42	GEN 2:11	O töwatŋi mutukŋaŋgö qetŋi Pison, mi Hawila gölme körek liliköba ahöba anja. Gölme miaŋgöreŋ goul ahöza.
249	GEN 10:14	Mewöyök Patrus, Kaslu aka Krit. Krit mi Filistia könagesö yeŋgö bömönŋini ahök.
260	GEN 10:25	Ebergö nahönyahötŋi yahöt asuhuyohot. Kunöŋ asuhuba mala koröhi, nalö miaŋgöreŋ gölme ambazipnöŋ jula deŋqeŋget. Miaŋgöra yaŋgö qetŋi Peleg (Deŋqeŋ) qetket. Munŋaŋgö qetŋi mi Joktan.
283	GEN 11:16	Ebernöŋ yambuŋi 34 aiga nahönŋi Peleg asuhuyök.
284	GEN 11:17	Pelegnöŋ asuhuiga miaŋgö andöŋe Ebernöŋ toroqeba yambu 430 maliga nalö sutŋe miaŋgöreŋ nahönböraturupŋi tosatŋi asuhuget.
285	GEN 11:18	Pelegnöŋ yambuŋi 30 aiga nahönŋi Reu asuhuyök.
286	GEN 11:19	Reunöŋ asuhuiga miaŋgö andöŋe Pelegnöŋ toroqeba yambu 209 maliga nalö sutŋe miaŋgöreŋ nahönböraturupŋi tosatŋi asuhuget.
326	GEN 13:7	Osiba Abram aka Lot yetköreŋ sömbup galömurupŋiri yeŋgö sutŋine gölmegö aŋgururuk asuhuyök. Nalö miaŋgöreŋ Keinan könagesö aka Periz könagesö yeŋön gölme miaŋgö toŋi aketka yembuk mohotŋe malget.
343	GEN 14:6	Hor könagesö mi Seir gölme kunduŋambuk miaŋgöreŋ eŋguba eŋguataŋgöba anda anda El Paran miri miaŋgöreŋ aŋgota luhut al eŋgiget. El Paran mi gölme qararaŋkölkölŋaŋgö göraŋe ahöza.
381	GEN 15:20	Hit könagesö, Periz könagesö aka Refaim könagesö,
535	GEN 21:21	Gölme qararaŋkölkölŋi qetŋi Paran miaŋgöreŋ maliga namŋan Ijipt kantrinöhök ambi kun memba anömŋa waŋgiyök. Mewö.
570	GEN 22:22	Kemuelgö könaŋe Kesed, Hazo, Pildas, Jidlaf aka Betuel.
675	GEN 25:16	Ismaelgö nahönurupŋan mewö asuhuba kambuŋinaŋgö dop pomŋini 12 aka mala kotket. Pomŋini qetkeri, miaŋgö dop opo koum tamböŋini aka jike miriŋini mewöyök qeta memba mala kotket.
679	GEN 25:20	Aisaknöŋ yambuŋi 40 aiga Mesopotemia (Padan Aram) kantrigö Aram azi qetŋi Betuel yaŋgö böratŋi Rebeka anömŋa meyök. Rebekagö nenŋi mi Aram azi qetŋi Laban.
776	GEN 28:2	Mewö qahöpmö, mönö wahöta Mesopotemia (Padan Aram) gölmenöŋ anda namgahö iwiŋi Betuel yaŋgö mire aŋgota ehongi Labangö böraturupŋi yeŋgöreŋök kun anömga meman.
779	GEN 28:5	Mewö jiba Jeikob melaiiga mosöta Mesopotemia (Padan Aram) gölmenöŋ Labangöreŋ anmamgöra anök. Laban mi Aram azi Betuelgö nahönŋa aka Jeikob aka Iso yetkö namŋiri Rebeka yaŋgö nenŋa malök. Mewö.
781	GEN 28:7	Mewö jim kutuiga iwinamŋi yetkö keu jit tem köla mosöta Mesopotemia (Padan Aram) gölmenöŋ anöhi, Isonöŋ mi mewöyök mörök.
892	GEN 31:18	Mirigö sömbup kambuŋi pakpak közöl eŋgiiga mutuk anget. Sukinap yuaiŋi (merömbuŋi) pakpak Mesopotemia (Padan Aram) gölmenöŋ mala miwikŋaim sehiyöhi, mi körekbörek kölolohoba iwiŋi Aisaköreŋ anbingöra Keinan gölmenöŋ göröken anget.
