23216	MAT 1:3	Juda i e tama Peres ru e Sera, tinruh e Tamar. Peres i e tama Esron, Esron i e tama Ram.
23217	MAT 1:4	Ram i e tama Aminadap, Aminadap i e tama Nason. Nason i e tama Salmon.
23218	MAT 1:5	Salmon i e tama Buas, tina e Rahap. Buas i e tama Obet, tina e Rut. Obet i e tama Jesi,
23220	MAT 1:7	Solomon i e tama Reoboam, Reoboam i e tama Abia, Abia i e tama Asa.
23247	MAT 2:9	Ri ka ongen ta orek ke king, ke ri ka la. Na ninla kiri, keltot ae ri par ta u na falifu ae pisiih i susupiek la wah, ka famu ini ri, ke ka kiis tortores na olon falifu ae kalalik i kiis lo.
23249	MAT 2:11	Ri ka kau una fel ae, ke ri ka par kalalik ru lapoko e Maria. Ri ka ilepul ma ri ka lotu unaisan kalalik ae. Ri ka sapeng na foron minsik kiri, ke ri ka fafen unaisa ini goul, tier ae bau lo i furung rokap, ke tier ae imel e rokap na sana, ri foteng u ini mir.
23253	MAT 2:15	Rituul ka kiis aiwa papang na aunbiing Erot ka met. Tier igii i tapiek una fasuut orek ke Kumguui ae profet i use ta u aragii, “Ia tawi pes keng kalalik tina Isip.”
23256	MAT 2:18	“Kinen tikas ri ongen u na Rama, i luluen ma ka lala teng. Rakel i tingis berberat kia, ma biil i ges e bala isi tikas in famor u, wara le ri tikii ri ka met tah.”
23261	MAT 2:23	Rituul ka la ke rituul ka melmel na nenge maleh ae ri foteng u ini Nasaret, una fasuut orek ae foron profet ri use ta u le: “Rin foteng u ini sikin Nasaret.”
23267	MAT 3:6	Ri ka fapos foron sinang laulau kiri, ke Jon ka baptais ri na dan na Ioridan.
23282	MAT 4:4	Iesu ka kiliis u aragii, “Ri siit ta u ae na Buk na Gogoh le, ‘Fanu biil ri liu la na inen sau, biil. Ri liu na foron sun orek tikii ae i suu tina ngusu God.’”
23285	MAT 4:7	Ke Iesu ka kiliis u aragii, “Ri siit u sabin na Buk na Gogoh le, ‘Gong o luun Kumguui, God kiam, na fatoftof.’”
23296	MAT 4:18	Aunbiing Iesu i toltole bulin dan kawil la na Galili, ka par iun latualik, Saimon ae ri foteng u la ini Pita ru latualik e Enru. Ru linlin ubiin la na dan kawil, wara le ru un tom ienmaket.
23299	MAT 4:21	Iesu ka la tinaiwa, ke ka par nenge un latualik sabin, Jems ru latualik e Jon, ru un kalalik ke Sebedi. Ru tinawii na palgan mon tura temruh, rituul tumtumarnge foron ubiin kirituul la. Iesu ka kam pes ruh,
23301	MAT 4:23	Iesu i la na foron falifu tikii na Galili ma ka tel fafausum na foron felun lotu kiri. Ka famam fafas ini Rokap na Fafas na matanfuntih ke God, ke ka faliu fanu koseng marmarsan sasem tikii.
23306	MAT 5:3	“Ri kalok e fanu ae ri usum le ri lauu na tanwa, wara le kiri e matanfuntih na kukulii.
23307	MAT 5:4	Ri kalok e fanu ae ri teng, wara le God in famor ri.
23308	MAT 5:5	Ri kalok e fanu ae ri fapu ri la, wara le God in ta piklinbat tikii usuf ri.
23309	MAT 5:6	Ri kalok e fanu ae ri fitol ma ri ka metdan isi tortores na sinang, wara le nami rin mas.
23310	MAT 5:7	Ri kalok e fanu ae ri famais la, wara le God in mais ri.
23311	MAT 5:8	Ri kalok e fanu ae i kalkaluu e balri, wara le rin par God.
23312	MAT 5:9	Ri kalok e fanu ae ri fatapiek siaroh la, wara le God in foteng ri arae berberat kia tom.
23313	MAT 5:10	Ri kalok e fanu ae ri kep fangungut sing fanu wara na tortores na sinang, wara le kiri e matanfuntih na kukulii.
