13	GEN 1:13	Wehön karöbutŋi teköiga miri kunbuk söŋauba giaŋiyök.
19	GEN 1:19	Wehön 4:ŋi teköiga miri kunbuk söŋauba giaŋiyök.
31	GEN 1:31	Asuhuiga Anutunöŋ yuai pakpak miwikŋaiyöhi, mi ehiga mönö ölöp kötökŋi aiga urusösöŋgai mörök. Wehön 6:ŋi teköiga miri kunbuk söŋauba giaŋiyök. Mewö.
54	GEN 2:23	Waŋgita kaiga azinöŋ i eka kewö jiyök: “Yei! Ki nani tandöha. Yaŋgö sihit busuŋi mi nani sihit busunöhök asuhuza. Anutunöŋ i azigö sile kitipŋeyök mei letota azi tandök ewö maljawaŋgöra qetŋi mönö ambi (azigö alaŋi) qetme.”
152	GEN 6:14	Miaŋgöra göŋön mönö suman ip köla miaŋön nangahöra waŋge kun meman. Miaŋgö uruŋi kutunöŋga uruŋi morömorö asuhume. Waŋgegö uruŋi aka sileŋi mi qandöŋnöŋ me gisak marasinöŋ kösiba ohom teköman.
153	GEN 6:15	Waŋge mi kewö meman: köröpŋamŋi 133 mita (450 fit), andipŋi 22 mita (75 fit) aka köŋgepŋi 13 mita (45 fit) mewö meman.
154	GEN 6:16	Boŋi muhungöba sel aka bo sutŋire liliköba jeŋgenaŋ tiŋi 44 sentimita (18 ins) mi mosöta kötohoman. Waŋgegö uruŋi mösöŋnöŋga uruŋi qakŋi, kembaŋi aka dutŋi karöbut asuhume. Waŋge naŋguŋi mi namŋe alman.
185	GEN 8:1	Wehön 150 mi teköiga miaŋgöreŋ Anutunöŋ Noagö aka arökŋaŋgö mirigö sömbupŋi aka yuai pakpak yambuk waŋgenöŋ malgeri, mi mötmörim eŋgiba luhut ketaŋi röja aliga gölme qakŋe qeiga onöŋ könahiba öröba erök.
187	GEN 8:3	Qahö eriga o ketaŋan könahiba gölme qakŋe ahöahöŋeyök liliŋgöba öröba eta geyök. Wehön 150:gö dop o mieŋön öröba eta geba ahöget.
317	GEN 12:18	Mi öŋgöiga Farao kiŋnöŋ Abram köl öröi kaiga kewö qesim waŋgiyök: “Göŋön mönö wani kimbia ak niŋginöŋ? Wuanöŋgöra ‘Mi anömna,’ mewö qahö jinöŋga möral?
318	GEN 12:19	Wuanöŋgöra ‘I mi nena,’ jinöŋ? Mewö jinöŋga nöŋön i anömna akŋapköra waŋgiral? Anömgi ki. Mönö i waŋgita anohot.”
373	GEN 15:12	Wehön jeŋi teköba gemamgö aiga nalö miaŋgöreŋ Abramnöŋ jeŋi eta meiga gaun lömbötŋi ahöyök. Mewö ahöiga pandaman göjiwinaŋgö kanjamŋi miaŋön kaba turum waŋgiyök.
388	GEN 16:6	Mewö jiiga Abramnöŋ kewö jiyök: “Welen ambigi miaŋön nange böröge maljawaŋgöra wania mötnöŋga dop köljawi, mönö miaŋgö dop i ak waŋgiman. “Mewö jiiga Sarainöŋ Hagar laŋ örömureim ak waŋgiiga mosöta tököba ölöŋ köla anök.
410	GEN 17:12	Nalö kewöŋeyök könahiba azi pakpak eŋgö sutŋine toroqeba asuhum öŋgömei, yeŋgö sileŋine mönö sömaŋini 8 aiga miaŋgöreŋ nöŋgö aiwesökni yandiba malme. Nanŋine miri uruŋe nanŋini aka welenqeqeurupŋini yeŋgöreŋ morönahönurupŋini asuhumei, mi mönö öröröŋ ak eŋgiba malme. Welenqeqe tosatŋi mi kian yeŋgöreŋök moneŋnöŋ bohonŋini megetka yeŋgö morö nahönŋini asuhume. Yeŋön nanŋini gwölönarökurupŋini qahö akzemö, mi töndup nöŋgö aiwesökni mi mönö yeŋgö sileŋine mewöŋanök yandiba malme.
