2	GEN 1:2	Miwikŋaim etkiiga gölme mi gwamönŋi aka kizik-kazukŋambuk ahöyök. Ahöiga o diginŋambuk mi söŋaupnöŋ turuiga tarök. Mewö tariga Anutugö Uŋa Töröŋan o mieŋgö qakŋine anda kaba malök.
258	GEN 10:23	Aramgö nahönurupŋi yeŋgö qetŋini mi Uz, Hul, Geter aka Mas. Mewö malget.
262	GEN 10:27	Hadoram, Uzal, Dikla,
295	GEN 11:28	Haranöŋ Kaldia yeŋgö gölmenöŋ mala nanŋi ahuahu miriŋi qetŋi Ur miaŋgöreŋ kömuiga Harangö iwiŋi Teranöŋ toroqeba malök.
298	GEN 11:31	Teranöŋ nahönŋi Abram, isiŋi Lot Harangö nahönŋi aka iranŋi Sarai, nahönŋi Abramgö anömŋi mi eŋguaŋgiriga mohotŋe Kaldia gölmegö miri qetŋi Ur mosöta Keinan gölmenöŋ anbingöra anget. Mewö angetmö, Haran miri gölmenöŋ kaba kinda miaŋgöreŋ miriŋini memba tatket.
368	GEN 15:7	Kembunöŋ toroqeba keu kewö jii mörök, “Nöŋön Kembu akzal. Gi Kaldia gölmegö miri qetŋi Ur miaŋgöreŋ malnöŋga goaŋgita ki kait. Gölme ki gihibi buŋa qem aŋgumangöra aka gi goaŋgita ki kait.”
387	GEN 16:5	Mewö ak waŋgiiga Sarainöŋ Abramgöra kewö jiyök: “Urunan böliiga sihimbölö mörakzali, miaŋgö keuŋan mönö göhö qake öŋgöba ahöma. Nöŋön welen ambini göhö böröge albiga gölöm ala mi möta miaŋgöreŋök könahiba jijiwilit ak niŋgiba malja. Miaŋgöra Kembunöŋ mönö ni aka gi netkö sutnire keu kewöta jim teköma.”
569	GEN 22:21	Moröŋi mutukŋaŋgö qetŋi mi Uz, yaŋgö munŋi Buz aiga yaŋgö könaŋe Kemuel, Aramgö iwiŋi.
637	GEN 24:45	Uruneyök köuluk mi qahö köuluköm teköbiga miaŋgöreŋök Rebeka yaŋön köuraŋen qamböŋe aŋguba miaŋgöreŋ kaŋgotza. Kaŋgota o lömŋe geba o uiga nöŋön yaŋgöra kewö jizal: ‘Ölöp o kun niŋginöŋga nembileŋak.’
773	GEN 27:45	Uruönönŋi amöriba eriga yuai ak waŋginöŋi, mi ölum qeigun nöŋön miaŋgö andöŋe göhöra keu albi kaiga goaŋgita kame. Yaŋön guhui kömunöŋga kunŋan i qei kömumbapuk. Mönö wanigöra nalö mohok miaŋgöreŋök öröröŋ qahöwahotka etkömosötpileŋbuk. “Mewö.
816	GEN 29:20	Mewö jiiga Reizöl memamgöra yambu 7 welen qem waŋgiba malök. Urusihimŋan Reizölgöra ahöhaŋgöra aka yambu mieŋgö möriga wehön awamŋi tandök ahök. Mewö.
826	GEN 29:30	Jeikobnöŋ Reizöl i mewöyök anömŋa meyök. Urusihimŋan Reizölgöra ahöyöhaŋgöra aka Reizöl mi Lea oŋgita jöpaköm waŋgiba malök. Miaŋgöra yambu 7 toroqeba Laban welenŋi qem waŋgiba malök. Mewö.
830	GEN 29:34	Miaŋgö andöŋe kunbuk körö ala morö azi kun memba keu kewö jiyök: “Ni nahönurupŋi karöbut apnaŋgöra mealaŋgöra yaŋön mönö könahiba uruŋi nömbuk jöhöma. “Mewö jiba qetŋi miaŋgö dop Liwai qerök. (Liwai Uruŋi jöhöma.)
