4	GEN 1:4	I masia a hini palala i kamumu. Muri i kalipida a hini palala, a uvo.
14	GEN 1:14	Muri a Vure i ta maea, “Ge tahoka a maka maki ri gi para polomeli na koropalana hunu, ri gi vakalipida a hini palala, a rodo. Ri gi vakasiri a parava, a pida, a tahuna na haro, a tahuna na vala.
24	GEN 1:24	Muri a Vure i ta maea, “A maka maki mahuri ri gi vakabele tabu a kabu ne ria: a sipsip a bulmakau, a maki kiroko ri karaka lae na robo, a livoa hateka.” Muri i bele manga a ngava i taki.
25	GEN 1:25	A Vure i rata rike a maka livoa, a sipsip a bulmakau, a maki i karaka lae na malala, ria lobo ri gi vakabele tabu a hamone ria. A Vure i matai a maki i rata i kamumu.
26	GEN 1:26	Muri i ta maea, “Te ge rata rike a bakovi ge manga teu, ge matakari a manu na dari, a kadirovo, a sipsip a bulmakau, turana a maka maki ri karaka lae na malala.”
40	GEN 2:9	E BAKOVI DAGI a Vure i rata rike a maka kai legelege ri mapoda na malala, a maka kai mata kamumu, i kamumu a kanena ni kanina. Na kurukuruna hania a kai i rua ru pesi: a kai i habi a nimahuri, turana a kai i habi a lohokanga na naro kamumu na naro hale.
42	GEN 2:11	A bakona muga ni gale e Pison, i tua marogo lae na robo e Havila, a robo na gol.
44	GEN 2:13	A ruana bakona naru dagi ni gale e Gihon, i tua marogo lae na robo e Kus.
45	GEN 2:14	A rana toluna bakona naru dagi tara e Tigris. I tua na tabeke na nirikena haro na robo e Asiria. A vana bakona naru dagi ni gale e Iupretis.
51	GEN 2:20	A bakovi i vunu a rana a maka sipsip a bulmakau, a kadirovo, a livoa na robo, pali i uka tara ge mata manga e Adam ga rihina.
54	GEN 2:23	E Adam i masia, i ta maea, “Iea ngane a turagu a vuhuna ni bole tala na tuhagu, na bobogu, ga galea a ‘ngatavine’.”
62	GEN 3:6	Ngane a ngatavine i masia a kanena kai i kamumu na nikanina, i kamumu na matana, i ngaru ni tahoka a niluhoi dagi. I bolea, i kania. Muri i bole a kalavana i habia ne girihina, ia tara i kani.
64	GEN 3:8	Muri a bakovi turana e girihina ru longoa e BAKOVI DAGI a Vure i lalaho na hania na malunga. Lakea ru vano ru pesi kapiloho vona na kai na hania.
70	GEN 3:14	Pali e BAKOVI DAGI a Vure i takia a mata, “Ngane a ruduraha ioe bara o bole a nimadihi polomeli liu na maka sipsip a bulmakau, a livoa, a vuhuna ioe o rata a naro hale. Ngane bara o laho na ngalamu, o todo a habulo na parava vakaroro.
72	GEN 3:16	Muri a Vure i takia a ngatavine, i ta maea, “Ioe bara o bole a nimadihi dagi ni singou, ni poda a koma. Ra nimadihi, i uka ma go hatakia. Pali bara o ngarua e girihimu, e girihimu bara i matakari ioe.”
80	GEN 3:24	A Vure i tono talea pali a bakovi, muri i vakapesi na nirikena haro na hania o Iden ranga agelo, turana a vito i hube i vito vito lae, ri gi tagaria a dala lakea na kai na nimahuri.
81	GEN 4:1	E Adam i mahita turana e girihina, e Eva, i singou, i podea e Kain. Lakea e Eva i ta maea, “I tuhori iau e BAKOVI DAGI, a vakabelea a bakovi.”
82	GEN 4:2	Muri i podea e Abel, e tarine Kain. E Abel i matakari a sipsip, e Kain i leho na hania.
84	GEN 4:4	Pali e Abel i bole a maka tuna sipsip a tabua i vi. Lakea e BAKOVI DAGI i ngarua a nihabi ne Abel,
87	GEN 4:7	Ioe bara o rata a rabu malamala bara ngarua a nihabi vomu. Ioe, i uka ma o rata a rabu malamala, a rabu hale i pesi kalidoga ge rabalaki ioe. O matakari a nilaho vomu, bara i lobo a naro hale vomu.”
89	GEN 4:9	Muri e BAKOVI DAGI i nanea e Kain, “Avia e tarimu e Abel?” E Kain i koli mule i ta maea, “I uka ma a masia. Ra iau, ge iau a vora ni matakari e tarigu?”
94	GEN 4:14	Ngane o lili tala iau na malala bara kapiloho na matamu. Bara a uka tanga, a kanipede. Pali e re i matavisi iau bara i rabalaki iau.”
97	GEN 4:17	E Kain i mahita turana e girihina, muri i singou e girihina, i podea e Enok. E Kain i ratea a tanga dagi i vunua e Enok, i muri mai a rane tuna.
