19	GEN 1:19	Wehön 4:ŋi teköiga miri kunbuk söŋauba giaŋiyök.
23	GEN 1:23	Keu mewö jiiga wehön 5:ŋi teköiga miri kunbuk söŋauba giaŋiyök.
31	GEN 1:31	Asuhuiga Anutunöŋ yuai pakpak miwikŋaiyöhi, mi ehiga mönö ölöp kötökŋi aiga urusösöŋgai mörök. Wehön 6:ŋi teköiga miri kunbuk söŋauba giaŋiyök. Mewö.
33	GEN 2:2	Anutunöŋ nupŋi mi mei teköiga wehön 7 miaŋgöreŋ kendon tarök. Nupŋi pakpak meyöhaŋgöra wehön 7 miaŋgöreŋ luhut meyök.
34	GEN 2:3	Miwimiwikŋai nupŋi pakpak meyöhaŋgöra aka wehön miaŋgöreŋ luhut meyök. Miaŋgöra wehön 7:ŋi mi kendon jiba kötuetköba jim kömbuhiyök. Mewö.
41	GEN 2:10	Ip mewö wahötketka o töwatŋi kun mi Edenök könahiba oyaeŋkoyaeŋ miri mem kelita miaŋgöreŋök eta jula o böröŋi töwatŋi 4 aka anget.
44	GEN 2:13	O böröŋi töwatŋi jaŋgö 2 miaŋgö qetŋi Gihon. Mi (Mesopotemiagö) gölme qetŋi Kus mi körek liliköba ahöba anja.
45	GEN 2:14	O böröŋi töwatŋi karöbutŋi qetŋi Taigris. Mi Asiria gölme wösöŋe wehön kotkotŋe göröken geba anja. O böröŋi töwatŋi jaŋgö 4 miaŋgö qetŋi mi Yufreitis.
95	GEN 4:15	Mewö jiyökmö, Kembunöŋ kewö jii mörök: “Mewö qahö. Kunŋan Kein qei kömuma ewö, miaŋgö likepŋi mönö yaŋgö qakŋe öŋgöiga ambemŋi 7 akŋa. “Mewö jiba kunŋan Kein miwikŋaiba i qei kömumbapuköra sileŋe aiwesök kulem kun alök.
104	GEN 4:24	Kunŋan Kein qeiga likepŋi yaŋgö qakŋe öŋgöiga ambemŋi 7 akŋapmö, kunŋan Lamek ni nuŋguiga miaŋgö likepŋi mönö yaŋgö qakŋe öŋgöiga ambemŋi 77 akŋa. “Mewö.
109	GEN 5:3	Adamnöŋ mala yambuŋi 130 aiga nahönŋi kun asuhuyök. Mi Adam nanŋi kaisoŋgolomŋi aka tandökŋaŋgö dop maliga qetŋi Set qerök.
110	GEN 5:4	Set asuhuiga nalö miaŋgöreŋök Adamnöŋ toroqeba yambu 800 mala mala maliga nalö sutŋe miaŋgöreŋ nahönböratŋi tosatŋi asuhuba öŋgöget.
111	GEN 5:5	Adamnöŋ mewö mala öŋgöba yambuŋi mindiriba 930 meköba kömuyök.
112	GEN 5:6	Kömuiga nahönŋi Set yaŋön yambuŋi 105 aiga nahönŋi Enos asuhuyök.
113	GEN 5:7	Enos asuhuiga nalö miaŋgöreŋök Setnöŋ toroqeba yambu 807 mala mala maliga nalö sutŋe miaŋgöreŋ nahönböratŋi tosatŋi asuhuba öŋgöget.
114	GEN 5:8	Öŋgögetka Setnöŋ mala mala öŋgöba yambuŋi mindiriba 912 meköba kömuyök.
115	GEN 5:9	Kömuiga nahönŋi Enos yaŋön yambuŋi 90 aiga nahönŋi Kenan asuhuyök.
116	GEN 5:10	Kenanöŋ asuhuiga nalö miaŋgöreŋök Enosnöŋ toroqeba yambu 815 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
117	GEN 5:11	Öŋgögetka Enosnöŋ mala mala öŋgöba yambuŋi mindiriba 905 meköba kömuyök.
118	GEN 5:12	Kömuiga nahönŋi Kenan yaŋön yambuŋi 70 aiga nahönŋi Mahalalel asuhuyök.
119	GEN 5:13	Mahalalel asuhuiga nalö miaŋgöreŋök Kenanöŋ toroqeba yambu 840 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
120	GEN 5:14	Öŋgögetka Kenanöŋ mala mala öŋgöba yambuŋi mindiriba 910 meköba kömuyök.
121	GEN 5:15	Kömuiga nahönŋi Mahalalel yaŋön yambuŋi 65 aiga nahönŋi Jared asuhuyök.
122	GEN 5:16	Jared asuhuiga nalö miaŋgöreŋök Mahalalelnöŋ toroqeba yambu 830 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
123	GEN 5:17	Öŋgögetka Mahalalelnöŋ mala mal öŋgöba yambuŋi mindiriba 895 meköba kömuyök.
124	GEN 5:18	Kömuiga nahönŋi Jared yaŋön yambuŋi 162 aiga nahönŋi Enok asuhuyök.
125	GEN 5:19	Enok asuhuiga nalö miaŋgöreŋök Jarednöŋ toroqeba yambu 800 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
126	GEN 5:20	Öŋgögetka Jarednöŋ mala mala mal öŋgöba yambuŋi mindiriba 962 meköba kömuyök.
127	GEN 5:21	Kömuiga nahönŋi Enok yaŋön yambuŋi 65 aiga nahönŋi Metusela asuhuyök.
128	GEN 5:22	Metusela asuhuiga nalö miaŋgöreŋök Enoknöŋ yambu 300:gö dop uruŋi Anutubuk jöhöba anda kaba maliga nalö sutŋe miaŋgöreŋ nahönböratŋi tosatŋi asuhuba öŋgöget.
129	GEN 5:23	Öŋgögetka Enoknöŋ mala mal öŋgöba yambuŋi mindiriba 365 meköyök.
131	GEN 5:25	Atatop köliga nahönŋi Metusela yaŋön yambuŋi 187 aiga nahönŋi Lamek asuhuyök.
132	GEN 5:26	Asuhuiga nalö miaŋgöreŋök Metuselanöŋ toroqeba yambu 782 mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
133	GEN 5:27	Öŋgögetka Metuselanöŋ mala mala mal öŋgöba yambuŋi mindiriba 969 meköba kömuyök.
134	GEN 5:28	Kömuiga nahönŋi Lameknöŋ yambuŋi 182 aiga nahönŋi kun asuhuyök.
136	GEN 5:30	Noa asuhuiga nalö miaŋgöreŋök Lameknöŋ toroqeba yambuŋi 595 aiga nalö sutŋe miaŋgöreŋ nahönböratŋi tosatŋi asuhuba öŋgöget.
137	GEN 5:31	Öŋgögetka Lameknöŋ mala mala mal öŋgöba yambuŋi mindiriba 777 meköba kömuyök.
138	GEN 5:32	Lameknöŋ kömuiga nahönŋi Noa yaŋön yambuŋi 500 aiga nahönurupŋi karöbut qetŋini Sem, Ham aka Jafet asuhuget. Mewö.