949	GEN 32:21	Mewö jim kutum eŋgiba kewö mötmöriyök: “Nöŋön esapköba uruŋi memba eta ala kalem waŋgimamgöra sömbup kambuŋi kambuŋi melaim eŋgibi mutuk anme. Datnan mi eŋgeka uruŋi bönjöŋ köliga amöribawak. Uruŋi amöriiga ölöp nanak yaŋgö jemesoholŋe ösöŋ aŋgotpi siŋgisöndokni mosöta ala ak niŋgibawak. “Mewö mötmöriba toroqeba kewö jiget mötmapkö jiyök: “Göhö welen azigi Jeikobnöŋ mönö andönine ösöŋ kaza.”
989	GEN 34:8	Urupik aketmö, Hamornöŋ kewö jii mötket: “Nahöni Sekemgö uruwölbötŋaŋgö sihimŋi mi eŋgö nenböratŋinaŋgöreŋ mösölatiba tatza. Miaŋgöra ölöp jim tekögetka Dainanöŋ yaŋgö anömŋi akawak.
1069	GEN 36:28	Disangö nahönyahötŋi yahöt qetŋiri Uz aka Aran.
1170	GEN 39:20	Uruŋi könöp jeiga jiiga Josef memba Farao kiŋgö kösö mirinöŋ azi galöm köl eŋgiba malgeri, mönö kösö miri miaŋgöreŋ alget geba ahöba malök.
1251	GEN 41:55	Ijipt könagesö körek pakpak yeŋön könahiba bödi möta Farao kiŋgö qeta nene eŋgimapköra uletket. Uletketka möta Farao kiŋnöŋ körek yeŋgöra kewö jiyök: “Iŋini mönö Josefköreŋ angetka yuai mi me mi akŋegö jim kutum eŋgimawi, mi mönö tem köla ahakŋe.”
1481	GEN 49:7	Urukazikŋiran könöpŋambuk akzawaŋgöra i jim qesuahöm etkizal. Urusiŋgokŋiran kanjamŋambuk akzawaŋgöra i jim jörahöm etkizal. Nöŋön könagesöŋiri köndeŋ eŋgibiga yeŋön Jeikobkö gölme dop köla anme. Nöŋön mendeŋ eŋgibiga yeŋön Israel sutŋine laŋ lalöpköba malme.
22637	JON 3:10	Mi möt asahiba könaŋamŋini bölöŋi andö qeba uruŋini meleŋgetka Anutunöŋ ahakmemeŋini mi eka wösöŋi möt eŋgiba mötmötŋi liliŋgöiga siŋgisöndokŋinaŋgöt likepŋi meleŋ eŋgimapkö ahöhi, mi mosörök. Uruŋan mewö eriga kude mem bölim eŋgiyök. Mewö.
23219	MAT 1:6	Jesigö nahönŋi kiŋ Deiwid. Deiwidkö nahönŋi Solomon, namŋi mutuk Uriagö anömŋa malök. Juda kiŋ pakpak mi Deiwidkö gwölönarökurupŋi aka malget.
23221	MAT 1:8	Asagö nahönŋi Jehosafat. Jehosafatkö nahönŋi Jehoram. Jehoramgö nahönŋi Usia.
23222	MAT 1:9	Usiagö nahönŋi Jotam. Jotamgö nahönŋi Ahaz. Ahazgö nahönŋi Hezekia.
23231	MAT 1:18	Jisös Kraist asuhuyöhaŋgö kösohotŋi kewö: Yaŋgö namŋi Maria mi Josefbuk buŋabuŋa mala mindimindiri qahö aka malohotka nalö miaŋgöreŋ Uŋa Töröŋan mem letot waŋgiiga köröbuk mali könaŋi mewö miwikŋaiget.
23233	MAT 1:20	Mewö mötmöriba ahöiga Kembugö garata kunŋan gaunöŋ asuhum waŋgiba kewö jiyök, “Josef Deiwidkö gwölönarökŋi, Uŋa Töröŋan mönö Maria letot waŋgiiga köröŋambuk malja. Miaŋgöra gi mönö i örönöŋ mirige kaba anömgi akŋapkö keŋgötki kude mötman.
23245	MAT 2:7	Mewö meleŋ waŋgigetka mötkutukutu azi mi ölöŋ eŋgoholi kagetka kewö qesim eŋgiyök, “Undiŋi mönö wani nalönöŋ asuhui könahiba eket?” Miaŋgö könaŋi törörök mötmamgö möta mewö qesim eŋgiyök.
