24343	MRK 2:14	Aghá ea doa irurota geruria mo, Alfius da mendi Levi unda takesi bari dobova asumbea irieta gia, Iesu na undú eghá ririe, “Erea, anda ambova fu!” ririeta, Levi erea, Iesu da ambova arie.
24344	MRK 2:15	Anada ambova, Iesu aria, Levi da kambova terua, undari dieta, takesi bari enembo dumenide, kotú ari akokogo enembo oruaruabede dano furia, Iesu unda ambo nimbide dano asusumbea, undari undidiguturie. Anada bee mo, unda yavero oruabe unda ambova tuvia igiguturie.
25095	LUK 3:1	Fefera anava, embó ragaro Tiberius umó, abua ragaro Rom enemboda kotofu ea irieta, ghaeko 15 sidara urie. Unda feferava, embó ragaro Pontius Pailat, umó Judia Frovensida kotofu ea vitirie. Herot umó Rom enemboda tuva Galili Frovensi kaifa eta urie. Kotú, Herot da kaka Filip umó Ituria Frovenside Trakonitis de kaifa eta urie. Aghade embó ragaro Lisanias umó Abilin frovensida kotofu ea vitirie.
25118	LUK 3:24	Heli da numamo aná Matat re. Matat da numamo aná Levi re. Levi da numamo aná Melki re. Melki da numamo aná Janai re. Janai da numamo aná Josep re.
25123	LUK 3:29	Er da numamo aná Josua re. Josua da numamo aná Elieser re. Elieser da numamo aná Jorim re. Jorim da numamo aná Mattat re. Mattat da numamo aná Levi re.
25124	LUK 3:30	Levi da numamo aná Simeon re. Simeon da numamo aná Juda re. Juda da numamo aná Josep re. Josep da numamo aná Jonam re. Jonam da numamo aná Eliakim re.
25130	LUK 3:36	Sela da numamo aná Kainan re. Kainan da numamo aná Arpaksat re. Arpaksat da numamo aná Siem re. Siem da numamo aná Noa re. Noa da numamo aná Lamek re.
25131	LUK 3:37	Lamek da numamo aná Metusela re. Metusela da numamo aná Enok re. Enok da numamo aná Jaret re. Jaret da numamo aná Mahalalel re. Mahalalel da numamo aná Kainan re.
25203	LUK 5:27	Anada ambova, Iesu bubua aria, takesi bari kato embó ragaro Levi, unda takesi bari dobova asumbea irieta gia, Iesu na undú ririe, “Erea, anda ambova fu!”
25204	LUK 5:28	Aghá ririeta, Levi erea, eini-eini dano doa, Iesu da ambova arie.
25205	LUK 5:29	Anada ambova, Levi unda kambova Iesu du banau jojabe urieta, takesi bari kakato oruabe, kotú enembo dumenide danode ea undidiguturie.
25464	LUK 10:32	Dabako aghagonu, Levi undi, embó eini aná emboro dabako anava etia, aná embó vasia irieta gia doa, umó beago emboro taukaka serigetue.
25709	LUK 16:20	Aghade, makasi embó eini, ragaro Lasarus, tamo betomi gigimbari, unda kokomanami bua fuava, aná embóda kambo bebatova itiaveta vasia irirota, aná gugua-ghayafade embóda undari farovareta jua voradua-nu, undaita uno eta etue. Aghá uaveta, nino mane fuava, unda beto mane sosofeta etue.
25712	LUK 16:23	Aghá etueta, aná embó iya, ari-bari akokogo ari kakatoda kambesiva bubua, umó mema jojabe itatama urota, dibe fugia, Lasarus airobe Abraham da kasava asumbea irieta gie.
25713	LUK 16:24	Gie-gea, ghogho rirota, eghá retue, ‘Afa Abraham, amó ivarida vevera jojabe itatama roreta! Andú neno mema ea rege, Lasarus unda ingo taruadarimi uvuva ga degimbea bua furá, anda aveva safau ae!’
