Wildebeest analysis examples for:   bjr-bjr   N    February 11, 2023 at 18:05    Script wb_pprint_html.py   by Ulf Hermjakob

10  GEN 1:10  Anutufa aadanaikunara maqa fee qinoo auquranau. Nammari moodaanaki suqunara ooruku nammari fee qinoo auquranau. Miqi qimaseenoo doo andeeqafiifoo qimaseenoo asasinau.
34  GEN 2:3  Dinni taikasee dinni oonu qaaraqanda 7 faasaanara Anutufa afaaqooqa qimasee, aaduma naaquqara faasaanee qinau. Narí kadaapirirana mi faasaanna taikoonara mi faasaannara naaquqara faasaanee qimasee idooanau.
41  GEN 2:10  Nammari moo fannoo Eedeena maqa maaqakiqari qumureenoo kadiqa qambaana maqa uqeena uqeena ianifeera qumiqareenoo qaara faqa qaara faqaki raina fufanoo ooqufinau.
60  GEN 3:4  Sakani mina ufa iriseenoo anaasee akaru qinoo qinau. Namasee sia kuqinnara unnaqidanoo, anee sia kuqinnaranoo.
74  GEN 3:18  Nimmuru faqa amuka faqaa ainaina faqa maqakiqari kambiqaannoo. Anee kaasau andanda neennaranoo.
86  GEN 4:6  Anutufa Kainana qafamaseenoo qimaminau, nanaree ani arana qaidanoo fee. Nanaree ani oori mianni qumidanoo fee.
102  GEN 4:22  Rameekana inaaqiana anaasee moo Siraa nammarifa marinau. Mifa akoonaiqi Tubarakaina maqasoofanoo findifinoo koopaannai faqa qainnannai faqa ainaina auqimarufa marinau. Tubarakainana auna auqu Naammaa nammarifa marinau.
108  GEN 5:2  Naumoo faqaa qanda auquseenoo nifaaqooqa qima nimaqaseenoo faiqí anaasee fee qimasee nuqu ranau.
109  GEN 5:3  Adamafa aukuana 130 marasoofanoo mina amaaku Seetafa kambiqanau. Narí akoona fooqaafa mina amana kai marinau.
135  GEN 5:29  Anutufa maa maqa maaqana aquraraqoofaqa maasa kadaapi ridaqa. Maa faiqifa kadaapiriranaki marunnana asooarana qimiannoo fee qimasee mina auqu Nooa nee qinau.
136  GEN 5:30  Nooana maqooqooqari mina akoofa Rammeekafa 595 aukuana maraseenoo akoonaiqi maanaaqa faiqi namu moomoo maqanau.
138  GEN 5:32  Mina amaaku Nooafa 500 aukuana maraseenoo miqooqari akoonaiqi qaaramoo maqanau. Misa nuqu Seemmana faqa Qammana faqa Yafeetana faqa maqanau.
146  GEN 6:8  Anutufa Nooanara kai asasinau.
147  GEN 6:9  Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríara andeeqarafa marinau. Mifa kai Anutuna aqoondikiranaki marinau. Mina amaaku qarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.
151  GEN 6:13  Miqiqa marufanoo Anutufa Nooana qimaminoo qinau. Faiqí narari nararirafa qumbiqanoo marinara qinee aiqama fasiqa anaasee naru taikaanauree qidaqa.
152  GEN 6:14  Nooa, anee amiqira saqarinnai firaa sipa auqua. Mina aunduraki moomoo rumma auqua. Aunduraki faqa adisaa faqa koorootaqa qumaree akusainanoo ititaani.
155  GEN 6:17  Anutufa kaifaa Nooana qimaminoo qinau. Qinee nammari mareeqee quqasaananoo firaaqoo aufinoo aiqama kasimari ainainausa naru taikaannoo. Aiqama maqasaa maria ainainausa faqa kuqu taikeefaranoo.
160  GEN 6:22  Nooafa Anutuna ufa iriseenoo mifa qundee kai inau.
161  GEN 7:1  Karaambaiqa Nooana maaqi qimasee qimaminau. Anee aneenna aiku asauku faqa sipaki keeqaa. Maqa saaqaraasakiqari anee kai aneennaraa andeeqarafa mariana qafaidaqa.
