59	GEN 3:3	Mimö, miri bibiŋe ip kun kinjawi, miaŋgö ölŋi mi nemba kömumbitpuköra mönö kewö jiyök: ‘Mi mönö kude nemahot. Mia kude misirimahot.’ Mewö jim kutum netkii maljit.”
73	GEN 3:17	Toroqeba azi kewö jim waŋgiyök: “Nöŋön ip kungö ölŋi nembanbuköra ‘Mia kude neman,’ jiba soŋgo al gihialmö, göŋön mi töndup anömgahö keuŋi wuataŋgöba nezan. Miaŋgöra nöŋön gölme mi göhöra aka saitköbiga ahöma. Mewö ahöiga göŋön gölmenöŋ malmanaŋgö dop mönö sileqeqe aka nup gwötpuk memba sihimbölö möta nenegi miwikŋaiba malman.
311	GEN 12:12	Mewögöra Ijipt azi yeŋön gi geka kewö jime: ‘Ki yaŋgö anömŋa.’ Mewö jiba ni nuŋguget kömumam-mö, gi gehorigetka malman.
312	GEN 12:13	Miaŋgöra göŋön mönö kewö jiman: ‘Ni yaŋgö nenŋa.’ Mewö jinöŋga göhöra aka ölöpŋanök ak niŋgiba nöŋgö malmalni gou kölgetka malmam.”
317	GEN 12:18	Mi öŋgöiga Farao kiŋnöŋ Abram köl öröi kaiga kewö qesim waŋgiyök: “Göŋön mönö wani kimbia ak niŋginöŋ? Wuanöŋgöra ‘Mi anömna,’ mewö qahö jinöŋga möral?
318	GEN 12:19	Wuanöŋgöra ‘I mi nena,’ jinöŋ? Mewö jinöŋga nöŋön i anömna akŋapköra waŋgiral? Anömgi ki. Mönö i waŋgita anohot.”
360	GEN 14:23	Nöŋön göhöreŋ yuai kun mi qahö kötökŋi memam. Möt kösögahö kitipŋi me köna esugahö kösöŋi mi mewöŋanök qahö memam. Mewö akiga göŋön könaŋgep kewö jibanbuk: ‘Nöŋön Abram yuai waŋgibiga yaŋön azi pomŋi qetbuŋaŋambuk aka malja.’ Göŋön mönö mewö jimamgö osiba malman.
438	GEN 18:13	Mewö mötmöriiga Kembunöŋ Abraham qesim waŋgiba kewö jiyök: “Saranöŋ wanigöra gön köla kewö mötmöriza: ‘Nöŋön ambi namŋi kötökŋi aka ölŋa morö membileŋak me?’
439	GEN 18:14	Kembunöŋ mönö yuai kungöra qahö kötökŋi qakömakza. Miaŋgöra jizali, ‘Yambu mohotkö dop teköiga nöŋön ölŋa liliŋgöba ki kabiga Saranöŋ mönö morö nahönŋambuk aka malma.’”
480	GEN 19:22	Mi qahö ayuhumam-mö, iŋini mönö ösumok miaŋgöreŋ misiŋgöba angaitme. Miaŋgöreŋ qahö aŋgotketka nalö sutŋi kewöŋe nöŋön yuai kun akŋamgö osimam. Iŋini mutuk miaŋgöreŋ aŋgotketka miaŋgö andöŋe ölöp jim kutubiga köndeŋmöndeŋ asuhuma. “Lotnöŋ taongöra ‘morodökŋi’ jiyöhaŋgöra aka taon miaŋgö qetŋi mi Zoar (morodökŋi) qetketka ahöza.
501	GEN 20:5	Abrahamnöŋ mönö nanŋak nöŋgöra kewö jiyök: ‘Ambi mi nena.’ Ambinöŋ mewöyök kewö jiyök: ‘Abraham mi nena.’ Miaŋgöra urune geŋmoŋ qahö ahöiga ambi mi jibi kaiga börönan yuai tölokŋi kun qahö ahal.”
507	GEN 20:11	kewö meleŋnök: “Nöŋön keu mi kewö mötmöriba jial: ‘Gölme kiaŋgö könagesö eŋön Anutugö jitŋi oŋgitpinbuköra keŋgötŋini qahö mötpeak. Miaŋgöra ni anömnaŋgöra aka nuŋguget kömumbileŋbuk.’
509	GEN 20:13	Anutunöŋ Iwinaŋgö miriŋi mosöta kungen anmangö jiyöhi, nöŋön nalö miaŋgöreŋ Saragöra kewö jial: ‘Niri denike denike anbiri, miaŋgöreŋ nöŋgöra nena jiman. Mewö aka miaŋön ni urukalem kondel niŋgiba malman.’”
512	GEN 20:16	Mewö jiba Saragöra kewö jiyök: “Mötnöŋ. Nöŋön moneŋ silwö köt 1000:gö dop nengi waŋgibiga miaŋön töwagi akza. Töwa miaŋön könaŋamgi kondeliga ambazip körek göbuk maljei, yeŋön mi eka kewö jiba möt yaköme, ‘Siŋgisöndokö keuŋi mi Saragöreŋ qahö ahöza.’” Mewö jiyök.
