99	GEN 4:19	E Lamek i parangi a ngatavine ala rua. A rane rua e Ada e Sila.
102	GEN 4:22	E Sila tara i tahoka e tuna, a rana e Tubal-Kain, ia a mari ni rata a kira na aen a kapa. E kurabana a rana e Nama.
103	GEN 4:23	E Lamek i vakalongo e girihina rua, i ta maea, “Ada o Sila, muru longo valai muru longo a ngavagu. Iau a rabalakia a bakovi i rata tuhare iau, i tolo iau, a koma tamuhane.
105	GEN 4:25	E Adam i mahita turana tabu e girihina, lakea e girihina i podea a koma bakovi, i vunua e Set. Lakea e girihina i ta maea, “A Vure i habi tabua nau a koma ge bole a murine Abel, ra i rabalakia e Kain.”
106	GEN 4:26	E Set i tahoka e tuna bakovi, i vunua e Enos. Na tahuna iea, e huriki a bakovi ri vakatubu ni kavurikea a rane BAKOVI DAGI.
109	GEN 5:3	Na tahuna e Adam i tahoka a pida i 130 i vakabelea e tuna a bakovi i manga ia. I vunua e Set.
110	GEN 5:4	Muri ne Set ni poda, ni poda tabu ranga e tuna a bakovi a ngatavine. Muri e Adam i tahoka tabu a pida i 800.
112	GEN 5:6	E Set i tahoka a pida i 105 ngane, i vakabelea e Enos.
113	GEN 5:7	Muri ne Enos ni poda, e Set i tahoka tabu a pida i 807, i vakabele tabu ranga e tuna a bakovi a ngatavine.
114	GEN 5:8	A pida ne Set, ni gi palupu lobo, i 912, muri i mate.
138	GEN 5:32	Na tahuna e Noa i tahoka a pida i 500, ni gale e tamane Sem, e Ham, e Iapet.
148	GEN 6:10	E Noa i tahoka e tuna i ala tolu: e Sem, e Ham e Iapet.
173	GEN 7:13	Na parava iea kunana e Noa turane girihina, e tuna ala tolu: e Sem, e Ham, e Iapet turane girihine tou, ri rike na agarungu.
224	GEN 9:18	E tune Noa to pagitala na agarungu ra nga: e Sem, e Ham, e Iapet. (E Ham e tamana e Kenan).
229	GEN 9:23	Lakea e Sem rua e Iapet ru nugu gaviri na bitone rua a varakia, ru laho bitona ru kavitagua e tamane rua, ra i mahita bobo. Ru matahere, a vuhuna ru koi ni masia e tamane rua i bobo.
232	GEN 9:26	Muri i ta maea tabu, “Ni gi kavurike e BAKOVI DAGI, a Vure ne Sem, pali e Kenan bara ia a vorakato ne Sem kunana.
233	GEN 9:27	A Vure ge hudo talea a hamone Iapet, e huriki a hamona ri gi made turana a hamone Sem, pali e Kenan ge ia a vorakato ne Iapet.”
236	GEN 10:1	Iea a nitane tune Noa ala tolu: e Sem, e Ham, e Iapet. Ra bakovi nga to vakabele muri na marungulolo e huriki e tune tou bakovi.
242	GEN 10:7	A rane huriki e tune Kus, a bakovi, ra nga: e Seba, e Havila, e Sabta, e Rama, e Sabteka. E tune Rama a bakovi ra nga: e Seba e Dedan.
250	GEN 10:15	A rane huriki e tune Kenan a bakovi ra nga: e Sidon a tabua. E tarina e Het,
252	GEN 10:17	e Hivi, e Arki, e Sin,
253	GEN 10:18	e Arva, e Semar, e Hamat. Muri e huriki a kabu ne Kenan ri mariu viliha.
254	GEN 10:19	A vanagi na robo e Kenan i tubu o Sidon, i polo lakea o Gerar, i lokovonga liu o Gasa, muri i kaogo vonga i lakea mai e Sodoma, e Gomora, e Adma, e Seboim, lakea i harena o Lasa.
256	GEN 10:21	E tarina e Iapet a rana e Sem. E Sem tara i tahoka e huriki e tuna. E huriki a kabu ne Eber ria lobo ri mapoda tala ne Sem.