411	GEN 17:13	Welenqeqe tosatŋan nanŋine miri uruŋe asuhugetka welenqeqe tosatŋi mi moneŋnöŋ bohonŋini megetka yeŋgö morö nahönŋini asuhume. Nöŋgö aiwesökni mi mönö yeŋgö sileŋine mewöŋanök yandiba malme. Nöŋgö jöhöjöhö areŋnaŋgö aiwesökŋi sileŋine yandimei, mi mönö jöhöjöhö areŋ teteköŋi qahö ahöm öŋgömapköra jim köhöizal.
421	GEN 17:23	Wehön miaŋgöreŋök Abrahamnöŋ Anutugöreŋ keu tem köla nanŋi nahönŋi Ismaelgö sileŋe Anutugö aiwesökŋi yandiyök. Mewöyöhök welenqeqeurupŋi nanŋi miri uruŋe asuhugetka tosatŋi moneŋnöŋ bohonŋini meiga malgeri, azi pakpak mi yaŋgö miri uruŋe tatkeri, i mönö körek mewöŋanök ak eŋgiyök.
481	GEN 19:23	Wehönöŋ lök koriga Lotnöŋ Zoar taonöŋ kaŋgorök.
491	GEN 19:33	Mewö jiba suŋgem miaŋgöreŋök iwiŋiri wain o waŋgiyohotka neyök. Nemba uruŋi eŋololoŋ aiga datŋan anda yambuk ahöyök. Wani nalönöŋ qöhöröŋe kayök aka wani nalönöŋ wahöröhi, mi iwiŋan qahö mörök.
493	GEN 19:35	Mewö jiba suŋgem miaŋgöreŋ mewöyök iwiŋiri wain o waŋgiyohotka neyök. Nemba uruŋi eŋololoŋ aiga munŋan anda yambuk ahöyök. Wani nalönöŋ qöhöröŋe kayök aka wani nalönöŋ wahöröhi, mi iwiŋan qahö mörök.
511	GEN 20:15	Waŋgiba keu kewö jiyök: “Mötnöŋ. Nöŋgöreŋ gölme ki wösöge ahözawi, miaŋgöreŋ mönö nangi sihimgahö dop malman.”
524	GEN 21:10	Mewö eka Abrahamgöra kewö jiyök: “Welen ambigö nahönŋan mönö nöŋgö nahöni Aisakpuk göhöreŋ öröyuai mi qahö mendeŋda buŋa qem aŋgumahot. Welen ambi mi aka nahönŋi mi mönö közölnöŋga anmahot.”
527	GEN 21:13	Welen ambigahö nahönŋan göhö gwölönaröki akzawaŋgöra nöŋön i mewöŋanök ahumsehip waŋgibiga gwölönarökurupŋan könagesö ketaŋi akŋe.”
603	GEN 24:11	Aŋgota taon yaigepŋe o lömŋi kinöhaŋgö kösutŋe kamelurupŋi al eŋgiiga siminŋini mösököba geba luhut meget. Wehön jeŋi gemamgö aiga taongö ambiŋi yeŋön o ubingö o lömŋe kaka nalöŋini mi ahök.
624	GEN 24:32	Mewö jiiga welenqeqe jembonöŋ mire kaiga kamel qakŋine sukinap taröhi, mi Labanöŋ musula mei eri jiiga kamel yeŋgöra luplup aip aka gwözözak nene memba kaba eŋgiget. Welenqeqe jembon aka yaŋgö aziurupŋan könaŋini saŋgoŋmeaŋgö oŋi mi tok mohotŋe uba kaba eŋgiget.
648	GEN 24:56	Mewö meleŋnohotmö, welenqeqe jembonöŋ kewö meleŋda jii mötket, “Welen könani kazali, mi Kembunöŋ kötuetköiga töhötmöriamŋambuk akza. Miaŋgöra nalöni mönö kude qekörime. Mönö melaim niŋgigetka ölöp könani liliŋgöba anda ketaŋamnaŋgöreŋ aŋgotmam.”