959	GEN 32:31	Kötuetköm waŋgiiga Jeikobnöŋ kewö jiyök: “Ni Anutubuk mesohol köl aŋguba jeŋi törörök ekzalmö, töndup nehoriiga jebuk maljal. “Mewö jiba miaŋgöra gölme miaŋgö qetŋi Penuel qerök. (Penuel Anutugö jemesoholŋi)
960	GEN 32:32	Wehön jeŋan lök koriga Jeikobnöŋ Penuel gölme mi mosöta oŋgita kaba ikinŋi sulöhaŋgöra aka timkorik anök.
979	GEN 33:18	Jeikobnöŋ mewö Mesopotemia (Padan Aram) gölme mosörök. Mosöta kaba Keinan gölmegö taon qetŋi Sekem miaŋgöreŋ ölöpŋanök ölulup kaŋgorök. Kaŋgota opo seri koumŋi taon kösutŋe gölme köröŋe möröreŋgöba kuŋguba tatket.
1011	GEN 34:30	Mewö aketka Jeikobnöŋ Simeon aka Liwai kewö jii mörohot: “Iŋiri mewö ahotka kahasililiŋ ketaŋaŋgö keuŋan mönö nöŋgö qakne öŋgöiga malmam. Gölme kiaŋgö toŋi Keinan könagesö aka Periz könagesö yeŋön mönö kazik möt niŋgiba malme. Nöŋgö könagesöni nini awamdökŋi maljin. Miaŋgöra yeŋön yarö aziurupŋini tokom eŋgiba qetala bim yarö gil niŋgime ewö, yeŋön mönö ölöp qaurapaŋ nuŋguba ni aka könagesöni ayuhum neŋgime.”
1021	GEN 35:9	Jeikobnöŋ Mesopotemia (Padan Aram) gölmenöhök liliŋgöba kaiga Anutunöŋ kunbuk asuhum waŋgiba kötuetköm waŋgiyök.
1038	GEN 35:26	Zilpa Leagö welen ambigö nahönyahötŋi mi Gad aka Aser. Jeikobkö nahönurupŋi mewö mi Mesopotemia (Padan Aram) gölmenöŋ asuhuget. Mewö.
1080	GEN 36:39	Akborgö nahönŋi Balhanan kömuiga Hadarnöŋ salupŋe kiŋ aka malök. Yaŋgö sitiŋaŋgö qetŋi mi Pau. Anömŋaŋgö qetŋi Mehetabel. I Matredgö böratŋi aka Mezahabgö isiŋi malök.
1082	GEN 36:41	Oholibama, Ela, Pinon,
1120	GEN 37:36	Mewö maliga nalö miaŋgöreŋ Midian gölmegö kölköl-örörö azi yeŋön Josef waŋgita Ijipt kantrinöŋ aŋgota bohonŋi memegöra algetka Farao kiŋgö jembonŋi kun qetŋi Potifar, kiŋgö malmalŋaŋgö sikiriti yeŋgö suahö galömŋina malöhi, yaŋön i söŋgöröŋi meiga welenqeqeŋi omaŋi ahök. Mewö.
1149	GEN 38:29	Mewö jiyökmö, morö miaŋön böröŋi kunbuk öröi öŋgöiga alaŋan mutuk asuhuyök. Yaŋön asuhuiga anjö meme ambinöŋ kewö jiyök: “O mönö mewö aka könagi munjurata asuhuzan. “Mewö jiiga qetŋi Perez qetket. (Perez Könaŋi munjuratza.)
1151	GEN 39:1	Nalö sutŋe miaŋgöreŋ Ismael könagesögö kölköl-örörö azi yeŋön Josef waŋgita Ijipt kantrinöŋ aŋgota bohonŋi memegöra alget. Algetka Ijipt azi kun qetŋi Potifar, Farao kiŋgö jembonŋi kun aka malmalŋaŋgö sikiriti yeŋgö suahö galömŋina malöhi, yaŋön i söŋgöröŋi meiga welenqeqeŋi omaŋi ahök.