23248	MAT 2:10	Undi mi kini eka sösöŋgai keta bölökŋi aket.
23270	MAT 3:9	“Uruŋine möndömöndö keu kewö jibingö kude mötmörime, ‘Neŋön mönö Abrahamgö gwölönarökŋa malinga Anutunöŋ qahö ayuhum neŋgima.’ Mewö jiba töptöpŋine qemakzemö, ölŋi mi qahö ahakze. Nöŋön miaŋgöra kewö jibi mötket, Anutunöŋ köt ki ölöp jim kutum eŋgiiga letota Abrahamgö gwölönarökurupŋi aka Anutu möpöseimakŋemö, iŋini denöwö?
23271	MAT 3:10	“Uruŋini qahö meleŋme ewö, Anutunöŋ mönö iŋini ip ewö teŋgöri etpingö akze. Ip pakpak kötŋi ölöpŋi qahö kuŋgumakzei, mi mönö köli etket könöpnöŋ gili geme. Ip mewöŋi kölmamgö kesiŋi lök jitŋi saŋe ala ip könaŋe ali jöjöröba ahöza. Anutunöŋ mönö bölöŋamŋinaŋgö likepŋi meleŋ eŋgima.
23272	MAT 3:11	“Nöŋön iŋini uruŋini meleŋmeaŋgöra o töhönöŋ melun mem eŋgizalmö, nöŋgö andöne azi kukösumŋi köhöikŋi kun kama. Yaŋgö kukösumŋi öŋgöŋgöŋan mönö nöŋgöreŋ oŋgitma. Yaŋön azi öŋgöŋgöŋi akŋawaŋgöra nöŋön yaŋgö köna esuŋi bauköba gösönöŋ löŋgöta teŋgömamgö qötötaŋgömam. Yaŋön mönö Uŋa Töröŋi uruŋine ali könöp bölamŋan köl könjörat eŋgiiga mewö miaŋön melun mem eŋgima.
23277	MAT 3:16	Urumohot aka o melun mem waŋgii teköiga miaŋgöreŋök onöhök koriga kewö asuhuyök: Suepnöŋ aŋaŋiiga Jisösnöŋ uba ehiga Anutugö Uŋa Töröŋan meleŋda kembö nei ewö aka Jisösgö qakŋe eta meyök.
23279	MAT 4:1	Miaŋgö andöŋe Uŋa Töröŋan Jisös kuŋgum waŋgiiga gölme qararaŋkölkölŋe Bölöŋaŋgö Toŋan esapköm waŋgimapköra aka anök.
23350	MAT 5:47	“Urumeleŋgö kopa ambazipnöŋ mewöyök sutŋine jölöŋini jim aŋguba maljemö, mi urumeleŋgö aiwesökŋi qahö. Iŋini yeŋgö dop alaurupŋini eŋgö sutŋineyök jölöŋini jim aŋgumakŋe ewö, mewö mönö kopa ambazip ewö akze. Kopa ambazip yeŋgö silikŋini mönö oŋgita qetpuk sorokŋi aka malme?
23353	MAT 6:2	“Miaŋgöra ‘Mözöqözöröŋ ambazip kalem eŋgimam,’ jiba mi qenjaröknöŋ kömam tömunbuk uba kolek almegöra kude akŋan. Urumeleŋgö silesile ambazip yeŋön ambazipnöŋ miwidimgöm (mem biwim) eŋgimegöra möta köuluk mire aka köna namŋe anda ambazip eŋgeka mewö ahakze. Nöŋön keu öl töhönŋi kun kewö jibi mötme, Yeŋön mönö silikŋinaŋgö töwaŋi pakpak lök buŋa qem aŋgugetka Suep Toŋan mi qahö toroqema.
23383	MAT 6:32	“Mi kewögöra: Urumeleŋgö kopa yeŋön yuai pakpak mi buŋa qem aŋgubingö kapaŋ köla urukönöp ahakze. Iŋini yuai pakpaköra mözöröŋgöba osimakzei, eŋgö Suep Iwiŋinan mönö mi möt teköza.
23384	MAT 6:33	Miaŋgö urukönöp kude akŋemö, mutuk mönö Anutugö bemtohoŋnöŋ aŋgota yaŋgö jeŋe solanibingö kapaŋ kölme. Uruŋini miaŋgöreŋ alget ahöiga yaŋön mönö galöm köl eŋgiba yuai mewöŋi pakpak mi mewöŋanök eŋgima.
23385	MAT 6:34	“Mewö aiga iŋini mönö uran malmeaŋgö waimanjatŋi kude ahakŋe. Urangö waimanjatŋi mi urangöra. Silim mohot mohotkö waimanjatŋini mönö nanŋök nanŋök bisiinga dopŋine akŋa.” Mewö.
