393	GEN 16:11	Kembugöreŋ garatanöŋ kunbuk toroqeba Hagargöra kewö jiyök: “Gi moröbuk akzana nahöngi meman. Dölki tapötkokorok möta sahötnöŋga mi mönö Kembugö kezapŋe geiga mötza. Miaŋgöra morögö qetŋi Ismael qetman. (Ismael Anutunöŋ kezapŋan mötza.)
685	GEN 25:26	Miaŋgö könaŋe munŋan Isogö köna gwakötŋe böröŋan memba asuhuyök. Miaŋgöra yaŋgö qetŋi Jeikob qetket. (Jeikob keu miaŋgö könaŋi yahöt: gwaköt aka tilipköza.) Aisaknöŋ yambuŋi 60 aiga nalö miaŋgöreŋ Rebekanöŋ moröyahötŋi yahöt mi etkömeyök. Mewö.
828	GEN 29:32	Leanöŋ köröbuk aka mala morö azia memba keu kewö jiyök, “Kembunöŋ tapötkokorokni ehiga apnan ölöp könahiba jöpaköm niŋgiba malma. “Mewö jiba qetŋi miaŋgö dop Ruben qerök. (Ruben Tapötkokorokni ehök.)
829	GEN 29:33	Könaŋgep kunbuk körö ala morö azi kun memba keu kewö jiyök: “Apnan boromdökŋi jöpaköm niŋgiiga Kembunöŋ mi möta morö ki mewöyök niŋgiza. “Mewö jiba qetŋi miaŋgö dop Simeon qerök. (Simeon Kezapŋan mörök.)
830	GEN 29:34	Miaŋgö andöŋe kunbuk körö ala morö azi kun memba keu kewö jiyök: “Ni nahönurupŋi karöbut apnaŋgöra mealaŋgöra yaŋön mönö könahiba uruŋi nömbuk jöhöma. “Mewö jiba qetŋi miaŋgö dop Liwai qerök. (Liwai Uruŋi jöhöma.)
837	GEN 30:6	Nahönŋi meiga Reizölnöŋ kewö jiyök: “Anutunöŋ kewöt niŋgii dop kölbiga köuluk keuni möta morö azia niŋgiza. “Miaŋgöra qetŋi Dan qerök. (Dan Kewöt niŋgii dop köljal.)
844	GEN 30:13	Mewö aiga Leanöŋ keu kewö jiyök: “Nöŋön uruölöwak ketaŋi mötzal. Ambi yeŋön mönö nöŋgöra oyaeŋkoyaeŋ qeta malme. “Mewö jiba miaŋgö dop morö qetŋi Aser qerök. (Aser Oyaeŋkoyaeŋ qetme.)
855	GEN 30:24	Mewö jiba toroqeba kewö jiyök: “Kembunöŋ mönö nahöni kun toroqeba niŋgima. “Mewö jiba miaŋgö dop morö qetŋi Josef (Toroqeba niŋgima.) qerök. Mewö.
923	GEN 31:49	Labanöŋ keu toroqeba kewö jiyök: “Kembunöŋ mönö deŋda malbiri, nalö miaŋgöreŋ sutnire jeŋan netkek tiba galöm mem netkiba malma. “Miaŋgö dop gölme miaŋgö qetŋi kun Mizpa qerök. (Mizpa Galöm meme miri köröpŋi.)
1019	GEN 35:7	Miaŋgöreŋ aŋgota Jeikobnöŋ jöwöwöl alta kun meyök. Datŋaŋgöra ölöŋ köla anöhi, nalö miaŋgöreŋ Anutunöŋ gölme miaŋgöreŋ asuhum waŋgiyök. Miaŋgöra Jeikobnöŋ miri gölme miaŋgö qetŋi El-Betel qerök. (El-Betel Betelgö Bemŋi.)
1149	GEN 38:29	Mewö jiyökmö, morö miaŋön böröŋi kunbuk öröi öŋgöiga alaŋan mutuk asuhuyök. Yaŋön asuhuiga anjö meme ambinöŋ kewö jiyök: “O mönö mewö aka könagi munjurata asuhuzan. “Mewö jiiga qetŋi Perez qetket. (Perez Könaŋi munjuratza.)
1247	GEN 41:51	Nahönŋi mutukŋi asuhuiga Josefnöŋ keu kewö jiyök: “Anutunöŋ bauköm niŋgiiga kahasililiŋ waimanjatni pakpak aka iwinaŋgö mirigö yuaiŋi pakpak mi lök ölum nuŋgui maljali, miaŋgöra. “Mewö jiba nahönŋaŋgö qetŋi Manase (Ölum nuŋguza.) qerök.
