559	GEN 22:11	Atöŋniga miaŋgöreŋök Kembugöreŋ garatanöŋ Suepnöhök Abrahamgöra kewö qerök: “Abraham, Abraham!” Mewö qeriga “Ni ki kinjal,” jiba meleŋnök.
713	GEN 26:20	Mi miwikŋaigetmö, Gerar yeŋgö lama bulmakau galömŋinan Aisakö lama bulmakau galömurupŋi yembuk könahiba aŋgururuk aka keu kewö jiget, “O mi neŋgöreŋa!” Nanŋambuk aŋgururuk keu mewö jigeraŋgöra aka Aisaknöŋ o löm miaŋgö qetŋi Esek (Aŋgururuk) qerök.
1239	GEN 41:43	Mewö aka hos kare qetpuk sorokŋi nanŋi kareŋaŋgö qorembiŋi mi yaŋgöra jim teköiga miaŋgöreŋ öŋgöiga hosnöŋ örögetka anda kaba malök. Mewö anda maliga kiŋgö sikiriti yarö azi kunöŋ mutuk anda göda qem waŋgibingöra kewö qeri qetketka malök: “Kezap! Mönö kesalget!” Mewö ak waŋgiba Ijipt kantri pakpakö azi kembuya kuŋgum waŋgiyök.
1389	GEN 46:2	Mi ohoba suŋgem ahöiga jeŋi meleŋniga imut eka miaŋgöreŋ Anutunöŋ Israelgöra keu jiba qetŋi “Jeikob, Jeikob!” qeriga “Ni ki,” jiba meleŋnök.
7148	RUT 1:19	mohotŋamŋire anda mala Betlehem taonöŋ kauröwöt. Kauröwötka taongö anbazip patpat yengön i etkekta sösöŋgai ketaŋi möta tokoget. Anbi yengön qeta Naomikö yaizözökŋi muewö zöget: “Hei! I halakŋa Naomiya me denöwö? Oe oe oe!”
23727	MAT 15:25	Mewö meleŋniga ambi miaŋön kösutŋe kaba simin köl waŋgiba jiyök, “Kembu, mönö bauköm niŋginöŋ!”
23764	MAT 16:23	Qetal waŋgiiga liliŋgöba Pitö kewö jim waŋgiyök, “Gi keu mötmörizani, mi Anutugöreŋ keuya qahöpmö, gölme ambazip aka Satangö sihima. Gi nöŋgö köna utumamgö mötnöŋga urunan böliza. Miaŋgöra Satan, gi mönö dölki nöŋgö jemesoholneyök kesalnöŋ!” Mewö.
23776	MAT 17:7	Mewö mötketka Jisösnöŋ yeŋgöreŋ kaba sileŋini oseiba kewö jii mötket, “Mönö wahötket. Keŋgötŋini kude mötme!”
23891	MAT 20:30	Mewö kagetka jegömöl azi yahöt köna jitŋe tarohot. Tarohotka “Jisösnöŋ neŋgoŋgitmamgö akza,” jiget möta kewö qerohot, “Kembu Deiwidkö gwölönarökŋi, mönö ak kömum netkinöŋ!”
23892	MAT 20:31	Mewö qerohotka ambazip kambu yeŋön keu bök tatmahotköra qetal etkigetmö, yetkön mönö kapaŋ köla kewö qerohot, “Kembu Deiwidkö gwölönarökŋi, mönö ak kömum netkinöŋ!”
23904	MAT 21:9	Tumbulgetka ambazip kambu jeŋe köl öröba angeri aka andöŋe wuataŋgöba kageri, yeŋön kewö jiba qetket, “Hosana! Anutu möpöseizin. Deiwidkö gwölönarökŋi owe owe! Kembugö qetŋe kamawi, Anutunöŋ mönö i kötuetköma. Hosana! Qetbuŋagi möpöseininga euyaŋgöreŋ öŋgöza! Owe owe!”
23910	MAT 21:15	Mewö asuhuyökmö, jike nup galöm aka Köna keugö böhi yeŋön aŋgöletot meyöhi, mi eket aka nahönbörat jöwöwöl jikenöŋ qeta “Hosana! Deiwidkö gwölönarökŋi owe owe!” jigeri, mi eŋgeka urubölö aket.