537	GEN 21:23	Miaŋgöra göŋön mönö merak kiaŋgöreŋ Anutugö jeŋe jöjöpaŋ keu kewö jiba jim köhöiman: ‘Nöŋön gi, moröurupki aka gwölönarökurupki embuk isimkakalek kun kude aka malmam.’ Mewö jim köhöiba nöŋön ak kömum gihiba malali, miaŋgö dop göŋön mönö mewöŋanök gölme ki aka ni ak kömum netkiba malman. Gi gölme kiaŋgöreŋ kiana aka maljan.”
562	GEN 22:14	Miaŋgöra Abrahamnöŋ gölme miaŋgö qetŋi mi ‘Kembunöŋ miwikŋaiba netkima,’ jiba qerök. Nalö kewöŋe mewöŋanök keu kewö jimakze: “Kembunöŋ mi kunduŋe miwikŋaiba netkima.”
599	GEN 24:7	Suepkö Kembuŋi Anutunöŋ ni iwinaŋgö miri aka ahuahu kantrineyök keu kewö jii mötpiga jöjöpaŋ keunöŋ jöhöba noaŋgiri kayal: ‘Nöŋön gölme ki mönö göhö gwölönarökurupki yeŋgö buŋaya qem eŋgimam.’ Miaŋgöra yaŋön mönö Suep garataŋi melaiiga mutuk aniga göŋön ölöp nahönaŋgö anömŋi mi miaŋgöreŋök waŋgita kaman.
606	GEN 24:14	Kagetka kewö asuhumapköra köuluközal: Nöŋön ambi seram kungöra kewö jimam: ‘Gi ölöp köuraŋengi möŋgoninöŋga (mondokönöŋga) o nembileŋak.’ Mewö jibiga yaŋön kewö meleŋda jima: ‘Ölöp nenöŋga kamelurupki mewöyök o gumohom eŋgimam.’ Mewö jimawi, ambi seram ia göŋön welenqeqe azigi Aisakö buŋaya qenöŋi, yaŋön mönö mia akŋa. Mewö asuhuiga göŋön ketaŋamnaŋgöra keu jim jöhönöŋi, miaŋön ölŋambuk akza, mewö mötmam.”
630	GEN 24:38	Mewö qahöpmö, gi mönö iwinaŋgö mire nani tinitosolomurupni yeŋgöreŋ anda nahönaŋgö anömŋi mi miaŋgöreŋök waŋgita kaman.’
631	GEN 24:39	“Mewö jiiga ketaŋamni mi kewö qesim waŋgial, ‘Nöŋön anda jibiga ambi miaŋön nömbuk qahö kama ewö, nöŋön mönö denöwö akŋam?’
633	GEN 24:41	Nöŋgö tinitosolomurupni yeŋgöreŋ anda jöjöpaŋ keu nöŋgöra jinöŋi, miaŋön mönö miaŋgö andöŋe qahö toroqeba jöhöm gihima. Ambi kun qahö gihime ewö, göŋön töndup jöjöpaŋ keu miaŋgö kösönöhök lolohoman.’
636	GEN 24:44	Mewö jibiga yaŋön kewö meleŋda jima: “Ölöp nenöŋga kamelurupki yeŋgö o mewöŋanök uba eŋgimam. “Mewö meleŋda jima ewö, nöŋön miaŋgöra kewö mötmam: Kembu göŋön i ketaŋamnaŋgö nahönŋaŋgö anömŋa akŋapköra möwölöhözan.’
637	GEN 24:45	Uruneyök köuluk mi qahö köuluköm teköbiga miaŋgöreŋök Rebeka yaŋön köuraŋen qamböŋe aŋguba miaŋgöreŋ kaŋgotza. Kaŋgota o lömŋe geba o uiga nöŋön yaŋgöra kewö jizal: ‘Ölöp o kun niŋginöŋga nembileŋak.’
638	GEN 24:46	“Mewö jibiga yaŋön zilaŋ köuraŋenŋi qamböŋeyök mei eriga kewö jiza: ‘Ölöp nenöŋga kamelurupki yeŋgö o mewöŋanök eŋgibiga neme.’ Mewö jii nembiga kamelurupni mi mewöyök o gumohom eŋgiza.
639	GEN 24:47	Gumohom eŋgiiga kewö qesim waŋgizal, ‘Gi dagö böratŋa?’ Qesim waŋgibiga kewö meleŋja: ‘Ni Betuelgö böratŋa. Abu asani qetŋiri Milka aka Nahor.’ Mewö meleŋniga nöŋön pinjim söŋgöröŋe möndöba böröjeŋjeŋ böröŋe membi öŋgöza.
702	GEN 26:9	Etkeka Aisak oholi kaiga kewö jii mörök: “Mötnöŋ, yaŋön mönö göhö anömgi akza. Mönö wuanöŋgöra ‘I mi nena,’ jinöŋ?” Mewö möta kewö meleŋ waŋgiyök: “Ni yaŋgöra aka nuŋguget kömumbileŋbuköra mötmöriba mewö jial.”
