23216	MAT 1:3	Juda i e tama Peres ru e Sera, tinruh e Tamar. Peres i e tama Esron, Esron i e tama Ram.
23217	MAT 1:4	Ram i e tama Aminadap, Aminadap i e tama Nason. Nason i e tama Salmon.
23218	MAT 1:5	Salmon i e tama Buas, tina e Rahap. Buas i e tama Obet, tina e Rut. Obet i e tama Jesi,
23219	MAT 1:6	ke Jesi i e tama king Dewit. Dewit i e tama Solomon, tina i antu Uria ta bii.
23220	MAT 1:7	Solomon i e tama Reoboam, Reoboam i e tama Abia, Abia i e tama Asa.
23225	MAT 1:12	Nami na kamkabet na Babilon: Jekonia i e tama Sealtiel, Sealtiel i e tama Serubabel.
23226	MAT 1:13	Serubabel i e tama Abiut. Abiut i e tama Eliakim. Eliakim i e tama Asor.
23227	MAT 1:14	Asor i e tama Sadok. Sadok i e tama Akim. Akim i e tama Eliut.
23268	MAT 3:7	Isau le aunbiing i par ifuun e Farasi turan foron Sadusi ri la una falifu ae i tel bapitaiso lo, ka tara sing ri aragii, “Gam foron natun sii fafangaet! Se i tara le gamen alfe ngaliaf ke God ae in tapiek?
23279	MAT 4:1	Ke Tanwa Kalkaluu ka lame Iesu una sunbiil isi Satan ik tof u.
23283	MAT 4:5	Namih, Satan ka lame u una Ierusalem, i e maleh kalkaluu, ke ka fiti u bae na fungan Felun Tunmapek.
23286	MAT 4:8	Namih, Satan ka tel pes Iesu sabin una nenge tara pungpung, ke ka finngas u ini foron matanfuntih tikii na piklinbat ke ini foron memeh kiri.
23288	MAT 4:10	Ke Iesu ka tara sing i aragii, “Satan! Ti koseng iau! Wara le ri siit ta u na Buk na Gogoh aragii, ‘On lotu unaisa Kumguui, God kiam, ma on wong sing i sau.’”
23289	MAT 4:11	Ke Satan ka la koseng u, ma foron angelo ri ka tapiek ke ri ka lupes u.
23291	MAT 4:13	Ka apti tina Nasaret ke ka melmel na Kapernaum. Kapernaum i fatat isi dan kawil na Galili, na nanal ken fan Sebulun ke fan Naptali.
23293	MAT 4:15	“Nanal ken fan Sebulun ke nanal ken fan Naptali, na sal una dan kawil, na nenge bulin dan na Ioridan, Galili ken fanu ae biil ri fan Iudaia.
23296	MAT 4:18	Aunbiing Iesu i toltole bulin dan kawil la na Galili, ka par iun latualik, Saimon ae ri foteng u la ini Pita ru latualik e Enru. Ru linlin ubiin la na dan kawil, wara le ru un tom ienmaket.
23299	MAT 4:21	Iesu ka la tinaiwa, ke ka par nenge un latualik sabin, Jems ru latualik e Jon, ru un kalalik ke Sebedi. Ru tinawii na palgan mon tura temruh, rituul tumtumarnge foron ubiin kirituul la. Iesu ka kam pes ruh,
23302	MAT 4:24	Ususe lo ka sararah usuf fanu tikii na falifu na Siria, pesu ri ka filange fanu tikii ae ri sem marmarsan sasem usuf i, fanu ae ri kalsakai tara fangungut, fanu ae tanwa laulau i susuef ulo ri, fanu ae ri gokgok la turan fanu ae baban fo ri i met, ma Iesu ka faliu ri.