24029	MAT 24:3	Jisösnöŋ Oil ip kunduŋe anda tariga gwarekurupŋan nanŋinöhök yaŋgöreŋ kaba kewö qesim waŋgiget, “Böhi, keu jizani, miaŋgö ölŋi mönö wanat nalönöŋ asuhum tiŋgitma aka göŋön kanöŋga gölmegö nalöŋan tekömamgö akŋawi, miaŋgö aiwesökŋan mönö denöwö asuhum? Mia ölöp jinöŋ mörin!”
24148	MAT 26:25	Mewö jiiga Judas mamalolo mem waŋgimawaŋön kewö meleŋda jiyök, “Böhi, mi mönö nöŋgöra jibanbuk?” Jisösnöŋ kewö jii mörök, “Jizani, mönö mewö!” Mewö.
24172	MAT 26:49	Mewö jiba kaba miaŋgöreŋök Jisösgöreŋ aŋgota “Böhi, bönjöŋ!” jiba numbuŋi yöhötim neyök.
24202	MAT 27:4	“Nöŋön siŋgisöndok aka azi köpösihitŋi qahö mi mamalolo mem waŋgibiga qeget kömuma.” Mewö jiyökmö, yeŋön jiget, “Mi neŋgöreŋ yuaia qahö! Mi mönö nangi manjara!”
24220	MAT 27:22	Mewö jigetka Pailötnöŋ kewö qesim eŋgiyök, “Mewö jizeaŋgöra Jisös, qetŋi Kraist qerakzei, nöŋön i mönö denöwö ak waŋgibileŋak?” Mewö qesim eŋgiiga yeŋön körek qetket, “Mönö maripomnöŋ qeget jiman!”
24221	MAT 27:23	Mewö qetketka premiönöŋ jiyök, “Mi wuanöŋgöra? Yaŋön mönö wani bölöŋa ahök?” Mewö jiyökmö, yeŋön mi möta kapaŋ köla toroqeba qet gigilahöba kewö qetket, “Mönö maripomnöŋ qeget jiman!”
24223	MAT 27:25	Mewö jiiga ambazip kambu körek pakpak yeŋön kewö meleŋget, “Sepŋaŋgö likepŋan mönö nini aka nahönböratnini neŋgö qaknine öŋgöma!”
24227	MAT 27:29	Löŋgöt waŋgiba sötman kösö limbiŋda ila ewö nöröpŋe kölget geyök. Geiga jehot kun böröŋi ölŋe ala simin köl waŋgiba göngönahit ak waŋgiba kewö jiget, “Owe owe, Juda yeŋgöreŋ kiŋ, owe!”
24368	MRK 3:11	Ömeŋi ömeŋi yeŋön Jisös eka jemesoholŋe gölmenöŋ geba kewö qetket, “Gi Anutugö Nahönŋi akzan!”
24378	MRK 3:21	Osigetka sepkitipurupŋan mi möta “Uruŋi lök sohoza!” jiget. Jiba geba waŋgitpingöra anget.
24431	MRK 4:39	Mewö jigetka imbiŋi möta luhut aka siri kewö jim qetal etkiyök, “Mönö bököba öne ahönöŋ!” Mewö jiiga luhutnöŋ döŋgöiga sirinöŋ nöŋ qeba ahöyök.
24440	MRK 5:7	Simin köliga Jisösnöŋ ömeŋi mi kewö jim waŋgimamgöra ahök, “Öme bölöŋi! Gi mönö azi ki mosöta anöŋ!” Mewö jimamgöra aiga qet bölöbölö ketaŋi qeta jiyök, “Aek! Gi Jisös, Anutu öŋgöŋgöŋaŋgö Nahönŋi akzan. Gi denöwö ak niŋgimamgöra kazan? Nöŋön Anutugö jemesoholŋe ulet gihizal: Gi keu jöhöba jöjöpaŋ keunöŋ jim köhöiba mönö sihimbölö könöpŋambuk kude ak niŋginöŋ.”