722	GEN 26:29	Nini kahasililiŋ kun qahö ak gihiinmö, nalö dop ölöpŋi ak gihiba gömosöringa luainöŋ mirigi mosöta anda kaba malnöŋ. Miaŋgö dop göŋön mewöŋanök nini yuai bölöŋi kun kude ak neŋgiba malman.’ Nalö kewöŋe Kembunöŋ kötuetköm gihiiga maljan.”
735	GEN 27:7	‘Gi mönö sömbup memba kaba niŋgiba nene nahömŋambuk ohoba mözözömgöba niŋginöŋga nemam. Nembagun Kembugö jemesoholŋe kötumötuet gihimam. Mi mutuk gihibi teköiga miaŋgö andöŋe ölöp kömumam.’
882	GEN 31:8	Nalö kunöŋ kewö jiyök, ‘Lama aka meme (noniŋ) tiktokŋinambuk asuhumei, mi mönö göhö nup töwagi akŋe.’ Mewö jiiga sömbup kambu jömukŋi yeŋön moröŋini tiktokŋinambuk eŋgömeget. Nalö kunöŋ kewö jiyök, ‘Lama aka meme (noniŋ) jiŋjalalaŋ asuhumei, mi mönö göhö nup töwagi akŋe.’ Mewö jiiga sömbup kambu jömukŋi yeŋön moröŋini jiŋjalalaŋ eŋgömeget.
885	GEN 31:11	Nöŋön gaun ekiga miaŋgöreŋ Anutugö garata kunŋan nöŋgöra ‘Jeikob!’ qerök. Mewö qeriga ‘Ki kinjal,’ jiba meleŋnal.
887	GEN 31:13	Nöŋön Betel miaŋgöreŋ asuhum gihibiga köt dangunu kun kuŋguba miriba nöŋgöra keu jöhöba jöjöpaŋ keunöŋ jim köhöinöŋ. Nöŋön Anutu mi aka göhöra keu kewö jizal: Gi mönö dölki wahöta kantri ki mosöta nangi ahuahu gölmege kunbuk liliŋgöba anman.’”
903	GEN 31:29	Nöŋön kukösumnambuk kaba ölöp ayuhum gihibileŋakmö, suŋgem ahöbiga iwigahö Anutuŋan keu kewö jii mötzal: ‘Göŋön Jeikobköra kötumötuet me qesuak keu kun jibanbuköra mönö möt kutuba galöm mem aŋguman.’
934	GEN 32:6	Miaŋgöreŋ mala bulmakau, doŋki, lama, meme (noniŋ) kambuŋi kambuŋi aka welenqeqe ambazip miwikŋaiba eŋgömemba könanöŋ kazal. O azi kembuni, nöŋön göhö jege ak-kömukömu miwikŋaimamgöra möta keu buzupni ki mutuk albi göhöreŋ kaza.’”
938	GEN 32:10	Mewö mötmöriba kewö jiba köuluköyök: “O Anutu, asani Abrahamgö aka iwini Aisakö bemŋiri, göŋön ölöp möt niŋgiman. Kembu, gi nangok keu kewö jinöŋ möral: ‘Gi mönö wahöta nangi gölmenöŋ liliŋgöba nangi tinitosolomurupki yeŋgöreŋ anman. Endu anöŋga nöŋön töhötmöriam gihibiga malman.’ Mewö jinöŋ möral.
941	GEN 32:13	Gi nangok keu kewö jinöŋga möral: ‘Nöŋön töhötmöriam gihiba gwölönarökurupki ahumsehip eŋgibiga qötöŋinan qariba köwetkö sakösiŋi ahözawaŋgö dop akŋa. Mi gwötpuk ketaŋi ahömawaŋgöra aka oyoŋoyoŋgö dop qahö. Keu mi ölŋa.’”
946	GEN 32:18	Mewö jiba kambu mutukŋi anmeaŋgö galömŋi kewö jim kutum waŋgiyök: “Könanöŋ angetka datni Isonöŋ miwikŋaim eŋgiba kewö qesim gihima: ‘Gi dagö welenqeqe azia akzan? Gi denike anmam jiba kazan? Sömbup wösöge anjei, mi dagöreŋa?’
947	GEN 32:19	Mewö qesim gihiiga kewö jiman: ‘Mi welen azigi Jeikobköreŋa. Mi ketaŋamŋi Iso kalem waŋgimamgöra al eŋgii kaze. Nanŋak mönö andönine könanöŋ kaza.’”
1104	GEN 37:20	Ayop, mönö kagetka anda qein kömuiga qamötŋi o lömŋi kunöŋ gilin geiga kewö jibin: ‘Sömbup kalŋan mönö i qei kömuyök.’ Gaunŋaŋgö ölŋan denöwö asuhumawi, mi mönö miaŋgö andöŋe ekin.”
