1	GEN 1:1	Muga na maki lobo ni rata, a Vure i rata rike a hunu a malala.
3	GEN 1:3	Muri a Vure i ta maea, “Ge palala.” Ngane i palala.
4	GEN 1:4	I masia a hini palala i kamumu. Muri i kalipida a hini palala, a uvo.
6	GEN 1:6	Muri a Vure i ta maea, “Ge bele tara koropala ge kalipidea a naru ge tabuli na hini ge rua.”
7	GEN 1:7	Lakea, a Vure i ratea a koropala, i kalipidea a naru i tabuli polomeli ranga, i tabuli polotano ranga. Muri i bele manga a ngava i taki.
9	GEN 1:9	Muri a Vure i ta maea, “A naru polotano na hunu ge tua lakea na hini ranga, ge bele a hini ge vu.” Muri i bele manga a ngava i taki.
11	GEN 1:11	Muri a Vure i ta maea, “A malala ge vakabele a maka varili, a kai, a uve ni varo, turana maka kai ri gi tahoka a kanena turana a vutuna ri gi vakabele tabu a hamone ria.” Muri i bele manga a ngava i taki.
14	GEN 1:14	Muri a Vure i ta maea, “Ge tahoka a maka maki ri gi para polomeli na koropalana hunu, ri gi vakalipida a hini palala, a rodo. Ri gi vakasiri a parava, a pida, a tahuna na haro, a tahuna na vala.
15	GEN 1:15	A maka maki ri para na koropala bara ri vakapalala a malala.” Muri i bele manga a ngava i taki.
20	GEN 1:20	Muri a Vure i ta maea, “A dari ge vonu vona a maka maki mahuri, ri gi laho lae na kabune ria. A maka kadirovo ri gi bebe polomeli na koropalana malala a hunu.”
22	GEN 1:22	i gamai ria i ta maea, “Mua a maki lobo na dari, mu bele kupo mu vakavonu a dari, mua a maka kadirovo mu bele kupo na robo.”
24	GEN 1:24	Muri a Vure i ta maea, “A maka maki mahuri ri gi vakabele tabu a kabu ne ria: a sipsip a bulmakau, a maki kiroko ri karaka lae na robo, a livoa hateka.” Muri i bele manga a ngava i taki.
26	GEN 1:26	Muri i ta maea, “Te ge rata rike a bakovi ge manga teu, ge matakari a manu na dari, a kadirovo, a sipsip a bulmakau, turana a maka maki ri karaka lae na malala.”
28	GEN 1:28	A Vure i gamai rua i taki rua, “Muru bele kupo, muru vakavonu a malala, muru matakaria. Muru matakari a maka manu na dari, a maka kadirovo, turana a maki mahuri lobo na robo.”
29	GEN 1:29	Muri a Vure i ta maea, “Iau a habi marua a maka maki ni varo, turana a maka kai ri tahoka a kanena i vona a vutuna, bara a maki ni kani ne marua.”
30	GEN 1:30	Na maka kadirovo, a maka maki kiroko ri karaka na malala, a maki lobo i mahuri, a Vure i habi ne ria a maka pagana rau bara ri kani. Muri i bele manga a hini i taki.
38	GEN 2:7	Muri e BAKOVI DAGI a Vure i pipia na habulo a bakovi, i vaki dilia na ruperena a bangona nimahuri, i bele a bakovi mahuri.
39	GEN 2:8	Muri, e BAKOVI DAGI a Vure i varoa a hania o Iden na nirikena haro. I rua vonga a bakovi i rata rikea.
48	GEN 2:17	pali a kai i habi a lohokanga na naro kamumu na naro hale, naha ni kania a kanena. Muholi hateka, na tahuna o kania bara o mate.”
53	GEN 2:22	Muri i pipia a ngatavine na karo i paru talea na bakovi, muri i tuli lakea vona a ngatavine.
58	GEN 3:2	A ngatavine i koli, i ta maea, “Maria bara miri kani lobo a maka kanena kai na hania,
62	GEN 3:6	Ngane a ngatavine i masia a kanena kai i kamumu na nikanina, i kamumu na matana, i ngaru ni tahoka a niluhoi dagi. I bolea, i kania. Muri i bole a kalavana i habia ne girihina, ia tara i kani.
