96	GEN 4:16	Mi aliga Kembugö jemesoholŋi mosöta anda anda gölme qetŋi Laŋlaŋ lilikqilik (Nod) miaŋgöreŋ aŋgota malök. Gölme mi Edenök wehön kotkotŋe göröken ahöza. Mewö.
98	GEN 4:18	Henokö nahönŋi qetŋi Irad. Iradkö nahönŋi Mehujael. Mehujaelgö nahönŋi Metusael. Metusaelgö nahönŋi Lamek. Mewö asuhuget.
99	GEN 4:19	Lameknöŋ ambi yahöt etkömeyök: Kun qetŋi Ada, kun qetŋi Zila.
103	GEN 4:23	Lameknöŋ nalö kunöŋ anömyahötŋi mi kewö jii mörohot, “Ada aka Zila anömyahötni, iŋiri mönö kezap ala keuni ki mötmahot: Kunŋan nuŋgum kuziriga uzinaŋgö kitipŋaŋgöra mönö azi kun qebi kömuma. Kunŋan nuŋgum miziriga gurusep (gulibambam) löpötnaŋgö kitipŋaŋgöra mönö azi gwabö kun qebi kömuma.
104	GEN 4:24	Kunŋan Kein qeiga likepŋi yaŋgö qakŋe öŋgöiga ambemŋi 7 akŋapmö, kunŋan Lamek ni nuŋguiga miaŋgö likepŋi mönö yaŋgö qakŋe öŋgöiga ambemŋi 77 akŋa. “Mewö.
131	GEN 5:25	Atatop köliga nahönŋi Metusela yaŋön yambuŋi 187 aiga nahönŋi Lamek asuhuyök.
134	GEN 5:28	Kömuiga nahönŋi Lameknöŋ yambuŋi 182 aiga nahönŋi kun asuhuyök.
136	GEN 5:30	Noa asuhuiga nalö miaŋgöreŋök Lameknöŋ toroqeba yambuŋi 595 aiga nalö sutŋe miaŋgöreŋ nahönböratŋi tosatŋi asuhuba öŋgöget.
137	GEN 5:31	Öŋgögetka Lameknöŋ mala mala mal öŋgöba yambuŋi mindiriba 777 meköba kömuyök.
138	GEN 5:32	Lameknöŋ kömuiga nahönŋi Noa yaŋön yambuŋi 500 aiga nahönurupŋi karöbut qetŋini Sem, Ham aka Jafet asuhuget. Mewö.
241	GEN 10:6	Hamgö nahönurup yeŋgö qetŋini mi Kus, Ijipt, Libia aka Keinan.
248	GEN 10:13	Ijiptkö gwölönarökurupŋi yeŋön Libia könagesö, Anam könagesö, Lehab könagesö aka Naftu könagesö akze.
254	GEN 10:19	Mewö deŋqeŋgetka Keinan könagesö yeŋgöreŋ gölme göraŋi mi miri qetŋi Saidon miaŋgöreŋök könahiba anda Gerar mire anda Gaza miaŋgöreŋ teköza. Mewöyök Sodom göröken anda Gomora anda Adma aka Zeboim anda Lasa miaŋgöreŋ teköza.
257	GEN 10:22	Semgö nahönurupŋi yeŋgö qetŋini mi Elam, Asur, Arfaksad, Lidia (Lud) aka Aram.
294	GEN 11:27	Teragö gwölönarökurup yeŋgö qet areŋini ki. Teragö nahönurupŋi Abram, Nahor aka Haran asuhuget. Harangö nahönŋi Lot asuhuyök.
298	GEN 11:31	Teranöŋ nahönŋi Abram, isiŋi Lot Harangö nahönŋi aka iranŋi Sarai, nahönŋi Abramgö anömŋi mi eŋguaŋgiriga mohotŋe Kaldia gölmegö miri qetŋi Ur mosöta Keinan gölmenöŋ anbingöra anget. Mewö angetmö, Haran miri gölmenöŋ kaba kinda miaŋgöreŋ miriŋini memba tatket.