24525	MRK 6:49	O aŋgö qakŋe tiba tiba kaiga eka “Köwet Soŋgoriŋnöŋ kaza!” jiba könahiba qeta silatket.
24581	MRK 8:12	Mewö jigetka uruŋan lömböriiga osoŋgombuk qeiga jiyök, “O ambazip nalö kewöŋe gölmenöŋ maljei, iŋini mönö wuanöŋgöra Anutugö aiwesök asuhumapköra kapaŋ kölakze? Nöŋön keu ölŋi kun kewö jibi mötme: Anutunöŋ aiwesök mewöŋi mi qahö memba kondel eŋgima. Ombaŋ saumbaŋ!”
24633	MRK 9:26	Jim waŋgiiga qeta silata morö mi utuköba könöpuk urepköm waŋgii wölöhariiga utala kota anök. Kota aniga qeba qamöt tandök aka ahöiga gwötpukŋan mi eka “Wösöŋi alja!” jiget.
24704	MRK 10:47	Tariga “Nazaret-azi Jisösnöŋ kaza!” jiget möta könahiba kewö qerök, “Jisös Deiwidkö gwölönarökŋi, mönö ak-kömum niŋgiman!”
24705	MRK 10:48	Mewö qeriga gwötpukŋan bök tatmapköra qetal waŋgigetmö, yaŋön mönö kapaŋ köla qerök. “Deiwidkö gwölönarökŋi, mönö ak-kömum niŋginöŋ!”
24719	MRK 11:10	Kiŋ Deiwidnöŋ kantri tohoŋ kuŋguba galöm köl eŋgiyöhi, nalö mewöŋan mönö kunbuk kam neŋgiza. O Anutu mönö kantri tohoŋnini kötuetköman. Hosana! Qetbuŋagi möpöseininga euyaŋgöreŋ öŋgöza. Owe Owe!”
24758	MRK 12:16	Mewö jiiga mi memba kagetka kewö qesim eŋgiyök. “Dagöreŋ imut aka qet mi ki ohoget ahöza?” “Mi sisa kiŋgöreŋ!” Mewö meleŋda jiget.
24868	MRK 14:45	Mewö jiba kaba miaŋgöreŋök Jisösgöreŋ aŋgota “O Böhini!” jiba numbuŋi yöhötim neyök.
24908	MRK 15:13	Mewö qesim eŋgiiga kunbuk qetket, “Mönö maripomnöŋ qeget jiman!”
24909	MRK 15:14	Mewö qetketka Pailötnöŋ kewö jii mötket, “Mi wuanöŋgöra? Yaŋön mönö wani bölöŋa ahök?” Mewö jiyökmö, yeŋön mi möta kapaŋ köla toroqeba qet gigilahöba kewö qetket, “Mönö maripomnöŋ qeget jiman!”
24913	MRK 15:18	Mewö geiga könahiba waikŋi memba jölöŋi jiget, “Owe owe, Juda yeŋgöreŋ kiŋ, owe!”
25367	LUK 8:53	Mewö jiiga gönahit ewö aiga “Mönö kömuza!” möta gön köl waŋgiget.
25733	LUK 17:13	Kinda köhöikŋanök qeta jiget, “Ketaŋamnini Jisös, mönö neŋgöra ak kömum gihima!”
25795	LUK 18:38	Jigetka kewö qerök, “Jisös, Deiwidkö gwölönarökŋi! Gi mönö ak-kömum niŋgiman!”
25796	LUK 18:39	Mewö qeriga ambazip mutuk angeri, yeŋön bök tatmapköra qetal waŋgigetmö, yaŋön kapaŋ köla qet gigilahöyök, “Deiwidkö gwölönarökŋi! Gi mönö ak-kömum niŋgiman!”
25838	LUK 19:38	kewö jiba qetket, “Anutu möpöseizin. Kiŋ Kembugö qetŋe kamawi, Anutunöŋ mönö i kötuetköma. Luaigi aka qetbuŋagi möpöseininga Suepnöŋ euyaŋgöreŋ öŋgöza. Owe owe!”
25864	LUK 20:16	Yaŋön mönö nanŋak kaba nup galöm mi köndeŋ eŋgima aka nup galöm dölökŋi miwikŋaim eŋgiba wain kösö nupŋi yeŋgö böröŋine alma.” Jisösnöŋ dopkeu mewö jii möta jiget, “Mi qahö dop kölja. Yapmakek!”
