109	GEN 5:3	Adamnöŋ mala yambuŋi 130 aiga nahönŋi kun asuhuyök. Mi Adam nanŋi kaisoŋgolomŋi aka tandökŋaŋgö dop maliga qetŋi Set qerök.
111	GEN 5:5	Adamnöŋ mewö mala öŋgöba yambuŋi mindiriba 930 meköba kömuyök.
122	GEN 5:16	Jared asuhuiga nalö miaŋgöreŋök Mahalalelnöŋ toroqeba yambu 830 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
128	GEN 5:22	Metusela asuhuiga nalö miaŋgöreŋök Enoknöŋ yambu 300:gö dop uruŋi Anutubuk jöhöba anda kaba maliga nalö sutŋe miaŋgöreŋ nahönböratŋi tosatŋi asuhuba öŋgöget.
129	GEN 5:23	Öŋgögetka Enoknöŋ mala mal öŋgöba yambuŋi mindiriba 365 meköyök.
153	GEN 6:15	Waŋge mi kewö meman: köröpŋamŋi 133 mita (450 fit), andipŋi 22 mita (75 fit) aka köŋgepŋi 13 mita (45 fit) mewö meman.
234	GEN 9:28	Göulu ketaŋan teköiga Noanöŋ toroqeba (yara) yambu 350:gö dop mal öŋgöyök.
279	GEN 11:12	Arfaksadnöŋ yambuŋi 35 aiga nahönŋi Sela asuhuyök.
280	GEN 11:13	Selanöŋ asuhuiga miaŋgö andöŋe Arfaksadnöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
281	GEN 11:14	Selanöŋ yambuŋi 30 aiga nahönŋi Eber asuhuyök.
282	GEN 11:15	Ebernöŋ asuhuiga miaŋgö andöŋe Selanöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
283	GEN 11:16	Ebernöŋ yambuŋi 34 aiga nahönŋi Peleg asuhuyök.
284	GEN 11:17	Pelegnöŋ asuhuiga miaŋgö andöŋe Ebernöŋ toroqeba yambu 430 maliga nalö sutŋe miaŋgöreŋ nahönböraturupŋi tosatŋi asuhuget.
285	GEN 11:18	Pelegnöŋ yambuŋi 30 aiga nahönŋi Reu asuhuyök.
287	GEN 11:20	Reunöŋ yambuŋi 32 aiga nahönŋi Serug asuhuyök.
289	GEN 11:22	Serugnöŋ yambuŋi 30 aiga nahönŋi Nahor asuhuyök.
341	GEN 14:4	Yeŋön yambu 12:gö dop Kedorlaomergö jimkutukutu bapŋe mala kota yambu 13 miaŋgöreŋ yaŋgö keu bapŋe anbingö qetala karim aka yarö gilget.
351	GEN 14:14	Abramnöŋ behötŋi Lot waŋgita angeri, miaŋgö keuŋi möta aziurupŋi 318 nanŋi mire asuhuba mötmöt möta bimqeqe köl guliba malgeri, mi eŋgohol tokoba kerök kambu eŋguataŋgöba Not göröken anda mala Dan mire aŋgotket.
423	GEN 17:25	Nahönŋi Ismael mi yambuŋi 13 aiga sileŋe mi yandiget.
455	GEN 18:30	Mewö jiiga jiyök: “O Kembu, urugi öngöbapukmö, ni kunbuk keu jimamgö mötzal. Ambazip solanŋi 30 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip solanŋi 30 miaŋgöreŋ miwikŋaim eŋgimam ewö, nöŋön mönö taon mi qahö ayuhumam.”
676	GEN 25:17	Ismaelnöŋ mala koriga yambuŋi mindiriba 137 aiga kömuyök. Mewö azi namŋi aka söŋgörö ösum kondikŋi öröba nöŋ qeba kömuiga Anutunöŋ waŋgiri tinitosolomurupŋan kömugeri, yeŋgöreŋ anda toroqeyök.
