9	GEN 1:9	Giaŋiiga Anutunöŋ kewö jim kutuyök: “O suep bapŋe ahözei, mi mönö qezakögetka kambu mohot aiga gölme örönŋi asuhuma.” Mewö jim kutuiga mönö mewö asuhuyök.
20	GEN 1:20	Giaŋiiga Anutunöŋ kewö jim kutuyök: “O köwet mieŋgö uruŋine mönö yuai isikusukŋinambuk asuhuba dop köla o qeba ölölaŋgöba laŋ anda kaba malme. Mewöŋanök neiŋi neiŋi gölme qakŋe könakemba bölbölgöba kutuba anda kaba malme.”
40	GEN 2:9	Al waŋgiba jiiga gölmenöhök ip tandökŋini könaŋi könaŋi asuhuba wahötket. Ip mi eksihimŋinambuk aiga ölŋini neneŋi mi nahömŋinambuk. Oyaeŋkoyaeŋ nup bibiŋe malmal köhöikŋaŋgö ipŋi aka mötkutukutugö ipŋi mi mohotŋe jim kutuiga asuhuyohot. Mötkutukutugö ipŋaŋgö könaŋi kewö: Ölŋi nemba miaŋön ölöpŋi aka bölöŋi mietkö könaŋiri mi möt kutubahotpuk.
42	GEN 2:11	O töwatŋi mutukŋaŋgö qetŋi Pison, mi Hawila gölme körek liliköba ahöba anja. Gölme miaŋgöreŋ goul ahöza.
44	GEN 2:13	O böröŋi töwatŋi jaŋgö 2 miaŋgö qetŋi Gihon. Mi (Mesopotemiagö) gölme qetŋi Kus mi körek liliköba ahöba anja.
45	GEN 2:14	O böröŋi töwatŋi karöbutŋi qetŋi Taigris. Mi Asiria gölme wösöŋe wehön kotkotŋe göröken geba anja. O böröŋi töwatŋi jaŋgö 4 miaŋgö qetŋi mi Yufreitis.
47	GEN 2:16	Al waŋgiba kewö jiba jim kutum waŋgiyök: “Oyaeŋkoyaeŋ nup uruŋe ip pakpak kin anjei, mieŋgö ölŋini mi ölöp amqeba mem nemba malman.
57	GEN 3:1	Kembu Anutunöŋ gölmegö sömbup malmalŋinambuk pakpak miwikŋaim eŋgiyöhi, mieŋgö sutŋine mokoleŋnöŋ isimkakalek mötmötnöŋ sömbup pakpak mi eŋgoŋgita öŋgöyök. Mewö öŋgöba ambigöra kewö jiyök: “Oyaeŋkoyaeŋ mire ip pakpak kin anjei, mieŋgö ölŋini kun kude nemahotköra Anutunöŋ ölŋa jim kutum etkiyök me qahö?”
58	GEN 3:2	Mewö jiiga ambinöŋ meleŋda mokoleŋgöra kewö jiyök: “Oyaeŋkoyaeŋ mire ip tosatŋi kin anjei, mieŋgö ölŋini mi ölöp nembitköra jiyök.
84	GEN 4:4	Abelnöŋ mewöyök lama kambuŋaŋgö mutuk asuasuhuŋi tosatŋi meköba eŋguba kitipŋi kelökŋinambuk memba kaba Kembugö jöwöwöl ohoyök. Ohoiga Kembunöŋ Abel nanŋi aka jöwöwölŋi etkeka möri ölöwahök.
184	GEN 7:24	O göulu miaŋön gölme köl turuba qahö öröba geyökmö, wehön 150:gö dop ahöyök.
195	GEN 8:11	Anda mare miaŋgöreŋ liliŋgöba oil ipkö sinŋi gwölögwölö kun mi meteköba numbuŋan yöhösaŋda Noagöreŋ kayök. Mewö kaiga Noanöŋ mi eka kewö möt asariyök: Onöŋ mönö öröba eriga gölmenöŋ asuhum teköza.