257	GEN 10:22	A rane huriki e tune Sem bakovi, ra nga: e Elam, e Asur, e Arpaksad, e Lud, e Aram.
259	GEN 10:24	E Arpaksad e tamane Sela, e Sela e tamane Eber.
261	GEN 10:26	E Ioktan i tahoka e tuna ranga, a rane ria ra nga: e Almodad, e Selep, e Hasarmavet, e Ierah,
263	GEN 10:28	e Obal, e Abimael, e Seba,
265	GEN 10:30	A robo ri made vona i tubu o Mesa, i lokovonga o Separ na tabeke i vona a lolo na robo na nirikena haro.
266	GEN 10:31	Re huriki a kabu nga a hamone Sem, ri tahoka a nita ne ria takutaku, ri made ramai a kabu ne ria.
269	GEN 11:2	Ri mariu lakea na nirikena haro ri matavisia a bilane Sinar, ri made vona.
271	GEN 11:4	Muri ri ta maea, “Mu valai, si gi haea a vuhutanga ne hita. Ge pesi vona tara roho dagi, a mapana ge padoi a hunu, bara si tahoka a rane hita vona. Si gi made tata, i uka ma si gi mariu viliha lae na malala.”
277	GEN 11:10	A nita na kabu ne Sem i maea: i lobo a pida i rua muri na marungulolo, e Sem i tahoka a pida i 100, lakea i vakabelea e Arpaksad.
279	GEN 11:12	E Arpaksad i tahoka a pida i 35, i vakabelea e Sela.
281	GEN 11:14	E Sela i tahoka a pida i 30, i vakabelea e Eber.
287	GEN 11:20	E Reu i tahoka a pida i 32, i vakabelea e Serug,
289	GEN 11:22	E Serug i tahoka a pida i 30, i vakabelea e Nahor,
296	GEN 11:29	E Abram rua e Nahor ru tahoka e girihine rua. E Sarai, e girihine Abram. E Milka e girihine Nahor. E Milka rua e Iska, e tamane rua e Haran.
297	GEN 11:30	E Sarai i lame, i uka e tuna.
298	GEN 11:31	E Tera i tuli e tuna e Abram, e tubuna e Lot (e tune Haran), e lahuana e Sarai (e girihine Abram), ri pea a tanga e Ur na robo ne Kaldia, ri mariu lakea o Kenan. Pali na tahuna ri bele o Haran, ri made vonga.
304	GEN 12:5	I vano turana e girihina e Sarai, e Lot e tune tarina, e huriki a vora na leho, turana a maka mahala vona i vakabele o Haran. Ri havai maia a robo e Kenan, ri lokovonga, ri bele vonga.
305	GEN 12:6	Na tahuna ri bele o Kenan, ri lakea na hini i pesi vona a kai dagi ni gale e More, na tanga e Sekem. Na tahuna iea e huriki a Kenan ri made vona a robo iea.
310	GEN 12:11	Na tahuna ta ge dili o Egipto, i varea e girihina, e Sarai, i ta maea, “Ioe a ngatavine mata kamumu.
314	GEN 12:15	Lakea e huriki a bolekori ne Parao ri masia, ri vakalongoa e Parao. Muri ri tulia e Sara i lakea na ruma dagi vona.
315	GEN 12:16	Lakea e Parao i rata kamumua e Abram, a vuhuna i pahaluhoia e Sara, ta e kurabana. Muri e Parao i habi ne Abram a maka sipsip, a bulmakau, a donki, a kamel a toga a kinana, turana e huriki a vora bakovi a ngatavine.
316	GEN 12:17	Pali e BAKOVI DAGI i vakamadihi na maka gilanga dagi e Parao, turana e huriki ri leho vona, a vuhuna e Sarai i made na ruma ne Parao.
318	GEN 12:19	I navai a hini o tami iau o takia e Sarai ta e kurabamu, lakea iau a bolea ta ga parangi vona? Pali ra ngatavine iea, ia e girihimu! O bolea o vano turana!”
