2	GEN 1:2	Miwikŋaim etkiiga gölme mi gwamönŋi aka kizik-kazukŋambuk ahöyök. Ahöiga o diginŋambuk mi söŋaupnöŋ turuiga tarök. Mewö tariga Anutugö Uŋa Töröŋan o mieŋgö qakŋine anda kaba malök.
102	GEN 4:22	Zilanöŋ mewöyök nahönŋi qetŋi Tubal-Kein meyök. Yaŋön qariba börögö tulsŋi aka bimqeqegö yuaiŋi könaŋi könaŋi mi bras aka ainöŋ ohoi kolkolgöi qekötahöba mezapma. Tubal-Keingö nenŋi qetŋi Nama.
146	GEN 6:8	Mewö jiyökmö, azi Noa yaŋön Kembugö jeŋe ak-kömukömu miwikŋaiyök.
175	GEN 7:15	Anutunöŋ yuai pakpak malmalgö ösumŋinambuk miwikŋaim eŋgiyöhi, mieŋgöreŋök yahöt yahöt (2-2) mi Noagöreŋ kaŋgota waŋgenöŋ öŋgöm teköget.
210	GEN 9:4	Mohok-kun mi mönö kude neme. Mi sömbup sepŋambuk. Sep mi malmalgö söpsöpŋi akzawaŋgöra aka soŋgo ki al eŋgizal.
270	GEN 11:3	Miaŋgöreŋ tata nanŋinök kewö eraum-mötket: “Mönö kaget. Nini mönö birik mem mözözömgöba könöpnöŋ ohoinga köhöikŋi akŋe. “Mewö jiba miri selŋi membingöra köt jamönjiŋ qahöpmö, birik ala sutŋine gölme sapösapö qandöŋ ewö algetka miaŋön birik mi mekötahöm eŋgiyök.
311	GEN 12:12	Mewögöra Ijipt azi yeŋön gi geka kewö jime: ‘Ki yaŋgö anömŋa.’ Mewö jiba ni nuŋguget kömumam-mö, gi gehorigetka malman.
361	GEN 14:24	Nöŋön yuai kun qahö toroqeba memam-mö, aziurupnan wani yuaia negeri, mi lök neŋgigetka dop köl teköza. Mewöyök azi alaurupni Aner, Eskol aka Mamre nömbuk kageri, yeŋön mönö töwa jijiŋinaŋgö dop meme. “Mewö.
394	GEN 16:12	Yaŋön azi doŋki bau kömböt ewö aka (nanŋi imbi-imbi qakŋe laŋ anda kaba) malma. Yaŋön böröŋan ambazip pakpak qetal eŋgiiga ambazip pakpak yeŋön i qetal waŋgiba malme. Yaŋön munurupŋi pakpak yembuk kerök-kerök aka nanŋök kekelolo malma.”
407	GEN 17:9	Anutunöŋ Abrahamgöra mewö jiba toroqeba keu kewö jiyök: “Mewö malmam-mö, göŋön mönö nöŋgö jöhöjöhö areŋnaŋgö keuŋi mi tem köla wuataŋgöba malman. Göhö gwölönarökurupki göhö andöge toroqeba asuhum öŋgömei, yeŋön mönö mewöŋanök mi tem köla wuataŋgöba mala mal öŋgöme.
428	GEN 18:3	Geba kewö jiyök: “O Kembu-urupni, nöŋön eŋgö welenqeqeŋini aka eŋgö jeŋine kalem möriam miwikŋaiba maljal ewö, iŋini mönö ni kude noŋgita anme.
457	GEN 18:32	Mewö jiiga Abrahamnöŋ kunbuk kewö qesiyök: “O Kembu urugi öngöbapukmö, ni kunbuk sömaŋi mohot-töp ki keu jimamgö mötzal. Ambazip solanŋi 10 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 10 yeŋgöra aka taon mi qahö ayuhumam.”
458	GEN 18:33	Mewö eraum-mörohot teköiga Kembunöŋ Abraham mosöta aniga yaŋön kunbuk liliŋgöba miriŋe kayök. Mewö.
477	GEN 19:19	Göŋön malmalnaŋgö bohonŋi jöhöba ak-kömukömu ketaŋi kondelnöŋga göhö jege ölŋa kalem möriam miwikŋaiba welenqeqegi akzalmö, mötnöŋ, nöŋön kunduŋe eu misiŋgöba angaitmamgö osimam. Köndeŋmöndeŋ kiaŋön nöŋgö qakne öŋgöiga kömumbileŋbuköra keŋgötni mötzal.