205	GEN 8:21	Ohoiga Kembunöŋ wörön umköhöwakŋi nahömŋambuk mi möri dop köliga uruŋan keu kewö jiyök: “Ambazip yeŋgö uruŋinaŋgö mötmöt areŋinan mönö moröŋineyök könahiba bölöŋi akzemö, töndup gölme mi nalö kunöŋ ambazipköra aka kunbuk kude qesuahömam. Yuai pakpak malmalŋinambuk maljei, nöŋön mi lök qahöwak teköm eŋgialmö, miaŋgö dop nalö kunöŋ kunbuk qahö jim teköba ak eŋgimam.
217	GEN 9:11	Nöŋön jöhöjöhö areŋni mi embuk kewö al köhöizal: Nöŋön o göulunöŋ öröyuai isikusukŋinambuk pakpak mi kunbuk kude eŋgubi qahöwakŋe. O göulu mi gölme ayuhumapköra kunbuk qahö albi kama.”
263	GEN 10:28	Obal, Abimael, Seba,
264	GEN 10:29	Ofir, Hawila aka Jobab. Azi pakpak mi Joktangö nahönurupŋa.
322	GEN 13:3	Mewö mala Negew distrik uruŋe tata mosöta kusukŋanök rowoŋqeqeŋine ahöba wahöta anda mala Betel mire kaŋgotket. Opo seri koumŋi mutuk Betel aka Ai miri mietkö sutŋire kuŋgui kinöhi, mönö miaŋgöreŋ kaŋgotket.
326	GEN 13:7	Osiba Abram aka Lot yetköreŋ sömbup galömurupŋiri yeŋgö sutŋine gölmegö aŋgururuk asuhuyök. Nalö miaŋgöreŋ Keinan könagesö aka Periz könagesö yeŋön gölme miaŋgö toŋi aketka yembuk mohotŋe malget.
363	GEN 15:2	Keu mewö kayökmö, Abramnöŋ kewö jiyök, “O Kembu ketaŋamni, ni nahönböratni qahö malbiga töwa niŋginöŋga miaŋön mönö denöwö bauköm niŋgibawak? Nöŋön kömumbiga Damaskus azi Eliezer yaŋön nöŋgö sukinapnaŋgö toŋi akŋa.”
369	GEN 15:8	Mewö jiyökmö, Abramnöŋ kewö jiyök, “O Kembu ketaŋamni, gölme kiaŋön nöŋgö buŋaya akŋawi, mi mönö wani aiwesöha eka möt kutumam?”
389	GEN 16:7	Aniga Kembugöreŋ garata kunöŋ gölme qararaŋkölkölŋe o jeŋi kungö kösutŋe miwikŋaim waŋgiyök. O jeŋi mi Sur mire anangö köna jitŋe miaŋgöreŋ ahöza.
396	GEN 16:14	Könaŋi miaŋgöra aka o löm miaŋgö qetŋi mi Ber Lahai Roi (Malmalŋambuk mala nehakzawaŋgö o lömŋi) qetketka ahöza. O löm mi toroqeba miri yahöt qetŋiri Kades aka Bered mietkö sutŋire ahöza.
428	GEN 18:3	Geba kewö jiyök: “O Kembu-urupni, nöŋön eŋgö welenqeqeŋini aka eŋgö jeŋine kalem möriam miwikŋaiba maljal ewö, iŋini mönö ni kude noŋgita anme.
455	GEN 18:30	Mewö jiiga jiyök: “O Kembu, urugi öngöbapukmö, ni kunbuk keu jimamgö mötzal. Ambazip solanŋi 30 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip solanŋi 30 miaŋgöreŋ miwikŋaim eŋgimam ewö, nöŋön mönö taon mi qahö ayuhumam.”
457	GEN 18:32	Mewö jiiga Abrahamnöŋ kunbuk kewö qesiyök: “O Kembu urugi öngöbapukmö, ni kunbuk sömaŋi mohot-töp ki keu jimamgö mötzal. Ambazip solanŋi 10 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 10 yeŋgöra aka taon mi qahö ayuhumam.”
460	GEN 19:2	Geba kewö jiyök: “O kembuyahötni, iŋiri ölöp welenqeqeŋiri nöŋgö mire kaba könaŋiri saŋgoŋda mohotŋe suŋgem ahöbin. Ahöba wahöta ölöp söŋanök köna toroqeba anmahot. “Mewö jiyökmö, yetkön kewö jiyohot: “Qahö, niri ölöp qenjarök sombem kunöŋ anda ahöbit.”
