65	GEN 3:9	Lakea e BAKOVI DAGI a Vure i galea a bakovi, “Adam, ioe vai?”
73	GEN 3:17	Muri i takia e Adam, “Ioe, o longototo e girihimu o kania a kanena kai a ta pupukari vona, ‘Naha ni kania’. Ngane a rudurahea a malala a vuhuna o longotaro iau. Na parava vakaroro bara o leho, o kani.
88	GEN 4:8	Ngane e Kain i turea e tarina, i ta maea, “Abel, tu lakea na hania.” Lakea ru vano. Na tahuna ru bele na hania, lakea e Kain i ubi matea e tarina.
200	GEN 8:16	“Ioe, turana e girihimu, e tumu mai turana e girihine tou, mu pagitala na agarungu.
362	GEN 15:1	Muri a nitane BAKOVI DAGI i bele ne Abram na vurena, i ta maea, “Abram, naha ni mangenge, iau a galeu vomu, ga rata kamumu hateka ioe.”
390	GEN 16:8	Lakea a agelo i ta maea, “Hagar, ioe a vora ne Sarai, o valai vai? Pali ngane go loko vai?” E Hagar i koli, i ta maea, “Iau a ha na ngatavine dagi nau, e Sarai.”
417	GEN 17:19	Lakea a Vure i ta maea, “Muholi, pali e girihimu e Sara ge podea a koma bakovi, o vunua a rana e Isak. Ga vakatora a ngava dagi nau vona, turana e huriki a hamona.
440	GEN 18:15	Pali e Sara i mangenge i ta maea, “Iau i uka ma a nongo.” Lakea e Bakovi Dagi i takia, “Muholi, ioe o nongo.”
502	GEN 20:6	Lakea a Vure i taki tabua na vurena, “Muholi, a lohoka vona a naro o ratea na niluhoi kamumu kunana, lakea a matakari ioe, i uka ma o ratea a naro hale, na ni mahita turana.
521	GEN 21:7	E Sara i ta tabu, “Muga, e rei a viri ge takia e Abraham ne Sara ge tahoka a koma? Ngane e Abraham i gare, pali a podea vona e tuna bakovi.”
559	GEN 22:11	Pali a agelo ne BAKOVI DAGI i gale valai na hunu i ta maea, “Abraham, Abraham!” E Abraham i ta maea, “Iau ieni.”
635	GEN 24:43	Iau a pepesi na dahana naru. A ngatavine tara ge valai ge kiru, ga takia, “Kamumu, o bole valai a naru popote na ulo vomu, ga ninu.”
652	GEN 24:60	Ru gamaia e Rebeka, ru takia, “Rebeka, bara ioe e kinane huriki ala kupo. E huriki a hamomu bara ri puka ri bole a maka tanga dagi ne huriki a pile ne ria.”
754	GEN 27:26	Lakea e tamana i takia, “Tugu, o valai, o nguru iau.”
762	GEN 27:34	Na tahuna e Esau i longoa a ngava i taki e tamana, i upu tala a nangi, i tangi. Lakea i takia e tamana, “Tata, o gamai iau, iau tara!”
766	GEN 27:38	Lakea e Esau i takia e tamana, “Tata, ioe o tahoka tara maki kamumu i tabana? Tata, iau tara o gamai iau.” Muri i upu tala tabu a nangi, i tangi.
790	GEN 28:16	E Iakop i hadongo, i luhoi maea, “Muholi, e BAKOVI DAGI i made vona a hini nga, pali iau i uka ma a lohoka vona.”
810	GEN 29:14	Lakea e Leban i takia e Iakop, “Muholi, ioe a daragu.” E Iakop i made turane Leban na keva i taku,
970	GEN 33:9	Pali e Esau i koli mulea i ta maea, “Tarigu, iau a tahoka i kupo hateka. O matakari a maka sipsip a bulmakau nga, ge ne vomu.”