944	GEN 32:16	kamel 30 moröurupŋini juzunöŋ, bulmakau ambiŋi 40, aziŋi 10, doŋki ambiŋi 20, aziŋi 10.
948	GEN 32:20	Mewö jim kutum waŋgiba sömbup kambu 2:ŋi, kambu 3:ŋi aka sömbup kambu tosatŋi pakpak yeŋgö galömŋini andöŋine kageri, i mewöyök jim kutum eŋgiiga kewö mötket: “Iŋini datni Iso miwikŋaimei, mönö keu tandökŋi miyök jigetka mötma.”
1006	GEN 34:25	Yandim tekögetka wehön 3:ŋi aiga miaŋgöreŋ uziŋinaŋgö sihimbölöŋi mi tok toroqeba möta tatketka Jeikobkö nahönŋi yahöt Simeon aka Liwai, Dainagö nenyahötŋi yetkön bimgö souŋiri ketaŋi memba taon miaŋgöreŋ saŋgabaŋga anda tihitŋini qahö möta tatketka wölaŋ bim qeba azi pakpak qaurapaŋ eŋguyohotka kömum teköget.
1242	GEN 41:46	Josefnöŋ yambuŋi 30 aiga miaŋgöreŋ Farao Ijiptkö kiŋi yaŋgö jakömbuak nupŋi könahiba meyök. Mi memba Farao kiŋgö sitiŋi mosöta Ijipt uruŋe dop köla liliköba malök.
1381	GEN 45:22	Mi eŋgibagun daturupŋi mohot mohot yeŋgö opo malukuŋini dölökŋi totoŋine eŋgiyökmö, munŋi Benjamingöra opo maluku dölökŋi börö kun waŋgiba moneŋ silwö köt 300 waŋgiyök.
1402	GEN 46:15	Jeikobkö nahönurupŋi anömŋi Leanöŋ Mesopotemia (Padan Aram) gölmenöŋ eŋgömeyöhi, yeŋgö qetŋini mewö. Böratŋiri Daina mi mewöyök meyök. Jeikob aka Lea yetkö isimoröurupŋiri mi mewö oyoŋda mindirigetka 33 ahök.
1430	GEN 47:9	Qesim waŋgiiga kewö meleŋnök: “Nöŋön yambu 130:gö dop gölmenöŋ liliköba mala kota maljal. Nöŋgö malmalnaŋgö yambuŋi pakpak mi awamdökŋi aka osikosiŋinambuk aket. Iwiurupnan yambu sehisehiŋi gölmenöŋ liliköba malgeri, nöŋgö yambu qötönan yeŋgöreŋambuk dop mohot qahö akza.”
7133	RUT 1:4	muewö malget: Tamar, Rahab, Rut hala Batseba. Mat 1,3-6 etkömeyöwöt. Etkömeyöwötka toroqemba Moab balöŋnöŋ yambu 10:gö söp mala kutket.
7168	RUT 2:17	Mewö zöm qitim engiiga Rutnöŋ bali ipŋi qendaŋda tokoi öŋgöiga hölŋi hala kamböŋi mendeŋ etkimamgö sapak keriŋaŋguknöŋ humba qöröreŋgöwa gösiiga hölŋi gösö karömbötkö söp (36 lita) haliga köhöm siŋsiŋgöwa kayök.
23616	MAT 13:8	Mewö pömsöm qeyökmö, kötŋi tosatŋan gölme ölöpŋe geba kölget. Geba köla tosatŋi mieŋgö kötŋini 100 asuhuget. Tosatŋan kötŋini 60, tosatŋan 30 miaŋgö dop ahum sehiget.
23631	MAT 13:23	“Nene kötŋi gölme ölöpŋe qesiŋniga geba kölgeri, mi ambazip kewöŋi: Yeŋön Buŋa keu kezap ala möta möt asariba pöndaŋ kinda ölŋini miwikŋaimakze. Tosatŋan keu jit mohotnöhök kötŋi 30 miwikŋaimakze. Tosatŋan ölŋini 60, tosatŋan keu köt mohot mohot mieŋgö ölŋini 100 mem sehiba miwikŋaimakze.” Mewö.
23691	MAT 14:25	Mewö ahiga miri awöraŋgöiga (3-6 kilok) miaŋgöreŋ Jisösnöŋ o aŋgö qakŋe tiba tiba gwarekurupŋi yeŋgöreŋ kayök.
