23939	MAT 21:44	Maa ufana 44 qusa kamu sia ooqeenaa papiqaki marunara sia maaqoo akara riqa.]
24651	MRK 9:44	Miqoo naaru naaru kadiaru sia kuqidanoo kaqi maridanoo ida faqa sia dimbee marifa kaqi qaida mariannoo.]
24653	MRK 9:46	Mi idanaki faiqí neemaria kadiarusa sia kuqidaqa ida fannoo faqa sia qimbaidanoo.]
24734	MRK 11:25	Innee inneeqa mandoosana Anutunara minniqisaannee innaaru qidaqa inni mandaikamannimaqaasa misa ummaara aniki marina minnisee aunusaifanoo inni innaarunai nikoofa inni manda oosana akiaqara faqa mininnisaani. [Inni niqoonausa inni mandaikamma nimaqaifaqa inni mina irisee sia mina minnisee kaqi irimaree fifanoo Anutufa faqa innindi faqa miqi kaimmiannoo.]
24923	MRK 15:28	Miqimasoofanoo ooqeenaa tamummaqara fasiqauqa akara anoona kambiqanau, misa qiqau, misa mina mareeqee manda oosana maree mariasaki quqeefaranoo.]
25756	LUK 17:36	Faiqí qaaraqanda anaadooki marifaqa tautumasee moo mareenoo moo minnisaannoo.]
25976	LUK 22:43	Miqi qimaseenoo Yisufa afeekaikamandee innaaru qimasoofanoo tooqaamu fannoo fidikara foora aqinaaqa anireenoo maqai aqufufanoo kuquaqaamminau. Aqufufanoo innaarunaindari qangiroo moo fannoo akooqoo qumureenoo afeeka amufanoo afeekaikinau.]
26021	LUK 23:17	Piratoofa narí oosana mareenoo ainnaaqarara qoomaqaki aiqama aukuana karabusaki moo maruna iduku nimiseenoo kafaa maa aukuanna Yisunara miqi kai ianauree qimasee mi ufana qinau.]
26283	JHN 5:4	Karaambaiqa qangiroo moo fannoo inaarunaindari narí kai iriseenoo moodaa kari moodaa kari aqufufanoo mi nammarina auqeesoofanoo indaaru mi nammarinaki keeqoofa mifa keeqafufanoo narí aurirana taikasee fimarinau. Miqi marunara misa aurimarusa moomoosa Beetasata nammari afainni rakisida mariqau.]
26402	JHN 7:5	Yisuna akaqaafasaa sia Yisunara irimariqau. Fifau maqasaa fasiqa fee qimariqau.]
26461	JHN 8:11	Mi anaaseefa qinau. Oo rakisira sia kuqira ufa moo fannoo qimimarifa maridanoo. Yisufa iriseenoo qinau. Doo qinee faqa sia kuqira ufa ani amianaura. Doo fua, sia kafaa manda oosana maraa.]
26643	JHN 11:51	Kaiafasafa sia narí kaifau mi ufana qimanniminau. Anutufa qimamunara kai mi ufana qimanniminau. Kaiafasafa Yisunara Yuda maqannaasa nikiaqara kuquannoo Anutuna faiqi namu mina ufa irimarinausara faqa moodaa iriranasaa mariaqeera kuquannoo fee qinau.]
26945	JHN 20:9	Yisufa kuqiranakiqari findifuaninna akaranara sia amiqimandee iriqiafana. Mana manammimariqiafana.]
27011	ACT 1:19	Yeerusaree maqannaasa minara iriseeqa mi maqanara fidika maqa maaqee qidaqa. Yeerusaree maqannaasa nári ufakiqari mi maqanara Akeeradama fee qidaqa.]
27282	ACT 8:37	Firipifa mi ufana iriseenoo qinau. Anee aneenna amuqusa ookiqari Yisunara kuqaa anoonee qianaqa amana ani keeqamaqaanaura. Mi Eeetioopia fasiqafa qinau. Qinee Anutuna asauku mundiranara Yisunara kuqaa Anutuna faiqifee qidaqa. Anee kaqi keeqaqimaqaa.]
27613	ACT 17:21	Ateensa maqusanaasa faqa aanaamuru animarusa faqa oosana oosana fuka irirana irianee qidaqa minara kai irimaree fimariqau. Misa minara Pauroona irammiri mariqau.]
28687	1CO 11:19	Aaqarausa faqa andeeqarausa faqa moodaanaki marifanoo kuqaa rainarafa kambiqaannoo. Miqimasainanoo aaqee mariasa faqa andeeqarausa faqa kooroo ifaranoo.] (Pauroona akara rumannimu aukuana Yisuna ufa irimarusa sia maqee maasa imarunandee aafaqa neemariqau, misa nári ainainirana taikasee eendaki aafaqa nararee qimasee nári narana deedaqammamaree mara maree moodaa maqaki mini quqasee qoomaqa sakasee namasee inaaqianna feemu marasee ruqi ruqi masee uainna nammari misa maqee maqee neemaru nammarina namufaqa innaaru qimasee namasee fifaini mariqau. Faiqí anaasee oosana oosana suqiqau. Ainaina faqaasa faqa kudi fasiqa faqa oosana oosana ainaini mariasa faqa nariqa ainainirana taikasee eendaki aniree moodaanaki suqiqau. Akaqausa furufara maseeqa narana moomoo namataikasoonara ninnaaqiana anusa naararanau. Akaqausa uainna nammari moomoo neeneesee sipakiqa furufariqau, Pauroofa minara iriseenoo maaqi qimasee akara rumannimaqanau.)