23242	MAT 2:4	Edo embo ami Jew embomaida pirisi babain ae Aodarida atopapasigari de berari dao tesiri gundo doregetero awamanede tedogosisina, “God da Ove Gaiarida gemi Keriso yai nonda engaina sisini?”
23443	MAT 8:29	Edo awamanemi boitebé aorogasitera, “Imo namondekare ro ain jipapa esi Iesu, God da Mai? Imo gundo nakare memesi okain piain esita katari iji gumbae gisida?”
23445	MAT 8:31	Awatedo bibineimi Iesu de atega esitera, “Edo imo nakare ondato idegara awa, nakare awara ato pumaneda yaida aundo torarita?”
23459	MAT 9:11	Edo Parasi mane eiwa gido awamanemi ainda ambodanide tedogositera, “Ro awaembo itomane atopatarimi ae tax kumbari embobo de jimbo beyae ari embobo de daedo rorae indeiri?”
23462	MAT 9:14	Ango edo John da ambodani gundo tedogari ainda yai pipisitera, “Ro awaembo nakare iji jiwae veta edo era, edo daedo Parasi mane ango edo era, ata ito ambodani veta ae edo eri?”
23476	MAT 9:28	Ango edo embo awa mando doda toriri embo jisi akikeimbari awa ainda yai guputera. Edo embo ami awamanede sisina, “Imomane buro eiwa nane ari tao awa gebé evita?” Edo awamanemi mina ainde sitera, “Ge bé, Badari.”
23531	MAT 11:3	Ango piesiri awamane maundo embo ainde sitera, “Imo awa embo God mi piari gumaina sisina ami gumbesita, ko nakare embo nei gain eite sima ari?”
23568	MAT 12:10	Edo giwo! Imo embo ipa da (1) ambari awa ainda gosisina. Edo yai dá ainda embo nenei itera ami Iesu bekumba ain ainde tedogositera, “Awara ari Oena Apari Degutade embo gao ari awa isirita?”
23581	MAT 12:23	Edo embo jisijisi berarimi wasiri awa gido bé korebakore eite sitera, “Embo eiwa David da Mai rita?”
23606	MAT 12:48	Ata Iesu mi embo ainde mina sisina, “Ai nato awa averi edo nanonameji nato awa averi?”
23618	MAT 13:10	Ango edo ambodani Iesu da yai gundo imonde sitera, “Ro awaembo imo embomaida yai eniya gemi tedo esi?”
23659	MAT 13:51	Edo Iesu mi ainda ambodanide tedogosisina, “Imomane rorae berari eiwa gewo arapa esirita?” Awamanemi embo ainde mina sitera, “Een Badari, nakare arapa esira.”
23664	MAT 13:56	Edo ainda ruaimono berari awa kaenamonde einda iterita? Een, gebé. Embo emi rorae berari eiwa yai nonda biri?”
23697	MAT 14:31	Edo burigibé Iesu ainda ipa ududugedo piedo Peter budo ainde sisina, “Ito gebé ari nato yai awa saka! Ro embo itadaita etesi?”
23714	MAT 15:12	Edo ainda ambodani gundo Iesu de sitera, “Imo goteta awa Parasi mane ge eiwa ingido sinigambari eterita?”
23736	MAT 15:34	Ango tetero Iesu mi mina sisina, “Itomane yai bread nandogo isiri?” Edo awamanemi mina sitera, “Natokare yai bread 7 ae un wo babaingae indewae de itera.”
23754	MAT 16:13	Edo iji nonde Iesu gundo yai Seseria Pilipai ainda torido, ami ainda ambodanide tedogosisina, “Tewo gane, embomaimi na, Embo da Mai, awa ave tedo eri?”
23756	MAT 16:15	Edo Iesu mi awamanede sisina, “Ata imomane, na awa ave tedo evi?”
23779	MAT 17:10	Edo ainda ambodanimi ainde tedogositera, “Ro awaembo Aodarida atopapasigarimi Elijah awa gisi gumbarate tedo eri?”
23788	MAT 17:19	Ainda amboda, ambodanimi gae onjigarida gundo Iesu da yai tedogositera, “Ro awaembo nanekare binei ondetero idegae esiri?”
23793	MAT 17:24	Ango edo Iesu ae ainda ambodani de Kapenium nasida guputera. Edo ainda amboda, Jew embomai da oro kotopu bajinada tax kumbari embobo gundo Peter de tedogositera, “Atopatari itomane oro kotopu bajinada tax piedo eirita?”
