14	GEN 1:14	Muri a Vure i ta maea, “Ge tahoka a maka maki ri gi para polomeli na koropalana hunu, ri gi vakalipida a hini palala, a rodo. Ri gi vakasiri a parava, a pida, a tahuna na haro, a tahuna na vala.
67	GEN 3:11	Lakea a Vure i nanea, “E re i taki ioe o bobo? Ra ioe, o kania a kanena kai a ta pupukari ioe vona?”
68	GEN 3:12	A bakovi i koli, i ta maea, “Ra ngatavine o vakamade turagu, ia kunana i habia nau a kanena kai, a kania.”
72	GEN 3:16	Muri a Vure i takia a ngatavine, i ta maea, “Ioe bara o bole a nimadihi dagi ni singou, ni poda a koma. Ra nimadihi, i uka ma go hatakia. Pali bara o ngarua e girihimu, e girihimu bara i matakari ioe.”
89	GEN 4:9	Muri e BAKOVI DAGI i nanea e Kain, “Avia e tarimu e Abel?” E Kain i koli mule i ta maea, “I uka ma a masia. Ra iau, ge iau a vora ni matakari e tarigu?”
142	GEN 6:4	Na tahuna iea, e huriki a kabu ne Nepilin ri made na malala. Lakea e huriki a tuna Vure bakovi ri parangi na ngatavine na malala, ri vakabele huriki a hamone ria. Re huriki nga, ria a bakovi hateka, a rane ria i dagi na tahuna iea.
153	GEN 6:15	Ra agarungu iea o hae maea: a niolana ge 150 mita, a nibolana ge 25 mita, a nipesina ge 15 mita.
174	GEN 7:14	Ri rike turana a kabu na kanirau lobo, a kabu na sipsip a bulmakau lobo, a kabu na maki lobo ri laho na malala, a kabu na kadirovo, a maki lobo i tahoka a karapane ria.
218	GEN 9:12	Muri, a Vure i ta maea, “Iau a rua a kuriki na bubu, ge a nivakasiri na ngava dagi nau na maka maki mahuri na malala. Ra kuriki iea a nivakasiri na ngava dagi a rata turane mua, turana a maka maki mahuri ri turane mua na agarungu. Ra ngava iea i lakea tabu ne huriki a hamomu bara ri bele muri ma.
229	GEN 9:23	Lakea e Sem rua e Iapet ru nugu gaviri na bitone rua a varakia, ru laho bitona ru kavitagua e tamane rua, ra i mahita bobo. Ru matahere, a vuhuna ru koi ni masia e tamane rua i bobo.
236	GEN 10:1	Iea a nitane tune Noa ala tolu: e Sem, e Ham, e Iapet. Ra bakovi nga to vakabele muri na marungulolo e huriki e tune tou bakovi.
238	GEN 10:3	A rane huriki e tune Gomer, a bakovi, ra nga: e Askenas, e Ripat, e Togama.
240	GEN 10:5	E huriki ri made tabukoi na dari ria a hamone Iavan. Ri mariu tala turana a kabu ne ria, a nita taku, ri lakea na robo takutaku ne ria.
242	GEN 10:7	A rane huriki e tune Kus, a bakovi, ra nga: e Seba, e Havila, e Sabta, e Rama, e Sabteka. E tune Rama a bakovi ra nga: e Seba e Dedan.
246	GEN 10:11	I pea a robo iea, i mariu lakea o Asiria i ratea vonga a tanga e Ninive, e Rehobot-Ir, e Kala, e Resen.
247	GEN 10:12	A tanga dagi e Resen i pesi na kurukuruna e Ninive e Kala.
255	GEN 10:20	Re huriki a kabu nga, a hamone Ham, ri tahoka a nita ne ria takutaku, ri made ramai a kabu ne ria.
266	GEN 10:31	Re huriki a kabu nga a hamone Sem, ri tahoka a nita ne ria takutaku, ri made ramai a kabu ne ria.
267	GEN 10:32	Re huriki a bakovi nga ria a hamone huriki e tune Noa, ri made ramai a kabu ne ria takutaku. E huriki a kabu na malala ri mapoda tala ne ria muri na marungulolo.