1154	GEN 39:4	Toŋan mi ehi ölöp dop köliga yaŋgö jeŋe eksihim miwikŋaiiga jiiga nanŋi malmalŋaŋgö galömŋi ahök. Potifarnöŋ Josef kuŋgum waŋgiiga miriŋaŋgö yuai pakpak galöm köliga sukinap buŋaŋi pakpak yaŋgö böröŋe aliga köyan köla malök.
1155	GEN 39:5	Miriŋaŋgö yuaiŋi aka sukinap buŋaŋi mi pakpak Josefnöŋ galöm kölmapköra böröŋe ala malöhi, Kembunöŋ nalö miaŋgöreŋök könahiba Ijipt azi miaŋgö miri yuaiŋi mi Josefköra aka kötuetköba malök. Potifargö miriŋe aka nupŋe öröyuaiŋi pakpak ahöyöhi, mi mönö kötumötuet qakŋe ahöyök.
1156	GEN 39:6	Mewö ahöiga Potifarnöŋ öröyuaiŋi ahöm waŋgiyöhi, mi pakpak Josefkö böröŋe al teköba kinda nanŋak i me wai miaŋgö waimanjatŋi kun qahö mörök. Yaŋön nene nemamgöra mohot mötkurumkurum aka malök. Josefkö sileŋi öndölböndöl qariiga kaisoŋgolomŋan eksihimŋambuk ahöiga malök.
1157	GEN 39:7	Mewö maliga nalö tosatŋi teköiga Potifargö anömŋan Josef eka eksihimŋi möta kewö jiyök: “Gi mönö kanöŋga nömbuk ahöbit.”
1184	GEN 40:11	Pisihigetka ni Farao kiŋgö qambiŋi mi börönan memba kinda ölŋaŋgö kötŋi memba mözöhölbiga oŋi Farao kiŋgö qambinöŋ geiga kiŋgö böröŋe aljal.”
1241	GEN 41:45	Mewö jiba Josefkö qetŋi dölökŋi (Ijipt keunöŋ) Zafenat-Panea qerök. Mewö qeta Heliopolis taongö jike nup galöm qetŋi Potifera yaŋgö böratŋi Asenat mi anömŋa akŋapköra waŋgiyök. Mewö kantrigö azi kembuya aka Ijipt kantri ekŋamgöra anda liliköyök.
1246	GEN 41:50	Bödi nalöŋan qahö kam kuŋguiga qeljiŋe miaŋgöreŋ anömŋi Asenatnöŋ Josefkö nahönyahötŋi yahöt etkömeyök. Asenat mi Heliopolis taongö jike nup galöm qetŋi Potifera yaŋgö böratŋa.
1337	GEN 44:12	Pösatketka Josefkö miriŋaŋgö galömŋam datŋini mutukŋaŋgö toru gösöŋeyök könahiba qezaŋda jaruba anda anda munŋini qöndökŋi Benjamingö toru gösöŋe teteköŋe eka qambi mi miaŋgöreŋ miwikŋaiyök.
1396	GEN 46:9	Rubengö nahönurupŋi qetŋini Hanok, Palu, Hezron aka Karmi.
1399	GEN 46:12	Judagö nahönurupŋi qetŋini Er, Onan, Sela, Perez aka Zera. (Er aka Onan yetkön lök Keinan gölmenöŋ kömuyohot.) Perezkö nahönyahötŋi mi Hezron aka Hamul.
1400	GEN 46:13	Isakargö nahönurupŋi qetŋini Tola, Puwa, Jasub aka Simron.
1402	GEN 46:15	Jeikobkö nahönurupŋi anömŋi Leanöŋ Mesopotemia (Padan Aram) gölmenöŋ eŋgömeyöhi, yeŋgö qetŋini mewö. Böratŋiri Daina mi mewöyök meyök. Jeikob aka Lea yetkö isimoröurupŋiri mi mewö oyoŋda mindirigetka 33 ahök.
1407	GEN 46:20	Josefkö nahönyahötŋi Ijipt kantrinöŋ asuhuyohori, mi qetŋiri Manase aka Efraim. Namŋiri qetŋi Asenat mi Heliopolis (On) taongö jike nup galöm qetŋi Potifera yaŋgö böratŋa.
1459	GEN 48:7	Nöŋön Mesopotemia (Padan Aram) mosöta liliŋgöba Keinan gölmenöŋ kaba Efrata taon dopdowibiga anömni Reizölnöŋ kömuiga wösöbirik ketaŋi ahum niŋgiyök. Kömuiga qamötŋi mi Efrat anangö köna töwokŋe löm kölal. Efrat mirigö qetŋi alaŋi mi Betlehem.”