1142	GEN 38:22	Mewö jigetka Hiranöŋ öne liliŋgöba Judagöreŋ kaba jiyök: “Nöŋön anda ambi mi qahö ehal. Miri miaŋgö toŋi yeŋön mewöyök keu kewö jigetka möral: ‘Jöwöwöl jikegö köna ketaŋi ambiŋi kun mi kiaŋgöreŋ qahö malök.’”
1211	GEN 41:15	Kaŋgoriga Farao kiŋnöŋ Josefköra kewö jiyök: “Nöŋön gaun kun ekiga körekŋan miaŋgö könaŋi jibingö osizemö, kunöŋ göhö könagi kewö jiiga mötzal: ‘Kunŋan göhöra gaunŋi jii möta göŋön miaŋgö könaŋi ölöp jim asarimakzan.’”
1275	GEN 42:22	Mewö eraum-mötketka Rubenöŋ kewö jiyök: “Nöŋön kewö jibi mötket: ‘Iŋini azi gwabö mi silik bölöŋi kude ak waŋgime.’ Mewö jialmö, iŋini nöŋgö keuni mi möta silekmalek aket. Mötket, nalö kewöŋe yaŋgö sepŋaŋgö keugö likepŋan mönö qaknine öŋgöiga kahasililiŋ mötzin.”
1285	GEN 42:32	Nini azi mohotkö nahönurupŋa, darumun 12 aka maljin. Kunŋan qahö toroqeba maliga munini qöndökŋan nalö kewöŋe Keinan gölmenöŋ iwininambuk mire tatza.’
1287	GEN 42:34	Iŋini gölme ek-kewötkö yarö azia qahöpmö, azi diŋdiŋi muneŋini qahö maljei, mi kewö kewöt eŋgiba mötmam: Iŋini mönö anda munŋini qöndökŋi mi waŋgita nöŋgöreŋ kame. Mewö kagetka darumunŋini meleŋ eŋgibiga ölöp gölme kiaŋgöreŋ aŋgumnep-qaŋgumnep aka malme.’”
1294	GEN 43:3	Mewö jii mötketka Judanöŋ kewö jiyök: “Azi miaŋön mönö kapaŋ köla neŋgöra galöm meme keu köhöikŋi kewö jiyök: ‘Munŋinan embuk qahö kama ewö, iŋini mönö nöŋgö jemesoholne kunbuk kaŋgotpingö osime.’
1296	GEN 43:5	Azi miaŋön keu kewö jii mörin: ‘Munŋinan embuk qahö kama ewö, iŋini mönö nöŋgö jemesoholne kunbuk kaŋgotpingö osime.’ Miaŋgöra göŋön Benjamin aŋgön kölman ewö, nini qahö anbin.”
1298	GEN 43:7	Mewö jiiga kewö meleŋda jiget: “Azi miaŋön nini aka könagesöurupnini eŋgöra törörök qeqesi könaŋi könaŋi neŋgiba kewö jiyök, ‘Iwiŋinan jebuk malja me qahö? Darumunŋini kun malja me qahö?’ Mewö jiyöhaŋgöra qeqesiŋi mi neŋön ölŋanök jiba meleŋnin. Yaŋön könaŋgep munini waŋgita kamegöra jibawak, mi mönö qeljiŋe nalö miaŋgöreŋ denöwö mötpinak?”
1330	GEN 44:5	Nöŋgö ketaŋamnan qambiŋeyök kuluŋ nemakzawi aka qambiŋi miaŋön unji aka keu asa-asambötŋaŋgö könaŋi miwikŋaimakzawi, iŋini qambi mi mönö wuanöŋgöra yoŋgorö memba kaze? Iŋini mönö silik mi bölöŋi kötökŋa akze.’”
1344	GEN 44:19	Azi kembuni göŋön welenqeqeurupki nini mutuk kainga kewö qesim neŋginöŋ: ‘Eŋgö iwiŋini aka darumunŋini kun maljahot me qahö?’
1345	GEN 44:20	“Mewö qesim neŋginöŋga neŋön azi kembuni göhöra kewö meleŋnin: ‘Neŋgö iwinini azi namŋi aka munini azi gwaböya kun mire tatzahot. Munini miaŋön iwininan lök azi namŋi aiga nalö miaŋgöreŋ asuhuyök. Namŋan azi morö yahöt etkimeiga datŋan kömuiga nanŋök töhön malja. Yaŋön mönö iwiŋaŋgö wölböt (jojopaŋ) nahönŋi akza.’
1346	GEN 44:21	Mewö meleŋninga göŋön welenqeqeurupki neŋgöra keu kewö jinöŋ, ‘Iŋini mönö munŋini mi waŋgita nöŋgöreŋ ki kagetka i ölöp nani jenan uba ekŋam.’
1347	GEN 44:22	“Mewö jinöŋga neŋön azi kembunini göhöra kewö meleŋnin: ‘Azi gwabö mi iwiŋi mosötmamgö osima. Iwiŋi mosötpawak ewö, iwiŋan mönö kömumbawak.’
1348	GEN 44:23	Mewö meleŋninmö, göŋön welenqeqeurupki neŋgöra keu kewö jim kutunöŋ: ‘Munŋini qöndökŋan embuk ki qahö kama ewö, iŋini mönö nöŋgö jemesoholne kunbuk kude asuhume.’