25714	LUK 16:25	Aghá retueta, Abraham ningia, mino eghá retue, ‘Anda mendi, imó endava vitara, aná eini-eini taubana manenu jijimu eta riaravore. Atá, Lasarus, umó eini-eini sembago manenu jijimu eta ria. Amindu, umó oreki neno gangorogha eve irieta, imó mema jojabe itatama roravore.
25716	LUK 16:27	Aghá retueta, aná gugua-ghayafade embó mino eghá retue, ‘Avore, afa, amó indava benunu rore. Lasarus ninengadi, kaverea ya, anda afada kambova anda jamena ingo yoveni vitia-dava ená gaganu rata niningigoe! Aghá rata-gea, númane ená mema itatama ari kambesiva furambi egegoe!’
25748	LUK 17:28	Lot da feferava beago, dabako aghago siroruturie. Sodom bogu naava enembo boro-banau egegutueta, gurimi utua, eini-eini rurueta, urari-govari egegutueta, kambo unombu ititigutueta, Lot aná bogu naa Sodom doa irueta, ivaride ivegha veveraghami uutuvareta boruma vorarigo ea, enembo dano evia ambubuguturie.
25750	LUK 17:30	Noa ungá Lot ghada feferava daiyagha siroruturia, aghagonu egeguturota, Enemboda Jojabee isaghava bubaita rouvie.
25752	LUK 17:32	Lot da evetunu nundubea gigige! Umó endada gugua-ghayafanu nundubuturota, bogu naa Sodom gaita kaveruturia, God na urieta, umó singoi ninditurie.
26113	LUK 24:53	Anada ambova, númane Jerusalem irirota, tumanadu God du Tafaroro Ari Kambova* God du raga regeguturota vitirie. Avore, anda gaga tano evere. Amó Luk re.
26132	JHN 1:19	Jiusi enemboda babarigarimi Jon uriga ari-du rea, fristi* mane kotú Levi undi Jerusalem reta ninenguturieta, umó avouvi ananu uriga aita igiguturie.
26593	JHN 11:1	Betani embó eini, ragaro Lasarus, kae rururie. Betani, aná Meri ungá unda kaka Marta ghada naa re.
26594	JHN 11:2	Ená Meri rera, mose eini uka muu munode Jojabeeda ekava averegea unda foumami dufituria, aná umó re. Kotú ená Lasarus kae bua vasia vitiria, aná Meri da ruu re.
26595	JHN 11:3	Avore, Lasarus kae bua iria-du, unda gharototomi gaga eghá ituturieta, Iesu dava arie: “Jojabee, inda neno bari komana aná kae bua vitie.”
26596	JHN 11:4	Aghá ningia, Iesu eghá ririe, “Ená kae Lasarus da bua ambubuta, aná jo amburota sidara ari kae bua amburambi re. Tago, God da durogha isagha ari-du rea, aná kae rura. Aghade, God da durogha isagha aita rouvia-mi unda Mendida durogha beago isagha ata, enembomi gigigaita rousue.”
26597	JHN 11:5	Iesu Meri ungá Marta gha Lasarus de dano neno rururota irita urie.
26598	JHN 11:6	Lasarus da kae rururia-da bingá, Iesu niningurie-tago, aná kambesi jo doa yambi, fefera ungagha avo vitirie.
26603	JHN 11:11	Aghá riria-da ambova, umó eghá ririe, “Namonde anda komana Lasarus umó eevo rouvie. Tago, anona ya avo bubua, evurota umó eraita rouvie.”
26605	JHN 11:13	Lasarus da ambubuturia-da gaganu Iesu na nundubuturota ririe-tago, námanda nundubuturera mo, eevo beedu rari gaa regeguturere.
26606	JHN 11:14	Aghá regeguturera-du, Iesu námandu isaghava ririe, “Lasarus aná ambubuta-tago, undava yambi utare-gea, amó gangoro rore. Anada bee mo, eghá rora-mi ata, nímane amó gaabee egegaita rosoravore. Aghadu egege, namonde undava igigore!”
26609	JHN 11:17	Iesu aria buburiturota nininguria mo, Lasarus seibe bua aria furuguturieta, fefera ungagha-ungagha sidara uria-nu niningurie.