7204	RUT 4:12	Kembunöŋ anbi malö ramikŋi miaŋgöreŋök gulinarök gihimawi, göhöreŋ könagesö yengön mönö Juda hala Tamar yetkö nahönŋiri Perez yaŋgö saiwakö söp hala malme.” Mewö.
7210	RUT 4:18	Qet areŋ muhu mei Perezköreŋök könahiwa kinda Deiwidköreŋ öŋgöza: Perezkö nahönŋi Hezron,
23216	MAT 1:3	Judagö nahönyahötŋi Perez aka Zera, namŋiri Tamar. Perezgö nahönŋi Hezron. Hezrongö nahönŋi Ram.
23296	MAT 4:18	Mewö jiba liliköba mala Galili o aŋgögö göraŋe mötöteiba anda darumun yahöt Saimon qetŋi alaŋi Pitö aka munŋi Andru etkehök. Yetkön söra örörö azia mala mösakŋiri o aŋgönöŋ söra öröbitköra gila malohot.
23377	MAT 6:26	“Könakemba neiŋi neiŋi mönö eŋgekŋe. Mieŋön nene kötŋi qahö qesiŋ gilakze. Padi ölŋi qahö yandiba köwe miriŋine qahö tokomakze. Mi qahöpmahöp aiga eŋgö Suep Iwiŋinan mönö töndup i gumohom eŋgimakza. Iŋini nei yeŋgö dop qahöpmö, eŋgö söŋgöröŋinan mönö nei söŋgöröŋini eŋgoŋgita öŋgöŋgöŋi akza me qahö? Mönö mi mötmöriget anök.
23428	MAT 8:14	Jisösnöŋ Pitögö mire anda Pitögö suhunŋan silekönöp kawöl yöhöi ahöiga ehök.
23488	MAT 10:2	Melaimelai azi aposol 12 mieŋgö qetŋini kewö: mutukŋi yaŋön Saimon, qetŋi kun Pitö qetket aka yaŋgö munŋi Andru. Miaŋgö andöŋe Jeims aka munŋi Jon, iwiŋiri qetŋi Zebedi.
23647	MAT 13:39	Keröknöŋ mi qesiŋ gilöhi, mi Bölöŋaŋgö Toŋaŋgöra jizal. Padi misimisi nalöŋi mi gölmegö nalöŋan tekömawaŋgö nalö ketaŋi mi. Padi misimisi ambazip mi Suep garata yeŋgöra jizal.
23694	MAT 14:28	Mewö jii möta Pitönöŋ meleŋda kewö jii mörök, “Göŋön Kembuya akzan ewö, mönö ölöp jinöŋga nöŋön o qakŋe tiba tiba göhöreŋ kamam.”
23695	MAT 14:29	Jisösnöŋ mi möta “Ölöp kanöŋ,” jiyök. Mewö jiiga Pitönöŋ waŋge mosöta o aŋgö qakŋe tiba tiba könahiba Jisösgöreŋ anök.
23697	MAT 14:31	Qeriga Jisösnöŋ miaŋgöreŋök böröŋi böraŋda Pitögö böröŋe memba kewö jiyök, “Mötnaripki morörökŋi. Mönö wuanöŋgöra uruyahöt akzan?”
23717	MAT 15:15	Mewö meleŋniga Pitönöŋ jiyök, “Dopkeu miaŋgö könaŋi mönö jim asarinöŋ mörin.”
23753	MAT 16:12	Mewö jiiga miaŋgöreŋök keuŋaŋgö könaŋi kewö möt asariget, “Aha! Plaua mem qariqari yistkö galöm mem aŋgubingöra qahö jiyökmö, Farisi pati aka Sadyusi pati yeŋgöreŋ keu loloŋqaloŋi andö qebingöra jiyök.” Mewö.
23757	MAT 16:16	Qesim eŋgiiga Saimon Pitönöŋ meleŋda jii mörök, “Gi Amötqeqe Toŋi Kraist aka malmal Toŋi Anutugö Nahönŋi akzan.”