303	GEN 12:4	Mewö jiiga Abramnöŋ Kembunöŋ jiyöhaŋgö dop Haran miri mosöta aniga Lotnöŋ yambuk anohot. Abramnöŋ yambuŋi 75 aiga miaŋgöreŋ Haran miri mosöta anök.
304	GEN 12:5	Anmam jiba anömŋi Sarai, behötŋi Lot, sukinapŋi pakpak qezakögetka sehiyöhi aka welenqeqe ambazip Haran mirinöŋ mala eŋgömegeri, mi memba eŋguaŋgita mosöta Keinan gölmenöŋ anbingöra anda mala miaŋgöreŋ aŋgotket.
320	GEN 13:1	Abramnöŋ Ijipt gölme mosöta anömŋi aka bau inap yuaiŋi pakpak memba eŋguaŋgita Lotpuk mohotŋe liliŋgöba anda Keinan gölmegö Saut likepŋi qetŋi Negew miaŋgöreŋ kaŋgotket.
324	GEN 13:5	Lotnöŋ Abrambuk tata mosöta malöhi, yaŋön mewöŋanök lama bulmakau kambuŋi kambuŋi aka opo seri koumŋi koumŋi mi gwötpuk memba malök.
326	GEN 13:7	Osiba Abram aka Lot yetköreŋ sömbup galömurupŋiri yeŋgö sutŋine gölmegö aŋgururuk asuhuyök. Nalö miaŋgöreŋ Keinan könagesö aka Periz könagesö yeŋön gölme miaŋgö toŋi aketka yembuk mohotŋe malget.
327	GEN 13:8	Mewö mala Abramnöŋ Lotköra kewö jii mörök: “Niri mönö iwi moröya maljit. Miaŋgöra ni aka gi sutnire me sömbup galömurupniri yeŋgö sutŋine aŋgururuk kude ahöma.
329	GEN 13:10	Mewö jiiga Lotnöŋ uba wahöta Jordangö gölme köröŋi ketaŋi pakpak ehiga Anutunöŋ mi ölöp mem kelöriga Kembugöreŋ oyaeŋkoyaeŋ arö kelökŋambuk ewö ahök. Mi Ijipt yeŋgö gölme ewö ahöba Zoar miri göröken anök. Mutuk Kembunöŋ Sodom aka Gomora qahö ayuhum etkiiga nalö miaŋgöreŋ gölme mi mewö ahöyök.
330	GEN 13:11	Mewö ahöiga Lotnöŋ mi ek kewöta Jordangö gölme köröŋi ketaŋi pakpak mi möwölöhöba wehön kotkotŋe göröken anök. Mewö aka deŋnohot.
331	GEN 13:12	Deŋda Abramnöŋ Keinan gölmenöŋ anda malökmö, Lotnöŋ gölme köröŋi ketaŋaŋgö taonŋi taonŋi yeŋgö sutŋine anda kaba malök. Mewö mala opo seri koumŋi meköba memba kuŋguba anda kinda teteköŋe Sodom kösutŋe aŋgota malök.
333	GEN 13:14	Lotnöŋ Abram umbula aniga nalö miaŋgöreŋ Kembunöŋ Abramgöra keu kewö jiyök: “Mönö jegi ötök ala mesoholge uba wahöta eleŋda andöge uba mewöyök wehön kotkotŋe aka wehön gegeŋe göröken unöŋ.
344	GEN 14:7	Luhut al eŋgiba miaŋgöreŋök liliŋgöba En Mispat (qetŋi alaŋi Kades) miaŋgöreŋ kaba Amalek könagesö luhut al eŋgiba gölmeŋini pakpak aŋgön kölget. Amor könagesö Hazezon Tamar gölmenöŋ malgeri, mi mewöŋanök eŋguba luhut al eŋgiget.