480	GEN 19:22	Mi qahö ayuhumam-mö, iŋini mönö ösumok miaŋgöreŋ misiŋgöba angaitme. Miaŋgöreŋ qahö aŋgotketka nalö sutŋi kewöŋe nöŋön yuai kun akŋamgö osimam. Iŋini mutuk miaŋgöreŋ aŋgotketka miaŋgö andöŋe ölöp jim kutubiga köndeŋmöndeŋ asuhuma. “Lotnöŋ taongöra ‘morodökŋi’ jiyöhaŋgöra aka taon miaŋgö qetŋi mi Zoar (morodökŋi) qetketka ahöza.
485	GEN 19:27	Abrahamnöŋ söŋanök wahöta mutuk Kembugö jemesoholŋe kinda keu eraum-mörohori, miaŋgöreŋ anök.
540	GEN 21:26	Jim waŋgiyökmö, Abimeleknöŋ kewö meleŋda jiyök: “Daŋön silik mi ahöhi, mi nöŋön qahö mötzal. Nangak miaŋgö keuŋi kun mutuk qahö jinöŋ möta mala merak-kun keu mi mötzal.”
587	GEN 23:15	“O azi kembuni, nöŋgöreŋ keu ki mönö kezap ala mötnöŋ. Gölme miaŋgö bohonŋi mi 400 silwö kötŋi (50 kilogram). Ala-ala akziraŋgöra aka miaŋön mönö netkö sutnire yuai omaŋi akza. Miaŋgöra qamötki ölöp esim löm kölman.”
588	GEN 23:16	Mewö meleŋ waŋgiiga möta Abrahamnöŋ gölme bohonŋaŋgö jaŋgöŋi Efronöŋ Hit könagesö yeŋgö jeŋine jiiga mötkeri, miaŋgö urumohot ahök. Jaŋgöŋi silwö kötŋi 400 mi kölköl-örörö ambazipnöŋ nalö miaŋgöreŋ bohonŋaŋgö dopŋi jiget ahöyöhi, miaŋgö dop moneŋ mi kewöta waŋgiyök.
677	GEN 25:18	Ismaelgö gwölönarökurupŋi yeŋön köröpken köröpken deŋda anda mala gölme qetŋiri Hawila aka Sur mietkö sutŋire gölme memba malget. Gölmeŋini mi Ijipt kantrigö jaböŋeyök könahiba wehön kotkotŋe Asiria göröken angeri, köna miaŋgö kösutŋe miaŋgöreŋ ahöza. Ismaelgö gwölönarökurupŋi yeŋön Abrahamgö gwölönarökurupŋi tosatŋi pakpak mi kerök-kerök ak eŋgiba malget. Mewö.
714	GEN 26:21	Miaŋgö andöŋe o löm kun kunbuk esigetka miaŋgöra mewöyök aŋgururuk aket. Mewö akeraŋgöra aka o löm miaŋgö qetŋi Sitna (Kerök-kerök) qerök.
766	GEN 27:38	Mewö meleŋniga iwiŋaŋgöra kewö jiyök: “O iwini, kötumötuet mohok-kun miyök mönö ahöm gihiza me denöwö? O iwini, mönö nia kun kötuetköm niŋginöŋ. “Mewö jiba könahiba silata sahörök.
805	GEN 29:9	Jeikobnöŋ yembuk keu mewö eraum-möta kingetka miaŋgöreŋök Reizölnöŋ iwiŋaŋgöreŋ lama kambuŋi eŋguaŋgita kayök. Reizöl yaŋön lama galöm nup memba malök.
839	GEN 30:8	Mewö meiga Reizölnöŋ kewö jiyök: “Datnambuk gwötpuk aum-möriba luhut aljal. “Mewö jiba miaŋgö dop morö qetŋi Naftali (Aum-mörial) qerök.
891	GEN 31:17	Mewö jiyohotka wahöta mem mözözöm aka anöm-moröurupŋi kököbihim eŋgiiga kamel qakŋine öŋgöget.
934	GEN 32:6	Miaŋgöreŋ mala bulmakau, doŋki, lama, meme (noniŋ) kambuŋi kambuŋi aka welenqeqe ambazip miwikŋaiba eŋgömemba könanöŋ kazal. O azi kembuni, nöŋön göhö jege ak-kömukömu miwikŋaimamgöra möta keu buzupni ki mutuk albi göhöreŋ kaza.’”
939	GEN 32:11	Mönöwök nani öröpnanök memba Jordan o töwatŋi ki kutuba analmö, ölöp ahum sehiba merak liliŋgöba kambu yahöt aka ki kazal. Ni welen azigi etqeqeŋi aka malalmö, göŋön töndup keugi pöndaŋ wuataŋgöba ak-kömukömugi pakpak kondel niŋgiba malnöŋ. Ni eretŋi aka urukalemgi mi buŋa qem aŋgumamaŋgö dop qahö aka malal.