742	GEN 27:14	Mewö jiiga anda meme (noniŋ) yahöt memba kaba namŋi waŋgiyök. Waŋgiiga nene nahömŋambuk iwiŋan sihimŋi möröhi, miaŋgö dop ohoba mözözömgöyök.
845	GEN 30:14	Witnöŋ öliiga yandiyandi nalöŋe sömaŋi kunöŋ Rubenöŋ yaigep anda gölme köröŋe asagwalim amöt miwikŋaiyök. Amöt mi miwikŋaiba memba kaba namŋi Lea waŋgiyök. Waŋgiiga Reizölnöŋ datŋaŋgöra kewö jiyök: “Göhö nahöngan amöt memba kazawi, miaŋgö tosatŋi mönö niŋginöŋga nembi.”
960	GEN 32:32	Wehön jeŋan lök koriga Jeikobnöŋ Penuel gölme mi mosöta oŋgita kaba ikinŋi sulöhaŋgöra aka timkorik anök.
963	GEN 33:2	Mewö al eŋgiba kewö areŋgöm eŋgiyök: Welen ambiyahötŋi yetkön nahönböraturupŋiri eŋguaŋgita mutuk anget. Yeŋgö andöŋine Leanöŋ nahönböraturupŋi yembuk angetka Reizöl aka nahönŋi Josef yetkön qöndökŋi anohot.
1016	GEN 35:4	Mewö jim kutum eŋgiiga böröŋine lopioŋ yuai tömbuŋi pakpak ahögeri aka kezapŋine jeŋjeŋ möndögeri, mi qeköba kölolohoba Jeikob waŋgiget. Waŋgigetka anda in ip kun Sekem mire kinöhi, miaŋgö könaŋe gölmenöŋ esim löm kölök.
1183	GEN 40:10	Wain ipkö böröŋi karöbut kingetka könahiba sötŋi jula kota kuŋguzawi, nalö miaŋgöreŋök juraŋi kota tuliga kaŋgeŋi kaŋgeŋi asuhuba öligetka ölŋaŋgö kötŋi pisihize.
1186	GEN 40:13	Wehön karöbut teköiga Farao kiŋnöŋ göhö nöröpki mem wahöta pösat gihiba kunbuk nupke al gihima. Gi mutuk yaŋgö wain o qambigö galömŋa mala qambi Farao kiŋgö böröŋe ala malnöŋi, miaŋgö dop mönö kunbuk aka malman.
1192	GEN 40:19	Wehön karöbut teköiga Farao kiŋnöŋ jiiga liŋgipnöŋ geriba qetohom gihiba nöröpki aka qamötki mem wahöta ipnöŋ möndögetka neiŋi neiŋi yeŋön kaŋgota busugi nem teköme.”
1194	GEN 40:21	Wain o qambigö galömŋan mutuk nupŋi memba malöhi, mi toroqeba memapköra kuŋgum waŋgiiga dumŋe kunbuk qambi mi Farao kiŋgö böröŋe ala malök.
1201	GEN 41:5	Wahöta gaunŋaŋgö kunbuk möta gem anda ahöba gaun kun kewö ehök: Wit padi ip mohotkö kembaŋe ölŋi kötŋi ketaŋi ketaŋi kaŋgeŋinambuk 7 ölöp kötökŋi mi loŋkam gili eta kinget.
1218	GEN 41:22	Wahöta kunbuk ahöba gaun kun kewö ekzal: Wit padi ip mohotkö kembaŋe ölŋi kötŋi ketaŋi ketaŋi kaŋgeŋinambuk 7 ölöp kötökŋi mi loŋkam gili eta kinje.
1222	GEN 41:26	Bulmakau dömŋi 7 ölöp sorokŋi mi yambu 7:gö söpsöpŋi akze. Wit padi ölŋi kaŋgeŋinambuk ölöp kötökŋi 7 mi mewöyöhök yambu 7:gö söpsöpŋi akze. Könaŋiri mi öröröŋ aka mohok akzahot.
