23214	MAT 1:1	Ove eiwa Iesu Keriso da ewowo gawowo udugedo gaiari. Daotari David awa ainda ewowo edo daedo Abraham awa ainda ewowo:
23225	MAT 1:12	Babylon kundo maunsitera ainda amboda awa: Jeconiah awa Shealtiel da mamo, Shealtiel awa Zerubbabel da mamo,
23231	MAT 1:18	Edo Iesu Keriso nongo edo engisini awa engo: Ainda ai Mary awa Joseph mi jimbarate geritera. Ata awamane jimbae gisida, Asisi Kotopu da gorobami esiri watou jijirisina.
23235	MAT 1:22	Aindabé Badari mi peroveta da yai rorae eiwa idegaina sisina, awatedo ro berari idegarate sisina awa gundo bé esisina. Edo sisina awa engo:
23243	MAT 2:5	Ango tesiri awamanemi mina sitera, “Beteliem doda yai Judea ainda, perovetami engo gagurisina:
23249	MAT 2:11	Edo awamane gundo mandoda torido mai saka ae ainda ai Mary de gido, awamane baongo dadari edo mai awa tumondebain esitera. Ango edo awamane kaita pirigedo kando kundo maide pipisitera: gold de frankincense de myrrh de.
23255	MAT 2:17	Ango edo ge peroveta Jeremiah mi sisina awa bé esisina:
23264	MAT 3:3	Edo embo ami ge eiwa peroveta Isaiah mi iji matuda sisina awa esiri bé esisina: “Embo abu damodamoda aorogateira, ‘Badari da begata dave ewo! Ainda begata dambu darewo pepeta are.’”
23284	MAT 4:6	Edo Binei mi ainde sisina, “Imo awa God da Mai gido, imo akuta kekapunya edo wote. God da geda gaiari isira awa: ‘God mi ge okain tari ainda anelamanemi imo dedegara, edo awamanemi imo ipada jiaro erato ito tai ganumada dainyae.’”
23292	MAT 4:14	Edo Iesu mi yai ainda maundo isima esisina, ge peroveta Isaiah mi matu sisina awa ari bé arate tedo:
23305	MAT 5:2	Edo imo tuturo edo awamane atopapoteite sisina:
23360	MAT 6:9	Awatedo benunu engo tewo: ‘Mamo natokare utuda isima edo eta awa, dao ito kotopu tou ore.
23431	MAT 8:17	Ango edo ge eiwa peroveta Isaiah mi amboda gumaina sisina, awa gundo bé esira: “Embo ami akuta kaenato buburau awa dodo kumbira, edo kaenato karu amburo gao esiri kaviegetera.”
23461	MAT 9:13	Ata aundo geda moka einda gidogogo ewo: ‘Na do ari udo ena, edo rorou piari ae.’ Na awa embo wasiri dambu darari dao tain gumbae, ata embo bebegae dao tano awamaneda jimbo beyae dodo God da yai wareregorote guputena.”
23488	MAT 10:2	Edo aposil mane 12da dao awa eiwa: gisi awa Simon (Ainda dao Peter tedo esitera.) edo ainda nameji Andrew; James, Zebedee da mai, edo ainda nameji John;
23491	MAT 10:5	Eiwamane 12 awa Iesu mi piesiri idegetero buro nongo nongo arida ge awamanede sisina: “Gentile embomaida yaida mambove, edo Samaria embomaida nasi babain awa torove.
23532	MAT 11:4	Edo Iesu mi awamanede mina sisina, “Maundo John de tewo gare ro inemanemi ingewa edo gotewa awa:
23538	MAT 11:10	John eiwa gumaina awa, matu perovetami gagurisina engo: “‘Giwo, na bino piari embo nato piano gisi maundo, ito begata gatedo dave aina.’
23539	MAT 11:11	Eiwa gebé imondemane tena: Embomai nenei berari eutumi engitera ainda doda, embo dabé itae John Bapataito Ari Embo awa daginegari tao. Awarata, embo saka ave utuda gisijiari yai isira awa, imo John daginegari isira God da jisida.