269	GEN 11:2	Ri mariu lakea na nirikena haro ri matavisia a bilane Sinar, ri made vona.
273	GEN 11:6	Lakea e BAKOVI DAGI i ta maea, “Re huriki nga ri pesi taku, ri tahoka a nita i taku ri vakatubu ni haea a mapana roho, pali a ra maki ri luhoi ni rata, bara ri rata kunana.
285	GEN 11:18	E Peleg i tahoka a pida i 30, i vakabelea e Reu,
287	GEN 11:20	E Reu i tahoka a pida i 32, i vakabelea e Serug,
304	GEN 12:5	I vano turana e girihina e Sarai, e Lot e tune tarina, e huriki a vora na leho, turana a maka mahala vona i vakabele o Haran. Ri havai maia a robo e Kenan, ri lokovonga, ri bele vonga.
311	GEN 12:12	Bara ri matai ioe e huriki a bakovi o Egipto, bara ri ta maea, ‘Ra ngatavine iea e girihina.’ Muri bara ri rabalaki iau, pali bara o mahuri ke.
329	GEN 13:10	Lakea e Lot i mata rike i masia a bila ne Iordan, i vano i harena o Soar i vona a maka naru. I mata manga a hania ne BAKOVI DAGI, i manga a malala ne huriki a Egipto, tabukoi o Soar. Ra hini nga i muga ne BAKOVI DAGI i ratapile e Sodoma e Gomora.
331	GEN 13:12	Ru vapida, lakea e Abram i vano i made na malala ne huriki a Kenan. Pali e Lot i made na kurukuruna maka tanga dagi na bilane Iordan. I ratea a tanga vona tabukoi ne Sodoma.
332	GEN 13:13	Re huriki a bakovi o Sodoma ria a viri hale, ri rata vakaroro a naro hale hateka na matane BAKOVI DAGI.
334	GEN 13:15	Ra maka robo o matai, ga habi vomu turane huriki a hamomu, ge ne mua vakaroro.
340	GEN 14:3	Re huriki a hariki nga ri vadili vapopo ri ru palupu a tara ne ria na maloku ne Sidim ra Dari Mate.
341	GEN 14:4	Re huriki nga, e Kedor i matakari ria na pida i ravulu a polona i rua. Pali na tahuna ri bele na pida i ravulu a polona i tolu, ri koi na narone Kedor, lakea ri vaubi turana e huriki a tara vona.
342	GEN 14:5	Na pida i ravulu a polona i va, e Kedor turana e huriki a hariki ri muri vona, ri vaubi turana a tara ne Repait iea o Asterot Karanaim. Ri ratapile a tara ne Sus iea o Ham. Ri ratapile a tara ne Em iea o Save Kiriataim.
343	GEN 14:6	Ri ratapile a tara ne Hori na lolo na robo e Seir, i vano i harena o El Paran tabukoi na tabeke i ngeki.
344	GEN 14:7	Ri vuru mule vonga, ri lakea mai e En-Mispat re Kades, ri rata a vabinga. Ri bole lobo a robo ne huriki a Amalek turana a robo ne huriki a Amor ra ri made o Hasason-Tamar.
346	GEN 14:9	Ri paha taga vonga, ri dava a tara ne Kedor a hariki o Elam, e Tidal a hariki o Goim, e Amrapel a hariki o Sinar, e Ariok a hariki o Elasar. A tara na hariki o Sodoma i lima, a tara na hariki o Elam i va.
347	GEN 14:10	Ra Maloku ne Sidim i tahoka a maka lovo na kolta. Na tahuna ri ha a tara na hariki o Sodoma o Gomora, ri boru puru na lovo ranga, pali ranga ri ha sike na kupona.
365	GEN 15:4	Muri a ngava ne BAKOVI DAGI i bele vona, “Ra bakovi iea i uka ma ge bole a murimu. E tumu muholi a viri bara i bole a murimu.”
381	GEN 15:20	ne Hiti, ne Peres, ne Repaim,
405	GEN 17:7	Iau ga vakatorea vomu a ngava dagi. Ra ngava dagi iea ge tabuli vakaroro vomu, ne huriki a hamomu ri gi bele muri ma. A ngava dagi i maea: Iau a Vure Muholi vomu, a Vure ne huriki a hamomu.