25984	LUK 22:51	Erökmö, Jisösnöŋ meleŋda “Mönö mosötket!” jiba welenqeqegö kezapŋi yandiyöhi, mi misiriiga ölöwahök.
25997	LUK 22:64	Qeapköba jemesoholŋi esuhuba qesiba jiget, “Gi kezapqetok azia akzanaŋgöra daŋön guhuzawi, mönö yaŋgö qetŋi qetnöŋ!”
26011	LUK 23:7	Mewö jiiga “Mönö mi!” jiget möta Herodnöŋ Galili aka prowins tosatŋi mindiriba galöm köl eŋgiba nalö miaŋgöreŋök Jerusalem sitinöŋ kaba malöhi, miaŋgöra Pailötnöŋ Jisös Herodköreŋ waŋgita anget. Mewö.
26025	LUK 23:21	Jiyökmö, yeŋön qetala öraŋböraŋ misiba qet gigilahöget, “Maripomnöŋ qeget! Maripomnöŋ qeget!”
26096	LUK 24:36	Gwarekurupŋi yeŋön keu mi eraum möta tatketka miaŋgöreŋök Jisösnöŋ nanŋak sutŋine asuhuba kinda kewö jiyök, “Alaurupni, luainöŋ embuk ahöma!”
26134	JHN 1:21	Mewö jiiga kapaŋ köla qesim waŋgiget, “Gi mönö azi niŋia akzan? Gi Elaija (Elia) akzan me qahö?” Qesim waŋgigetka “Qahö!” jiyök. “Gi kezapqetok azi kun akzan me qahö?” Mewö qesigetka “Mewö qahö!” meleŋnök.
26152	JHN 1:39	Mewö jiyohotka meleŋnök, “Mönö kaba ehot!” Mewö meleŋniga wehön möŋaiiga 4 kilok miaŋgö dop ahök. Wehön möŋaiiga miaŋgöreŋ mohotŋe anda miri denike ahöba malöhi, mi eket. Mi eka miaŋgöreŋ yambuk malohotka miri söŋauba suŋgem aiga mosöta kayohot.
26156	JHN 1:43	Miri giaŋiiga Jisösnöŋ Galili prowinsnöŋ anmamgö möta anda könanöŋ azi qetŋi Filip miwikŋaiba kewö jii mörök, “Gi mönö ni nuataŋgöba kaman!”
26159	JHN 1:46	Natanaelnöŋ mi möta welipköba jiyök, “O Nazaret! Mi miri qandakŋa. Yuai ölöpŋi kun mönö miaŋgöreŋök asuhumawaŋgö dop qahö.” Mewö jiiga Filipnöŋ jii mörök, “Mönö kaba nangak ek kutuman!”
26162	JHN 1:49	Mewö jiiga Natanaelnöŋ meleŋda jii mörök, “O Ketaŋamni, gi mönö ölŋa Anutugö Nahönŋi akzan. Gi Israel neŋgöreŋ azi Kembuya maljan!”
26257	JHN 4:32	Mewö jigetmö, kewö jiyök, “Nöŋön neneŋamni qainŋi kun memba maljali, iŋini miaŋgö könaŋi qahö möt kutuze. Qahö!”
26461	JHN 8:11	Jii möta meleŋnök, “O Kembu, kunöŋ qahö jim teköm niŋgiza!” Mewö meleŋniga jii mörök, “Nöŋön mewöyök gi qahö jim teköm gihizal. Gi mönö dölki könahiba siŋgisöndok kunbuk kude aka malman.” Mewö.
26463	JHN 8:13	Mewö jiiga Farisi (Köna keugö kapaŋkölköl) yeŋön kewö jiget mörök, “Nanganök könaŋamgi naŋgöba jim asarimakzani, miaŋön mi qahö dop köl köhöiza. Qahö!”
26599	JHN 11:7	Mi mali nalö mi teköiga gwarekurupŋi yeŋgöra kewö jii mötket, “Nini mönö Judia prowinsnöŋ liliŋgöba anbin!”
26626	JHN 11:34	Jönömŋambuk undui qesim eŋgiyök, “I denike alget ahöza?” Qesim eŋgiiga jiget mörök, “Kembu, kewö kaba eknöŋ!”