349	GEN 14:12	Abramgö behötŋi Lot yaŋön Sodom malöhaŋgöra aka i mewöŋanök sukinapŋambuk waŋgita anget.
351	GEN 14:14	Abramnöŋ behötŋi Lot waŋgita angeri, miaŋgö keuŋi möta aziurupŋi 318 nanŋi mire asuhuba mötmöt möta bimqeqe köl guliba malgeri, mi eŋgohol tokoba kerök kambu eŋguataŋgöba Not göröken anda mala Dan mire aŋgotket.
352	GEN 14:15	Abramnöŋ aziurupŋi mendeŋ eŋgiiga yeŋön suŋgem miaŋgöreŋ közöla kerök kambu qeraköm eŋgimemba luhut al eŋgiget. Luhut al eŋgiba eŋguataŋgöba anda mala Damaskusgö Not likepŋe miri qetŋi Hoba miaŋgöreŋ aŋgotket.
353	GEN 14:16	Miaŋgöreŋ aŋgota sukinap pakpak kiom qeba memba angeri, mi miwikŋaiget. Behötŋi Lot aka yaŋgö öröyuaiŋi mi memba waŋgita liliŋgöba kayök. Sodom aka Gomora yeŋgö ambimoröurupŋini aka ambazip tosatŋi mi tok lökŋanök eŋguaŋgita kaget.
396	GEN 16:14	Könaŋi miaŋgöra aka o löm miaŋgö qetŋi mi Ber Lahai Roi (Malmalŋambuk mala nehakzawaŋgö o lömŋi) qetketka ahöza. O löm mi toroqeba miri yahöt qetŋiri Kades aka Bered mietkö sutŋire ahöza.
459	GEN 19:1	Suep garata yahöt mi Abraham mosöta anda mare aiga Sodom aŋgorohot. Aŋgorohotka Lot azi miaŋön taon miaŋgö kiripo naŋgune tarök. Tata etkeka wahöta jömjölöŋiri jiba eŋguaŋgitmamgöra anda gölmenöŋ simin köla bamgöba geyök.
461	GEN 19:3	Mewö jiyohotmö, Lotnöŋ kapaŋ köhöikŋi köla jiba etkuaŋgita nanŋi miriŋe anda öŋgöget. Öŋgöba welenqeqeurupŋi jim kutum eŋgiiga bered yistŋi qahö ohoget. Mewöyök numbu nene nahömŋambuk möhamgöba ohoba etkigetka neyohot.
463	GEN 19:5	Kaŋgota Lotköra kewö qetket: “Azi yahöt mare göhöreŋ kazahori, mi denike? Azi nini yetpuk sero akingöra mötzin. Miaŋgöra mönö i etkuaŋgita neŋgöreŋ etme.”
464	GEN 19:6	Mewö qetketka Lotnöŋ naŋgu metala yeŋgöreŋ geba andöŋe naŋgu kölök.
467	GEN 19:9	Mewö jiyökmö, yeŋön kewö meleŋda teriŋda qetket: “Mönö kesalnöŋ. Göŋön ki kaba kiana mala nangahöra niŋia jiba mötnöŋ öŋgöiga ninia pöndaŋ jim kutum neŋgimamgö mötzan? Yetkön qahö kamahot ewö, mönö nangak neŋgöreŋ kanöŋga mönö kahasililiŋ keta bölökŋi nangi ak gihibin. “Mewö jiba Lot utalgetka kököndöt aniga öŋgöba miri naŋguŋi qesiŋbingö aka kinget.
468	GEN 19:10	Mewö aka kingetmö, azi yahöt mietkön böröŋiri böraŋda Lot öröm gilohotka miri uruŋe öŋgöiga naŋgu kölohot.
470	GEN 19:12	Azi yahöt yetkön Lotköra kewö jiyohot: “Gi nahönurupki, qiŋgiböraturupki aka tinilosomurupki tosatŋi pakpak taon kiaŋgöreŋ maljei, i mönö eŋguaŋgitnöŋga taon ki mosöta anme.
