91	GEN 4:11	Gölme kiaŋgö numbuŋan aŋaŋiba mungahö sep börögeyök mezawi, nöŋön mönö kiaŋgöreŋök közöl gihibi anman. Jöramörahö mi mönö göhö qake albi öŋgöza.
100	GEN 4:20	Adanöŋ gölöm ala Jabal meyök. Yaŋön ambazip opo seri koumŋine ahöba mala bau bulmakau galöm köl eŋgiba maljei, yeŋgö bömönŋini ahök.
101	GEN 4:21	Jabalgö munŋaŋgö qetŋi mi Jubal. Yaŋön ambazip gita kulele qeba awölop uba maljei, yeŋgö bömönŋini ahök.
121	GEN 5:15	Kömuiga nahönŋi Mahalalel yaŋön yambuŋi 65 aiga nahönŋi Jared asuhuyök.
122	GEN 5:16	Jared asuhuiga nalö miaŋgöreŋök Mahalalelnöŋ toroqeba yambu 830 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
124	GEN 5:18	Kömuiga nahönŋi Jared yaŋön yambuŋi 162 aiga nahönŋi Enok asuhuyök.
125	GEN 5:19	Enok asuhuiga nalö miaŋgöreŋök Jarednöŋ toroqeba yambu 800 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
126	GEN 5:20	Öŋgögetka Jarednöŋ mala mala mal öŋgöba yambuŋi mindiriba 962 meköba kömuyök.
138	GEN 5:32	Lameknöŋ kömuiga nahönŋi Noa yaŋön yambuŋi 500 aiga nahönurupŋi karöbut qetŋini Sem, Ham aka Jafet asuhuget. Mewö.
147	GEN 6:9	Noagö gwölönarökurupŋi mieŋgö kösohotŋini mi kewö: Nahönurupŋi karöbut qetŋini Sem, Ham aka Jafet mi asuhuget. Noanöŋ ambazip sutŋine azi solanŋi köpösihitkö keuŋi qahö mala uruŋi Anutubuk jöhöba anda kaba malök.
173	GEN 7:13	Kienöŋ könahimapköra aiga wehön miaŋgöreŋ Noa aka nahönurupŋi Sem, Ham aka Jafet, Noagö anömŋet aka iranurupŋiri karöbut yeŋön mohotŋe waŋgenöŋ öŋgöm teköget.
218	GEN 9:12	Anutunöŋ toroqeba keu kewö jiyök: “Nöŋön mönö jöhöjöhö areŋ ki mi nani aka iŋini aka öröyuai malmalŋinambuk pakpak embuk maljei, neŋgö sutnine albiga teteköŋi qahö köhöiba ahöm öŋgöma. Jöhöjöhö areŋ miaŋgö aiwesökŋi mi kewö:
223	GEN 9:17	Anutunöŋ Noagöra mewö jiba toroqeba kewö jiyök: “Nöŋön jöhöjöhö areŋ ki mi nani aka gölmegö öröyuai malmalŋinambuk pakpak neŋgö sutnine al köhöizal. Jöhöjöhö areŋ miaŋgö aiwesökŋi mi mewö.”
224	GEN 9:18	Noagö nahönurupŋi waŋgenöhök etkeri, yeŋgö qetŋini mi Sem, Ham aka Jafet. Ham mi Keinangö iwiŋa.
229	GEN 9:23	Sem aka Jafet yetkön mi mörohotmö, maluku kun memba awötŋire ala andöandö öŋgöba iwiŋiran sile aukŋe ahöyöhi, mi esuhuyohot. Jeŋiri kungen uyohoraŋgöra aka iwiŋiran aukŋe ahöyöhi, mi qahö ehot.
233	GEN 9:27	Anutunöŋ mönö Jafetkö gölmeŋi mem qariiga Semgö opo seri koumŋine malme. Keinan yeŋön mönö Sem yeŋgö welenqeqeurupŋini omaŋi aka malme.”