974	GEN 33:13	Lakea e Iakop i ta maea, “Tukagu, e huriki a koma, i uka ma ri paki kamumu ma. Pali iau a luhoi hateka a maka sipsip, a bulmakau ra ri vakaruru, ma ri gi laho hateka na parava i taku, ma ri gi mate.
1237	GEN 41:41	Lakea e Parao i takia e Iosep, “Masia, ngane a ru ioe o matakaria a robo e Egipto.”
1320	GEN 43:29	Na tahuna i ta turane ria i masia ngane e Bensamin, ra ru kinana taku, lakea i nana, “Ra koma iea e tarine mua, ra mu vakalongo iau vona hosi?” Lakea i ta tabu maea, “Tugu, a Vure bara i matakari ioe.”
1367	GEN 45:8	“Hosi, i uka ma i mua, mu rudu valai iau koea. A Vure kunana i rudu valai iau koea. I rata iau a manga tabu e tamane Parao. I rata iau a bakovi dagi na tabeke vona, a matakari lobo vona a robo e Egipto.
1584	EXO 3:4	E BAKOVI DAGI i made na kurukuruna kai kiroko, i masia e Moses i valai tabukoi, lakea i galea, “Moses, Moses!” E Moses i koli, i ta maea, “Iau ieni.”
1627	EXO 4:25	Lakea e Sipora i bole rikea a voko, i palea a kulina kapune tuna i vakapadoi a vahane Moses vona, i ta maea, “Muholi, ioe e girihigu, pali ioe a bakovi o mahuri na dara.”
1971	EXO 16:23	Muri e Moses i taki ria, “Kuduvi, a Parava Nimalo, ni gamai ne BAKOVI DAGI. A maki ni kani mu ngaru ni gutu o nono, mu gutu mu nono ngane. A maki ni kani ranga ri tababana, ngi ranga mu ru ne vona a hini kuduvi.”
2475	EXO 33:1	E BAKOVI DAGI i takia e Moses, “Ngane, o vano turane huriki o bole tala o Egipto, mu pea a tanga iea, mu lakea na malala a ta muholi vona ga habia ne mua. Hosi a ta muholi vona ne Abraham, ne Isak, ne Iakop, a ta maea, ‘Ga habia ne huriki a hamone matou a malala iea.’
4020	NUM 10:31	Pali e Moses i ta maea, “Lavogu, o longo valai. Naha ni pe mia. Ioe o lohoka vona i vai a hini ni gi ru a mada vona na tabeke i ngeki iea, bara o vakasiri a dala ne mia.
4211	NUM 16:16	Muri e Moses i takia e Kora i ta maea, “Kuduvi, ioe turane huriki a bakovi ala 250 ri ramai ioe, mu valai na matane BAKOVI DAGI. E Aron tara ge valai. Mua takutaku mu bole valai na dede ne BAKOVI DAGI a pelete na havu mangisipa.
4217	NUM 16:22	Pali e Moses e Aron ru tabuli ngalabarara na malala, ru takia e BAKOVI DAGI ru ta maea, “Vure, ioe kunana o rata e huriki a bakovi a ngatavine ri made. I navai i madihi a hatemu ne huriki nga na naro hale na bakovi ala taku i ratea?”
4336	NUM 20:24	“Aron, i uka ma go lakea vona a robo a taki ta ga habia ne huriki a Israel. Ioe bara o mate a vuhuna muru longotaro a ngavagu na naru e Meriba.
4358	NUM 21:17	Na parava iea e huriki a Israel ri ratea tara linge, ri kaloloa: “Naru, o bubu rike, o tua lokovonga, mi gi masia mi gi kalolo a linge na nivivi.
4442	NUM 23:25	Muri e Balak i takia e Balam i ta maea, “Pali, naha ni ruduraha ria, naha ni gamai ria!”
5120	DEU 7:7	“Mua, i uka ma mua a tara dagi, ge rangi e huriki a tara ranga, lakea e BAKOVI DAGI ge luhoi mua, ge vulaki mua. Mua a tara kiroko kunana.
