57	GEN 3:1	A mata i moro hateka na rabu na taminga, i rangi a maka livoa lobo e BAKOVI DAGI a Vure i rata rike. I nanea a ngatavine, “I muholi a Vure i taki marua, nahea muru gu kani a maka kanena kai lobo na hania?”
65	GEN 3:9	Lakea e BAKOVI DAGI a Vure i galea a bakovi, “Adam, ioe vai?”
67	GEN 3:11	Lakea a Vure i nanea, “E re i taki ioe o bobo? Ra ioe, o kania a kanena kai a ta pupukari ioe vona?”
69	GEN 3:13	Muri e BAKOVI DAGI a Vure i nanea a ngatavine, “A ra o ratea ke?” Lakea a ngatavine i koli, “A mata i tami iau a kania a kanena kai.”
89	GEN 4:9	Muri e BAKOVI DAGI i nanea e Kain, “Avia e tarimu e Abel?” E Kain i koli mule i ta maea, “I uka ma a masia. Ra iau, ge iau a vora ni matakari e tarigu?”
369	GEN 15:8	Lakea e Abram i ta maea, “Bakovi Dagi, ioe a matakari na maki lobo, ga matakilala navia a malala iea ge ne nau?”
390	GEN 16:8	Lakea a agelo i ta maea, “Hagar, ioe a vora ne Sarai, o valai vai? Pali ngane go loko vai?” E Hagar i koli, i ta maea, “Iau a ha na ngatavine dagi nau, e Sarai.”
415	GEN 17:17	Muri e Abraham i lolu puru liu na malala, i nongo, i taki mulea, “Iau a gare, a tahoka a pida i 100 pali, pali ga vakaluve navia a koma bakovi? Pali e Sara tara i gare, i tahoka a pida i ravulu polo va (90). Pali ge poda navia a koma?”
434	GEN 18:9	Ngane a mosi nga to nanea, “Avia e girihimu e Sara?” E Abraham i koli, i ta maea “Ia pololilo na kape.”
453	GEN 18:28	Pali ge uka a viri ala ravulu lima a narone ria i kamumu, pali ge tahoka kunana a viri ge ala 45, a tanga dagi go ratapilea?” E Bakovi Dagi i koli mule i ta maea, “Bara i tahoka a viri ala 45, i uka ma ga ratapilea a tanga dagi.”
454	GEN 18:29	E Abraham i nana tabu, “Pali ge tahoka a viri ge ala ravulu va ni gi matavisi, ge navai?” E Bakovi Dagi i koli mule, i ta maea, “Bara i tahoka a viri ala ravulu va, i uka ma ga ratapilea a tanga dagi.”
455	GEN 18:30	E Abraham i nana tabu, “O hatenono, o longotaro ga ta. Pali ge tahoka a viri ge ala ravulu tolu ni gi matavisi vonga, i kamumu a narone ria, a ra go ratea?” E Bakovi Dagi i koli, i ta maea, “Iau bara matavisi a viri i ravulu tolu vonga, i uka ma ga ratapilea a tanga dagi.”
456	GEN 18:31	Muri e Abraham i nana tabu, “Bakovi Dagi, iau a rata hateka a ngava i lakea vomu, pali ge tahoka a viri ge ravulu rua ni gi matavisi vonga i kamumu a narone ria, a ra go ratea?” E Bakovi Dagi i koli mule, i ta maea, “Bara i tahoka a viri ala ravulu rua, i uka ma ga ratapilea a tanga dagi.”
457	GEN 18:32	Muri e Abraham i nana tabu, “Bakovi Dagi naha ni tahate, ga nana ioe balaka taku tabu. Pali a viri ge ala ravulu ni gi matavisi vonga, i kamumu a narone ria, ge navai?” E Bakovi Dagi i koli mule, i ta maea, “Bara i tahoka a viri i ala ravulu, i uka ma ga ratapilea a tanga dagi.”