472	GEN 19:14	Mewö jiyohotka möta Lotnöŋ anda qiŋgi buŋa yahöt böratyahötŋi etkömembitkö jiiga malohori, yetköra kewö jiyök: “Iŋiri mönö ösumok wahörohotka miri ki mosöta anbin. Kembunöŋ taon ki ayuhuba köndeŋmöndeŋmamgö akza. “Mewö jiiga yetkön keu mi mörohotka göngönahit tandök ahök.
473	GEN 19:15	Miri waŋgaraŋ suruiga Suep garata yahöt yetkön Lot öröm kuŋgum waŋgiba kewö jiyohot: “Anutunöŋ Sodom yeŋgö siŋgisöndokŋinaŋgö likepŋi meleŋda taonŋini köndeŋmöndeŋma. Göŋön yembuk mohotŋe ayuhubanbuköra mönö zilaŋ wahöta anömgi aka böratyahötki göbuk tatzahori, mi eŋguaŋgita taon ki mosötket.”
474	GEN 19:16	Mewö jiyohotka Lotnöŋ toroqeba eksekpeksek aiga azi yahöt yetkön Lotkö böröŋi melanjiba memba anömŋi aka böratyahötŋi yeŋgö böröŋini mewöŋanök melanjiba memba eŋguaŋgita taon sileŋe anget. Kembunöŋ mewö ak kömum eŋgiyök.
476	GEN 19:18	Mewö jiyökmö, Lotnöŋ kewö jii mörohot: “O Kembuni, göŋön mewö akingöra kude jiman.
480	GEN 19:22	Mi qahö ayuhumam-mö, iŋini mönö ösumok miaŋgöreŋ misiŋgöba angaitme. Miaŋgöreŋ qahö aŋgotketka nalö sutŋi kewöŋe nöŋön yuai kun akŋamgö osimam. Iŋini mutuk miaŋgöreŋ aŋgotketka miaŋgö andöŋe ölöp jim kutubiga köndeŋmöndeŋ asuhuma. “Lotnöŋ taongöra ‘morodökŋi’ jiyöhaŋgöra aka taon miaŋgö qetŋi mi Zoar (morodökŋi) qetketka ahöza.
481	GEN 19:23	Wehönöŋ lök koriga Lotnöŋ Zoar taonöŋ kaŋgorök.
484	GEN 19:26	Lotkö anömŋan apŋi wuataŋgöba anda kunbuk eleŋda andöŋe uba miaŋgöreŋök letota sihi köt aka tandö ewö kinök.
487	GEN 19:29	Anutunöŋ gölme köröŋi miaŋgö taonŋi taonŋi ayuhuba köndeŋmöndeŋda nalö miaŋgöreŋ Abraham mötmörim waŋgiyök. Behötŋi Lotnöŋ taon mieŋgöreŋ maliga mieŋön meleŋni gebingö aketka Anutunöŋ nalö miaŋgöreŋök jim kutuiga Lot köndeŋmöndeŋ miaŋgö uruŋeyök waŋgita kaget. Mewö.
488	GEN 19:30	Lotnöŋ Zoar taonöŋ malmamgö keŋgötŋi mörök. Miaŋgöra böratyahötŋi etkuaŋgita Zoar mosöta gölme kunduŋambuk miaŋgöreŋ anda tatket. Böratyahötŋi yahöt yetpuk baŋet uruŋe ahöm wahöt aka malget.
543	GEN 21:29	Mewö kingetka Abimeleknöŋ Abraham kewö qesim waŋgiyök: “Lama ambiŋi moröŋi 7 kewöta endu al eŋginöŋga nanŋinök kinjei, mi könaŋi wuanöŋgöra?”