23759	MAT 16:18	Nöŋön kewö jibi mötman: Gi Pitö (nanine keunöŋ jamönjiŋ) aknöŋga nöŋön jamönjiŋ miaŋgö qakŋe urumeleŋ könagesönaŋgö tandöŋi albi naŋgöm eŋginöŋga uruŋini möhamgöba köhöiba kinme. Göŋön i galöm köl eŋginöŋga kömup Toŋan i senjom mirigö kiripo naŋguŋe öröm eŋgimamgö osima. Ömewöröme tosatŋi yeŋgö kukösumŋinan mewöyök i köndeŋda luhut al eŋgibingö osime.
23763	MAT 16:22	Jisösnöŋ mewö jiiga Pitönöŋ öröm waŋgiba göraŋe anda könahiba qetala kewö jim waŋgiyök, “O Kembu, mi nalö kunöŋ asuhum gihibapuköra Anutunöŋ mönö sel jöhöm gihima.”
23764	MAT 16:23	Qetal waŋgiiga liliŋgöba Pitö kewö jim waŋgiyök, “Gi keu mötmörizani, mi Anutugöreŋ keuya qahöpmö, gölme ambazip aka Satangö sihima. Gi nöŋgö köna utumamgö mötnöŋga urunan böliza. Miaŋgöra Satan, gi mönö dölki nöŋgö jemesoholneyök kesalnöŋ!” Mewö.
23770	MAT 17:1	Wehön 6 teköiga Jisösnöŋ Pitö, Jeims aka Jeimsgö munŋi Jon eŋguaŋgita nanŋinök kunduŋi köröpŋi kunöŋ öŋgöba kötikŋe malget.
23773	MAT 17:4	Jigetka Pitönöŋ könahiba keu jiba Jisösgöra kewö jiyök, “Kembu, neŋön kiaŋgöreŋ uruölöwak mötzin. Miaŋgöra sihimgan mötzan ewö, nöŋön ölöp koum karöbut qemam. Göhö kun, Mosesgö kun aka Elaijagö kun.”
23793	MAT 17:24	Jisösnöŋ gwarekurupŋi yembuk Kaperneam taonöŋ kaŋgotketka jöwöwöl jikegö takis meme azi yeŋön Pitögöreŋ kaba kewö qesim waŋgiget, “Eŋgö böhiŋinan jöwöwöl jikegö takisŋi alma me qahö?”
23794	MAT 17:25	Qesim waŋgigetka “Oŋ!” jiyök. Miaŋgö andöŋe Pitönöŋ miri uruŋe öŋgöiga Jisösnöŋ keu mutukŋi kewö qesim waŋgiyök, “Saimon, gi denöwö mötmörizan? Denike yeŋön kölköl-örörögö töwaŋi aka takis tosatŋi mi gölmegö kiŋ azi kembu yeŋgöra alakze? Kantri toŋi neŋön me kian yeŋön mi algetka tokomakze?”
23817	MAT 18:21	Nalö miaŋgöreŋ Pitönöŋ Jisösgöreŋ kaba keu kewö jii mörök, “Kembu, alanan siŋgisöndok ak niŋgimakzawi, nöŋön mi indimŋi dawikö dop mosötpiga dop kölma? Indimŋi 7 mi gwötpuk. Miaŋgö dop mosötpiga dop kölma me qahö?”
23858	MAT 19:27	Pitönöŋ keu mi möta meleŋda kewö jiyök, “Mötnöŋ, neŋön mönö yuai pakpak mosöta gi guataŋgöba kain. Miaŋgö likepŋi mönö wani yuaia membin?”
23898	MAT 21:3	“Pösarohotka kunŋan keu kun jiiga kewö jimahot, ‘Kembu-niran mönö miaŋgöra osiza.’ Mewö jiyohotka doŋki mi zilaŋ al etkiiga ki kamahot.
24024	MAT 23:37	Jisösnöŋ jiyök, “O Jerusalem Jerusalem, iŋini kezapqetok ambazip eŋguget kömugetka Anutunöŋ ambazip melaim eŋgii eŋgöreŋ kamakzei, mi kötnöŋ kumbuköm eŋgimakze. Poi namŋan moröurupŋi ginginŋi bapŋe ala köjöjohom eŋgimakzawi, nöŋön mönö miaŋgö dop nalöŋi nalöŋi göhö könagesöurupki kötala tokom eŋgimamgö möta malalmö, iŋini mi tököba mala kotket.