1248	GEN 41:52	Nahönŋi könaŋgepŋi asuhuiga Josefnöŋ keu kewö jiyök: “Ni sihimbölönaŋgö gölmeŋe malbiga Anutunöŋ ahumsehip niŋgizawi, miaŋgöra. “Mewö jiba qetŋi Efraim qerök. (Efraim Ahumsehip niŋgiza.)
1399	GEN 46:12	Judagö nahönurupŋi qetŋini Er, Onan, Sela, Perez aka Zera. (Er aka Onan yetkön lök Keinan gölmenöŋ kömuyohot.) Perezkö nahönyahötŋi mi Hezron aka Hamul.
23364	MAT 6:13	Esapesapnöŋ et neŋgubapuköra mönö aŋgön köl neŋgiba Bölöŋi Toŋaŋgö böröŋeyök meköm neŋgiman. (Gi nangak bemtohoŋ Toŋi, kukösum Toŋi aka asakmararaŋ Toŋi mi nalöŋi nalöŋi mala kota malnöŋ aka teteköŋi qahö mal öŋgöman. Mi ölŋa.)
23465	MAT 9:17	“Mewöŋanök kunöŋ wain o dölökŋi mi jobö me toru walŋi lama sileŋan memeŋi miaŋgöreŋ qahö kusuiga gemakza. Mewö akawak ewö, wain o dölökŋan mönö qariba toru qesiŋniga jula mokoiga gölmenöŋ eta sohoiga toruŋan böliqölibepuk. Miaŋgöra wain o dölökŋi mi toru dölökŋeyök mokoin geiga dop kölma. Möwö ahinga mietkön ölöwakŋahot. (Mewöŋanök o ölöpŋi mi gina gisagisahöŋe qahö umakzin. Mewö ubinak ewö, miaŋön mönö jula kisipisirik eriga nemba kawöl neŋgöhöbapuk. Mewö akapuköra o ölöpŋi mi gina ölöpŋe umakzin. Iŋini mewöyök malmal walŋi aka Ölöwak Buŋa dölökŋi mi mindirim etkibingö osime.) Mewö.”
23501	MAT 10:15	Nöŋön keu ölŋi kun kewö jibi mötme: Anutunöŋ nalö ketaŋe qemasolokepŋinaŋgö likepŋi meleŋni taon miaŋgö qakŋe öŋgömawi, dop miaŋön mönö Sodom aka Gomora gölme yeŋgö dop oŋgita toroqem eŋgima.” (Sodom Gomora yeŋön bölöŋi kanjamŋambuk memba uruŋini qahö meleŋgetka Anutunöŋ könöpnöŋ köndeŋ eŋgiyök.) Mewö.
23587	MAT 12:29	Kunŋan azi köhöikŋaŋgö köna böröŋi mutuk qahö jöhöma ewö, yaŋön mönö denöwö miriŋe öŋgöba qezaŋda sukinapŋi membawak? Mutuk i jöhöi tarigun mönö ölöp miriŋeyök öröyuaiŋi pakpak waŋgita memba anma. (Miaŋgö dop nöŋön mewöyök Satan jöhöba andöŋe ömeŋi eŋguataŋgömakzal.)
23790	MAT 17:21	(Öme tandökŋi mewöŋi mi mönö köuluköba nene siŋgi mala wuataŋgöbin. Yuai murutŋi kun ahinga qahö kota anma. Mewö.)
23807	MAT 18:11	(Suep gölmegö azi ölŋan mönö ambazip sohosohoŋi mem letot eŋgii oyaeŋkoyaeŋ akŋegöra erök.)
24351	MRK 2:22	Mewöŋanök kunŋan wain o dölökŋi mi jobö me toru walŋi lama sileŋan memeŋi miaŋgöreŋ qahö kusuiga gemakza. Mewö akawak ewö, wain o dölökŋan mönö qariba toru qesiŋniga jula mokoiga gölmenöŋ eta sohoiga toruŋan böliqölibepuk. Miaŋgöra wain o dölökŋi mi toru dölökŋeyök mokoin geiga dop kölma. (Mewöŋanök o ölöpŋi mi gina gisagisahöŋe qahö umakzin. Mewö ubinak ewö, miaŋön mönö jula kisipisirik eriga nemba kawöl neŋgöhöbapuk. Mewö akapuköra o ölöpŋi mi gina ölöpŋe umakzin. Iŋini mewöyök malmal walŋi aka Ölöwak Buŋa dölökŋi mi mindirim etkibingö osime.) Mewö.”