621	GEN 24:29	Rebekagö nenŋi qetŋi Laban malök. Yaŋön mi möta Abrahamgö welenqeqe jembonŋi ekŋamgöra ösumŋan yaigep o lömŋe kiŋkiŋgöba anök.
624	GEN 24:32	Mewö jiiga welenqeqe jembonöŋ mire kaiga kamel qakŋine sukinap taröhi, mi Labanöŋ musula mei eri jiiga kamel yeŋgöra luplup aip aka gwözözak nene memba kaba eŋgiget. Welenqeqe jembon aka yaŋgö aziurupŋan könaŋini saŋgoŋmeaŋgö oŋi mi tok mohotŋe uba kaba eŋgiget.
625	GEN 24:33	Miaŋgö andöŋe nene welenqeqe jembongö wösöŋe kölgetmö, yaŋön kewö jiyök: “Mutuk keu memba kazali, mi jibi mötketkun mönö nene ki nemam. “Mewö jiiga Labanöŋ kewö jiyök: “Mi ölöp jinöŋ mötpin.”
642	GEN 24:50	Mewö jim teköiga Laban aka Betuel yetkön kewö meleŋda jiyohot, “Keu ki Kembugöreŋök kaza. Miaŋgöra netkön keu mewö me mewö jibiraŋgö dop qahö.
654	GEN 24:62	Anda kaba mala mala Keinan gölmenöŋ kaŋgotket. Aisaknöŋ gölme miaŋgö Saut likepŋe distrik qetŋi Negew miaŋgöreŋ mala nalö miaŋgöreŋök o löm qetŋi Ber Lahai Roi mi mosöta gölme qararaŋkölkölŋe kaba malök.
662	GEN 25:3	Joksanöŋ nahönyahötŋi qetŋiri Seba aka Dedan yetkö iwiŋira ahök. Dedan yaŋön Asur könagesö, Letus könagesö aka Leum könagesö yeŋgö bömönŋini ahök.
670	GEN 25:11	Abrahamnöŋ kömuiga Anutunöŋ nahönŋi Aisak kötuetköm waŋgiba malök. Yaŋön Negew gölmenöŋ o löm qetŋi Ber Lahai Roi (Malmalŋambuk mala nehakzawaŋgö o lömŋi) miaŋgö kösutŋe tata malök. Mewö.
679	GEN 25:20	Aisaknöŋ yambuŋi 40 aiga Mesopotemia (Padan Aram) kantrigö Aram azi qetŋi Betuel yaŋgö böratŋi Rebeka anömŋa meyök. Rebekagö nenŋi mi Aram azi qetŋi Laban.
744	GEN 27:16	Löŋgöriga meme (noniŋ) sileŋi mi memba böröŋi köpeiba jölŋi solanŋi esuhuyök.
771	GEN 27:43	Mewögöra nahöni, nöŋön keu jimami, mi mönö tem kölman. Mönö dölki wahöta ölöŋ köla Haran mire neni Labangöreŋ anman.
776	GEN 28:2	Mewö qahöpmö, mönö wahöta Mesopotemia (Padan Aram) gölmenöŋ anda namgahö iwiŋi Betuel yaŋgö mire aŋgota ehongi Labangö böraturupŋi yeŋgöreŋök kun anömga meman.
779	GEN 28:5	Mewö jiba Jeikob melaiiga mosöta Mesopotemia (Padan Aram) gölmenöŋ Labangöreŋ anmamgöra anök. Laban mi Aram azi Betuelgö nahönŋa aka Jeikob aka Iso yetkö namŋiri Rebeka yaŋgö nenŋa malök. Mewö.
793	GEN 28:19	Miriba gölme miaŋgö qetŋi Betel (Anutugö miriŋi) qerök. Mutuk taon miaŋgö qetŋi mi Luz qeta malget.
799	GEN 29:3	Lama galöm yeŋön mutuk lama kambuŋini pakpak miaŋgöreŋ tokom eŋgiba köt mi o löm numbuŋeyök gwililöŋgöba lamaurupŋini o eŋgiget negetka köt mi kunbuk dundumŋe köla malget.