1350	GEN 44:25	Mi jiinga möta iwininan könaŋgep kewö jiyök: ‘Iŋini mönö kunbuk anda neŋgöra nene tosatŋi söŋgöröŋi memba kame.’
1351	GEN 44:26	“Mewö jiyökmö, nini kewö jiin, ‘Neŋön naninök anbingö osibin. Munini qöndökŋan nembuk mohotŋe anmapkö jiman ewö, mönö ölöp anbin. Munini bezupŋi qahö waŋgita anbin ewö, neŋön mönö azi miaŋgö jemesoholŋe asuhubingö osibin.’
1354	GEN 44:29	Merak munŋi ki mewöyök noaŋgita angetka könanöŋ ayuayuhu kunŋan yaŋgö qakŋe öŋgöma ewö, iŋini mönö kondotketka wösöbirik öŋgöŋgöŋan nöŋgö qakne öŋgöiga köŋjiliŋ möta kömumba nöröp jupni yaŋgonambuknöŋ uŋem mire gemam.’”
1357	GEN 44:32	Göhö welenqeqegi nöŋön azi gwabönöŋ qahö ayuhumapkö keuŋi mi iwinaŋgöra jim jöhöba kewö jial: ‘I qahö waŋgita göhöreŋ liliŋgöba kamam ewö, miaŋgö keu lömbötŋan mönö göhö jege nöŋgö qakne öŋgöba ahöiga gölmenöŋ malmalni mewö mal öŋgöm tekömam.’
1370	GEN 45:11	“Bödi kiaŋön mönö kunbuk toroqeba yambu 5:gö dop ahöm öŋgöma. Nalö miaŋgö uruŋe gi, mirigahö saiwaurupki me tinitosolomurupki tosatŋi yeŋgöreŋök kunŋan bödi mala nenegö mözöqözöröm aka kömum gororoŋgöbapuk. Miaŋgöra mönö Gosen gölmenöŋ kaba mala wani yuaigöra osimei, nöŋön mi eŋgiba malmam.’ Iwininaŋgöra keu mi mönö mewö jigetka mötma.
1377	GEN 45:18	Anda iwiŋini aka saiwaurupŋini eŋguaŋgita liliŋgöba nöŋgöreŋ kame. Ki kagetka nöŋön gölme ölöp kötökŋi Ijipt kantri uruŋeyök möwölöhöba eŋgibiga ölöp miaŋgö kelökŋi miwikŋaiba nem söŋgaip aka malme.’
1379	GEN 45:20	Miriŋinaŋgö yuaiŋi tosatŋi Keinan gölmenöŋ mosötmei, miaŋgö waimanjatŋi kude akŋe. Nöŋön miaŋgö salupŋe Ijipt kantri jömuk kiaŋgö yuaiŋi ölöp kötökŋi mi eŋgibiga buŋaŋini akŋa.’”
1419	GEN 46:32	Darumunurupni mieŋön lama bulmakau galömŋini aka mi galöm köl eŋgiba maljeaŋgöra kabingö aka lama kambuŋini, bulmakau kambuŋini aka sukinap öröyuaiŋini pakpak mi eŋguaŋgita kaze.’
1420	GEN 46:33	Miaŋgöra Farao kiŋnöŋ eŋgoholi jemesoholŋe aŋgotketka kewö qesim eŋgima: ‘Iŋini wani nuwa memakze?’
1421	GEN 46:34	“Mewö qesim eŋgiiga iŋini kewö meleŋ waŋgime: ‘Welenqeqeurupki neŋön mönö abu asaurupnini mutuk memba malgeraŋgö dop moröröpnineyök lama bulmakau galöm kölköl nupŋi memba mala maljin.’ Mewö meleŋ waŋgigetka yaŋön ölöp Gosen prowinsnöŋ tatat dumdumŋini möhamgömegöra oŋ jiiga malme. Ijipt ambazip yeŋön lama bulmakau galöm kölköl ambazip pakpak yeŋgöra mötketka imbiloŋloŋinambuk ahakze. “Josefnöŋ keuŋi mewö jii mötket.
1456	GEN 48:4	kewö jiyök: ‘Nöŋön ahumsehip gihibiga gwölönarökurupki yeŋgö qötöŋinan mönö qariba qariba öŋgöiga göŋön könagesö kambuŋi kambuŋi gwötpuk yeŋgö bömön jalöŋina akŋan. Gwölönarökurupki könage asuhum öŋgömei, nöŋön gölme ki mi i buŋa qem eŋgibiga yeŋgö buŋaŋina teteköŋi qahö ahöm öŋgöma.’
1512	GEN 50:5	Iwinan jebuk mala keu kewö jöhöba jöjöpaŋ keunöŋ jim köhöimamgöra jim kutum niŋgiyök: ‘Nöŋön kömumamgö akzal. Ni nanaŋgöra köt köteŋ Keinan gölmenöŋ esibi kinjawi, nöŋgö qamötni mi mönö miaŋgöreŋ anda löm kölman.’ Miaŋgöra ölöp merak jinöŋga nöŋön miaŋgöreŋ anda iwinaŋgö qamötŋi löm kölagun kunbuk liliŋgöba kamam.”