26635	JHN 11:43	Mewö jiba imbiŋi memba wahöta ketaŋanök qeta kewö jiyök, “Lazarus, gi mönö wahöta kaŋgotnöŋ!”
26662	JHN 12:13	Keu mewö möta umji böröŋi memba könanöŋ miwikŋaibingö anda kewö jiba qetket, “Hosana, owe owe! Anutu möpöseizin. Kembugö qetŋe kamawi, Anutunöŋ mönö kötuetköma! Israel neŋgö Kiŋ Kembunini owe owe!”
26871	JHN 18:17	Gebitkö ahori, miaŋgöreŋ welenqeqe ambi sel naŋguŋi galöm kölöhi, yaŋön Pitö eka kewö qesim waŋgiyök, “Gi ölŋa mewöyök azi miaŋgö gwarek yeŋgöreŋök kun akzan me?” Mewö qesim waŋgii möta “Ni qahö!” jiyök.
26894	JHN 18:40	Mewö jii möta meleŋda kewö qetket, “Qahö, i qahöpmö, Barabas pösatnöŋga neŋgöreŋ etma!” Mewö qetketmö, Barabas yaŋön kegwek azia aka bim karim kun megeri, miaŋgö bohonŋi ahök. Mewö.
26897	JHN 19:3	Mewö aka kösutŋe areŋgöba kinda jiget, “Owe owe! Juda eŋgö Kiŋ Kembuŋini, owe!” Mewö jiba nuŋgulumŋe gwötpuk qekötahöget.
26899	JHN 19:5	Mewö jii mötketka Jisösnöŋ eta söndakŋe kini kewö eket: Tosatŋan kösö wahibuknöŋ ila köpeiba nöröpŋe köla maluku pisikŋi gugakgugakpuk köl waŋgigetka kiniga Pailötnöŋ jii kewö mötket, “Azi ölŋi ki eket!”
26908	JHN 19:14	Eta taröhi, Juda ambazipnöŋ wehön miaŋgöreŋ ak-kömukömu kendon tatpingöra jöjöröget. Wehön mi aiga silim bibiŋi dopdowiiga Pailötnöŋ dum tatatŋe tata Juda yeŋgöra kewö jii mötket, “Eket, eŋgö kiŋ kembuŋini ki!”
26909	JHN 19:15	Mewö jii möta qet gigilahöget, “Yapmakek! Yapmakek! Maripomnöŋ qeget kömuma!” Qet gigilahögetka kewö jiyök, “Eŋgö kiŋ kembuŋinaŋgö keuŋi jim teköbiga maripomnöŋ öŋgömapköra jize me?” Mewö jiiga jike nup galöm yeŋön meleŋda jiget, “Sisa kiŋnöŋ mohok kiŋ kembunina akza. Neŋgöreŋ kiŋ kembu murutŋi kun qahö ahöza!”
26955	JHN 20:19	Sonda miaŋgöreŋök miri söŋauiga gwarek yeŋön ömbibiŋe tokoba Juda yeŋgöra keŋgötŋini möta miri naŋguŋi köla ki namŋi misiget geiga tatket. Mewö tatketka Jisösnöŋ asuhuba sutŋine kinda kewö jiyök, “Alaurupni, luainöŋ embuk ahöma!”
26962	JHN 20:26	Mewö jiiga sonda mohot teköiga gwarek yeŋön Sonda miaŋgöreŋ kunbuk mire qezaköba naŋgu köla ki memba Tomasbuk mohotŋe tatket. Mohotŋe tatketka Jisösnöŋ kunbuk asuhuba sutŋine kinda kewö jiyök, “Alaurupni, luainöŋ embuk ahöma!”
26964	JHN 20:28	Mewö jiiga kewö meleŋnök, “O, gi nöŋgö Kembu Anutuna!”
26974	JHN 21:7	Mewö aiga Jisösgö wölböt gwarekŋi miaŋön Saimon Pitö kewö jii mörök, “Mi mönö Kembuya!” Mewö jiiga Kembugö qetŋi möta opo bindoŋanök jöhöba malöhaŋgöra silepökeŋi köpeiba miaŋgöreŋök o aŋgönöŋ luhuba geyök.
26979	JHN 21:12	Ölŋi mi eketka Jisösnöŋ kewö jii mötket, “Mönö kaba söŋangö neneŋi neget!” Mewö jii möta kaba “Mi Kembunina,” mewö möt kutugetmö, gwarek yeŋgöreŋök kunŋan “Gi daŋön?” mewö qesimamgö urulömböt aka qahö qesiyök.