476	GEN 19:18	Mewö jiyökmö, Lotnöŋ kewö jii mörohot: “O Kembuni, göŋön mewö akingöra kude jiman.
578	GEN 23:6	“O azi kembu, gi ölöp neŋgöreŋ keu ki mötnöŋ. Gi neŋgö sutnine Anutugö azi jembonŋi maljanaŋgöra aka qaksirigi sihimgan denike ek soroköba memangö mötzani, miaŋgöreŋ mönö ölöp qamötki löm kölman. Göŋön qamötki esim kölmam jinöŋga neŋgöreŋök kunŋan mi qahö aŋgön köl gihima.”
583	GEN 23:11	“O azi kembuni, mewö qahöpmö, mönö nöŋgöra kezap alnöŋ. Nöŋön gölme köröŋi mi aka baŋet miaŋgöreŋ kinjawi, mi kalema gihizal. Nani könagesöurupni yeŋgö jeŋine kinda mi gihibiga ekze. Qamötki mi ölöp miaŋgöreŋ esim löm kölman.”
587	GEN 23:15	“O azi kembuni, nöŋgöreŋ keu ki mönö kezap ala mötnöŋ. Gölme miaŋgö bohonŋi mi 400 silwö kötŋi (50 kilogram). Ala-ala akziraŋgöra aka miaŋön mönö netkö sutnire yuai omaŋi akza. Miaŋgöra qamötki ölöp esim löm kölman.”
604	GEN 24:12	Miaŋgöreŋ kinda kewö köuluköyök: “O Kembu, ketaŋamni Abrahamgö Anutuŋi, gi mönö merak töhötmöriam niŋgiba ketaŋamni Abrahamgöra keu jim jöhönöŋi, miaŋgö ölŋi asuhuma.
610	GEN 24:18	Mewö jiiga kewö meleŋnök: “O kembuni, ölöp neman. “Mewö jiba ösumok köuraŋenŋi böröŋan memba eta moŋgoŋgoniiga (mondoköiga) o neyök.
619	GEN 24:27	Möpöseiba kewö jiyök: “O Anutu, ketaŋamni Abrahamgö Kembuŋi, nöŋön gi möpöseim gihizal. Göŋön ketaŋamnaŋgöra kalem möriamgö keugi jim jöhönöŋi, mi törörök wuataŋgönöŋga qahö sörauyök. Miaŋgö dop Kembu göŋön noaŋgitnöŋga köna köröpŋi ki kaba mala ketaŋamnaŋgö tinitosolomurupŋi yeŋgö mire kaŋgotzal.”
634	GEN 24:42	“Mewö jiiga merak o lömŋe kaŋgota kinda kewö köuluközal: ‘O Anutu, ketaŋamni Abrahamgö Kembuŋi, ni köna köröpŋi kazali, mi mönö jitsihitkahö dop mötnöŋga töhötmöriamŋambuk akŋa.
652	GEN 24:60	Anbingö aketka miaŋgöreŋ iwinam nenmunurupŋan Rebeka kötuetköm waŋgiba kewö jiget, “O nen böratnini, Kembunöŋ ölöp ahumsehip gihiiga göŋön gwölönarökurupki milyönŋi milyönŋi yeŋgö bömön jalöŋina akŋan. Yeŋön mönö köhöiba kerökurupŋini eŋguba luhut ala siti gölmeŋini eŋguaŋgita aŋgön köla malme.”
713	GEN 26:20	Mi miwikŋaigetmö, Gerar yeŋgö lama bulmakau galömŋinan Aisakö lama bulmakau galömurupŋi yembuk könahiba aŋgururuk aka keu kewö jiget, “O mi neŋgöreŋa!” Nanŋambuk aŋgururuk keu mewö jigeraŋgöra aka Aisaknöŋ o löm miaŋgö qetŋi Esek (Aŋgururuk) qerök.