23545	MAT 11:17	mina tara edo era engo: “‘Nakare imomane embo viriko putetera, ata imomane ya urae; nakare imomane embo do ari ya tetera, ata imomane ji tae.’
23622	MAT 13:14	Edo ge awa peroveta Isaiah mi matu awamaneda daoda sisina awa bé eira. Edo ainda ge awa engo: ‘Imomane nato ge awa ingawa, ata ingeite mana arapa ari gawa. Edo nato buro awa gawa, ata goteiawo, ainda mokabé mana gawa.
23626	MAT 13:18	“Awatedo ingiwo! Eniya ge vero purara piari embo ainda moka awa engo:
23632	MAT 13:24	Edo Iesu mi awamaneda yai eniya ge nei sisina: “Utuda gisijiari awa engo. Embo da (1)mi rorae vero dave kundo ainda indari buroda purara pipisisina.
23639	MAT 13:31	Ango edo Iesu mi awamanede eniya ge nei sisina: “Utuda gisijiari awa masitet vero engo. Vero awa embo da (1)mi kundo maundo ainda buroda urisina.
23641	MAT 13:33	Edo Iesu mi daedo eniya ge nei awamaneda yai sisina: “Utuda gisijiari awa bread badari siwo engo. Eutu da (1)mi ou bajina palawami beda arida bread badari siwo saka awa baige esisina. Edo siwomi esiri palawa berari bajido duga esisina.”
23643	MAT 13:35	Ango edo ge eiwa perovetami amboda gumaina sisina, awa gundo bé esira: “Nane eniya ge jigamo ana, Nane ge ro onjigesitena butu gambae gisida awa karigano gawa.”
23773	MAT 17:4	Edo Peter mi Iesu de sisina, “Badari, dave awa kaena einda itera. Imo jipapa ata gido, nanekare bowa tamonde (3) ara: imo da (1), Moses da (1), edo Elijah da (1).”
23862	MAT 20:1	“Utuda gisijiari awa engo: Iji da (1)de utu tutu da (1)mi sipobéde idegedo buro embobo ainda gurepida buroda buro orote kakowa edo bain esisina.
23899	MAT 21:4	Aindabé perovetami rorae eiwa idegaina sisina, awatedo ro berari idegarate sisina awa gundo bé esisina. Edo sisina awa engo:
23928	MAT 21:33	“Edo eniya ge nei ingiwo: Buro tutu da (1)mi dongo gurepi jiwae buroda uredo puwa jido jinenembesisina. Edo gurepida gama bari yai duredo simagari beuri esisina. Edo ami gurepi buro sima ari embobo avigedo awamanemi dongo gurepi be tari ari tokedo ainda yai piorote sisina. Edo imo yai aikeda maunsisina.
23942	MAT 22:1	Ango edo Iesu mi tekago eniya ge nenei jigamo eite awamanede sisina:
23980	MAT 22:39	Edo ainda gagani awa dá ango: ‘Nembu ito dubobudo eyo dá imo akuta dubobudo eta ango.’
24004	MAT 23:17	Imomane awa kotembari itae edo jisiguba ari! Rorae indawa bajinabé bajinari: gold rita ko oro kotopu bajina ami euri gold kotopu edo eiri?
24006	MAT 23:19	Imomane dutari edo jisiguba ari! Rorae indawa bajinabé bajinari: kando rita ko rorou piari tenemba ami euri kando kotopu edo eiri?
24010	MAT 23:23	“Aodarida atopapasigari ae Parasi mane de, imomane awa embobo iwawa tote (2)de, awatedo imomane do ari! Itomane buroda sagaro 10 de, roriwa 10 de siloti 10 de kundo pamo evekara tamonde (3) siya edo ewa. Edo pamo da (1) ainda sagaro da (1), pamo nei ainda roriwa da (1) edo pamo nei ainda siloti da (1) awa avigedo God de piedo ewa. Ata God da Aodarida atopatari bajinabé bajina: embomai nenei sima dave awate, edo embomai do awate, edo itomane gebé ari God da yai piawate awa, inemane ae edo ewa. Dave awa itomane buro rorae 10da da (1) awa God de matawa piedo ewa. Ata dá ango embomai nenei sima dave eite, edo embomai do eite, edo itomane gebé ari God da yai piedo ewo.