165  GEN 7:5  Nooafa aiqama ainaina Anutufa qimamundee kaimminau.
166  GEN 7:6  Nooafa 600 aukuana marasoofanoo mi aukuannasaa nammari aufirafa aninau.
167  GEN 7:7  Nooafa Anutuna mi ufausa iriseenoo rufiaseenoo narí faqa narí anaaqa faqa narí amaaku qaaramoo namu faqa minamusa ninaaqmaaka faqa sipaki keeqaqau.
168  GEN 7:8  Oosana oosana aandau ufini akoona faqa anaasee faqa Anutuna afusaa anukarausa faqa sia anukarausa faqa aiqama Nooana faqa sipaki keeqaqau. Anutufa ufa qumau kai keeqaqau.
171  GEN 7:11  Mi aukuanna Nooafa 600 aukuana maranau. Qaara quqoonasaa qiku dinni taikasee dinni oonu qaaraqanda marasee 17 faasaanasaa mi faasaanna kai nammari radiqinau. Mi faasaanna kai maqa ameemaanaindari nammari radiqisee urureenoo innaaruna kooqiara foora atuqoofanoo aaku firaafa nammariara foora adianau.
173  GEN 7:13  Nammari radiqu faasaanna mi faasaanna kai Nooafa narí aanaaqandiri faqa narí amaaku namu Seemafa faqa Qammafa faqa Yafeetafa faqa minamusa nári ninaaqmaaka faqa sipaki keeqafiqa mariqau.
174  GEN 7:14  Kaasau aandau oosana oosana faqa maaqeena aandau oosana oosana faqa ufini oosana oosana faqa firaa aandauqa faqa kaqikaa aandauqa faqa Nooana aiku asauku faqa sipaki keeqaqau.
175  GEN 7:15  Aiqama oosana oosana kasimaru aandau ufinisa akoona faqa anaasee faqa Nooana faqa sipaki keeqaqau.
176  GEN 7:16  Anutufa Nooana qimamu mau kai keeqa fufanoo Anutufa narí kai kooqi itita nimaqanau.
178  GEN 7:18  Nammari fannoo firaaqoo innooqoofanoo sipa fannoo mina amuaqumau nimarinau.
179  GEN 7:19  Nammari fannoo moo faqa innooqeenoo aiqama kisaaqa aaqana dukuninau.
183  GEN 7:23  Karaambaiqa aiqama ainaina maqasaaqaraa ainaina taika uqanna sanau. Faiqí anaasee faqa aandau faqa ufini faqa taikannisanau. Nooafa kai narí aiku asauku faqa narí sipakinaa ainainauqa faqa misa kai asumu mariqau.
185  GEN 8:1  Marufanoo Anutufa Nooanara faqa narí aiku asauku faqa aiqama aandau mina faqa marusara faqa iriseenoo qufanoo ufai uqufanoo nammari fannoo qumi marinau.
188  GEN 8:4  Dinni taikaseenoo dinni oonu qaaraqanda marasee 7 quqoonasaa miqi mandee quqoonna qambaanai qisaukuqara faqa dinni qiku taikaseenoo dinni oonu qaara marasee 17 faasaana Nooana sipa fannoo Ararata aaqanasaa muqufi quqasoofanoo marinau.
190  GEN 8:6  Qaara fasiqa niku nisauku taikasee 40 faasaana aiqaroofanoo Nooafa winduaqa atuaseenoo ufini kaammeesa fooqaana mara aqinau.
192  GEN 8:8  Nooafa mi ufininara rakisusia sia anufanoo nakipuruna mara aquseenoo nammari qafaanifeera aqiqanau.
193  GEN 8:9  Aqusoofanoo nakipuruna maqara randoosianoo nammari kaqi marufanoo mi eendanaki kai kaifaa Nooafunnai sipaki aninau. Nooafa narí asauku madaanai quqaseenoo qumara sipaki quqanau.
194  GEN 8:10  Qisauku dinni taikasee dinni oonu qaara marasee 7 faasaana afeesida mariufanoo Nooafa nakipuruna kaiqaa mareeqeenoo madaanai aqinau.
195  GEN 8:11  Eenee marufanoo nakipuruna fannoo oorifa saqari amanee ammunirana rakeemma aaku maree aninau. Nooafa mi saqari amaneena qafamaseenoo doo nammari ooqi maridanoo fee qinau.