715	GEN 26:22	Mewö qeta gölme mi mosöta anda o löm kun kunbuk jii esiget. O löm miaŋgöra aŋgururuk keu qahö asuhuiga miaŋgöra qetŋi Rehobot (Tiŋi ölöpŋi) qeta keu kewö jiyök: “Merak Kembunöŋ tiŋi ölöpŋi neŋgiiga ölöp gölme kiaŋgöreŋ mala ahumsehip akin.”
738	GEN 27:10	Ohoba mözözömgöbiga memba anda iwigi waŋginöŋga nemba kötumötuet gihibawak. Miaŋgö andöŋe ölöp kömuma.”
743	GEN 27:15	Ohoba nahönŋi mutukŋi Isogö opo malukuŋi ölöp kötökŋi opo köweŋe galöm kölöhi, mi memba nahönŋi könaŋgepŋi Jeikob waŋgiiga löŋgörök.
746	GEN 27:18	Aliga memba iwiŋaŋgöreŋ anda “Iwini!” jiyök. Jiiga kewö meleŋnök: “O nahöni, gi daŋön?”
765	GEN 27:37	Mewö jiiga iwiŋan Isogöra kewö meleŋnök: “Mötnöŋ, nöŋön mungi göhö azi kembugi malmapköra kuŋgum waŋgizal. Tinitosolomurupŋi pakpak yeŋön i welen qem waŋgiba malmegöra jim kutum eŋgizal. Yaka yöha, sehoŋ padi aka wain o yuai mi lök jim teközalawa Anutunöŋ mi waŋgiba malma. O nahöni, wanat kötumötuetna kun toroqeba ahöm niŋgizawa mia gihibileŋak? Mi mönö osizal.”
766	GEN 27:38	Mewö meleŋniga iwiŋaŋgöra kewö jiyök: “O iwini, kötumötuet mohok-kun miyök mönö ahöm gihiza me denöwö? O iwini, mönö nia kun kötuetköm niŋginöŋ. “Mewö jiba könahiba silata sahörök.
794	GEN 28:20	Jeikobnöŋ gölme miaŋgö qetŋi dölökŋi Betel qeta keu kewö jim jöhöba jöjöpaŋ keunöŋ jim köhöiyök: “O Anutu, göŋön nömbuk mala köna ki anda malmami, miaŋgöreŋ nek galöm ak niŋgiba numbu neneŋamni aka silenaŋgö esuŋi miwikŋaim niŋginöŋga
844	GEN 30:13	Mewö aiga Leanöŋ keu kewö jiyök: “Nöŋön uruölöwak ketaŋi mötzal. Ambi yeŋön mönö nöŋgöra oyaeŋkoyaeŋ qeta malme. “Mewö jiba miaŋgö dop morö qetŋi Aser qerök. (Aser Oyaeŋkoyaeŋ qetme.)
934	GEN 32:6	Miaŋgöreŋ mala bulmakau, doŋki, lama, meme (noniŋ) kambuŋi kambuŋi aka welenqeqe ambazip miwikŋaiba eŋgömemba könanöŋ kazal. O azi kembuni, nöŋön göhö jege ak-kömukömu miwikŋaimamgöra möta keu buzupni ki mutuk albi göhöreŋ kaza.’”
938	GEN 32:10	Mewö mötmöriba kewö jiba köuluköyök: “O Anutu, asani Abrahamgö aka iwini Aisakö bemŋiri, göŋön ölöp möt niŋgiman. Kembu, gi nangok keu kewö jinöŋ möral: ‘Gi mönö wahöta nangi gölmenöŋ liliŋgöba nangi tinitosolomurupki yeŋgöreŋ anman. Endu anöŋga nöŋön töhötmöriam gihibiga malman.’ Mewö jinöŋ möral.
969	GEN 33:8	Mewö aketka Isonöŋ kewö qesim waŋgiyök: “Azi aka sömbup kambu pakpak könanöŋ miwikŋaim eŋgizali, mi könaŋi denöwögöra melaim eŋginöŋga kaze?” Mewö qesim waŋgiiga kewö jiyök: “O azi kembuni, nöŋön mi göhö jege ak-kömukömu miwikŋaimamgöra aka melaim eŋgial.”