141	GEN 6:3	Mewö aketka nalö miaŋgöreŋ Kembunöŋ keu kewö jiyök: “Gölme ambazipnöŋ silebuk nalö teteköŋi qahö mal öŋgömemö, yeŋön mönö kömume. Areŋini mewö al eŋgizal. Nalö kewöŋeyök könahiba malmalŋini mönö yambu 120 jaŋgö mi qahö oŋgita mal öŋgöme.”
153	GEN 6:15	Waŋge mi kewö meman: köröpŋamŋi 133 mita (450 fit), andipŋi 22 mita (75 fit) aka köŋgepŋi 13 mita (45 fit) mewö meman.
154	GEN 6:16	Boŋi muhungöba sel aka bo sutŋire liliköba jeŋgenaŋ tiŋi 44 sentimita (18 ins) mi mosöta kötohoman. Waŋgegö uruŋi mösöŋnöŋga uruŋi qakŋi, kembaŋi aka dutŋi karöbut asuhume. Waŋge naŋguŋi mi namŋe alman.
162	GEN 7:2	Sömbup neneŋi, dönqizizinŋini qahö mi pakpak yeŋgöreŋök sewen sewen, aziŋi 7 aka ambiŋi 7 dopdop eŋgömenöŋga göhöreŋ kaŋgotme. Mewöyök sömbup dönqizizinŋinambuk pakpak yeŋgöreŋök yahöt yahöt aziŋi aka ambiŋi mewö eŋgömenöŋga göhöreŋ kaŋgotme.
163	GEN 7:3	Toroqeba nei könaŋi könaŋi pakpak yeŋgöreŋök mewöyök sewen sewen, aziŋi 7 aka ambiŋi 7 mi eŋguaŋgitnöŋga göbuk waŋgenöŋ öŋgöme. Mewö aknöŋga sömbup aka nei tandökŋini könaŋi könaŋi pakpak mi kude qahöwakŋemö, toroqeba gölmenöŋ ahumsehip aka malme.
164	GEN 7:4	Öŋgögetka wehön 7 teköiga jim kutubiga kie römbum ketaŋan mönö gölmenöŋ eta yöhöiga suŋgem silim 40:gö dop toroqeba yöhöm teköma. Mewö yöhöiga yuai isikusukŋinambuk pakpak miwikŋaim eŋgiali, mi mönö mohotŋe jim teköbiga gölmenöhök qahöwakŋe.”
166	GEN 7:6	Mewö mia aka meiga yambuŋi 600 aiga göulu ketaŋan gölme qakŋe kaŋgorök.
170	GEN 7:10	Mewö asuhuiga wehön 7:göra jiyöhi, mi teköiga göulu ketaŋan gölme qakŋe kaŋgorök.
171	GEN 7:11	Noanöŋ yambuŋi 600 aiga yambu miaŋgö köiŋi 2 miaŋgö wehönŋi jaŋgö 17 silim miaŋgöreŋ o jeŋi pakpak, o diginŋinambuk mieŋgö namŋini pakpak mi emuyök qariba qariba kotket. Mewöyök euyaŋgöreŋ könakembagö oŋi oŋi mieŋgö numbuŋini mi aŋaŋiget.
172	GEN 7:12	Kie römbum ketaŋi mi gölmenöŋ eta yöhöba yöhöba suŋgem silim 40:gö dop ahöyök.
175	GEN 7:15	Anutunöŋ yuai pakpak malmalgö ösumŋinambuk miwikŋaim eŋgiyöhi, mieŋgöreŋök yahöt yahöt (2-2) mi Noagöreŋ kaŋgota waŋgenöŋ öŋgöm teköget.
177	GEN 7:17	Naŋguŋi köliga miaŋgöreŋök göulu ketaŋan könahiba suŋgem asak 40:gö dop toroqeba gölmenöŋ kaŋgoriga o yeŋön qariba qariba gölme köl turuba öŋgöba waŋge gölmenöhök koaŋgetka wahöta öŋgöyök.
180	GEN 7:20	Musulumgöm eŋgiba öŋgöba öŋgöba kunduŋi bohonŋi bohonŋi mi köl turuba 8 mita (25 fit) miaŋgö dop eŋgoŋgita ahöyök.
184	GEN 7:24	O göulu miaŋön gölme köl turuba qahö öröba geyökmö, wehön 150:gö dop ahöyök.
185	GEN 8:1	Wehön 150 mi teköiga miaŋgöreŋ Anutunöŋ Noagö aka arökŋaŋgö mirigö sömbupŋi aka yuai pakpak yambuk waŋgenöŋ malgeri, mi mötmörim eŋgiba luhut ketaŋi röja aliga gölme qakŋe qeiga onöŋ könahiba öröba erök.
187	GEN 8:3	Qahö eriga o ketaŋan könahiba gölme qakŋe ahöahöŋeyök liliŋgöba öröba eta geyök. Wehön 150:gö dop o mieŋön öröba eta geba ahöget.
188	GEN 8:4	Mewö ahögetka waŋgenöŋ köiŋ 7 miaŋgö silimŋi 17 miaŋgöreŋ kunduŋi qetŋi Ararat miaŋgö bohonŋi kunöŋ mekötahöba köhöiba tarök.
189	GEN 8:5	Miaŋgöreŋ tariga o miaŋön toroqeba öröba eta eta anök. Anda köiŋ 10 miaŋgö silimŋi mutukŋi miaŋgöreŋ kunduŋi mieŋgö bohonŋini mi aukŋe asuhum tiŋgitket.
190	GEN 8:6	Tiŋgitketka wehön 40 teköiga Noanöŋ waŋgegö jeŋgenaŋi mutuk memeŋi mi metalök.
194	GEN 8:10	Öŋgöiga wehön 7:gö dop toroqeba mamböt mala miaŋgöreŋ kembö mi kunbuk waŋgenöhök melaiiga anök.
196	GEN 8:12	Mi möt asariba kunbuk wehön 7:gö dop mamböta kinda kembö mi kunbuk melaiiga bölbölgöba anök. Anökmö, nalö miaŋgöreŋ mi yaŋgöreŋ kunbuk qahö liliŋgöba kayök.
197	GEN 8:13	Noagö malmal yambuŋi 601 miaŋgö köiŋ mutukŋaŋgö silimŋi mutukŋi miaŋgöreŋ onöŋ gölme qakŋe jöpköba öröniba ahöyök. Mewö aiga Noanöŋ waŋgegö boŋi mei aniga kewö uba ehök: Gölme qakŋan mönö öröniba ahöyök.
198	GEN 8:14	Mi ehi kunbuk öröniba köiŋ yahötŋaŋgö silimŋi 27 miaŋgöreŋ örönim teköba ahöyök.
234	GEN 9:28	Göulu ketaŋan teköiga Noanöŋ toroqeba (yara) yambu 350:gö dop mal öŋgöyök.
235	GEN 9:29	Malmalŋaŋgö yambuŋi mi mindiriba 950 miaŋgö dop mala kota kömuyök. Mewö.
245	GEN 10:10	Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.
277	GEN 11:10	Semgö gwölönarökurup yeŋgö qet areŋini ki. Göulu andöŋe yambu yahöt teköiga Semnöŋ yambuŋi 100 aiga nalö miaŋgöreŋ nahönŋi Arfaksad asuhuyök.