23322	MAT 5:19	Se i lek ti fabiro nagogon na foron nagogon tikii igii, ma ka fausum fanu isi rin mi na sinangu, rin foteng u le i fabiro kanaka na matanfuntih na kukulii. Isau le se i misuut na foron nagogon igii, ma ka fausum fanu isi rin mi lo, rin foteng u le i laumet na matanfuntih na kukulii.
23325	MAT 5:22	Isau le ia fas gam, le se i ngaliaf ulo tualik, in ti na nagogon. Se sabin i orek laulau ulo tualik, in ti na nagogon na matan foron famfamu. Isau le se i tara le, ‘O talos’ ifasi in la una tara yiif ae biil i met la.
23378	MAT 6:27	Se lo gam ifasi in bunuut pes ti aunbiing sabin na olon liu kia, aunbiing i lala wol na liu kia?
23380	MAT 6:29	Ia fas gam, foron memeh tikii ae king Solomon i ges la ini, biil i par rokap arae tikas lon foron purpur igii.
23382	MAT 6:31	Pesu gong gam lala wol ma gamek tara le, “Sani keren ien u?” le “Sani keren umin u?” le “Sani keren kilkiliis ini?”
23394	MAT 7:9	“Se lo gam, male ke kalalik i sising u isi beret ke in fen u bin ini ti fat?
23406	MAT 7:21	“Biil e fanu tikii ae ri foteng iau le ‘Kumguui, Kumguui,’ rin kau na matanfuntih buuii na kukulii, biil. Se sau ae i mi na wolwol ke Tata buuii na kukulii.
23488	MAT 10:2	Igii e asan sangful ini u e aposel: Tipes u lo Saimon, ae Iesu ka foteng u ini Pita, ke Enru tualik. Iun kalalik ke Sebedi, Jems ru latualik e Jon.
23490	MAT 10:4	Saimon nenge Silot ke Iudas Iskariot ae in ta ufu Iesu una liman tuui.
23491	MAT 10:5	Iesu ka wuun ufu sangful ini u e aposel ae ini fafanau igii: “Gong gam la na fatpoton fanu ae biil ri fan Iudaia, ke gong gam kau na ti maleh ken fan Samaria.
23501	MAT 10:15	Tekentu kanaka ia fas gam, na biingen nagogon in lilibiit e tatawin ae God in ta u usuf fan Sodom ke fan Gomora, na fangungut ae in ta u usuf fanu na maleh ae.
23513	MAT 10:27	Sani ia fas gam ini na kubunor, gamen use u na siat. Sani ia orek siksikau ini na balbalu gam, gamen soti na olon foron fel ma gamek perek ini usuf fanu.
23518	MAT 10:32	“Se i fapos iau na matan fanu, ke ia sabin ian fapos u na matan Tata buuii na kukulii.
23523	MAT 10:37	“Se i ier kanaka isi tama le tina lo iau, biil ifasi in tapiek kalalik na fafausum kiak. Ke se i ier kanaka isi ke kalalik le ke keleflik lo iau, biil ifasi in tapiek kalalik na fafausum kiak.
23525	MAT 10:39	Se i gong kale liu kia, liu kia in mangmangal koseng u, ma se i sok ufu liu kia wara lo iau, in liu.
23526	MAT 10:40	“Se i somangat pes gam, i somangat pes iau. Ma se i somangat pes iau, i somangat pes ier ae i wuun ufu ta iau uga.
23527	MAT 10:41	Se i somangat pes nenge profet, wara le i nenge profet, ke in kep fifiil arae ken nenge profet. Ke se i somangat pes nenge tom tortores, wara le i nenge tom tortores, ke in kep fifiil arae ken nenge tom tortores.
23535	MAT 11:7	Aunbiing berberat na fafausum ke Jon ri ka la tah, Iesu ka fas gur na fanu ae ini Jon, aragii, “Sani gam la isi par u, aunbiing gam la ta usuf Jon na falifu foes? Awii gam la sau isi alim nenge aun ngan ae kif i kufkufe u?