7159	RUT 2:8	Lakea e Boas i vano i ta turane Rut. I takia i ta maea, “Tugu, o longo. Naha ni lakea na hania na bakovi tara. Naha ni ha taroa a hania nau. O leho turana e huriki a vora ngatavine nau.
7184	RUT 3:10	Lakea e Boas i koli, i ta maea, “Tugu, e BAKOVI DAGI ge gamai ioe. A rabu kamumu o vakasiri a kabu ne tarua ngane, i kamumu hateka na rabu o vaka­siri muga, i uka ma o ngaru e huriki a riau, ri uka mahala o ri tahoka a mahala.
7201	RUT 4:9	Muri e Boas i vakalongo e huriki a gare, e huriki ri vapesihi vonga, i ta maea, “Mona, na matane mua lobo, a konamulea ne Naomi a malala ne Elimelek, ne tuna ala rua e Kilion, e Malon.
23233	MAT 1:20	I tabana ni luhoi ni rata mavonga, lakea a agelo ne Bakovi Dagi i bele vona na vurena, i ta maea, “Iosep, hamone Davit, naha ni mangenge ni bolena e Maria ge girihimu, a vuhuna a maki i bele vona, i valai na Hanu Kiripiripi.
23288	MAT 4:10	Lakea e Isu i takia, “Satan, o ha nau! A ngava ni here puru na Hinere i maea, ‘O kavurikea e Bakovi Dagi, a Vure vomu, o ramai kunana ia.’”
23758	MAT 16:17	Lakea e Isu i takia, “Simon, tune Iona, a Vure i rata kamumu ioe. I uka tara bakovi ge vakasiria vomu. E Tata na hunu kunana a viri i vakasiria vomu.
23764	MAT 16:23	Pali e Isu i mata lakea ne Petrus, i takia, “Satan, o hamule mai a bitogu! Ioe o pesi karia a dalagu. I uka ma o luhoi a maki na Vure. O luhoi kunana a maki na bakovi.”
24024	MAT 23:37	“Ierusalem, Ierusalem! Mu rabalaki e huriki a propet, mu rabalaki na kedo e huriki a rudu valai ne mua. Balaka kupo a ngaru ni kalipopo palupu mua, i manga a kinana kureko i kavitagu a maka tuna na karapana, ga matakari mua. Pali mu koi mua.
24173	MAT 26:50	E Isu i koli i ta maea, “Turagu, o ratea a maki o valai vona.” Lakea e huriki a bakovi ri lakavua.
24191	MAT 26:68	ri ta maea, “Kristo, o ta propet ne mia ngane, e rei a viri i ubi ioe?”
24308	MRK 1:24	“Isu, ioe a bakovi o Nasaret, o valai go rata navai mia? O valai ni ratapile mia? Iau a lohoka vomu. Ioe a Viri Malamala na Vure.”
24440	MRK 5:7	A hanitu pololilo vona i gale dagi, i ta maea, “Isu, Tuna Vure Meli Liu. Go rata navai iau? Iau a nana ioe na matana Vure, naha ni ratapile iau.”
24474	MRK 5:41	Lakea e Isu i nugua a limana, i ta maea, “Talita koum.” I maea, “Sirula, a taki ioe o pesi rike.”
24602	MRK 8:33	E Isu i ngalahere ne Petrus, i mata lakea ne huriki a murimuri vona, i tahatea e Petrus, i ta maea, “Satan, o hamule mae a bitogu! I uka ma o luhoi a maki na Vure. O luhoi kunana a maki na bakovi.”
24704	MRK 10:47	Na tahuna a bakovi iea i longoa e Isu o Nasaret i polo, i vakatubu ni gale dagi, i ta maea, “Isu, Tune Davit, o dodo iau!”