970	GEN 33:9	Mewö jiyökmö, Isonöŋ keu kewö jiyök: “O muni, mi nöŋgöreŋ gwötpuk lök dopne ahöze. Miaŋgöra mi ölöp toroqeba nangi buŋaya aka ahöma.”
976	GEN 33:15	Mewö jiiga Isonöŋ kewö jiyök: “Mewö aiga nöŋön ölöp aziurupni tosatŋi eŋgömosötpiga göbuk ösöŋ kame. “Mewö jiiga Jeikobnöŋ kewö qesiyök: “Gi mönö wuanöŋgöra mewö akanak? O azi kembuni, ni göhö jege ak-kömukömu miwikŋaibiga lök dop köl niŋgim teköza.”
980	GEN 33:19	Opo seri koumŋi gölme köröŋe kuŋguyöhi, yaŋön gölme kitipŋi mi Sekemgö iwiŋi Hamor yaŋgö nahönurupŋi yeŋgöreŋök silwö kötŋi 100 miaŋön bohonŋi meyök.
1029	GEN 35:17	Masö qönsihimŋambuk ketaŋan qeyöhi, nalö miaŋgöreŋ anjö meme ambinöŋ keu kewö jii mörök: “O Reizöl, keŋgötki kude mötnöŋ. Gi mönö nalö kewöŋe mewöyök morö azia kun kunbuk meman.”
1043	GEN 36:2	Isonöŋ Keinan ambi karöbut eŋgimeyöhi, mieŋgö qetŋini kewö: Ada mi Hit azi Elon yaŋgö böratŋa, Oholibama mi Hiwi azi Zibeongö nahönŋi Ana yaŋgö böratŋa.
1046	GEN 36:5	Oholibamanöŋ Jeus, Jalam aka Kora eŋgömeyök. Isogö nahönurupŋi mewö mi Keinan gölmenöŋ asuhuget.
1052	GEN 36:11	Elifazkö nahönurupŋi 5 mi Teman, Omar, Zefo, Gatam aka Kenaz.
1055	GEN 36:14	Isogö anömŋi Oholibama yaŋön Isogö nahönurupŋi karöbut eŋgömeiga qetŋini Jeus, Jalam aka Kora qetket. Oholibama mi Zibeongö nahönŋi Ana yaŋgö böratŋi ahök.
1056	GEN 36:15	Isogö gwölönarökurup kambuŋi kambuŋi yeŋgö azi kembuŋini mi kewö: Isogö nahönŋi mutukŋi Elifaz yaŋgö nahönurupŋi mi azi kembu qetŋini Teman, Omar, Zefo, Kenaz,
1059	GEN 36:18	Isogö anömŋi Oholibama yaŋgö nahönurupŋi mi azi kembu qetŋini kewö: Jeus, Jalam aka Kora. Azi kembu mi Isogö anömŋi Oholibama, Anagö böratŋi yaŋgö nahönurupŋi aket.
1064	GEN 36:23	Sobalgö nahönurupŋi qetŋini kewö: Alwan, Manahat, Ebal, Sefo aka Onam.
1066	GEN 36:25	Anagö nahönböratyahötŋi yahöt mi nahönŋi Dison aka böratŋi Oholibama.
1082	GEN 36:41	Oholibama, Ela, Pinon,
1108	GEN 37:24	Mi qeköba munŋini qeraköba memba anda o lömnöŋ gilgetka geyök. O löm mi oŋi qahöpmö, gwamönŋa kinök.
1124	GEN 38:4	Mewö qeta kunbuk gölöm ala morö nahön kun memba qetŋi Onan qerök.
1128	GEN 38:8	Kömuiga Judanöŋ nahönŋi Onangöra kewö jiyök: “Gi ölöp datkahö malöŋi memba qambötŋi akzanaŋgö köna keuŋi wuataŋgöba yambuk ahöba datkahöra gwölönarök qiwikŋaiman.”
1129	GEN 38:9	Mewö jiyökmö, Onanöŋ gwölönarök mi yaŋgö buŋaya qahö akŋawi, mewö möta silik kewö aka malök: Datŋaŋgöra gwölönarök qiwikŋaibapuköra yaŋgö anöm malöŋambuk ahöba malöhi, nalö miaŋgöreŋ nalö dop morö qiwiqiwikŋaigö sile oŋi mi öne gölmenöŋ qokoba malök.