23318	MAT 5:15	Fanu biil ri fasok lam la ke ri ka luun u la na piklin paket, biil. Ri luun u la tom na sala, isi ik ta malal usuf fanu tikii na palgan fel.
23358	MAT 6:7	Ke aunbiing gam sising, gong gam use ifuun e orek ae biil ti kamtina, arae fanu ae biil ri usum lo God. Ri wol la le foron god kiri rin ongen ri wara na almin orek kiri.
23367	MAT 6:16	“Aunbiing gam fafel, gong gam finngas u na matmi arae foron tom gargaranmet. Ri tel matri ka par mamais una finngas fanu le ri fafel. Tekentu kanaka ia fas gam, ri ka kep tikii ta fifiil kiri.
23400	MAT 7:15	“Gamen tumarang isi foron profet famfabal. Rin kilkiliis ini punun sipsip ke rik tapiek sing gam, isau le tekentu lo le, ri foron puul ngalngaliaf.
23419	MAT 8:5	Aunbiing Iesu ka tapiek na maleh na Kapernaum, nenge kabisit ken nenge mar e tom fapaket tina Rom ka la ke ka sising Iesu isi ti falupes.
23441	MAT 8:27	Ri ka bitit ke ri ka tarah, “Matngan kaltu arafa igii? Kif turan panaf ru wong sing i!”
23442	MAT 8:28	Aunbiing Iesu ka tapiek na nenge baban dan kawil na nanal ken fan Gadara, ke iwu e kaltu ae tanwa laulau i susuef ulo ruh, ru ka suu tina foron matanfat una luun minet ke ru ka tafe u. Ru bengbeng, pesu biil tikas i la la lo e sal ae.
23443	MAT 8:29	Ru ka ngangeh aragii, “Kalalik ke God, sani o ier isi on tel u ini kamah? Biil biitom i tapiek e aunbiing, ma isi sani o ka ier isi ta fangungut usuf kamah?”
23447	MAT 8:33	Fanu ae ri fofonoi la na foron boh ri ka fin ke ri ka la una maleh. Ri ka fafas ini sani i tapiek tah ke ri ka ususe sabin na sani i tapiek ta lo uner ae foron tanwa laulau ri susuef ta ulo ruh.
23483	MAT 9:35	Iesu i soleng tikii piran maleh turan birbiron maleh ma ka tel fafausum na foron felun lotu kiri. Ka fafas ini Rokap na Fafas na matanfuntih ma ka faliu marmarsan sasem tikii.
23503	MAT 10:17	“Gamen tumarang isi fanu. Rin luse gam ke rik ta ufu gam na liman foron tom nagogon ma rik pis gam na foron felun lotu kiri.
23533	MAT 11:5	Foron kut ri ka par, foron peu ri ka la, fanu ae ri sem lepra ri ka tapiek fuuh, fanu ae i kutkut e foron balbalu ri, ri ka wong, foron minet ri ka liu fis ke foron lauu ri ka ongen Rokap na Fafas.
23538	MAT 11:10	Ri siit ta u na Buk na Gogoh ulo aragii, ‘Ian wuun famu tom fafas kiak lo wo, ae in fageges sal salam.’
23544	MAT 11:16	“Sani ian fatof ulul na fanu igii ini? Ri arae berberat ae ri kiis na salan la turim ken fanu ma ri ka tautau usuf fale berberat aragii:
23551	MAT 11:23	Ke arafa lo gam, fan Kapernaum, gam wol le rin sik falaumet gam tom ubae suusuu na kukulii? Biil. Rin lin fapu gam una tara yiif. Male foron tier an fabitit igii ia fatapiek ta u na matmi, rin fatapiek ta u sabin na Sodom, ke igii Sodom in kiis biitom.
23568	MAT 12:10	Nenge kaltu aiwa, nenge lima i met. Ri ka ier isi tiu Iesu, pesu ri ka diik u aragii, “Arafah, na nagogon kirer i tortores le rin faliu tikas na Biingen Mangeh, le biil?”
23580	MAT 12:22	Ri ka lame nenge kaltu usuf Iesu ae tanwa laulau i susuef lo, i kut ma biil i orek la. Ke Iesu ka faliu u, ke ka par ma ka orek sabin.