23794	MAT 17:25	Edo Peter mi mina sisina, “Een, imo ango edo eira.” Edo iji ainde Peter mandoda torido gumbiri, gisibé awa Iesu mi embo ainde ge sisina, “Simon, imo nongo kotembetesi? Daotari manemi embo anda yai tax budo eri? Awamaneda mamai nasi tutuda yai budo erita ko embo neneida yai budo eri?”
23797	MAT 18:1	Edo iji ainde ambodanimi Iesu da yai gundo ainde sitera, “Embo ave awa bajinabé bajina utuda gisijiari yai ri?”
23817	MAT 18:21	Ango edo Peter gundo ainda yai edo sisina, “Badari, nato nameji iji nandogo nato yai jimbo ari na kotembedo dowani? Visido iji 7 anita?”
23834	MAT 19:3	Edo Parasi mane daedo ainda yai gundo embo awa baveite sitera, “Awa awara edo embomi aro jimundo amboda buro beyae da (1) ro ari ainda aro dodo evekara ainita?”
23838	MAT 19:7	Edo awamanemi embo ainde sitera, “Ro awaembo Moses mi ge okain tedo, embo aro dowain edo gido arode jimbari itae arida ove gaiedo pisido eutu awa piari eve mambarate sisini?”
23847	MAT 19:16	Edo giwo, embo da (1) Iesu da yai gundo tedogosisina, “Atopatari, imo awa embo dave. Na buro dave ro edo awa wasiri natopo itari bani?”
23849	MAT 19:18	Edo embo ami ainde sisina, “Ge okain indawa kandawa ri?” Edo Iesu mi sisina, “‘Imo embo nei dato beteure, ipuda eote, beono eote, ge pitawa katari ijide teote,
23851	MAT 19:20	Edo embo teka ami embo ainde sisina, “Na tuturoda mai tekade God da ge okain sisina berari teteta awa kera eite gundo boroko matawa eite itena. Edo na buro nei da (1) ro ani?”
23856	MAT 19:25	Edo ainda ambodani ge awa ingido awamane kore bajinabé eite sitera, “Awatedo embo ainmi God da toregari inono baini?”
23858	MAT 19:27	Edo Peter mi embo ainde mina sisina, “Giyo! Nakare rorae berari dodo imo ambo ambo edo etera. Awatedo nakare rorae ro bari?”
23882	MAT 20:21	Edo embo ami eutu ainde sisina, “Imo ro jipapa esi?” Eutu ami embo ainde sisina, “Ito gisijiari iji ainde imo ito anumbada anumbata, mamai nato tote (2) eiwamane, nei ito ipa beda, nei ito ipa andada anumborote tedogotena.”
23883	MAT 20:22	Ata Iesu mi mina tedo sisina, “Imomane ro atega evi awa gae. Imomane inono memesida akou dá ango nane inain ena awa indavita? Edo imomane inono betarida bapataito ari dá ango nane bain ena awa bavita?” Edo awamanemi ainde sitera, “Nakare tote (2) inono era.”
23893	MAT 20:32	Edo Iesu petedo dapedo isite awamane dao tedo sisina, “Nane imondemane ro anate jipapa evi?”
23905	MAT 21:10	Edo iji ainde Iesu gundo Jerusalem toriri nasi bajina ainda embo berari erero yavi bajina esiri awamanemi tedo esitera, “Eiwa embo averi?”
23911	MAT 21:16	Edo awamanemi embo ainde sitera, “Imo mamai emi ge ro teri awa gotesita?” Edo Iesu mi awamanede mina sisina, “Een. Imomane God da Ove Gaiarida ro tari isira awa ajigedo gaeta? ‘Inemi mai babaingae edo ami beda, awamane atopapositeta imo dasiga orote.’”
23915	MAT 21:20	Edo iji ainde ambodani eiwa gido korebé eite sitera, “Ni dunga awa nongo edo boraebé mumuya esiri?”
23918	MAT 21:23	Ango edo Iesu gundo oro kotopu bajinada torido embomai atopaposite isiri pirisi babain de Jew gisijijiegari demi ainda yai atutumbedo sitera, “Imo awara tari nomi buro engogo edo esi? Edo imonde awara tari eiwa ainmi piesiri?”
23920	MAT 21:25	Tewo gane. John da bapataito arida buroda awara tari yai nonda edo gupusini? Utu mi pipisinita ko embo enembomi pipisiteri?” Edo awamane akuta mina tara eite sitera, “Edo kaenane ‘Utu mi awara tari pipisisina’ tara awa, ami taina, ‘Awatedo ro embo imomane John gebé ae esitevi?’