236	GEN 10:1	Noagö nahönurupŋi Sem, Ham aka Jafet yeŋgö gwölönarökurupŋini göulu teköiga asuhugeri, yeŋgö qet areŋini kewö:
237	GEN 10:2	Jafetkö nahönurupŋi yeŋgö qetŋini mi Gomer, Magog, Madai, Jawan, Tubal, Mesek aka Tiras.
239	GEN 10:4	Jawangö nahönurupŋi yeŋgö qetŋini mi Elisa, Tarsis aka Saiprus könagesö aka Dodan könagesö.
240	GEN 10:5	Yeŋgö isimoröurupŋini mi jula deŋqeŋda Sutŋire Köwetkö jitŋe aka miaŋgö gölme jöhanŋi jöhanŋi miaŋgöreŋ nanŋini gölmeŋine anda malje. Yeŋön isikŋini dop, kambuŋini dop aka keuŋini dop nanŋini gölmeŋine anda malje. Jafetkö könagesöŋi mewö.
251	GEN 10:16	Jebus könagesö, Amor könagesö, Girgas könagesö,
256	GEN 10:21	Jafetkö datŋi Sem yaŋgö nahönurupŋi mewöŋanök asuhuget. Semnöŋ mewö Ebergö nahönurup pakpak yeŋgö bömönŋini ahök.
260	GEN 10:25	Ebergö nahönyahötŋi yahöt asuhuyohot. Kunöŋ asuhuba mala koröhi, nalö miaŋgöreŋ gölme ambazipnöŋ jula deŋqeŋget. Miaŋgöra yaŋgö qetŋi Peleg (Deŋqeŋ) qetket. Munŋaŋgö qetŋi mi Joktan.
261	GEN 10:26	Joktangö nahönurupŋi kewö asuhuget: Almodad, Selef, Hazarmawet, Jera,
264	GEN 10:29	Ofir, Hawila aka Jobab. Azi pakpak mi Joktangö nahönurupŋa.
329	GEN 13:10	Mewö jiiga Lotnöŋ uba wahöta Jordangö gölme köröŋi ketaŋi pakpak ehiga Anutunöŋ mi ölöp mem kelöriga Kembugöreŋ oyaeŋkoyaeŋ arö kelökŋambuk ewö ahök. Mi Ijipt yeŋgö gölme ewö ahöba Zoar miri göröken anök. Mutuk Kembunöŋ Sodom aka Gomora qahö ayuhum etkiiga nalö miaŋgöreŋ gölme mi mewö ahöyök.
330	GEN 13:11	Mewö ahöiga Lotnöŋ mi ek kewöta Jordangö gölme köröŋi ketaŋi pakpak mi möwölöhöba wehön kotkotŋe göröken anök. Mewö aka deŋnohot.
382	GEN 15:21	Amor könagesö, Keinan könagesö, Girgas könagesö aka Jebus könagesö. Yeŋgöreŋ gölme pakpak mi mönö körekŋanök memba dop köla anme. “Mewö.
540	GEN 21:26	Jim waŋgiyökmö, Abimeleknöŋ kewö meleŋda jiyök: “Daŋön silik mi ahöhi, mi nöŋön qahö mötzal. Nangak miaŋgö keuŋi kun mutuk qahö jinöŋ möta mala merak-kun keu mi mötzal.”
551	GEN 22:3	Mewö jiiga Abrahamnöŋ ahöba söŋan kötökŋe wahöta doŋki qakŋe dum tatatŋi möhamgöba welenqeqeŋi yahöt aka nahönŋi Aisak eŋguaŋgirök. Jöwöwölgö könöpŋi dopŋe köl teköba börangöba ala eŋguaŋgita Anutunöŋ gölme jiyöhi, miaŋgöreŋ anök.