98	GEN 4:18	E Enok i vakabelea e Irad, e Irad e tamane Mehusael, e Mehusael e tamane Metusael, e Metusael e tamane Lamek.
100	GEN 4:20	E Ada i podea e Iabal. Iabal e tamane huriki ri matakari a sipsip a bulmakau, ri made na kape.
101	GEN 4:21	E turana a rana e Iubal, e tamane huriki ri lohoka ni sigi a gita, ni vaki a piloli.
106	GEN 4:26	E Set i tahoka e tuna bakovi, i vunua e Enos. Na tahuna iea, e huriki a bakovi ri vakatubu ni kavurikea a rane BAKOVI DAGI.
112	GEN 5:6	E Set i tahoka a pida i 105 ngane, i vakabelea e Enos.
113	GEN 5:7	Muri ne Enos ni poda, e Set i tahoka tabu a pida i 807, i vakabele tabu ranga e tuna a bakovi a ngatavine.
115	GEN 5:9	Na tahuna e Enos i tahoka a pida i 90, i vakabelea e Kenan.
116	GEN 5:10	Muri ne Kenan ni poda, e Enos i tahoka tabu a pida i 815, i vakabele tabu ranga e tuna a bakovi a ngatavine.
117	GEN 5:11	A pida ne Enos, ni gi palupu lobo i 905, muri i mate.
127	GEN 5:21	Na tahuna e Enok i tahoka a pida i 65, i vakabelea e Metusela.
128	GEN 5:22	Muri ne Metusela ni poda, e Enok i laho turana Vure na pida i 300, i vakabele tabu ranga e tuna a bakovi a ngatavine.
131	GEN 5:25	Na tahuna e Metusela i tahoka a pida i 187, i vakabelea e Lamek.
132	GEN 5:26	Muri ne Lamek ni poda, e Metusela i tahoka tabu a pida i 782, i vakabele tabu ranga e tuna a bakovi a ngatavine.
133	GEN 5:27	A pida ne Metusela, ni gi palupu lobo, i 969, muri i mate.
135	GEN 5:29	i vunua e Noa. Lakea e tamana i ta maea, “Hosi e BAKOVI DAGI i rudurahea a malala, mi leho hateka mi bole a nimadihi, pali a koma iea bara i vakasihomo mia.”
150	GEN 6:12	A Vure i masia a malala i vonu na maka naro hale, a vuhuna a maka narone ria i hale hateka.
152	GEN 6:14	Pali ioe, o haea a agarungu vomu, o haea na kai a saipres. O nagi pololiloa, muri o kavitagu a hini pololilo, a hini polovavo na kasita.
153	GEN 6:15	Ra agarungu iea o hae maea: a niolana ge 150 mita, a nibolana ge 25 mita, a nipesina ge 15 mita.
174	GEN 7:14	Ri rike turana a kabu na kanirau lobo, a kabu na sipsip a bulmakau lobo, a kabu na maki lobo ri laho na malala, a kabu na kadirovo, a maki lobo i tahoka a karapane ria.
177	GEN 7:17	Na parava i ravulu va, a vala i boru mavonga, i vonu a naru i kavitagua a malala, lakea a agarungu i pasi langa na naru polomeli liu na malala.
178	GEN 7:18	A naru i lolo rike hateka, i kavitagua a malala, lakea a agarungu i pasi na bokona dari.
181	GEN 7:21	A maki lobo ri laho na malala ri pasiri: e huriki a bakovi lobo turana a sipsip a bulmakau, a livoa, a maka maki ri laho na robo.
185	GEN 8:1	Pali a Vure, i uka ma i longo­kabu­rungi e Noa turana a maka kanirau, a sipsip a bulmakau ra ri kapiloho na agarungu. I rudua a vilu i ngalu langa vona a dari, lakea a dari i hoho puru.
192	GEN 8:8	Muri i vakabebe talea a balu ge kasisia a dari i hoho puru pali, o i tabana.
193	GEN 8:9	A balu i uka ma i puruvisi a hini ge toka vona, a vuhuna a naru i tabana ni kavitagua a malala, lakea i bebe mule ne Noa na agarungu. E Noa i toto tala a limana i bole dilia a balu.
197	GEN 8:13	Na tahuna e Noa i tahoka a pida i 601, na mugana parava na mugana keva, a naru i hoho puru liu na malala. I kalipidea a hini polomeli na agarungu, i masia a malala i kere.
204	GEN 8:20	Muri e Noa i kisia a dede-kedo ne BAKOVI DAGI, i bole ranga kanirau kabakaba, a kadirovo kabakaba, i rabalaki i gutu-vuro ria i habi ne Bakovi Dagi.
216	GEN 9:10	turana a maki mahuri ra ri turane mua: a maka kadirovo, a sipsip a bulmakau, a kanirau, turana a maki lobo ri pagitala turane mua na agarungu, ra maka maki mahuri lobo na malala.