24859	MRK 14:36	I vasileki maea, “Aba, Tata! A maki lobo a maki tavula vomu. O bole vurokia nau a nimadihi iea. Pali a ningaru vomu, i uka ma ga ningaru nau.”
24929	MRK 15:34	Na kilala i tolu na malunga, e Isu i gale dagi i ta maea “Eloi, Eloi, lama sabaktani?” Ra i maea, “Vure nau, Vure nau, i navai o lohopile iau?”
24975	LUK 1:13	Pali a agelo i takia, i ta maea, “Sakarias, naha ni mangenge. A Vure i longo pali a nivasileki vomu. E girihimu, e Elisabet, bara i podea vomu a koma bakovi. Na tahuna ni poda, o vunua ge Ioanes.
24992	LUK 1:30	Lakea a agelo i takia, “Maria, naha ni mangenge. A Vure i ngaru ni rata kamumu ioe.
25196	LUK 5:20	Na tahuna e Isu i matai ria ri luhoi torea, i takia a bakovi i beu, i ta maea, “Turagu, a puga vuroki a naro hale vomu.”
25278	LUK 7:14	I laho lokovonga i nugua a moke, ra i tabuli vona a podana riau, lakea e huriki ri kalohoa ri pesi tata. Muri e Isu i ta maea, “Riau, ngane a taki ioe, o pesi rike!”
25304	LUK 7:40	Lakea e Isu i takia, i ta maea, “Simon, a tahoka a ngava ta ga taki ioe vona.” Lakea e Simon i koli i ta maea, “Mari ni tovo, mo vakalongo iau vona.”
25341	LUK 8:27	Na tahuna e Isu i page raga na aga, i masia a bakovi tara, i dili vona a hanitu. A bakovi iea a bakovi na tanga e Gerasa. E huriki na tanga bara ri kolo a vahana a limana na sen. I balaka kupo pali i ratea a hanitu, i rakudu gareka a sen, lakea a hanitu i lili talea na tanga ge made na robo i ngeki. I tabaka pali i uka ma i rodo a varakia, i uka ma i mahita na ruma. I mahita kunana na murine huriki ri mate. Lakea na tahuna e Isu i masia, i takia a hanitu ge pagitala vona a bakovi iea. Ngane a bakovi iea i mahita puru na vahane Isu, i gale tala dagi, i ta maea, “Isu, Tuna Vure Meli Liu, go rata navai iau? A nana tora ioe, naha ni ratapile iau!”
25368	LUK 8:54	Pali e Isu i nugua a limana sirula, i ta maea, “Sirula, o pesi rike!”
25473	LUK 10:41	Pali e Bakovi Dagi i koli, i ta maea, “Marta, Marta. Ioe o luhoi hateka a maki i kupo.
25542	LUK 12:14	E Isu i koli i ta maea, “Bakovi, e rei i ru iau ga pelekado o ga kori marua vona a mahala i pe puru e tamane marua?”
25599	LUK 13:12	Na tahuna e Isu i masia, i gale lokomugea vona, i takia, “Ngatavine, ngane i lobo a gilanga vomu.”
25621	LUK 13:34	Muri e Isu i ta maea, “Ierusalem, Ieru­salem! Mu rabalaki e huriki a propet, mu padimate na kedo e huriki a rudu valai ne mua. Balaka kupo a ngaru ni kali­popo palupu mua, i manga a kinana kureko i kavi­tagu a maka tuna na kara­pana, ga mata­kari mua. Pali mu koi mua.
25733	LUK 17:13	Ri gale dagi ri ta maea, “Isu, ioe a Bakovi Dagi. O dodo mia!”
25795	LUK 18:38	Lakea i gale tala, i ta maea, “Isu, Tune Davit, o dodo iau!”
25805	LUK 19:5	Na tahuna e Isu i bele vona a hini nga, i mata rike, i masia e Sakeus, lakea i takia, “Sakeus, o puru valai malaviriri! Mona ga made turamu na ruma vomu.”