953	GEN 32:25	An tekögetmö, Jeikobnöŋ nanŋök o likepŋe miaŋgöreŋ kunbuk tarök. Nanŋök tariga azi kunŋan kaiga yambuk suŋgem aum-möriba malohotka miri giaŋiyök.
954	GEN 32:26	Azi miaŋön luhut al waŋgimamgö osiba eka miaŋgöra Jeikob mi ikinŋe qeyök. Qeiga mohotŋe aum-möriba malohotka miaŋgöreŋ Jeikobkö ikin sihitŋan sulök.
957	GEN 32:29	Mewö jiiga keu kewö jiyök: “Gi Anutu aka ambazip yembuk aum-möriba mala luhut al eŋginöŋ. Miaŋgöra göhö qetki mönö kunbuk Jeikob qahöpmö, Israel qetme. “(Israel Anutubuk aum-möriyök.)
966	GEN 33:5	Isonöŋ jeŋi uba wahöta Jeikobkö anöm-moröurupŋi eŋgeka munŋi qesim waŋgiyök: “Ki denike yeŋön göbuk kaze?” Qesim waŋgiiga kewö meleŋnök: “Anutunöŋ kalem möriamŋi qakŋe nahönbörat ki welen azigi ni niŋgiyök.”
969	GEN 33:8	Mewö aketka Isonöŋ kewö qesim waŋgiyök: “Azi aka sömbup kambu pakpak könanöŋ miwikŋaim eŋgizali, mi könaŋi denöwögöra melaim eŋginöŋga kaze?” Mewö qesim waŋgiiga kewö jiyök: “O azi kembuni, nöŋön mi göhö jege ak-kömukömu miwikŋaimamgöra aka melaim eŋgial.”
971	GEN 33:10	Mewö jiiga Jeikobnöŋ kewö jiyök: “Mewö qahö. Göŋön neksihim aka ala ölöpŋi ak niŋginöŋga göhö jemesoholgi ekiga Anutugö jemesoholŋi ewö akza. Miaŋgöra nöŋön göhö jege ak-kömukömu miwikŋaizal ewö, mönö kalemni ki ölöp buŋa qem aŋguman.
976	GEN 33:15	Mewö jiiga Isonöŋ kewö jiyök: “Mewö aiga nöŋön ölöp aziurupni tosatŋi eŋgömosötpiga göbuk ösöŋ kame. “Mewö jiiga Jeikobnöŋ kewö qesiyök: “Gi mönö wuanöŋgöra mewö akanak? O azi kembuni, ni göhö jege ak-kömukömu miwikŋaibiga lök dop köl niŋgim teköza.”
991	GEN 34:10	Mewö aka ölöp neŋgö sutnine tata malme. Nini gölmenini ki mi qahö aŋgön kölbinmö, iŋini ölöp miaŋgöreŋ laŋ anda kaba sihimŋinaŋgö dop gölme kitipŋi kitipŋi buŋa qem aŋguba miriŋini memba nembuk aŋgumnep-qaŋgumnep aka malbin.”
992	GEN 34:11	Mewö jiiga Sekemnöŋ Dainagö iwinenurupŋi yeŋgöra kewö jiyök: “Nöŋön eŋgö jeŋine ak-kömukömu miwikŋaimamgö möta qesim eŋgizal. Miaŋgöra i me waigö qesim niŋgimei, nöŋön mi ölöp eŋgimam.
996	GEN 34:15	Iŋini silik mohok-kun kewö aketka neŋön urumohot akin: Mutuk Anutugö aiwesökŋi mi aziurupŋini pakpak eŋgö sileŋine yandiget teköiga nini maljin ewö akŋe ewö, mönö nenböratnini ölöp eŋgibin.
1002	GEN 34:21	“Azi kieŋön nembuk ala ölöpŋi ak aŋgumakze. Miaŋgöra nini ölöp jim teköinga yeŋön neŋgö gölmenöŋ tata laŋ anda kaba miriŋini memba nembuk aŋgumnep-qaŋgumnep aka malbin. Yeŋön gölme kitipŋi memegöra tiŋi gwötpuk ahöza. Nini ölöp yembuk nenböraturupnini utekutek aka aŋguin anda kaiga malbin.
1003	GEN 34:22	Nini silik mohok-kun kewö ahinga azi mieŋön nembuk malbingö urumohot akŋe: Anutugö aiwesökŋi mi azi mieŋgö sileŋine yandiget ahözawi, miaŋgö dop mi mutuk körek neŋgö silenine mewöyök yandiin teköiga nini ölöp yembuk könagesö kambu mohot aka malbin.
1019	GEN 35:7	Miaŋgöreŋ aŋgota Jeikobnöŋ jöwöwöl alta kun meyök. Datŋaŋgöra ölöŋ köla anöhi, nalö miaŋgöreŋ Anutunöŋ gölme miaŋgöreŋ asuhum waŋgiyök. Miaŋgöra Jeikobnöŋ miri gölme miaŋgö qetŋi El-Betel qerök. (El-Betel Betelgö Bemŋi.)