26611	JHN 11:19	Aghá-gea, Lasarus amburari bingá niningigea, Jiusi enembo oruaruabe Marta ungá Meri gha sonembea gumema aita fufuguturie.
26628	JHN 11:36	Aghá ueta, aná Jiusi enembo gigigea eghá regeguturie, “Gigige, umó Lasarus neno bua goghó eta rouvie.”
26629	JHN 11:37	Aghá ririeta, Jiusi enembo dumenimi eghá regeguturie, “Embó eini dibe soikide sirorari unona utata dibe fangita. Aghá-gea, umó eve irasua, unona buregasueta, Lasarus jo amburambi asue. Aghajora, ivata aghago arida ano undava vitia-jogo.”
26630	JHN 11:38	Iesu rekago Lasarus du neno mema jojabe urota, singoi beko too, ujeva arie. Aná uje bebato singoi jojabemi oberea gajari vitirie.
26635	JHN 11:43	Iesu aghá rea sidara ea, be jojabe ghogho ririe, “Lasarus, bubua fu!”
26650	JHN 12:1	Fefera ingo yoveni, yoveniva dabako sidara ata-gea, Serigea Yarida Banau* egegaita ueta, Iesu Betani arie. Iesu da ririeta amburarivareta jebugea eroruria embó Lasarus, aná naava irita urie.
26651	JHN 12:2	Anava Iesu da ragarova jama undari simbuguturie. Aghá urota, Marta na eini-eini simbugutueta, Lasarus beago farova enemboda rorova irirota, undari undidiguturie.
26658	JHN 12:9	Aghade, Iesu avo irieta, Jiusi natofo jede unda bingá niningiguturie-gea, dano avo igiguturie. Númane Iesu nuenembo gigigaita yambi re-tago, aná embó Lasarus Iesu da ririeta amburarivareta eroruria, umógha dano gigigaita rea, igiguturie.
26659	JHN 12:10	Atá, fristida* kokotofumi Lasarus beago data amburari-du, manaka gaegeguturie.
26660	JHN 12:11	Anada bee mo, Iesu na ririeta, Lasarus amburarivareta jebugea eroruria-du rea, Jiusi enembo oruaruabe Iesu gaabee egeguturie.
26666	JHN 12:17	Avore, Iesu sei ririeta, Lasarus uje singoi toova amburarivareta eroruria-nu, natofo jedemi gigigea, bingá regeguturieta aria fafate urie.
27027	ACT 2:9	Namonde amó dumeni aná, Partia enembo, Media enembo, Ilam enembo, Mesopotemia enembo, Judia enembo, Kapadosia enembo, Pontus enembo, Esia enembo, Frijia enembo, Pamfilia enembo, Krit enembo, Arebia enembo kotú Isip enembo re. Namonde anda enembo dumeni, aná roo enda Libia, bogu naa Sairini kasa-kasavareta fufuguta. Kotú namonde amó, dumeni aná, Rom reta esega fufugutare. Namonde amó, dumeni aná, Jiusi mokó re. O dumeni aná, númanda otu-evovo doa namonde amó Jiusi enembodava rekimbea, namonde anda ambo nimbi ea vitie. Aghá re-tago, oreki daiyagha ea namonde dano reisi-niningora mo, God eini-eini jojabe donu urieta siroruturia ananu, namonde anda gaa ari gaa ari Galili enembomi regegutueta reisi-niningo?”
27127	ACT 4:36	Aghade, enda butu Saiprus embó eini ragaro Josep, umó abua ragaro Levi da rova re. Unona unda enda utua guri bua, Iesu da ambo nimbidava ututurie. Aghá urieta, Iesu da ambo nimbi númane unda ragaro reka Barnabas ririkiguturie. Barnabas da bee mo, Neno Gangoro Utari Kato re.
27317	ACT 9:32	Pita umó natofo kaifa urota, naa nanjogo iru-furu eta urie. Goroto einiva umó erea, God da natofo gaita rea, naa ragaro Lida anava esega arie.