25964	LUK 22:31	Lakea e Isu i ta maea, “Simon, Simon, o longo! E Satan i nana tora a Vure pali ge toni tora mua.
25967	LUK 22:34	Lakea e Isu i takia, “Petrus, muga na kureko ge tangi barama, bara o nana rovi iau balaka tolu.”
25975	LUK 22:42	“Tata, ioe bara o ngaru, o korimule iau vona a nimadihi dagi ta ga bolea. Pali naha ni muri mai a ningaru nau. O muri mai a ningaru vomu.”
25981	LUK 22:48	Pali e Isu i takia, i ta maea, “Iudas, i navai o ngurua a Tuna Bakovi go habia na limane huriki a pile?”
25990	LUK 22:57	Pali e Petrus i lavuni i ta maea, “Ngatavine, iau i uka ma lohoka vona a bakovi iea.”
25991	LUK 22:58	I uka ma i tabaka, a bakovi tara i masia e Petrus, lakea i ta maea, “Ioe tara o turane ria.” Pali e Petrus i lavuni tabu, i ta maea, “Bakovi, iau i uka ma a turane ria!”
25993	LUK 22:60	Pali e Petrus i lavuni tabu, i ta maea, “Bakovi, iau i uka ma lohoka vona a maki o takikia!” E Petrus i uka ma i vakalobo ni ta ma, a kureko i tangi.
26038	LUK 23:34	Muri e Isu i ta maea, “Tata, o puga a naro hale ne ria, a vuhuna i uka ma ri lohoka vona a maki ri rata.” E huriki a nugumaheto ri rehi vona tara rihiva. A viri bara i mulangi bara i bole a varakia ne Isu.
26046	LUK 23:42	Muri i takia e Isu, i ta maea, “Isu, na tahuna o lakea na harikianga vomu, o luhoi iau.”
26133	JHN 1:20	Lakea e Ioanes i uka ma i ruhuloloa tara ngava. I ta kavakava ne ria, i ta maea, “Iau, i uka ma iau e Kristo.”
26151	JHN 1:38	E Isu i matagege i matai rua ru muri vona, lakea i nana rua, “A ra muru ngarua?” Lakea ru nanea, “Rabi, o made vai?”
26160	JHN 1:47	Na tahuna e Isu i masia e Nataniel i laho valai vona, lakea i takia, “Muholi, ra bakovi iea a koma o Israel. I uka ma ia a bakovi ni tatami.”
26246	JHN 4:21	Lakea e Isu i vakalongoa, i ta maea, “Ngatavine, o longo. A parava bara i valai, i uka ma mu gu kavurikea e Tata na lolo iea o na tanga dagi e Ierusalem.
26273	JHN 4:48	Lakea e Isu i takia, i ta maea, “Mua, i uka ma mu gu matai a nivakasiri, a maki ni turutu, i uka ma mu gu luhoi tora iau.”
26460	JHN 8:10	Muri e Isu i pesi rike i nanea, “Ngatavine, a vai ria? E rei tara ne ria ge taki ioe go mate?”
26499	JHN 8:49	E Isu i koli, i ta maea, “Iau, i uka ma i dili nau a hanitu. Iau a togoa e Tata, pali mua i uka ma mu togo iau.
26521	JHN 9:12	Lakea ri nanea, “Pali avia ngane ra bakovi iea?” A bakovi i koli, i ta maea, “Ai, i uka ma lohoka vona.”
26628	JHN 11:36	Na tahuna e huriki a Iuda ri masia i tangi, ri ta maea, “Masia, i ngaru hatekea ra bakovi iea!”
26633	JHN 11:41	Muri ri kule talea a kedo. Lakea e Isu i mata rike na hunu, i ta maea, “Tata, a kavurike ioe a vuhuna o longo iau pali.