1022	GEN 35:10	Kötuetköm waŋgiba kewö jii mörök: “Göhö qetki Jeikob (tilipqilip azi) qerakzemö, mewö toroqeba kude qeta malme. Merak könahiba öŋgöba qetki mi Israel ahöma. “Kembunöŋ mewö jiba qetŋi Israel qerök. (Israel Anutubuk aum-möriyohot.)
1070	GEN 36:29	Hor könagesöŋi könagesöŋi yeŋgö azi kembu-urupŋini yeŋgö qetŋini mi Lotan, Sobal, Zibeon, Ana,
1071	GEN 36:30	Dison, Ezer aka Disan. Hor könagesöŋi könagesöŋi yeŋgö azi kembu-urupŋini mi areŋinaŋgö dop Seir gölmenöŋ mewö malget. Mewö.
1084	GEN 36:43	Magdiel aka Iram. Azi mi Edom könagesögö azi kembu-urupŋina malgetka qetŋinaŋgö dop miri gölmeŋinaŋgö qetŋini qetket. Edom qetŋi alaŋi Iso yaŋön mutuk gölme memba tata mala Edom könagesögö bömön jalöŋi ahök. Mewö.
1088	GEN 37:4	Iwiŋan i darumunurupŋi pakpak eŋgoŋgita uruŋan jöpaköm waŋgiba malöhi, yaŋgö darumunurupŋan mi eka könahiba kazik ak waŋgiba yambuk ala-alagö keuŋi kun qahö eraum-möta malget.
1096	GEN 37:12	Nalö kunöŋ Josefkö darumunurupŋi yeŋön iwiŋinaŋgöreŋ lama kambu-urupŋi galöm köl eŋgibingöra Sekem miri kösutŋe anda malget.
1103	GEN 37:19	Aŋgönaŋ ala nanŋinök kewö eraum-mötket: “Eket, gaun ehek azi miaŋön mönö endu kaza.
1105	GEN 37:21	Mewö eraum-mötketka Rubenöŋ mi möta Josef böröŋineyök meköba malmalŋi jöhömamgöra möta kewö jiyök: “I mönö kude qeinga kömuma.”
1109	GEN 37:25	Mewö aka nene nembingö eta tatket. Eta tata jeŋini uget aniga Ismael könagesögö kölköl-örörö azi tosatŋan Gilead miri mosöta kamelŋini totnöŋ totnöŋ al eŋgiba awataŋ kagetka eŋgeket. Yeŋön kamel qakŋine gipmi bakötök, sile mirimirigö kelökŋi aka marasin ip tokuŋi qetŋi mör gipit mi algetka bisiba Ijipt kantrinöŋ anbingöra kaget.
1112	GEN 37:28	Mewö aketka Midian gölmegö Ismael könagesögö kölköl-örörö azi mieŋön kaba kaŋgota eŋgoŋgitpingö aket. Mewö aketka munŋini Josef mi o lömnöhök öröget koriga silwö kötŋi 20:nöŋ söŋgöröŋi memegöra al waŋgiget. Al waŋgigetka Ismael azi mieŋön i bohonŋi memba waŋgita Ijipt kantrinöŋ anget.
1120	GEN 37:36	Mewö maliga nalö miaŋgöreŋ Midian gölmegö kölköl-örörö azi yeŋön Josef waŋgita Ijipt kantrinöŋ aŋgota bohonŋi memegöra algetka Farao kiŋgö jembonŋi kun qetŋi Potifar, kiŋgö malmalŋaŋgö sikiriti yeŋgö suahö galömŋina malöhi, yaŋön i söŋgöröŋi meiga welenqeqeŋi omaŋi ahök. Mewö.
1151	GEN 39:1	Nalö sutŋe miaŋgöreŋ Ismael könagesögö kölköl-örörö azi yeŋön Josef waŋgita Ijipt kantrinöŋ aŋgota bohonŋi memegöra alget. Algetka Ijipt azi kun qetŋi Potifar, Farao kiŋgö jembonŋi kun aka malmalŋaŋgö sikiriti yeŋgö suahö galömŋina malöhi, yaŋön i söŋgöröŋi meiga welenqeqeŋi omaŋi ahök.
1188	GEN 40:15	Mötnöŋ, ni Hibru könagesögö gölmenöhök ösum-mumu qakŋe yoŋgorö noaŋgitketka kaba kiaŋgöreŋ mewöyök yuai bölöŋi kun kösö miri kiaŋgö dutŋe al niŋgigeraŋgö dop mi qahö ahal.”