278	GEN 11:11	Arfaksadnöŋ asuhuiga miaŋgö andöŋe Semnöŋ toroqeba yambu 500 maliga nalö sutŋe miaŋgöreŋ nahönböraturupŋi tosatŋi asuhuget.
279	GEN 11:12	Arfaksadnöŋ yambuŋi 35 aiga nahönŋi Sela asuhuyök.
280	GEN 11:13	Selanöŋ asuhuiga miaŋgö andöŋe Arfaksadnöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
281	GEN 11:14	Selanöŋ yambuŋi 30 aiga nahönŋi Eber asuhuyök.
282	GEN 11:15	Ebernöŋ asuhuiga miaŋgö andöŋe Selanöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
283	GEN 11:16	Ebernöŋ yambuŋi 34 aiga nahönŋi Peleg asuhuyök.
284	GEN 11:17	Pelegnöŋ asuhuiga miaŋgö andöŋe Ebernöŋ toroqeba yambu 430 maliga nalö sutŋe miaŋgöreŋ nahönböraturupŋi tosatŋi asuhuget.
285	GEN 11:18	Pelegnöŋ yambuŋi 30 aiga nahönŋi Reu asuhuyök.
286	GEN 11:19	Reunöŋ asuhuiga miaŋgö andöŋe Pelegnöŋ toroqeba yambu 209 maliga nalö sutŋe miaŋgöreŋ nahönböraturupŋi tosatŋi asuhuget.
287	GEN 11:20	Reunöŋ yambuŋi 32 aiga nahönŋi Serug asuhuyök.
288	GEN 11:21	Serugnöŋ asuhuiga miaŋgö andöŋe Reunöŋ toroqeba yambu 207 maliga nalö sutŋe miaŋgöreŋ nahönböraturupŋi tosatŋi asuhuget.
289	GEN 11:22	Serugnöŋ yambuŋi 30 aiga nahönŋi Nahor asuhuyök.
290	GEN 11:23	Nahornöŋ asuhuiga miaŋgö andöŋe Serugnöŋ toroqeba yambu 200 maliga nalö sutŋe miaŋgöreŋ nahönböraturupŋi tosatŋi asuhuget.
291	GEN 11:24	Nahornöŋ yambuŋi 29 aiga nahönŋi Tera asuhuyök.
292	GEN 11:25	Teranöŋ asuhuiga miaŋgö andöŋe Nahornöŋ toroqeba yambu 119 maliga nalö sutŋe miaŋgöreŋ nahönböraturupŋi tosatŋi asuhuget.
293	GEN 11:26	Teranöŋ yambuŋi 70 aiga nahönŋi Abram, Nahor aka Haran asuhuget.
299	GEN 11:32	Tatketka Teranöŋ yambuŋi 205 aiga Haran miri miaŋgöreŋ tata kömuyök. Mewö.
303	GEN 12:4	Mewö jiiga Abramnöŋ Kembunöŋ jiyöhaŋgö dop Haran miri mosöta aniga Lotnöŋ yambuk anohot. Abramnöŋ yambuŋi 75 aiga miaŋgöreŋ Haran miri mosöta anök.
341	GEN 14:4	Yeŋön yambu 12:gö dop Kedorlaomergö jimkutukutu bapŋe mala kota yambu 13 miaŋgöreŋ yaŋgö keu bapŋe anbingö qetala karim aka yarö gilget.
342	GEN 14:5	Mewö aketka yambu 14 miaŋgöreŋ Kedorlaomer aka kiŋ tosatŋi yambuk jöhöjöhö aka malgeri, mieŋön kaba könagesö kewöŋi yembuk bim qeba luhut alget: Refa könagesö mi Asterot Karnaim mire eŋguba luhut alget. Zuzi könagesö mi Ham mire aka Eme könagesö mi Kiriataim miri miaŋgöreŋ eŋguba luhut alget.
346	GEN 14:9	Elamgö kiŋi Kedorlaomer, Goimgö kiŋi Tidal, Babilongö (Sinargö) kiŋi Amrafel aka Elasargö kiŋi Ariok. Kiŋ 4 mieŋön kiŋ 5 yembuk aröŋget.
348	GEN 14:11	Öŋgögetka kiŋ 4 mieŋön Sodom aka Gomora anda sukinapŋini aka numbu neneŋini pakpak mi kiom köla memba tököba anget.
351	GEN 14:14	Abramnöŋ behötŋi Lot waŋgita angeri, miaŋgö keuŋi möta aziurupŋi 318 nanŋi mire asuhuba mötmöt möta bimqeqe köl guliba malgeri, mi eŋgohol tokoba kerök kambu eŋguataŋgöba Not göröken anda mala Dan mire aŋgotket.
357	GEN 14:20	Anutu öŋgöŋgöŋan kerökurupki göhö böröge al eŋgiyöhi, mönö i möpöseizin. “Mewö jiiga Abramnöŋ öröyuaiŋi pakpak mendeŋniga kambu ten asuhuiga mieŋgöreŋök mohot mohot (10%) memba naluha waŋgiyök.
374	GEN 15:13	Turum waŋgiiga Kembunöŋ kewö jii mörök, “Keu ki mönö ölŋa mötman: Göhö gwölönarökurupkan mönö nanŋini gölmeŋini mosöta kantri kunöŋ anda kiana mala mal öŋgöme. Mewö mala yeŋgö welenqeqeurupŋini omaŋi aketka i yambu 400:gö dop tulumgöm eŋgiba malme.
376	GEN 15:15	Nöŋön Amor könagesö mi gölme kiaŋgöreŋ zilaŋ qahö eŋguataŋgömam. Mutuk siŋgisöndokŋi siŋgisöndokŋi aka bölimqölim tekögetka likepŋi törörök meleŋ eŋgimamaŋgö nalöŋan akŋawi, nalö miaŋgöreŋ mönö i eŋguataŋgömam. Miaŋgöra göhö isiurupki yeŋgö isiurupŋinan asuhuba malmei, nalö miaŋgöreŋ göhö gwölönarökurupkan mönö liliŋgöba ki kame. (15) Yeŋön mewö kamemö, nangak mutuk yambugahö nalöŋi ölöm kömuiga luainöŋ iwiasaurupki yeŋgöreŋ anöŋga löm köl gihime.”
385	GEN 16:3	Abramnöŋ Keinan gölmenöŋ yambu 10 mal teköiga nalö miaŋgöreŋ Sarai Abramgö anömŋan Ijiptkö welen ambiŋi Hagar memba apŋaŋgö anömŋi akŋapköra waŋgiyök.
398	GEN 16:16	Abramnöŋ yambuŋi 86 aiga Hagarnöŋ Ismael morö mi Abramgöra meyök. Mewö.
399	GEN 17:1	Abramnöŋ yambuŋi 99 aiga Kembunöŋ asuhum waŋgiba keu kewö jiyök: “Nöŋön Anutu kukösum pakpakö Toŋi akzal. Miaŋgöra gi mönö nöŋgö keuni tem köla pöndaŋ ahakmeme diŋdiŋi wuataŋgöba malman.