24154	MAT 26:31	Ango edo Iesu mi awamanede sisina, “Muyae boroko einde imomane berari itomane gebé ari nato yai awa dowawo wotaina, aindabé God da Ove Gaiarida tari isira eiwa: ‘Nanemi Wo Sima Ari Embo dari betaina, edo wo sipumane dada ari awa evekara ara.’
24186	MAT 26:63	Ata Iesu ge da ji tae. Awatedo pirisi maneda gisijiari bajinami ainde mina sisina, “God wasirideda daoda imonde ge okain eiwa tena: Nakare teyo gore. Imo awa Keriso, God da Mai rita?”
24207	MAT 27:9	Edo ge ro peroveta Jeremiah mi sisina awa bé esisina: “Awamanemi ganu silver 30 awa buritera. Ganu awa embo ainda minada tega awamane awara esitera, edo Israel embomaimi embo ainda minada tega awara esitera.
24217	MAT 27:19	Edo iji angode Pilate awa katari anumbada anumbedo isiri, ainda aromi ge ainda yai piesiri maunsisina: “Deguta boroko na aturo etena, edo aturo doda na embo awa gido do buriya bajinabé esira. Awatedo wasiri dambu darari embo awa udegeyo, ainda yai buro nei ro ainyae.”
24235	MAT 27:37	Edo ainda kopuru enoda awa bekumba ge gaiedo detero takimbesisina: EIWA IESU, JEW EMBOMAIDA DAOTARI.
24271	MAT 28:7	Edo burigibé maundo ainda ambodanide tewo gore: ‘God mi imo jiri betarida awa erira. Edo giwo, imomane mambae gisida, embo ami yai Galili da maunteira. Edo yai ainda embo awa gawa.’ Ge ro imomane tote (2)de tetena awa, giwo.”
24286	MRK 1:2	Peroveta manemi ge eiwa God mi ainda Mai de sisina awa gaguritera: “Na bino piari embo piano gisi maundo, ito begata gatedo dave aina.”
24372	MRK 3:15	edo awamane ainda goroba budo karu ari awa gao aro kaviyegara, edo bineimane ondaro idegara:
24538	MRK 7:6	Yesu mi awamanede mina sisina. “Imomane awa aodari pisido ambo ambo ae embobo. O ge bé, iji matu peroveta Isaiah mi itomane iwata kawata gido karigedo ge ango gagurisina: ‘God mi sira awa, “Embomai eiwa tepo gemi na tou ari tera, ata awamaneda do nato yai awa aikamanabé.
24752	MRK 12:10	Imomane God da ge gaiari eiwa ajijigedo gido evita? Awa engo: ‘Dasivi awa imomane oromando ari embomi ajiregesitewa, God mi esiri dasivi davebé dave esira.
24771	MRK 12:29	Yesu mi embo ainde mina sisina, “God da ge okain bajinabé bajina sisina awa evire: ‘O Israel embomai ingiwo! BADARI kaenato God awa akuta awa BADARI.
24773	MRK 12:31	Edo God da ge okain ango nei awa evire: ‘Nembu ito awa dubobudo eyo dá imo akuta dubobudo eta ango.’ Edo ge okain babain engogo nenei itae.”
24778	MRK 12:36	Aindabé, Asisi Kotopu mi David gisijiri ami akuta karigesisina: ‘BADARI mi nato Badari de sisina, “Ipabe natoda anumbedo namonde daedo embomai berari gisijiyo! Ango eiato nane ito gitopo embo ito tai tuda piano imo tou ore.” ’
24823	MRK 13:37	Edo ro nane imondemane tena awa, embomai beraride tena: ‘Simageteite isiwo!’”
24850	MRK 14:27	Ango edo Yesu mi ambodanide sisina, “God da geda gaiari isira eiwa: ‘Nanemi Wo Sima Ari Embo dano awa, edo ainda wo sipumane evekara ara.’ Awatedo, muyae boroko einde, imomane berari itomane gebé ari nato yai awa dowawo wotaina.