506	GEN 20:10	Muri i nana tabua, “A ra vuhuna o ratea a rabu iea?”
543	GEN 21:29	Lakea e Abimelek i nanea e Abraham, “I navai o bole a tuna sipsip a kinana i polorua, o ru here ria?”
555	GEN 22:7	lakea e Isak i galea e Abraham, “O tata?” E Abraham i koli mule, i ta maea, “O tugu, i navai?” Lakea e Isak i nanea, “A kanono a kai koea, pali i vai a tuna sipsip ne vona a nihabi gutu-vuro?”
597	GEN 24:5	Lakea a vora i nanea, “Pali a ngatavine ge koi ni valai vona a robo iea, ga marata navai? E tumu, ga bole lokovongea na robo o vuhuna vona, o ge uka?”
615	GEN 24:23	Muri i nana, “Ioe e tune rei? A ruma e tamamu, i tahoka a hini mi gi mahita taro vona na rodo?”
650	GEN 24:58	Lakea ru galea e Rebeka, ru nanea, “Ioe go vano turana a bakovi iea?” I koli mule, i ta maea, “Ga vano”.
657	GEN 24:65	i nanea a vora, “E rei ra bakovi na hania i laho valai, ge tagui hita?” A vora i koli mule, i ta maea, “A bakovi dagi nau.” Lakea e Rebeka i bolea a hineva, i kavitagua a matana.
681	GEN 25:22	Na palona i tahoka a koma i rua, ru varata tuhare bala pololilo, lakea e Rebeka i ta maea, “I navai i bele maea nau a hini?” Pali i vano i vasileki ge nana e BAKOVI DAGI vona a naro iea.
691	GEN 25:32	Lakea e Esau i ta maea, “O longo valai, iau a mate na vitoloa, ra murigu a tabua, a ra i kamumu vona?”
702	GEN 26:9	Lakea, e Abimelek i galea e Isak, i nanea, “Ra ngatavine iea, e girihimu! I navai o takia ta ia e kurabamu?” Lakea e Isak i koli mulea, i ta maea, “A vuhuna a luhoi maea, bara takia e girihigu, e huriki a bakovi bara ri rabalaki iau, ri bolea e Rebeka.”
746	GEN 27:18	I bole lakea ne tamana i gale, “Tata.” Lakea e Isak i koli mulea, “Iau ieni. Ioe e rei ke?”
748	GEN 27:20	E Isak i nanea e tuna, “Ioe o mulangi, o hamule malaviriri polo?” Lakea e Iakop i ta maea, “E BAKOVI DAGI a Vure vomu i habi a mulangia nau.”
749	GEN 27:21	Lakea e Isak i takia e Iakop, “O karuku valai tabukoi, ga nugua a kulimu, ioe muholi e tugu e Esau, o i uka?”
752	GEN 27:24	Muri i nanea, “Ra ioe, ioe muholi e tugu e Esau?” E Iakop i koli mule, i ta maea, “Iau kunana.”
760	GEN 27:32	Lakea e tamana e Isak i nanea, “Ioe e rei ke?” E Esau i ta maea, “Iau e Esau, e tumu a tabua.”
764	GEN 27:36	E Esau i ta maea, “Ni gale lato vona a rana e Iakop. Ngane i balaka rua a hini i kau a maki nau. I muga i ngaru ge ia a tabua, a longo maia. Pali ngane i tamia e tata, i gamaia!” Muri i nanea, “Ioe o tahoka ranga maki kamumu o ru mule, go gamai iau vona?”
765	GEN 27:37	Pali e Isak i koli mulea, i ta maea, “Iau a rua pali ge ia a bakovi dagi vomu. E turana mai bara ria a vora vona. Bara i tahoka a vit a vain i kupo. Pali o tugu, ga rata navai ioe?”
773	GEN 27:45	ge longokaburungia a hini o rata virihia vona. Muri ga talo rike a ngava vomu, o hamule valai. I navai a hini muru gu velu varago nau na parava i taku?”
800	GEN 29:4	E Iakop i nana e huriki a matakari na sipsip, “Turagu mai, mua a viri vai?” Ri koli mule ri ta maea, “Mia a bakovi o Haran.”
801	GEN 29:5	Lake i nana tabu, “E Leban, e tubune Nahor, mu lohoka vona o i uka?” Ri koli mule, ri ta maea, “Mi lohoka vona.”