23543	MAT 11:15	Se imel e balbalu, i rokap le in wong ini.
23544	MAT 11:16	“Sani ian fatof ulul na fanu igii ini? Ri arae berberat ae ri kiis na salan la turim ken fanu ma ri ka tautau usuf fale berberat aragii:
23549	MAT 11:21	Ka tarah, “Kiskam kanaka sing gam fan Korasin! Kiskam kanaka sabin sing gam fan Betsaida. Male rin fatapiek ta foron tier an fabitit igii usuf fan Tair ke fan Saidon, arae ri fatapiek ta u na matmi, awii pakanini tom rin kiliis ta liu ke rik mamais. Ke rik kilkiliis ini kaen na mamais ma rik saba ini piyiif.
23550	MAT 11:22	Ia fas gam, na biingen nagogon, tatawin ae God in ta u usuf gam in laumet na tatawin ae in ta u usuf fan Tair ke Saidon.
23551	MAT 11:23	Ke arafa lo gam, fan Kapernaum, gam wol le rin sik falaumet gam tom ubae suusuu na kukulii? Biil. Rin lin fapu gam una tara yiif. Male foron tier an fabitit igii ia fatapiek ta u na matmi, rin fatapiek ta u sabin na Sodom, ke igii Sodom in kiis biitom.
23552	MAT 11:24	Isau le tekentu kanaka ia fas gam, na biingen nagogon in lilibiit e tatawin ae God in ta u usuf fan Sodom, na tatawin ae in ta u usuf gam.”
23571	MAT 12:13	Ke ka fas kaltu ae aragii, “Sawe limam.” Ka sawe lima, ke lima ka rokap fis sabin, arae nenge lima.
23584	MAT 12:26	Male Satan i fes ufu Satan ma ka fapaket fis tom ini, ke matanfuntih kia in ti rakrakai arafah?
23588	MAT 12:30	“Se ae biil i foim turang, i tikale foim kiak. Ma se ae biil i lupes iau na tel turim fanu, i fes sarara ri la.
23600	MAT 12:42	Na biingen nagogon, kuin tina Seba in tih ma ik pot matan fanu na ulul igii, wara le i la tom tina tapak isi ongen tasum ke king Solomon. Ongen u, igii sau e ier ae i laumet kanaka lo king Solomon.
23606	MAT 12:48	Iesu ka kiliis u aragii, “Se e tinang ma fanse e foron tuaklik?”
23617	MAT 13:9	Se imel e balbalu, i rokap le in wong ini.”
23620	MAT 13:12	Se imel e tasum kia, rin falaumet tasum ae sing i, isi tasum kia ik lala laumet. Isau le se ae biil ti tasum kia, rin tel ufu fabiro tasum ae sing i.
23647	MAT 13:39	Ke tuui ae i so ta fifih laulau, i e Satan. Ma aunbiing na lulus e farfarop na biing, ke foron tom lulus e foron angelo.
23651	MAT 13:43	Foron tom tortores rik popos arae pisiih na matanfuntih ke Temri. Se imel e balbalu, i rokap le in wong ini.
23663	MAT 13:55	Kere usum sau le, tama i nenge tom tel fel ke tina e Maria, foron tualik e Jems, Josep, Saimon ke Iudas
23713	MAT 15:11	Sani ae i kau na ngusun nenge kaltu, biil i fadu u na mata God, biil. Sani sau ae i suu tina ngusu, i sau i fadu u.”
23716	MAT 15:14	Sok ufu foron Farasi ae, ri arae foron kut ae ri lame fanu. Male nenge kut i lame nenge kut, ke run luut turim una nenge toh.”
23723	MAT 15:21	Iesu ka la tinaiwa una falifu na Tair ke Saidon.
23730	MAT 15:28	Ke Iesu ka kiliis u aragii, “Tinier, unune kiam i laumet kanaka. Sising kiam ka suut tah.” Ke na aunbiing tom ae, ke keleflik ka liu.