7135	RUT 1:6	Naominöŋ nanŋok Moab kantrinöŋ mala nalö kunöŋ buzup keu muewö zöget mörök: ‘Kembunöŋ könagesöŋi bauköm engiwa Israel miaŋgöreŋ numbu nene ölip miwikŋaim engimamja.’ Mewö möta Moab mosota Israel balöŋe liliŋgöwa anmamgöra mem mözözöm hali iranweitŋi yetkuk wahötket.
7153	RUT 2:2	Nalö kunöŋ Moab anbi Rut yaŋgön iranŋi Naomikö muewö ezöyök: “Ölip zöm tekönöŋga nöŋgön nup kunöŋ anda anbazip bali ipŋi kohola iriremönŋi mosoramjei, mihi qendaŋda tokomam. Ni ölip aiwi kungö jeŋe eksihim miwikŋaiwiga ‘Oŋ!’ zöiga ölip yaŋgö andöŋe anda mihi tokomam.” Mewö zöiga Naominöŋ zöyök: “O böratni, ölip anman.”
7172	RUT 2:21	Mewö zöi möta Moab anbi Rutnöŋ muewö zöyök: “Keu kun toroqeba muewö zöi mötzal: ‘Gi mönö nöŋgö nup meme anbazip yenguk nömtik malnöŋga nöŋgöreŋ bali patpat mihi kohol teköme.’”
7191	RUT 3:17	Möriga muewö toroqemba zöyök: “‘Gi irangaŋgöreŋ biribörak de anman,’ zömba bali muŋgu niŋgiza.”
23244	MAT 2:6	‘O Betlehem könagesö Juda gölmenöŋ maljei, eŋgö sutŋineyök kembu ketaŋi asuhuba nani Israel könagesö mindiŋgöba köyan köl neŋgima. Miaŋgöra iŋini Juda gölmegö jitŋememe yeŋgö sutŋine malgetka qetbuŋaŋinan eretŋi qahöpmahöp akza.’”
23264	MAT 3:3	Jongöra kezapqetok azi Aisaianöŋ keu kun kewö jiba ohoyök, “Kolek garata kunöŋ gölme qararaŋkölkölŋe qeta maliga anda jölŋi kewö mötme, ‘Kembunöŋ kamawo! Miaŋgöra mönö jöjöröba könaŋi mesatket. Mönö uruŋini mindiŋgöba könaŋi köl diŋgiba qölöleiget.’”
23270	MAT 3:9	“Uruŋine möndömöndö keu kewö jibingö kude mötmörime, ‘Neŋön mönö Abrahamgö gwölönarökŋa malinga Anutunöŋ qahö ayuhum neŋgima.’ Mewö jiba töptöpŋine qemakzemö, ölŋi mi qahö ahakze. Nöŋön miaŋgöra kewö jibi mötket, Anutunöŋ köt ki ölöp jim kutum eŋgiiga letota Abrahamgö gwölönarökurupŋi aka Anutu möpöseimakŋemö, iŋini denöwö?
23282	MAT 4:4	Mewö jiyökmö, Jisösnöŋ keu kewö meleŋnök, “Qahö! Buŋa Kimbinöŋ keu kun kewö ohoget ahöza, ‘Nenenöhök ambazip malmal qahö neŋgimakzapmö, Anutugö jitŋeyök keu kamakzawi, mi pakpak tem kölinga miaŋön mönö gumohom neŋgiiga köhöiba maljin’.”
23284	MAT 4:6	Mewö kiniga kewö jii mörök, “Gi Anutugö Nahönŋa akzan ewö, mönö kiaŋgöreŋök luhuba emu geman. Buŋa Kimbinöŋ keu kun kewö ohoget ahöza, ‘Anutunöŋ göhöra aka garataurupŋi jim kutum eŋgiiga ölöp kököbihigetka geba kötnöŋ könage qahö guhum qizit akŋa.’ Miaŋgöra geba kude ayuhuman.”
23285	MAT 4:7	Mewö jiiga kewö meleŋnök, “Qahö! Buŋa Kimbinöŋ keu kun mewöyök kewö ahöza, ‘Gi mönö Kembugi Anutu kude esapköm waŋgiman.’”
23288	MAT 4:10	Mewö jiiga Jisösnöŋ kewö jii mörök, “Qahö! Satan gi mönö kesalnöŋ. Buŋa Kimbinöŋ keu kun kewö ohoget ahöza, ‘Gi mönö Kembugi Anutu, ia mohot simin köl waŋgiba waikŋi memba möpöseiman’.”
23324	MAT 5:21	Jisösnöŋ toroqeba jiyök, “Eŋön möpŋeyök keu kun kewö jiget mötzema, ‘Ambazip kun kude qeget kömuma aka kunŋan kazikŋi qei kömumawi, i mönö distrikö keu jakeŋe algetka keuŋi jim teköme.’