63	GEN 3:7	Muri a matane rua i palala, ru matakilala rua ru bobo, pali ru rahi a pagana kai a pik, ru kapikari rua vona.
64	GEN 3:8	Muri a bakovi turana e girihina ru longoa e BAKOVI DAGI a Vure i lalaho na hania na malunga. Lakea ru vano ru pesi kapiloho vona na kai na hania.
69	GEN 3:13	Muri e BAKOVI DAGI a Vure i nanea a ngatavine, “A ra o ratea ke?” Lakea a ngatavine i koli, “A mata i tami iau a kania a kanena kai.”
72	GEN 3:16	Muri a Vure i takia a ngatavine, i ta maea, “Ioe bara o bole a nimadihi dagi ni singou, ni poda a koma. Ra nimadihi, i uka ma go hatakia. Pali bara o ngarua e girihimu, e girihimu bara i matakari ioe.”
73	GEN 3:17	Muri i takia e Adam, “Ioe, o longototo e girihimu o kania a kanena kai a ta pupukari vona, ‘Naha ni kania’. Ngane a rudurahea a malala a vuhuna o longotaro iau. Na parava vakaroro bara o leho, o kani.
75	GEN 3:19	Bara i kani ioe a mavidia, o kani. Bara o rura i vano, i harena na tahuna o mate vona. Muri, bara o hamule lakea na habulo ra a vakabele ioe vona. Ioe a habulo, bara o hamule lakea tabu na habulo.”
78	GEN 3:22	Muri e BAKOVI DAGI a Vure i ta maea, “A bakovi ngane i manga teu, i lohoka na vilo kamumu, na vilo hale. Nahea ge made tabukoi koea, ma ge padoi a kai na nimahuri, ge kania, ge mahuri vakaroro.”
82	GEN 4:2	Muri i podea e Abel, e tarine Kain. E Abel i matakari a sipsip, e Kain i leho na hania.
86	GEN 4:6	Muri e BAKOVI DAGI i nanea e Kain, “I navai i madihi a hatemu, i robo a matamu?
89	GEN 4:9	Muri e BAKOVI DAGI i nanea e Kain, “Avia e tarimu e Abel?” E Kain i koli mule i ta maea, “I uka ma a masia. Ra iau, ge iau a vora ni matakari e tarigu?”
95	GEN 4:15	E BAKOVI DAGI i koli mule, i ta maea, “I uka ma ge mavonga. A viri bara i rabalaki ioe bara i bolea a nikoli dagi balaka polorua.” Muri i rua ne Kain tara kilakila ne vona ni matakilaka vona, i uka ma ni gi rabalaki.
96	GEN 4:16	Muri e Kain i pea e BAKOVI DAGI, i vano i made na robo e Nod, na tabeke na nirikena haro o Iden.
98	GEN 4:18	E Enok i vakabelea e Irad, e Irad e tamane Mehusael, e Mehusael e tamane Metusael, e Metusael e tamane Lamek.
110	GEN 5:4	Muri ne Set ni poda, ni poda tabu ranga e tuna a bakovi a ngatavine. Muri e Adam i tahoka tabu a pida i 800.
113	GEN 5:7	Muri ne Enos ni poda, e Set i tahoka tabu a pida i 807, i vakabele tabu ranga e tuna a bakovi a ngatavine.
116	GEN 5:10	Muri ne Kenan ni poda, e Enos i tahoka tabu a pida i 815, i vakabele tabu ranga e tuna a bakovi a ngatavine.
118	GEN 5:12	Na tahuna e Kenan i tahoka a pida i 70, i vakabelea e Mahalale.
119	GEN 5:13	Muri ne Mahalale ni poda, e Kenan i tahoka tabu a pida i 840, i vakabele tabu ranga e tuna a bakovi a ngatavine.
121	GEN 5:15	Na tahuna e Mahalale i tahoka a pida i 65, i vakabelea e Iared.
122	GEN 5:16	Muri ne Iared ni poda, e Mahalale i tahoka tabu a pida i 830, i vakabele tabu ranga e tuna a bakovi a ngatavine.
123	GEN 5:17	A pida ne Mahalale ni gi palupu lobo, i 895, muri i mate.
125	GEN 5:19	Muri ne Enok ni poda, e Iared i tahoka tabu a pida i 800, i vakabele tabu ranga e tuna a bakovi a ngatavine.