1223	GEN 41:27	“Bulmakau sihitqarambuŋinanök kaisoŋgolomŋini piromŋi 7 könaŋgep kotzei, mi yambu 7:gö söpsöpŋi akze. Wit padi ölŋi kaŋgeŋinambuk 7 gölme qararaŋkölkölŋaŋgö luhut könöpŋan eŋgohotiriiga soholiba gilipitŋi (ambetakŋi) akzei, mi bödi (buörö) malmalgö yambu 7 miaŋgö söpsöpŋi akze.
1263	GEN 42:10	Mi möta kewö meleŋ waŋgiget: “Azi kembunini, mewö qahö. Welenqeqeurupki nini mönö nene söŋgöröŋi membingöra kazin.
1266	GEN 42:13	Mi möta kewö meleŋ waŋgiget: “Welenqeqeurupki nini Keinan gölmegö aziŋi mohotkö nahönurupŋa, darumun 12 akzin. Munini qöndökŋan nalö kewöŋe iwininambuk mire tariga kunŋan qahö toroqeba malja.”
1271	GEN 42:18	Wehön karöbut aiga Josefnöŋ kaba keu kewö jii mötket: “Jeŋinambuk toroqeba malbingö mötze ewö, iŋini mönö yuai jimami, mi aketka nöŋön ölöp malmalŋini jöhömam. Nöŋön mewöyök iŋini ewö Anutugö jitŋi oŋgitpileŋbuköra keŋgötni mörakzal. Miaŋgöra iŋini mönö kewö akŋe:
1278	GEN 42:25	Josefnöŋ jimkutukutu kewö alök: “Welenqeqe iŋini mönö azi mieŋgö toru gösöŋine wit padi löŋgötketka numbuŋe kotketka mohot mohot yeŋgö moneŋ esuŋini mi totoŋine inanŋik inanŋik toruŋine alme aka köna anangö nene semönŋi mi tok eŋgime. “Mewö jim kutum eŋgiiga miaŋgö dop ak eŋgiget.
1314	GEN 43:23	Mewö jigetka miri galömŋan kewö jiyök: “Waimanjat kude mötme. Nanŋini aka iwiŋinaŋgö Anutuŋan mönö kungö uruŋi kuŋguiga silwö moneŋ mi toru gösöŋine aliga miwikŋaiget. Nöŋön eŋgöreŋ silwö moneŋ mi lök meal. Miaŋgöra keŋgötŋini kude möta urubönjöŋ tatme. “Mewö jiba Simeon waŋgita yeŋgöreŋ kayohot.
1334	GEN 44:9	Welenqeqeurupki neŋgöreŋök kungö toru gösöŋe silwö qambi mi miwikŋaiman ewö, yaŋön mönö kömupkö buŋaya aiga tosatŋi neŋön ketaŋamnini, göhö welenqeqe omaŋi aka malbin.”
1359	GEN 44:34	“Azi gwabö miaŋön nömbuk qahö kama ewö, nöŋön mönö denöwö aka iwinaŋgöreŋ anbileŋak? Wösöbirik öŋgöŋgöŋan iwinaŋgö qakŋe öŋgöbawak, nöŋön mönö mi ekŋamgö tököm köhöizal. Miaŋgöra i mönö kude jöhöman.”
1421	GEN 46:34	“Mewö qesim eŋgiiga iŋini kewö meleŋ waŋgime: ‘Welenqeqeurupki neŋön mönö abu asaurupnini mutuk memba malgeraŋgö dop moröröpnineyök lama bulmakau galöm kölköl nupŋi memba mala maljin.’ Mewö meleŋ waŋgigetka yaŋön ölöp Gosen prowinsnöŋ tatat dumdumŋini möhamgömegöra oŋ jiiga malme. Ijipt ambazip yeŋön lama bulmakau galöm kölköl ambazip pakpak yeŋgöra mötketka imbiloŋloŋinambuk ahakze. “Josefnöŋ keuŋi mewö jii mötket.
1424	GEN 47:3	Eŋgeka kewö qesim eŋgiyök: “Iŋini wani nuwa memakze?” Mewö qesim eŋgiiga kewö meleŋ waŋgiget: “Welenqeqeurupki neŋön iwiurupninan mutuk malgeraŋgö dop lama bulmakau galöm kölköl nupŋi memba mala maljin.”