570	GEN 22:22	Kemuelgö könaŋe Kesed, Hazo, Pildas, Jidlaf aka Betuel.
588	GEN 23:16	Mewö meleŋ waŋgiiga möta Abrahamnöŋ gölme bohonŋaŋgö jaŋgöŋi Efronöŋ Hit könagesö yeŋgö jeŋine jiiga mötkeri, miaŋgö urumohot ahök. Jaŋgöŋi silwö kötŋi 400 mi kölköl-örörö ambazipnöŋ nalö miaŋgöreŋ bohonŋaŋgö dopŋi jiget ahöyöhi, miaŋgö dop moneŋ mi kewöta waŋgiyök.
653	GEN 24:61	Mewö jiget teköiga Rebekanöŋ welenqeqeambiurupŋi yembuk wahöta kamel qakŋine öŋgöba tata welenqeqe jembonŋi wuataŋgöba anget. Jembon yaŋön Rebeka waŋgiriga mosöta köna liliŋgöba anget.
661	GEN 25:2	Meiga Keturanöŋ Abrahamgö moröurupŋi kewö eŋgömeyök: Zimran, Joksan, Medan, Midian, Isbak aka Sua.
662	GEN 25:3	Joksanöŋ nahönyahötŋi qetŋiri Seba aka Dedan yetkö iwiŋira ahök. Dedan yaŋön Asur könagesö, Letus könagesö aka Leum könagesö yeŋgö bömönŋini ahök.
674	GEN 25:15	Hadad, Tema, Jetur, Nafis aka Kedema.
685	GEN 25:26	Miaŋgö könaŋe munŋan Isogö köna gwakötŋe böröŋan memba asuhuyök. Miaŋgöra yaŋgö qetŋi Jeikob qetket. (Jeikob keu miaŋgö könaŋi yahöt: gwaköt aka tilipköza.) Aisaknöŋ yambuŋi 60 aiga nalö miaŋgöreŋ Rebekanöŋ moröyahötŋi yahöt mi etkömeyök. Mewö.
687	GEN 25:28	Aisaknöŋ arökŋaŋgö sömbupŋi nemamgö möta malök. Miaŋgöra uruŋan Iso gwötpuk jöpaköm waŋgiba malökmö, Rebekanöŋ urukönömŋan Jeikob gwötpuk jöpaköm waŋgiba malök.
688	GEN 25:29	Nalö kunöŋ Jeikobnöŋ koziŋ memba nanŋaŋgöra nene kuluŋ ohoi tariga datŋan jölömnöhök kaba sileŋi lömbörii wösöŋi gwötpuk alök.
689	GEN 25:30	Mewö aiga Jeikobköra kewö jii mörök: “Sileni lömbörii wösöni gwötpuk aljawaŋgöra mönö zilaŋ koziŋ kuluŋi pisikpisik mi niŋginöŋga nembi. “Miaŋgöra qetŋi Edom (pisikpisik) qetket.
690	GEN 25:31	Mewö jii möta Jeikobnöŋ jiyök: “Datni, gi mutuk asuhunöŋga miaŋgö qetbuŋagi mi mönö mutuk tököm niŋginöŋga nene kuluŋ mi ölöp gihibi neman.”
692	GEN 25:33	Mewö meleŋ waŋgiiga kewö jiyök: “Miaŋgö keuŋi mi mönö mutuk jöjöpaŋ keunöŋ jim köhöinöŋga mötpi. “Mewö jiiga mi jöjöpaŋ keunöŋ jim köhöim waŋgiba mutuk asuhuyöhaŋgö qetbuŋaŋi mi Jeikob tököm waŋgiiga nenenöŋ bohonŋi meyök.
698	GEN 26:5	Nöŋön kewögöra mewö akŋam: Abrahamnöŋ nöŋgö keuni tem köla malök. Jöjöpaŋ keuni, jimkutukutu keuni aka köna keuni waŋgiali, yaŋön mi pakpak wuataŋgöba malök.”