802	GEN 29:6	Muri i nana tabu, “Pali i kamumu, o i uka?” Ri koli mule, ri ta maea, “I kamumu kunana. Mata lakea, e Resel, e tuna a ngatavine i valai turana a kabu na sipsip vona.”
811	GEN 29:15	lakea e Leban i takia, “Ioe e tune kurabagu muholi. Pali a koi ioe go leho tavula. O taki iau, ge riva a mapana leho vomu?”
821	GEN 29:25	Na hatelanga, i turutu vona e Lea i mahita turana. Lakea e Iakop i takia e Leban, “Ioe o rata navai iau? Iau a leho vomu ta ga parangi vona e Resel. I navai a hini o tami iau?”
846	GEN 30:15	Pali e Lea i marikoi, i ta maea, “Ioe o rata marogoa pali e girihigu. Pali ngane o ngaru ni bole tabu ranga vuana kai manginoro ne tugu?” Lakea e Resel i ta maea, “Kamumu hateka, ioe bara o habi nau ranga vuana kai manginoro, o mahita turana barama na rodo e Iakop.”
862	GEN 30:31	Lakea e Leban i nana, “Pali a ra o ngaru ga habi vomu?” E Iakop i koli, i ta maea, “A koi go habi nau a maki viliha. O rata kunanea tara naro, muri bara matakari tabu a kabuna sipsip vomu.
904	GEN 31:30	Pali ngane o vano, a vuhuna o ngaru hateka ni hamule na tanga vomu. Pali i navai o panaho a maka vure nau?”
956	GEN 32:28	Lakea a bakovi i nanea, “E rei a ramu?” I koli mule, i ta maea, “A ragu e Iakop.”
958	GEN 32:30	Lakea e Iakop i takia, “O taki iau vona a ramu!” A bakovi i koli, i ta maea, “I navai o nana vona a ragu?” Muri i gamaia e Iakop.
966	GEN 33:5	Muri i mata rike e Esau, i matai e huriki a ngatavine a koma, lakea i nana, “E rei e huriki ri turamu?” Lakea e Iakop i koli mulea i ta maea, “Iau a vora vomu. A Vure i rata a naro kamumu nau, i habi nau e huriki a koma nga.”
969	GEN 33:8	Lakea e Esau i nana, “Ra maka sipsip a bulmakau a matai, go bole lokovai?” Lakea e Iakop i ta maea, “Bakovi dagi nau, ta ga habi vomu, go rata kamumu iau.”
1012	GEN 34:31	Lakea ru nana maea, “O luhoi navai, miri gi mata taroa e kurabane maria, ni gi rata manga a ngoi?”
1092	GEN 37:8	Na tahuna e tukana mai ri longoa, ri nanea, “Ioe o luhoi ge ioe a matakari ne mia? Ioe o ngaru mia mi gi longototo a ngavamu?” Lakea ri tepu hatekea vona a nuverei na vurena.
1094	GEN 37:10	I tuvereia ne tamana, e huriki e tukana ra vurena, lakea e tamana i tahatea, i ta maea, “O vurena navai ke? Ioe o ngaru e kinamu, iau, e tukamu mai, mi gi lolu puru na ngalamu?”
1099	GEN 37:15	a bakovi tara i matavisia i laho viliha vonga i nanea, “A ra o matakanea?”
1114	GEN 37:30	I hamule lakea ne huriki e tarina i ta maea, “E Iosep, i uka ma ia na lovo! Ga navai iau?”
1136	GEN 38:16	I uka ma i matakilalea, ge kana. Lakea i lokovonga mai ia na dahana dala, i takia, “O valai ga mahita turamu.” Lakea e Tamar i nanea, “Ga mahita turamu, a ra go habia nau?”
1138	GEN 38:18	E Iuda i nana maea, “A ra maki ga habi vomu?” E Tamar i koli, i ta maea, “O habi nau a kodo vomu, turana a maki ni ru a kilakilamu vona, turana a motana.” Lakea i habi ne Tamar a maki i ngaru, muri i mahita turana, i singou.