1455	GEN 48:3	Wahöta tata Josefköra kewö jiyök: “Anutu kukösum pakpakö Toŋi yaŋön Keinan gölmegö Luz miri miaŋgöreŋ nöŋgöreŋ asuhuba kötuetköm niŋgiba
1486	GEN 49:12	Wain o neiga jeŋan wain oŋi ewö pisihiba injaŋ kölma. Juzu oŋi neiga jitŋan juzu oŋi ewö tuarima.
1496	GEN 49:22	Wain ip o jeŋaŋgö kösutŋe kömötketka kötŋi gwötpuk kuŋguba böröŋi giliga anda sel qösököba yaigep anakzawi, Josefnöŋ mönö miaŋgö dop akza.
7130	RUT 1:1	Walahok Israel uruŋe kiŋ kun qahö maliga aiwi kembu yengön könagesö galim köl engiwa malget. Nalö miaŋgöreŋ bödi hikŋaiwa balöŋ patpat söp köla ahöyök. Bödi nalö miaŋgöreŋ Juda aiwi kunöŋ anömŋi hala nahönweitŋi engaŋgita taonŋini Betlehem mosota kantri qetŋi Moab miaŋgöreŋ anda dum tatatŋini möhamgöwa kiana malget.
7136	RUT 1:7	Wahöta köhöm balöŋ malöhi, mihi mosota Juda balöŋnöŋ liliŋgöwa anmamgöra haliga iranweitŋi yetkuk mohotŋe könanöŋ anget.
7189	RUT 3:15	Wahöriga Boaznöŋ muewö zöyök: “Mönö malukugi selegeyök meköwa merereŋgöwa memba kinöŋ.” Mewö zöiga meköwa memba kiniga bali kötŋi 25 kilogramgö söp kewöta mokoi geyök. Geiga memba köbibihiwa Rutkö hawötŋe haliga haŋguwa liliŋgöwa taonöŋ anök.
7199	RUT 4:7	Walahok Israel uruŋe kunŋan balöŋ iwai bohonŋi meiga buŋaŋi haliga miaŋgö keuŋan köhöimapköra yengön silik muewö hala malget: Keu zöm teköwa jöjöhö halget teköiga yetköreŋök kunöŋ köna esuŋi qeköwa alaŋi waŋgizapma. Israel yengön iwai bohonŋi memekö keuŋan teköyöhi, mihi silik mewö miaŋön kundelzema.
22603	JON 1:3	Mewö jiyökmö, Jonanöŋ möp Kembugöt jemesoholŋeyök ölöŋ köla wehön gegeŋe göröken anmamgörap wahörök. Wahöta miri qetŋi Jopa (Jaffa) miaŋgöreŋ geba waŋge kun miwikŋaiba “Ölöp yembuk Tarsis mire Spein kantrinöŋ anmam,” jiba köna söŋgöröŋi memba waŋgenöŋ öŋgöyök. Mewö öŋgöba Kembugöt jemesoholŋeyök mömölaköba anök.
22631	JON 3:4	Jonanöŋ könahiba siti uruŋe anda maliga wehön mohot teköiga buŋa keu qeta kewö jiyök: “Wehön 40 kun ahözap. Mi teköiga Niniwe siti kiaŋön möp meleŋni gemap.”
22645	JON 4:8	Wehönöŋ koriga Anutunöŋ jiiga luhut könöpŋambuk kötökŋi mi miri jeŋi kotkotŋeyök qeiga wehön jeŋan nöröpŋe qei qei uruŋi öngöba duhuiga kömumamgöt möt teköba köuluköba kewö jiyök: “Nöŋön malmalgöt tököba kömupköt möralga ölöwakzap. Keu mi ölŋa.”
23382	MAT 6:31	“Mewö aiga iŋini mönö malmalŋinaŋgö waimanjat aka mötkurumkurum kude ahakŋe. Mi aka lömböriba kewö jibepuk, ‘Nini mönö wani nene aka wani oya nembinak?’ aka ‘Wani yuainöŋ silenini esuhubinak?’