23392	MAT 7:7	“Mönö Anutu köuluköme. Köulukögetka kewöta eŋgima. Urugö yuaigö Anutugöreŋ böröjaŋ memba jarume. Mi jarugetka kondeliga miwikŋaime. Kinda naŋgunöŋ qeme. Qegetka naŋguŋi öröm eŋgima.
23446	MAT 8:32	Ulet waŋgigetka Jisösnöŋ “Mönö anda geget,” jiba jim kutuyök. Mewö jim kutuiga miaŋgöreŋök azi uruŋireyök kota anda bau uruŋine geget. Gegetka bau kambu körek yeŋön mönö luhuba nembönembönöŋ anda jororoŋgöba o aŋgönöŋ geba nemulahöba kömuget.
23494	MAT 10:8	“Ambazip kawölŋinambuk mönö mem ölöwak eŋgiba kömukömuŋi mi mem gulim eŋgiba malme. Uzikuku ambazip mönö mem solanim eŋgigetka öme wöröme közöl eŋgiba malme. Anutunöŋ yuai kalema eŋgiyöhi, mi mönö toroqeba kalema eŋgiba malme.
23505	MAT 10:19	Mi mötmemö, keu jakeŋe al eŋgigetka kinmei, nalö miaŋgöreŋ wani keuya denöwö jibinak, miaŋgö waimanjatŋi kude mötme. Keu jimei, mi Uŋa Töröŋan aua miaŋgöreŋök eŋgima.
23506	MAT 10:20	Nanŋine uruŋineyök keu kude jimemö, Iwiŋinaŋgö Uŋa Töröŋan mönö uruŋini sölölöhöiga keu jime.
23507	MAT 10:21	“Urumeleŋgö kopa kunöŋ darumunŋan uruŋi meleŋnö-haŋgöra aka i mamalolo meiga keu jakeŋe algetka qeget kömuma. Mewöyök iwi kunöŋ nahönböratŋi mamalolo meiga kömuma aka nahönbörat yeŋön iwinamurupŋini qetal eŋgiba jigetka eŋguget kömume.
23576	MAT 12:18	“Eket, ki mönö nöŋgö nup azini aiga i möwölöhöm waŋgial. Nöŋön wölböt alani yaŋgöra mötpi ölöwahiga urunan yaŋgöra söŋgaimakzal. Nöŋön Uŋani Töröŋi yaŋgö uruŋi dop kölmapköra melaibi geiga yaŋön keu diŋdiŋanök jim tekömakzalaŋgö Buŋaŋi indela jim sehiiga kantriŋi kantriŋi yeŋgöreŋ anma.
23581	MAT 12:23	Uba ehiga ambazip kambu pakpak yeŋön mi eka auruba Jisösgöra jiget, “Azi kiaŋön mönö Deiwidkö gwölönarökŋi akza me?”
23589	MAT 12:31	Miaŋgöra nöŋön keu kun kewö jibi mötme: Ambazip siŋgisöndok aka mepaqepaik pakpak ahakzei, mi Anutunöŋ ölöp mosörakzapmö, kunŋan Uŋa Töröŋi ilita mepaikömawi, miaŋgö siŋgisöndokŋi Anutunöŋ mönö nalö kunöŋ qahö mosötma. Saumbaŋ!
23590	MAT 12:32	“Kunŋan Suep gölmegö azi ölŋi qetala keu jima ewö, Anutunöŋ mi ölöp mosötmapmö, kunŋan Uŋa Töröŋi qetala keu yuai jimawi, yaŋgö siŋgisöndokŋi mi Anutunöŋ gölmenöŋ malmawaŋgö dop me kömup andöŋe miaŋgöreŋ qahö mosötma.”
23799	MAT 18:3	Kiniga kewö jiyök, “Nöŋön keu ölŋi kun kewö jibi mötme: Uruŋini qahö meleŋda nahönbörat ewö qahö akŋe ewö, iŋini mönö nalö kunöŋ Suepkö bemtohoŋnöŋ qahö aŋgotme.
23811	MAT 18:15	“Urumeleŋ alagan siŋgisöndok ak gihima ewö, gi mönö yaŋgöreŋ anda mesohol köl waŋgiba köna siŋgiyöhi, mi kondel waŋgiman. Mewö aknöŋga keugi möta bapŋe anma ewö, göŋön mönö alagi luhut al waŋginöŋga kunbuk urumohot aka malmahot.