1241	GEN 41:45	Mewö jiba Josefkö qetŋi dölökŋi (Ijipt keunöŋ) Zafenat-Panea qerök. Mewö qeta Heliopolis taongö jike nup galöm qetŋi Potifera yaŋgö böratŋi Asenat mi anömŋa akŋapköra waŋgiyök. Mewö kantrigö azi kembuya aka Ijipt kantri ekŋamgöra anda liliköyök.
1264	GEN 42:11	Nini körekŋanök azi mohotkö nahönurupŋi akzin. Nini azi diŋdiŋi mala muneŋ qahö jimakzin. Göhö welenqeqeurupki neŋön mönö gölme ek-kewötkö yarö azia qahö aka maljin.”
1267	GEN 42:14	Mewö meleŋ waŋgigetka kewö jim eŋgiyök: “Mewö aiga iŋini ölŋa gölme ek-kewötkö yarö azia akzei, mi lök jibi mötze.
1269	GEN 42:16	Iŋini keu ölŋi jize me qahö, nöŋön mi esapkömamgöra kewö jizal: Iŋini mönö sutŋineyök kun melaigetka anda munŋini qöndökŋi waŋgita ki kamahot. Tosatŋi iŋini mönö ki mamböta kösö mire tata malme. Mewö qahö akŋe ewö, iŋini mönö ölŋa gölme ek-kewötkö yarö azia akze. Farao kiŋnöŋ jebuk malja ewö, nöŋön keu öl töhönŋi miaŋgö dop jöjöpaŋ keu mi jim köhöizal.”
1274	GEN 42:21	Yeŋön nanŋini Hibru keunöŋ sutŋine keu kewö eraum-mötket: “Nini munini silik ak waŋgiini, miaŋgö likepŋi bölöŋan mönö ölŋa qaknine öŋgöza. Yaŋön malmalŋi jöhöba ak kömum waŋgibingöra uleta kuŋgum neŋgiiga kahasililiŋi ketaŋi ehinmö, yaŋgö keuŋi möta mi qahö wuataŋgöin. Miaŋgöra kahasililiŋ lömbötŋambuk kiaŋön neŋgö qaknine öŋgöza.”
1275	GEN 42:22	Mewö eraum-mötketka Rubenöŋ kewö jiyök: “Nöŋön kewö jibi mötket: ‘Iŋini azi gwabö mi silik bölöŋi kude ak waŋgime.’ Mewö jialmö, iŋini nöŋgö keuni mi möta silekmalek aket. Mötket, nalö kewöŋe yaŋgö sepŋaŋgö keugö likepŋan mönö qaknine öŋgöiga kahasililiŋ mötzin.”
1276	GEN 42:23	Mewö eraum-mötketka Josefnöŋ yembuk Ijipt keunöŋ keu jiiga kunöŋ mi meleŋnök. Miaŋgöra yeŋön keuŋini jigetka ölöp möt asariyöhi, mi daturupŋan qahö möt kutuget.
1283	GEN 42:30	“Kantri miaŋgö azi kembuŋi yaŋön örömureim keu könöpuk jiba gölme ek-kewötkö yarö azia akinak, miaŋgö tandök ewö ak neŋgiyök.
1287	GEN 42:34	Iŋini gölme ek-kewötkö yarö azia qahöpmö, azi diŋdiŋi muneŋini qahö maljei, mi kewö kewöt eŋgiba mötmam: Iŋini mönö anda munŋini qöndökŋi mi waŋgita nöŋgöreŋ kame. Mewö kagetka darumunŋini meleŋ eŋgibiga ölöp gölme kiaŋgöreŋ aŋgumnep-qaŋgumnep aka malme.’”
1299	GEN 43:8	Mewö jigetka Judanöŋ iwiŋi Israelgöra kewö jiyök: “Miaŋgöra azi gwabö mi nöŋgö böröne ala melainöŋga mohotŋe anbin. Mewö aknöŋga amqeba zilaŋ gömosöta könanöŋ aninga nini, gi aka anöm-moröurupnini neŋön qahö kömum gororoŋgöbin.
1305	GEN 43:14	Anutu kukösum pakpakö Toŋan mönö azi miaŋgö jeŋe ak-kömukömuŋi eŋgiiga yaŋön darumunŋini kun aka Benjamin mi embuk mire liliŋgöba kamegöra imbi kölma. Nöŋgö moröurupnan tönbirin akŋe ewö, nöŋön mönö öne töhön malmam.”
1330	GEN 44:5	Nöŋgö ketaŋamnan qambiŋeyök kuluŋ nemakzawi aka qambiŋi miaŋön unji aka keu asa-asambötŋaŋgö könaŋi miwikŋaimakzawi, iŋini qambi mi mönö wuanöŋgöra yoŋgorö memba kaze? Iŋini mönö silik mi bölöŋi kötökŋa akze.’”