410	GEN 17:12	Nalö kewöŋeyök könahiba azi pakpak eŋgö sutŋine toroqeba asuhum öŋgömei, yeŋgö sileŋine mönö sömaŋini 8 aiga miaŋgöreŋ nöŋgö aiwesökni yandiba malme. Nanŋine miri uruŋe nanŋini aka welenqeqeurupŋini yeŋgöreŋ morönahönurupŋini asuhumei, mi mönö öröröŋ ak eŋgiba malme. Welenqeqe tosatŋi mi kian yeŋgöreŋök moneŋnöŋ bohonŋini megetka yeŋgö morö nahönŋini asuhume. Yeŋön nanŋini gwölönarökurupŋini qahö akzemö, mi töndup nöŋgö aiwesökni mi mönö yeŋgö sileŋine mewöŋanök yandiba malme.
415	GEN 17:17	Kembunöŋ mewö jiiga Abrahamnöŋ mi möta simin köla bamgöba uruŋan kewö mötmöriba miaŋgöra gön kölök, “Azi yambuni 100 akiga morö nahönan mönö denöwö asuhubawak? Mewöyök Saranöŋ yambuŋi 90 aiga mönö denöwö morö membawak?”
418	GEN 17:20	Ismael kötuetköm waŋgimamgö qesim niŋgizani, mi mewöyök ölöp möt gihiba kötuetköm waŋgimam. Yaŋön azi kembu 12 mieŋgö iwi bömönŋini akŋa. Nöŋön ahumsehip waŋgibiga gwölönarökurupŋi yeŋgö jaŋgöŋinan mönö keta bölökŋi akŋa. Yeŋön sehiba könagesö kambu ketaŋi akŋe.
422	GEN 17:24	Abrahamnöŋ yambuŋi 99 aiga sileŋe aiwesök mi yandiget.
423	GEN 17:25	Nahönŋi Ismael mi yambuŋi 13 aiga sileŋe mi yandiget.
449	GEN 18:24	Taon miaŋgöreŋ ambazip solanŋi 50 malje ewö, göŋön i ölŋa ayuhum eŋgimamgö jizan me? Taon mi yeŋgöra aka eŋgehoribanak me qahö?
451	GEN 18:26	Abrahamnöŋ mewö jiiga Kembunöŋ meleŋda kewö jiyök: “Nöŋön Sodom taonöŋ ambazip solanŋi 50 miwikŋaim eŋgimam ewö, yeŋgöra aka taon pakpak mi ölöp eŋgehorimam.”
453	GEN 18:28	Taon miaŋgöreŋ ambazip solanŋi 50 qahöpmö, 45 miyök malbeak ewö, göŋön ambazip 5 yeŋgöra aka taon pakpak mi töndup ayuhum eŋgiman me qahö?” Mewö jiiga Kembunöŋ kewö jiyök: “Nöŋön ambazip solanŋi 45 miaŋgöreŋ miwikŋaim eŋgimam ewö, taon mi mönö qahö ayuhumam.”
454	GEN 18:29	Abrahamnöŋ dumŋe kunbuk keu kewö jiyök: “Ambazip solanŋi 40 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip 40 yeŋgöra aka taon mi qahö ayuhumam.”
455	GEN 18:30	Mewö jiiga jiyök: “O Kembu, urugi öngöbapukmö, ni kunbuk keu jimamgö mötzal. Ambazip solanŋi 30 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip solanŋi 30 miaŋgöreŋ miwikŋaim eŋgimam ewö, nöŋön mönö taon mi qahö ayuhumam.”
456	GEN 18:31	Abrahamnöŋ toroqeba kewö jiyök: “Kembu, ni keu köhöikŋi Kembunaŋgöra kuŋguba jizal. Mi kude dop köljapmö, mi töndup ölöp möt niŋgiman. Ambazip solanŋi 20 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 20 yeŋgöra aka taon mi qahö ayuhumam.”
457	GEN 18:32	Mewö jiiga Abrahamnöŋ kunbuk kewö qesiyök: “O Kembu urugi öngöbapukmö, ni kunbuk sömaŋi mohot-töp ki keu jimamgö mötzal. Ambazip solanŋi 10 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 10 yeŋgöra aka taon mi qahö ayuhumam.”
512	GEN 20:16	Mewö jiba Saragöra kewö jiyök: “Mötnöŋ. Nöŋön moneŋ silwö köt 1000:gö dop nengi waŋgibiga miaŋön töwagi akza. Töwa miaŋön könaŋamgi kondeliga ambazip körek göbuk maljei, yeŋön mi eka kewö jiba möt yaköme, ‘Siŋgisöndokö keuŋi mi Saragöreŋ qahö ahöza.’” Mewö jiyök.
518	GEN 21:4	Qeriga Aisaknöŋ wehönŋi 8 aiga nalö miaŋgöreŋ Anutugö aiwesökŋi sileŋe yandiyök. Anutunöŋ keu jim kutui ahöyöhaŋgö dop mi yandiyök.
519	GEN 21:5	Abrahamnöŋ yambuŋi 100 aiga nahönŋi Aisak asuhuyök.
542	GEN 21:28	Mi ala Abrahamnöŋ lama kambuŋineyöhök lama ambiŋi moröŋi 7 meköm eŋgiba al eŋgii nanŋinök kinget.
543	GEN 21:29	Mewö kingetka Abimeleknöŋ Abraham kewö qesim waŋgiyök: “Lama ambiŋi moröŋi 7 kewöta endu al eŋginöŋga nanŋinök kinjei, mi könaŋi wuanöŋgöra?”
544	GEN 21:30	Qesim waŋgiiga kewö meleŋnök: “Nöŋön o lömŋi ki esiali, keu mi jibiga mi möt narizan ewö, lama moröŋi 7 ki mönö nöŋgö böröneyök buŋa qem aŋgunöŋga nöŋgö keunaŋgö dangunuŋi akŋa.”
571	GEN 22:23	Betuelnöŋ Rebekagö iwiŋa ahök. Milkanöŋ Abrahamgö munŋi Nahorgö nahönurupŋi 8 mi eŋgömeyök.
573	GEN 23:1	Saranöŋ mala mal öŋgöiga yambuŋi 127 ahök. Saranöŋ miaŋgö dop malök.
587	GEN 23:15	“O azi kembuni, nöŋgöreŋ keu ki mönö kezap ala mötnöŋ. Gölme miaŋgö bohonŋi mi 400 silwö kötŋi (50 kilogram). Ala-ala akziraŋgöra aka miaŋön mönö netkö sutnire yuai omaŋi akza. Miaŋgöra qamötki ölöp esim löm kölman.”
588	GEN 23:16	Mewö meleŋ waŋgiiga möta Abrahamnöŋ gölme bohonŋaŋgö jaŋgöŋi Efronöŋ Hit könagesö yeŋgö jeŋine jiiga mötkeri, miaŋgö urumohot ahök. Jaŋgöŋi silwö kötŋi 400 mi kölköl-örörö ambazipnöŋ nalö miaŋgöreŋ bohonŋaŋgö dopŋi jiget ahöyöhi, miaŋgö dop moneŋ mi kewöta waŋgiyök.