23742	MAT 16:1	Foron Farasi turan foron Sadusi ri ka la usuf Iesu ke ri ka ier isi tof u, pesu ri ka fas u isi in finngas ri ini ti fakileng tinbae na kukulii.
23747	MAT 16:6	Ke Iesu ka fas ri aragii, “Gamen tumarang! Gamen fofonoi lo gam koseng is ken foron Farasi ke ken foron Sadusi.”
23752	MAT 16:11	Isi sa biil gam malal? Biil ia fas gam ini beret. Isau le gamen fofonoi lo gam koseng is ken foron Farasi ke ken foron Sadusi.”
23753	MAT 16:12	Ke ri ka malal mang le biil i fas ri isi rin tumarang isi is una beret, biil. Isau le rin tumarang isi fafausum ken foron Farasi turan foron Sadusi.
23754	MAT 16:13	Aunbiing Iesu i la una nanal na Sisaria Filipai, ka diik berberat na fafausum kia aragii, “Fanu ri use u la le se tom e Kalalik ken Kaltu?”
23757	MAT 16:16	Ke Saimon Pita ka kiliis u aragii, “O Mesaia, Kalalik ke God ae i liu.”
23758	MAT 16:17	Iesu ka kiliis u aragii, “Saimon kalalik ke Jona, o kalok, wara le fanu biil ri fausum wo ini. Tata tom buuii na kukulii i finngas wo ini.
23764	MAT 16:23	Iesu ka giliim ma ka tara sing Pita aragii, “Satan! Fin koseng iau! O ti fakut iau, wara le biil o mi na wolwol ke God. O mi sau na wolwol ken fanu.”
23794	MAT 17:25	Ke Pita ka kiliis ri aragii, “Iuu, i fiil u la.” Aunbiing Pita ka kau una fel, biil biitom i orek, ke Iesu ka diik famu u aragii, “Saimon, o wol arafah? Foron king tinaga na piklinbat ri kep foron takiis la sing fanseh? Sing berberat kiri tom, le sing fal keskes?”
23795	MAT 17:26	Ke ka kiliis u aragii, “Sing fal keskes.” Ke Iesu ka fas u aragii, “Male arae, ke berberat kiri, biil rin to fiil takiis.
23797	MAT 18:1	Na aunbiing ae, berberat na fafausum ri ka la usuf Iesu ke ri ka diik u aragii, “Se tom i laumet kanaka na matanfuntih na kukulii?”
23800	MAT 18:4	Se sau ae i fabiro pes u arae kalalik igii, i laumet kanaka na matanfuntih na kukulii.
23843	MAT 19:12	Ifuun e wara ae fale fanu biil ri fakekel. Fal ri pang tom arae. Fal, fanu sau ri falaulau ri, ma fal biil ri fakekel, wara le ri wol na foim na matanfuntih na kukulii. Se ifasi in somangat pes fafausum igii, in somangat pes u.”
23851	MAT 19:20	Guam ae ka tarah, “Foron nagogon tikii ae, ia ka misuut ta lo. Sani biitom ia pongpong isi?”
23858	MAT 19:27	Pita ka kiliis u aragii, “Par u, keme ka la koseng ta foron tier tikii kimem ke keme ka mi lo wo. Sani mang kimem ae namih?”
23881	MAT 20:20	Namih, tinan iwu e kalalik ke Sebedi turan iwu e kalalik kia, rituul ka la usuf Iesu ke tinruh ka ilepul isi in sising u isi nenge tier.
23882	MAT 20:21	Iesu ka diik u aragii, “Sani o ier isi?” Ke ka kiliis u aragii, “Aunbiing on tapiek king, on fakiis iun kalalik kiak igii na matanfuntih kiam, neng na miam ke neng na kaisam.”
