163	GEN 7:3	Abiil em awon bakati ben kel imok e, ben kel yanggus e, yemkal yemkal ben kel kulolewka! “Mesik esik kawin dim kaleem samal alik alik biim mongom e atin kuw banimokoliw kai!” angomi, kelolewka!
1464	GEN 48:12	Dangei, Yosew e awalik em mumul dim teinbiliw muluwel alew biilo kuluko, kaneng da kaneng da koyemsomi, akalem kiinguen gatak wakas kawin dim elo dasomi, alew elo “Weso! Seyo!” dangse kale.
7143	RUT 1:14	Yangui, yatel i iti fian kuw amesomeliwi, Olfa u fein imok auk um weng kiliko, “Yat yukalo!” yangeko, ilo koyemeko, ukalem am dim elo unsu kale. Unui, Ilut umi e imok auk ulo falal keumeko, deit keumsu kasike,
7152	RUT 2:1	Beli, Bali okilew kekabiliw em ding kesomi, deiw mak ding mak danse ding kabalak e, Moaw waneng Ilut bu imok auk ulo bokoumomelu: “Ne bali wanin deibiliw musun kalo uneko, musun beem kayak be nelo netemeko, ‘Kenka! Ku kanela!’, nange tewe, musun ka kel e bali wanin mak kuloki te.”, wangsu kale. Wangui, imok auk bu bokoumomelu: “Kenka. Ku kanela!”, wangui, Ilut u fein unsu kale. Unui, kunum mali mak bali wanin okilew kebiliwi, waneng mali mak bali beem sen be kubul duku yak yak kebiliwi, yetemsu kale. Yetemeko, kalo unesomi, kubul duku yak yak kebiliw waneng biim dim uneko, kolew kebiliw tabol so sintem so be umikel bongguko, kubul duku kebisu kale. Kubul duku kebu dim bakate, musun beem kayak ete talse kale. Kunum beem wiin e Boas ete kale. E on kisol so kamok kese kate, kokow waneng Ilut bu elo dolon kelinba kesu kale. Dolon kelinba kesu kate, Boas e Noomi um kuanse imok Elimelek em kaim atuk kese kale. Kame, kunum be teleko, akalem musun aluwbabiliw kunum waneng biilo bokoyemomele: “Yu biliw yako! Yawe e yu so kebe te!” yangse kale. Yangei, i elo yan weng bokolewomeliw: “Ao! Yawe e bamki so kekemoka!” dangsiliw kale.
23844	MAT 19:13	Yangeko beli, mali kawtiw mak ikalem aul biilo Yesus em mit mewso yemde teleko, bokolewomeliw: “Ku Sunbin-Got eso weng bokoko, kom teing e num aul kaliim dim dukuko, bamki duyema!” dangsiliw kale. Dangiwi, Yesus em gelewkabiliw kunum i biim kaneliw be ibolow keyeminba kesomi, “Be ayem te! Kika!”, yangsiliw kale.
24483	MRK 6:7	Beli, Yesus e akalem kalun kel gelewkabiliw kunum biilo gaayemei, i akalem mit teliwi, e ilo wiin fian mak duyemei, “Yu aneng matil im kitil e mit da keyemoliwka!” yangeko, amen amen keyemeko, alew alew yemdase kale.
24670	MRK 10:13	Beli, mali kawtiw mak ikalem aul ilo Yesus em mit mewso yemde telesomi, elo bokolewomeliw: “Kom teing deeko, num aul gelgel kaliim dim dukulew kano, ilo bamki so keyema!” dangsiliw kale. Dangiwi, Yesus em gelewkabiliw kunum bi kawtiw biim kanebiliw be ibolow keyeminba kesomi, ‘Ayem! Yu kanemokoliw te!’, yangsiliw kale.
25772	LUK 18:15	Kaem ding dim bakate, mali kawtiw mak i ikalem aul beliw biilo Yesus em mit mewso yemde teleko, bokolewomeliw: “Kom teing e de teleko, aul beliw biim dim dukuyemeko, bamki so keyemolewka!” dangsiliw kale. Dangiwi, Yesus em gelewkabiliw kunum bi im kanebiliw beem dulum elote ibolow ki kelinba kesomi, ‘Ayem! Yu kanelom kanemokoliw te!’, yangsiliw kale.
26661	JHN 12:12	Iti aneng danse ding dim bakate, Abanggayemse Ding ibolow fukunkabiliw ding em dulum elo Selusalem abiw mutuk fian kawtem elo talsiliw kawtiw i kililiwete: “Yesus e Selusalem abiw mutuk fian kalo tolomin kebe kai!” angiwi, i kilisiliw kale.