329	GEN 13:10	Lakea e Lot i mata rike i masia a bila ne Iordan, i vano i harena o Soar i vona a maka naru. I mata manga a hania ne BAKOVI DAGI, i manga a malala ne huriki a Egipto, tabukoi o Soar. Ra hini nga i muga ne BAKOVI DAGI i ratapile e Sodoma e Gomora.
331	GEN 13:12	Ru vapida, lakea e Abram i vano i made na malala ne huriki a Kenan. Pali e Lot i made na kurukuruna maka tanga dagi na bilane Iordan. I ratea a tanga vona tabukoi ne Sodoma.
332	GEN 13:13	Re huriki a bakovi o Sodoma ria a viri hale, ri rata vakaroro a naro hale hateka na matane BAKOVI DAGI.
338	GEN 14:1	Na tahuna iea, e Amrapel a hariki o Sinar re Babilon, e Ariok, a hariki o Elasar, e Kedor a hariki o Elam, e Tidal a hariki o Goim, ri vadili vapopo a tara,
339	GEN 14:2	ri vaubi turana a tara ne Bera a hariki o Sodoma, e Birsa a hariki o Gomora, e Sinab a hariki o Adma, e Semeber a hariki o Seboim. A hariki o Bela re Soar, ia tara i dili turane ria.
340	GEN 14:3	Re huriki a hariki nga ri vadili vapopo ri ru palupu a tara ne ria na maloku ne Sidim ra Dari Mate.
342	GEN 14:5	Na pida i ravulu a polona i va, e Kedor turana e huriki a hariki ri muri vona, ri vaubi turana a tara ne Repait iea o Asterot Karanaim. Ri ratapile a tara ne Sus iea o Ham. Ri ratapile a tara ne Em iea o Save Kiriataim.
343	GEN 14:6	Ri ratapile a tara ne Hori na lolo na robo e Seir, i vano i harena o El Paran tabukoi na tabeke i ngeki.
345	GEN 14:8	Muri a hariki i ala lima na tanga e Sodoma, e Gomora, e Adma, e Seboim, e Bela re Soar, ri puru na Maloku ne Sidim.
346	GEN 14:9	Ri paha taga vonga, ri dava a tara ne Kedor a hariki o Elam, e Tidal a hariki o Goim, e Amrapel a hariki o Sinar, e Ariok a hariki o Elasar. A tara na hariki o Sodoma i lima, a tara na hariki o Elam i va.
347	GEN 14:10	Ra Maloku ne Sidim i tahoka a maka lovo na kolta. Na tahuna ri ha a tara na hariki o Sodoma o Gomora, ri boru puru na lovo ranga, pali ranga ri ha sike na kupona.
348	GEN 14:11	Lakea e huriki a tara ne huriki a hariki ala va ri bole lobo a maka mahala, a maki ni kani ne huriki a tara ne Sodoma e Gomora, ri vano turana.
349	GEN 14:12	E Lot, e tune tarine Abram, i made o Sodoma na tahuna iea. Ia tara ni lakavu, ni bole turana a maka mahala vona.
354	GEN 14:17	E Abram i ratapilea a tara ne Kedor turana e huriki a hariki ri taga palupu, muri i hamule. A hariki o Sodoma i longoa, i vano i halala ia na Maloku e Save ra Maloku na Hariki.
355	GEN 14:18	Muri e Melkisadek, a hariki o Salem i bole valai a bret a vain. E Melkisadek ia a prister na Vure Meli Liu.
358	GEN 14:21	A hariki o Sodoma i takia e Abram, i ta maea, “A ngaru go bole lobo a maka mahala, pali e huriki a bakovi nau kunana ri gi hamule mai iau.”
383	GEN 16:1	E Sarai, e girihine Abram, i uka ma i poda a koma, pali a vorakato na ngatavine o Egipto i leho vona, a rana e Hagar.
384	GEN 16:2	Lakea e Sarai i takia e Abram, i ta maea, “E BAKOVI DAGI i uka ma i ngaru iau ga tahoka a koma. O vano o mahita turana a vora ngatavine nau, ge tahoka a koma. Muri ga paua a koma, ga vakabele a kabu tarua vona.” E Abram i longo vona a ngavane Sarai.