26986	JHN 21:19	Jisösnöŋ kezapqetok keu mewö jiba Pitö kömumawaŋgö keu saiŋi indelök. Yaŋön kömup tandökŋi qainŋi kun kömuiga Anutugö qetbuŋaŋi qarimapköra mötmöriba mi jiyök. Keu mi jiba yaŋgöra jii mörök, “Gi mönö kaba ni nuataŋgöba malman!” Mewö.
27069	ACT 3:4	Ulet etkiiga jemesoholŋi uba eka Pitönöŋ kewö jii mörök, “Mönö niri netkeknöŋ!”
27071	ACT 3:6	Etkehiga Pitönöŋ jiyök, “Nöŋgöreŋ silwö me goul moneŋ qahö ahözapmö, nöŋgöreŋ yuai kun ahözawi, mi ölöp gihimam: Gi mönö Nazaret azi Jisös, Amötqeqe Toŋi Kraistkö qetŋe wahöta anman!”
27132	ACT 5:4	Gi miaŋgö toŋi aknöŋi, nalö miaŋgöreŋ mi nangi buŋaya ahök me? Aiga nup gölmegi bohonŋi megetka söŋgöröŋi kayöhi, moneŋ mi mönö göhö buŋaya ahök me? Gi mönö wuanöŋgöra urugan keu jöhöba yuai ki akzan? Gi muneŋ jiba mewö miaŋön ambazip qahö tilipköm neŋgizanmö, Anutu nanŋi mönö tilipköm waŋgizan!”
27136	ACT 5:8	Kaiga Pitönöŋ anömŋi Safaira kewö qesim waŋgiyök, “Iŋiri nup meme gölmeŋiri bahöŋi bohonŋi memegöra alohotka moneŋ kayöhi, mi miaŋgö dop me qahö? Mi jinöŋga mötpi!” Qesim waŋgiiga kewö meleŋnök, “Moneŋ mi ölŋa miaŋgö dop kayök.”
27143	ACT 5:15	Aposol yeŋön nup mewö megetka ambazip sehisehiŋan ölöwaket. Mewö ölöwakeraŋgöra aka tosatŋan kawöl ambazip eŋguaŋgita kululu köla aŋguba köna göraŋe mewöyök dum möhamgöba möki tumbula miaŋgöreŋ al eŋgiba kewö jiget, “Pitönöŋ kaba neŋgoŋgitmawi, imutimutŋan mönö nalö miaŋgöreŋ yeŋgöreŋök kungö qakŋe öŋgöi ölöwakawak!”
27152	ACT 5:24	Mewö jigetka jikegö kiripo galöm bohonŋi aka jike nup galöm bohonŋi yeŋön keu mi möta uruŋini lalalulu siksauk aiga jiget, “Opopoŋ! Merak mewö asuhuba könaŋgep kunbuk supapköiga denöwö akapuk!”
27153	ACT 5:25	Mewö jigetka kunŋan kota kewö jii mötket, “Mötket, azi kösö mire al eŋgigeri, yeŋön mönö jöwöwöl jikenöŋ kinda ambazip Buŋa keu kusum eŋgize!”
27154	ACT 5:26	Mewö jii mötketka jikegö kiripo galöm bohonŋan opotöröp eŋgömeiga anget. Anda “Ambazipnöŋ köt gila neŋgubepuk!” jiba keŋgötŋini möta lolonŋanök jöwöwöl jikenöŋ öŋgöba aposol eŋguaŋgita kaget.
27167	ACT 5:39	Mi qahöwakŋapmö, Anutugö mötmöt areŋnöhök ahubawak ewö, eŋön mönö qeburuŋ mi jöhöbingö osime. Iŋini Anutu nanŋi qetala tuarenjoŋ ak waŋgiba malbepuk. Nanŋini könaŋini mewö miwikŋaibepuköra mönö galömŋini mem aŋgume!”