23926	MAT 21:31	“Awatedo mamai tote (2) einda da (1) ainmi ainda mamoda jipapa awa esisini?” Awamanemi Iesu de mina sitera, “Mai buwomi esisina.” Edo Iesu mi awamanede sisina, “John Bapataito Ari Embo mi gundo itomane yai wasiri dambu dararida begata awa esiri gositewa, edo imomane ainda ge awa gebé ae. Ata tax kumbari embobo de ipuda ari eutumai demi ainda ge gebé esitera. Edo imomane wasiri awa gositewa, ata itomane kotembari wareregedo ainda ge gebé ae. Awatedo eiwa awa gebé imondemane tena, tax kumbari embobo de ipuda ari eutumai demi imomane daginegesite gisi God da gisijiari yai torido era.
23935	MAT 21:40	“Awatedo gurepi buro tutu gumaina awa, ami gurepi sima ari embobode nongo aini?”
23958	MAT 22:17	Awatedo nakare te gore. Ito kotembari rori? Nakare tax ganu Caesar de piedo era awa awarita ko awara aeri?”
23961	MAT 22:20	Edo Iesu mi awamanede sisina, “Dombu de dao de eiwa andari?”
23969	MAT 22:28	Ango edo iu ibono berari 7mi eutu eiwa jipusina. Awatedo, iji amboda embomai betarida erara awa, arobé anda aini?”
23977	MAT 22:36	“Atopatari, God da Aodari da ge okain nondawa bajinabé bajinari?”
23983	MAT 22:42	“Keriso awa imomane ro kotembetevi? Embo awa anda mairi?” Awamanemi ainde mina sitera, “David da mai.”
23986	MAT 22:45	Edo David mi embo awa ‘nato Badari’ sisina, nongo edo embo awa ainda mairi?”
24029	MAT 24:3	Edo Iesu Olive de Pejida anumbedo isiri, ambodani akuta ainda yai gundo sitera, “Nakare teyo gore! Oro kotopu bajina sitedo durari teteta awa, ijibé nonde idegaini? Edo ito gumbari ae iji beao ari deda kariwa ro idegaini?”
24138	MAT 26:15	Edo ami sisina, “Embo awa kundo itomane ipada piano namonde rorae ro piavi?” Ango tesiri gido awamanemi ganu silver 30 awa ajigedo ainde pipisitera.
24140	MAT 26:17	Ango edo Bread Badari Siwo Piaeda Bondo deguta tuturoda ainde, ambodani gundo Iesu de tedogositera, “Imo yai nonda nanekare God da Darutegari Bondo imo embo siya orote jipapa esi?”
24145	MAT 26:22	Edo ge ango tesiri ambodani dubo vevera bajinabé esitera. Edo iji ainde awamane berari ainda da dami tuturo edo ainde sitera, “Badari, amo na rita?”
24148	MAT 26:25	Edo Judas, embo dá ain Iesu kundo gitopo emboda ipada piain eira, ami mina sisina, “Atopatari, amo na rita?” Ango tesiri Iesu mi ainde sisina, “Inemi teteta awara.”
24173	MAT 26:50	Ata Iesu mi embo ainde sisina, “Otawo, imo ro ain gumbesi?” Ango tesiri awamane gundo Iesu jido buritera.
24177	MAT 26:54	Ata edo nane ango ana awa, God da Ove Gaiarida ge isira awa nongo edo idegedo bé aini?”
24185	MAT 26:62	Ango tetero pirisi maneda gisijiari bajinami erido Iesu de sisina, “Imo ge mina tainyae esita? Nongo edo embobo emi bekumba ge ito yaida karigeteri?”
24186	MAT 26:63	Ata Iesu ge da ji tae. Awatedo pirisi maneda gisijiari bajinami ainde mina sisina, “God wasirideda daoda imonde ge okain eiwa tena: Nakare teyo gore. Imo awa Keriso, God da Mai rita?”
24189	MAT 26:66	Imomane ro kotembetevi?” Edo awamanemi mina sitera, “Imo buriya bajinabé esira, awatedo daro betarate.”
24191	MAT 26:68	sitera, “Imo Keriso ango kotembeteta, awatedo teyo gore, imo ainmi desiri?”
24209	MAT 27:11	Edo Iesu gavana Pilate da dombuda pietero peposisina. Edo gavana mi ainde tedogari pipisisina, “Imo Jew embomaida Daotari rita?” Edo Iesu mi mina ainde sisina, “Imo ro teta awa awara.”
24211	MAT 27:13	Ango edo Pilate mi embo ainde sisina, “Awamanemi bekumba ge jiwae imonde tedo era imo gaeta?”
24215	MAT 27:17	Awatedo embomai doregetero Pilate mi awamanede sisina, “Embo indawa nanemi imomane embo udeganate jipapa evi? Barabbas rita, ko Iesu, dao Keriso tedo era awa ri?”