27320	ACT 9:35	Jebuguturieta, Lida naava kotú Saron naava enembode dano umó avo gia, neno kaverea Jojabee gaabee egeguturie.
27323	ACT 9:38	Jopa naavareta ya Lida bubari, jo airobe irambi re. Pita umó Lida naava esega furia irieta niningigea, Iesu da yavero Jopa vitiria-mi embobo ungagha ninenguturieta aria, Pita dava buburiturie. Bubua, Pita du ririe, “Fu, namonde tutumi yare!”
27432	ACT 13:1	Antiok bogu naava Iesu da yavero rova, God da feroveta dumenide irugari kakato dumenide vitiria aná evere. Barnabas, Simeon (aná mo, undú “Tamo Fitugo” regegeta urie), Sairini embó eini, Lusius kotú Manain (umó aná Kini Herot gha danode beforo gari tava eta urie), numonde Sol de dano vitirie.
27489	ACT 14:6	Aghá regeguturia-nu ningia, Pol ungá Barnabas gha oru susumbugea aria, Likonia Frovensiva terua, Listra kotú Derbe bogu naava bububuguturie. Ená bogu naa mane, kotú naa dumeni-dumeniva Iesu da Gaga Taubananu minono regegeta urie.
27491	ACT 14:8	Listra bogu naava embó eini eka dimbaride sirorea, jo yari-furari ambi, asumbea irita urie.
27494	ACT 14:11	Iru-furu ueta, Pol da donu urieta siroruturia-nu gigigea, enembo oruabemi be fugia númanda Likonia gaami, eghá regeguturie, “Namonde anda god ungagha aná enembo nindia vovoregetue.”
27504	ACT 14:21	Pol ungá Barnabas gha aria, Derbe bubua, God da Gaga Taubananu minono reaveta, enembo oruabe Iesu gaabee ea, unda yavero egegeta urie. Aghá ea, númane kaverea aria, aná Iesu gaabee eta uria enembo rekago gia sonembaita rea, bogu naa Listra, Aikoniam kotú Pisidia Frovensiva vitia bogu naa Antiok igiguturie.
27553	ACT 16:1	Aghá ea, ungá aria, naa ragaro Derbe anava bubua serigea aria, naa eini ragaro Listra bubua, Iesu gaabee ari embó eini ragaro Timoti tafirie. Atá, Timoti da numamo aná Grik embó re. Kotú nue aná Jiusi evetu re. Nue umó Iesu gaabee eta urie.
27554	ACT 16:2	Listra kotú Aikoniam naava, Iesu da yaveromi Timoti du raga regegeta urie.
27566	ACT 16:14	Námanda gaga nininguria evetu eini, aná Taiyataira evetu ragaro Lidia re. Unona eembo taubananu jetogomi gutia utua guri buta urie. Unona fefera yafabe God du tumogha baĩ urota irita urie. Fefera aghade, Jojabeena ririeta, unda nundubari ifeguturieta, Pol da gaga ningia, nundubea goghó urie.
27592	ACT 16:40	Aghá regeguturieta ningia, Pol ungá Sailas gha dibura kambovareta aria, Lidia da kambova terua, Iesu gaabee ari enembo avo desea irieta tambua, neno erari gaga ririeta tamo fẽ urieta, ungá umó Filipai doa igiguturie.
27828	ACT 23:26	“Frovensida Gavana Feliks, Imó aná, bee ghanena rore. Amó aná, Klodias Lisias re. Atá, Feliks, amó indava gaga itoko raita roreta. Yata bua gii!
27844	ACT 24:7	Tago, nímane Rom enemboda mene-mene ari kakatoda beforo righari embó, Lisias na unda mene-mene ari kakato dumenide furia, Pol ininigha bua igiguturie. Ea, námanena unda dinunu inda dibeva rari-du ririe. Amindu, oreki indufako undava uriga adora mo, námane bee dodu umó itia bera-bera rora-da bee aná tambaita roravore.”