27175	ACT 6:5	Mewö jigetka kambu pakpak yeŋön “Ölöp dop kölja!” jiget. Mewö jiba azi qetŋi Stiwen meköget. Stiwen mi Anutu köhöikŋanök möt narim waŋgiiga Uŋa Töröŋan uruŋi kokolak qei malök. Toroqeba azi kewö meköba möwölöhöm eŋgiget: Filip, Prokorus, Nikanor, Timon, Parmenas aka Nikolas. Nikolas mi kian kantrigö siti qetŋi Antiokia miaŋgöreŋ ahuba könaŋgep Juda azia aka uruŋi Kraistköreŋ meleŋnök.
27244	ACT 7:59	Mewö aka kötnöŋ gila qebayök kingetka Stiwenöŋ Anutugö köuluköba kewö jiyök, “O Kembu Jisös, gi mönö uŋani memba aŋgön kölman!”
27245	ACT 7:60	Mewö jiba siminŋan geba köla qet gigilahöba jiyök, “Kembu, siŋgisöndok ki akzei, miaŋgö lömbötŋi mönö yeŋgö qakŋine kude alman!” Mewö jiba nöŋ qeba kömuyök. Mewö.
27420	ACT 12:14	Qesiba kinda Pitögö jölŋi möt kutuba “I-ia kazan!” jiba söŋgaiba luhuba naŋgu qahö öröba ösumŋan miri uruŋe öŋgöba jiyök, “Pitönöŋ kaba naŋgunöŋ kinja.”
27421	ACT 12:15	Jii möta yaŋgöra “Urugi sohoi jizan,” jiget. Jigetmö, yaŋön bohon köla “Keu ölŋa jizal!” jiyök. Mewö jiiga jiget, “Mi mönö Pitögö garataŋan kinja.”
27475	ACT 13:44	Sabat kendon kun kam kuŋguyöhi, miaŋgöreŋ taon gölme miaŋgö ambazipŋi mi kölolohoba “Anutugö Buŋa keu mötpin!” jiba kaŋgota tokoget.
27488	ACT 14:5	Mewö aröŋda kingetka gölme toŋi aka Juda ambazip kianŋi yeŋön wahöta jitŋememeurupŋini yembuk urumohot aka melaimelai azi aposol mi “Kötnöŋ gila etkubin!” jiba mötmöriget.
27502	ACT 14:19	Listra yeŋön Pol Barnabas etkömosötketmö, Juda ambazip tosatŋan Antiokia taon aka Aikoniam siti mietköreŋök kaŋgota ambazip kambu urunöŋ gege ak eŋgiget. Ak eŋgiba yembuk öröröŋ luhuba Pol kötnöŋ qeba “Mönö kömuza!” jiget. Mewö jiba örörahöba taon andöŋe eta mosötket ahöyök.
27682	ACT 19:28	Demitriusnöŋ mewö jiiga suŋgurum alaurupŋan mi möta irimŋini seholiiga kewö jiba qet gigilahöget, “Efesus neŋgöreŋ Artemis mi öŋgöŋgöŋi!”
27688	ACT 19:34	Aiwesök mem eŋgiyökmö, Juda azia akzawi, mewö möt kutuba miaŋgöreŋök numbuŋini mindiriba körekŋan könahiba keu kewö qetket, “Efesus neŋgöreŋ Artemis mi öŋgöŋgöŋi!” Mewö qeta mala aua yahötkö dop silata qeta kinget.
27767	ACT 21:35	Waŋgita angetka ambazip kambu ketaŋi yeŋön könaŋine eŋguataŋgöba kaba kewö qetket, “Mönö qeget kömuma. Yapmakek!” Mewö qetketka yarö azi yeŋgö ain kiripo naŋguŋe aŋgoriga könöpuk anda kaba göjupmajup ketaŋi akeraŋgöra aka gwötpuk lömböriyök. Miaŋgöra yarö azi yeŋön Pol memba aŋguba anget. Mewö.
27943	ACT 27:20	Mewö memenjaliba anda mala suŋgem silim gwötpuk miaŋgöreŋ wehön me seŋgelau kun qahö ehin. Raidimbom miaŋön mewöyök köhöikŋanök toroqeba gila ahöyök. Gilayök ahöiga lömböriiga “Mönö qahöwakin!” jiba malmal jöhöjöhögö möta uruninan eri tötbörömnini tali tarin.