23593	MAT 12:35	Rokap na kaltu i finngas rokap na sinang la tina foron rokap na tier ae na liu kia. Ke kaltu laulau sabin i finngas sinang laulau la tina foron tier laulau ae na liu kia.
23603	MAT 12:45	Ke ik la ma ik telpes in fit sabin e tanwa laulau ae ri laulau kanaka mang tom lo. Ri tikii rik kau na fel ae, ke rik mel aiwa. Pesu, liu ken kaltu ae ik laulau kanaka mang tom na liu famu kia. In fasi sau arae usuf fanu laulau na ulul igii.”
23627	MAT 13:19	Aunbiing tikas i ongen Rokap na Fafas na matanfuntih ma biil i malal lo, i arae kutun wit ae i luut tole sal. Ke kaltu laulau ka la ma ka tel ufu orek ae ri so ta u na bala.
23659	MAT 13:51	Iesu ka diik ri aragii, “Arafah, gam malal sabin na sani ae ia ka use ta u?” Ri ka kiliis u aragii, “Iuu.”
23669	MAT 14:3	Pakanini Jon Tom tel Bapitaiso i fas ta Erot aragii, “Biil i tortores arae le o ka telpes Erodias antu Filip, tuamlik.” Pesu, Erot ka fas foron tom fapaket kia isi luse u. Ri ka kabet u ma ri ka fakau u na felun kamkabet.
23677	MAT 14:11	Ri ka luun paklu na nenge pelet ke ri ka ta u usuf keleflik ae, ke ka kep u usuf tina.
23682	MAT 14:16	Ke Iesu ka kiliis ri aragii, “Rin la isi sah? Gam fen ri ini ti inen.”
23686	MAT 14:20	Ri tikii ri ien ma ri ka mas. Namih, berberat na fafausum kia ri ka siing fafuun nenge sangful ini u e kes ini foron tigan inen ae ri mas tiga.
23711	MAT 15:9	Ri lotu foes la sau unaisang, wara le ri fausum fanu la sau ini nagogon foes ken fanu.’ ”
23732	MAT 15:30	Ke nenge tara gur na fanu ri ka la usuf i. Ri ka filange foron peu, foron kut, fanu ae baban fo ri i met, foron tabilikut turan ifuun e sasem sabin usuf i, ke ri ka fakiis ri naisa ma ka faliu ri.
23736	MAT 15:34	Ke Iesu ka diik ri aragii, “Ifis e beret ae sing gam?” Ri ka kiliis u aragii, “Ifit, ma ituul sau e fabiro kok.”
23739	MAT 15:37	Ri tikii ri ien ma ri ka mas. Ke berberat na fafausum kia ri ka siing fafuun ifit e kes ini foron tigan inen ae ri mas tiga.
23748	MAT 16:7	Ri ka ngurke orek ae na fatpoto ri, ke ri ka tarah, “I use u arae, wara le biil kere kep ti beret.”
23781	MAT 17:12	Isau le ia fas gamtuul, Elaija ka tapiek tah ma biil ri iliim u. Ri tel foron sinang laulau ulo namin wolwol kiri tom. Ifasi sabin lon Kalalik ken Kaltu, in kalsakai fangungut na limri.”
23791	MAT 17:22	Aunbiing Iesu turan berberat na fafausum kia ri ka tapiek turim na Galili, ka fas ri aragii, “Rin ta ufu Kalalik ken Kaltu una liman fanu.
23792	MAT 17:23	Rin siimete u ma na fatuul u e biing ik apti fis.” Ke balan berberat na fafausum kia ka purngis.
23827	MAT 18:31	Aunbiing fale tikiin foim kia ri par sani i tapiek lo, ka purngis e balri. Ri ka la usuf king ke ri ka fas u ini foron tier tikii ae i tapiek tah.
23837	MAT 19:6	Ma biil mang in u lo ruh, biil. Run tapiek itikii sau. Pesu, sani ae God ka faturim ta u, gong tikas i tempaek u.”
23868	MAT 20:7	“Ri ka kiliis u aragii, ‘Biil tikas i telpes kemem isi foim.’ “Ke ka tara sing ri aragii, ‘Gam sabin, gam la ma gamek foim na porpor wain kiak.’