26677	JHN 12:28	O Tata, ge bagetu a ramu.” Muri a lohona viri tara i ta valai na hunu i ta maea, “Iau, a ragu ni vakabagetu pali. Pali ga ratea ge bagetu tabu.”
26746	JHN 14:9	E Isu i koli, i ta maea, “Pilip, iau a made tabaka pali turane mua, pali i navai i uka ma o lohoka nau? E huriki ri matai iau, ri masia e Tata. I navai a hini o ta maea, ‘O vakasiri mia vona e Tamamu.’
26829	JHN 17:1	E Isu i taki lobo a ngava nga, lakea i mata rike na hunu, i vasileki maea, “Tata, a parava i valai pali. O kavurike iau, e Tumu, lakea iau ga kavurike ioe,
26852	JHN 17:24	“Tata, a ngaru e huriki ra o habi nau ri gi made turagu na tanga ga made vona, ri gi masia a nibagetu nau, ra bagetuanga o habia nau, a vuhuna o ngaru iau muga na malala ni ratarike.
26853	JHN 17:25	“Tata, ioe o malamala, e huriki a bakovi a ngatavine na malala i uka ma ri lohoka vomu, pali iau a lohoka vomu. E huriki a tara nau ri lohoka vona ioe o rudu iau a valai.
26889	JHN 18:35	E Pilato i koli, i ta maea, “Ioe, o luhoi ge iau a Iuda? E huriki a viri vomu, e huriki a prister dagi ri tuli valai ioe koea. A ra naro hale o ratea?”
26920	JHN 19:26	Na tahuna e Isu i matai e kinana turana murimuri i ngaru hatekea ru pesi tabukoi, lakea i takia e kinana, “Nana, ra bakovi iea e tumu.”
26949	JHN 20:13	Lakea ru nanea, “Ngatavine, i navai o tangi?” Lakea i koli, i ta maea, “I ranga e huriki ri bolea a podane Bakovi Dagi nau, pali i uka ma a lohoka vona i vai a hini ri rua vona.”
26951	JHN 20:15	Lakea e Isu i nanea, “Ngatavine, i navai o tangi? E rei a viri o mata­kanea?” A ngatavine i luhoi ta ia a matakari na hania, lakea i takia, “Bakovi, ge ioe a viri o bolea, o taki iau vona a hini o rua vona, ga vano ga bolea.”
27130	ACT 5:2	I bole mule ranga mapana malala, i habi ranga tabekena ne huriki a apostolo. E girihina i lohoka vona a naro i ratea. Na tahuna i vano ge habi a moni ne huriki a apostolo, e Petrus i takia, i ta maea, “Ananias, i navai e Satan i dili vomu, o tamia a Hanu Kiripiripi, o bole mule ranga moni ni kona a malala vona?
27136	ACT 5:8	Lakea e Petrus i nanea, “O vakalongo iau ngane, ra moni nga, a mapana malala marua ni kona?” E Sapira i koli i ta maea, “E, ra ngi kunana a mapana malala.”
27289	ACT 9:4	E Saulus i boru puru na malala, i longoa a lohona viri i ta maea, “Saulus, Saulus, i navai o vakamadihi iau?”
27319	ACT 9:34	Lakea e Petrus i takia, “Anias, e Isu Kristo i vakatavaga ioe. O pesi rike, o pilu a moke vomu.” I malaviriri kunana e Anias i pesi rike.
27325	ACT 9:40	Pali e Petrus i tono tala ria na ruma. Muri i turume puru, i vasileki. I mata lakea na podana ngatavine, i ta maea, “Tabita, o pesi rike!” Lakea i matapara. Na tahuna i masia e Petrus, i made rike.
27341	ACT 10:13	Muri a lohona viri i ta maea, “Petrus, o pesi rike, o rabalaki, o kani a maki nga!”
27347	ACT 10:19	E Petrus i tabana ni luhoi kadoa a maki i masia na vurena, lakea a Hanu Kiripiripi i takia, “Simon, a bakovi ala tolu to matakana ioe.