24101	MAT 25:24	“Miaŋgö andöŋe azi moneŋ esu mohok-kun (Kina 1000,-) meyöhaŋön kaŋgota kewö jiyök, ‘Ketaŋamni mötnöŋ, nöŋön könaŋamgi kewö möt yaköyal: Azi kembunan mönö azi köhöikŋi könöpŋambuk akza. Nangak nene kötŋi qahö qesiŋ gilnöŋga miaŋgöreŋ mönö töndup ölŋi sounöŋ yandiba memamgö mörakzan. Padi kötŋi qahö esinöŋ geiga miaŋgöreŋ mönö töndup ölŋi qezakömamgö mörakzan.
24125	MAT 26:2	“Silim yahöt teköigun Pasowa kendonŋi kam kuŋguma. Iŋini mi ölöp mötze. Kam kuŋguiga Suep gölmegö azi ölŋi mi kian gawman yeŋgö böröŋine algetka maripomnöŋ qegetka kömuma.”
24141	MAT 26:18	Qesim waŋgiyohotka kewö meleŋnök, “Iŋiri Jerusalem sitinöŋ öŋgöba azi kun mötzali, i miwikŋaiba kewö jiyohotka mötma, ‘Böhinöŋ jiza: Nöŋgö nalönan mönö dopdowiza. Nöŋön göhö mire kaba gwarekurupni yembuk Pasowa lama membin.’”
24142	MAT 26:19	Gwarek yetkön Jisösnöŋ jim kutum etkiyöhi, miaŋgö dop aka Pasowa lama mözözömgöyohot.
24156	MAT 26:33	Mewö jiiga Pitönöŋ meleŋda kewö jii mörök, “Yeŋön körek uruŋini göhöra aka böliiga gömosöta buratime ewö, nöŋön mönö töndup nalö kunöŋ qahö gömosötmam.”
24158	MAT 26:35	Mewö jiyökmö, Pitönöŋ kewö jii mörök, “Böhi! Mewö qahöpmö, ni nuŋgugetka göbuk mohotŋe kömumbirak, mi töndup nöŋön gi qahö qaŋ köl gihimam.” Gwarek tosatŋi pakpak mewöyök keu miyöhök jiget. Mewö.
24160	MAT 26:37	Mewö jiba Pitö aka Zebedigö nahönyahötŋi yahöt etkuaŋgita angetka Jisösnöŋ könahiba wösöbirik möriga köŋjiliŋan köna böröŋi qeköyök.
24163	MAT 26:40	Mewö jiba liliŋgöiga gwarekurupŋi karöbut yeŋön gaun ahöget eŋgeka Pitögö kewö jii mörök, “Iŋini aua mohot-töp nömbuk guli malbingö kude köhöize me?
24181	MAT 26:58	Angetka Pitönöŋ sikepsikep eŋguataŋgöba miaŋgöreŋ aŋgota jakömbuak mirigö kiripo uruŋe öŋgöyök. Öŋgöba teteköŋe denöwö asuhumawi, mi ekŋamgöra welenqeqe azi yeŋgö sutŋine tarök.
24192	MAT 26:69	Mewö asuhuiga Pitönöŋ yaigep kiripo uruŋe sombemnöŋ tarök. Tari welenqeqe ambi kunŋan yaŋgöreŋ kaba kewö jiyök, “Gi mewöyök Galili azi Jisösbuk mohotŋe malnöŋ.”
24196	MAT 26:73	Nalö borom kun teköiga azi kösutŋe kingeri, yeŋön Pitögöreŋ kota kewö jiget mörök, “Alakŋa! Göŋön mewöyök yeŋgöreŋök kun akzan! Galili keu jöl jizani, miaŋön mönö mewöyök mi kondeliga mötzin.”
24200	MAT 27:2	Eraum mötket teköiga Jisös jöhöba waŋgita Rom premiö Pailötkö böröŋe alget. Mewö.
24209	MAT 27:11	Nalö miaŋgöreŋ Jisösnöŋ Pailötkö jeŋe kiniga kewö qesim waŋgiyök, “Ölŋa, gi Juda yeŋgö kiŋa akzan me qahö?” Qesim waŋgiiga Jisösnöŋ meleŋda jii mörök, “Mönö nangak jizani, mewö.”
24211	MAT 27:13	Keu bök kiniga Pailötnöŋ Jisös kunbuk qesim waŋgiba jiyök, “Mötnöŋ! Yeŋön keu gwötpuk göhö silege ala naŋgöba jizei, mi mötzan me qahö?”