1141	GEN 38:21	Lakea i nana e huriki a bakovi, ra ri made vonga, “Avia ra ngoi i made bala na dala o Enaim?” Lakea ri ta maea, “Ra hini ngi, i uka ngoi vona.”
1145	GEN 38:25	Na tahuna ni bole tala ni gi gutu, i rudu a ngava lakea ne lahuana i ta maea, “Iau a singou na bakovi i habi nau a maki nga. A maki ni ru a kilakilana a viri vona turana a motana, a kodo. Mu matakilala, a maki e rei?”
1159	GEN 39:9	I uka a viri ge matakaria a ruma, iau kunana a matakaria. E girihimu i uka ma i hatekakaria nau tara maki. Ioe kunana i hatekakari iau vomu, a vuhuna ioe e girihina. Ga rata a naro hale navai na matana Vure?”
1180	GEN 40:7	Lakea i nana ra bakovi nga, ra ru made turana na ruma na matakari vona, “I navai muru mata matasia mavonga mona?”
1234	GEN 41:38	Lakea e Parao i nana e huriki a bolekori, “Si gi bolea vai tara bakovi ge manga ra bakovi iea i ta vona a hanuna Vure?”
1260	GEN 42:7	Na tahuna i matai e huriki e turana mai, i matakilala liu ria, i tami rabu ta ia a bakovi tara. Lakea i tapuhaki, i nana ria, “Ra mua, mu valai vai ngane?” Ri ta maea ria, “Mi valai na robo e Kenan, ta mi gi kona a maki ni kani.”
1281	GEN 42:28	I vakalongo e huriki a turana i ta maea, “Ra kedo silva nau ni tahoni mule na kulopi!” Na tahuna ri longo a ngava iea, i lege a lohone ria, i vuruke a tagane ria, ri gi navai, lakea ri ta maea, “A Vure i rata navai hita?”
1318	GEN 43:27	I tagui lobo ria, muri i nana vona e tamane ria, “Avia e tamane mua, ra mu vakalongo iau vona hosi? I kamumu kunana?”
1320	GEN 43:29	Na tahuna i ta turane ria i masia ngane e Bensamin, ra ru kinana taku, lakea i nana, “Ra koma iea e tarine mua, ra mu vakalongo iau vona hosi?” Lakea i ta tabu maea, “Tugu, a Vure bara i matakari ioe.”
1362	GEN 45:3	Lakea i vakalongo e huriki e turana, “Iau e Iosep! Avia e tata, i tabana ni mahuri?” Pali e huriki e turana ri keri ni tara­totoa, a vuhuna ri mangenge hateka.
1424	GEN 47:3	Lakea e Parao i nana ria, “A ra leho mu lohoka na niratana?” Ri ta maea ria, “Bakovi dagi. A leho mi lohoka vona, ni matakari a sipsip, i manga a leho i rata e tamane mia muga.
1429	GEN 47:8	lakea e Parao i nanea, “I riva a pida vomu?”
1460	GEN 48:8	Na tahuna e Iakop i matai e tune Iosep ala rua, i nana, “E rei a koma nga?”
1551	EXO 1:18	Lakea a hariki i gale valai tabu a ngatavine nga, i nana rua, “I navai i uka ma muru ramaia a ngava a taki marua vona, muru gu rabalaki a koma bakovi?”
1568	EXO 2:13	Na parava muri e Moses i hamule tabu i matai a Hibru ala rua ru vaubi. Lakea i takia a viri i vakatubu a vabinga, “I navai o ubia e turamu?”
1569	EXO 2:14	A bakovi i koli, i ta maea, “E rei i ru ioe ge ioe a matakari, go pelekado a narone mia? I navai, o luhoi ni rabalaki iau, ge manga a hini o rabalakia a bakovi o Egipto ravi?” Na tahuna e Moses i longoa a ngava iea i mangenge, i luhoi maea, “E huriki ri lohoka vona pali a naro a ratea.”