724	GEN 26:31	Tata ahöba söŋan ömandiŋe wahöta jöhöjöhöŋini jöhöm aŋguba mi jöjöpaŋ keunöŋ jim köhöiget. Jim köhöigetka Aisaknöŋ i melaim eŋgiiga luai qakŋe mosöta anget.
727	GEN 26:34	Isonöŋ yambuŋi 40 aiga Hit ambi yahöt anömyahötŋa etkömeyök. Qetŋiri Judit, iwiŋi qetŋi Beri aka Basemat, iwiŋi qetŋi Elon.
734	GEN 27:6	Aniga Rebekanöŋ nahönŋi Jeikobköra keu kewö jii mörök: “Nahöni mötnöŋ, Iwigan datki Isogöra keu kewö jiiga mötzal:
743	GEN 27:15	Ohoba nahönŋi mutukŋi Isogö opo malukuŋi ölöp kötökŋi opo köweŋe galöm kölöhi, mi memba nahönŋi könaŋgepŋi Jeikob waŋgiiga löŋgörök.
745	GEN 27:17	Esuhuba nene nahömŋambuk aka bered ohoyöhi, mi memba Jeikobkö böröŋe alök.
746	GEN 27:18	Aliga memba iwiŋaŋgöreŋ anda “Iwini!” jiyök. Jiiga kewö meleŋnök: “O nahöni, gi daŋön?”
747	GEN 27:19	Mewö meleŋniga iwiŋaŋgöra kewö jii mörök: “Ni nahöngi mutukŋi Iso. Jim kutum niŋginöŋi, ni mönö miaŋgö dop ak teközal. Ölöp wahöta tata sömbupni memba kazali, mi nemba kötuetköm niŋgiman.”
749	GEN 27:21	Mewö meleŋniga Jeikobköra kewö jiyök: “Nahöni, gi ölŋa nahöni Iso akzan me qahö, mi mötmamgöra mönö ölöp kösutne ki kanöŋga gömisirimam.”
750	GEN 27:22	Mewö jiiga iwiŋi Aisakö kösutŋe aniga misirim möta kewö jiyök: “Imbi jölgan Jeikobkö imbia akzapmö, börögan Isogö böröŋi ewö.”
758	GEN 27:30	Aisaknöŋ Jeikob kötuetköm waŋgim teköiga iwiŋaŋgö miri uruŋi mosöta yaigep aniga wölaŋ miaŋgöreŋök datŋi Isonöŋ böröjaŋ mali teköiga mire kayök.
764	GEN 27:36	Mewö jiiga Isonöŋ kewö jiyök: “Munan mönö indimŋi yahöt tilipköm niŋgiiga maljal: Yaŋön mutuk asuhuyalaŋgö qetbuŋaŋi mi mutuk noaŋgit teköyök aka merak nöŋgö kötumötuetni mi mewöyök taköba noaŋgita meza. Miaŋgöra qetŋi Jeikob (tilipqilip azi) qerakzini, mi mönö dopŋe akza. Kötumötuet kun mönö nöŋgöra ahöm gihiza me qahö?”
769	GEN 27:41	Iwiŋan Jeikob kötumötuetŋi waŋgiyöhi, Isonöŋ miaŋgöra aka könahiba munŋi uruönön möt waŋgiba malök. Nanŋi uruŋan mewö möta alaŋi kungöra kewö jiyök: “Iwiniraŋgö kömupŋaŋgö nalöŋan töriza. Yaŋön kömuiga sahöt jiŋgeŋ nalöŋe miaŋgöreŋ ölöp muni Jeikob qebi kömuma.”
770	GEN 27:42	Isogö mötmötŋe mewö ahuiga kunöŋ miaŋgö buzupŋi möta Rebekagöreŋ anda jii möta nahönŋi könaŋgepŋi Jeikobköra keu ali anda waŋgita kaiga kewö jiyök: “Mötnöŋ, datki Isonöŋ mönö likepŋi meleŋni qake öŋgöiga guhui kömumangö mötmöriza.