218	GEN 9:12	Muri, a Vure i ta maea, “Iau a rua a kuriki na bubu, ge a nivakasiri na ngava dagi nau na maka maki mahuri na malala. Ra kuriki iea a nivakasiri na ngava dagi a rata turane mua, turana a maka maki mahuri ri turane mua na agarungu. Ra ngava iea i lakea tabu ne huriki a hamomu bara ri bele muri ma.
220	GEN 9:14	Na tahuna iau a ru a bubu polomeli na hunu, a kuriki bara i pesi vona.
222	GEN 9:16	Na tahuna a kuriki i pesi na bubu, bara masia, a luhoi mule a ngava dagi i tabuli vakaroro turagu, turana a kabu na maki mahuri na malala.”
223	GEN 9:17	Muri a Vure i takia e Noa, “A kuriki a nivakasiri na ngava dagi, a habia na maka maki mahuri na malala.”
228	GEN 9:22	E Ham e tamane Kenan, i masia e tamana i mahita bobo, lakea i pagitala, i vakalongo e turana rua polovavo.
229	GEN 9:23	Lakea e Sem rua e Iapet ru nugu gaviri na bitone rua a varakia, ru laho bitona ru kavitagua e tamane rua, ra i mahita bobo. Ru matahere, a vuhuna ru koi ni masia e tamane rua i bobo.
237	GEN 10:2	A rane huriki e tune Iapet, a bakovi, ra nga: e Gomer, e Magog, e Madai, e Iavan, e Tubal, e Mesek, e Tiras.
238	GEN 10:3	A rane huriki e tune Gomer, a bakovi, ra nga: e Askenas, e Ripat, e Togama.
239	GEN 10:4	A rane huriki e tune Iavan, a bakovi, ra nga: e Elisa, e Tarsis, e Kitim, e Dodanim.
241	GEN 10:6	A rane huriki e tune Ham, a bakovi, ra nga: e Kus, e Misram, e Put, e Kenan.
242	GEN 10:7	A rane huriki e tune Kus, a bakovi, ra nga: e Seba, e Havila, e Sabta, e Rama, e Sabteka. E tune Rama a bakovi ra nga: e Seba e Dedan.
243	GEN 10:8	E Kus i tahoka e tuna tara a rana e Nimrod. E Nimrod ia a ubu na malala.
246	GEN 10:11	I pea a robo iea, i mariu lakea o Asiria i ratea vonga a tanga e Ninive, e Rehobot-Ir, e Kala, e Resen.
247	GEN 10:12	A tanga dagi e Resen i pesi na kurukuruna e Ninive e Kala.
248	GEN 10:13	A rane huriki e tuna e Misram ra nga: e Lud, e Anamim, e Lehab, e Naptu,
249	GEN 10:14	e Patrus, e Kaslu (a vuhuna e huriki a Palestina), e Kaptor.
251	GEN 10:16	e Iebus, e Amor, e Girgas,
254	GEN 10:19	A vanagi na robo e Kenan i tubu o Sidon, i polo lakea o Gerar, i lokovonga liu o Gasa, muri i kaogo vonga i lakea mai e Sodoma, e Gomora, e Adma, e Seboim, lakea i harena o Lasa.
257	GEN 10:22	A rane huriki e tune Sem bakovi, ra nga: e Elam, e Asur, e Arpaksad, e Lud, e Aram.
258	GEN 10:23	A rane huriki e tune Aram bakovi, ra nga: e Us, e Hul, e Geter, e Mas.
259	GEN 10:24	E Arpaksad e tamane Sela, e Sela e tamane Eber.
261	GEN 10:26	E Ioktan i tahoka e tuna ranga, a rane ria ra nga: e Almodad, e Selep, e Hasarmavet, e Ierah,
262	GEN 10:27	e Hadoram, e Usal, e Dikla,
265	GEN 10:30	A robo ri made vona i tubu o Mesa, i lokovonga o Separ na tabeke i vona a lolo na robo na nirikena haro.
269	GEN 11:2	Ri mariu lakea na nirikena haro ri matavisia a bilane Sinar, ri made vona.
270	GEN 11:3	Muri ri vata, ri ta maea, “Mu valai, si gi pipi, si gi rata kamumu a brik, si gi gutu kamumu, ri gi tora.” I uka ma ri bole a kedo, ri bole a brik. Muri ri hudo na kasita a brik.
271	GEN 11:4	Muri ri ta maea, “Mu valai, si gi haea a vuhutanga ne hita. Ge pesi vona tara roho dagi, a mapana ge padoi a hunu, bara si tahoka a rane hita vona. Si gi made tata, i uka ma si gi mariu viliha lae na malala.”
272	GEN 11:5	Pali e BAKOVI DAGI i puru valai, ge kasisia a tanga dagi turana a mapana roho dagi e huriki a bakovi ri haea.
273	GEN 11:6	Lakea e BAKOVI DAGI i ta maea, “Re huriki nga ri pesi taku, ri tahoka a nita i taku ri vakatubu ni haea a mapana roho, pali a ra maki ri luhoi ni rata, bara ri rata kunana.