23875	MAT 20:14	Urugi miaŋgöra bölibapukmö, mönö nangi töwagi memba anman. Azi dölök-kun nup memegöra qesim eŋgizali, yeŋgöra mewöyök töwa gihizali, mönö miyök eŋgimamgö mötzal.
23911	MAT 21:16	Urubölö aka kewö jim waŋgiget, “Morö mi keu qetzei, mi mötzan me qahö?” Jim waŋgigetka kewö meleŋ eŋgiyök, “Ölöp mötzal. Iŋini nalö kungen Buŋa keu ki oyoŋget me qahö, ‘Göŋön mönö nahönbörat aka morösepsep juzu nemakzei, mi kusum eŋginöŋga nangi törörök möpöseim gihimakze.’”
23915	MAT 21:20	Ululuŋgöiga gwarekurupŋan mi eka auruba kewö jiget, “Fig ipnöŋ mönö denöwö ösumok ululuŋgöza?”
23970	MAT 22:29	Mewö qesigetka Jisösnöŋ meleŋda kewö jii mötket, “Iŋini keu jim sohoze. Urumeleŋgö Buŋa Kimbiŋi aka Anutugö kukösumŋi qahö möt kutuzeaŋgöra mönö jaŋjuŋ ahakze.
23984	MAT 22:43	Jigetka jiyök, “Mewö akzapmö, denöwö aka Uŋa Töröŋan Deiwid sölölöhöm waŋgiiga yaŋgöra ‘Nani Kembuni,’ qeta kewö jiyök,
24164	MAT 26:41	Uruninan guli malbingö sihimŋi mörakzinmö, sileninan lölöwöröŋi akza. Miaŋgöra esapesapnöŋ et eŋgubapuköra mönö köuluköba guliguli malme.”
24283	MAT 28:19	“Miaŋgöra iŋini mönö gölme dop anda ambazip kambu pakpak kewö eŋgömegetka nöŋgö gwarekurupni akŋe: I mönö Iwi, Nahön aka Uŋa Töröŋi neŋgö qetnine o melun mem eŋgime
24292	MRK 1:8	Nöŋön o töhönöŋ melun mem eŋgizalmö, yaŋön mönö Uŋa Töröŋan melun mem eŋgima.” Mewö.
24294	MRK 1:10	Mem waŋgiiga onöhök koriga miaŋgöreŋök Suepnöŋ aŋaŋiiga Jisösnöŋ uba ehiga Uŋa Töröŋi meleŋda kembö nei ewö aka Jisösgö qakŋe eta meöyk.
24296	MRK 1:12	O melun mem waŋgiiga miaŋgöreŋök Uŋa Töröŋan Jisös kuŋgum waŋgiiga gölme qararaŋkölkölŋe anök.
24337	MRK 2:8	Uruŋinan mewö mötmörigetka Jisösnöŋ miaŋgöreŋök uruŋan mi möt kutuba kewö jii mötket, “Iŋini mönö wuanöŋgöra keu mewöŋi uruŋinan mötmörize?
24378	MRK 3:21	Osigetka sepkitipurupŋan mi möta “Uruŋi lök sohoza!” jiget. Jiba geba waŋgitpingöra anget.
24386	MRK 3:29	Saŋgoŋ eŋgimapmö, Kunŋan Uŋa Töröŋi ilita mepaikömawi, miaŋgö siŋgisöndokŋi Anutunöŋ mönö nalö kunöŋ qahö mosötma. Saumbaŋ! Siŋgisöndok miaŋön mönö qakŋe öŋgöiga nalö teteköŋi qahö Anutugö jeŋe keuŋambuk malma.” Mewö jiyök.
24451	MRK 5:18	Ulet waŋgigetka mosöta waŋgenöŋ öŋgömamgöra ahiga azi ömeŋambuk malöhaŋön kaba Jisösbuk mohotŋe anda malmamgöra qesiyök.”
24559	MRK 7:27	Ulet waŋgiiga kewö jii mörök, “Juda nini mutuk nanine nahönböraturupnini gumohom eŋgiinga bikŋi eŋguma. Miaŋgöra morö yeŋgö miriŋineyök beret memba kiam eŋgiinga qahö dop kölbapuk. Juda nini kianurup eŋgö qetŋini kiam qerakzin. Nöŋön mutuk Juda ambazip bauköm eŋgibiga kantri tosatŋi eŋön mönö kiamgö dop mamböta malme.”
24586	MRK 8:17	Mi eraum mötket kezapŋe geiga kewö jii mötket, “Wuanöŋgöra beretnini qahö jiba eraum mötze? Nöŋgö könaŋamni mi wuanöŋgöra qahö möt kutuze? Mi tok qahö möt asarize me? Urukezapŋinan gwözöŋda tatza me?