23893	MAT 20:32	Iesu ka sotih, ka tawi pes ruh ke ka diik ru aragii, “Sani kamu ier le ian tel u ini kamuh?”
23900	MAT 21:5	“Fas fan Saion le, ‘Par u! King kimi apiek mang usuf gam, i fapu u tom ma ka kiis na olon nenge dongki, na fabiro dongki.’”
23905	MAT 21:10	Aunbiing Iesu i kau na Ierusalem, falifu tikii ae ka rigorigo ma fanu ri ka diik le, “Se ae?”
23908	MAT 21:13	Ke ka tara sing ri aragii, “Ri siit ta u na Buk na Gogoh aragii, ‘Rin foteng fel kiak le Felun Sising,’ isau le gam ka tel u bin arae ‘salan mumumun ken foron tom sisii.’”
23918	MAT 21:23	Iesu ka kau na palgan ubiif kale Felun Tunmapek. Ma aunbiing i fafausum fanu la, foron laulaumet na pris turan foron famfamu ken fanu ri ka la usuf i ke ri ka diik u aragii, “Rakrakai tinga o tel foron tier igii ini? Se i ta u e rakrakai igii sing o?”
23921	MAT 21:26	Isau male keren tara le, ‘Sing fanu sau,’ ke kere soke fanu sabin, wara le ri tikii ri unune le Jon i nenge profet.”
23926	MAT 21:31	“Se lo ru i tel sani ae temru i ier isi?” Ke ri ka kiliis u le, “Neng famu.” Iesu ka fas ri aragii, “Tekentu kanaka ia fas gam, foron tom kep takiis turan foron tamfaes rin kau famu lo gam una matanfuntih ke God.
23958	MAT 22:17	Fas kemem, arafa o wol arae, i tortores le keren fiil takiis usuf Sisar, le biil?”
23962	MAT 22:21	Ri ka kiliis u aragii, “Sisar.” Ka fas ri le, “Sani ke Sisar, ta u usuf Sisar, ma sani ke God, ta u usuf God.”
23964	MAT 22:23	Na biing tom ae, foron Sadusi sabin, ae ri tara la le biil ti apaptifis, ri ka la usuf Iesu ini nenge fagalte.
23975	MAT 22:34	Aunbiing foron Farasi ri ka ongen u le Iesu ka babat ta na ngusun foron Sadusi, ri ka la turim unaisa.
23998	MAT 23:11	Se i laulaumet kimi, in tapiek tom foim kimi.
24004	MAT 23:17	Gam foron talos ma gam kut! Sani i laumet? Goul, le Felun Tunmapek ae i fafuu goul la ka kalkaluu na mata God?
24022	MAT 23:35	Pesu, gamen ti na nagogon isi daun foron tom tortores tikii ae ri siimete ta ri. Tipes u lo Abel ae i nenge tom tortores papang lo Sakaria, kalalik ke Berekaia, ae ri siimete ta u na fatpoton Felun Tunmapek ke salan tunmapek.
24038	MAT 24:12	Sinangun famais na liu ken fanu fuun in mir, i wara le sinang laulau in laumet lalala.
24041	MAT 24:15	“Gamen par nenge tier ae i laulau kanaka in tapiek, in kiis na fel ae i kalkaluu ma ik fadu u. Tier igii profet Daniel i ororek famu ta isi pakanini. Se i wes foron orek igii, i rokap le in malal ulo.
24088	MAT 25:11	“Namih, ilim ae ri ka tapiek sabin ke ri ka fakam aragii, ‘Ier! Ier! Sapeng pes kemem!’
24118	MAT 25:41	“Ke ik fas fanu sabin ae na kaisa aragii, ‘Gam ti koseng iau. Gam ae ngaliaf ke God ka kiis ta na olmi isi gamen fiu na tara yiif ae biil i met la, ae ri ka fageges ta u le ke Satan turan foron angelo kia.
24129	MAT 26:6	Iesu tinawii biitom na Beteni, na fel ke Saimon ae pakanini i sem ta lepra.