774	GEN 27:46	Rebekanöŋ apŋi Aisaköreŋ anda kewö jiyök: “Nöŋön iranyahötni Hit ambi yetköra aka toroqeba malmamgö ölan nöhöi sihimbölö mörakzal. Jeikobnöŋ mewöyök Hit yeŋgö böraturupŋini yeŋgöreŋök kun iranyahötniri ewö anömŋa membapuk. Gölme kiaŋgöreŋ asuhugeri, yeŋgö silikŋinan mönö mewöyök ahöza. Mewöŋi kun memba kabapuk ewö, nöŋön mönö malmalni wuanöŋgöra toroqeba malbileŋak? Sihimbölönan mönö toroqeba önöŋi qahö akapuk. “Rebekanöŋ mewö jiyök.
775	GEN 28:1	Mewö jiiga Aisaknöŋ Jeikob köl öröi kaiga kötuetköba kewö jim kutum waŋgiyök: “Nahöni, gi Keinan yeŋgö nenböratŋini yeŋgöreŋök kun anömgi kude meman.
779	GEN 28:5	Mewö jiba Jeikob melaiiga mosöta Mesopotemia (Padan Aram) gölmenöŋ Labangöreŋ anmamgöra anök. Laban mi Aram azi Betuelgö nahönŋa aka Jeikob aka Iso yetkö namŋiri Rebeka yaŋgö nenŋa malök. Mewö.
780	GEN 28:6	Aisaknöŋ Jeikob kötuetköba anömŋi memamgöra Mesopotemia gölmenöŋ melaiyöhi, mi Isonöŋ mörök. Kötuetköm waŋgiba kewö jim kutum waŋgiyök: “Gi Keinan yeŋgö nenböratŋini yeŋgöreŋök kun anömgi kude meman.”
784	GEN 28:10	Jeikobnöŋ mewö Berseba miri mosöta Haran mire anmamgö anök.
790	GEN 28:16	Mewö jiiga Jeikobnöŋ gaun uruŋeyök imbiŋi möta wahöta kewö jiyök: “Kembunöŋ mönö ölŋa gölme kiaŋgöreŋ maljapmö, nöŋön mi mutuk qahö mötzal.”
794	GEN 28:20	Jeikobnöŋ gölme miaŋgö qetŋi dölökŋi Betel qeta keu kewö jim jöhöba jöjöpaŋ keunöŋ jim köhöiyök: “O Anutu, göŋön nömbuk mala köna ki anda malmami, miaŋgöreŋ nek galöm ak niŋgiba numbu neneŋamni aka silenaŋgö esuŋi miwikŋaim niŋginöŋga
797	GEN 29:1	Jeikobnöŋ mewö jiba mosöta könaŋi toroqeba anda wehön kotkotŋaŋgö könagesö yeŋgö gölmenöŋ aŋgorök.
800	GEN 29:4	Jeikobnöŋ lama galöm mi kewö qesim eŋgiyök: “Azi alaurupni, iŋini denikegöra?” Qesim eŋgiiga “Nini Harangöra,” mewö meleŋ waŋgiget.
802	GEN 29:6	Jigetka kewö qesim eŋgiba jiyök: “I ölöp malja me qahö?” Mewö jiiga kewö jiget: “I ölöp malja. Eknöŋ, yaŋgö böratŋi Reizölnöŋ mönö endu lama eŋguaŋgita kaza.”
803	GEN 29:7	Mewö jigetka Jeikobnöŋ jiyök: “Eket, wehön ketaŋi ahöiga lama mi suŋgemgöra tokom eŋgibingö nalöŋan qahö töriza. Miaŋgöra ölöp lamaŋini o eŋgiget negetka kunbuk eŋguaŋgita malmalŋine anda al eŋgigetka neneŋamŋini neme.”