602	GEN 24:10	Mewö jim köhöiba kinda ketaŋamŋaŋgöreŋ kamel 10 aka yaŋgö köweŋeyök yuai aködamunŋinambuk könaŋi könaŋi mohotŋe meyök. Mi memba mosöta Not Mesopotemia (Aram Naharaim) kantrinöŋ anda Nahornöŋ taon malöhaŋgöreŋ aŋgorök.
614	GEN 24:22	Mewö mötmöriba kiniga kamel yeŋön o nem tekögetka welenqeqe jembonöŋ pinjim (möpöŋ) goulnöŋ memeŋi kun lömbötŋi 5 gram mi memba ambi seramgö söŋgöröŋe ala böröjeŋjeŋ goulnöŋ memeŋi yahöt lömbötŋiri 110 gram mi böröŋe mei öŋgöyök.
666	GEN 25:7	Abrahamnöŋ mala koriga yambuŋi mindiriba 175 aiga kömuyök.
675	GEN 25:16	Ismaelgö nahönurupŋan mewö asuhuba kambuŋinaŋgö dop pomŋini 12 aka mala kotket. Pomŋini qetkeri, miaŋgö dop opo koum tamböŋini aka jike miriŋini mewöyök qeta memba mala kotket.
676	GEN 25:17	Ismaelnöŋ mala koriga yambuŋi mindiriba 137 aiga kömuyök. Mewö azi namŋi aka söŋgörö ösum kondikŋi öröba nöŋ qeba kömuiga Anutunöŋ waŋgiri tinitosolomurupŋan kömugeri, yeŋgöreŋ anda toroqeyök.
679	GEN 25:20	Aisaknöŋ yambuŋi 40 aiga Mesopotemia (Padan Aram) kantrigö Aram azi qetŋi Betuel yaŋgö böratŋi Rebeka anömŋa meyök. Rebekagö nenŋi mi Aram azi qetŋi Laban.
685	GEN 25:26	Miaŋgö könaŋe munŋan Isogö köna gwakötŋe böröŋan memba asuhuyök. Miaŋgöra yaŋgö qetŋi Jeikob qetket. (Jeikob keu miaŋgö könaŋi yahöt: gwaköt aka tilipköza.) Aisaknöŋ yambuŋi 60 aiga nalö miaŋgöreŋ Rebekanöŋ moröyahötŋi yahöt mi etkömeyök. Mewö.
705	GEN 26:12	Aisaknöŋ gölme miaŋgöreŋ nene nup köl kömöriga Kembunöŋ kötuetköm waŋgiiga yambu miaŋgöreŋ kötŋi kömöri, mi 100:kö dop sehiba asuhuyök.
727	GEN 26:34	Isonöŋ yambuŋi 40 aiga Hit ambi yahöt anömyahötŋa etkömeyök. Qetŋiri Judit, iwiŋi qetŋi Beri aka Basemat, iwiŋi qetŋi Elon.
796	GEN 28:22	Köt ki memba wahöta jabö ewö mötök kuŋguzali, miaŋön mönö göhö tatat dundumgi ahöiga yuai pakpak tököm niŋgiba malmani, nöŋön mi ölŋa mendeŋbiga kambu 10 aketka mieŋgöreŋök mohok mohok memba kalema gihiba malmam. “Mewö.
814	GEN 29:18	Jeikobkö urusihimŋi mi Reizölgöreŋ ahöyöhaŋgöra aka keu kewö jiyök: “Nöŋön böratki könaŋgepŋi Reizöl memamgöra ölöp yambu 7 welen qem gihiba malmam.”
816	GEN 29:20	Mewö jiiga Reizöl memamgöra yambu 7 welen qem waŋgiba malök. Urusihimŋan Reizölgöra ahöhaŋgöra aka yambu mieŋgö möriga wehön awamŋi tandök ahök. Mewö.
817	GEN 29:21	Yambu 7 teköiga Jeikobnöŋ ehonŋi Laban kewö jii mörök: “Nöŋgö nup meme nalönan lök teközawaŋgöra ölöp anömni Reizöl niŋginöŋga yambuk ahöba malmam.”
823	GEN 29:27	Miaŋgöra ölöp maren sösöŋgai mi Leabuk sonda mohotkö dop mal söŋgainöŋ teköiga munŋi mewöyök gihimam. I memangöra mönö mewöyök yambu 7 toroqeba welen qem niŋgiba malman.”
826	GEN 29:30	Jeikobnöŋ Reizöl i mewöyök anömŋa meyök. Urusihimŋan Reizölgöra ahöyöhaŋgöra aka Reizöl mi Lea oŋgita jöpaköm waŋgiba malök. Miaŋgöra yambu 7 toroqeba Laban welenŋi qem waŋgiba malök. Mewö.
848	GEN 30:17	Yambuk ahöyohotka Anutunöŋ Leagöreŋ keu köulukŋi möriga gölöm ala Jeikobkö nahönŋi 5:ŋi meyök.
850	GEN 30:19	Miaŋgö andöŋe Leanöŋ kunbuk gölöm ala Jeikobkö nahönŋi 6:ŋi meyök.
851	GEN 30:20	Mi memba keu kewö jiyök: “Anutunöŋ kalem qetpuk niŋgiza. Apni Jeikobkö nahönurupŋi 6 mealaŋgöra yaŋön mönö pöndaŋ nömbuk mala qetbuŋa niŋgiba malma. “Mewö jiba miaŋgö dop morö qetŋi Zebulun qerök. (Zebulun qetbuŋa)
881	GEN 31:7	“Mewö malalmö, yaŋön isimkakalek qakŋe ak niŋgiba mala nupnaŋgö töwaŋi mi sömaŋi 10:gö dop utekutek ala malök. Mewö ak niŋgiba malökmö, Kembunöŋ aŋgön köl waŋgiiga geŋmororoŋ kun qahö ak niŋgiiga malal.
897	GEN 31:23	Mi möta wahöta tinitosolom aziurupŋi eŋgömemba wehön 7:gö dop eŋguataŋgöba anda mala Gilead gölme kunduŋambuk miaŋgöreŋ miwikŋaiba eŋgömeget.
912	GEN 31:38	“Nöŋön göbuk lök yambu 20 mala koral. Nalö miaŋgö uruŋe nupki membiga göhöreŋ lama aka meme (noniŋ) yeŋön morö membingö pömsöm qahö qegetmö, ölöpŋanök ahumsehip aka malget. Mewöyök lama aziŋi kun göhö sömbup kambunöhök qahö qem neal.
915	GEN 31:41	Yambu 20:gö dop mewö göhö mire mala kotpi teköza. Yambu 14 mi böratyahötki etkömemamgöra welen qem gihiba malal. Miaŋgö andöŋe yambu 6 mi lama bulmakau miwikŋaimamgöra göhöreŋ nup memba malal. Mewö malalmö, göŋön nup memegö töwani mi sömaŋi 10:gö dop utekutek ala malnöŋ.