24766	MRK 12:24	Mewö qesigetka Jisösnöŋ meleŋda kewö jii mötket, “Iŋini keu jim sohoze. Urumeleŋgö Buŋa Kimbiŋi aka Anutugö kukösumŋi qahö möt kutuzeaŋgöra mönö jaŋjuŋ ahakze.
24778	MRK 12:36	Deiwidnöŋ nanŋak Uŋa Töröŋan sölölöhöm waŋgiiga kewö jiyök, ‘Anutunöŋ kinda nöŋgö Kembuni kewö jii mörök: Göŋön mönö kaba nöŋgö böröni ölŋe tatnöŋga nöŋön nalö sutŋe kerökurupki tim tötöla luhut aleŋgiba göhö köna tambö gwaröŋe al eŋgimam. Nalö mi kam kuŋgumawaŋgö dop mönö asakmararaŋnöŋ ki tatman.’
24797	MRK 13:11	Öröba eŋguaŋgita keu jakeŋe al eŋgigetka kinmei, nalö miaŋgöreŋ keu denöwö jibinak, miaŋgö waimanjatŋi qeljiŋe kude mötme. Uŋa Töröŋan aua miaŋgöreŋök keu eŋgimawi, mönö mia jime. Nanŋine uruŋinaŋgöra keu qahö jimemö, Uŋa Töröŋan mönö uruŋini sölölöhöiga keu jime.
24798	MRK 13:12	Urumeleŋgö kopa kunöŋ darumunŋan uruŋi meleŋnöhaŋgöra aka i mamalolo meiga keu jakeŋe algetka qeget kömuma. Mewöyök iwi kunöŋ nahönböratŋi mamalolo meiga kömuma aka nahönbörat yeŋön iwinamurupŋini qetal eŋgiba jigetka eŋguget kömume.
24861	MRK 14:38	Uruninan guli malbingö sihimŋi mörakzinmö, sileninan lölöwöröŋi akza. Miaŋgöra esapesapnöŋ et eŋgubapuköra mönö köuluköba guliguli malme.”
24977	LUK 1:15	I nam körö uruŋe tariga Uŋa Töröŋan miaŋgöreŋök könahiba uruŋi kokolak qeiga qariba wain me o köhöikŋi mi qahö nemba Kembugö qöhöröŋe azi öŋgöŋgöŋi aka malma.
24979	LUK 1:17	Anutugö Uŋaŋan kezapqetok azi Elaija inahöiga kukösum qakŋe nup meyöhi, yaŋön mönö miaŋgö dop mutuk qeljiŋe aniga Kembunöŋ andöŋe kama. Yaŋön anda könagesö uru kuŋgum eŋgiiga Kembunöŋ kamapköra jöjöröba kinme. Iwi aka nahönbörat jula deŋgetka uru kuŋgum eŋgiiga kunbuk mindirim aŋgume aka qeqetal ambazip mi diŋdiŋi yeŋgö mötmöt areŋnöŋ aŋgotme.”
24997	LUK 1:35	Mewö jii möta meleŋnök, “Uŋa Töröŋan mönö aum köl gihiiga Anutu öŋgöŋgöŋi ketaŋaŋgö ösumŋan dop köla turum gihima. Miaŋgöra morö memani, yaŋön töröŋi aiga ambazipnöŋ qetŋi ‘Anutugö Nahönŋi,’ jiba qerakŋe.
25003	LUK 1:41	Jölöŋi jiiga miaŋgöreŋök möri morö nahönöŋ körö uruŋe luhuba öŋgöba eri Uŋa Töröŋan Elisabetkö uruŋi kokolak qeyök.
25029	LUK 1:67	Mewö jigetka Uŋa Töröŋan iwiŋi Zekaraiagö uruŋi kokolak qeiga kezapqetok keu kewö jiyök,
25042	LUK 1:80	Morö Jon yaŋön qariba wahöriga Uŋa Töröŋan inahöm waŋgiiga Anutugö kolek azi köhöikŋi ahök. Mewö aka gölme qararaŋkölkölŋe mala mali nalöŋan kam kuŋguiga Israel könagesö yeŋgö jeŋine aukŋe asuhuba qenjarök nupŋi könahiba meyök. Mewö.