127	GEN 5:21	Na tahuna e Enok i tahoka a pida i 65, i vakabelea e Metusela.
128	GEN 5:22	Muri ne Metusela ni poda, e Enok i laho turana Vure na pida i 300, i vakabele tabu ranga e tuna a bakovi a ngatavine.
130	GEN 5:24	Muri a Vure i bolea e Enok, i uka ma ni matai tabu, a vuhuna a Vure i ngaru hatekea.
131	GEN 5:25	Na tahuna e Metusela i tahoka a pida i 187, i vakabelea e Lamek.
132	GEN 5:26	Muri ne Lamek ni poda, e Metusela i tahoka tabu a pida i 782, i vakabele tabu ranga e tuna a bakovi a ngatavine.
133	GEN 5:27	A pida ne Metusela, ni gi palupu lobo, i 969, muri i mate.
136	GEN 5:30	Muri ne Noa ni poda, e Lamek i tahoka tabu a pida i 595 i vakabele tabu ranga e tuna a bakovi a ngatavine.
141	GEN 6:3	Muri e BAKOVI DAGI i ta maea, “A hanugu i uka ma ge made pololilo na bakovi na parava vakaroro, a vuhuna ia a bakovi na malala kunana. A pida ne ria ge harena kunana ne 120.”
151	GEN 6:13	Lakea, a Vure i takia e Noa, “Iau ga ratapile e huriki lobo, a vuhuna a malala i vonu vona a maka naro hale ne ria. Muholi hateka, iau ga ratapile lobo e huriki a bakovi, turana a malala.
164	GEN 7:4	Muri na parava ge polorua, ga vakaborua na malala a vala. Ge boru na parava ge ravulu va, a rodo ge ravulu va. Iau ga vakalobo a maka maki mahuri a rata rike koea na malala.”
167	GEN 7:7	Muri e Noa turana e girihina, e tuna mai e kana mai, ri rike na agarungu, ri gi kapiloho vona a marungulolo.
176	GEN 7:16	A maka livoa, a toga a kinana, ri rike na agarungu, i muri maia a nitana Vure i vakuku e Noa vona. Muri e BAKOVI DAGI i tukari tahoa e Noa.
180	GEN 7:20	Muri a naru i kavitagu a maka mapana lolo i polomeli na mita i polorua.
187	GEN 8:3	Pali a naru i vakatubu ni hoho puru na malala. Muri na parava i 150 a naru i hoho puru lobo.
192	GEN 8:8	Muri i vakabebe talea a balu ge kasisia a dari i hoho puru pali, o i tabana.
199	GEN 8:15	Muri a Vure i takia e Noa,
202	GEN 8:18	Muri e Noa i pagitala, turana e girihina, e tuna mai, turana e girihine tou.
204	GEN 8:20	Muri e Noa i kisia a dede-kedo ne BAKOVI DAGI, i bole ranga kanirau kabakaba, a kadirovo kabakaba, i rabalaki i gutu-vuro ria i habi ne Bakovi Dagi.
207	GEN 9:1	Muri a Vure i gamai e Noa turana e tuna mai i taki ria, “Mu bele kupo, mu vakavonu a malala.
214	GEN 9:8	Muri a Vure i takia e Noa turana e tuna mai,
217	GEN 9:11	Iau a rua a ngava dagi nau turane mua. A ta muholi, a marungulolo i uka ma ge ratapile tabu a maka maki mahuri. Muholi hateka a marungulolo i uka ma ge ratapile tabu a malala.”
218	GEN 9:12	Muri, a Vure i ta maea, “Iau a rua a kuriki na bubu, ge a nivakasiri na ngava dagi nau na maka maki mahuri na malala. Ra kuriki iea a nivakasiri na ngava dagi a rata turane mua, turana a maka maki mahuri ri turane mua na agarungu. Ra ngava iea i lakea tabu ne huriki a hamomu bara ri bele muri ma.
223	GEN 9:17	Muri a Vure i takia e Noa, “A kuriki a nivakasiri na ngava dagi, a habia na maka maki mahuri na malala.”
232	GEN 9:26	Muri i ta maea tabu, “Ni gi kavurike e BAKOVI DAGI, a Vure ne Sem, pali e Kenan bara ia a vorakato ne Sem kunana.