935	GEN 32:7	Mewö jim kutum eŋgiiga anda liliŋgöba kaba kewö jigetka mörök: “Nini datki Isogöreŋ anin. Yaŋön mönö aziurupŋi 400 eŋgömemba könanöŋ kaba göbuk aitoŋgöbingö jöjöröba malje.”
943	GEN 32:15	Meme (noniŋ) ambiŋi 200, aziŋi 20, lama ambiŋi 200, aziŋi 20,
944	GEN 32:16	kamel 30 moröurupŋini juzunöŋ, bulmakau ambiŋi 40, aziŋi 10, doŋki ambiŋi 20, aziŋi 10.
948	GEN 32:20	Mewö jim kutum waŋgiba sömbup kambu 2:ŋi, kambu 3:ŋi aka sömbup kambu tosatŋi pakpak yeŋgö galömŋini andöŋine kageri, i mewöyök jim kutum eŋgiiga kewö mötket: “Iŋini datni Iso miwikŋaimei, mönö keu tandökŋi miyök jigetka mötma.”
951	GEN 32:23	Suŋgem miaŋgöreŋ Jeikobnöŋ wahöta anömyahötŋi, welen ambiyahötŋi aka morönahönurupŋi 11 mi eŋguaŋgiriga anda Jabok o sakŋi qöleqöleleiŋi kutubingö aket.
962	GEN 33:1	Jeikobnöŋ jeŋi uba wahöta Isonöŋ aziurupŋi 400 yembuk mohotŋe könanöŋ kageri, mi eŋgehök. Miaŋgöra nahönböraturupŋi mendeŋ eŋgiba Lea, Reizöl aka welen ambiyahötŋi yeŋgö böröŋine al eŋgiyök.
964	GEN 33:3	Saiwaŋi mewö areŋgöm eŋgiba nanŋak yeŋgö wösöŋine mutuk anda simin köla gölmenöŋ bamgöba wahöriga indimŋi 7 aiga anda datŋaŋgö jemesoholŋe aŋgorök.
980	GEN 33:19	Opo seri koumŋi gölme köröŋe kuŋguyöhi, yaŋön gölme kitipŋi mi Sekemgö iwiŋi Hamor yaŋgö nahönurupŋi yeŋgöreŋök silwö kötŋi 100 miaŋön bohonŋi meyök.
1006	GEN 34:25	Yandim tekögetka wehön 3:ŋi aiga miaŋgöreŋ uziŋinaŋgö sihimbölöŋi mi tok toroqeba möta tatketka Jeikobkö nahönŋi yahöt Simeon aka Liwai, Dainagö nenyahötŋi yetkön bimgö souŋiri ketaŋi memba taon miaŋgöreŋ saŋgabaŋga anda tihitŋini qahö möta tatketka wölaŋ bim qeba azi pakpak qaurapaŋ eŋguyohotka kömum teköget.
1035	GEN 35:23	Jeikobkö nahönurupŋi 12 mi kewö: Leagö nahönurupŋi Ruben mi Jeikobkö nahönŋi mutukŋi. Yaŋgö andöŋe Simeon, Liwai, Juda, Isakar aka Sebulun.
1040	GEN 35:28	Iwiŋi Aisakö malmal nalöŋi mi yambu 180 aiga kömuyök.
1047	GEN 36:6	Jeikob aka Iso yetköreŋ mirigö sömbup kambuŋi kambuŋi gwötpuk ahögeraŋgöra gölme kiana malohori, miaŋön qahö dop kölök. Sukinapŋiran keta bölökŋi aiga mohotŋe tata malbingö osiget. (6) Miaŋgöra Isonöŋ anömurupŋi, nahönböraturupŋi aka könagesöurupŋi pakpak yaŋgö mire malgeri, mi eŋguaŋgirök. Mi eŋguaŋgita lama bulmakau kambuŋi kambuŋi, doŋki kamelurupŋi aka sukinap yuaiŋi pakpak Keinan gölmenöŋ mala miwikŋaiyöhi, mi memba munŋi Jeikob mosöta gölme kunöŋ anök.
1052	GEN 36:11	Elifazkö nahönurupŋi 5 mi Teman, Omar, Zefo, Gatam aka Kenaz.
1054	GEN 36:13	Reuelgö nahönurupŋi 4 mi Nahat, Zera, Sama aka Miza. Isogö anömŋi Basematkö isi aziurupŋi mi mewö.
1086	GEN 37:2	Jeikobkö gwölönarökurupŋi mieŋgö kösohotŋini kewö: Josefnöŋ azi gwabö yambuŋi 17 aiga darumunurupŋi, iwiŋaŋgö anömyahötŋi bohonŋiri qahö memeŋi Bilha aka Zilpa yetkö nahönurupŋi yembuk lama aka meme (noniŋ) kambuŋi kambuŋi galöm köl eŋgiba malget. Mewö mala darumunurupŋan silik akeri, miaŋgö kösohotŋi bölöŋi bölöŋi mi iwiŋaŋgö jii möta malök.
1093	GEN 37:9	Miaŋgö andöŋe gaun kun kunbuk eka miaŋgö kösohotŋi darumunurupŋi kewö jiiga mötket: “Nöŋön gaun kun ekiga miaŋgöreŋ wehön, köiŋ aka seŋgelau 11 mieŋön nöŋgöra sipköget.”
1112	GEN 37:28	Mewö aketka Midian gölmegö Ismael könagesögö kölköl-örörö azi mieŋön kaba kaŋgota eŋgoŋgitpingö aket. Mewö aketka munŋini Josef mi o lömnöhök öröget koriga silwö kötŋi 20:nöŋ söŋgöröŋi memegöra al waŋgiget. Al waŋgigetka Ismael azi mieŋön i bohonŋi memba waŋgita Ijipt kantrinöŋ anget.
1198	GEN 41:2	bulmakau dömŋi 7 ölöp sorokŋi kelök busuŋinambuk mi o töwatŋi miaŋgöreŋök kota jejepözaŋ sutŋine kinda tembam keuqaŋ neget.
1199	GEN 41:3	Mieŋgö andöŋine bulmakau tosatŋi 7 sihitqarambuŋinanök kaisoŋgolomŋini piromŋi mi o töwatŋi miaŋgöreŋök kota bulmakau mutukŋi mieŋgö kösutŋine anda o töwatŋaŋgö göraŋe kinget.
1200	GEN 41:4	Bulmakau piromŋi sihitqarambuŋinanök mieŋön bulmakau dömŋi ölöp sorokŋi kelök busuŋinambuk 7 mi gwahöt eŋgiget. Farao kiŋnöŋ gaun mi eka miaŋgöreŋök imbiŋi möta wahörök.
1201	GEN 41:5	Wahöta gaunŋaŋgö kunbuk möta gem anda ahöba gaun kun kewö ehök: Wit padi ip mohotkö kembaŋe ölŋi kötŋi ketaŋi ketaŋi kaŋgeŋinambuk 7 ölöp kötökŋi mi loŋkam gili eta kinget.
1202	GEN 41:6	Mieŋgö andöŋine ölŋi kaŋgeŋinambuk 7 mi kunbuk loŋkam gili eta kingetka gölme qararaŋkölkölŋaŋgö luhut könöpŋan mi eŋgohotiriiga soholiba gilipitŋi (ambetakŋi) aket.