805	GEN 29:9	Jeikobnöŋ yembuk keu mewö eraum-möta kingetka miaŋgöreŋök Reizölnöŋ iwiŋaŋgöreŋ lama kambuŋi eŋguaŋgita kayök. Reizöl yaŋön lama galöm nup memba malök.
806	GEN 29:10	Kaiga Jeikobnöŋ ehonŋaŋgö böratŋi Reizöl aka ehonŋaŋgö lama kambuŋi eŋgeka o löm numbuŋe anda köt mi metala ehonŋi Labangö lamaurupŋi o eŋgiyök.
809	GEN 29:13	Labanöŋ nenŋaŋgö nahönŋi Jeikobkö buzupŋi möta i ösumok miwikŋaimamgöra anök. Anda miwikŋaiba eka aŋgöm waŋgiba numbuŋi yöhötim nemba waŋgita miriŋe öŋgöyohot. Öŋgöba yuai pakpak asuhuyöhi, Jeikobnöŋ miaŋgö kösohotŋi jii mörök.
811	GEN 29:15	Mewö maliga Labanöŋ Jeikob kewö jii mörök: “Gi tinitosolomni maljanaŋgöra töwagi qahö öne welen qem niŋgibanbuk. Mi qahö dop kölma. Miaŋgöra töwagi dawik memangö mötzani, mi ölöp jinöŋga mötmam.”
814	GEN 29:18	Jeikobkö urusihimŋi mi Reizölgöreŋ ahöyöhaŋgöra aka keu kewö jiyök: “Nöŋön böratki könaŋgepŋi Reizöl memamgöra ölöp yambu 7 welen qem gihiba malmam.”
817	GEN 29:21	Yambu 7 teköiga Jeikobnöŋ ehonŋi Laban kewö jii mörök: “Nöŋgö nup meme nalönan lök teközawaŋgöra ölöp anömni Reizöl niŋginöŋga yambuk ahöba malmam.”
819	GEN 29:23	Mi aket teköiga miri söŋauiga Labanöŋ böratŋi Lea waŋgita anda Jeikob waŋgiiga miri uruŋe öŋgöba mohotŋe ahöyohot.
821	GEN 29:25	Mohotŋe ahöyohotka miri giaŋiiga Jeikobnöŋ anömŋi eka möri Reizöl qahöpmö, i Lea aiga yöwöŋaŋgöreŋ anda kewö jim waŋgiyök: “Gi mönö wani kimbia ak niŋgizane? Ni Reizöl memamgöra welen qem gihiba malalmö, gi mönö wuanöŋgöra tilipköm niŋgizan?”
826	GEN 29:30	Jeikobnöŋ Reizöl i mewöyök anömŋa meyök. Urusihimŋan Reizölgöra ahöyöhaŋgöra aka Reizöl mi Lea oŋgita jöpaköm waŋgiba malök. Miaŋgöra yambu 7 toroqeba Laban welenŋi qem waŋgiba malök. Mewö.
827	GEN 29:31	Jeikobkö uruŋan Leagö gwötpuk qahö ahöiga boromdökŋi tököiga Kembunöŋ ehi qahö dop köliga Lea gölöm almapköra bauköm waŋgiyökmö, munŋi Reizölnöŋ köpinŋa malök.
831	GEN 29:35	Miaŋgö andöŋe dumŋe kunbuk körö ala morö azi kun memba keu kewö jiyök: “Nöŋön nalö kewöŋe Kembu möpöseizal. “Miaŋgöra qetŋi miaŋgö dop Juda (möpöseip) qerök. Miaŋgö andöŋe morö kunbuk qahö meyök. Mewö.
832	GEN 30:1	Reizölnöŋ köpinŋi mala Jeikobköra nahönbörat kun qahö memba nanŋi könaŋi mewö eka datŋi Lea andö qeba uruŋan mututqutut möta Jeikobköra keu kewö jiyök: “Gi mönö morö qiwikŋainöŋ. Mi qahö qiwikŋainöŋga nöŋön mönö malmamgö osiba kömumam.”