196  GEN 8:12  Miqooqari kaifaa dinni taikasee dinni oonu qaara marasee (7) faasaana aiqaroo fanooo Nooafa nakipuruna kafaa mara quqasoofanoo doo funnai fifinoo doo sia kafaa aninau.
197  GEN 8:13  Nooafa 601 aukuana marasoofanoo indaaruqaa quqoona indaaruqaa faasaanasaa nammari tukaqnanau. Nooafa sipa ataufakaaqa akuamaqaqoona rafaammasee qafoofanoo maqa aadana usimarinau.
198  GEN 8:14  Namba 2 quqoonasaa 27 faasaanasaa aiqama nammari tukaqnamafufanoo maqa maaqa aadana uqanna marinau.
199  GEN 8:15  Miqimmafufanoo Anutufa Nooana qimaminoo qinau.
202  GEN 8:18  Miqi qimasoofanoo Nooafa faqa narí anaaqa faqa narí faiqi namu faqa misa ninaaqmaaka faqa sipakiqari raudaqau.
204  GEN 8:20  Nooafa rafudamafufanoo karaambaiqa tatufirana suqarara ooni qumareenoo aaku aakummaseenoo Anutuna afusaa anukara aandau faqa ufini faqa maraseenoo muduka Anutuna tatufirana suqa aminau.
207  GEN 9:1  Anutufa Nooana narí faiqi namu faqa nifaaqooqa qinoo qinau. Inni asumu moomoo kambiqafi aiqama maqa maaqa amana kai mariaqa.
214  GEN 9:8  Anutufa Nooana faqa narí faiqi namu faqa kaifaa qimanniminoo qinau.
224  GEN 9:18  Nooana faiqi namu sipakiqari anusa nuqu maaqimminoo marinau. Seemmafa faqa Qammafa faqa Yafeetafa faqa mariqau. Qammafa Kannaana akoofa marinau.
225  GEN 9:19  Nooana mi faiqi qaaramoo namusa aiqama maa maqanasaaqaraasa nikeeku nikaaku mariqau.
226  GEN 9:20  Nooafa afuqaki ainaini marufa marinau. Mifa indaaru oosana arasee afuqa auqusee uainna sanda moomoo ummaqinau.
230  GEN 9:24  Nooafa kasooqaqee irirafa kambiqafufanoo narí inaaqianaa faiqi mifa auqoo ainainnara irinau.
232  GEN 9:26  Miqi qimaseenoo Nooafa quandafinoo Qammana akaqaafasaa qarara maaqi qinau. Karaambaiqa Seemana Anutuna amooqirana amia. Kannaafa Seemana ainainira faiqi mariannoo.
234  GEN 9:28  Nammari aufirafa taikoofanoo miqooqari Nooafa 350 aukuana maraseenoo kuqinau.
236  GEN 10:1  Nooana faiqi namu nuqu maaqimminoo marinau. Seemmafa faqa Qammafa faqa Yafeetafa faqa mariqau. Nammari aufirafa taikooqooqari misasaaqari kambiqarausa nuqu maaqimminoo mariqau.
243  GEN 10:8  Kusafa akoonaiqi Nimaroodana maqanau. Nimaroodafa findifinoo maa maqa maaqanaki indaaruqaa rakira karaambaiqa marinau.
244  GEN 10:9  Karaambaiqa dadaaqufanoo mifa amudaanai qimasee uaqee marufa marinau. Miqi marunara faiqí anaasee maaqi qimasee akaqausara qimariqau. Karaambaiqa fannoo ani Nimarooda fara foora kaaqa amudaanai qimasee uaqee mari fara foora maisaannoo.
245  GEN 10:10  Nimaroodafa Baabeera maqusa faqa Eereeka maqusa faqa Akada maqusa faqa mi maqusa namuna indaaru rakisimarinau. Mi maqusa namusa Babiroonia maqa maaqaki mariqau.
246  GEN 10:11  Miqoo mariufanoo Nimaroodafa Asiria maqa maaqai oonureenoo Ninifee maqusa faqa Reehoobootaira maqusa faqa Karaa maqusa faqa Reeseena maqusa faqa auqinau.
247  GEN 10:12  Reeseena maqusa fannoo Nineefee maqusa dinni marifanoo Karaa firaa taunna dinni marifanoo qambaana maridanoo.