1214	GEN 41:18	Miaŋgöreŋ kinbiga bulmakau dömŋi 7 ölöp sorokŋi busuŋini kelökŋinambuk mi o töwatŋi miaŋgöreŋök kota jöjöpözaŋ sutŋine kinda tembam keuqaŋ neze.
1215	GEN 41:19	Mieŋgö andöŋine bulmakau tosatŋi 7 sihitqarambuŋinanök kaisoŋgolomŋini piromŋi kötökŋi mi o töwatŋi miaŋgöreŋök kotze. Nöŋön bulmakau bölöŋi kötökŋi mewöŋi mi nalö kunöŋ Ijipt gölme pakpak kiaŋgöreŋ qahö eŋgehal.
1216	GEN 41:20	Bulmakau sihitqarambuŋinanök kaisoŋgolomŋini piromŋi mieŋön bulmakau dömŋi busuŋini kelökŋinambuk 7 mutuk kotzei, mi gwahöt eŋgize.
1218	GEN 41:22	Wahöta kunbuk ahöba gaun kun kewö ekzal: Wit padi ip mohotkö kembaŋe ölŋi kötŋi ketaŋi ketaŋi kaŋgeŋinambuk 7 ölöp kötökŋi mi loŋkam gili eta kinje.
1219	GEN 41:23	“Mieŋgö andöŋine ölŋi kaŋgeŋinambuk tosatŋi 7 mi sötŋi jula kota loŋkam gili eta kingetka gölme qararaŋkölkölŋaŋgö luhut könöpŋan mi eŋgohotiriiga soholiba moröŋi aka gilipitŋi (ambetakŋi) akze.
1222	GEN 41:26	Bulmakau dömŋi 7 ölöp sorokŋi mi yambu 7:gö söpsöpŋi akze. Wit padi ölŋi kaŋgeŋinambuk ölöp kötökŋi 7 mi mewöyöhök yambu 7:gö söpsöpŋi akze. Könaŋiri mi öröröŋ aka mohok akzahot.
1223	GEN 41:27	“Bulmakau sihitqarambuŋinanök kaisoŋgolomŋini piromŋi 7 könaŋgep kotzei, mi yambu 7:gö söpsöpŋi akze. Wit padi ölŋi kaŋgeŋinambuk 7 gölme qararaŋkölkölŋaŋgö luhut könöpŋan eŋgohotiriiga soholiba gilipitŋi (ambetakŋi) akzei, mi bödi (buörö) malmalgö yambu 7 miaŋgö söpsöpŋi akze.
1225	GEN 41:29	O kiŋ, yambu 7:gö dop nene möriam keta bölökŋi asuhuba Ijipt gölme pakpak dop köla ahöma.
1226	GEN 41:30	“Mi ahömapmö, yambu 7 mieŋgö andöŋine bödigö yambu 7 asuhuba ayuayuhu ketaŋi kondoriga Ijipt kantrinöŋ bölima. Miaŋön asuhuiga nene möriam mutuk Ijipt gölmenöŋ ahöyöhi, mi gölme dop yeŋön ölum eŋgum teköma.
1227	GEN 41:31	Bödi mi köhöikŋi kötökŋi ahömawaŋgöra aka gölme dop ambazip yeŋön nene möriamgö yambuŋi 7 mutuk Ijipt gölmenöŋ ahöyöhi, miaŋgö keuŋi mi kunbuk qahö möta malme.
1230	GEN 41:34	Mewöŋanök kiap bohonŋi bohonŋi kuŋgum eŋginöŋga gölme dop köla galömŋina malme. Yeŋön nene möriamgö yambuŋi 7 mieŋgö uruŋine nene ölŋinambuk Ijipt gölmenöŋ asuhumei, miaŋgöra jiiga mendeŋgetka bahöŋini 5 asuhugetka mieŋgöreŋök mohot mohot memba gawmangö köwenöŋ tokoba malme.
1231	GEN 41:35	“Yeŋön mönö kinda jimkutukutu algetka yambu ölöpŋi 7 asuhumei, mieŋgö uruŋine nene ölŋini körek pakpak tokoba kewöta malme. Mewö aka wit padi mi Farao kiŋgö köwe miriŋi miriŋi miaŋgöreŋ qezaköba malme. Mi taon dop gawmangö köwe miriŋi miriŋi miaŋgöreŋ qezaköba galöm köla malgetka könaŋgepkö neneŋa ahöma.
1232	GEN 41:36	Nene mewö tokoba malmei, mi mönö gawmangö köwe miri dop galöm kölgetka kahaimök ahöiga könaŋgep bödigö yambu 7 Ijipt gölme dop asuhumawi, nalö miaŋgöreŋ mi ölöp memba mendeŋda nemba malme. Mewö aketka kantrigö könagesö neŋön bödi miaŋgö nalöŋe nenegö qahö kömumba gororoŋgöbin. “Mewö.
1242	GEN 41:46	Josefnöŋ yambuŋi 30 aiga miaŋgöreŋ Farao Ijiptkö kiŋi yaŋgö jakömbuak nupŋi könahiba meyök. Mi memba Farao kiŋgö sitiŋi mosöta Ijipt uruŋe dop köla liliköba malök.
1243	GEN 41:47	Nene möriamgö yambuŋi 7 miaŋgö nalöŋe gölmeŋine nene önöŋi qahö asuhum eŋgiyök.
1244	GEN 41:48	Nene möriamgö yambuŋi 7 kam kuŋgugeri, miaŋgö nalöŋe Josefnöŋ jiiga nene könaŋi könaŋi Ijipt gölme asuhugeri, mi tokoba taonŋine dop anda gawmangöra alget. Gölme köröŋi taon dop liliköba tat angeri, miaŋgöreŋ nene ölŋi asuhugetka mi memba taonŋine dop anda qenjarök köwe miriŋine alget.
1249	GEN 41:53	Nene möriam ketaŋaŋgö yambuŋi 7 Ijipt gölme dop köla kam kuŋgugeri, mi ahöm kota teköget.
1250	GEN 41:54	Yambu mi tekögetka Josefnöŋ keu jiyöhaŋgö dop bödigö yambuŋi 7 mi könahiba kam kuŋguget. Bödi mi gölme tosatŋi pakpak dop köla asuhuba ahöyökmö, Ijipt gölmenöŋ nene mi miri dop köweŋine ahöyök.
1256	GEN 42:3	Mewö jii möta Josefkö daturupŋi 10 yeŋön miriŋini mosöta nene bohonŋi membingöra Ijipt gölmenöŋ anbingö aket.
1266	GEN 42:13	Mi möta kewö meleŋ waŋgiget: “Welenqeqeurupki nini Keinan gölmegö aziŋi mohotkö nahönurupŋa, darumun 12 akzin. Munini qöndökŋan nalö kewöŋe iwininambuk mire tariga kunŋan qahö toroqeba malja.”
1285	GEN 42:32	Nini azi mohotkö nahönurupŋa, darumun 12 aka maljin. Kunŋan qahö toroqeba maliga munini qöndökŋan nalö kewöŋe Keinan gölmenöŋ iwininambuk mire tatza.’