23325	MAT 5:22	“Mewö jiget mötketmö, nöŋön keu mi kewö jim tuaribi mötme: Kunŋan alaŋambuk aŋgururuk aka irimŋan seholii yom kazik akzawi, i mönö mewöyök distrikö keu jakeŋe al waŋgiget keuŋi jim tekömeaŋgö dop akza. Mewöŋanök kunŋan alaŋi jijiwilit keunöŋ jim böliba ‘Gi uruqahö akzan,’ jizawi, i mönö kantrigö jike kaunsöl yeŋgö jeŋine al waŋgiget keuŋi jim tekömeaŋgö dop akza. Kunŋan alaŋi lösö keunöŋ jim böliba ‘Gi aŋgöjörakabuk akzan,’ jizawi, yaŋön mönö könöp sianöŋ gemawaŋgö dop akawak.
23330	MAT 5:27	“Keu kun kewö jiget mötzema, ‘Sero yoŋgorö kude akŋan.’
23334	MAT 5:31	“Keu kun kewö jiget ahöza, ‘Kunŋan anömŋi mosötmawi, yaŋön mönö aŋgömosötmosöt papia ohoba anömŋi waŋgima.’
23336	MAT 5:33	“Keu kun mi mewöyök möpŋeyök kewö jiget mötzema, ‘Keuŋini jöjöpaŋ keunöŋ jim köhöigeri, mi mönö kude oŋgitme. Kembugöra yuai akingö keuŋini jöjöpaŋ keunöŋ jim jöhögeri, mi mönö wuataŋgögetka ölŋambuk akŋa.’
23337	MAT 5:34	“Mewö jiget mötketmö, nöŋön keu mi kewö jim tuaribi mötme: Keuŋini mönö jöjöpaŋ keunöŋ qahöpmahöp jim köhöime. Suep mi Anutugö jakömbuak dumŋi akzawaŋgöra aka keu kewö kude jime, ‘Keu ölŋi qahö jimam ewö, Suep Toŋan ölöp likepŋi meleŋni qakne öŋgöma.’
23338	MAT 5:35	“Gölme mi Anutugö könaŋaŋgö döpŋi akzawaŋgöra aka keu kewö kude jime, ‘Keu ölŋi qahö jimam ewö, gölmenöŋ ölöp tiŋgita turum niŋgima.’ Jerusalem mi Kiŋ Tök-kutukutuŋaŋgö sitiŋi akzawaŋgöra aka keu kewöŋi mi mewöyök kude jime, ‘Keu ölŋi qahö jimam ewö, Kiŋ Ketaŋi yaŋön ölöp qemasolokepnaŋgö likepŋi meleŋni qakne öŋgöma.’
23339	MAT 5:36	Gi nöröp jupki injaŋi menöŋ tuatŋi akŋapkö osiman aka nöröp jupki tuatŋi menöŋ injaŋi akŋapkö osiman. Miaŋgöra keu kewö kude jiman, ‘Keu ölŋi qahö jimam ewö, Anutunöŋ ölöp nöröpni qeiga jupŋaŋgö mundaŋan uteköma.’
23340	MAT 5:37	Jöjöpaŋ keu kude jimemö, oŋ-keugöra mönö ‘Oŋ!’ jime aka qahö-keugöra ‘Qahö!’ jime. Keu diŋdiŋi miaŋgöreŋ keu yuai toroqemei, mi mönö Bölöŋaŋgö Toŋan sölölöhöm eŋgii asuhuma.” Mewö.
23341	MAT 5:38	“Keu kun kewö jiget mötzema, ‘Kunŋan jegi qösökömawi, gi mönö kitipŋi meleŋda yaŋgö jeŋi qösököman. Kunŋan jitki kumburatimawi, gi mönö kitipŋi meleŋda yaŋgö jitŋi kumburatiman.’
23343	MAT 5:40	Kunŋan ‘Sileötaŋgi memam,’ jiba keunöŋ al gihimamgö mötza ewö, mönö mosöta malukugi qakŋi mewöyök waŋginöŋga buŋa qem aŋguma.
23345	MAT 5:42	Kunŋan göhöreŋ yuai kungöra qesim gihimawi, mi mönö waŋgiman. Kunŋan ‘Yuai niŋginöŋga kitipŋi biaŋ meleŋmam,’ jiba qesim gihimawi, i mönö andö kude qeman.” Mewö.
23346	MAT 5:43	“Keu kun kewö jiget mötzema, ‘Ambazip kösutŋine mala alaurupŋini akzei, mi jöpaköm eŋgimakŋemö, kazikurupŋini mönö meleŋda kazik ak eŋgiba malme.’
23353	MAT 6:2	“Miaŋgöra ‘Mözöqözöröŋ ambazip kalem eŋgimam,’ jiba mi qenjaröknöŋ kömam tömunbuk uba kolek almegöra kude akŋan. Urumeleŋgö silesile ambazip yeŋön ambazipnöŋ miwidimgöm (mem biwim) eŋgimegöra möta köuluk mire aka köna namŋe anda ambazip eŋgeka mewö ahakze. Nöŋön keu öl töhönŋi kun kewö jibi mötme, Yeŋön mönö silikŋinaŋgö töwaŋi pakpak lök buŋa qem aŋgugetka Suep Toŋan mi qahö toroqema.