234	GEN 9:28	Muri na marungulolo, e Noa i made tabu na pida i 350.
237	GEN 10:2	A rane huriki e tune Iapet, a bakovi, ra nga: e Gomer, e Magog, e Madai, e Iavan, e Tubal, e Mesek, e Tiras.
241	GEN 10:6	A rane huriki e tune Ham, a bakovi, ra nga: e Kus, e Misram, e Put, e Kenan.
248	GEN 10:13	A rane huriki e tuna e Misram ra nga: e Lud, e Anamim, e Lehab, e Naptu,
253	GEN 10:18	e Arva, e Semar, e Hamat. Muri e huriki a kabu ne Kenan ri mariu viliha.
258	GEN 10:23	A rane huriki e tune Aram bakovi, ra nga: e Us, e Hul, e Geter, e Mas.
265	GEN 10:30	A robo ri made vona i tubu o Mesa, i lokovonga o Separ na tabeke i vona a lolo na robo na nirikena haro.
270	GEN 11:3	Muri ri vata, ri ta maea, “Mu valai, si gi pipi, si gi rata kamumu a brik, si gi gutu kamumu, ri gi tora.” I uka ma ri bole a kedo, ri bole a brik. Muri ri hudo na kasita a brik.
271	GEN 11:4	Muri ri ta maea, “Mu valai, si gi haea a vuhutanga ne hita. Ge pesi vona tara roho dagi, a mapana ge padoi a hunu, bara si tahoka a rane hita vona. Si gi made tata, i uka ma si gi mariu viliha lae na malala.”
278	GEN 11:11	Muri i tahoka tabu a pida i 500, i vakabele e huriki e tuna a bakovi a ngatavine.
280	GEN 11:13	Muri i tahoka tabu a pida i 403, i vakabele e huriki e tuna a bakovi a ngatavine.
282	GEN 11:15	Muri i tahoka tabu a pida i 403, i vakabele e huriki e tuna a bakovi a ngatavine.
296	GEN 11:29	E Abram rua e Nahor ru tahoka e girihine rua. E Sarai, e girihine Abram. E Milka e girihine Nahor. E Milka rua e Iska, e tamane rua e Haran.
305	GEN 12:6	Na tahuna ri bele o Kenan, ri lakea na hini i pesi vona a kai dagi ni gale e More, na tanga e Sekem. Na tahuna iea e huriki a Kenan ri made vona a robo iea.
308	GEN 12:9	Muri e Abram i malaga, i laho lokovonga na robo e Negev.
311	GEN 12:12	Bara ri matai ioe e huriki a bakovi o Egipto, bara ri ta maea, ‘Ra ngatavine iea e girihina.’ Muri bara ri rabalaki iau, pali bara o mahuri ke.
314	GEN 12:15	Lakea e huriki a bolekori ne Parao ri masia, ri vakalongoa e Parao. Muri ri tulia e Sara i lakea na ruma dagi vona.
315	GEN 12:16	Lakea e Parao i rata kamumua e Abram, a vuhuna i pahaluhoia e Sara, ta e kurabana. Muri e Parao i habi ne Abram a maka sipsip, a bulmakau, a donki, a kamel a toga a kinana, turana e huriki a vora bakovi a ngatavine.
319	GEN 12:20	Muri e Parao i rudu e huriki a tagari vona, ri tono tala o Egipto e Abram rua e girihina, turana a maki lobo ne rua.
322	GEN 13:3	I pea e Negev i laho tope dili tope tala na maka tanga. Muri i vano i bele o Betel, na hini i vakapesi muga a kape vona na kurukuruna e Betel, e Ai,
328	GEN 13:9	Masia, a malala dagi i tabana, pali ngane tu gu vapida. Ioe bara o ngaru ni lakea na nirikena haro, iau bara lakea na nirolona haro. Pali ioe bara o lakea na nirolona haro, iau bara lakea na nirikena haro.”
337	GEN 13:18	Lakea e Abram i pukea a kape vona, i mariu lakea o Hebron. I ratea a tanga vona tabukoi na kai dagi ne Mamare, na hini i kisi muga a dede-kedo ne BAKOVI DAGI vona.