23879	MAT 20:18	“Par u, igii kerek tatkau mang una Ierusalem, ke rik ta ufu Kalalik ken Kaltu mang una liman foron laulaumet na pris turan foron tom fafausum ini nagogon. Rin nagogon u isi ik met.
23880	MAT 20:19	Rin ta ufu usuf fanu ae biil ri fan Iudaia isi rik morot ini, rik pis u ke rik fakulkulik u na aupaket. Ma na fatuul u e biing ik apti fis.”
23894	MAT 20:33	Ru ka kiliis u aragii, “Kumguui, kama ier isi matmah in sapeng.”
23902	MAT 21:7	Ru ka tangne dongki ae turan natu, ke ru ka sol ini iun dolon kaen kiruh na olon iun dongki ae ma Iesu ka kiis lo.
23908	MAT 21:13	Ke ka tara sing ri aragii, “Ri siit ta u na Buk na Gogoh aragii, ‘Rin foteng fel kiak le Felun Sising,’ isau le gam ka tel u bin arae ‘salan mumumun ken foron tom sisii.’”
23911	MAT 21:16	Ri ka diik Iesu aragii, “O ongen sani berberat igii ri use u?” Iesu ka kiliis ri aragii, “Iuu. Arafah, biil biitom gam wes u na Buk na Gogoh? I use u aragii, ‘O ka fausum ta birbiron berberat ke foron mirmiriiu isi rin sik asam.’”
23918	MAT 21:23	Iesu ka kau na palgan ubiif kale Felun Tunmapek. Ma aunbiing i fafausum fanu la, foron laulaumet na pris turan foron famfamu ken fanu ri ka la usuf i ke ri ka diik u aragii, “Rakrakai tinga o tel foron tier igii ini? Se i ta u e rakrakai igii sing o?”
23920	MAT 21:25	Tinga e bapitaiso ke Jon? Tinbae na kukulii, le sing fanu sau?” Ri ka ngurke u tom na fatpoto ri aragii, “Male keren tara le, ‘Tinbae na kukulii,’ ke in diik kerer le, ‘Isi sani biil gam unune lo?’
23922	MAT 21:27	Ri ka kiliis Iesu sau aragii, “Biil keme usum.” Ke Iesu ka tarah, “Iau sabin, biil ian fas gam le rakrakai tinga ia tel foron tier igii ini.”
23930	MAT 21:35	“Ke foron tom foim ae ri ka luse foron fafauun kia. Ri ka paket neng, ri ka siimete neng ke ri ka luumete neng.
23932	MAT 21:37	Nami mang, ka wuun ufu ke kalalik tutus usuf ri. Ka tarah, ‘Rin bulat lo keng kalalik.’
23934	MAT 21:39	Ri ka luse u, ri ka luu suu ini tina porpor wain ae ke ri ka siimete u.
23936	MAT 21:41	Ri ka kiliis u aragii, “In siimete ufu fanu laulau tikii ae ma ik ta porpor wain usuf fale fanu keskes, isi rik ta ti fale fuan wain usuf i na taul lulus.”
23957	MAT 22:16	Ri ka wuun ufu berberat na fafausum kiri turan fanu ke Erot usuf Iesu, ma ri ka tara sing i aragii, “Tom fafausum, keme usum le o tom tortores ma o fausum tekentu fanu la tom ini sinangu God. Biil o wol pes sani fanu ri use u ulo wo. Fafausum kiam i fafasi usuf fanu tikii.
23962	MAT 22:21	Ri ka kiliis u aragii, “Sisar.” Ka fas ri le, “Sani ke Sisar, ta u usuf Sisar, ma sani ke God, ta u usuf God.”
23967	MAT 22:26	Ifasi sabin arae ini fawu e tualik ke fatuul u. Ri fit tikii ri telpes ta u ke ri ka met.
23983	MAT 22:42	“Arafa gam wol arae lo Mesaia? I kalalik kise tom?” Ri ka kiliis u aragii, “I kalalik ke Dewit.”
23991	MAT 23:4	Ri fakuskusep fanu la ini foron kiip tatawin, isau le ri tom biil ri mamlik ta limri la.
23992	MAT 23:5	“Ri tel foron rokap na foim tikii isi fanu rik par u. Aunbiing ri tel foron bokiis una siing fale sun orek na Buk na Gogoh, foron Farasi rin tel u kiri, in laumet mang tom lon fanu tikii. Ke aunbiing ri kabet finau na foron sun kaen kiri, in dolo tom lon fanu tikii.