24220	MAT 27:22	Mewö jigetka Pailötnöŋ kewö qesim eŋgiyök, “Mewö jizeaŋgöra Jisös, qetŋi Kraist qerakzei, nöŋön i mönö denöwö ak waŋgibileŋak?” Mewö qesim eŋgiiga yeŋön körek qetket, “Mönö maripomnöŋ qeget jiman!”
24222	MAT 27:24	Mewö qetketka kezap-ölök aketka göjupmajupnöŋ kunbuk qariiga Pailötnöŋ mi eka möta bim karim asuhubapuköra o memba böröŋi ambazip kambu jeŋine saŋgoŋda kewö jiyök, “Azi kiaŋgö sepŋi mokoget gemawi, miaŋön mönö nöŋgö qakne qahöpmö, mönö nanŋini qakŋine öŋgöma.”
24224	MAT 27:26	Mewö meleŋgetka Pailötnöŋ Barabas pösat eŋgii erökmö, Jisösya jiiga ihilek wahiŋambuknöŋ qeyöyaköba qeget. Mewö qegetka maripomnöŋ qemegöra Rom yarö azi yeŋgö böröŋine alök. Mewö.
24256	MAT 27:58	Yaŋön Pailötgöreŋ anda Jisösgö qamötŋi memamgö qesiyök. Qesiiga suahö azinöŋ mi Josef waŋgimegö jim kutum eŋgiyök.
24260	MAT 27:62	Sabat kendon tatatköra yuai mözözömgöba ahöba wahöta miaŋgöreŋ jike nup galöm aka Farisi (Köna keugö kapaŋkölköl) yeŋön Pailötköreŋ anda tokoba kewö jiget,
24373	MRK 3:16	Mewö aka azi 12 ki kewö al eŋgiyök: Pitö, Jisösnöŋ qet mi Saimon waŋgiyök.
24374	MRK 3:17	Jeims aka munŋi Jon, iwiŋiri qetŋi Zebedi. Jisösnöŋ yetkö qetŋiri kun Boanerges qerök. Mi nanine keunöŋ Pöndandaŋgö Nahönyahötŋi.
24470	MRK 5:37	Mewö jiba ambazip tosatŋi eŋgömosöta Pitö, Jeims aka Jeimsgö munŋi Jon miyök eŋguaŋgiri i wuataŋgöba anget.
24598	MRK 8:29	Mewö jigetka kewö qesim eŋgiyök, “Aka nanŋinak nöŋgöra denöwö jize? Ni niŋia akzal?” Qesim eŋgiiga Pitönöŋ kewö meleŋnök, “Gi Anutugöreŋ Amötqeqe Toŋi Kraist akzan.”
24601	MRK 8:32	Jisösnöŋ keu mi qahö köyatiba aukŋe jiiga Pitönöŋ miaŋgöreŋök öröm waŋgiba göraŋe anda könahiba qetal waŋgiyök.
24602	MRK 8:33	Qetal waŋgiiga liliŋgöba gwarekurupŋi uba eŋgeka Pitö qetala kewö jim waŋgiyök, “Gi keu mötmörizani, mi Anutugöreŋ keuya qahöpmö, gölme ambazip aka Satangö sihima. Miaŋgöra Satan, gi mönö dölki nöŋgö jemesoholneyök kesalnöŋ.” Mewö.
24609	MRK 9:2	Wehön 6 teköiga Jisösnöŋ Pitö, Jeims aka Jon eŋguaŋgita ambazip eŋgömosöta nanŋinök kunduŋi köröpŋi kunöŋ öŋgöba kötikŋe malget. Miaŋgöreŋ malgetka jemesoholŋine kiniga Jisösgö sile tandökŋan letota murutŋi ahök.
24612	MRK 9:5	Jigetka Pitönöŋ könahiba keu jiba Jisösgöra kewö jiyök, “Ketaŋamnini! Neŋön kiaŋgöreŋ uruölöwak mötzin. Miaŋgöra neŋön ölöp koum karöbut qebin: Göhö kun, Mosesgö kun aka Elaijagö kun.”
24613	MRK 9:6	Gwarek yeŋön jönömŋini gwötpuk unduiga Pitönöŋ “Denöwö jimam,” jiba keu jaruyök.