25067	LUK 2:25	Nalö miaŋgöreŋ azi kun qetŋi Simeon Jerusalem malök. Yaŋön uruŋi jömuk Anutugöreŋ qekötahöba urumeleŋgö kölguliguli aiga Uŋa Töröŋan yambuk kiniga Amötqeqe Toŋan Israel uruŋe asuhumapköra mamböta malök.
25068	LUK 2:26	Mamböta maliga Uŋa Töröŋan keu kewö indeli mörök, “Gi Kembugö Amötqeqe Toŋi Kraist ahui mutuk ekagun kömupkö sihimbölöŋi mötman.”
25069	LUK 2:27	Iwinamŋan Mosesgö Köna keu wuataŋgöba Jisös waŋgita jöwöwöl jikenöŋ öŋgöyohot. Öŋgöyohotka Uŋa Töröŋan Simeon sölölöhöi nalö miaŋgöreŋök mewöyök jikenöŋ öŋgöyök.
25102	LUK 3:8	“Miaŋgöra mönö ölŋanök uruŋini meleŋme. Bölöŋamŋineyök liliŋgögetka ölŋi asuhui mi mönö ahakmemeŋinan aukŋe kondela malme. Uruŋine möndömöndö keu kewö kude mötmörime, ‘Neŋön mönö Abrahamgö gwölönarökŋa malinga Anutunöŋ qahö ayuhum neŋgima.’ Mewö töptöpŋine qemakzemö, ölŋi mi qahö ahakze. Nöŋön miaŋgöra kewö jibi mötket: Anutunöŋ köt ki ölöp jim kutum eŋgiiga letota Abrahamgö gwölönarökurupŋi aka Anutu möpöseimakŋemö, iŋini denöwö?
25103	LUK 3:9	“Uruŋini qahö meleŋme ewö, Anutunöŋ mönö iŋini ip ewö teŋgöri etpingö akze. Ip pakpak ölŋi ölöpŋi qahö kuŋgumakzei, mi mönö köli etket könöpnöŋ gili geme. Ip mewöŋi kölmamgö kesiŋi lök jitŋi saŋe ala ip könaŋe ali jöjöröba ahöza. Anutunöŋ mönö bölöŋamŋinaŋgö likepŋi meleŋ eŋgima.”
25110	LUK 3:16	Mewö aketka Jonöŋ körek yeŋgöra kewö jiyök, “Nöŋön o töhönöŋ melun mem eŋgizalmö, azi kukösumŋi köhöikŋi kun kama. Yaŋgö kukösumŋi öŋgöŋgöŋan mönö nöŋgöreŋ oŋgitma. Yaŋön azi öŋgöŋgöŋi akŋawaŋgöra nöŋön yaŋgö köna esuŋaŋgö kösöŋi bauköba pösatmamgö qötötaŋgömam. Yaŋön mönö Uŋa Töröŋi uruŋine ali könöp bölamŋan köl könjörat eŋgiiga mewö miaŋön melun mem eŋgima.
25116	LUK 3:22	Aŋaŋiiga Uŋa Töröŋan meleŋda kembö nei ewö aka Jisösgö qakŋe erök. Mewö eriga Suepnöhök qet kun kewö asuhuyök, “Göŋön mönö nani wölböt nahöna aknöŋga köröni ölöwahiga geknahöm ak gihizal.” Mewö.
25133	LUK 4:1	Jonöŋ Jisös o melun mem waŋgiiga Uŋa Töröŋan uruŋi kokolak qei Jordan onöhök liliŋgöiga waŋgita gölme qararaŋkölkölŋe anök.
25146	LUK 4:14	Jisösnöŋ gölme qararaŋkölkölŋi mosöri Uŋa Töröŋaŋgö ösumŋan yambuk kiniga Galili prowinsnöŋ liliŋgöyök. Liliŋgöiga keu buzupŋan sehiba miri gölme liliköba tat angeri, mi pakpak dop köla anök.
25150	LUK 4:18	“Kembugö Uŋa Töröŋan nöŋgö urune geba nup memegö kelök supapŋi köl niŋgiba ambazip etqeqeŋi yeŋgöra Ölöwak Buŋa jim asarimakzal. Yaŋön melaim niŋgiiga keu kewö jim sehimakzal: Bölöŋan gwaröhöm eŋgii maljei, Anutunöŋ mönö i pösata meköm eŋgiiga malme. Anutunöŋ jegömöl ambazip jeŋini mem tohoiga kunbuk uba ekŋe. Taikpaik memba eta alget maljei, Anutunöŋ mönö i meköm eŋgiiga siyoŋsayoŋi qahö malme.