1374	GEN 45:15	Toroqeba böröŋi daturupŋi körek yeŋgö imbiŋine gili geiga sahöta numbuŋini yöhötim neyök. Miaŋgö andöŋe darumunurupŋan yambuk keu eraum-mötket.
1378	GEN 45:19	“Mewöyök kewö jim kutum eŋginöŋga akŋe: ‘Ijipt kiaŋgöreŋök mönö hosgö kareŋi tosatŋi memba anda anöm-moröurupŋini miaŋgöreŋ al eŋgiba iwiŋini waŋgita mohotŋe ki kame.
1392	GEN 46:5	Miaŋgö andöŋe Jeikobnöŋ Berseba miri mosötpin jiiga Israelgö nahönurupŋan iwiŋini aka anöm-moröurupŋini mi közözohom eŋgigetka hosgö karenöŋ öŋgöget. Farao kiŋnöŋ hosgö kare miaŋön eŋgömemba kamegöra jiba ali memba anget.
1433	GEN 47:12	Josefnöŋ mewöyök iwi darumunurupŋi aka iwiŋaŋgö könagesöurupŋi pakpak mi neneŋini anöm-moröurupŋini malgeri, qötö miaŋgö dop dopŋine eŋgiba malök.
1445	GEN 47:24	Kömötketka ölŋi asuhuiga mi mönö kewötketka kambu 5 asuhugetka mieŋgöreŋök mohot mohot mi Farao kiŋgöra ala waŋgiba malmemö, kambu 4 mi kunbuk gölmenöŋ kömötmeaŋgöra aka neneŋinaŋgöra ahöma. Mi nanŋini, anöm-moröurupŋini aka tosatŋi miriŋine maljei, mönö eŋgö neneŋina ahöma.”
1446	GEN 47:25	Mewö jiiga kewö jiget: “Göŋön neŋgö malmalnini bödinöhök mekönöŋ. Miaŋgöra azi kembuninaŋgö jeŋe ak-kömukömu miwikŋaibin ewö, neŋön ölöp Farao kiŋgö welenqeqe omaŋi aka malbin.”
1450	GEN 47:29	Israelgö kömup nalöŋan dopdowiiga nahönŋi Josef jii kaiga kewö jii mörök: “Nöŋön göhö jege ak-kömukömu miwikŋaizal ewö, göŋön mönö dölki urukalem kondela keu kewö pöndaŋ wuataŋgöba mem yakömamgö jiba börögi nöŋgö tambuni bapŋe ala kewö jim jöhöman: Nöŋön kömumbiga qamötni mi mönö Ijipt gölme kiaŋgöreŋ kude löm kölman.
1477	GEN 49:3	O Ruben, göŋön nani nahöni mutukŋi akzan. Göŋön nöŋgö ösum-mumuni aka ambi membiga ösumnaŋgö ölŋi mutukŋi asuhunöŋ. Qetbuŋagahö aködamunŋi aka kukösumŋi miaŋön mönö munurupki yeŋgöreŋ eŋgoŋgitza.
1500	GEN 49:26	Kunduŋi kunduŋi mieŋgö kötumötuetŋinan nalöŋi nalöŋi ambazip dop köl eŋgii mala kotket. Kunduŋaŋgö sörökŋe yambu dop nene nupŋini memba malgetka nene möriam asuhui mala kotketmö, göhö iwigahö kötumötuetŋan mönö mi pakpak oŋgitza. Kötumötuet mieŋön mönö Josefkö nöröp qakŋe öŋgöme. Darumun sutŋine pom jembon tök-kutukutuŋi akzawaŋgö malmalŋe mi pakpak mönö ahöm öŋgöme.
1511	GEN 50:4	Sahöta jiŋgeŋ köla wösöbirik malgeraŋgö nalöŋi miaŋön teköiga Josefnöŋ Farao kiŋgö jakömbuak mire nup memba malgeri, yeŋgöra keu kewö jiyök: “Nöŋön eŋgö jeŋine ak-kömukömu miwikŋaial ewö, iŋini mönö nöŋgö jitne memba Farao kiŋgöra keu kewö jigetka mötma:
1515	GEN 50:8	Josefkö mirigö saiwaurupŋi körek pakpak, yaŋgö darumunurupŋi aka iwiŋaŋgö könagesöurupŋi yeŋön mewöyök mohotŋe anget. Anöm-moröurupŋini, lama, meme aka bulmakau kambuŋi kambuŋi miyök mönö eŋgömosötketka Gosen gölmenöŋ tatket.