248  GEN 10:13  Isipana saaqari aruakusa Ridiaa maqannaasa faqa Anamma maqannaasa faqa Reehaba maqannaasa faqa Nafatuqa maqannaasa faqa
266  GEN 10:31  Seemana faiqi namu miqimmiqa mariqau. Naadu naadu maqa maaqaki maridaqa naadu naadu ufa qimariqau.
267  GEN 10:32  Aiqama misauqa Nooanasaaqari kambiqarausa mariqau. Moo maqannaa moo maqannaa nariqa oosana amana kai mariqau. Nammari aufirafa taikafufaqa aiqama maa maqanasaaqaraasa Nooana faiqi namukiqari kai kambiqafi mariqau.
277  GEN 11:10  Seemmana saaqari kambiqoosa maaqimmiqa mariqau. Nammari aufirafa taika fufanoo miqooqari qaara aukuana aiqarama fufanoo Seemmafa 100 aukuana maraseenoo akoonaiqi Arafasadana maqanau.
289  GEN 11:22  Seerukafa 30 aukuana maraseenoo narí faiqi Naqoorana maqanau.
290  GEN 11:23  Naqoorana maqooqooqari Seerukafa 200 aukuana maraseenoo akoonaiqi maanaaqa moomoo maqanau.
291  GEN 11:24  Naqoorafa 29 aukuana maraseenoo narí faiqi Teeraana maqanau.
292  GEN 11:25  Teeraana maqooqooqari Naqoorafa 119 aukuana maraseenoo akoonaiqi maanaaqa moomoo maqanau.
293  GEN 11:26  Teeraafa 70 aukuana maraseenoo Abarammana faqa Naqoorana faqa Qarana faqa maqanau.
294  GEN 11:27  Teeraana faiqi namu mi oosanausa maaqimmiqa mariqau. Teeraafa Abarammana faqa Naqoorana faqa Qarana faqa nikoofa marinau. Qaranafa Rootana akoofa marinau. *
296  GEN 11:29  Abarammafa Sarai nammarina maranau. Naqoorafa Mirakaa nammarina maranau. Mirikaa nammarifa Qarana araamuna maranau. Qaranafa Isakana akoofa marinau.
308  GEN 12:9  Miqinoo faiqanoo fifiiufanoo suani afu dinni ataaqeenni Kannaana maqa maaqa dinni atinni Isipa maqa maaqa oosira qaannai ooquranau. Neekeefa maqasaa ooqu finau.
335  GEN 13:16  Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.
340  GEN 14:3  Mi moodaannai qisauku karaambaiqausa rufiasee Sidimma noopunduki suqiqau. Maqee mi noopundunaki ooruku nammari rafaaqa finoo marifaqa mina auqu raidaqa Kuqira Nammari fee qidaqa.
343  GEN 14:6  Naruseeqa Susima maqusanaasa Qamma maqa maaqaki faqa nariqau. Naruseeqa Eemimma maqannaa faqa Kiriataimma afaasa maqa maaqaki marusa nariqau. Miqooqari ooquree Qoora maqannaasa Eedoona aaqanasaa marusa nariqau. Misa naru mareeqa Eeraparanna aadana maqa maaqa atinni munu quqaqau.
351  GEN 14:14  Abarammafa Rootana mara maree funara iriseenoo narí ainainira faiqiuqaki nimudaanai qimarusa narí uiqaana maqusakinaasa 318 fasiqa nifiqanau. Nifiqaseenoo qimannimufaqa qaara faqa qaara faqa karaambaiqauqa nifaqamaree Dannaa maqa maaqai nianai fiqau.
388  GEN 16:6  Abarammafa kafaa narí qimaminoo qinau. Doo amana ani ainainira maanaaqa ani ameemaanai maridanoo. Naqaamma amaqararee fee qimasee iridanee, doo miqia. Sarai nammarifa Akaara nammarina maqee maqee oofana qaidanoo ari aqimarunara quqasee sandanau.
406  GEN 17:8  Anee asaqiraa faira foora maa maqanasaa mariannana qinee ani faqa ani asaifaqausa faqa nimianaura. Nimiananoo aiqama Kannaana maqa maaqa fannoo ani asaifaqausaindi kamminoo naaru naaru marinaqa qinee misa Anutusa marianaura.
416  GEN 17:18  Miqi qimaseenoo Abaraqammafa Anutuna qimaminoo qinau. Naqaa saina Isamaeerafa qini ainaina maraaqaana ifanee.