23866	MAT 20:5	“Mewö jiiga wain nupŋe anget. Angetka 12 kilok aiga kunbuk anök aka mare 3 kilok miaŋgö dop dumŋe kunbuk yaigep anda mewöŋanök ahök.
24138	MAT 26:15	kewö qesim eŋgiyök, “Nöŋön Jisös mamalolo mem waŋgiba böröŋine albiga eŋön töwa wania niŋgibeak?” Qesim eŋgiiga silwö moneŋ kötŋi 30 oyoŋda böröŋe alget.
24201	MAT 27:3	Jisös qeget kömumawaŋgö keuŋi jim tekögetka Judas mamalolo waŋgiyöhaŋön mi möta möt bölim aŋguba silwö moneŋ köt 30 waŋgigeri, mi memba jike nup galöm aka kantrigö jitŋememe yeŋgöreŋ anda meleŋda eŋgiba kewö jiyök,
24207	MAT 27:9	Kezapqetok azi Jeremaianöŋ keu qeljiŋe jiyöhi, miaŋön mönö ölŋambuk ahök. Keu mi kewö, “Yeŋön Israel könagesögö jitŋememeŋini aka azi mi söŋgöröŋi memegöra kewöta algetka silwö moneŋ köt 30 ahöhi, mi meget. Mi azigö bohonŋa.
24244	MAT 27:46	Jisösnöŋ 3 kilok miaŋgöreŋ nanŋe keunöŋ kewö qet ketaŋi qerök, “Eloi, eloi, lama sabaktani?” Mi nanine keunöŋ: Anutuni, Anutuni, mönö wuanöŋgöra andö nuŋguzan?
24400	MRK 4:8	Kötŋi tosatŋan gölme ölöpŋe geba kölget. Geba köla korapŋini jula wahöta ipŋinaŋgö ölŋini ölöpŋi asuhuget. Tosatŋan kötŋini 30, Tosatŋan kötŋini 60, tosatŋan 100 miaŋgö dop ahum sehiget.”
24412	MRK 4:20	Nene kötŋi gölme ölöpŋe qesiŋniga geba kölgeri, mi ambazip kewöŋi: Yeŋön Buŋa keu kezap ala möta möt aŋgön köla pöndaŋ kinda ölŋini miwikŋaimakze. Tosatŋan keu jit mohoknöhök kötŋi 30 miwikŋaimakze. Tosatŋan ölŋini 60, tosatŋan keu köt mohot mohot mieŋgö ölŋini 100 mem sehiba miwikŋaimakze.” Mewö.
24524	MRK 6:48	Ani lökuatnöŋ qeba qem bibihiba naŋgöget aniga luhutnöŋ angeraŋgöreŋök gila kai lömböriiga bömbömgöget. Miri awöraŋgöiga (3-6 kilok) miaŋgöreŋ Jisösnöŋ mewö eŋgeka o aŋgö qakŋe tiba tiba gwarekurupŋi yeŋgöreŋ Kaba eŋgoŋgitmamgö ahök.
24828	MRK 14:5	Nad o kelökŋambuk mi bohonŋi memegöra albawak ewö, ölöp silim 300:kö töwaŋi (Kina 1500,-) oŋgita yöhötibawak. Mi ambazip wanapŋi eŋgiiga dop kölbawak.” Mewö jiba ambi mi jim waŋgiget.
24929	MRK 15:34	Jisösnöŋ 3 kilok miaŋgöreŋ nanŋe keunöŋ kewö qet ketaŋi qerök, “Eloi, eloi, lama sabaktani?” Mi nanine keunöŋ: Anutuni, Anutuni mönö wuanöŋgöra andö nuŋguzan?
25117	LUK 3:23	Jonöŋ Jisös o melun mem waŋgiiga yambu (yara)ŋi 30 miaŋgö dop aiga amötqeqe nupŋi könahiba memba malök. Memba maliga Josefgö nahönŋa akzawi, ambazipnöŋ mewö mötmöriget. Jisös iwiŋi Josef, asaŋi qetŋi Heli.