27859	ACT 24:22	Feliks seibe Iesu da yavero daiyagha eta uria-da gaga umó ningari-gea, númane kaifa egegari-du rea, eghá ririe, “Mene-mene ari kakato da beforo righari Lisias Jerusalem reta furá eve bubadua mo, aghade inda koto aita riore.”
27928	ACT 27:5	Avoreta, Silisia Frovensi kotú Pamfilia Frovensi serigea arera, Maira bogu naa Lisia Frovensi avo teteruguturere.
27931	ACT 27:8	Aghá sufieta, námane fakara bee tafirota yaya diva arera, esuru eini ragaro Fafo Binono reta rousua anava tetereguturere. Aná esuruvareta bogu naa, ragaro Lesia, jo airo bee irambi re.
27940	ACT 27:17	Aghá ea, rourogo ghaa yavatami dea bejauve-degea, buro ari enembomi aná ghaa erimi rafiturie. Kotú rourogo Libia Frovensi da enda mangosa diva sumbua vitauve-degea, oru egeguturia-du sere eghovea dotuturieta, ghaa tefo sivia arie.
27998	ACT 28:31	Aghá urota, númane daiyagha-daiyagha God da natofo egegasua, kotú Jojabee Iesu Keriso umó avouvi, enembo avodu jo oru ambi, minono reta urie. Aghade avona umó jo buregambi eta urie. Avore, anda gaga tano evere. Amó Luk re.
28425	ROM 16:21	Timoti angá buro eta rora-mi, nímane ghanena rouvieta, yata bua gigige! Kotú anda natofo Jiusi enembo namonde vitere, Lusius, Jeson kotú Sosopater na nímane dano ghanena rousue.
29562	COL 2:1	Amó daiyagha nímane nanjogodu, Leodisea enembodu, kotú ikoko mendi, ariri gharovu nanjogo amó dibe mokómi jo gambi vitia enembodu ano utaita buro urota vitera-nu, tanana egegadi rere.
29622	COL 4:13	Unda nímane sonembaita rea, buro eta rouvia-nu andufa gerurota, gaa bee rere. Nímane Kolosi enembo sonembaita rea, buro fakara eta rouvie. Aghade Laodisia enembode Hierofolis enembode beago sonembaita rirota, buro fakara eta rouvie.
29623	COL 4:14	Eini mo, námanda neno buta rora ingi embó Luk ungá Demas gha beago nímane ghanena rousue. Yata bua gigige!
29624	COL 4:15	Atá namonde anda Laodisia avo desea vitia ikoko mendi, ariri gharovu ghanena rosoreta, rege niningigoe! Nimfa, kotú unda kambova totorugea, benunu egegeta rousua ikoko mendi, ariri gharovu beago, ghanena rosoreta, rege niningigoe!
29625	COL 4:16	Avore, ená ingiso irugea gigigadora mo, utu, rekimbea yata, Iesu gaabee egegeta rousua enembo, Laodisia avo irugoe! Kotú Laodisia enembomi rura ingiso eini, nímandava furaita rouvia-nu bua irugadi rere.
29881	2TI 1:5	Oreki anda rei-nundubutara-va inda avia, Lois dava gaabee ari jojabe vitirie, kotú nie Yunis dava aghá vitirie. Kotú amó tanana rore, gaabee ari jojabe dabako aghagomi imó Jojabee gaabee eta roravore.
29930	2TI 3:10	Atá imó angá deĩ urota, anda irugari, anda irari, kotú amó bee dodu buro eta urera, aná gerureravore. Amó durumugea itatama urota, anda gaabee urera, kotú anda neno bari daiyagha urera, aná imó gari re. Dabako aghagonu, gitofo andú bouvu kotú mema ututueta, itatama urota jo oru ea damé-damé ambi riara, aná imó gari re. Naa Antiok, Aikoniam kotú Listra anava gitofomi andava daiyagha uria, aná imó gari re. Mema kotú bouvu jojabe itatama eta urere-tago, Jojabee na sonembeaveta jebugeta urere.
29948	2TI 4:11	Aghá egegutata, Luk angá anukako vitere. Amindu Mak unumbea bua, ingá fufuge. Anada bee mo, umó buroda gorotova sonembari inono re.
