wa꞉l toga ya꞉la꞉ga꞉, Efesa꞉s a꞉na fa꞉la꞉dowakiyo꞉, tilidabu kaluka꞉isale nolo꞉ a꞉na galilia꞉sa꞉ga꞉, imo꞉ dabu ba꞉ba꞉, “Gio꞉ ho꞉gi tilidabu amio꞉, Godeya꞉ Mamayo꞉ a꞉namio꞉ diyo꞉?” To a꞉no꞉ da꞉da꞉sa꞉ga꞉, iliyo꞉ a꞉ma꞉la꞉bo꞉ a꞉la꞉sio꞉, “A, Godeya꞉ Mamayo꞉ a꞉lab a꞉la꞉bo꞉, nio꞉ mo꞉dabu.”
27658	ACT 19:4	A꞉la꞉sa꞉labi, Fol eyo꞉ imo꞉wo꞉ a꞉la꞉sio꞉, “Yona꞉lo꞉ to꞉lolo꞉ a꞉no꞉ kaluka꞉isaleyo꞉ asugo꞉ nodola꞉sa꞉ga꞉, Godeyo꞉ ko꞉lo꞉ kudu hamana꞉ki, a꞉na tolo꞉lo꞉. A꞉la꞉ta꞉ga꞉ Yon eyo꞉ kalu ni fa꞉s amilo꞉ mia꞉nigab a꞉no꞉ ko꞉lo꞉ tilida꞉da꞉bi a꞉la꞉liki wido꞉ ko꞉lo꞉ kalu elo꞉ sio꞉ a꞉no꞉, Ya꞉su o꞉m.”
27694	ACT 19:40	Nilido꞉ o꞉gdo꞉ dimido꞉ wema꞉yo꞉ mo꞉lo꞉ma ka dimido꞉ ko꞉lo꞉, nio꞉ o꞉li ka mo꞉walilimabe ko꞉lo꞉ ne tagilab. Gamani kaluwa꞉yo꞉ dabu ba꞉dalega, nio꞉ tolo꞉ mo꞉sa꞉ma꞉no꞉ doma꞉ib.” A꞉la꞉ sa꞉la꞉sa꞉ga꞉yo꞉, kaluka꞉isaleyo꞉ hamana꞉ki, towo꞉ sio꞉.
27704	ACT 20:10	A꞉la꞉fo꞉ko꞉lo꞉ Fol e tina꞉ga꞉, so꞉wa a꞉no꞉ a꞉ma꞉ wa꞉la fafola꞉foliki, imo꞉wo꞉ a꞉la꞉sio꞉ “Gio꞉ tagilaki iliga꞉so꞉bo! So꞉wa we o꞉sab.”
27729	ACT 20:35	Giliyo꞉ wa꞉feyo꞉ kalu asuwa꞉foma꞉kiyo꞉, nanog halaido꞉ nilo꞉ dimida꞉sen a꞉no꞉ gio꞉ ko꞉lo꞉ widakigo꞉l. Ya꞉su Alana꞉yo꞉ towo꞉ a꞉la꞉sio꞉, ‘Dimiabdo꞉ ge mada sagalo꞉wo꞉ alan doma꞉ib ko꞉sega diabdo꞉ ge sagalo꞉wo꞉ ha꞉lu doma꞉ib.’ To we giliyo꞉ asulufo꞉lubi.”
27743	ACT 21:11	E nilo꞉wa fa꞉la꞉dowakiyo꞉, Fola꞉ yafuwo꞉ dia꞉sa꞉ga꞉, Agabus ene gido꞉fo꞉ o꞉lia꞉ dagi o꞉lia꞉yo꞉ yafuwa꞉ mela꞉sa꞉ga꞉yo꞉ a꞉la꞉sio꞉, “Nilo꞉ dimido꞉l we aumbo꞉, Ya꞉lusalem amilo꞉ yafulo꞉ biso꞉ Yu kalu sab a꞉ma꞉yo꞉ mela꞉sa꞉ga꞉, Yu kaluma imo꞉wo꞉ dimia꞉ib a꞉la꞉bo꞉ Mamaya꞉yo꞉ dinali sio꞉ ko꞉lo꞉ gimo꞉ wido꞉l.”
27808	ACT 23:6	Fol e kanisol kalu kegeo꞉ amio꞉, kalu nolo꞉ Fa꞉lisi a꞉la꞉ta꞉ga꞉ kalu nolo꞉ Sadusi kalu ko꞉lo꞉ elena ba꞉da꞉ga꞉yo꞉, eyo꞉ imo꞉wo꞉ towo꞉ halale a꞉la꞉sio꞉, “Ni nao i, ne Fa꞉lisi kalu a꞉la꞉ta꞉ga꞉ dowo꞉lo꞉ Fa꞉lisi kalu. Niyo꞉ Godeya꞉lo꞉ sowo꞉ kalu ko꞉lo꞉ a꞉ma꞉la꞉do꞉ a꞉dasi alifa꞉ib a꞉no꞉ hendele dimidama꞉ib a꞉la꞉liki tilidabu ko꞉lo꞉ ne o꞉go꞉ a꞉na mo꞉walilab.”