24219	MAT 27:21	Edo gavana Pilate mi awamanede mina sisina, “Embo tote (2) einda doda, indawa nane imondemane udeganate jipapa evi?” Edo awamanemi mina sitera, “Barabbas!”
24220	MAT 27:22	Pilate mi awamanede sisina, “Edo ango ana, embo Iesu, dao Keriso tedo era awa, nanemi ainde nongo anate jipapa evi?” Ango tesiri awamane berarimi ainde sitera, “Awa oregada de!”
24221	MAT 27:23	Edo gavana Pilate mi sisina, “Ro awaembo? Embo ami buriya bajina ro esiri?” Ata awamanemi aoro ikanade gatedo tedo esitera, “Awa oregada de!”
24244	MAT 27:46	Edo ora 3:00 ango turode Iesu aoro ikanade gatedo sisina, “Eli, Eli, lama sabachthani?” (Ainda moka awa, “God nato, God nato, ro embo na dodo taigetesi?”)
24347	MRK 2:18	Iji angode John Bapataito Ari Emboda ambodani ae Parasi maneda ambodani de veta ero embo neneimi Yesu da yai gundo tedogositera, “Ro awa embo John Bapataito Ari Emboda ambodani ae Parasi maneda ambodani de benunu tain veta edo era ango, ito ae edo eri?”
24361	MRK 3:4	Edo embomai ainde sisina, “Oena Apari Deguta de awara ari buro ro orote tari isiri, dave aririta, beyae ari ri? Emboda wasiri toregarita, dari betari ri?” Ata awamane ge tae esitera.
24390	MRK 3:33	Ata Yesu mi awamanede mina sisina, “Ave awa ko nato ai ae nato nanonameji de ri?”
24405	MRK 4:13	“Imomane eniya ge eiwa gae ewa?” Yesu mi awamanede sisina, “Nongo edo awa imomane eniya ge berari eiwa itomane yai arapa aini?
24422	MRK 4:30	“God da gisijiari awa kariwa nongo tani?” Yesu mi tedogosisina, “Awa eniya geda kariwa nongo bani?
24430	MRK 4:38	Yesu awa ma aoda kopuru guto piedo jitao aveiri ambodanimi imo audedo sitera, “Atopatari, imo nakare betain era amo gotesi?”
24432	MRK 4:40	Edo Yesu mi ainda ambodanide sisina, “Nongo edo imomane adu evi? Itomane gebé ari nato yai itae ra?”
24442	MRK 5:9	Edo Yesu tedogosisina, “Dao ito averi?” Edo embo ami mina sisina, “Dao nato Jisi Da, aindabé nakare jiwaebé awatedo.”
24463	MRK 5:30	Yesu boraebé gosisina, ainda goroba awa idegeteira. Edo wareregedo embomainde sisina, “Ombari nato aimi tujiri?”
24464	MRK 5:31	Yesu da ambodanimi sitera, “Embo jiwaebé imo doiera gotesi? Ro awa embo imo, ‘Aimi tujiri’ tesi?”
24479	MRK 6:3	Eiwa oromando ari embo ra? Edo Mary da mai, edo James da nameji, Joses, Judas, edo Simon da? Ainda ruaimono einda isima erita?” Ango tedo awa imo ajiregesitera.
24500	MRK 6:24	Edo gagara awa idegedo maundo aide sisina, “Na Daotari Herod mi rorae ro jipapa edo tano piain tesira awa, ge nongo tani?” Ai mi sisina awa, “‘John Bapataito Ari Emboda kopuru jipapa ena,’ teyo!”
24513	MRK 6:37	Ata Yesu mi sisina, “Inemane indari piewavi indoré.” Edo ambodanimi mina sitera, “Edo nonda budo? Embomai eiwa jiwaebé. Nanekare ganu jiwaemi awa bread oriedo embo jisi da eiwa undarita?”
24532	MRK 6:56	Edo Yesu yai nonda torido idegedo euri, nasi babainda, nasi babaingaeda edo buroda, awamaneda karu embomai kundo gundo arapada pipiteiworo karu embomaimi awa gido ari kaviyegain benunu tedo esitera, “Badari, na do ewasi! Na tamo ito ko ombari ribori jibigi akuta tujido kaviyeganita?” Edo avekavemi awa tujido esitera awa, berari kaviyegari buritera.