1528	GEN 50:21	Miaŋgöra mönö keŋgötŋini kude mötket. Nöŋön mönö nanŋini aka anöm-moröurupŋini eŋgö malmalŋini körek naŋgöm eŋgiba malmam. “Mewö jiba bölöŋamŋinaŋgö likepŋi qahö meleŋmamgö kunbuk jim köhöiba guŋböjönjöŋ ak eŋgiyök. Mewö.
7133	RUT 1:4	muewö malget: Tamar, Rahab, Rut hala Batseba. Mat 1,3-6 etkömeyöwöt. Etkömeyöwötka toroqemba Moab balöŋnöŋ yambu 10:gö söp mala kutket.
22620	JON 2:4	Göŋön köwet röndum ketauŋe tötal niŋginöŋga gezal. Göŋön köwet söŋsöŋauŋaŋgöt dutŋe tuapkönöŋ eralga göulu ketauŋan esuhum niŋgizap. Göhöreŋ qölqöl-söutsöut pakpak mi musulumgöm niŋgizap. Göhöreŋ siri pakpak mi qeba turuba nem ulahöm niŋgizap.
22625	JON 2:9	Ambazip kopa-bemlopioŋ omaŋi göda qem eŋgimakzei, yeŋön mewö aka kalem möriam Toŋi gi andö guhumakze.
22633	JON 3:6	Mewö aketka miaŋgöt buzup keuŋi mi Niniwegöt kiŋ (praim minista) yaŋgöreŋ aŋgorök. Aŋgoriga möta jakömbuak dum tatatŋeyök eta malukuŋi köteköba samot memba at-turuba kau utuba ariba tarök.
22634	JON 3:7	Tata jim kutukutu kewö aliga Niniwe siti dop köl teköba anök: “Iŋini möp kiŋ aka jembonurupŋi yeŋgöreŋ jim kutukutu ki mötme: Kunŋan kun möp nene kuluŋ kude nemap. Ambazip me bau kuruk-lama bulmakau-iŋini nene kuluŋ kun nemegöt kude möt eŋgime.
22639	JON 4:2	Irimŋi seholiiga Kembu ulet waŋgiba kewö jiyök: “Aek Kembu, gi ak-kömukömugöt bemŋi mala ölöp neŋgehorimakzan. Göhöreŋ kuki mi öŋsöŋ aiga kalem möriamgi mi önöŋi qahöp ahöza. Mewö urugi zölaŋ amöröiga wösögi möta könagesö kun mem bölöm eŋgimamgöt kude mörakzan. Mia nane gölmenöŋ mala lök möt yaköba jiali, mia ölum guhuza me qahöp? Könaŋi mewögörap aka nalö miaŋgöreŋ Tarsis anmam jiba ösumok mömölaköba anda malal.
22641	JON 4:4	Mewö ulerökmö, Kembunöŋ kewö meleŋ waŋgiyök: “Jona, gi ak-kömukömugörap irimsesewöl mötzani, mi dop köljap me qahöp?”
23247	MAT 2:9	Kiŋnöŋ mewö muneŋ jiba jim kutum eŋgiiga möta könanöŋ anget. Anda undi wehön kotkotŋe mala ekeri, miaŋön nöröpŋine mutukmutuk ani mötötei-get Betlehem anda miri morö nahön ahöyöhi, mönö miaŋgöreŋ kinök.
23250	MAT 2:12	Suŋgem kun ahöget-ka Anutunöŋ gaun kondela kiŋ Herodköreŋ kunbuk anbepukö qetal eŋgiyök. Miaŋgöra köna kungenök nanŋini miri gölmeŋine liliŋgöba anget. Mewö.
23262	MAT 3:1	Yambu tosatŋi teköiga Jon O-melun azinöŋ kaba Judia prowinsgö gölme qararaŋkölkölŋe liliköba ambazip uruŋini Buŋa keunöŋ kuŋguba kewö jiba malök,
23290	MAT 4:12	Miaŋgö andöŋe Jon O-melun azi kösö mire alget tari Jisösnöŋ mi möta Judia prowins mosöta Galili anök.
23319	MAT 5:16	“Mewöŋanök mönö eŋgö asakŋini kondelgetka ambazip sutŋine asariiga ehakŋe. Amba-zipnöŋ ahakmemeŋini ölöpŋi eka miaŋgöra Iwiŋini Suep mire maljawi, mönö i möpöseiba malme.” Mewö.
23321	MAT 5:18	Nöŋön keu ölŋi kun kewö jibi mötket, Mosesgö Köna keunöhök kulem moröŋi morö közömŋi kun me kirifi ohohogö jönbölanŋi mohok-kun mi qahö kötökŋi ayapkömapmö, keu pakpak mi mutuk ölŋinambuk asuhugetka Suep gölme yetkön göröŋ qemahot.