24416	MRK 4:24	Jisösnöŋ keu kewö jii mötket, “Keu mötzei, mi mönö möt aŋgön köla urukönimŋine ala köl guliba malme! (Mewö malgetka uruŋini diŋgiiga mötmötŋinan qariiga möt kömume.) Iŋini tosatŋi yeŋgö keuŋini kewöta jim tekömei, Anutunöŋ mönö jimkutukutuŋini mohot miaŋgö dop nanŋini keuŋini kewöta jim teköma. Dop mi mönö oŋgita likepŋi meleŋ eŋgima.
24647	MRK 9:40	Kunŋan qahö qetal neŋgimakzawi, yaŋön mönö neŋgö areŋnöŋ malja. (Miaŋgöra nöŋgö alaurupni tosatŋi mi kude qetala aŋgösirip meme.)
24923	MRK 15:28	(Anutugöreŋ Buŋa Kimbinöŋ keu kewö ohoget ahöza, “I kewöta kegwek-kahasililiŋ azi ewö mötmöriba yeŋgö sutŋine alget.” Keu miaŋön mewö ölŋambuk ahök.)
25214	LUK 5:38	“Miaŋgöra wain o dölökŋi mi toru dölökŋeyök mokoin geiga dop kölma. (Mewöŋanök kunöŋ o ölöpŋi mi gina gisagisahöŋe qahö umakzin. Mewö ubinak ewö, miaŋön mönö jula kisipisirik eriga nemba kawöl neŋgöhöbapuk. Mewö akapuköra o ölöpŋi mi gina ölöpŋe umakzin. Iŋini mewöyök malmal walŋi aka Ölöwak Buŋa dölökŋi mi mindirim etkibingö osime.)
25476	LUK 11:2	Jiiga Jisösnöŋ kewö jii mötket, “Iŋini köuluköbin jiba kewö jime: Iwi, göhö qetkan mönö töröŋi ahöma. Mönö galöm köl neŋginöŋga bemtohoŋgahö ölŋi asuhuma. (Göhö jitsihitki Suepnöŋ tem kölakzei, gölmenöŋ mönö mewöŋanök asuhuma.)
25657	LUK 14:35	Nesak omaŋi mi gölme kelökŋambuk akŋapköra tokoba isoŋbasoŋ alakzinmö, howe nahömŋi qahö mi yuai kungöra qahö dop kölma. Qahö! Mi mönö önewat gölmenöŋ gilinga geba öne töhöntöhön ahöma. (Gi mewöŋanök nöŋgö gwarekni aka kembaŋe kutuba nömosötman ewö, mönö yuai omaŋi akŋan.) Kunŋan kezapŋambuknöŋ malja ewö, yaŋön mönö keu mi möt kutuma.” Mewö.
25756	LUK 17:36	(Azi yahöt nupnöŋ malohotka yetköreŋök kun waŋgita kun mosötme.)
26021	LUK 23:17	(Pailötnöŋ yambu (yara) dop Pasowa sösöŋgai nalöŋe kösö mireyök azi mohok pösat eŋgimaljapma.)
26151	JHN 1:38	Anohotka Jisösnöŋ liliŋgöba andöŋe kayohori, i etkeka kewö qesim etkiyök, “Iŋiri niŋia jaruba kazahot?” Mi möta jiyohot, “Ketaŋamniri! Gi miri denike ahöba maljan?” (Juda yeŋön ‘Ketaŋamnini’ keu mi böhigöra jiget.)
26516	JHN 9:7	Timbiliba kewö jim kutuyök, “Gi mönö Siloam o aŋgönöŋ anda jegi saŋgoŋman.” (Siloam qet mi nanine keunöŋ Melaimelai azi.) Mewö jim kutuiga anda jeŋi saŋgoŋni tohoiga ui asariiga liliŋgöba miriŋe kayök.
27321	ACT 9:36	Jopa taonöŋ gwarek ambi kun qetŋi Tabita malök. (Qet mi Grik keunöŋ Dorkas, nanine keunöŋ teu, Iŋklis keunöŋ deer.) Yaŋön nalö dop nup ölöpŋi ölöpŋi memba kalem sehisehiŋi mendeŋda ambazip etqeqeŋi bauköm eŋgiba malök.