23354	MAT 6:3	“Göŋön mewö kude akŋanmö, ‘Mözöqözöröŋ ambazip kalem eŋgimam,’ jiba börögi ölŋan denöwö akzawi, börögi qaniŋan mi kude mötma.
23357	MAT 6:6	“Göŋön mewö kude akŋanmö, ‘Anutugö köulukömam,’ jiba mönö nangi miri uruŋi moröŋe öŋgöba naŋgu köla Iwigi tölapŋe maljawi, i köuluköm waŋgiman. Mewö aknöŋga Iwigan ahakmeme tölapŋi ehakzawi, yaŋön mönö töwa gihima.
23376	MAT 6:25	“Mewö aiga nöŋön kewö jibi mötket: Iŋini gölmenöŋ malmeaŋgö waimanjatŋi mi kewö jiba kude akŋe, ‘Mönö wani yuainöŋ gumohom aŋgubinak aka wanatnöŋ sileninaŋgö löŋgötpinak?’ Jeŋinambuk maljei, miaŋön bohonŋi aiga nenenöŋ mönö miaŋgö nemböŋe akza. Sileŋinambuk maljei, miaŋön bohonŋi aiga opo sörönöŋ mönö miaŋgö nemböŋe ahöza. Mönö mi mötmörime.
23382	MAT 6:31	“Mewö aiga iŋini mönö malmalŋinaŋgö waimanjat aka mötkurumkurum kude ahakŋe. Mi aka lömböriba kewö jibepuk, ‘Nini mönö wani nene aka wani oya nembinak?’ aka ‘Wani yuainöŋ silenini esuhubinak?’
23389	MAT 7:4	Me denöwögöra aka amqeba alagahöra kewö jizan, ‘Alani mötnöŋ, ni ölöp jegeyök gödöwöröt itaköbi etma?’ Mewö amqeba jizanmö, ip sahötŋi ketaŋi mi nange jege ahöza.
23406	MAT 7:21	“Nöŋgö Suep Iwinaŋgö jitsihitŋi tem kölakzawaŋön mönö yaŋgö bemtohoŋnöŋ aŋgotma. Gwötpuk yeŋön nöŋgöra ‘Kembuni, Kembuni!’ qeta jimakzemö, körek yeŋön Suepkö bemtohoŋnöŋ qahö aŋgotme.
23407	MAT 7:22	“Jimtekötekögö nalö ketaŋi miaŋgöreŋ gwötpuk yeŋön kaba nöŋgöra kewö jime, ‘O Kembu Kembu, neŋön mönö göhö qetke yuai asuhumapkö kezapqetok keu qeljiŋe jiba malin. Neŋön mönö göhö qetkahö ösumnöŋ ömewöröme eŋguataŋgöba malin. Göhö qetkan mönö nam köl neŋgiiga aŋgöletot ösum-mumuŋinambuk gwötpuk memba malin. Mi ölum guhuza me?’
23408	MAT 7:23	Mewö jigetka nalö miaŋgöreŋ könaŋini aukŋe kewö jibi mötme, ‘Nöŋön iŋini nalö kunöŋ qahö möt eŋgial. Iwilele ahak ambazip, iŋini mönö nömosöta kesalget.’” Mewö.
23423	MAT 8:9	“Mi kewögöra: Ni nanak mewöyök galömnaŋgö kukösum bapŋe al niŋgigetka maljal. Nöŋgö bapne yarö azi malgetka mi jim kutum eŋgimakzal. Yeŋgöreŋök kungöra ‘Anman,’ jim kutubi yaŋön anma. Kungöra ‘Kanöŋ,’ jim kutubi yaŋön kama aka welen azini kungöra ‘Nup ki meman,’ jibiga yaŋön mi mema.”
23453	MAT 9:5	Nöŋön ‘Siŋgisöndoki mosötzal,’ jizali, keu miaŋön mönö awamŋanök jijiŋa. Kunŋan mewö jiiga tosatŋan keu miaŋgö ölŋi qahö ekŋe. Miaŋgöra mi keu awamŋaŋgö dop. Nöŋön keu kun kewö jimamgö mötzal, ‘Mönö wahöta anöŋ.’ Keu mi mönö lömbötŋambuk jijiŋa akza. Mewö jibiga ölŋi ahuma me qahöwi, miaŋön mönö aukŋe asuhui ekŋe.
23461	MAT 9:13	Nöŋön siŋgisöndok ambazip eŋgoholmamgöra kaba maljalmö, ambazip nanŋinaŋgö mötketka solanŋi akzei, i qahö. Miaŋgöra keu kiaŋgö könaŋi mönö anda kusum aŋguba mötme, ‘Nöŋön jöwöwöl ohobingö qahöpmö, ak kömum aŋgubingö sihimŋi mötzal.’” Mewö.