833	GEN 30:2	Mewö jiiga Jeikobnöŋ irimŋi seholiiga uruönön möt waŋgiba kewö jiyök: “Ni mönö morö denöwö qiwikŋaibileŋak? Anutunöŋ gi morö memangö jöhöm gihiba malökmö, nöŋön Anutuya qahö.”
836	GEN 30:5	Ahöiga Bilhanöŋ gölöm ala Jeikobkö nahönŋi meyök.
838	GEN 30:7	Reizölgö welen ambiŋi Bilha yaŋön kunbuk gölöm ala Jeikobkö nahönŋi kun meiga yahöt ahök.
840	GEN 30:9	Leanöŋ kunbuk gölöm qahö ala mi eka miaŋgöra nanŋi welen ambiŋi qetŋi Zilpa memba Jeikob waŋgii anömŋa ahök.
841	GEN 30:10	Anömŋa aka Jeikobkö morö azia meyök.
843	GEN 30:12	Zilpa, Leagö welen ambiŋi miaŋön Jeikobkö nahönŋi kun kunbuk meiga yahöt ahök.
846	GEN 30:15	Mewö jiiga Leanöŋ kewö jiyök: “Göŋön apni noaŋgitnöŋga dop kölmapkö mötmörialmö, gi mönö nahönaŋgöreŋ asagwalim amöt ki mewöŋanök noaŋgitmamgö mötzan. Mi qahö dop kölja. “Mewö jiiga Reizölnöŋ kewö jiyök: “Ölöp! Nahöngahöreŋ amöt mi niŋgiman ewö, mönö ölöp Jeikobpuk suŋgem ki ahömahot.”
847	GEN 30:16	Mewö jiiga Jeikobnöŋ mare miaŋgöreŋ nup mosöta kaiga Leanöŋ anda miwikŋaim waŋgiba kewö jiyök: “Nöŋön nahönaŋgöreŋ asagwalim amöt miaŋön lök göhö söŋgörögi mezal. Miaŋgöra mönö nömbuk ahöbit. “Mewö jiiga Jeikobnöŋ suŋgemŋi miaŋgöreŋ yambuk ahöyohot.
848	GEN 30:17	Yambuk ahöyohotka Anutunöŋ Leagöreŋ keu köulukŋi möriga gölöm ala Jeikobkö nahönŋi 5:ŋi meyök.
850	GEN 30:19	Miaŋgö andöŋe Leanöŋ kunbuk gölöm ala Jeikobkö nahönŋi 6:ŋi meyök.
851	GEN 30:20	Mi memba keu kewö jiyök: “Anutunöŋ kalem qetpuk niŋgiza. Apni Jeikobkö nahönurupŋi 6 mealaŋgöra yaŋön mönö pöndaŋ nömbuk mala qetbuŋa niŋgiba malma. “Mewö jiba miaŋgö dop morö qetŋi Zebulun qerök. (Zebulun qetbuŋa)
855	GEN 30:24	Mewö jiba toroqeba kewö jiyök: “Kembunöŋ mönö nahöni kun toroqeba niŋgima. “Mewö jiba miaŋgö dop morö qetŋi Josef (Toroqeba niŋgima.) qerök. Mewö.
856	GEN 30:25	Reizölnöŋ nahönŋi Josef meiga miaŋgö andöŋe Jeikobnöŋ Labangöra kewö jiyök: “Ni nani miri gölmene anmamgö mötzal. Miaŋgöra ölöp melaim niŋginöŋga liliŋgöba anmam.
860	GEN 30:29	Mewö jiiga Jeikobnöŋ kewö jiyök: “Nöŋön göhö welengi denöwö qeba mala göhö mirigö sömbup kambuŋi kambuŋi galöm köl eŋgibiga qarigeri, mi nangak ölöp mötzan.