1573	EXO 2:18	Na tahuna ri hamule, e tamane ria e Ietro i nana, “I navai mu hamule malaviriri?”
1583	EXO 3:3	Lakea i ta maea, “Ga lokovonga tabukoi, ga masia a maki i hube. I navai a kai kiroko iea i uka ma i nono?”
1591	EXO 3:11	Pali e Moses i takia a Vure, “Iau e rei a bakovi ga lakea ne Parao, ga takia ga tuli tala e huriki a Israel o Egipto?”
1593	EXO 3:13	Lakea e Moses i takia a Vure, “Na tahuna ga lakea ne huriki a Israel, ga taki maea ria, a Vure ne huriki a gare ne mua i rudu iau a valai. Pali ma ri gi nana ranga, ri gi ta maea, ‘E rei a rana?’ Ga ta navai?”
1604	EXO 4:2	Lakea e BAKOVI DAGI i nanea, “A ra o bolea na limamu?” E Moses i koli, i ta maea, “A kodo na nilaho.”
1647	EXO 5:14	Lakea ri ubi e huriki a matakari ne Israel ni ru ri gi matakari a leho, ri ta maea, “I navai i uka ma mu rata a brik ge manga a hini mu rata muga?”
1686	EXO 6:30	Pali e Moses i takia e BAKOVI DAGI, “O lohoka vona iau a ta korokoro, i navai e Parao ge longo mai iau?”
1785	EXO 10:7	E huriki a bolekori ri takia e Parao, “I balaka riva a hini go longotaro a bakovi nga? Ngane ru habi a maregoa ne hita. O longo ne ria ri gi vano ri gi kavurikea e BAKOVI DAGI, a Vure ne ria. Ra ioe, i uka ma o masia e Egipto i hale liu pali?”
1786	EXO 10:8	Muri e Moses e Aron ni tuli hamule ne Parao, i taki rua, “Mu vano mu vasileki ne BAKOVI DAGI, a Vure ne mua. Pali mu taki iau ngane, e rei ge vano?”
1945	EXO 15:24	Lakea e huriki ri tahatea e Moses, “A ra mi gi nua ngane?”
1955	EXO 16:7	bara mu masia a nipara vona na hatelanga, a vuhuna mu deke hateka vona. Ra maria, maria a bakovi tavula, pali i navai mu deke valai ne maria?”
1963	EXO 16:15	Na tahuna e huriki a Israel ri matai a maki nga, ri vanana, “A ra maki nga?” Lakea e Moses i taki ria, “Ra maki nga a bret, e BAKOVI DAGI i habi mu gu kani.
1986	EXO 17:2	Lakea ri tahatea e Moses ri ta maea, “O matakanea ngane a naru mi gi nua!” E Moses i koli, i ta maea, “I navai mu tahate iau? Mu ngaru ni toni a nitora ne BAKOVI DAGI?”
1987	EXO 17:3	Pali e huriki ri mate na marohua, ri deke lakea ne Moses, ri ta maea, “Ge ra o tuli tala mia o Egipto? O ngaru mi gi mate turane huriki e tune mia, a sipsip a bulmakau ne mia?”
1991	EXO 17:7	Ri galea a hini nga e Masa e Meriba, a vuhuna e huriki a Israel ri tahate, ri ta maea, “E BAKOVI DAGI i made turane hita, o i uka?” Na naro iea kunana ri ngaru ni tonia e BAKOVI DAGI.
2014	EXO 18:14	E Ietro i matai a maki e Moses i rata ge tuhori e huriki, lakea i takia, “Ioe o rata hateka a leho ni tuhori e huriki. I navai ioe kunana o ratea a leho iea, na tahuna ri valai ri pesi halui ioe na hatelanga i harena na malunga?”
2460	EXO 32:21	Lakea e Moses i nanea e Aron, “Re huriki nga a ra ri ratea vomu, o mata taro ria ri ratea ra naro hale dagi iea?”
2996	LEV 10:18	Matou i uka ma moto bole a darana nihabi ge dili na Tabeke Nitaba, pali i navai i uka ma moto kani pololiloa vonga, ge ramaia a ngava iau a vakuku mua vona?”