406	GEN 17:8	Ra malala e Kenan, ngane o made manga a mosi vona, ga habia vomu, ge vomu liu. Muri ga habi poloa ne huriki a hamomu. Pali iau, ge iau a Vure ne ria.”
408	GEN 17:10	Ra ngava dagi i lakea vomu, i lakea ne huriki a hamomu mu gu longototo kamumua: e huriki a bakovi lobo na kabu vomu ni gi pala a kuline ria.
409	GEN 17:11	Ra naro ni vapala a kuli, ne vona ni vakasiri a ngava dagi a habia vomu.
411	GEN 17:13	E huriki a koma ni poda na tabeke vomu o ni kona na moni, ni gi pala a kuline ria. Ra ngava dagi nau i lakea na kuline mua ni pala ge tabuli vakaroro.
444	GEN 18:19	Iau a vulakia e Abraham, ge vara e huriki e tuna, e huriki a viri vona ri gi longototoa a ngavagu. Ri gi rata a naro ge kamumu ge kiripiripi, lakea iau bara habia ne Abraham a maki a ta muholi vona ga habia vona.”
463	GEN 19:5	Ri galea e Lot, “Avai ra mosi nga ru valai ngane na rodo? O turari tala valai ne mia, mi gi tari rua.”
467	GEN 19:9	Ri gege mule, ri ta maea, “O pesi lakene. Ioe, i uka ma ioe a bakovi koea go pelekado a narone mia. O Lot, o longo valai, bara mi ratapile a mosi nga, pali ioe bara mi ratapile hateka ioe.” Ri kopea e Lot, ri boletugu lokovongea ta ri gi pukea a logo.
469	GEN 19:11	Muri ru ratapile e huriki a bakovi dagi, e huriki a riau, ra ri vapesihi tabukoi na mataruma. Ru rata ria i uvo a matane ria, i uka ma ri masia a logo.
480	GEN 19:22	O ha lokovonga malaviriri, i uka ma ga rata ranga hini, ga dava ioe o bele taro na tanga kiroko.” Ra tanga kiroko iea ni gale e Soar.
495	GEN 19:37	A viri dagi i podea e tuna bakovi, i vunua e Moab. Ra bakovi iea, a vuhuna a kabu ne Moab mona.
496	GEN 19:38	A viri kiroko tara i podea a koma bakovi, i vunua e Ben-Ami. Ra bakovi iea, a vuhuna kabu ne Amon mona.
498	GEN 20:2	lakea i tamirabu ne huriki vonga vona e girihina e Sara i ta maea, “Ra ngatavine iea e kurabagu.” Lakea e Abimelek, a hariki o Gerar, i longo mavonga, lakea i talo rike a ngava ne Sara ge valai vona.
505	GEN 20:9	Muri e Abimelek i gale dilia e Abraham i nanea, “Ioe o rata navai mia? Iau a rata hale navai ioe, o vakarare iau na harikianga nau? Ra naro o ratea i uka ma i kamumu.”
511	GEN 20:15	Lakea e Abimelek i takia e Abraham i ta maea, “Ra tabeke nga a robo nau. O matai ranga tabeke o made vona.”
525	GEN 21:11	Ra ngava iea, i ratea e Abraham i loho lege lae a vuhuna e Ismael tara e tuna.
545	GEN 21:31	Ra tanga iea ni gale Bersiba, a vuhuna ra bakovi ala rua nga ru valongo mai a nita muholi vonga.
571	GEN 22:23	E Betuel e tamane Rebeka. E Milka i poda e huriki a koma a bakovi i polotolu ne Nahor, re turane Abraham.
572	GEN 22:24	E girihina tara, a rana e Reuma. Ia tara i poda e huriki e tuna a bakovi. A rane ria ra nga: e Teba, e Gaham, e Tahas, e Maka.