1303	GEN 43:12	Silwö moneŋ walŋi toru gösöŋinaŋgö numbuŋine algetka memba kageri, mi aka miaŋgö dop qakŋe toroqeba ala mindirigetka jaŋgöŋan qariba 2:kö dop aiga mi memba liliŋgöba anda waŋgime. Tosatŋan köpösihira aka mi gösöŋine alget me denöwö?
1306	GEN 43:15	Mewö jiiga kalem yuai mi memba silwö moneŋ memba kageri, miaŋgö dop qakŋe toroqeba ala mindirigetka jaŋgöŋan qariba 2:kö dop ahök. Mi memba Benjamin mohotŋe waŋgita wahöta ösumŋinan Ijipt anda Josefkö jeŋe aŋgotket.
1325	GEN 43:34	Mewö tatketka Josefnöŋ jiiga nanŋi teibolnöhök nene tosatŋi mendeŋda memba kaba köl eŋgigetka munŋi Benjamingöra ambemŋi 5:gö dop toroqeba kölgetka neyök. Mewö nemba Josefpuk közölömbuaŋ ala awamŋanök o köhöikŋi nemba sösöŋgai qakŋe tatket. Mewö.
1365	GEN 45:6	Bödi kiaŋön lök yambu yahötkö dop gölme dop köla ahöza. Mi toroqeba kunbuk yambu 5:gö dop ahöiga nalö miaŋgö uruŋe gölme qem kömöt qahö aka nene ölŋi qahö miwikŋaiba tokoba malbin.
1370	GEN 45:11	“Bödi kiaŋön mönö kunbuk toroqeba yambu 5:gö dop ahöm öŋgöma. Nalö miaŋgö uruŋe gi, mirigahö saiwaurupki me tinitosolomurupki tosatŋi yeŋgöreŋök kunŋan bödi mala nenegö mözöqözöröm aka kömum gororoŋgöbapuk. Miaŋgöra mönö Gosen gölmenöŋ kaba mala wani yuaigöra osimei, nöŋön mi eŋgiba malmam.’ Iwininaŋgöra keu mi mönö mewö jigetka mötma.
1381	GEN 45:22	Mi eŋgibagun daturupŋi mohot mohot yeŋgö opo malukuŋini dölökŋi totoŋine eŋgiyökmö, munŋi Benjamingöra opo maluku dölökŋi börö kun waŋgiba moneŋ silwö köt 300 waŋgiyök.
1402	GEN 46:15	Jeikobkö nahönurupŋi anömŋi Leanöŋ Mesopotemia (Padan Aram) gölmenöŋ eŋgömeyöhi, yeŋgö qetŋini mewö. Böratŋiri Daina mi mewöyök meyök. Jeikob aka Lea yetkö isimoröurupŋiri mi mewö oyoŋda mindirigetka 33 ahök.
1405	GEN 46:18	Labanöŋ ambi qetŋi Zilpa böratŋi Leagö welen ambia malmapköra waŋgiyöhi, yaŋön Jeikobkö nahönurupŋi mewö eŋgömeyök. Jeikob aka Zilpa yetkö isimoröurupŋiri mi mewö oyoŋda mindirigetka 16 ahök.
1409	GEN 46:22	Jeikobkö nahönyahötŋi Reizölnöŋ etkömeyöhi, yetkö qetŋiri mewö. Jeikob aka Reizöl yetkö isimoröurupŋiri mewö oyoŋda mindirigetka körekmakörek 14 ahök.
1412	GEN 46:25	Labanöŋ ambi qetŋi Bilha böratŋi Reizölgö welen ambia malmapköra waŋgiyöhi, yaŋön Jeikobkö nahönurupŋi mewö eŋgömeyök. Jeikob aka Bilha yetkö isimoröurupŋiri mi mewö oyoŋda mindirigetka körekmakörek 7 ahök.
1413	GEN 46:26	Jeikobkö isimoröurupŋi diŋdiŋi töhön yambuk Ijipt angeri, mieŋgö jaŋgöŋini oyoŋda mindirigetka körekŋanök könagesö 66 aket. Nahönurupŋi yeŋgö anömŋini mi jaŋgö miaŋgöreŋ qahö toroqeget.
1414	GEN 46:27	Josefkö nahönyahötŋi Ijipt kantrinöŋ asuhuyohori, mi yahöt. Jeikobkö könagesöurupŋi Ijipt angeri, mieŋgö jaŋgöŋini mi mewö oyoŋda mindirigetka 70 ahök. Mewö.
1423	GEN 47:2	Yaŋön darumunurupŋi yeŋgöreŋök azi 5 eŋguaŋgita Farao kiŋgö jeŋe öŋgöba kingetka eŋgehök.
1430	GEN 47:9	Qesim waŋgiiga kewö meleŋnök: “Nöŋön yambu 130:gö dop gölmenöŋ liliköba mala kota maljal. Nöŋgö malmalnaŋgö yambuŋi pakpak mi awamdökŋi aka osikosiŋinambuk aket. Iwiurupnan yambu sehisehiŋi gölmenöŋ liliköba malgeri, nöŋgö yambu qötönan yeŋgöreŋambuk dop mohot qahö akza.”
1445	GEN 47:24	Kömötketka ölŋi asuhuiga mi mönö kewötketka kambu 5 asuhugetka mieŋgöreŋök mohot mohot mi Farao kiŋgöra ala waŋgiba malmemö, kambu 4 mi kunbuk gölmenöŋ kömötmeaŋgöra aka neneŋinaŋgöra ahöma. Mi nanŋini, anöm-moröurupŋini aka tosatŋi miriŋine maljei, mönö eŋgö neneŋina ahöma.”
1447	GEN 47:26	Josefnöŋ Ijipt yeŋgö gölmegöra jimkutukutu ali ahöba kota ki ohozali, nalö kewöŋe mewöyök toroqeba ahöza. Jimkutukutu mi kewö: Nene nupkö ölŋini mi mönö mendeŋgetka kambu 5 aiga mieŋgöreŋök mohot mohot mi Farao kiŋgö buŋaya akŋapköra ala malme. Jike nup galöm yeŋgöreŋ gölme mieŋön mohot Farao kiŋgö buŋaŋi qahö aket.
1449	GEN 47:28	Jeikobnöŋ malmalŋi yambu 17 mi Ijipt gölmenöŋ malök. Malmalŋi jömukŋaŋgö yambuŋi mi mindiriba 147 ahök.
1502	GEN 49:28	Israelgö kambu pakpak jaŋgöŋini 12 mi mewö. Iwiŋinan kötuetköm eŋgiba keu mewö mewö jiiga mötket. Kötumötuetŋini murutŋi murutŋi mi nanŋök nanŋök mendeŋda körek kötuetköm eŋgiyök. Mewö.
1510	GEN 50:3	Nup mi memba malgetka wehön 40 jömuk teköyök. Qamötŋini kelöknöŋ mirizema, miaŋgö nupŋi mi nalö köröpŋi mewö memba maljema. Ijipt könagesö yeŋön Jeikobköra wehön 70:gö dop jiŋgeŋ köla sahöta malget.