11	GEN 1:11	Ölöwahiga kewö jim kutuyök: “Gölme qakŋe mönö yuai görökŋi (töŋgönŋi) pakpak kewö asuhuba wahötme: Gwözözak yuai kötŋinambuk mi mönö asuhuba wahöta kötŋini kuŋguba söhömakŋe. Ip kösö tandökŋini könaŋi könaŋi mönö gölmenöŋ asuhuba ölŋini kötŋinambuk kuŋguba söhömakŋe.” Mewö jim kutuiga mönö kewö asuhuyök:
22	GEN 1:22	Ölöwahiga kötuetköm eŋgiba keu kewö jiyök: “Iŋini mönö köt moröŋinambuk jul sehiba o köwet dop köla malme aiga nei iŋini mönö mewöŋanök gölme qakŋe ahum sehime.”
40	GEN 2:9	Al waŋgiba jiiga gölmenöhök ip tandökŋini könaŋi könaŋi asuhuba wahötket. Ip mi eksihimŋinambuk aiga ölŋini neneŋi mi nahömŋinambuk. Oyaeŋkoyaeŋ nup bibiŋe malmal köhöikŋaŋgö ipŋi aka mötkutukutugö ipŋi mi mohotŋe jim kutuiga asuhuyohot. Mötkutukutugö ipŋaŋgö könaŋi kewö: Ölŋi nemba miaŋön ölöpŋi aka bölöŋi mietkö könaŋiri mi möt kutubahotpuk.
85	GEN 4:5	Ölöwahökmö, Kembunöŋ Kein aka yaŋgö jöwöwölŋi mi ek tököyök. Mewö aiga Keingö irimŋi seholiiga kömbuhiba jemesoholŋan bosoliyök.
114	GEN 5:8	Öŋgögetka Setnöŋ mala mala öŋgöba yambuŋi mindiriba 912 meköba kömuyök.
117	GEN 5:11	Öŋgögetka Enosnöŋ mala mala öŋgöba yambuŋi mindiriba 905 meköba kömuyök.
120	GEN 5:14	Öŋgögetka Kenanöŋ mala mala öŋgöba yambuŋi mindiriba 910 meköba kömuyök.
123	GEN 5:17	Öŋgögetka Mahalalelnöŋ mala mal öŋgöba yambuŋi mindiriba 895 meköba kömuyök.
126	GEN 5:20	Öŋgögetka Jarednöŋ mala mala mal öŋgöba yambuŋi mindiriba 962 meköba kömuyök.
129	GEN 5:23	Öŋgögetka Enoknöŋ mala mal öŋgöba yambuŋi mindiriba 365 meköyök.
133	GEN 5:27	Öŋgögetka Metuselanöŋ mala mala mal öŋgöba yambuŋi mindiriba 969 meköba kömuyök.
137	GEN 5:31	Öŋgögetka Lameknöŋ mala mala mal öŋgöba yambuŋi mindiriba 777 meköba kömuyök.
157	GEN 6:19	Öŋgöba mala yuai malmalŋinambuk pakpak mi qahöwak teköbepuköra yeŋgöreŋök yahöt yahöt aziŋi aka ambiŋi mi dopŋine eŋguaŋgitnöŋga göbuk mohotŋe waŋgenöŋ öŋgöme.
164	GEN 7:4	Öŋgögetka wehön 7 teköiga jim kutubiga kie römbum ketaŋan mönö gölmenöŋ eta yöhöiga suŋgem silim 40:gö dop toroqeba yöhöm teköma. Mewö yöhöiga yuai isikusukŋinambuk pakpak miwikŋaim eŋgiali, mi mönö mohotŋe jim teköbiga gölmenöhök qahöwakŋe.”
178	GEN 7:18	Öŋgöiga o yeŋön gölme qakŋe qariba qariba öŋgögetka waŋgenöŋ o qakŋe nanŋök öne laŋ anda kaba ahöyök.
194	GEN 8:10	Öŋgöiga wehön 7:gö dop toroqeba mamböt mala miaŋgöreŋ kembö mi kunbuk waŋgenöhök melaiiga anök.
315	GEN 12:16	Öŋgögetka Farao kiŋnöŋ Saraigöra aka Abram ölöpŋanök ak waŋgiyök. Mewö ak waŋgiiga yuai kewöŋi mi Abramgö buŋaya ahök: lama, bulmakau, doŋki aziŋi aka ambiŋi, welenqeqe azi aka ambi aka kamel jesöŋgöŋi mi Abram waŋgiiga buŋa qem aŋguyök.
348	GEN 14:11	Öŋgögetka kiŋ 4 mieŋön Sodom aka Gomora anda sukinapŋini aka numbu neneŋini pakpak mi kiom köla memba tököba anget.
461	GEN 19:3	Mewö jiyohotmö, Lotnöŋ kapaŋ köhöikŋi köla jiba etkuaŋgita nanŋi miriŋe anda öŋgöget. Öŋgöba welenqeqeurupŋi jim kutum eŋgiiga bered yistŋi qahö ohoget. Mewöyök numbu nene nahömŋambuk möhamgöba ohoba etkigetka neyohot.
492	GEN 19:34	Ahöba wahöta böratŋi ketaŋan munŋaŋgöra kewö jiyök: “Nöŋön uran suŋgem iwinambuk ahöyal. Ölöp merak suŋgem mewöyök wain o kunbuk waŋgizi nemba uruŋi eŋololoŋ aiga göŋön mönö anda yambuk ahömahot. Mewö ahöba iwiniraŋgöreŋök gölöm ala gwölönarök miwikŋaiziga könagesöninan toroqeba malme.”
606	GEN 24:14	Kagetka kewö asuhumapköra köuluközal: Nöŋön ambi seram kungöra kewö jimam: ‘Gi ölöp köuraŋengi möŋgoninöŋga (mondokönöŋga) o nembileŋak.’ Mewö jibiga yaŋön kewö meleŋda jima: ‘Ölöp nenöŋga kamelurupki mewöyök o gumohom eŋgimam.’ Mewö jimawi, ambi seram ia göŋön welenqeqe azigi Aisakö buŋaya qenöŋi, yaŋön mönö mia akŋa. Mewö asuhuiga göŋön ketaŋamnaŋgöra keu jim jöhönöŋi, miaŋön ölŋambuk akza, mewö mötmam.”
613	GEN 24:21	Mewö ahiga welenqeqe jembonöŋ göröŋ kinda i törörök eka kewö möta mötmöriyök: “Ölŋa, Kembunöŋ köna köröpŋi ki kayalaŋgö möriamŋi mi mönö kewö kondori asuhuza me denöwö?”
636	GEN 24:44	Mewö jibiga yaŋön kewö meleŋda jima: “Ölöp nenöŋga kamelurupki yeŋgö o mewöŋanök uba eŋgimam. “Mewö meleŋda jima ewö, nöŋön miaŋgöra kewö mötmam: Kembu göŋön i ketaŋamnaŋgö nahönŋaŋgö anömŋa akŋapköra möwölöhözan.’
637	GEN 24:45	Uruneyök köuluk mi qahö köuluköm teköbiga miaŋgöreŋök Rebeka yaŋön köuraŋen qamböŋe aŋguba miaŋgöreŋ kaŋgotza. Kaŋgota o lömŋe geba o uiga nöŋön yaŋgöra kewö jizal: ‘Ölöp o kun niŋginöŋga nembileŋak.’
638	GEN 24:46	“Mewö jibiga yaŋön zilaŋ köuraŋenŋi qamböŋeyök mei eriga kewö jiza: ‘Ölöp nenöŋga kamelurupki yeŋgö o mewöŋanök eŋgibiga neme.’ Mewö jii nembiga kamelurupni mi mewöyök o gumohom eŋgiza.
646	GEN 24:54	Etkiba i aka aziurupŋi yambuk kageri, yeŋön nene kuluŋ nemba tata mala suŋgem aiga ahöget. Ahöba söŋan wahötketka kewö jiyök: “Ölöp melaim niŋgigetka ketaŋamnaŋgöreŋ anmam.”
647	GEN 24:55	Mewö jiyökmö, nam nenŋi yetkön kewö meleŋnohot, “Ölöp nenböratniri mosötnöŋga toroqeba nalö tosatŋi silim ten mewö nembuk malma. Miaŋgö andöŋe ölöp i waŋgita anme.”
649	GEN 24:57	Mewö jii möta kewö jiyohot, “Ölöp ambi seram mi qetzi kaiga nanŋaŋgöra qesim waŋgibin.”
650	GEN 24:58	Mewö jiba Rebeka qerohot kaiga kewö qesim waŋgiyohot, “Gi azi kiambuk anmamgö mötzan me qahö?” Qesim waŋgiyohotka “Ölöp anmam,” jiyök.
721	GEN 26:28	Qesim eŋgiiga kewö meleŋget: “Kembunöŋ göbuk kinjawi, nini mi aukŋe ek kutuba mötzin. Miaŋgöra kewö mötmörizin: ‘Neŋön göbuk jöhöjöhö akingö sihimnini mötzin. Ölöp gi aka neŋgö sutnine jöhöjöhö aka mi jöjöpaŋ keunöŋ jim köhöininga kewö ahöma:
747	GEN 27:19	Mewö meleŋniga iwiŋaŋgöra kewö jii mörök: “Ni nahöngi mutukŋi Iso. Jim kutum niŋginöŋi, ni mönö miaŋgö dop ak teközal. Ölöp wahöta tata sömbupni memba kazali, mi nemba kötuetköm niŋgiman.”
801	GEN 29:5	Meleŋ waŋgigetka kewö qesim eŋgiyök: “Iŋini Nahorgö isiŋi Laban möt waŋgize me qahö?” Qesim eŋgiiga “Ölöp möt waŋgizin,” jiget.
809	GEN 29:13	Labanöŋ nenŋaŋgö nahönŋi Jeikobkö buzupŋi möta i ösumok miwikŋaimamgöra anök. Anda miwikŋaiba eka aŋgöm waŋgiba numbuŋi yöhötim nemba waŋgita miriŋe öŋgöyohot. Öŋgöba yuai pakpak asuhuyöhi, Jeikobnöŋ miaŋgö kösohotŋi jii mörök.
810	GEN 29:14	Mi möta kewö jiyök: “Ölöp, göŋön nani sepkitipni akzan. “Mewö jiiga köiŋ mohotkö dop yambuk tata malök. Mewö.
834	GEN 30:3	Mewö jiiga Reizölnöŋ kewö jiyök: “Nöŋgö welen ambini Bilha mi ki. Ölöp yambuk ahönöŋga nöŋgöra morö mema. Yaŋön nam köliga nöŋön mewöyök yaŋgöreŋök nahönbörat miwikŋaim eŋgiba namŋini aka malmam.”
846	GEN 30:15	Mewö jiiga Leanöŋ kewö jiyök: “Göŋön apni noaŋgitnöŋga dop kölmapkö mötmörialmö, gi mönö nahönaŋgöreŋ asagwalim amöt ki mewöŋanök noaŋgitmamgö mötzan. Mi qahö dop kölja. “Mewö jiiga Reizölnöŋ kewö jiyök: “Ölöp! Nahöngahöreŋ amöt mi niŋgiman ewö, mönö ölöp Jeikobpuk suŋgem ki ahömahot.”
906	GEN 31:32	Kainmö, kunŋan domlopioŋurupki meiga miwikŋaimani, i ölöp qenöŋga kömuma. Öröyuai pakpak memba maljali, mi ölöp tinitosolomurupniri yeŋgö jeŋine ek kewöta kinda göhöreŋ yuaigi kun miwikŋaiba eka mi ölöp meman. “Jeikobnöŋ mewö jiyökmö, anömŋi Reizölnöŋ domlopioŋ mi yoŋgorö meyöhi, apŋan mi qahö möröhaŋgöra mi tönpin jiyök.
908	GEN 31:34	Öŋgöyökmö, Reizölnöŋ domlopioŋurup mi memba gösönöŋ löŋgöta kamel qakŋe tatatkö dum uruŋe ala qakŋe öŋgöba qelanjim eŋgiba tarök. Mewö tariga iwiŋan opo koumŋaŋgö uruŋi körek qezaŋnökmö, mi qahö miwikŋaiyök.
990	GEN 34:9	Ölöp nembuk nenböraturupnini utekutek aka aŋguin anda kaiga malbin. Mewö ölöp qenaqena aka malbin.
1097	GEN 37:13	Miaŋgöreŋ malgetka Israelnöŋ Josef kewö jii mörök: “Nahöni, göhö darumunurupkan Sekem kösutŋe lama kambunini galöm köl eŋgiba maljei, mi mötzan. Ölöp kanöŋga melaim gihibi yeŋgöreŋ anman. “Mewö jiiga möta “Ölöp anmam,” jiyök.
1117	GEN 37:33	Mewö jigetka ek kewöta kewö jiyök: “Ki mi nahönaŋgöreŋ malukuya. Sömbup kalŋi kunŋan mönö yaijapaleleŋ qei kömuiga gwahörök. Ölŋa, Josef mi yöhöqöhötiiga boromborom ahök.”
1133	GEN 38:13	Öŋgöyohotka Tamargöra buzup kewö jigetka mörök: “Mötnöŋ, göhö azi irangan mönö lamaurupŋi yeŋgö jupŋini mitimamgöra aka Timna miri gölmenöŋ anja.”
1136	GEN 38:16	Iranŋa taröhi, mi qahö möt kutuyöhaŋgöra aka köna jitŋe yaŋgöreŋ anda kewö jiyök: “Ölöp kanöŋga nöŋön göbuk ahöbit. “Mewö jiiga möta kewö qesiyök: “Nömbuk ahömanaŋgö töwaŋi mönö wani yuaia niŋgiman?”
1162	GEN 39:12	Öŋgöiga ambi miaŋön Josefkö malukuŋe qelanjiba memba kewö jiyök: “Gi mönö kanöŋga nömbuk ahöbit. “Mewö jiyökmö, Josefnöŋ malukuŋi mi yaŋgö böröŋe mosöta ölöŋ köla diŋdiŋgöba sombemnöŋ sileŋe erök.
1203	GEN 41:7	Ölŋi morömorö kaŋgeŋinambuk mi ölŋi kaŋgeŋinambuk kötŋini ketaŋi ketaŋi kuŋgukuŋguŋi mi gwahöt eŋgiget. Farao kiŋnöŋ miaŋgöreŋök imbiŋi möta wahöriga ölŋi qahöpmö, mi gauna ahök.
1220	GEN 41:24	Ölŋi morömorö gilipitŋi kaŋgeŋinambuk mi ölŋi kaŋgeŋinambuk ölöp sorokŋi mi gwahöt eŋgize. Nöŋön gaun yahöt mi eka tiripqözölqözöl aziurupni jibi mötzemö, yeŋön körek mietkö könaŋiri jim asarim niŋgibingö osize.”
1247	GEN 41:51	Nahönŋi mutukŋi asuhuiga Josefnöŋ keu kewö jiyök: “Anutunöŋ bauköm niŋgiiga kahasililiŋ waimanjatni pakpak aka iwinaŋgö mirigö yuaiŋi pakpak mi lök ölum nuŋgui maljali, miaŋgöra. “Mewö jiba nahönŋaŋgö qetŋi Manase (Ölum nuŋguza.) qerök.
1427	GEN 47:6	Ijipt kantri ki aukŋe göhö jege ahözawaŋgöra ölöp iwi darumunurupki gölme bahöŋi kelökŋi ölöpŋi miaŋgöreŋ al eŋginöŋga malme. Ölöp Gosen prowinsnöŋ malme. Sutŋine nup qetpuk meme azi tosatŋi maljei, mi möt eŋgiman ewö, ölöp nöŋgö mirigö sömbup kambuni mi yeŋgö böröŋine al eŋginöŋga galöm köl eŋgiba malme.”
1527	GEN 50:20	Ölŋa, eŋön silik bölöŋan ayuhum niŋgibingöra kapaŋ köla aketmö, Anutunöŋ mi möŋaiiga salupŋe yuai ölöpŋi asuhumapköra kapaŋ köla ahök. Mewö aka kondota kuŋgum niŋgiiga könagesö gwötpuk eŋgö malmalŋini jöhöbiga miaŋgö ölŋan nalö kewöŋe aukŋe asuhuiga ek kutuzin.
7145	RUT 1:16	Mewö zöyöknöŋ, Rutnöŋ tondup muewö meleŋnök: “Ni gi gomosotmamgö de kapaŋ köla zöman. Ölip zönöŋga gowuk anbit. Gi denike denike anmani, nöŋgön mönö mewöyök gowuk miaŋgöreŋ anmam. Gi denike denike malmani, nöŋgön mönö mewöyök miaŋgöreŋ malmam. Göhö anbazip kiripki miŋgi mönö nöŋgö anbazip kiripna halgetka göhöreŋ Anutu mihi mönö nöŋgöreŋ Anutuya hali malmam.
7153	RUT 2:2	Nalö kunöŋ Moab anbi Rut yaŋgön iranŋi Naomikö muewö ezöyök: “Ölip zöm tekönöŋga nöŋgön nup kunöŋ anda anbazip bali ipŋi kohola iriremönŋi mosoramjei, mihi qendaŋda tokomam. Ni ölip aiwi kungö jeŋe eksihim miwikŋaiwiga ‘Oŋ!’ zöiga ölip yaŋgö andöŋe anda mihi tokomam.” Mewö zöiga Naominöŋ zöyök: “O böratni, ölip anman.”
7165	RUT 2:14	Numbu nene nalöŋan kaiga Boaznöŋ Rutköra muewö zöyök: “Ölip muhu kamba bered muŋgu memba kasaknöŋ kundumgöwa neman.” Mewö haliga nup anbazip yenguk tariga Boaznöŋ bali ohomqitiqitiŋi mihi waŋgiyök. Mihi waŋgiiga neiga tomeŋi juliga nene tosatŋi mosota tarök.
22603	JON 1:3	Mewö jiyökmö, Jonanöŋ möp Kembugöt jemesoholŋeyök ölöŋ köla wehön gegeŋe göröken anmamgörap wahörök. Wahöta miri qetŋi Jopa (Jaffa) miaŋgöreŋ geba waŋge kun miwikŋaiba “Ölöp yembuk Tarsis mire Spein kantrinöŋ anmam,” jiba köna söŋgöröŋi memba waŋgenöŋ öŋgöyök. Mewö öŋgöba Kembugöt jemesoholŋeyök mömölaköba anök.
23301	MAT 4:23	Jisösnöŋ anda Galili prowins uruŋe lökŋanök liliköba köuluk miriŋine öŋgöba bemtohoŋgö Ölöwak Buŋaŋi jim asariba uruŋini kuŋguba kusum eŋgiba malök. Mewö aka sutŋine ambazip kawöl aka jepajerepe könaŋi könaŋi eŋgöhöi malgeri, mi mem ölöwak eŋgiba malök.
23463	MAT 9:15	Mewö qesigetka kewö meleŋnök, “Ölŋa, nini wani nalönöŋ nene siŋgi malakzin? Ambi meme nalöŋe azigö andöurupŋan könöpŋi algetka ambigö sepkitipurupŋan yuai mi tökömakze me qahö? Nöŋön nani gwarekurupni yeŋgö azi buŋaya aka yeŋgö sutŋine köisirik tatzal. Tatpiga yeŋön miaŋgöra aijölöŋ söŋgaiba tata siŋgi malbingö osimakze. Osimakzemö, Anutunöŋ noaŋgiri kömumbiga yeŋön mönö nalö miaŋgöreŋ ölöp siŋgi malakŋe.
23465	MAT 9:17	“Mewöŋanök kunöŋ wain o dölökŋi mi jobö me toru walŋi lama sileŋan memeŋi miaŋgöreŋ qahö kusuiga gemakza. Mewö akawak ewö, wain o dölökŋan mönö qariba toru qesiŋniga jula mokoiga gölmenöŋ eta sohoiga toruŋan böliqölibepuk. Miaŋgöra wain o dölökŋi mi toru dölökŋeyök mokoin geiga dop kölma. Möwö ahinga mietkön ölöwakŋahot. (Mewöŋanök o ölöpŋi mi gina gisagisahöŋe qahö umakzin. Mewö ubinak ewö, miaŋön mönö jula kisipisirik eriga nemba kawöl neŋgöhöbapuk. Mewö akapuköra o ölöpŋi mi gina ölöpŋe umakzin. Iŋini mewöyök malmal walŋi aka Ölöwak Buŋa dölökŋi mi mindirim etkibingö osime.) Mewö.”
23483	MAT 9:35	Jisösnöŋ anda miri aka taon dop liliköba ambazip köuluk miriŋine kusum eŋgiba bemtohoŋgö Ölöwak Buŋa jim asariba miaŋön uruŋini kuŋguba uzi kawöl aka jepajerepe könaŋi könaŋi mem ölöwak eŋgiba malök.
23533	MAT 11:5	Jegömöl yeŋön jeŋini uba eketka lokon yeŋön köna anda kagetka uzikuku yeŋön solanigetka kezapduhup yeŋön keu mötketka kömuget yeŋön guliba wahötketka etqeqeŋi yeŋgöra Ölöwak Buŋa jim asaribiga mörakze.
23537	MAT 11:9	“Me wanat yuaia ekingöra anget? Kezapqetok azi kun ekingöra me? Ölŋa, nöŋön kewö jibi mötket: Azi ekeri, yaŋön mönö kezapqetok ambazip pakpak eŋgoŋgita tandökŋi kun akza.
23546	MAT 11:18	“Miaŋgö könaŋi kewö: Jon O-melun azinöŋ kaba nene siŋgi mala wain o qahö neiga yaŋgöra jimakze, ‘Öme kunöŋ uruŋe geiga malja.’
23580	MAT 12:22	Ömenöŋ azi kun töŋöt aka numbuŋi jöhöiga jeŋan gömölii mötök malöhi, mi waŋgita Jisösgöreŋ kaget. Jisösnöŋ i mem ölöwahiga ömeŋan kota mosöri nesilamŋan lolohoiga kunbuk keu jiba uba ehök.
23601	MAT 12:43	“Ömenöŋ azi uruŋeyök kota gölme qararaŋkölkölŋe anda laŋ liliköba mala luhut memamgö miri jaruba kun qahö miwikŋaima.
23603	MAT 12:45	“Mewö miwikŋaiba anda öme tosatŋi 7 eŋguaŋgitma. Öme 7 mi nanŋi oŋgita bölöŋi kötökŋi akze. Yaŋön mi eŋguaŋgiriga kaba miri mi öŋgöba miaŋgö uruŋe malme. Mewö aiga azi miaŋgö könaŋi mutuk kileŋkileŋ ahökmö, könaŋgep böliqölim teköma. Ambazip kambu bölöŋi ki merak gölmenöŋ maljei, eŋgöreŋ mewöyök mewö asuhuma.” Mewö.
23644	MAT 13:36	Jisösnöŋ söpsöp keu mi jim teköba ambazip kambu ketaŋi eŋgömosöta miri uruŋe öŋgöyök. Öŋgöiga gwarekurupŋan yaŋgöreŋ kaba kewö qesiba jiget, “Dorowet nene nupnöŋ asuhuyöhi, gi mönö söpsöp keu miaŋgö könaŋi jim asarim neŋgiman.”
23695	MAT 14:29	Jisösnöŋ mi möta “Ölöp kanöŋ,” jiyök. Mewö jiiga Pitönöŋ waŋge mosöta o aŋgö qakŋe tiba tiba könahiba Jisösgöreŋ anök.
23724	MAT 15:22	Aniga Kenan ambi, gölme miaŋgö toŋi kunŋan kaba Jisös uleta kewö qeta jiyök, “Kembu, Deiwidkö gwölönarökŋi, mönö ak kömum niŋgiman! Ömenöŋ böratni kölköljiŋjiŋ ak waŋgiiga sihimbölö ketaŋi mörakza.”
23759	MAT 16:18	Nöŋön kewö jibi mötman: Gi Pitö (nanine keunöŋ jamönjiŋ) aknöŋga nöŋön jamönjiŋ miaŋgö qakŋe urumeleŋ könagesönaŋgö tandöŋi albi naŋgöm eŋginöŋga uruŋini möhamgöba köhöiba kinme. Göŋön i galöm köl eŋginöŋga kömup Toŋan i senjom mirigö kiripo naŋguŋe öröm eŋgimamgö osima. Ömewöröme tosatŋi yeŋgö kukösumŋinan mewöyök i köndeŋda luhut al eŋgibingö osime.
23788	MAT 17:19	Ölöwahiga gwarekurupŋan mi eka nanŋinök Jisösgöreŋ kaba tata kewö qesim waŋgiget, “Neŋön mönö wuanöŋgöra mi naninök wuataŋgöbingö osizin?”
23790	MAT 17:21	(Öme tandökŋi mewöŋi mi mönö köuluköba nene siŋgi mala wuataŋgöbin. Yuai murutŋi kun ahinga qahö kota anma. Mewö.)
23863	MAT 20:2	Qesim eŋgiiga ‘Ölöp,’ jigetka silim mohotkö töwaŋini (Kina 5) eŋgimapkö urumohot aketka melaim eŋgiiga wain nupŋe anget.
23883	MAT 20:22	Mewö jiyökmö, Jisösnöŋ meleŋda kewö jiyök, “Iŋini miaŋgö könaŋi qahö möt yaköba uletze. Nöŋön qambi kakŋambuk nemami, iŋiri mi ölöp nemba sihimbölö mötmahot me qahö?” Mi möta “Ölöp nembit,” jiyohot.
23911	MAT 21:16	Urubölö aka kewö jim waŋgiget, “Morö mi keu qetzei, mi mötzan me qahö?” Jim waŋgigetka kewö meleŋ eŋgiyök, “Ölöp mötzal. Iŋini nalö kungen Buŋa keu ki oyoŋget me qahö, ‘Göŋön mönö nahönbörat aka morösepsep juzu nemakzei, mi kusum eŋginöŋga nangi törörök möpöseim gihimakze.’”
23960	MAT 22:19	Ölöp takis alalgö moneŋi kun kondel niŋgigetka eki.” Mewö jiiga silwö moneŋ (Kina 5) kun memba kaget.
23971	MAT 22:30	Ölŋa, kömupnöhök wahöta nalö miaŋgöreŋ awanöm qahö akŋemö, garata yeŋön Suep mire maljeaŋgö tandök aka malme.
24040	MAT 24:14	Anutugö bemtohoŋaŋgö Ölöwak Buŋa ki mönö mutuk gölmegö kantriŋi kantriŋi pakpak miaŋgöreŋ jim sehigetka könagesö dop naŋgönaŋgö keuŋi mötketkun gölmegö nalöŋan miaŋgö andöŋe teköma.” Mewö
24098	MAT 25:21	“Mewö jiiga azi kembuŋan kewö meleŋ waŋgiyök, ‘Mi ölöp. Gi nup meme azi ölöpŋi memburik-qemburiki qahö. Gi yuai awamŋi memba mi kapaŋkapaŋ aka galöm köla malnöŋga sehiyök. Miaŋgöra nöŋön yuai gwötpuk göhö böröge albi miaŋgö galömŋa malman. Ölöp kaba azi kembugi nöŋgö miri uruŋe kaŋgota mohotŋe sösöŋgai aka malbin.’
24100	MAT 25:23	“Mewö jiiga azi kembuŋan kewö meleŋ waŋgiyök, ‘Mi ölöp. Gi nup meme azi ölöpŋi memburik-qemburiki qahö. Gi yuai awamdökŋi memba mi kapaŋkapaŋ aka galöm köla malnöŋga sehiyök. Miaŋgöra nöŋön yuai gwötpuk göhö böröge albi miaŋgö galömŋa malman. Ölöp kaba azi kembugi nöŋgö miri uruŋe kaŋgota mohotŋe sösöŋgai aka malbin.’
24136	MAT 26:13	Nöŋön keu ölŋi kun kewö jibi mötket: Ölöwak Buŋa ki kantri igen waigen jim sehigetka anmawi, miaŋgöreŋ ambi kiaŋön yuai ak niŋgizawi, miaŋgö buŋaŋi mohok jiget sehiiga yaŋgöra mötmöriba malme.” Mewö.
24154	MAT 26:31	Öŋgöba Jisösnöŋ kewö jii mötket, “Kezapqetok azi kunöŋ keu kun kewö ohoi ahöza, ‘Nöŋön galömŋini qebiga lama kambuŋan deŋme.’ Miaŋgö dop eŋön körek suŋgem kiaŋgöreŋ uruŋini nöŋgöra aka böliiga nömosöta buratime.
24181	MAT 26:58	Angetka Pitönöŋ sikepsikep eŋguataŋgöba miaŋgöreŋ aŋgota jakömbuak mirigö kiripo uruŋe öŋgöyök. Öŋgöba teteköŋe denöwö asuhumawi, mi ekŋamgöra welenqeqe azi yeŋgö sutŋine tarök.
24209	MAT 27:11	Nalö miaŋgöreŋ Jisösnöŋ Pailötkö jeŋe kiniga kewö qesim waŋgiyök, “Ölŋa, gi Juda yeŋgö kiŋa akzan me qahö?” Qesim waŋgiiga Jisösnöŋ meleŋda jii mörök, “Mönö nangak jizani, mewö.”
24273	MAT 28:9	Ösumŋiran anohotka Jisösnöŋ i könanöŋ asuhum etkiba “Söŋanŋiri!” jiyök. Mewö jiiga kösutŋe anda sipköba könaŋe meraköba waikŋi memba möpöseim waŋgiyohot.
24285	MRK 1:1	Amötqeqe Toŋi Jisös Kraist mi Anutugö Nahönŋi akza. Nöŋön yaŋgö Ölöwak Buŋaŋi könahiba ohozal.
24298	MRK 1:14	Könaŋgep Jon kösö mire alget tariga Jisösnöŋ nalö miaŋgöreŋ Galili prowinsnöŋ liliŋgöba anök. Anda Anutugö Ölöwak Buŋaŋi jim asariba malök.
24299	MRK 1:15	Jim asariba kewö jiyök, “Anutunöŋ bemtohoŋi almawaŋgö nalöŋan mönö dopdowiza. Anutunöŋ nalö aliga mala malgetka dölki akza miaŋgöra mönö uruŋini meleŋda Ölöwak Buŋa möt nariget.”
24327	MRK 1:43	Solaniiga galöm meme keu köhöikŋi waŋgiba miaŋgöreŋök “Ölöp anman,” jiyök.
24348	MRK 2:19	Mewö qesigetka kewö meleŋnök, “Ölŋa! Nini wani nalönöŋ nene siŋgi malakzin? Ambi meme nalöŋe azigö andöurupŋan könöpŋi algetka ambigö sepkitipurupŋan yuai mi tökömakze me qahö? Nöŋön nani gwarekurupni yeŋgö azi buŋaya aka yeŋgö sutŋine köisirik tatzal. Tatpiga yeŋön miaŋgöra aijölöŋ söŋgaiba tata siŋgi malbingö osimakze.
24351	MRK 2:22	Mewöŋanök kunŋan wain o dölökŋi mi jobö me toru walŋi lama sileŋan memeŋi miaŋgöreŋ qahö kusuiga gemakza. Mewö akawak ewö, wain o dölökŋan mönö qariba toru qesiŋniga jula mokoiga gölmenöŋ eta sohoiga toruŋan böliqölibepuk. Miaŋgöra wain o dölökŋi mi toru dölökŋeyök mokoin geiga dop kölma. (Mewöŋanök o ölöpŋi mi gina gisagisahöŋe qahö umakzin. Mewö ubinak ewö, miaŋön mönö jula kisipisirik eriga nemba kawöl neŋgöhöbapuk. Mewö akapuköra o ölöpŋi mi gina ölöpŋe umakzin. Iŋini mewöyök malmal walŋi aka Ölöwak Buŋa dölökŋi mi mindirim etkibingö osime.) Mewö.”
24361	MRK 3:4	Mewö jiba kewö jii mötket, “Köna keu wuataŋgöba Sabat kendonöŋ yuai ölöpŋi me bölöŋi akin? Ölöp kungö bohonŋi jöhöbin me mosöringa kömuma? Wanat kun meinga dop kölma?” Mewö jii möta göröŋ alget.
24363	MRK 3:6	Ölöwahiga Farisi (Köna keugö kapaŋkölköl) yeŋön yaigep anda miaŋgöreŋök premiö Herodkö pati alaurup yembuk totoko ala “Jisös denöwö qein kömuma?” jiba keu nup meget. Mewö.
24366	MRK 3:9	Mewö kaŋgota utal waŋgibepuköra Jisösnöŋ gwarekurupŋi kewö jii mötket, “Ölököm niŋgibepuköra iŋini mönö waŋge kun miwikŋaiba nöŋgöra dowe alget tarök.”
24368	MRK 3:11	Ömeŋi ömeŋi yeŋön Jisös eka jemesoholŋe gölmenöŋ geba kewö qetket, “Gi Anutugö Nahönŋi akzan!”
24387	MRK 3:30	“Ömenöŋ uruŋe geyöhawa malja,” Jigeraŋgöra aka mewö kusum eŋgiyök. Mewö.
24421	MRK 4:29	Ölŋi qarim teköba öliiga ölŋi memegö nalöŋi aiga welenqeqeurupŋi melaim eŋgiiga souŋini kapeŋkapeŋgöŋi jitŋinambuk memba ölŋi membingöra nupŋe anme.” Mewö.
24440	MRK 5:7	Simin köliga Jisösnöŋ ömeŋi mi kewö jim waŋgimamgöra ahök, “Öme bölöŋi! Gi mönö azi ki mosöta anöŋ!” Mewö jimamgöra aiga qet bölöbölö ketaŋi qeta jiyök, “Aek! Gi Jisös, Anutu öŋgöŋgöŋaŋgö Nahönŋi akzan. Gi denöwö ak niŋgimamgöra kazan? Nöŋön Anutugö jemesoholŋe ulet gihizal: Gi keu jöhöba jöjöpaŋ keunöŋ jim köhöiba mönö sihimbölö könöpŋambuk kude ak niŋginöŋ.”
24463	MRK 5:30	Ölöwahiga Jisösnöŋ miaŋgöreök ösumŋi kun kutuba anöhi mi möta ambazip kambu sutŋine liliŋgöba jiyök, “Daŋön malukuni misiriza?”
24474	MRK 5:41	Öŋgögetka börat mi böröŋe memba yaŋgöra jiyök, “Talita kum.” Mi nanine keunöŋ Ambi moröŋi, ni göhöra jizal: Mönö wahötnöŋ!
24549	MRK 7:17	Jisösnöŋ mewö jiba ambazip kambu eŋgömosöta anda miri kunöŋ öŋgöyök. Öŋgöba tariga gwarekurupŋan dopkeu miaŋgö könaŋaŋgöra qesiget.
24561	MRK 7:29	Mewö meleŋniga Jisösnöŋ kewö jii mörök, “Keu mewö jizanaŋgöra ölöp möt gihizal. Öme miaŋön mönö dölki böratki mosöta anja. Miaŋgöra ölöp anman.”
24572	MRK 8:3	Yeŋgöreŋök tosatŋan köröwenök kaba malgetka nöŋön ‘Ölöp miriŋine anme,’ jibi nene qahö negetka öne melaim eŋgibiga könanöŋ anda mala kembaŋe jeŋini gili tirinbirin akepuk.”