23994	MAT 23:7	Ri ier la tom le fanu rin faorek pes ri ini bulat na foron salan la turim ken fanu ma rik foteng ri le, ‘Rabi.’
24014	MAT 23:27	“Kiskam kanaka sing gam foron tom fafausum ini nagogon turan foron Farasi! Gam foron tom gargaranmet! Gam arae foron matanfat una luun minet ae ri mof ta u. Ri par rokap, aunbiing ri par u tina maleh, isau le na palga, ifuun ini foron tuan minet ma foron tier tikii ae i duh.
24040	MAT 24:14	Rin fafas ini Rokap na Fafas na matanfuntih usuf fanu tikii na piklinbat arae orek an fafamalal usuf foron funmat tikii. Ke namih, farfarop na foron biing ik tapiek.
24050	MAT 24:24	Wara le foron mesaia famfabal ke foron profet famfabal rin tapiek. Rin fatapiek foron rakrakai na fakileng ke foron tier an fabitit. Male ri fasih, ke rik fabal fanu sabin ae God ka tus pes ta ri.
24056	MAT 24:30	“Na aunbiing ae, fakileng na Kalalik ken Kaltu in tapiek bae na bat, ma foron funmat tikii na piklinbat rin par u ke rik teng. Rin par Kalalik ken Kaltu in tapiek na laukaf tinbae na bat ini rakrakai ke ini tara memeh kia.
24098	MAT 25:21	“Laulaumet kia ka fas u aragii, ‘Rokap kanaka na rokap na foim kiam. O nenge rokap na fafauun, o tel fasuut foim kiam. Ian luun o isi ok fofonoi na in fuun e tier, wara le o tel fasuut foim kiam ini ituul sau e tier. La uga ma karak laes turim.’
24100	MAT 25:23	“Laulaumet kia ka fas u aragii, ‘Rokap kanaka na rokap na foim kiam. O nenge rokap na fafauun, o tel fasuut foim kiam. Ian luun o isi ok fofonoi na in fuun e tier, wara le o tel fasuut foim kiam ini ituul sau e tier. La uga ma karak laes turim.’
24127	MAT 26:4	Ri ka put orek isi rin luse fakum Iesu ma rik siimete u.
24136	MAT 26:13	Tekentu kanaka ia fas gam, na foron maleh tikii na piklinbat aunbiing rin fafas ini Rokap na Fafas, sani fifin igii i tel ta u, rin use u una namnamne tirik isi.”
24148	MAT 26:25	Ke Iudas, ae in ta ufu Iesu, ka diik u aragii, “Rabi, o use iau?” Ke Iesu ka kiliis u aragii, “Iuu, wo sau.”
24170	MAT 26:47	Aunbiing Iesu i ororek la biitom, Iudas neng lon sangful ini u e kalalik na fafausum, ka tapiek turan nenge tara gur na fanu. Ri kep foron popok una fapaket turan foron kapsil. Foron laulaumet na pris turan foron famfamu ri wuun ufu ta ri.
24172	MAT 26:49	Fanpil Iudas ka la usuf Iesu ke ka faorek pes u aragii, “Rabi, wor mang!” Ke ka dor u.
24173	MAT 26:50	Ke Iesu ka fas u aragii, “Talang, tier o la isi, tel u mang.” Ri ka la, ri ka pose lo ma ri ka dat pes u.
24187	MAT 26:64	Ke Iesu ka kiliis u aragii, “Iuu, arae o ka use ta u. Isau le ia fas gam tikii, ae namih, gamen par Kalalik ken Kaltu in kiis na mia God ae i Rakrakai, ma in tapiek na laukaf tinbae na kukulii.”
24200	MAT 27:2	Ri ka kabet iun lima ke ri ka lame ufu usuf Pailat, famfamu na matanfuntih na Iudaia.
24207	MAT 27:9	Ke sani ae profet Jeremaia i use famu ta u ulo Iesu, ka suut mang, ae i tarah, “Ri kep ituul e sangful e siliwa, i e mata ae fan Israel ri somangat ta le rin fiil liu kia ini.