592	GEN 23:20	Ra malala turana babe, a kabu ne Hiti i habia ne Abraham ge tanu a viri vona.
606	GEN 24:14	Pali iau ga takia tara ngatavine, ‘O habi nau a naru na ulo ga ninu.’ Pali ia ge ta maea, ‘O ninu. A kamel vomu ranga ga vakaninu ria.’ Ra ngatavine iea kunana a viri o vulakia na vora vomu, e Isak. Na naro iea kunana bara lohoka, ioe o rata a naro kamumu na matakari nau.”
607	GEN 24:15	I uka ma i vakaloboa ma a nivasileki vona, e Rebeka i kube vilia a ulo. E Rebeka, e tamana e Betuel. E Betuel ia e tune Milka rua e Nahor. E Nahor e turane Abraham.
608	GEN 24:16	Re Rebeka, ia a sirula, i mata kamumu hateka. I uka tara bakovi ge mahita turana ma. E Rebeka i puru na naru, i kirua a ulo vona, i sike valai tabu.
610	GEN 24:18	Lakea e Rebeka i ta maea, “Bakovi dagi, o ninu.” Lakea i malaviriri kunana i bole purua a ulo i habia vona, i ninu.
616	GEN 24:24	Lakea e Rebeka i koli mulea i ta maea, “Iau e tune Betuel. E sisi bakovi e Nahor. E sisi ngatavine e Milka.
621	GEN 24:29	E Leban e kurabana e Rebeka, i laho hari lakea na naru.
622	GEN 24:30	Na tahuna i matai a malau haluilui, a bio na limane kurabana, i longo a ngava i taki vona e Rebeka na nita i taki vona a bakovi. Lakea i vano i pugaia tabukoi na naru, i pesi turana a maka kamel.
624	GEN 24:32	Muri a bakovi i vano i lakea na roho, lakea ri bole puru na kamel a maka mahala. Ri vakani a maka kamel, a naru ni bole lakea vona ge vahilolo a vahana turana e huriki a bakovi ri havai turana.
625	GEN 24:33	Ri bole a maka maki ni kani ri ru na ngalana, lakea a bakovi i ta maea, “Ga taki taro mua vona a ngava a laho vona, muri si gi kani.” Lakea e Leban i koli mule i ta maea, “O vakalongo mia taro.”
637	GEN 24:45	“Iau i uka ma a vakaloboa ma na hategu a nivasileki, lakea e Rebeka i kube valai a ulo. I puru na naru i kiru, lakea a takia, ‘O habi nau a naru ga ninu.’
638	GEN 24:46	“Lakea e Rebeka i bole purua na gina a ulo, i ta maea, ‘O ninu, a kamel vomu ranga ga vakaninu.’ A ninu lobo, muri i vakaninu a maka kamel.
643	GEN 24:51	E Rebeka, ia koea. O tulia, o vano turana, ge parangi e tune bakovi dagi vomu, ge muri maia a ngavane BAKOVI DAGI.”
645	GEN 24:53	Muri i bole tala a maka gogo ni rata na silva, a gol, a maka varakia mata legelege, i habi ne Rebeka. I bole a mahala ranga i habi ne kurabana, rua e kinana.
650	GEN 24:58	Lakea ru galea e Rebeka, ru nanea, “Ioe go vano turana a bakovi iea?” I koli mule, i ta maea, “Ga vano”.
651	GEN 24:59	Lakea ru talo e Rebeka turana a vora ngatavine vona, ru vano turana a vora ne Abraham, turana e huriki a bakovi vona.
652	GEN 24:60	Ru gamaia e Rebeka, ru takia, “Rebeka, bara ioe e kinane huriki ala kupo. E huriki a hamomu bara ri puka ri bole a maka tanga dagi ne huriki a pile ne ria.”
653	GEN 24:61	Muri e Rebeka rua a vora ngatavine vona, ru rike na kamel, ru vano turana a vora ne Abraham turana e huriki a bakovi vona. Ngane a vora i tulia e Rebeka ru vano.
654	GEN 24:62	E Isak i pea pali a tabeke ne Bia Lahai Roi, ngane i made na robo e Negev.
656	GEN 24:64	E Rebeka tara i mata muga, i masia e Isak. I raga na kamel,
657	GEN 24:65	i nanea a vora, “E rei ra bakovi na hania i laho valai, ge tagui hita?” A vora i koli mule, i ta maea, “A bakovi dagi nau.” Lakea e Rebeka i bolea a hineva, i kavitagua a matana.