26918	JHN 19:24	bokolew bokolew kelomeliw: “Nu kanelom ilim be finggelokoluw te! Kate, nu bonge bonge keko, tum takak so kikinin mak kikinoluwka! Nimin kunum ete kele tewe, ilim be kuloke te!”, yangsiliw kale. Kanesiliw beem mongom ete Sunbin-Got em fut tem em angse weng be ki kelewsiliw kale. Em angse weng be kanekote: “I nem ilim beem dulum elo bonge bonge keko, tum takak so kikinin mak kikinsomeliwi, ete kese kunum be nem ilim be kuluse te!”
28425	ROM 16:21	Nakunum kumel kunum waneng yutaka! Nem fangfang dako, neso aluwbabe kunum Timoti so, Ilusius so, aso nemdiw Suda kunum kebiliw Sason so, Sosifatel so, kunum biso, neso ka biliw kunum waneng iso, alik alik yulo “Yukal o!” yangiw te.
28457	1CO 1:26	Nakunum kumel kunum waneng yutaka! Yu yukalem sua em bisiliw ding be ibolow fukunina! Sunbin-Got em yulo gaayemse ding kabalak e, e kawin kaleem kawtiw im kiin dim e “I ibolow fukunin kal fian so, auk so kitil so, kamok fian kunum waneng kai!” angeko, biliw kunum waneng banban mak gaayeminbakabe te.
28535	1CO 5:13	Feinka! Sunbin-Got akalem ete sios kunum waneng num kut kel biliw kawtiw ilo kilele diweko, geeyemoke kate, yukalem dulum elote “yu yom mutuk alakabe wa kekabe kunum beelo kuluko, kut elo da kolewoliwka!”
28819	1CO 15:33	Yu kanelom ibolow teifulubokoliw te! “Wa kukuw kawtiw iso kakamiw tewe, yom kukuw ken bakati waloke kasike!”
29365	EPH 4:26	“Yu sili sili kukuw elo digaka kelewboliwka! Kate, yu kanelom sili sili kukuw akati kemokoliw te!” Yu digaka keliw tewe, ataan tem dakong uninba bele akate, yu digaka beem mongom e banim kelewboliwka!
29913	2TI 2:19	Kate, Sunbin-Got e ilkul kitil nam emdiw mak kuluko, moko, beem dim e weng alew mak bose te. Weng mak e kanekote: “Kamok Fian e akalem kunum waneng ilo kilele kal kebe te!” Nanew weng mak e kanekote: “Nimin kawtiw ite bokolomeliw: ‘Nu Kamok Fian so amkoko, bonggusuluw te!’, angiw tewe, i mamtel kukuw ibiku koyem kemoliwka!”
30371	JAS 2:11	Nimtew angom? Sunbin-Got e bokolomele: “Yu kanelom osow kemokoliw te!” “Yu kanelom mali ilo yeniwi, kuan kemokoliw te!”, angse kasike, mali yu kiliko, em weng geleweko, osow kelinba kebiliw kate, yu mali ilo yeniwi, kuaniw tewe, yukati kukuyemin sawa weng beelo sakalaw keko, weng bo bo kelewbiliw kawtiw yute te.
30407	JAS 4:3	Yu mesesem mak “Kulumo!”, angeko, Sunbin-Got elo dakalakabiliw kate, yu kulinba kabiliw te. Nimtew angom? Yu yukalem kal dim em ibolow fukunin ete kuw gelewko, em “Kanelina! Kanelina!” angakabe beem dulum elote kuw elo dakalakabiliw kasike.
31097	REV 19:11	Keko beli, ne atemite: Abiil tikin be busulei, kos namal nam mak mobelei, ne atemsi te. Kos beem tikin teinse kunum e maka iso ganomin memen kesomi, mali ilo kilele kiol kuw diwyemeko, geeyemkabe kasike, em wiin e “Kiol kuw Fitutuse Kunum te!” kelei, ne atemsi te.
31115	REV 20:8	abiil fe kawin fe biliw kawtiw alik alik “Gog so Magog so ite te!” yangbiliw kawtiw biilo iti dasuw keyemsomi, alik alik ilo bonggu wensan mutuk makmak keyemsomi, iti ganomin mamen keyembelei, ne yetemsi te. Kawtiw biim fu fu e, sulem alol aik bayemelin atew keliwi, ne yetemsi te.