24921	MRK 15:26	Edo bekumba ge kariwa engo gaiedo Yesu da kopuru enoda detero takimbesisina: JUDAH EMBOMAINDA DAOTARI.
24959	MRK 16:17	Edo kariwa engogo awa embo na gebé edo era awamaneda yai God mi piaina: bineimane nato daoda ondaro idegara; ge teka yai neneinda ami tara;
25008	LUK 1:46	Edo Mary mi ge engo sisina: “Na awa God da tataimbari buro gagara, edo embo awa na ruvegae. Awatedo, do nato berarimi Badari dasiga ena, edo asisi nato awa yawa bé eira God nato Tonembari Embo da yai. Aindabé, God awa goroba, ami wasiri babain nato yai esira, edo ainda dao awa kotopu. Awatedo, embomai berari boroko edo amboda gumbara, ami nato yai dubodave ari ge tara.
25029	LUK 1:67	Edo ainda mamo Zacharias awa Asisi Kotopu mi sirido gisijiri God da ge karigedo sisina:
25054	LUK 2:12	Edo kariwa engo gido nato bino gebé awa: Imomane maundo mai saka gongomi doiari wo undari betaiya doda durari isira awa tambawa.”
25070	LUK 2:28	Ango etero Simeon mi mai awa gido tesiri, ai mi piesiri kundo osinembedo God ategedo sisina:
25098	LUK 3:4	Awa engo matu peroveta Isaiah mi gagurisina: “Embo abu damodamoda aorogateira, ‘BADARI da begata dave ewo pepeta are.
25142	LUK 4:10	Aindabé, God da geda gaiari isira awa: ‘God mi ge okain tari anelamanemi imo dedegara, nei ro ainyae.
25149	LUK 4:17	Edo peroveta Isaiah da ove gaiari awa embomi ainde pietero kupusina. Edo awa paraugedo ge gaiari eiwa tapusina:
25228	LUK 6:13	Edo sipo atesiri imo ainda ambodani dao tesiri ainda yai guputera. Ainda edo ami awamaneda doda embobo 12 geredo nombo ‘piari aimbari embobo’ pipisisina:
25235	LUK 6:20	Ango edo Yesu jisi ambodani kena edo sisina: “Aindabé imomane rorae isisigae itewa, God da gisijiari awa imomane topo. Awatedo, dubodave awa itomane.
25242	LUK 6:27	“Ata nane imomane aimi ge goteite itewa ainde tena: Itomane gitopo embobo dubobudo ewo. Edo aimi imondemane sinigambari edo era, ainde wasiri davemi edo ewo.
25254	LUK 6:39	Edo Yesu mi awamanede eniya ge sisina: “Embo jisiguba arimi jisiguba ari nei gisijiaini ta? Ango aina awa, awamane tote (2) matawa maundo koturoda durara.
25288	LUK 7:24	Ainda amboda, John da bino piari embo dodo mambero Yesu mi embomai jisijisi doregesitera ainde tuturo edo John da ge sisina: “Imomane abu damodamoda maunsitewa awa; rorae ro gain esitevi? Embo do buraude ango opema bisimi doreiri maundo gundo eira awa gain esitevita? Ango ae!
25291	LUK 7:27	Edo John eiwa gumaina, matu perovetami gagurisina awa engo: ‘Giyo, na bino piari embo piano gisi maundo, ito begata gatedo dave aina.’
25296	LUK 7:32	Imomane awa kariwa engo mamai babaingaemi nasi arapada anumbedo isite dao mina tara edo era engo: “‘Nakare itomane sino jivetera, ata imomane ya urae; Nakare imondemane do ari ya tetera, ata imomane ji tae.’