1143	GEN 38:23	Mewö jiiga Judanöŋ kewö jiyök: “O alani, muat! Yaŋön yuai mi ölöp memba malma. Yuai kun akirak, mönö gön köl netkigetka gamunöŋ turum netkibapuk. Nöŋön meme moröŋi gwaböŋi ki mi ölöp albiga anökmö, göŋön ambi mi qahö miwikŋainöŋ.”
1145	GEN 38:25	I waŋgita örörahöba angetka iranŋan Judagöra keu kewö aliga anök: “O irani, yuai kieŋgö toŋan mönö nömeiga gölöm ala maljal. Miaŋgöra köpep supap ki, miaŋgö kösö wötŋi aka öröp ki mönö ek kewöta toŋi miwikŋaiman.”
1149	GEN 38:29	Mewö jiyökmö, morö miaŋön böröŋi kunbuk öröi öŋgöiga alaŋan mutuk asuhuyök. Yaŋön asuhuiga anjö meme ambinöŋ kewö jiyök: “O mönö mewö aka könagi munjurata asuhuzan. “Mewö jiiga qetŋi Perez qetket. (Perez Könaŋi munjuratza.)
1205	GEN 41:9	Osigetka wain o qambigö galöm bohonŋan kinda Farao kiŋ kewö jii mörök: “O kiŋ, nöŋön köna siŋgiali, miaŋgö keuŋan dölki urune kaŋgoriga mötmörizal.
1212	GEN 41:16	Mewö jiiga Josefnöŋ Farao kiŋgöra kewö meleŋ waŋgiyök: “O Farao kiŋ, nöŋön qahöpmö, Anutunöŋ mönö gaungahö könaŋi jim asariba keu ölöpŋi gihiiga urugan ölöwakŋa.”
1221	GEN 41:25	Farao kiŋnöŋ mewö jiiga Josefnöŋ keu kewö jiyök: “O Farao kiŋ, göhö gaunyahötki mietkö könaŋiri mi mohok akza. Anutunöŋ yuai könaŋgep akŋamgö mötzawi, yaŋön mi Farao kiŋ göhöra indelja.
1225	GEN 41:29	O kiŋ, yambu 7:gö dop nene möriam keta bölökŋi asuhuba Ijipt gölme pakpak dop köla ahöma.
1238	GEN 41:42	Mewö jiba börö kesötŋaŋgö jeŋjeŋi miaŋön supap köpep ewö qetŋi mekötahöba malöhi, mi qeköba Josefkö börö kesötŋe löŋgörök. Opo maluku eksihimŋambuk opo tuatŋan memeŋi mi löŋgöt waŋgiba sorom goulnöŋ memeŋi kun mi memba Josefkö imbiŋe kölök.
1311	GEN 43:20	“O ketaŋamnini, nini nalö mutukŋa nene bohonŋi membingöra ki kain.
1341	GEN 44:16	Mewö jiiga Judanöŋ kewö meleŋnök: “O ketaŋamni, nini mönö wani keuya göhöra jibinak? Nini keugö jaruzin. Neŋön yuai bölöŋi qahö ahini, mi kondel gihibinaŋgö dop qahö. Anutunöŋ mönö welenqeqeurupki, neŋgö pinjitkö keuŋi indeli aukŋe ahöza. Miaŋgöra kungö toru gösöŋeyök qambi mi miwikŋaizawi aka tosatŋi neŋön mewöyök mönö azi kembunaŋgö welenqeqeurupŋi omaŋi aka malbin.”
1343	GEN 44:18	Mewö jiiga Judanöŋ Josefkö wösöŋe anda keu kewö jiyök: “O azi kembuni, ölöp imbi kölnöŋga welenqeqegi nöŋön keu tosatŋi azi kembuni göhöra jibileŋak. Göŋön Farao kiŋ nanŋambuk öröröŋ akzanmö, töndup welenqeqegi nömbuk kazik kude ak niŋgiman.