25161	LUK 4:29	Urupik aka wahöta Jisös közöla taon yaigepŋe wuataŋgöba taon mi kunduŋaŋgö sem kösutŋe meget kinöhi, miaŋgöreŋ aköget gemapköra anget.
25346	LUK 8:32	Kösutŋine kunduŋi marömŋe miaŋgöreŋ bau kambu ketaŋi kun gwözözak uruŋe kuluŋda malget. Miaŋgöra ömenöŋ kewö jiba ulet waŋgiget, “Gi ölöp jinöŋga nini bau mieŋgö uruŋine gebin.” Ulet waŋgigetka “Mönö anda geget.” Jiba jim kutum eŋgiyök.
25351	LUK 8:37	Möta gwötpuk awöwöliba qem sömbuŋini mötket. Miaŋgöra Gerasa gölmegö ambazip kambu pakpak yeŋön Jisösnöŋ eŋgömosötmapköra ulet waŋgiget. Ulet waŋgigetka liliŋgöba anmamgö waŋgenöŋ öŋgömamgö ahök.
25357	LUK 8:43	Utal waŋgiba angetka miaŋgöreŋ sutŋine ambi kun malök. Yaŋön yambu (yara) 12 miaŋgö dop köiŋnöŋ ehiga nalö dop kawöl yöhöiga malök. Yaŋön sile galöm yeŋgö töwaŋini moneŋ inapŋi pakpak gil maliga sile galöm körekŋan mem ölöwakingö osiget.
25453	LUK 10:21	Nalö miaŋgöreŋ Uŋa Töröŋan Jisös inahöm waŋgiiga söŋgaiba keu kewö jiyök, “O Iwini, göŋön Buŋa keugi mötkutukutu ambazip mötmöt ketaŋi megeri, yeŋgöreŋ asambötnöŋmö, ambazip nahönbörat ewö nanŋinaŋgöra mötketka gukmaulem akzei, mi mönö yeŋgöreŋ indelnöŋga möt asarize. Miaŋgöra nöŋön Suep gölmegö Kembuŋi gi möpöseim gihizal. O Iwini, gi nangak mewö asuhumapköra mötnöŋ dop köli ölöwahök.
25466	LUK 10:34	“Ehoriba kösutŋe geba uziŋi kelök aka wain oŋan miriba esuhuyök. Uziŋi esuhuba memba kököbihiba doŋkiŋi qakŋe ala waŋgita qenjarök ahöahö mire anda ala köyan köl waŋgiyök.
25487	LUK 11:13	Mewögöra iŋini ambazip bölöŋi akze aka töndup kalem ölöpŋi ölöpŋi mi nahönböraturupŋini eŋgibingö mötze ewö, Suep Iwinöŋ mönö kalemŋi denöwö aŋgön kölbawak? Yaŋgö uruŋaŋgö ahakmemeŋi mi neŋgoŋgita tandökŋi kun akza. Miaŋgöra Uŋa Töröŋaŋgöra köuluköba qesim waŋgime ewö, yaŋön mönö sihimŋan i melaiiga uruŋine gema.” Mewö.
25538	LUK 12:10	“Kunŋan Suep gölmegö azi ölŋi qetala keu jimawi, Anutunöŋ mi ölöp mosötmapmö, kunŋan Uŋa Töröŋi ilita mepaqepaik akŋawi, yaŋgö siŋgisöndokŋi mi Anutunöŋ qahö mosötma.
25540	LUK 12:12	Mi kewögöra: Iŋini keu jimei, mi Uŋa Töröŋan aua miaŋgöreŋök kusum eŋgiiga jime.” Mewö.
25559	LUK 12:31	Miaŋgö urukönöp kude akŋemö, mönö Anutugö bemtohoŋnöŋ aŋgotpingö kapaŋ kölme. Uruŋini miaŋgöreŋ alget ahöiga yaŋön mönö galöm köl eŋgiba yuai mewöŋi mi mewöŋanök toroqem eŋgima.” Mewö.
25709	LUK 16:20	Mewö malökmö, yaŋgö miri naŋguŋi kösutŋe azi wanapŋi kun qetŋi Lazarus ahöba malök. Uzi nömböŋnöŋ sileŋi dop köla tarök.
25910	LUK 21:15	“Mi kewögöra: Nöŋön embuk kinda mötkutukutu eŋgiba numbuŋini mem amqemam. Uruawamŋanök malgetka tuarenjoŋurupŋini yeŋgöreŋök kunŋan mötkutukutu mi qetala keuŋini qeapköba memba et al eŋgibingö osima.