25318	LUK 8:4	Ango edo embomai jisi bajina doregesitera. Edo iji ainde awamane nasi evekara jiwae da da ami Yesu da yai gumbero, ami eniya ge eiwa awamanede sisina:
25325	LUK 8:11	“Awara, eniya geda mokabé awa evire: Vero awa God da ge ango.
25476	LUK 11:2	Ango tesiri ami awamanede sisina, “Iji nonde imomane benunu tain eite gido engo tewo: Mamo natokare, utuda isima edo eta awa, dao ito kotopu tou ore. Gisijiari ito doyo gumbare. Nakare jipapa ito butuda einda ore, dá utuda edo era ango.
25586	LUK 12:58	Edo boroko imomane God da ge kera ae dowawa awa, ami imomane vedaina. Ainda kariwa awa engo: Embo da (1)mi rorae nonda tamonda imo kundo buriya katari yaida mambari gido, ainda torae gisida begata toropuda embo ainde ge sirigeyo dave are. Ango ae gido, embo ami imo katari emboda yai kundo mamaina, edo katari embomi imonde bekumba ge taina, edo imo kundo bundari embode piaina, edo ami imo kundo bundari oroda augari torata.
25593	LUK 13:6	Yesu mi daedo eniya ge ni dunga ainda bureite sisina: “Butu tutu da (1)mi ni dunga ainda buroda urisina. Edo duberi berari ‘Be eirita?’ tedo gaji gundo esisina. Ata ainda be da ji tambae.
25606	LUK 13:19	God da gisijiari kariwa da (1) awa engo: Embo da (1)mi maine vero kundo ainda buroda urisina. Vero awa erido bajido ni bajina esisina. Edo ainda papatuda ni wasidemi baba edo gundo awamaneda ma gaputera.”
25608	LUK 13:21	Ainda kariwa nei awa engo: Eutu da (1)mi ou bajina palawami beda arida bread badari siwo saka awa palawade baige esisina. Ango edo siwomi esiri palawa berari babojisina,” ango sisina.
25616	LUK 13:29	Embomai yai berari: iji vitarida, wotarida, edo idarida edo tawari kena, awamane gumbara. Edo God da gisijiari yai ainda anumbedo indari indara.
25629	LUK 14:7	Edo Yesu mi embomai nenei gundo awamane akuta embo babainda dero dave indari besida avigekavige edo budo anumbetero gosisina. Awatedo, ami awamanede eniya ge eiwa sisina:
25638	LUK 14:16	Edo Yesu mi ainde ge mina sisina: “Embo da (1)mi bondo bajina siya eite embobo jiwae gumborote dao sisina.
25647	LUK 14:25	Edo iji angode, embomai jisijisi Yesu de daedo pepeta edo mauntero imo wareregedo awamanede sisina:
25660	LUK 15:3	Ango tero gido Yesu mi awamanede eniya ge eiwa sisina:
25668	LUK 15:11	Edo Yesu mi tedo sisina: “Embo da (1) awa ae ainda mamai tote (2) de isiretera.
25690	LUK 16:1	Ango edo Yesu ainda ambodanide eniya ge nei engo sisina: “Iji da (1)de rorae embo da (1) ami gisijiari avigesisina, ainda gaiapa sima arate. Edo ainda amboda embo neneimi gundo rorae embode, ‘Embo awa ito gaiapa sima ae dumbae eira,’ ango tedo bekumba esitera.
25759	LUK 18:2	Ami sisina: “Nasi da (1) ainda buriya katari embo isima edo esisina. Embo awa God tou ari itae edo daedo emboda buro ro jipapa era awa kondade ae edo esisina.
25767	LUK 18:10	Ango tedo sisina: “Embo tote (2) Judah embomainda oro kotopu bajinada visido maunsitera, God da yai benunu tain. Embo da (1) awa Parasi edo nei awa tax kumbari embo.
25777	LUK 18:20	Imo God da ge okain berari sisina awa gari: ‘Ipuda eote, dato beteure, beono eote, ge pitawa teote, ito aimamo tou edo eyo.’”