24537	MRK 7:5	Awa embo, Parasi mane ae Aodarida atopapasigari demi Yesu de tedogositera, “Ro awa embo ambodani ito atopatari kaenato ewowo gawowoda awa ambo ambo ainyae eite indari ipa teiae inderi?”
24557	MRK 7:25	Edo eutu da (1)mi Yesu da gumbari bino ingido ainda yai maunsisina. Eutu awa Judah eutu ae, ata Siria-Poenisia eutu. Ami Yesu da yai gundo taida durudo benunu tedo dowae esisina, “Binei nato gagarada doda isira awa ondae etesita?”
24574	MRK 8:5	Yesu mi tedogosisina, “Itomane yai bread nandogo isiri?” Ambodani mina sitera, “Natokare yai bread 7 itera.”
24588	MRK 8:19	Imomane kotembetevi iji nonde na bread ipa da (5) engegegatana? Embobo 5,000 ainda awa itoto sirigedo kanjia nandogo sirewo beda eutari?” Ambodanimi sitera, “Ajigari berari 12.”
24589	MRK 8:20	Edo Yesu mi tedogosisina, “Daedo iji ainde na embomai 4,000 awa embo bread 7 engegetena awa, kanjia babain nandogo itoto sirigedo sirewo beda esiri?” Ambodanimi mina sitera, “Ajigari berari 7.”
24590	MRK 8:21	Edo Yesu mi sisina, “Ro embo imomane gain darevi?”
24592	MRK 8:23	Ango edo Yesu mi embo jisiguba ari ipada jido kundo nasi dodo idegedo maunsisina. Yesu embo ainda jisida kosiwa edo ipa ainda yai piedo sisina, “Imo rorae ro gotesi?”
24596	MRK 8:27	Yesu ae ainda ambodani de idegedo maundo nasi da da totoritera yai Seseria Pilipai ainda doda. Edo begata toropuda ambodanide tedogosisina, “Teu gane! Embomi na awa embo ave tedo eri?”
24598	MRK 8:29	“Edo imomane nongo kotembedo evi?” Yesu mi ambodanide tedogosisina, “Na averi?” Edo Peter mi ainde mina sisina, “Imo awa Keriso.”
24601	MRK 8:32	Yesu ge arapada bededo ambodanide sisina. Edo Peter mi embo awa kundo demonda eiunte ge okain ainde sisina, “Nongain ge ango tesi?”
24617	MRK 9:10	Ambodani ge sisina awawa embo neneinde onjiga tae. Ata awamane akuta ge mina tara edo ingitera, “Betedo erari tesira, ainda mokabé awa rori?”
24618	MRK 9:11	Edo awamane Yesu de tedogositera, “Ro awa embo Aodarida atopapasigari mi Elijah gisi God da Avigari Embo awa gumaina tedo eri?”
24623	MRK 9:16	Edo Yesu mi Aodarida atopapasigaride tedogosisina, “Imomane nongo edo ambodani natode ge baieite itevi?”
24628	MRK 9:21	Awatedo, Yesu mi mainda mamode tedogosisina, “Iji ro mai ito asisi beyaemi dari tuturo esisini?” Ainda mamo mina sisina, “Mai saka babodeiri asisimi dari tuturo esisina.
24635	MRK 9:28	Ango edo Yesu mandoda maundo toriri ainda ambodanimi ainde onjigarida tedogositera, “Ro awa embo nakare asisi beyae ondetero idegae esiri?”
24640	MRK 9:33	Edo Yesu ae ainda ambodani de Kapenium nasida gundo mandoda totoritera. Edo ainda ambodanide tedogosisina, “Imomane begata toropuda akuta ge baietewa aindabé rori?”
24641	MRK 9:34	Ata awamane ge mina tae damodamo esitera, aindabé, awamane akuta begata toropuda ge baitera, “Embo aimi kaenato toropu einda kaena berari daginegaini?”
24659	MRK 10:2	Edo Parasi mane gundo Yesu bavedogain, tedogari pipisitera, “Nakare te goré! Awa awarita, embo aro jimundo amboda dodo evekara ari?”
24660	MRK 10:3	Edo Yesu tedogari mina sisina, “Moses mi ge okain ro imondemane gagurisini?”
24674	MRK 10:17	Edo Yesu ae ambodani de yai ainda edo idegedo begatada ainto edo mauntero, embo da (1) tumundo gundo Yesu da doda baongo dadari edo kondade arate tedogosisina, “Atopatari, imo awa embo dave. Te gane! Na buro ro edo wasiri natopo itari kumani?”
24683	MRK 10:26	Edo awamane kore bajinabé eite mina tara esitera, “Embo bé aimi God da tonembari baini?”