23401	MAT 7:16	Nupŋinaŋgö ölŋi eketka könaŋini kondeli ölöp möt kutume. Nejoŋ kötŋi mi jömnöŋ asuhumakza me qahö? Warun kötŋi mi koururuknöŋ (köwörörök) asuhui tokomakzin me qahö? Qahö.
23474	MAT 9:26	Wahöriga miaŋgö buzup keuŋan sehiba mindimindiri sel mi körek dop köla anök. Mewö.
23634	MAT 13:26	Wit padi kötŋan jula wahöta öŋgöba ölŋi asuhuyöhi, nalö miaŋgöreŋ dorowetnöŋ mewöyök aukŋe asuhuyök.
23668	MAT 14:2	Mi möta welen-qeqeurupŋi yeŋgöra kewö jiyök, “Mi mönö Jon O-melun azia. Yaŋön mönö kömupnöhök wahöta nupŋi meiga aŋgöletot kukösumŋinambuk asuhumakze.” Waimanjat möta mewö jiyök.
23680	MAT 14:14	Angetka Jisösnöŋ waŋgenöhök eta ambazip kambulelembe eŋgeka yeŋgöra wösöŋi mörök. Wösöŋi möta sutŋine kawöl eŋgöhöi malgeri, mi mem ölöwak eŋgiyök.
23707	MAT 15:5	“Mewö jim kutuyökmö, iŋini keu mi oŋgita kewö jimakze, ‘Kunŋan iwiŋaŋgöra me namŋaŋgöra kewö jima: Wösöni mötzal. Nöŋgö naŋgönaŋgö yuaini buŋa qem aŋgubanak, mi lök Anutugö saiwap naluköra kewöta albi ahöza. Kunŋan mewö jiba iwiŋi me namŋi göda qem waŋgimawaŋgö dop qahö akza.’
23743	MAT 16:2	Mewö jigetka kewö meleŋnök, “Wehön gemamgö ahiga miaŋgöreŋ kewö jimakze, ‘Suepnöŋ pisihizawaŋgöra uran wehön ölöpŋi akŋa.’
23770	MAT 17:1	Wehön 6 teköiga Jisösnöŋ Pitö, Jeims aka Jeimsgö munŋi Jon eŋguaŋgita nanŋinök kunduŋi köröpŋi kunöŋ öŋgöba kötikŋe malget.
23787	MAT 17:18	Waŋgita kagetka Jisösnöŋ öme mi jim waŋgii mosöta ani morönöŋ nalö miaŋgöreŋök ölöwahök.
23849	MAT 19:18	Mi möta kewö jii mörök, “Wani jöjöpaŋ keugöra jizan?” Jisösnöŋ mi möta jiyök, “Mönö ki, ‘Ambazip kun kude qenöŋ kömuma, Sero yoŋgorö kude akŋan, Yoŋgorö kude meman, Jitnöŋ alal keu kude jiman,
23851	MAT 19:20	Mewö jiiga azi gwabönöŋ kewö jiyök, “Mi pakpak mönö tem köla mala kotzal. Wanigöra kunbuk osizal?”
23917	MAT 21:22	Wani yuaigöra qesiba köulukömei, mi pakpak buŋa qem aŋgubingö möt narigetka mönö buŋaŋini akŋa.” Mewö.
23928	MAT 21:33	Jisösnöŋ jiyök, “Dopkeu kun kewö mötme: Gölme toŋi kunöŋ wain kösö nup kun köla kömörök. Köla kömöta selŋi memba liliköyök. Mem liliköba kötnöŋ wain jout ketaŋi kötnöŋ meyök. Miaŋgöreŋ waingö ölŋi ala könanöŋ tözöhölget oŋan lalanöŋ geyök. Wain jout ketaŋi mi kötnöŋ memba wain yoŋgorö membepuköra galöm meme jake köröpŋi köweŋambuk meyök. Yuai pakpak mem teköba wain nup galöm tosatŋi miwikŋaim eŋgiba kewö jiyök, ‘Mönö nup memba ölŋaŋgö bahöŋi nanŋini memba bahöŋi toŋi ni niŋgime.’ Mewö jiba nup mi böröŋine ala eŋgömosöta kantri kunöŋ anda malök.