25812	LUK 19:12	Ango edo ami sisina: “Yaida davemainda orobeda maimi yai aikebéda maunsisina, gisijiari bajinami ainda daotarida dero avigarate. Ainda amboda imo tekago overegedo gumaina, ainda nasi embomai gisijiarate.
25838	LUK 19:38	Edo awamanemi sitera: “God da ao ari Daotarida yai itare! Embo eiwa BADARI da daoda gupeira!” “Emi God ae ainda embomai de awa embo béga utuda bira! Kaen God ikanebé ikane ainde taogari piore!”
25865	LUK 20:17	Edo Yesu awamane jisimi udugedo goteite tedogosisina, “God da Ove Gaiari, ge einda mokabé rori: ‘Dasivi awa imomane oromando ari embomi ajiregesitewa, God mi esiri dasivi davebé dave esira’?
25890	LUK 20:42	Aindabé, David imo akuta ami Ove Psalm doda gagurisina tari engo: ‘BADARI mi nato Badari de sisina, “Ipabe natoda anumbedo namonde daedo embomai berari gisijiyo!
26042	LUK 23:38	Awamanemi daedo ove gaiaride oregada pipisitera, Yesu da kopuru ikaneda, edo Guriki da, Rome da, edo Hiburu da gemi engo gaiedo: EMBO EIWA JUDAH EMBOMAINDA DAOTARI.
26082	LUK 24:22	Awarata, deguta einde, eutumai nenei natokare doregarida ami gundo nakare tetero gido kore beyaebé etera. Awa eire: sipo ataebéde awamane erido banga toda mambera,
26106	LUK 24:46	Edo awamanede sisina, “Ge ango gaguritera edo God da sirigari matu awa dá ango: Keriso awa memesi budo betaina. Edo amboda, deguta tamonde (3) ainde tekago eraina.
26136	JHN 1:23	Edo John mina sisina: “Dá ango peroveta Isaiah mi sisina, na awa ‘embo abu damodamo da aorogateira: “Badari da begata sirigewo dambu darare.” ’ ”
26355	JHN 6:29	Iesu mi awamanede mina sisina, “God da buro awa eire: embo ave ami piesiri gupusina, ainda yai itomane gebé ari piawate.”
26357	JHN 6:31	Natokare apiye ewowomi abu damodamoda rorae dao ‘manna’ injitera. God da Ove Gaiarida tari isira awa: ‘Imo utuda edo awamaneda yai indari bread pipisisina.’ ”
26541	JHN 9:32	Ge jirari engo itae: embo jisiguba ari awa ainda aimi engesiri isiri embo da (1) gundo ami ainda jisi pirigesira. Kaena berarimi ge jirari dá engo, iji tuturobéda edo gundo gundo boroko iji einda isima edo era awa ingae.
26687	JHN 12:38	Ango edo ge eiwa peroveta Isaiah mi amboda gumaina sisina, awa gundo bé esira: “Badari, embo ainmi bino kaenato eiwa gebé esiri? Edo embo anda yaida Badari mi ainda goroba ari arapa esiri?”
26688	JHN 12:39	Awatedo awamanemi Iesu da ge ingido gebé ari tao ae, aindabé God mi Isaiah da toda ge nei daedo sisina:
26733	JHN 13:34	“Ge okain teka nane imondemane pipitena: Dubo mina bara ewo. Dá nane imomane dubobudo etena ango, daedo imomane dubo mina bara awate.
26829	JHN 17:1	Edo Iesu rorae berari eiwa tedo, ainda jisi ikane utuda edo benunu sisina: “Mamo, ora awa gumbira. Ito Mai da taogari arapa eyo, Mai itomi ito taogari arapa are.
26831	JHN 17:3	Edo wasiri natopo itari awa eiwa: embomaimi imo awa God bé akuta gara, edo Iesu Keriso, ine pieteto gupusina awa daedo gido dada ara.
26850	JHN 17:22	Edo nane taogari ine namonde pipisiteta awa awamanede pipisitena, awamane ato da (1) orote dá ingena ango: