60	GEN 3:4	Mewö meleŋda jiiga mokoleŋnöŋ ambigöra kewö jiyök: “Mi saumbaŋ! Iŋiri kude kömumahot.
155	GEN 6:17	Mötman! Nöŋön mönö jibiga göulu ketaŋan kota gölme jömukŋi köl turuiga ambazip aka yuai malmalgö ösumŋinambuk pakpak suep bapŋe maljei, mieŋön mönö o nemba nemulahöba kömume. Mewö kömumba gölmegö yuai pakpak mi mönö qahöwak teköme.
450	GEN 18:25	Göŋön mewö akŋangö osibanak. Mi yapmakek! (qahöpmahöp!) Göŋön ambazip solanŋi mi ambazip aŋgöjörakŋinambuk yembuk mohotŋe mindiriba eŋgunöŋga qahö dop kölbapuk. Mewö öröröŋ kömumbepuk. Göŋön gölme ambazip pakpak yeŋgö keuŋini jim tekömakzani, miaŋgöra mönö nanŋi könagi diŋdiŋi wuataŋgönöŋga dop kölma.”
479	GEN 19:21	Mewö jii mörohotka kunöŋ kewö meleŋnök: “Mi ölöp! Keu jizani, miaŋgöra mewöyök ölöp imbi köl gihimam. Taon moröŋaŋgöra jizani, mi qahö ayuhumam.
1114	GEN 37:30	Malukuŋi munjurata munurupŋi yeŋgöreŋ liliŋgöba kaba kewö jiyök: “Morö gwabönöŋ mönö denike ayapköba sohoza? Yei! Miaŋgö keuŋan nöŋgö qakne öŋgöiga mönö denöwö akileŋak?”
1143	GEN 38:23	Mewö jiiga Judanöŋ kewö jiyök: “O alani, muat! Yaŋön yuai mi ölöp memba malma. Yuai kun akirak, mönö gön köl netkigetka gamunöŋ turum netkibapuk. Nöŋön meme moröŋi gwaböŋi ki mi ölöp albiga anökmö, göŋön ambi mi qahö miwikŋainöŋ.”
1284	GEN 42:31	“Mewö ak neŋgiyökmö, nini yaŋgöra kewö jiin: ‘Nini azi diŋdiŋi muneŋnini qahö mala gölme ek kewötpingöra aka qahö kazin. Qahöpmahöp!
1332	GEN 44:7	Jii mötketka kewö meleŋ waŋgiget: “Ketaŋamninan keu tandökŋi mewöŋi mi mönö wuanöŋgöra jiza? Göhö welenqeqeurupki neŋön silik bölöŋi mewöŋi mi qahöpmahöp akzin. Mi yapmakek!
1342	GEN 44:17	Mewö meleŋnökmö, Josefnöŋ kewö jiyök: “Nöŋön yuai mewöŋi mi qahö ak eŋgimam. Mi saumbaŋ! Azi dagö toru gösöŋe qambi mi miwikŋaizawi, yaŋönök mönö nöŋgö welenqeqeni aka malmapmö, tosatŋi iŋini ölöp luai qakŋe liliŋgöba iwiŋinaŋgöreŋ mire anme.”
1362	GEN 45:3	Josefnöŋ sahöta kinda darumunurupŋi mi kewö jii mötket: “Ni Josef! Iwinan tok jebuk malja me qahö?” Mewö jii mötketmö, darumunŋan uruŋinan kot gwözöŋniga aurum tililiŋgöba jeŋe öne kinda keu kun qahö mötmöriba meleŋ waŋgibingö osiget.
1387	GEN 45:28	Könöpkönöp aka kewö jiyök: “O mi alakŋa! Mi möt köhöizal. Nahöni Josefnöŋ mönö toroqeba jebuk malja. Nöŋön mönö anda i ekagun könaŋgep ölöp kömumam. “Mewö.
7140	RUT 1:11	Mewö zöyöwötka meleŋda muewö etkezöyök: “O iranweitni, mönö nöpaköra noŋguk kambitkö halzawöt? Nöŋgön kunduk merö nahönweit membiga qariyöwötka etkömembawörak me? Mewö römöngöwawörak ewö, miaŋön qahö söpköza. Qahöpmahöp! Mönö dölmuhu liliŋgöwa anmawöt.
22607	JON 1:7	Mewö jiiga sutŋine kewö jiget: “Ayop möp kaget! Nini möp unju qeba azi dagöt siŋgisöndokörap ayuayuhu ki neŋgöt qaknine öŋgözawi, miaŋgöt könaŋi mewö miwikŋaibin.” Mewö jiba unju qegetka Jonanöŋ asuhuyök.
23264	MAT 3:3	Jongöra kezapqetok azi Aisaianöŋ keu kun kewö jiba ohoyök, “Kolek garata kunöŋ gölme qararaŋkölkölŋe qeta maliga anda jölŋi kewö mötme, ‘Kembunöŋ kamawo! Miaŋgöra mönö jöjöröba könaŋi mesatket. Mönö uruŋini mindiŋgöba könaŋi köl diŋgiba qölöleiget.’”
23374	MAT 6:23	“Asakŋe malmanmö, sihim kömbönaŋi bölöŋan me yuai kunŋan jegi mem böliba asakŋi közambötza ewö, miaŋön silegö malmalgi pakpak mewöyök mem söŋauiga pandaman uruŋe jipjap malman. Mewö aiga söŋaupnöŋ urugahö asakŋi közamböri söŋauza ewö, nangi pandamanöŋ mönö Yei! keta bölökŋi wewelipŋambuk akza.” Mewö.
23378	MAT 6:27	“Eŋgöreŋök kunŋan waimanjat aka mewö miaŋön gölmenöŋ malmawaŋgö nalöŋi mi sömaŋi mohotkö dop mem toroqema me qahö? Mi qahöpmahöp!
23549	MAT 11:21	“O Korazin toŋi, nöŋön eŋgöra Yei! jiba sahötzal aka Betsaida toŋi, eŋgöra mewöyök Yei! jiba sahötzal. Nöŋön yeŋgöreŋ anbiga keuni jibi sösönihii aŋgöletotni kukösumŋinambuk asuhugetmö, uruŋini töndup qahö meleŋget. Aŋgöletot mi kian gölmenöŋ Taiö aka Saidon sitinöŋ asuhubeak ewö, yeŋön mönö nalö köröpŋi uruŋini meleŋbingö kaisöpsöpŋi kondela dodohonöŋ aŋgömiriba kau ariba sahötpeak.
23551	MAT 11:23	“Aka Kaperneam toŋi, Anutunöŋ iŋini ölöp mem wahöt eŋgii Suep mire öŋgöbeak me qahöpto? Qahöpmahöp! Iŋini mönö kömupkö senjom mire kölölohoba geme. Nöŋön yeŋgöreŋ anbiga keuni jibi sösönii aŋgöletotni kukösumŋinambuk asuhugetmö, uruŋini töndup qahö meleŋget. Aŋgöletot mi Sodom taonöŋ asuhubeak ewö, taon miaŋön mönö nalö kewöŋe mewöyök toroqeba kinbawak.
23589	MAT 12:31	Miaŋgöra nöŋön keu kun kewö jibi mötme: Ambazip siŋgisöndok aka mepaqepaik pakpak ahakzei, mi Anutunöŋ ölöp mosörakzapmö, kunŋan Uŋa Töröŋi ilita mepaikömawi, miaŋgö siŋgisöndokŋi Anutunöŋ mönö nalö kunöŋ qahö mosötma. Saumbaŋ!
23662	MAT 13:54	Anda malqarip taonŋe aŋgota köuluk miriŋine öŋgöba Buŋa keu kusum eŋgiyök. Kusum eŋgiiga auruba welipköba kewö jiget, “Yei! Kezapjupjup! Yaŋön mötkutukutu ki aka aŋgöletot kukösumŋinambuk mi mönö denikeyök meza?
23724	MAT 15:22	Aniga Kenan ambi, gölme miaŋgö toŋi kunŋan kaba Jisös uleta kewö qeta jiyök, “Kembu, Deiwidkö gwölönarökŋi, mönö ak kömum niŋgiman! Ömenöŋ böratni kölköljiŋjiŋ ak waŋgiiga sihimbölö ketaŋi mörakza.”
23803	MAT 18:7	“Siŋgisöndokö supatitikŋan mönö awamŋanök asuhumakza. Miaŋgöra gölme ambazip eŋgöra Yei wösöbirik! mötzal. Kunŋan supatitik aŋgön kölmamgö osimakzapmö, kun daŋön tosatŋi kölgorom ak eŋgiiga siŋgisöndok akŋei, yaŋgöra mönö Yei! jiba sahötzal. Sihimbölö öŋgöŋgöŋan mönö yaŋgö qakŋe öŋgöma.
23828	MAT 18:32	“Mi möta ketaŋamŋinan welenqeqe mutukŋi mi qeri jeŋe kaŋgoriga kewö jii mörök, ‘Gi nup meme azi bölöŋi! Gi tosagi kutuba mosötmamgö qesim niŋginöŋga nöŋön mi pakpak mosöt gihizal.
23854	MAT 19:23	Mosöta aniga Jisösnöŋ gwarekurupŋi kewö jii mötket, “Nöŋön keu ölŋi kun kewö jibi mötme: Yei! Ambazip pomŋi yeŋön mönö Suepkö bemtohoŋnöŋ aŋgotpingö lömböriba kupuk-kapak akŋe.
23884	MAT 20:23	Jiyohotka kewö jii mörohot, “Mi ölŋa! Nöŋön qambi kakŋambuk nemami, iŋiri mi mewöŋanök nemahotmö, nöŋgö böröni ölŋe me qaniŋe daŋön tatmahori, nöŋön keu mi jim kutumamaŋgö dop qahö. Nöŋgö Iwinan dum yahöt mi denike yetköra mözözömgöyöhi, mi mönö yetköra etkiiga nömbuk tata galöm kölmahot.” Mewö.
23904	MAT 21:9	Tumbulgetka ambazip kambu jeŋe köl öröba angeri aka andöŋe wuataŋgöba kageri, yeŋön kewö jiba qetket, “Hosana! Anutu möpöseizin. Deiwidkö gwölönarökŋi owe owe! Kembugö qetŋe kamawi, Anutunöŋ mönö i kötuetköma. Hosana! Qetbuŋagi möpöseininga euyaŋgöreŋ öŋgöza! Owe owe!”
24000	MAT 23:13	“O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgözawaŋgöra mönö wölziköba Yei! jizal. Ambazip Suepkö bemtohoŋ uruŋe aŋgotpepukö naŋguŋi köla jöhömakze. Nanŋinak miaŋgö uruŋe qahö aŋgotze aka tosatŋan miaŋgö uruŋe aŋgotpingö akzei, iŋini i jöhöba aŋgön köl eŋgimakze.
24001	MAT 23:14	O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgözawaŋgöra mönö wölziköba Yei! jizal. Iŋini malö yeŋgöreŋ miri yuai bidaŋda gagabe köla eŋguaŋgirakze aka qetbuŋaŋini asuhumapköra aka köuluk köröpŋi köuluköba töptöpŋine qemakze. Miaŋgöra Anutunöŋ keuŋini jim teköba likepŋi öŋgöŋgöŋi meleŋni eŋgö qakŋine öŋgöma.
24002	MAT 23:15	“O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgöza-waŋgöra mönö wölziköba Yei! jizal. Iŋini kunöŋ Juda ambazip kun akŋapköra kapaŋ köla köwetŋi köwetŋi kutuba gölmeŋi gölmeŋi lilikömakze. Mewö aketka kunŋan Juda neŋgö ahakmemenöŋ qekötahömawi, i mönö kusum sohom waŋgigetka könöp siagö buŋaya kun akŋa. Nanŋini ewö qahöpmö, indimŋi yahöt nanŋini eŋgoŋgita böliqölima.
24003	MAT 23:16	“Jeŋinan gömöliiga ambazip böröŋine memba eŋguaŋ-girakzei, lömböt eŋgö qakŋine öŋgözawaŋgöra mönö wölziköba Yei! jizal. Iŋini keu kewö jimakze, ‘Kunŋan jöwöwöl jikegö qetŋe keuŋi jöjöpaŋ keunöŋ jim köhöima ewö, miaŋön qahö köhöimapmö, kunŋan jöwöwöl jikegö yuai goulnöŋ memeŋi miaŋgö qetŋe jöjöpaŋ keuŋi jima ewö, jöjöpaŋ keu miaŋön mönö jöhöm waŋgima.’
24004	MAT 23:17	“O jegömöl ambazip mötkutukutuŋini piromŋi! Yuai goulnöŋ memeŋi aka jöwöwöl jike yahöt mietköreŋök wani yuainöŋ öŋgöŋgöŋi akza? Goulnöŋ nanŋak kömbukŋi qahö akzapmö, jöwöwöl jikenöŋ algetka miaŋön mönö mi mem kömbuhiza.
24006	MAT 23:19	“O jegömöl ambazip! Naluk kötin aka alta mietköreŋök wani yuainöŋ öŋgöŋgöŋi akza? Naluknöŋ nanŋak eretŋi akzapmö, altanöŋ algetka miaŋön mönö naluk mem kömbuhiza.
24010	MAT 23:23	“O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgözawaŋgöra mönö wölziköba Yei! jizal. Iŋini nene pakpak mendeŋda bahöŋi 10 miaŋgöreŋök mohot Anutugö buŋaya qemakze. Gipŋi, raki aka kiap kösö köt mi mewöyök mendeŋda tenöhök mohot mi Anutugö buŋa qemakze. Naluk mi törörök alakzemö, Köna keugö kötŋi bohonŋi ki mönö oŋgita mosörakze: Gi ambazip sutŋine ahakmeme diŋdiŋi wuataŋgöba ak kömum aŋguba keu pöndaŋ wuataŋgöba malman. Keu bohonŋi mi mönö kapaŋ köla wuataŋgöba malme aka keu morömorö mi mewöyök kude oŋgita mosötme.
24012	MAT 23:25	O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgözawaŋgöra mönö wölziköba Yei! jizal. Iŋini amöt qem aŋgubingöra qambi aka al nenegö sileŋi saŋgoŋ yakömakzemö, dogo jimamoŋini qahö galöm köla yuai laŋ göröngöba membagun megetka nepaqepalok miaŋön uruŋini kokolak qei malje.
24014	MAT 23:27	O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgöza-waŋgöra mönö wölziköba Yei! jizal. Iŋini qaksirigö maripomŋi saŋgoŋgetka tuatŋi akeak, mönö miaŋgö dop akze. Sileŋinan eksihimŋinambuk tandök akzemö, qaksirigö uruŋe qamöt sihit aka yuai imbiloŋloŋambuk miaŋön kokolak qei ahöza.
24016	MAT 23:29	“O Köna keugö böhi aka miaŋgö kapaŋkölköl ambazip! Iŋini urumeleŋgö silesile ambazip aketka lömböt qakŋine öŋgöza-waŋgöra mönö wölziköba Yei! jizal. Iŋini kezapqetok ambazip yeŋgö qaksirinöŋ simen koum memakze aka ambazip solanŋi yeŋgö köt köteŋini meŋölömakze.
24051	MAT 24:25	Mötket! Nöŋön yuai pakpak mi qahö asuhuiga qeljiŋe lök jibi mötze.”
24083	MAT 25:6	“Gaun ahögetmö, suŋgem bibiŋe kunöŋ tömun qeri qet kewö mötket, ‘Mötket, azi buŋa kazawo! Mönö yaŋgöreŋ anda aitoŋgöme.’
24103	MAT 25:26	Mewö jiba mi waŋgiyökmö, azi kembuŋan meleŋda kewö jim waŋgiyök, ‘Gi injarere aka welenqeqe bölöŋi akzan! Gi könaŋamni möt yakönöŋ: Nanak nene kötŋi qahö qesiŋ gilbiga miaŋgöreŋ mönö töndup ölŋi sounöŋ yandiba memamgö mörakzal. Nanak padi kötŋi qahö esibi geiga miaŋgöreŋ töndup ölŋi qezakömamgö mörakzal. Nöŋgö tandökni mewö möt yaköbagun mönö wuanöŋgöra ak sohoba malnöŋ?
24147	MAT 26:24	Suep gölmegö azi ölŋan mönö yaŋgöra keu ohoget ahözawaŋgö dop ölŋa gölme mosöta anmapmö, kunŋan i mamalolo mem waŋgimawi, yaŋgöra mönö Yei! jiba sahötzal. Miaŋgö likepŋi kanjamŋambuknöŋ mönö yaŋgö qakŋe öŋgöma. Azi mi nam körö uruŋeyök qahö asuhubawak, miaŋön mönö amqem waŋgibawak.” Mewö.
24168	MAT 26:45	Gwarek yeŋgöreŋ liliŋgöba kaba kewö jii mötket, “Iŋini toroqeba luhut memba gaunök ahöbingö mötze me? Mötket! Kunöŋ Suep gölmegö azi ölŋi mamalolo mem waŋgiiga bölöŋi meme yeŋgö böröŋine öŋgöma. Miaŋgö aua nalöŋan lök kam kuŋguza.
24169	MAT 26:46	Mönö wahötketka anin! Mamalolo mem niŋgimawi, yaŋön mönö dowe ki kaza.” Mewö.
24175	MAT 26:52	Jisösnöŋ mi eka kewö jii mörök, “Mönö mosötnöŋ! Bimgö sou ketaŋi körök memei, i mönö körek bimgö sou ketaŋan eŋgui kömume. Miaŋgöra mönö sougi kupinŋe qenöŋ geyök!
24188	MAT 26:65	Keu mi jiiga jike nup galöm bohonŋan malukuŋi munjurata kewö jiyök, “Yei, iwinaŋgö jitŋi! Mönö Anutu mepaiköza. Tosatŋan keuŋi naŋgömegöra kunbuk qahö qesim eŋgibin. Anutu mepaiközawi, mi dölki nanŋinak möt teköze.
24196	MAT 26:73	Nalö borom kun teköiga azi kösutŋe kingeri, yeŋön Pitögöreŋ kota kewö jiget mörök, “Alakŋa! Göŋön mewöyök yeŋgöreŋök kun akzan! Galili keu jöl jizani, miaŋön mönö mewöyök mi kondeliga mötzin.”
24197	MAT 26:74	Mi möta könahiba nanŋi qesuahöm aŋguba jöjöpaŋ keunöŋ jim köhöiba jiyök, “Ni azi mi qahö möt waŋgizal! Muneŋ jibileŋak ewö, Anutunöŋ mönö likepŋi meleŋ niŋgima.” Mewö jiiga miaŋgöreŋök kuruk qerök.
24202	MAT 27:4	“Nöŋön siŋgisöndok aka azi köpösihitŋi qahö mi mamalolo mem waŋgibiga qeget kömuma.” Mewö jiyökmö, yeŋön jiget, “Mi neŋgöreŋ yuaia qahö! Mi mönö nangi manjara!”
24238	MAT 27:40	“Yei! Gi mönö jöwöwöl jike ölöp köndeŋnöŋga gölmenöŋ eriga wehön karöbutkö uruŋe kunbuk mem wahöt kuŋgumamgö jinöŋ. O, gi azi qetpuk! Gi Anutugö Nahönŋa akzan ewö, mönö ölöp nangi bauköm aŋguba maripomnöhök etman.”
24287	MRK 1:3	“Kolek garata kunöŋ gölme qararaŋkölkölŋe qeta maliga anda qetŋi kewö mötme, ‘Kembunöŋ kamawo! Miaŋgöra mönö jöjöröba könaŋi mesatket. Mönö uruŋini mindiŋgöba könaŋi qölöleiget’.”
24308	MRK 1:24	“O Jisös, Nazaret azia! Gi wania ak neŋgimamgö akzane? Mönö ayuhum neŋgimamgöra kazan me? Ni könaŋamgi möt kutuzal. Gi Anutugöreŋ azi Tök-kutukutuŋi mi akzan.”
24386	MRK 3:29	Saŋgoŋ eŋgimapmö, Kunŋan Uŋa Töröŋi ilita mepaikömawi, miaŋgö siŋgisöndokŋi Anutunöŋ mönö nalö kunöŋ qahö mosötma. Saumbaŋ! Siŋgisöndok miaŋön mönö qakŋe öŋgöiga nalö teteköŋi qahö Anutugö jeŋe keuŋambuk malma.” Mewö jiyök.
24416	MRK 4:24	Jisösnöŋ keu kewö jii mötket, “Keu mötzei, mi mönö möt aŋgön köla urukönimŋine ala köl guliba malme! (Mewö malgetka uruŋini diŋgiiga mötmötŋinan qariiga möt kömume.) Iŋini tosatŋi yeŋgö keuŋini kewöta jim tekömei, Anutunöŋ mönö jimkutukutuŋini mohot miaŋgö dop nanŋini keuŋini kewöta jim teköma. Dop mi mönö oŋgita likepŋi meleŋ eŋgima.
24430	MRK 4:38	Mewö aiga Jisösnöŋ waŋge teteköŋe tata qömböŋnöŋ nariba gaun ahöyök. Gaun ahöiga gwarekurupŋan anda möndöba jiget, “Hei böhi! Nini aŋgönöŋ ayuhubingöra akzin. Miaŋgö waimanjatŋi kun mötzan me qahö?”
24440	MRK 5:7	Simin köliga Jisösnöŋ ömeŋi mi kewö jim waŋgimamgöra ahök, “Öme bölöŋi! Gi mönö azi ki mosöta anöŋ!” Mewö jimamgöra aiga qet bölöbölö ketaŋi qeta jiyök, “Aek! Gi Jisös, Anutu öŋgöŋgöŋaŋgö Nahönŋi akzan. Gi denöwö ak niŋgimamgöra kazan? Nöŋön Anutugö jemesoholŋe ulet gihizal: Gi keu jöhöba jöjöpaŋ keunöŋ jim köhöiba mönö sihimbölö könöpŋambuk kude ak niŋginöŋ.”
24468	MRK 5:35	Keu mewö jiba kiniga köuluk mirigö keu galömŋaŋgö mireyök kunŋan welen kaba Jairusgöra jiyök, “Böratki kömuza! Miaŋgöra böhigö qakŋe lömböt toroqeba kude alman.”
24469	MRK 5:36	Jiiga Jisösnöŋ keu miaŋgö nönöŋgan aka köuluk mirigö keu galömŋi kewö jii mörök, “Keŋgötki kude mötnöŋ! Mönö ni möt narim niŋginöŋ.”
24474	MRK 5:41	Öŋgögetka börat mi böröŋe memba yaŋgöra jiyök, “Talita kum.” Mi nanine keunöŋ Ambi moröŋi, ni göhöra jizal: Mönö wahötnöŋ!
24478	MRK 6:2	Sabat kendonöŋ kaiga köuluk mire öŋgöba Buŋa keu könahiba kusum eŋgiyök. Kusum eŋgiiga möta ambazip gwötpukŋan auruba welipköba kewö jiget, “Yei, kezapjupjup! Yuai pakpak ki mönö denikeyök möta jiza? Mötkutukutuŋi mi mönö daŋön kusum waŋgiiga jiza? Aka aŋgöletot kukösumŋinambuk mewöŋi mi mönö daŋön inahöi böröŋan meiga asuhuze?
24545	MRK 7:13	Yei! Mewö aka nanŋini ahakmemeŋinaŋgö silikŋini jim kutuba miaŋön Anutugöreŋ jöjöpaŋ keu utala omaŋi aka pömsöm qemakza. Iŋini yuai mewöŋi gwötpuk ahakze.” Mewö meleŋ eŋgiyök. Mewö.
24566	MRK 7:34	Misiriba suepnöŋ ui öŋgöiga osoŋgombuk köuluköba nanŋe keunöŋ “Efata,” nanine keunöŋ Tohonöŋ! mewö jiyök.
24605	MRK 8:36	Kunŋan gölmeŋi gölmeŋi mieŋgö öröyuaiŋi pakpak köl öröi buŋaŋi an teköiga uruŋaŋgö malmalŋi mem sohoba silebile mala kömuiga Anutunöŋ keuŋi jim teköiga uŋaŋan ayuhuiga qahö dop kölma. Sukinapŋi miaŋön mönö urusösöŋgai qahö ak waŋgima. Qahöpmahöp!
24626	MRK 9:19	Mewö jiiga meleŋ waŋgiba jiyök, “Gölmegö yaŋgiseŋ ambazip yei! Mönö nalö dawik embuk mala qatön eŋgubiga Anutu qahö möt narigetka sihimbölö mötmam. I mönö waŋgita nöŋgöreŋ kaget.
24696	MRK 10:39	Jii möta jiyohot, “Mi ölöp membit.” Jiyohotka kewö jii mörohot, “Mi ölŋa! Nöŋön qambi asölŋambuk nemami, iŋiri mi mewöŋanök nemahot aiga jöm nöŋgwambuknöŋ melun mem niŋgimei, miaŋön mönö iŋiri mewöyök melun mem etkime.
24718	MRK 11:9	Tumbulgetka ambazip jeŋe köl öröba angeri aka andöŋe wuataŋgöba kageri, yeŋön kewö jiba qetket, “Hosana, owe owe! Anutu möpöseizin. Kembugö qetŋe kamawi, Anutunöŋ mönö i kötuetköm waŋgima.
24719	MRK 11:10	Kiŋ Deiwidnöŋ kantri tohoŋ kuŋguba galöm köl eŋgiyöhi, nalö mewöŋan mönö kunbuk kam neŋgiza. O Anutu mönö kantri tohoŋnini kötuetköman. Hosana! Qetbuŋagi möpöseininga euyaŋgöreŋ öŋgöza. Owe Owe!”
24762	MRK 12:20	Mötnöŋ! Nalö kunöŋ darumun 7 malget. Datŋini mutukŋan ambi memba mala gwölönarökŋi qahö öne mala kömuyök.
24765	MRK 12:23	Göŋön Kömugeri yeŋön guliba wahötme,’ jizanmö, nini mi qahö möt narizin. Mötnöŋ! Azi 7 pakpak mi öröröŋ wahötpeak ewö, ambi möhot mi anömŋina meget malöhaŋgöra aka mönö dagö anömŋa akawak?”
24768	MRK 12:26	Mötket! Kömugeri, yeŋön guliba wahötmegö keuŋi mi Mosesgö Buknöŋ kewö ahöza: Sötman köhösönöŋ könöp bölam ahuba qahö jem kutuyöhi, iŋini kösohot mi oyoŋget me? Anutunöŋ miaŋgöreŋ Moses kewö jii mörök, ‘Nöŋön Anutu Abrahamgö Kembu, Aisakö Kembu aka Jeikobkö Kembuya mala kota maljal.’
24771	MRK 12:29	Qesim waŋgiiga meleŋnök, “Bohonŋi ketaŋi mi kewö, ‘Israel könagesö mötket! Anutu mi Kembunini. Yaŋön Kembu mohot ahiga bem alaŋi kun qahö.
24787	MRK 13:1	Jisösnöŋ jöwöwöl jike mosöta eriga gwarekurupŋi yeŋgöreŋök kunŋan kewö jii mörök, “Böhi eknöŋ! Jikegö tohoŋ uruŋe miriŋi miriŋi mi mönö wewelipŋambuk. Mi kötnöŋ memba meŋölögetka ölöpbölöpŋi kinja.”
24803	MRK 13:17	Yei! Ambi gölömbuk aka morö juzunöŋ yeŋön nalö miaŋgöreŋ denöwö ösumŋinan anbeak.
24844	MRK 14:21	Suep gölmegö azi ölŋan mönö yaŋgöra keu ohoget ahözawaŋgö dop gölme mosöta anma. Anmapmö, mamalolo mem waŋgimawi, yaŋgöra Yei wösöbirik! jizal. Anutunöŋ mönö likepŋi öŋgöŋgöŋi meleŋ waŋgima. Azi mi nam köröuruŋeyök qahö ahubawak, miaŋön mönö amqem waŋgibawak.” Mewö.
24864	MRK 14:41	Jisösnöŋ ani indimŋi karöbut aiga liliŋgöba kaba kewö jii mötket, “Iŋini toroqeba luhut memba gaunök ahöbingö mötze me? Mötket! Kunöŋ Suep gölmegö azi ölŋi mamalolo mem waŋgiiga bölöŋi meme yeŋgö böröŋine öŋgöma. Miaŋgö aua nalöŋan lök kam kuŋguza. Eŋgö gaun ahöahö nalöŋinan mönö teköza.