23935	MAT 21:40	Wain nup toŋan mi möta kaba nup galöm mi mönö denöwö ak eŋgima?”
24055	MAT 24:29	“Wahöjaliŋ nalö miaŋön teköiga miaŋgöreŋök wehön jeŋan injaŋ köliga köiŋnöŋ ömuŋ kölma. Seŋgelau yeŋön suepnöhök teköba etme aka suepnöŋ uturuköiga miaŋgö öröyuaiŋi mi tatatŋini mosöta eŋololoŋ aketka sohoma.
24058	MAT 24:32	“Iŋini geröp ip eka tandökŋi mötmöriba dopkeu ki mötme. Böröŋan lök oŋambuk aiga sinŋini yoŋgoigetka mi eka möta kewö jimakze, ‘Wehön nalöŋan mönö dopdowiza.’
24251	MAT 27:53	Wahöta qaksirigö köt köteŋini mosöta Jisösnöŋ kömupnöhök wahöröhi, miaŋgö andöŋe Jerusalem siti töröŋi miaŋgöreŋ kaba ambazip gwötpuk asuhum eŋgigetka eŋgeget.
24315	MRK 1:31	Jiget möta yaŋgöreŋ anda böröŋe memba kököbiiga wahörök. Wahöriga silekönöpŋan mosöriga nene ohoba gumohom eŋgiyök.
24361	MRK 3:4	Mewö jiba kewö jii mötket, “Köna keu wuataŋgöba Sabat kendonöŋ yuai ölöpŋi me bölöŋi akin? Ölöp kungö bohonŋi jöhöbin me mosöringa kömuma? Wanat kun meinga dop kölma?” Mewö jii möta göröŋ alget.
24365	MRK 3:8	Siti bohonŋi qetŋi Jerusalem, Saut prowins qetŋi Aidumia aka Jordan o likepŋeyök Wehön Kotkotŋe yeŋön aka Wehön Gegeŋe görökenök taon qetŋiri Taiö aka Saidon liliköba maljei, yeŋön mohok kambulelembenöŋ öröba kaget. Jisösnöŋ aŋgöletot ketaŋi ketaŋi memba malöhi, miaŋgö buzupŋi möta mindiqindiriba kaŋgotket.
24427	MRK 4:35	Wehön miaŋgöreŋ mare aiga Jisösnöŋ gwarekurupŋi kewö jii mötket, “Mönö mosöta aŋgö kutuba likepŋe aŋgotpin.”
24428	MRK 4:36	Mewö jiiga ambazip kambu eŋgömosöta Jisös waŋgigetka waŋgenöŋ tari anget. Waŋge tosatŋi mi mewöyök yembuk awataŋ anget.
24476	MRK 5:43	Welipkögetka miaŋgö buzupŋi kun jiget mötpepukö jiba soŋgo köhöikŋi al eŋgiyök. Al eŋgiba ambi moröŋi numbu nene waŋgiget nemapkö jiyök. Mewö.
24492	MRK 6:16	Mewö jigetmö, kiŋ Herodnöŋ mi möta kewö jiyök, “Jon o melun azi nöŋön jibi jölŋi kutugeri, yaŋön mönö kömupnöhök wahöta malja.” Waimanjat möta Mewö jiyök.
24498	MRK 6:22	Kaba tatketka Herodiasgö böratŋan miri miaŋgö uruŋe kaŋgota danis aliga Herod aka yambuk tebol liliköba tatkeri, yeŋön miaŋgö eksihimŋi gwötpuk mötket. Mewö mötketka kiŋnöŋ ambi seramgöra kewö jiyök, “Böratni! Wani yuaigöra sihimgi mötzani, mi ölöp qesinöŋga tököm gihimam.”
24499	MRK 6:23	Mewö jiba keu mi jöjöpaŋ keunöŋ jim köhöiba kewö jii mörök, “Wani yuaigöra qesim niŋgimani, mi mönö ölöp gihimam. Yuai mi me mi me prowins galöm kölakzali, mi tok ölöp endeŋda likepŋi kun gihibiga galömŋi akŋan.”