801	GEN 29:5	Meleŋ waŋgigetka kewö qesim eŋgiyök: “Iŋini Nahorgö isiŋi Laban möt waŋgize me qahö?” Qesim eŋgiiga “Ölöp möt waŋgizin,” jiget.
806	GEN 29:10	Kaiga Jeikobnöŋ ehonŋaŋgö böratŋi Reizöl aka ehonŋaŋgö lama kambuŋi eŋgeka o löm numbuŋe anda köt mi metala ehonŋi Labangö lamaurupŋi o eŋgiyök.
809	GEN 29:13	Labanöŋ nenŋaŋgö nahönŋi Jeikobkö buzupŋi möta i ösumok miwikŋaimamgöra anök. Anda miwikŋaiba eka aŋgöm waŋgiba numbuŋi yöhötim nemba waŋgita miriŋe öŋgöyohot. Öŋgöba yuai pakpak asuhuyöhi, Jeikobnöŋ miaŋgö kösohotŋi jii mörök.
811	GEN 29:15	Mewö maliga Labanöŋ Jeikob kewö jii mörök: “Gi tinitosolomni maljanaŋgöra töwagi qahö öne welen qem niŋgibanbuk. Mi qahö dop kölma. Miaŋgöra töwagi dawik memangö mötzani, mi ölöp jinöŋga mötmam.”
812	GEN 29:16	Labangö böratyahötŋi yahöt malohot. Ketaŋaŋgö qetŋi Lea. Munŋaŋgö qetŋi Reizöl.
813	GEN 29:17	Leagö jeŋan eksihimŋambuk ahökmö, Reizölgö sileŋaŋgö kaisoŋgolomŋi aka jemesoholŋi mi körek eksihimŋambuk kötökŋi ahök.
817	GEN 29:21	Yambu 7 teköiga Jeikobnöŋ ehonŋi Laban kewö jii mörök: “Nöŋgö nup meme nalönan lök teközawaŋgöra ölöp anömni Reizöl niŋginöŋga yambuk ahöba malmam.”
818	GEN 29:22	Labanöŋ keu mi möta miri toŋi pakpak öröm tokom eŋgiba lömbuaŋ aliga nem söŋgaip aket.
819	GEN 29:23	Mi aket teköiga miri söŋauiga Labanöŋ böratŋi Lea waŋgita anda Jeikob waŋgiiga miri uruŋe öŋgöba mohotŋe ahöyohot.
820	GEN 29:24	Labanöŋ welen ambiŋi qetŋi Zilpa mi böratŋi Leagö welenqeqeŋa malmapköra waŋgiyök.
821	GEN 29:25	Mohotŋe ahöyohotka miri giaŋiiga Jeikobnöŋ anömŋi eka möri Reizöl qahöpmö, i Lea aiga yöwöŋaŋgöreŋ anda kewö jim waŋgiyök: “Gi mönö wani kimbia ak niŋgizane? Ni Reizöl memamgöra welen qem gihiba malalmö, gi mönö wuanöŋgöra tilipköm niŋgizan?”
823	GEN 29:27	Miaŋgöra ölöp maren sösöŋgai mi Leabuk sonda mohotkö dop mal söŋgainöŋ teköiga munŋi mewöyök gihimam. I memangöra mönö mewöyök yambu 7 toroqeba welen qem niŋgiba malman.”
824	GEN 29:28	Mewö jiiga urumohot aka Leabuk maren sösöŋgai nalö mi sonda mohotkö dop mali teköiga Labanöŋ böratŋi Reizöl mewöyök anömŋi akŋapköra waŋgiyök.