24865	MRK 14:42	Mönö wahötketka anin. Mötket! Mamalolo mem niŋgimawi, yaŋön mönö dowe ki kaza.” Mewö.
24886	MRK 14:63	Keu mi jiiga jike nup galöm bohonŋan malukuŋi munjurata kewö jiyök, “Yei, iwinaŋgö jitŋi! Tosatŋan keuŋi naŋgömegöra kunbuk qahö qesim eŋgibin.
24906	MRK 15:11	Qesim eŋgiiga jike nup galöm yeŋön ambazip kambu uruesiesi mem eŋgiba kewö jiget, “Mönö Jisös mosöta Barabas pösatman! Mewö qesim waŋgime.”
24924	MRK 15:29	Ambazip oŋgita anda kaba kukulömbuaŋ aka jelikit aka nöröp köla kewö jiget, “Yei! Gi mönö jöwöwöl jike ölöp köndeŋnöŋga gölmenöŋ eriga wehön karöbutkö uruŋe kunbuk mem wahöt kuŋgumamgö jinöŋ. O, gi azi qetpuk!
24948	MRK 16:6	Awöwöligetmö, kewö jii mötket, “Mönö keŋgötŋini kude mötme. Iŋini Nazaret azi Jisösgöra jaruze. I maripomnöŋ qegetmö, mönö guliba wahörök. Miaŋgöra ki kude ahöza. Eket! Dumŋi ki, miaŋgöreŋ suluget ahöyök.
25098	LUK 3:4	Miaŋgö keuŋi mi kezapqetok azi Aisaianöŋ ohoi yaŋgö Buzup Kimbinöŋ kewö ahöza, “Kolek garata kunŋan gölme qararaŋkölkölŋe qeta maliga anda qetŋi kewö mötme, ‘Kembunöŋ kamawo! Miaŋgöra mönö jöjöröba könaŋi mesatket. Mönö uruŋini mindiŋgöba könaŋi qölöleiget.
25166	LUK 4:34	“Aek! Jisös, Nazaret azia! Gi wania ak neŋgimamgö akzane? Mönö ayuhum neŋgimamgöra kazan me? Ni könaŋamgi möt kutuzal. Gi Anutugöreŋ azi Tök-kutukutuŋi akzan.”
25238	LUK 6:23	Ambösakonurupŋinan miaŋgö dop kezapqetok ambazip yeŋgöra ak eŋgiba malget. Mötket! Anutunöŋ töwaŋini öŋgöŋgöŋi Suep mire ali ahöza. Miaŋgöra mewö ak eŋgigetka nalö miaŋgöreŋ mönö söŋgaiba köiraŋ kölme.
25257	LUK 6:42	Nangi jege ip sahötŋi ketaŋi ahözawi, mi qahö ek kutuba denöwögöra alagahö kewö jibanak, ‘Alani mötnöŋ! Jege euke gödöwöröt geba tatzawi, mi ölöp itaköbi etma.’ O urumeleŋgö silesile azi, gi mönö mutuk nange jegeyök ip sahötŋi (tapötŋi) ketaŋi mi memba gilman. Mi mem gilagun törörök ek kutuba alagahö jeŋe gödöwöröt geba tatzawi, mi ölöp itakönöŋga etma.” Mewö.
25363	LUK 8:49	Keu mewö jiba kiniga köuluk mirigö keu galömŋaŋgö mireyök kunŋan welen kaba Jairusgöra jiyök, “Böratkan kömuza! Miaŋgöra böhigö qakŋe lömböt toroqeba kude alman.”
25364	LUK 8:50	Jiyökmö, Jisösnöŋ keu mi möta köuluk mirigö keu galömŋi kewö jii mörök, “Keŋgötki kude mötman! Mohok-kun akŋan. Mönö ni möt narim niŋginöŋga böratkan ölöwakŋa.”
25395	LUK 9:25	“Kunŋan gölmeŋi gölmeŋi mieŋgö öröyuaiŋi pakpak köl öröiga buŋaŋi an teköiga uruŋaŋgö malmalŋi mem sohoba silebile mala kömuiga Anutunöŋ keuŋi jim teköiga könöp sianöŋ geba uŋaŋan ayuhuiga qahö dop kölma. Sukinapŋi miaŋön mönö urusösöŋgai qahö ak waŋgima. Qahöpmahöp!
25447	LUK 10:15	Aka Kaperneam toŋi, Anutunöŋ iŋini ölöp mem wahöt eŋgii Suep mire öŋgöbeak me qahöpto? Qahöpmahöp! Iŋini mönö kömupkö senjom mire kölölohoba geme.