24510	MRK 6:34	Aŋgotketka Jisösnöŋ waŋgenöhök eta ambazip kambu ketaŋi eŋgehiga lama galömŋini qahö tandök iliŋgösöŋ laŋ malgetka yeŋgöra wösöŋi mörök. Wösöŋi möta könahiba Buŋa keu könaŋi könaŋi kusum eŋgiyök. Mewö.
24530	MRK 6:54	Waŋge mosöta Saknöŋ gegetka ambazipnöŋ Jisös miaŋgöreŋök möt kutum waŋgiget.
24543	MRK 7:11	Mewö jim kutuyökmö, iŋini keu mi oŋgita kewö jimakze, ‘Kunŋan iwinamŋi yetköra kewö jima. Wösöni mötzal. Nöŋgö naŋgönaŋgö yuaini buŋa qem aŋgubahorak, mi lök Anutugö daŋge tahaya albi ahöza. Mi saiwap naluköra kewöta albi ahöza.
24586	MRK 8:17	Mi eraum mötket kezapŋe geiga kewö jii mötket, “Wuanöŋgöra beretnini qahö jiba eraum mötze? Nöŋgö könaŋamni mi wuanöŋgöra qahö möt kutuze? Mi tok qahö möt asarize me? Urukezapŋinan gwözöŋda tatza me?
24609	MRK 9:2	Wehön 6 teköiga Jisösnöŋ Pitö, Jeims aka Jon eŋguaŋgita ambazip eŋgömosöta nanŋinök kunduŋi köröpŋi kunöŋ öŋgöba kötikŋe malget. Miaŋgöreŋ malgetka jemesoholŋine kiniga Jisösgö sile tandökŋan letota murutŋi ahök.
24633	MRK 9:26	Jim waŋgiiga qeta silata morö mi utuköba könöpuk urepköm waŋgii wölöhariiga utala kota anök. Kota aniga qeba qamöt tandök aka ahöiga gwötpukŋan mi eka “Wösöŋi alja!” jiget.
24712	MRK 11:3	Pösarohotka kunŋan ‘Wuanöŋgöra mewö akzahot?’ jiba qesim etkiiga kewö jimahot, ‘Kembuniran mönö miaŋgöra osiba jiiga kazira zilaŋ meleŋniga kunbuk ki kama.’
24733	MRK 11:24	Miaŋgöra nöŋön kewö jibi mötme: Wani yuaigöra qesiba köulukömei, mi pakpak lök buŋa qem aŋguzin, mewö möt narigetka mönö buŋaŋini akŋa.
24743	MRK 12:1	Jisösnöŋ könahiba ambazip dopkeunöŋ kewö jii mötket, “Azi kunöŋ wain kösö nup kun köla kömörök. Köla kömöta selŋi memba liliköyök. Mem liliköba wain jout ketaŋi kötnöŋ meyök. Miaŋgöreŋ waingö ölŋi ala könanöŋ tözöhölget oŋan lalanöŋ geyök. Wain jout ketaŋi mi memba wain yoŋgorö membepuköra galöm meme jake köröpŋi köweŋambuk meyök. Yuai pakpak mem teköba wain nup galöm tosatŋi miwikŋaim eŋgiba kewö jiyök, “Mönö nup memba ölŋaŋgö bahöŋi nanŋini memba bahöŋi toŋi ni niŋgime.” Mewö jiba nup mi böröŋine ala eŋgömosöta kantri kunöŋ anda malök.
24751	MRK 12:9	Wain nup toŋan mi möta mönö denöwö akŋa? Yaŋön mönö nanŋak kaba nup galöm mi köndeŋ eŋgima aka nup galöm dölökŋi miwikŋaim eŋgiba wain kösö nupŋi yeŋgö böröŋine alma.
24810	MRK 13:24	Wahöjaliŋ mi teköiga nalö miaŋgöreŋök wehön jeŋan injaŋ köliga köiŋnöŋ ömuŋ kölma.
24814	MRK 13:28	Iŋini geröp ip eka tandökŋi mötmöriba dopkeu ki mötme. Böröŋan lök oŋambuk aiga sinŋan yoŋgoigetka mi eka möta kewö jimakze, ‘Wehön nalöŋan mönö dopdowiza.’