825	GEN 29:29	Labanöŋ welen ambiŋi qetŋi Bilha mi böratŋi Reizölgö welenqeqeŋa malmapköra waŋgiyök.
826	GEN 29:30	Jeikobnöŋ Reizöl i mewöyök anömŋa meyök. Urusihimŋan Reizölgöra ahöyöhaŋgöra aka Reizöl mi Lea oŋgita jöpaköm waŋgiba malök. Miaŋgöra yambu 7 toroqeba Laban welenŋi qem waŋgiba malök. Mewö.
827	GEN 29:31	Jeikobkö uruŋan Leagö gwötpuk qahö ahöiga boromdökŋi tököiga Kembunöŋ ehi qahö dop köliga Lea gölöm almapköra bauköm waŋgiyökmö, munŋi Reizölnöŋ köpinŋa malök.
828	GEN 29:32	Leanöŋ köröbuk aka mala morö azia memba keu kewö jiyök, “Kembunöŋ tapötkokorokni ehiga apnan ölöp könahiba jöpaköm niŋgiba malma. “Mewö jiba qetŋi miaŋgö dop Ruben qerök. (Ruben Tapötkokorokni ehök.)
830	GEN 29:34	Miaŋgö andöŋe kunbuk körö ala morö azi kun memba keu kewö jiyök: “Ni nahönurupŋi karöbut apnaŋgöra mealaŋgöra yaŋön mönö könahiba uruŋi nömbuk jöhöma. “Mewö jiba qetŋi miaŋgö dop Liwai qerök. (Liwai Uruŋi jöhöma.)
832	GEN 30:1	Reizölnöŋ köpinŋi mala Jeikobköra nahönbörat kun qahö memba nanŋi könaŋi mewö eka datŋi Lea andö qeba uruŋan mututqutut möta Jeikobköra keu kewö jiyök: “Gi mönö morö qiwikŋainöŋ. Mi qahö qiwikŋainöŋga nöŋön mönö malmamgö osiba kömumam.”
840	GEN 30:9	Leanöŋ kunbuk gölöm qahö ala mi eka miaŋgöra nanŋi welen ambiŋi qetŋi Zilpa memba Jeikob waŋgii anömŋa ahök.
842	GEN 30:11	Meiga Leanöŋ “Simbawoŋ!” jiba qetŋi Gad (simbawoŋ) qerök.
843	GEN 30:12	Zilpa, Leagö welen ambiŋi miaŋön Jeikobkö nahönŋi kun kunbuk meiga yahöt ahök.
844	GEN 30:13	Mewö aiga Leanöŋ keu kewö jiyök: “Nöŋön uruölöwak ketaŋi mötzal. Ambi yeŋön mönö nöŋgöra oyaeŋkoyaeŋ qeta malme. “Mewö jiba miaŋgö dop morö qetŋi Aser qerök. (Aser Oyaeŋkoyaeŋ qetme.)
845	GEN 30:14	Witnöŋ öliiga yandiyandi nalöŋe sömaŋi kunöŋ Rubenöŋ yaigep anda gölme köröŋe asagwalim amöt miwikŋaiyök. Amöt mi miwikŋaiba memba kaba namŋi Lea waŋgiyök. Waŋgiiga Reizölnöŋ datŋaŋgöra kewö jiyök: “Göhö nahöngan amöt memba kazawi, miaŋgö tosatŋi mönö niŋginöŋga nembi.”
846	GEN 30:15	Mewö jiiga Leanöŋ kewö jiyök: “Göŋön apni noaŋgitnöŋga dop kölmapkö mötmörialmö, gi mönö nahönaŋgöreŋ asagwalim amöt ki mewöŋanök noaŋgitmamgö mötzan. Mi qahö dop kölja. “Mewö jiiga Reizölnöŋ kewö jiyök: “Ölöp! Nahöngahöreŋ amöt mi niŋgiman ewö, mönö ölöp Jeikobpuk suŋgem ki ahömahot.”