23335	MAT 5:32	Mewö jiget ahözapmö, nöŋön kewö jibi mötme: Kunŋan anömŋi qesabulum aiga mosötpawakmö, könaŋi kungöra anömŋi mosöt-mawi, mewö miaŋön mönö anömŋan qesabulum akŋapkö kondota siŋgisöndokö keuŋambuk akŋa. Mewö aiga azi kunbuk meiga azi dölökŋi miaŋön mönö mewöyök qesabulum akŋa.” Mewö.
23338	MAT 5:35	“Gölme mi Anutugö könaŋaŋgö döpŋi akzawaŋgöra aka keu kewö kude jime, ‘Keu ölŋi qahö jimam ewö, gölmenöŋ ölöp tiŋgita turum niŋgima.’ Jerusalem mi Kiŋ Tök-kutukutuŋaŋgö sitiŋi akzawaŋgöra aka keu kewöŋi mi mewöyök kude jime, ‘Keu ölŋi qahö jimam ewö, Kiŋ Ketaŋi yaŋön ölöp qemasolokepnaŋgö likepŋi meleŋni qakne öŋgöma.’
23340	MAT 5:37	Jöjöpaŋ keu kude jimemö, oŋ-keugöra mönö ‘Oŋ!’ jime aka qahö-keugöra ‘Qahö!’ jime. Keu diŋdiŋi miaŋgöreŋ keu yuai toroqemei, mi mönö Bölöŋaŋgö Toŋan sölölöhöm eŋgii asuhuma.” Mewö.
23370	MAT 6:19	“Moneŋ inap yuai mi mönö gölmenöŋ ahöm eŋgimapköra kude tokome. Mewö tokogetka miaŋgöreŋ jijilukut kezaploŋloŋnöŋ mi yöhötigetka kahawet töromnöŋ (ros, ufeŋ) mem böliiga kegwek-kahasililiŋ yeŋön miri qesiŋda öŋgöba yoŋgorö memakze.
23371	MAT 6:20	“Gölmenöŋ qahöpmö, Anutugö jitsihitŋi tem kölgetka qetbuŋaŋinan qarimapköra mönö kapaŋ kölme. Mewö aketka guli dötnamŋini qainŋi kun mi Suep mire ahöiga gurem jijilukutnöŋ mi qahö yöhötigetka kahawet töromnöŋ (ros, ufeŋ) mi qahö mem bölime. Kegwek-kahasililiŋ yeŋön eu qahö öŋgöba miri qesiŋda qahö yoŋgorö meme.
23391	MAT 7:6	Yuaigöra mötketka tök-kutukutuŋi qainŋi kun akzawi, mi mönö kiam kude eŋgime. Guli damandaŋ qeqeŋi mi mönö bau wösöŋine kude gilget anma. Mewö akŋe ewö, yeŋön mönö mi könaŋinan tiahöm eŋgiba dumŋe meleŋda nanŋini eŋgöhöba yöhöqöhötim eŋgibepuk.” Mewö.
23407	MAT 7:22	“Jimtekötekögö nalö ketaŋi miaŋgöreŋ gwötpuk yeŋön kaba nöŋgöra kewö jime, ‘O Kembu Kembu, neŋön mönö göhö qetke yuai asuhumapkö kezapqetok keu qeljiŋe jiba malin. Neŋön mönö göhö qetkahö ösumnöŋ ömewöröme eŋguataŋgöba malin. Göhö qetkan mönö nam köl neŋgiiga aŋgöletot ösum-mumuŋinambuk gwötpuk memba malin. Mi ölum guhuza me?’
23418	MAT 8:4	Solaniiga kewö jim kutum waŋgiyök, “Mötnöŋ, kiaŋgö buzup keuŋi mi kun kude jinöŋ mötme. Qahöpmö, mönö jike nup galömgöreŋ anda silegi kondel waŋgiman aka Mosesgöreŋ jimkutukutuŋi wuataŋgöba solani-zanaŋgö saiwap nalukŋi ala jöwöwöl ohoman. Mi ohonöŋ ehiga ambazipnöŋ könaŋamgi möt kutume.” Mewö.
23462	MAT 9:14	Nalö miaŋgöreŋ Jon O-melun azigö gwarekurupŋi yeŋön Jisösgöreŋ kaba kewö qesiget, “Neŋön aka Farisi (Köna keugö kapaŋkölköl) yeŋön Anutugöra nene siŋgi gwötpuk malahakzin. Nangi gwarekurupkan mönö wuanöŋgöra nene siŋgi qahö malje?”
23487	MAT 10:1	Jisösnöŋ gwarekurupŋi 12 eŋgoholi yaŋgöreŋ kagetka ömewöröme közöl eŋgimegö kukösumŋi al eŋgiyök. Mewöyök uzi kawöl qemjem-mamjeŋ könaŋi könaŋi mem ölöwakŋegö kukösumŋi al eŋgiyök.