27982	ACT 28:15	Urumeleŋ alaurupninan Rom siti malgeri, yeŋön kainaŋgö keu buzupŋi mötket. Mi möta miwikŋaim neŋgibingöra tosatŋan wahöta (köna 43 mail kaba) miri qetŋi Apius Forum maket miaŋgöreŋ kaget. Tosatŋan (33 mail kaba) miri qetŋi Kian miri karöbut, miaŋgöreŋ kaba miwikŋaim neŋgiba aŋgehin. Aŋgeka Polnöŋ “Anutu saiwap!” jiba möpöseiba uruŋi amqeiga ölöwahök. Mewö.
28153	ROM 6:17	Iŋini mutuk siŋgisöndok Toŋaŋgö welenqeqeurupŋi aka malget. Mewö malgetka Buŋa keu mindiŋgöm eŋgimakŋapköra kusum eŋgigetka mötket. Mi möta miaŋgö dop uruŋini meleŋda nalö kewöŋe Buŋa keu törörök tem köla Anutugö könaŋi wuataŋgömakze. Mewö möta eŋgöra “Anutu saiwap!” jiba maljin.
28184	ROM 7:25	O Jisös Kraist Kembuni, mönö yambuk nam köla “Anutu saiwap!” jizal. Könaŋamnan mewö aiga nanak urunanöhök Anutugöreŋ Köna keugö bapŋe anda welenŋi qemakzalmö, sileni siŋgisöndokŋambuk miaŋgöreŋ göröken siŋgisöndok akŋamgö sihim kömbönaŋnan jöhöm niŋgiiga miaŋgö kösö gwarönöŋ maljal. Mewö.
28445	1CO 1:14	Nöŋön eŋgöreŋök Gaius aka Krispus o melun mem etkialmö, tosatŋi mi qahö mem eŋgialaŋgöra “Anutu saiwap!” jizal.
28452	1CO 1:21	Anutunöŋ nanŋi mötkutukutuŋaŋgö dop gölmenöŋ malmalgö areŋi alökmö, ambazipnöŋ nanŋini mötkutukutuŋine naŋgöba mewö miaŋön Anutugö könaŋi möt kutubingö osiba tönpin malget. Osiba mala Kraistnöŋ maripomnöŋ kömuyöhi, miaŋgöra “Uruqahö keuya!” jiba mötketmö, Anutunöŋ Buŋa keu mi neŋön jim sehibingöra jiyök. Mi jim asariinga denike yeŋön uruŋini meleŋda möt narizei, mi dom-amöt qem eŋgimamgö möri dop kölök.
28665	1CO 10:30	Nöŋön ambazip yembuk toroqeba tata neneŋinaŋgöra “Anutu pipsaiwap!” jiba sömbup nemami, tosatŋan mewö neka miaŋgöra andö nuŋgugetka qahö dop kölma. Sömbupköra Anutu möpöseizali, miaŋgöra mönö keu töhöreŋ jim niŋgigetka qahö dop kölja.
28843	1CO 15:57	Kukŋambuk ahakzapmö, Kembunini Jisös Kraistnöŋ mönö Anutugöreŋ bohon köliga alabauknini aiga yaŋgöra aka luhut ala malbin. Miaŋgöra “Anutu saiwap!” jizal.
28885	2CO 1:17	Areŋni mewö albi ahöyökmö, mi uteköyal. Mewö aka an köl kam köl qakŋe möndöba laŋ qahö ahal. Nani areŋni mi gölme ambazipkö dop nanaŋgöra laŋ mötmöriba qahö ahal. Mewö kude mötmörime. Numbu ösum mohot miaŋönök “Oŋ, ölöp kamam!” aka “Qahö kamam!” keu yahöt mi mindiriba qahö jial. Mönö ahakmeme sarakŋi wuataŋgömakzal.
28887	2CO 1:19	Anutu Nahönŋaŋgö könaŋi kewö: Nöŋön Sailas aka Timoti yetpuk eŋgö sutŋine Kraist Jisösgö könaŋi jim asariba malinga yaŋön “Anutugö jitŋi tem kölmam!” aka “Qahö tem kölmam!” keu jöl yahötyahötkö qakŋe meleŋqeleŋda qahö kaba malökmö, Anutugöra keu jiba jöhöyöhi, miaŋgöra mönö “Oŋ!” jiba miaŋgö dop aka memba malök.