26284	JHN 5:5	Miaŋgöreŋ azi kun yambu (yara) 38 miaŋgö dop kawöl yöhöiga ahömalök.
26610	JHN 11:18	Betani taon mi Jerusalem siti mosöta 3 kilomita anangö dop dowe ahöyök.
26654	JHN 12:5	“O köhöwakŋambuk mi mönö wuanöŋgöra bohonŋi memegöra qahö alök? Iwinaŋgö jitŋi! Mi albawak ewö, mönö silim 300:kö töwaŋi (Kina 1500,-) miaŋgö dop yöhötibawak. Mia ambazip wanapŋi eŋgiinga dop kölbawak.”
26933	JHN 19:39	Azi qetŋi Nikodemus mutuk Jisösgöreŋ suŋgem kayöhi, yaŋön mewöyök kayök. Kaba qamöt mirimamgöra kelök köhöwakŋambuk qetŋi mör mi repa oŋambuk meleŋgeri, mi esu mohot lömbötŋi 30 kilogö dop bohonŋi memba kaba Josef bauköm waŋgiyök.
26978	JHN 21:11	Mi jiiga Saimon Pitönöŋ möta waŋgenöŋ öŋgöba mösak öröiga körikŋe öŋgöyök. Öŋgöiga ölŋi 153 eket. Mösak mi söra ketaŋi sehisehiŋi mieŋön kokolak qegetmö, mösaknöŋ töndup qahö tiŋgirök.
27059	ACT 2:41	Pitönöŋ mewö jiiga ambazip jesöŋgöŋan keuŋi möt aŋgön kölgetka o melun mem eŋgiget. Mi mem eŋgigetka könagesöŋine toroqegetka jaŋgöŋinan wehön miaŋgöreŋök 3000 miaŋgö dop qariyök. Mewö.
27066	ACT 3:1	Juda yeŋön mare dop 3 kilok köuluközema. Mare kunöŋ Pitö Jon yetkön köuluk nalö miaŋgöreŋ jöwöwöl jikenöŋ öŋgöyohot.
27331	ACT 10:3	Mare kunöŋ 3 kilok miaŋgö dop aiga Kembunöŋ Kornilius kutum wasöriga imut kun ehök. Imut törörök eka miaŋgöreŋ Anutugöreŋ garata kunŋan miriŋe öŋgöi ehök. Garata miaŋön öŋgöba “Kornilius!” jiba qetŋi qerök.
27358	ACT 10:30	Mewö jiiga Korniliusnöŋ meleŋnök, “Ni mare kunöŋ nalö kewöŋe 3 kilok miaŋgöreŋ mirine tata köuluk nup memba mala kotpi merak sömaŋi 4 akza. Köuluk nup memba malbiga miaŋgöreŋök azi kun sileötaŋi asakmararaŋambuk miaŋön asuhuba wösöne kinök.
27951	ACT 27:28	Mewö möta kinda kösö kun lömbötŋambuk jöhöba gilgetka geba köwet dutŋi misiriyök. Misiriiga köwet röndumgö qötöŋi ahuyöhi, mi 40 mita (120 fit) miaŋgö dop ahök. Borom kun toroqeba anda tandök mohot miyök aketka qötöŋi miaŋön 30 mita (90 fit) miaŋgö dop aiga miwikŋaiget.
27982	ACT 28:15	Urumeleŋ alaurupninan Rom siti malgeri, yeŋön kainaŋgö keu buzupŋi mötket. Mi möta miwikŋaim neŋgibingöra tosatŋan wahöta (köna 43 mail kaba) miri qetŋi Apius Forum maket miaŋgöreŋ kaget. Tosatŋan (33 mail kaba) miri qetŋi Kian miri karöbut, miaŋgöreŋ kaba miwikŋaim neŋgiba aŋgehin. Aŋgeka Polnöŋ “Anutu saiwap!” jiba möpöseiba uruŋi amqeiga ölöwahök. Mewö.