437  GEN 18:12  Saraqa nammarifa minara iriseenoo narí kai naanaidara qidanoo qinau. Qinee faqa qeeqa nauraiqindiri asooqa marida. Naqimmasee fee qeeqa qifaaqi faqa aana fuanauree.
438  GEN 18:13  Miqufanoo karaambaiqa Abaraqaammana qimaminoo qinau. Naqaa fee ifanoo fee Saraqa nammarifa naanaidara qinoo fee. Maana qinee asooqa maridaqa naqimandee faiqi maqaanauree qinoo fee.
439  GEN 18:14  Nana ainainee moo ainaina Yaaweefa sia amana auqaannoo fee mifa amana aiqama ainaina auqaannoo. Qinee anoona ufa qidaqa, moo aukuana maa quqoonnasaa qinee kafaa aniraananoo Saraqa nammarifa akoonaiqi faiqi maqaannoo.
462  GEN 19:4  Namaseeqa faiqarara imarufaqa mi maqusaanaasa faiqí kumaaraa nauraiqi aiqama aniree Rootana maaqa fuseemma dati mambufaqa Rootana maaqi qimasee aaraqau.
475  GEN 19:17  Nifiqa quqasoofanoo angiroo moo fannoo qimanniminoo qinau. Innee sandamafuaqa kuqifaara. Fidaqa sia quandafi qafaaqa. Afaasasaa faqa sia kasooiaqa. Innee kuqifaara, aaqanai sandee ooru fuaqa.
497  GEN 20:1  Abaraqaammafa Mamareena maqusa minni seenoo Neekeefa maqa maaqakina ooqu finau. Mifa Kadeesa maqusa dinni Sura maqausa dinni qambaana ooqu marinau. Marikinoo kafaa Keeraara maqusaki ooqu marinau.
505  GEN 20:9  Abimeereekafa kafaa Abaraqaammana aaramaseenoo iramirinau. Anee nana oosanee maasa qiminanee. Nana manda ainainee maasa ani amunanee anee qini faqa qini qiku qisauku faqa firaa ummaara qiminanee. Sia auqaaqaa ira oosana maasa qimiananoo.
506  GEN 20:10  Nana irirafee marifanee maaq inanee.
555  GEN 22:7  Aanai ooru fimarufanoo Isakeefa narí akoona aaramaseenoo qinau, Qipoo qufanoo Abaraqaammafa maqi qimasee qinau. Nanaree qidanee qufanoo Isakeefa qinau. Qinee qafaunana anee idati faqa ida rumbarana faqa maree fimarinanoo, yaafee tatufirana suqeefandinna sipsipafa maridanoo fee.
568  GEN 22:20  Mariiufanoo Abaraqaammafa irufanoo Mirikaa nammarifa Naqoorana Abaraqaammana akaqa faiqi qisauku dinni taikasee dinni oonu qaarammoo marasee 8 maqee foo qiqau.
570  GEN 22:22  Mina aanaaqiannaafa Keeseedafa marinau, mina aanaaqiannaafa Qasoorafa marinau, mina aanaaqiannaafa Piradasafa marinau mina aanaaqiannaafa Didarafa marinau, misa ninaaqiannaafa Beetueerafa marinau. Mifa Reebeeka nammarina akoofa marinau. Mirikaa nammarifa mi faiqi namusa Naqoorana Abaraqaammana akaqasaa maqanau.
572  GEN 22:24  Reumma nammarifa Naqoorana inaaqiannaa anaasee fannoo Teebana faqa Kaqammana faqa Taqasana faqa Maakaana faqa maqanau.
588  GEN 23:16  Abaraqaammafa iriseenoo eedoo qimaseenoo sikeera maraseenoo 400 qummaara ainaina dinni quqaseenoo siruaa dinni quqasoofanoo amana kai ufanoo aminau. Eefaroonafa aiqamausa narí maqannaasa Qeetana aiku asauku nifusaa qufanoo iriseenoo miqi kai minau. Nári sikeera qummaara amana kai Eefaroona aminau.
602  GEN 24:10  Miqi qimaseenoo raudama kinoo Abaraqaammana kammeera, qoosa fooqaana, mina qisauku qara maraseenoo narí uriqararana ainaina amiqirana kai maraseenoo kammeerasaa quqaseenoo mareenoo finau. Abaraqaammana akaqa Naqoorafa Mesopotamia maqusai suani dinni ataaqeenni marunnai ooru finau.