1355	GEN 44:30	Judanöŋ toroqeba keu kewö jiyök: “O azi kembuni, nöŋön munini azi gwabö mi qahö waŋgita anda iwini, göhö welenqeqegi yaŋgö mire aŋgotpileŋak ewö, iwininan mönö ayuhubapuk. Yaŋön mönö uruŋi pakpak nahönŋi bezupŋi yaŋgöreŋ jöhöiga malmalŋiri mohot maljahot.
1363	GEN 45:4	Osiba kingetka Josefnöŋ yeŋgöra kewö jiyök: “Eŋön mönö nöŋgö kösutne ki kaget. “Mewö jii kagetka kewö jiyök: “Ni Josef, darumunŋini bohoni memegöra algetka Ijipt kayali, mönö mia.
1387	GEN 45:28	Könöpkönöp aka kewö jiyök: “O mi alakŋa! Mi möt köhöizal. Nahöni Josefnöŋ mönö toroqeba jebuk malja. Nöŋön mönö anda i ekagun könaŋgep ölöp kömumam. “Mewö.
1397	GEN 46:10	Simeongö nahönurupŋi qetŋini Jemuel, Jamin, Ohad, Jakin, Zohar aka Saul. Saulgö namŋi mi Keinan ambi kun.
1399	GEN 46:12	Judagö nahönurupŋi qetŋini Er, Onan, Sela, Perez aka Zera. (Er aka Onan yetkön lök Keinan gölmenöŋ kömuyohot.) Perezkö nahönyahötŋi mi Hezron aka Hamul.
1407	GEN 46:20	Josefkö nahönyahötŋi Ijipt kantrinöŋ asuhuyohori, mi qetŋiri Manase aka Efraim. Namŋiri qetŋi Asenat mi Heliopolis (On) taongö jike nup galöm qetŋi Potifera yaŋgö böratŋa.
1477	GEN 49:3	O Ruben, göŋön nani nahöni mutukŋi akzan. Göŋön nöŋgö ösum-mumuni aka ambi membiga ösumnaŋgö ölŋi mutukŋi asuhunöŋ. Qetbuŋagahö aködamunŋi aka kukösumŋi miaŋön mönö munurupki yeŋgöreŋ eŋgoŋgitza.
1482	GEN 49:8	O Juda, göhö darumunurupkan gi möpöseim gihiba malme. Göhö börögan mönö kerökurupki yeŋgö imbi jölŋine tatma. Iwigahö nahönurupŋi yeŋön mönö göhöra geba simin köla malme.
1483	GEN 49:9	O Juda, göŋön laion gwaböŋi ewö maljan. O nahöni, gi böröjaŋ suhuba sömbup qem nemala miaŋgöreŋök liliŋgöba kazan. Yaŋön laion ewö sileŋi al kötöteiba laion ambiŋi ewö eta köla ahömakza. Körekŋan i suahö aka utuba möndöbingö keŋgötŋini mörakze.
1492	GEN 49:18	O Kembu, göŋön ni kösö gwarönöhök meköba aŋgön köl niŋgimangöra uba mambörakzal.
7132	RUT 1:3	Miaŋgöreŋ malgetka Naomikö apŋi Elimeleknöŋ komuyök. Komuiga Naominöŋ anbi malöya hala nahönweitŋe malget. 4Nahönweitŋi yetkön mala qariwa Moabkö anbi weit qetŋiri Orpa hala Rut
7140	RUT 1:11	Mewö zöyöwötka meleŋda muewö etkezöyök: “O iranweitni, mönö nöpaköra noŋguk kambitkö halzawöt? Nöŋgön kunduk merö nahönweit membiga qariyöwötka etkömembawörak me? Mewö römöngöwawörak ewö, miaŋön qahö söpköza. Qahöpmahöp! Mönö dölmuhu liliŋgöwa anmawöt.
7141	RUT 1:12	Ni anbi namönŋi halzalaŋgöra aiwi kunŋan qahö nömima. O iranweitni, etkön mönö liliŋgöwa köhömŋire anöwöt. Ni kunduk aiwi memamgö römöngöwa erap suŋgem aiwi kunguk ahöwa köriguk hala nahönweitni etkömembileŋak ewö, tondup mihi lömböriza.