29958	2TI 4:21	Avore, marabe October anava yavata tutuno ea sumbuta rouvie. Amindu rea, anada dibe kena fu, andava bubadi! Avore, Yubulus, Pudens, Linus kotú Klodia de ikoko mendi, ariri gharovu nanjogo eve vitia-de dano, imó ghanena bee rousueta, yata bua gi!
30029	PHM 1:24	Kotú, Mak, Aristarkus, Demas, Luk namonde buro egeguturera, númane beago, imó ghanena rousueta! Yata bua gi!
30136	HEB 7:5	Reisi-gerora? God da Agho Dariva jiriturota, abua Levi undi dumeni fristi ea vitia-mi namonde anda gugua-ghayafa dibe ingo ungagha fugeta rosora-da dibe eini God da ragarova bubugeta rousue. Namonde Levi undide namonde amode dano Abraham da mambube re-tago, namonde andava aghá egegeta rousue.
30137	HEB 7:6	Avotago, Melkisedek jo Levi undi irambi re. Tago, umó God da ragarova Abraham dava gugua-ghayafa dibe eini rururie. Gaa bee re, God Abraham dava sonemba utaita rirota, be gajituria-du namonde amó Abraham embó jojabe gaa regegeta rosore. Unona Melkisedek ea simbugasue-tago, Melkisedek na Abraham ea simbuguturie. Amindu, ananu nundubea gigige!
30140	HEB 7:9	Kotú eghá rasira mo, ená beago gaa bee asue: namonde anda fristi mane Levi undi oreki vitia, númane beago Melkisedek da tuva re. Anada bee mo, namonde amó oreki dibe dabako God du ututurota, Levi undida ingova ututa rosora-da mambube Levi jo sirorambi iria feferava, Melkisedek Abraham tafirie. Mambube Abraham God du dibe dabako Melkisedek dava ututuria mo, aná eto-bato Levi numambube Abraham da tamova irirota, numambubede dano ututuria, aghago re.
30142	HEB 7:11	Levi undi fristi* maneda buro daiyagha egegasua-nu nundubuturota, God na ririeta, Moses umó Agho Dari gefirieta, namonde anda mambube mane bubuguturie. Tago gigige! Levi undi buromi enemboda neno roo inono asua mo, God jo Levi da mambube Aron da abua doa, abua einidava fristi reka, Melkisedek aghagonu jo gategambi asue.
30147	HEB 7:16	Iesu na jo Agho Dari seida ambo-ambo urota, Levi undida rova sirorea, fristi ambi re-tago, unda jebuga tumanadu iraita rouvia-da anomi, umó fristi urie.
30574	2PE 2:7	O Lot nundubea gigige! Lot umó embó taubana re. Tago, umó bogu naa Sodom anava irirota, ari-bari akokogo donu eta egeguturia-nu gerurota, kotú númanda gaga sembago niningurota, neno mema jojabe urie. Aghá ueta, God na sonembuturieta umó sei seriguturieta, ambova ivarimi aná bogu naa evirie.
30776	REV 1:11	Niningueta, eghá rita, “Imó doreta rei-gerora, aná bukava gembua utu, ekaresia* bogu naa ingo yoveni yoveniva ungagha vitia dava yae! Aná bogu naa mane rera, Efesus, Smerna, Pergamas, Taiyataira, Sardis, Filadelfia kotú Laodisia dedava utadi yae!”
30828	REV 3:14	Anada ambova, Iesu rekago andú eghá rita, “Laodisia desea vitia ekaresiada* aneradu ená gaganu gembua utu, yae! God da be gajari nanjogo, kotú God da Gaga nanjogoda bee isagha ea vitia, aná amó re. Kotú eini-eini nanjogo God da uubu urieta siroruturia-da ruru, aná amó re. Anona nímandu rereta, niningige!
30885	REV 7:7	Simeon undida enembo dano 12,000 re, Levi undida enembo dano 12,000 re, Isakar undida enembo dano 12,000 re.