385	GEN 16:3	Lakea e Sarai i bolea a vorakato vona, a ngatavine o Egipto, i habia ne girihina i parangi vona. Na tahuna iea, e Abram i made pali vonga o Kenan na pida i ravulu.
386	GEN 16:4	E Abram i mahita turana e Hagar, muri i singou. Na tahuna e Hagar i lohoka vona i singou, i vakatubu ni tagege i biu a ngatavine dagi vona e Sarai.
387	GEN 16:5	Lakea e Sarai i tahatea e Abram, i ta maea, “Ioe a vuhuna ra a nimadihi i bele nau. A habia vomu a vorakato nau ngane i singou, i tagege hateka. Pali e BAKOVI DAGI kunana bara i vara tarua ma.”
388	GEN 16:6	E Abram i koli mulea a nitane girihina, i ta maea, “A vorakato vomu ngane i made na limamu. O rata virihia vona a ra maki o ngarua vona.” I vakatubu vonga, e Sarai i tepua e Hagar, muri e Hagar i ha.
389	GEN 16:7	Na dala lakea o Sur, tabukoi na naru kiroko na tabeke i ngeki, i luve taho e Hagar vonga a agelo ne BAKOVI DAGI.
390	GEN 16:8	Lakea a agelo i ta maea, “Hagar, ioe a vora ne Sarai, o valai vai? Pali ngane go loko vai?” E Hagar i koli, i ta maea, “Iau a ha na ngatavine dagi nau, e Sarai.”
391	GEN 16:9	Lakea a agelo ne BAKOVI DAGI i tono mulea i takia, “O hamule mai e kabe Sarai, naha ni tagege tabu, o longototoa a ngavana.”
413	GEN 17:15	A Vure i taki tabua e Abraham, “E girihimu i uka ma ni gi gale tabu ge Sarai, ngane ni gi gale ge Sara.
414	GEN 17:16	Iau ga gamaia e Sara ge podea tara e tumu a bakovi. Ga gamaia e Sara ge ia e kinana e huriki a kabu i kupo, e huriki a hariki bara ri bele vona.”
415	GEN 17:17	Muri e Abraham i lolu puru liu na malala, i nongo, i taki mulea, “Iau a gare, a tahoka a pida i 100 pali, pali ga vakaluve navia a koma bakovi? Pali e Sara tara i gare, i tahoka a pida i ravulu polo va (90). Pali ge poda navia a koma?”
417	GEN 17:19	Lakea a Vure i ta maea, “Muholi, pali e girihimu e Sara ge podea a koma bakovi, o vunua a rana e Isak. Ga vakatora a ngava dagi nau vona, turana e huriki a hamona.
419	GEN 17:21	Pali a ngava dagi nau ga habi kunanea ne Isak. E Sara ge poda na parava maea na pida muri.”
431	GEN 18:6	Lakea e Abraham i laho malaviriri lakea na kape i takia e Sara, “O mala­viriri, o bole a plaoa ge 22 lita, o pulo, o rata ranga bret.”
434	GEN 18:9	Ngane a mosi nga to nanea, “Avia e girihimu e Sara?” E Abraham i koli, i ta maea “Ia pololilo na kape.”
435	GEN 18:10	Muri e BAKOVI DAGI i ta rike i ta maea, “Iau ga hamule valai tabu na tahuna maea na pida muri, e girihimu bara i tahoka pali e tuna a bakovi.” Pali e Sara i pesi kunana na matana kape na bitona e Bakovi Dagi, i longo a ngava i taki.
436	GEN 18:11	E Abraham rua e Sara ru gare pali, a pida ne rua i kupo. E Sara i polotaroa pali a pida na ni vakabele a koma.
437	GEN 18:12	Lakea e Sara i luhoi kadoa a ngava i takia a bakovi dagi, lakea i nongo vaki mule ia, i ta maea, “Iau i malulu pali a kuligu, e girihigu tara i gare, ra ngane ga pitei navai vona a ngava iea.”
438	GEN 18:13	Muri e BAKOVI DAGI i takia e Abraham, i ta maea, “A ra vuhuna e Sara i nongo, i ta maea, ‘Iau ga singou navai? Iau a gare pali.’