25533	LUK 12:5	Mi qahöpmö, dagöra keŋgötŋini mötketka dop kölmawi, nöŋön mi kondel eŋgimam. Kun daŋön kukösum memba eŋgui kömugetka tötal eŋgii könöp sianöŋ gemei, yaŋgöra mönö keŋgötŋini möta malme. Eŋgöra keu mi kunbuk jizal: yaŋgöra mönö keŋgötŋini möta malme!
25547	LUK 12:19	Miaŋgöreŋ tariga nanaŋgöra kewö jimam: O gi simbawoŋ! Töhötmöriamgi mönö awamŋi qahö ahöm gihiza. Miaŋgöra mönö nene nem söŋgaiba yambuŋi yambuŋi siyoŋsayoŋi qahö luhut memba ösöŋ malman.’
25548	LUK 12:20	Mewö jiyökmö, Anutunöŋ kewö jii mörök, ‘O gi, urugi qahö! Nöŋön nalögi ala jim teköba uŋagi suŋgem kiaŋgöreŋök goaŋgitpiga kömuman. Kömunöŋga öröyuai pakpak buŋa qem aŋguba malnöŋi, mi mönö dagö buŋaya akŋapto?’
25553	LUK 12:25	“Eŋgöreŋök kunŋan waimanjat aka mewö miaŋön gölmenöŋ malmawaŋgö nalöŋi mi sömaŋi mohotkö dop mem toroqema me qahö? Mi qahöpmahöp!
25602	LUK 13:15	Mewö jiyökmö, Kembunöŋ meleŋda kewö jiyök, “O urumeleŋgö silesile ambazip! Iŋini pakpak bulmakau aziŋini me doŋkiŋini mi Sabat kendonöŋ mireyök pösata eŋguaŋgitketka onöŋ anda nemakze me qahö? Eŋgöreŋök kunöŋ mi qahö aŋgön köl eŋgimakza.
25603	LUK 13:16	Mötket! Ambi kiaŋön Abrahamgö gwölönaröha aiga Satanöŋ jöhöm waŋgii yambu (yara) köröpŋi 18:gö dop maliga nöŋön kösöŋi mi Sabat kendonöŋ pösatpi dop köl eŋgiza me qahö?”
25617	LUK 13:30	Mewö malmemö, mötket! Qöndökŋi yeŋgöreŋök tosatŋan mutukŋi akŋe aka mutukŋi yeŋgöreŋök tosatŋan qöndökŋi akŋe.” Mewö.
25622	LUK 13:35	Mötket! ‘Anutunöŋ mönö jike miriŋini andö qeiga sahopŋanök ahöma.’ Mewö ahömapmö, nöŋön kewö jibi mötket, iŋini ni kunbuk qahö nekŋemö, könaŋgep nalö kun kam kuŋgui miaŋgöreŋ neka kewö jime, ‘Kembugö qetŋe kam neŋgizawi, Anutunöŋ mönö i kötuetköm waŋgima.’ Mewö.”
25657	LUK 14:35	Nesak omaŋi mi gölme kelökŋambuk akŋapköra tokoba isoŋbasoŋ alakzinmö, howe nahömŋi qahö mi yuai kungöra qahö dop kölma. Qahö! Mi mönö önewat gölmenöŋ gilinga geba öne töhöntöhön ahöma. (Gi mewöŋanök nöŋgö gwarekni aka kembaŋe kutuba nömosötman ewö, mönö yuai omaŋi akŋan.) Kunŋan kezapŋambuknöŋ malja ewö, yaŋön mönö keu mi möt kutuma.” Mewö.
25693	LUK 16:4	Yaŋön galömkölköl nupni noaŋgitmawi, nöŋön nalö miaŋgöreŋ denöwö akiga tosatŋan miriŋine köl öröba köyan köl niŋgibeak? Aha! Köna kun mötmörizal.’
25728	LUK 17:8	Mewö qahö! Yaŋön mönö kewö jima: ‘Gi mönö o ariba möhamgöm aŋguba suŋgemgö neneŋamni ohoba ala niŋginöŋ nemam. Miaŋgö andöŋe nangi neneŋamgi ohom neman.’
25729	LUK 17:9	Mewö jim kutum waŋgiiga nup aziŋan jiyöhaŋgö dop nupŋi mem teköi dop köliga galömŋan miaŋgöra möpöseim waŋgima me qahö? Qahö!
25737	LUK 17:17	Saiwap! jiiga Jisösnöŋ meleŋda jiyök, “Mi ölöp akzanmö, azi pakpak 10 eŋgö sileŋinan lök solanim teköyök me? Azi 9 mieŋön mönö denike malje?
25741	LUK 17:21	Mötket! Anutugö bemtohoŋi mi sutŋine uruŋine asuhuba ahöza. Miaŋgöra mi kiaŋgöreŋ me enduyaŋgöreŋ ahözawi, mewö jibingö osimakzin.”