28593	1CO 7:38	Mewö aiga ambi seram mezawaŋön mönö dopŋe akzapmö, i qahö mezawaŋön mönö köna ölöp sorokŋi wuataŋgöba törörök akza. Mewö. (v 37b) Qahö akŋapmö, iwiŋan böratŋi azi qahö waŋgimapkö keuŋi nanŋi uruŋan jöhöba möt köhöizawi, miaŋgöra kewö jimam: Kunŋan iwi mi qahö kuŋgui qaközapmö, ölöp nanŋi sihimŋaŋgö dop wuataŋgöba keunöŋ qahö jöhöi ahakza ewö, yaŋön mönö ölöp sihimŋaŋgö dop aka böratŋi aŋgön kölma. (v 38b) Mewö aiga börat seramŋi azi waŋgizawaŋön mönö dopŋe akzapmö, i qahö waŋgizawaŋön mönö köna ölöp sorokŋi wuataŋgöiga törörök akza. Mewö.
28643	1CO 10:8	Yeŋgöreŋök tosatŋan serowilin aketka Anutugö irimsesewölŋaŋgöra aka ambazip 23.000 miaŋgö dop silim mohotkö uruŋe kömumba etket. Neŋön mönö tosatŋi mieŋgö dop serowilin akinbuk.
29081	2CO 11:24	Juda jike galöm tosatŋan jigetka arawambu kömbinöŋ nuŋgugetka areŋi 39 aiga sihimbölöŋi möta malal. Mewö ak niŋgigetka indimŋi 5 ahök.
29186	GAL 3:17	Keu miaŋgö könaŋaŋgöra kewö jizal: Jöhöjöhögö keu miaŋgö ölŋan mönö etmapkö osima. Anutunöŋ mi mutuhök jiba jöhöba yambu (yara) 430 teköiga miaŋgöreŋ Köna keuŋi miwikŋaiba Moses waŋgiyök. Köna keu miaŋön mönö jöhöjöhö keuŋi mutuk jiyöhi, mi qeapkömamgö osima.
29406	EPH 6:2	Anutunöŋ jöjöpaŋ keu 1-2-3 mieŋgö teteköŋe töwa likepŋi neŋgimamgö qahö jii ahözapmö, jöjöpaŋ keu jaŋgö 4 mi törömunŋambuk. Mutuk kewö jiza, “Iwinamyahötki mönö göda qem etkiba malman.” Keu mi tem kölinga Anutunöŋ töwa likepŋi neŋgimamgö keuŋi kewö jöhöi ohoget ahöza,
30867	REV 6:6	Mewö tariga bem jembon 4 yeŋgö sutŋineyök kunöŋ keu jiiga kourukŋi tandök ewö kewö möral, “Silim mohotkö töwaŋi (Kina 5) miaŋön ölöp 1 kilogram wit flaua me 3 kilogram bali flaua mi bohonŋi meman. Töndup nenegö oil ip aka wain kösö nup mi mönö kude mem bölime.” Mewö.
30896	REV 8:1	Lama moröŋan muŋgem supap (sil) 7:ŋi munjurata mutuliga Suep miri miaŋgöreŋ kouruk pakpak göröŋ ala 30 minitkö dop nöŋ qeba ahöyök.
30973	REV 12:14	Wuataŋgöyökmö, ambinöŋ kök aliga Anutunöŋ tukapkap ketaŋaŋgö ginginŋi yahöt waŋgiiga miaŋön bölbölgöba ösumŋan anök. Anutunöŋ gölme qararaŋkölkölŋe yaŋgöra miri gölme kun möhamgöyöhi, mönö miaŋgöreŋ anök. Miaŋgöreŋ anda asamböta maliga (yara) yambu 3 aka bahöŋi kun mi köyan köl waŋgigetka mokoleŋnöŋ i qahö miwikŋaiba qelanjima.
31015	REV 14:20	Wain bagem ölŋi mi siti yaigepŋe könanöŋ tiba tözöhölgetka sepŋan wain jout ketaŋaŋgö numbuŋe kota qöl tandök ewö laŋlaŋ wahöta kota o töwatŋi ahök. Sep miaŋgö diginŋi mi wan mita aka bahöŋi kun ahök. Hosnöŋ miaŋgöreŋ tiba aniga numbuŋe koriga hos injutŋaŋgö kösöŋan samuruyök. Diginŋi mewö aiga köröpŋi 300 kilomita miaŋgö dop ahök. Mewö.