659	GEN 24:67	Muri e Isak i bolea e Rebeka, i lakea na kape ne kinana, i parangi vona. E Isak i ngarua e girihina, i kamumu ngane a niluhoi vona, i uka ma i luhoi tabua e kinana i mate.
661	GEN 25:2	Ra ngatavine iea i poda e Simran, e Ioksan, e Medan, e Midian, e Isbak, e Sua.
663	GEN 25:4	E huriki a bakovi e tune Midian a rane ria ra nga: e Epa, e Eper, e Hanok, e Abida, e Elda. Re huriki nga ria a hamone Ketura.
669	GEN 25:10	Ra malala iea e Abraham i konea ne huriki a kabu ne Hiti. E Abraham ni tanu vonga turana e girihina, e Sara.
670	GEN 25:11	Muri ne Abraham i mate, a Vure i gamaia e Isak. Muri e Isak i vano i made tabukoi o Bia Lahai Roi.
675	GEN 25:16	Re huriki a bakovi nga ria e tune Ismael, ra vuhuna a kabu i ravulu a polona i rua. A tanga, a robo ri rata a mada vona ni gale virihi mai ria vona.
677	GEN 25:18	E huriki a hamona ri made vona a robo i vakatubu o Havila i lakea o Sur, i tabukoi na harena e Egipto na dala lakea o Asiria. Re huriki a kabu nga, i uka ma ri vamade kamumu. Ri vatepu.
679	GEN 25:20	E Isak i tahoka a pida i ravulu va i parangi vona e Rebeka, e tune Betuel. E Betuel ia a hamona kabune Aram, i made na robo e Padan-Aram re Mesapotamia. E Rebeka e kurabane Leban, ia tara a hamone Aram.
680	GEN 25:21	E girihine Isak i lame, lakea e Isak i vasileki ne BAKOVI DAGI, ge tuhoria e girihina. E BAKOVI DAGI i longototoa a nivasileki vona, i singou e Rebeka.
681	GEN 25:22	Na palona i tahoka a koma i rua, ru varata tuhare bala pololilo, lakea e Rebeka i ta maea, “I navai i bele maea nau a hini?” Pali i vano i vasileki ge nana e BAKOVI DAGI vona a naro iea.
682	GEN 25:23	Muri e BAKOVI DAGI i takia, “A boge pololilo na palomu ru gu vakabele a kabu ge rua. Ra kabu i rua nga bara ru vapida. A kabu tara bara i tora hateka vona a kabu tara, a tabua bara ia a vora ne tarina.”
687	GEN 25:28	E Isak i ngarua e Esau, a vuhuna i bole bala a kania, i kani. E Rebeka i ngarua e Iakop.
696	GEN 26:3	O made popote vona a malala iea. Iau ga made turamu, ga gamai ioe. Ra malala iea ga habia vomu turane huriki a hamomu, bara vakatorea ra nita dagi a ta muholi vona ne tamamu, e Abraham.
700	GEN 26:7	E huriki na tanga ri nanea vona e girihina, lakea e Isak i ta maea, “Ia e kurabagu.” I koi ni taki ria vona e Rebeka ge girihina, a vuhuna i mangenge. I luhoi maea, “E huriki a bakovi na tanga bara ri rabalaki iau, ri bolea e Rebeka, a vuhuna i mata kamumu hateka.”
701	GEN 26:8	Ngane e Isak i made tabaka pali na tanga iea. Na parava tara, e Abimelek, a hariki ne huriki a Palestina, i mata tala na mataruma, i masia e Isak i kakoa e girihina, e Rebeka.
702	GEN 26:9	Lakea, e Abimelek i galea e Isak, i nanea, “Ra ngatavine iea, e girihimu! I navai o takia ta ia e kurabamu?” Lakea e Isak i koli mulea, i ta maea, “A vuhuna a luhoi maea, bara takia e girihigu, e huriki a bakovi bara ri rabalaki iau, ri bolea e Rebeka.”