2997	LEV 10:19	Lakea e Aron i takia e Moses, “O longo, mona e huriki ri habi a nihabi na naro hale ne ria, a nihabi gutu-vuro. Pali ge a ra, a maki hale i bele nau pali. I mavonga, na tahuna ga kani a nihabi na naro hale mona, e BAKOVI DAGI ge ngarua a narogu?”
3973	NUM 9:7	ri ta maea, “Mi nugu a podana bakovi i mate, i uka ma mi matapado. Pali i navai i uka ma mi gi vapopo turane huriki mi gi habi a nihabi ne BAKOVI DAGI?”
4045	NUM 11:20	Bara mu kani a kania na keva i taku, muri bara mu kide tala ni kani a kania bara mu ngaru ni muta. E BAKOVI DAGI i made na kurukurune mua, pali mu ngalahere mu deke lakea vona mu ta maea, “I navai mi pe a robo e Egipto mi valai?” ’”
4068	NUM 12:8	I mavonga, a ta turana i manga a bakovi i ta turana e turana. A ta kavakava vona, i uka ma ta vakakika. Ia tara i matai iau. Pali i navai i uka ma muru mangenge ni harogi e Moses, a vora nau?”
4198	NUM 16:3	Ri valai ne Moses e Aron ri taki rua ri ta maea, “Muru rata polomugamuga hateka. Hita lobo a tara na vaponga ne BAKOVI DAGI ni gamai, i uka ma i marua kunana. E BAKOVI DAGI i made turane hita lobo. I navai muru bibi rike mule marua muru matakari mia?”
4217	NUM 16:22	Pali e Moses e Aron ru tabuli ngalabarara na malala, ru takia e BAKOVI DAGI ru ta maea, “Vure, ioe kunana o rata e huriki a bakovi a ngatavine ri made. I navai i madihi a hatemu ne huriki nga na naro hale na bakovi ala taku i ratea?”
4322	NUM 20:10	E Moses rua e Aron ru vakalipopo e huriki tabukoi vona ra kedo iea, lakea e Moses i taki ria, i ta maea, “Mu longo valai, mua e huriki a bakovi a ngatavine ni longotaro a ngava. Mu luhoi miri gi bole tala a naru vona a kedo iea?”
4385	NUM 22:9	A Vure i valai ne Balam i nanea, “E rei re huriki ri made turamu?”
4404	NUM 22:28	E BAKOVI DAGI i ratea a donki i ta, i takia e Balam i ta maea, “A ra a ratea vomu o hotu iau balaka tolu?”
4406	NUM 22:30	Lakea a donki i ta maea, “Iau a donki vomu o rike nau na tahuna a karaba vona i valai i harena mona. I hosi, iau a rata maea ioe?” Lakea e Balam i koli i ta maea, “I uka”.
4413	NUM 22:37	Lakea e Balak i takia e Balam, “Muga a rudu e huriki a vinuru ri lakene ri taki tora ioe go valai. I navai i uka ma o valai? O luhoi iau a keri ni habi a mahala vomu?”
4434	NUM 23:17	I hamule i masia e Balak turane huriki a bakovi dagi o Moab tabukoi na maka nihabi gutu-vuro. Lakea e Balak i nanea e Balam i ta maea, “E BAKOVI DAGI i ta navai?”
5949	JOS 5:13	Na parava tara e Iosua i made tabukoi o Ieriko i masia tara bakovi i pepesi, i nugua a bainat. E Iosua i lokovonga vona i nanea, “Ioe a nugumaheto ne mia o ioe a pile?”
5950	JOS 5:14	A bakovi iea i koli i ta maea, “I uka. Iau a ubu na tara ne BAKOVI DAGI. Ngane a valai.” Lakea e Iosua i lolu puru i padoi a malala a gina, i kavurikea a bakovi iea i ta maea, “Iau a vora vomu. A ra o ngarua ga ratea?”
6047	JOS 9:8	Lakea e huriki a Hivi ri takia e Iosua ri ta maea, “Mi ngaru ni leho manga a vora ne mua.” Lakea e Iosua i nana ria, “E rei a kabu ne mua? Mu valai vai?”