27914	ACT 26:23	To a꞉no꞉ we, Godeya꞉lo꞉ Da꞉feyo꞉ Kalu e nagalo꞉ alan dia꞉ ha꞉na꞉ga꞉ sota꞉ga꞉yo꞉, sowo꞉lo꞉ mo꞉dasilan a꞉no꞉ tamin amio꞉ e ko꞉lo꞉ a꞉dasima꞉ib. A꞉la꞉dimida꞉sa꞉ga꞉, eyo꞉ ene kaluka꞉isale o꞉lia꞉ Yu kaluka꞉isalema o꞉lia꞉mo꞉wo꞉ Godeya꞉ ho꞉len a꞉no꞉ ko꞉lo꞉ walama꞉ib. Dinali sa꞉lan kaluwa꞉yo꞉ a꞉la꞉bo꞉ fa꞉la꞉doma꞉ib a꞉la꞉likilo꞉ dinali saefa꞉ a꞉no꞉ niyo꞉ wido꞉l.”
27915	ACT 26:24	Fol eyo꞉ to a꞉no꞉ o꞉sa꞉la꞉lenka, Festus eyo꞉ halalelaki a꞉la꞉sio꞉, “Ge no꞉nololowo꞉ kalu. Ge asulo꞉wo꞉ modo꞉ diabiki, asulo꞉ gilo꞉ko꞉ no꞉nolab.”
27954	ACT 27:31	Ko꞉sega Fol eyo꞉ Yulius o꞉lia꞉ da꞉la꞉di kalu o꞉lia꞉mo꞉wo꞉ a꞉la꞉sio꞉, “Ho꞉n ko꞉sulo꞉ dia꞉sian kalu i wema꞉yo꞉ ho꞉n ko꞉su we ta꞉ta꞉ga꞉ nai ha꞉nalega, gilo꞉ gasilia꞉no꞉ togo꞉ aundo꞉ma doma꞉ib.”
27971	ACT 28:4	Amisa꞉n kaluka꞉isale a꞉ma꞉yo꞉ sowa꞉yo꞉ Fola꞉ dagiyo꞉ sunu helefolabiki ba꞉da꞉ga꞉yo꞉, egelebo꞉ a꞉la꞉sio꞉, “Kalu we hendele tamin amio꞉ kalu nowo꞉ e sana sowo꞉lo꞉b ko꞉lo꞉ a꞉ma꞉ wa꞉l diakiyo꞉, e so꞉lu ho꞉n amio꞉ soma꞉no꞉ ko꞉sega e ha꞉la꞉ya dasefa꞉ ko꞉lo꞉ mo꞉mesea꞉kiyo꞉, so꞉wa꞉ wema꞉yo꞉ soma꞉ki o꞉lab.”
29848	1TI 5:18	Godeya꞉ bugo꞉ amio꞉ towo꞉ a꞉la꞉sio꞉, “Giyo꞉ kaowo꞉ da꞉si fo basi a꞉lalikiyo꞉, elo꞉ ma꞉no꞉wo꞉ maya꞉ki, e mego꞉fo꞉ mela꞉so꞉bo.” A꞉la꞉ta꞉ga꞉ to sa꞉lano꞉ nowo꞉ we, “Nanogdo꞉ di kalu o꞉mo꞉wo꞉, wa꞉lo꞉ kililia꞉ib.”
29971	TIT 1:12	Tamin amio꞉ asulo꞉lo꞉ di kalu nowo꞉ Kilit hen a꞉na ilikiyo꞉, towo꞉ a꞉la꞉ sa꞉sa꞉lo꞉, “Kilit kaluka꞉isaleyo꞉ madali towo꞉ sa꞉la꞉sen. Iyo꞉ saila gasayo꞉ o꞉ngo꞉ dowa꞉sen. Iyo꞉ bo꞉sulakiyo꞉, ma꞉no꞉wo꞉ besagali na꞉sen.”
30368	JAS 2:8	Godeya꞉ to sa꞉sa꞉lo꞉ amio꞉, nili Alano꞉ Ya꞉suwa꞉ ele difa꞉ a꞉ma꞉yo꞉ a꞉la꞉sio꞉ “Gio꞉ go꞉no꞉n do꞉mo꞉ ko꞉lo꞉ mada asulan aumbo꞉, kalu nolo꞉lo꞉ a꞉la꞉ asula꞉bi.” A꞉la꞉sio꞉ ko꞉lo꞉ giliyo꞉ ele a꞉no꞉ hendele kudu ha꞉nalega, gio꞉ digalo꞉ dowab.
30375	JAS 2:15	Keliso kaluka꞉isale abeyo꞉ tilidabu kaluka꞉isale nowo꞉ ma꞉no꞉ o꞉lia꞉ so꞉g o꞉lia꞉yo꞉ aundo꞉ma ba꞉da꞉sa꞉ga꞉yo꞉ “Ha꞉iyo꞉, Godeya꞉yo꞉ so꞉g o꞉lia꞉ ma꞉n o꞉lia꞉yo꞉ gemo꞉wo꞉ dimia꞉ib ko꞉lo꞉ ge ha꞉sa ta꞉bi.” a꞉la꞉bo꞉ nofolo꞉ towo꞉ sa꞉laki ko꞉sega, kalu a꞉no꞉ mo꞉asuwa꞉talega, eyo꞉ kalu o꞉mo꞉wo꞉ man nafayo꞉ mo꞉dimidab. To elo꞉ sa꞉lab a꞉ma꞉yo꞉ e waga asuwa꞉fa꞉iba?