7142	RUT 1:13	Merö mietkön qariyöwötka apweitŋira etkimamgö mamböta malmawörak me qahöpto? Yetköra hala aiwi memekö könaŋiri jöhöm aŋguwa nalö köripŋi sutŋi mihi mönö in malmawötkuk. Miŋgi qahö söpköza. O iranweitni, mewö qahö. Kembunöŋ biriŋi böraŋda qeköm niŋgiiga apnan komuiga miaŋgöra malmalninan lömböriiga nöŋgön etköra wösöjiŋjiŋni mötzal.”
7143	RUT 1:14	Mewö zöiga dumŋe kunduk silata sahöröwöt. Sahöröwöt teköiga Orpanöŋ iranŋaŋgö yaizözökŋi zömba numbuŋi yöhötim nemba eleŋda köhömŋe anök. Orpanöŋ anöknöŋ, Rutnöŋ kapaŋ köla sele köpaŋe mösölatiyök.
7148	RUT 1:19	mohotŋamŋire anda mala Betlehem taonöŋ kauröwöt. Kauröwötka taongö anbazip patpat yengön i etkekta sösöŋgai ketaŋi möta tokoget. Anbi yengön qeta Naomikö yaizözökŋi muewö zöget: “Hei! I halakŋa Naomiya me denöwö? Oe oe oe!”
7153	RUT 2:2	Nalö kunöŋ Moab anbi Rut yaŋgön iranŋi Naomikö muewö ezöyök: “Ölip zöm tekönöŋga nöŋgön nup kunöŋ anda anbazip bali ipŋi kohola iriremönŋi mosoramjei, mihi qendaŋda tokomam. Ni ölip aiwi kungö jeŋe eksihim miwikŋaiwiga ‘Oŋ!’ zöiga ölip yaŋgö andöŋe anda mihi tokomam.” Mewö zöiga Naominöŋ zöyök: “O böratni, ölip anman.”
7160	RUT 2:9	Ni nup aiwiurupnan gömisiriwekuköra soŋgo halzal. Nup denike denike anda padi koholmei, gi mönö miaŋgö jegalim hala yengö andöŋine anda anbi yenguk malman. Ougaŋgö mötman ewö, welenqeqe yengön ou köwöraŋgenöŋ huzei, ölip miaŋgöreŋ anda ou neman.”
7173	RUT 2:22	Mewö zöiga Naominöŋ muewö zöyök: “O böratni, mihi ölip. Gi tosatŋi yengö nup köriŋine anöŋga silik kirekŋi hal gihiwekuk. Miaŋgöra gi ölip Boazkö nup meme anbi yenguk anda nup memba malman.”
7175	RUT 3:1	Nalö tosatŋi teköiga Naominöŋ iranŋi Rutkö muewö zöyök: “O böratni, ni ölip aiwi kun batököwa miwikŋaiwiga galim köl gihiiga yaŋguk sösöŋgai qakŋe köhömgi nangöhök tatman.
7183	RUT 3:9	Hauruwa qesim waŋgiyök: “Gi dahön?” Qesim waŋgiiga muewö meleŋnök: “O ketaŋamni, ni Rut, göhö welenqeqe anbia. Göhön nangi isikaŋgö sohopŋi meme aiwia halzan. Miaŋgöra Juda engö ambamemeŋini wuataŋgöwa ni ölip galim köl niŋgiwa esugan turum niŋgiman.”
7184	RUT 3:10	Mewö meleŋniga muewö zöyök: “O böratni, Kembunöŋ mönö kötuetköm gihima. Gi ölip aiwi wanapŋi me pomŋi sukinapŋinaŋguk yengö andöŋine anbanaknöŋ, mewö qahö halzan. Gi walahok isikurupni ölip naŋgöm eŋgiwa malnöŋa erap mihi oŋgita silik ölip sorokŋi halzan.
7185	RUT 3:11	O böratni, gi mönö torok de hala bönjöŋ malman. Gi anbi ölip sorokŋi halzani, miŋgi taongö anbazip körekŋan ölip mötze. Miaŋgöra gi ikö me waikö qesim niŋgimani, nöŋgön mihi ölip hal teköm gihimam.