27845	ACT 24:8	Waŋgita keu sileŋe ala jim waŋgizei, i göhö jemesoholge kaŋgotmegöra jim kutum neŋgiyök.) Göŋön nangak qesim waŋginöŋga könaŋi indela jima. Mi jiiga keu memba kazini, miaŋgö ölŋi pakpak ölöp aukŋe asuhuiga mötman.”
27996	ACT 28:29	(Polnöŋ mewö jim teköiga Juda yeŋön nanŋinök könöpuk jitnakölik aka goranora erauget öŋgöba eriga mosöta anget.)
28926	2CO 3:17	Keu miaŋön “Kembugöra” jiba mi mönö Kembugö Uŋaŋaŋgöra jiza. Kembugö Uŋa Töröŋan denike yeŋgö uruŋine maljawi, yaŋön mönö siŋgisöndokŋinaŋgö kösöŋi pösariga solanŋi (fri) malje. (Mewö mala solanŋi diŋdiŋi akingöra Köna keu wuataŋgöbingö qahö kapaŋ kölakze.)
29848	1TI 5:18	Buŋa Kimbigö keu kunŋan miaŋgö könaŋi kewö jiza, “Wit padigö kötŋi aka kamböŋi mendeŋbingöra bulmakau aziŋi waŋgitketka padi kambu qakŋe tiba tözözamgömakzawi, yaŋgö numbuŋi mönö kude muzupköme. Mewö gumohom waŋgigetka ölöp nene kitipŋi neiga dop kölma.” (Miaŋgö dop kiamnöŋ böröjaŋ memba sömbup meköi qegetka kitipŋi waŋgiget neiga dop kölma.) Keu kun kewö ahöza, “Kunöŋ nup meiga tosatŋan töwaŋi waŋgigetka dop kölma.”
29916	2TI 2:22	Sepguli malmalgö sihim kömbönaŋi bölöŋan galöm ak gihibapuköra mönö galöm mem aŋguba malman. (Nupkahö ölŋan etpapuköra mi jizal.) Esapesapnöŋ öröm gihimakzei, mi mönö qizingöba andö qeba malmal kewöŋi malmangöra kapaŋ köla malman: Ambazip uru sarakŋaŋgö qakŋe Kembu bauköm eŋgimapköra qerakzei, yembuk mönö ahakmeme diŋdiŋi wuataŋgöba Anutu törörök möt nariba ölŋa jöpaköm aŋguba luainöŋ malme.
30317	HEB 13:9	Kalem möriam toroqeba buŋa qem aŋguinga urunini mem köhöiiga ölöwahakŋapmö, nene nembingö silikŋi mi me mi miaŋön mönö urunini mem köhöimapkö osimakza. Tosatŋan nenegö dönqizizin könaŋi könaŋi wuataŋgögetka ahakmeme miaŋön mönö qahöpmahöp bauköm eŋgiiga pöröpköyök. Miaŋgöra tosatŋan dönqizizin murutŋi murutŋi ambazip kusum eŋgimakzei, eŋön mönö keu mi mosötme. (Silikö keunöŋ mönö jaŋjuŋ kude ak eŋgima.)
30540	1PE 5:8	Ahakmemeŋini galöm köl aŋguba zeŋ kinda pöndaŋ uru guliguli malme. Bölöŋaŋgö Toŋan laŋ liliköba ambazip tuarenjoŋ aka jarum neŋgimakza. Kunŋan sipkömturuk aiga yaŋön mönö laion sömbup ewö gwahöt neŋgimamgö jöjöröza. (Laionöŋ görörök qeriga silatŋi mötketka bönŋini wahörakza.)
30677	1JN 4:7	O wölböt alaurupni! Anutunöŋ jöpaköm aŋguaŋgugö jalöŋi akza. (Miaŋgöra urukalem mi o jeŋaŋgö tandök ewö ahöba korakza.) Miaŋgöra nini mönö jöpaköm aŋguba malbin. Mewö aka maljini, körek neŋön mönö Anutu möt waŋgiba yaŋgöreŋök ahuahu dölökŋi ahuba maljin.
31094	REV 19:8	Anutunöŋ maluku tuat lalamŋi asakmararaŋambuk mi eŋgiiga löŋgötket.” (Maluku tuat lalamŋi mi ambazip sarakŋi yeŋgö ahakmeme solanŋaŋgö kaisöpsöpŋi, mönö miaŋgöreŋ löŋgöt aŋguget.)