Wildebeest analysis examples for:   bpr-bpr   i    February 11, 2023 at 18:07    Script wb_pprint_html.py   by Ulf Hermjakob

23214  MAT 1:1  Ani sén i dad dagit i gutambul Dyisas Krayst, i bel Harì Dabid, dunan i bel Abraham.
23215  MAT 1:2  Mdà Abraham, kenen i Isaak, na Isaak i mà Dyékob, na Dyékob i mà Dyuda na i dad flanekan.
23216  MAT 1:3  Na Dyuda i Péris na Sérah, na yé dagit i yêla Tamar. Na mdà Péris, kenen i mà Hésron, i mà Ram.
23217  MAT 1:4  Na Ram i Aminadab, na Aminadab i mà Nason, na Nason i mà Salmon.
23218  MAT 1:5  Na Salmon i mà Boas, na yé dagit i yê Boas dunan Rahab. Na mdà Boas, kenen i mà Obéd, na yé dagit i yê Obéd dunan Rut. Na mdà Obéd, kenen i Dyési.
23219  MAT 1:6  Na Dyési i mà Harì Dabid. Na mdà Harì Dabid, kenen i mà Solomon, na yé yê Solomon i yaan Uraya.
23220  MAT 1:7  Na mdà Solomon, kenen i Rihoboam, na Rihoboam i mà Abadya, na Abadya i mà Asa.
23221  MAT 1:8  Na Asa i Dyihosafat, na Dyihosafat i mà Dyoram, na Dyoram i mà Usaya.
23222  MAT 1:9  Na Usaya i mà Dyotam, na Dyotam i mà Ahas, na Ahas i mà Hésékaya.
23223  MAT 1:10  Na Hésékaya i Manasi, na Manasi i mà Amon, na Amon i mà Dyosaya.
23224  MAT 1:11  Na Dyosaya i mà Dyékonaya, na i dad flanekan lagi. Di dad du atù, i dad to mdà di banwe Babilon, kanfèla ale gagin i dademela Dyu, na nebela ale didi Babilon.
23225  MAT 1:12  Na kanto ale kel di Babilon, nun ngà Dyékonaya, na yé dagitan Saltiyél. Na Saltiyél i mà Sorubabél.
23226  MAT 1:13  Na Sorubabél i mà Abayud, na Abayud i Ilaykim, na Ilaykim i mà Asor.
23227  MAT 1:14  Na Asor i mà Sadok, na Sadok i Akim, na Akim i Ilayud.
23228  MAT 1:15  Na Ilayud i Éliasar, na Éliasar i mà Matan, na Matan i mà Dyékob.
23229  MAT 1:16  Na Dyékob i Dyosip, i yaan Méri, dunan i Dyisas, i dnagit Krayst.
23230  MAT 1:17  Yé duenam man, yé kdee kastugad i to mdà di ku Abraham kel di ku Harì Dabid dunan sfalò fat. Na mdà di ku Harì Dabid kel di kgebe i dad to Israél salu didi Babilon, yé kdee kastugad i to lê sfalò fat. Na mdà di kgebe i dad to Israél salu di Babilon kel di ksut Dyisas Krayst, lê sfalò fat i kdee kastugad.
23231  MAT 1:18  Ani santulen gablà di ksut Dyisas Krayst. Mdà i yêan, Méri, nun yaan ton, yé dagitan Dyosip. Bay di lamla là swè, gadèan ta maltien kenen fagu di Mtiu Tulus Dwata.
23232  MAT 1:19  Na Dyosip i satu to too tluh, bay là mayèan ku fyàan Méri di kanfe i kdee dad to, taman, yé fandaman là fanlesan dun di landè dademe to gmadè.
23233  MAT 1:20  Bay di lam Dyosip famdam ani, nun satu kasaligan i Dwata msut di kenen fagu di kna, manan, “E Dyosip, bel Harì Dabid, nang ge limsong ku Méri du i ngà lantienan mdà di Mtiu Tulus.
23234  MAT 1:21  Mngà kenen lagi, na yé dagitam dun Dyisas, du falwàan i dad ton di dad salàla.”
23235  MAT 1:22  Na mgii kdee ayé du fye gdohò i ta gman Dwata di munan fagu di satu tugadan, manan,
23236  MAT 1:23  “Tadè maltien i satu sawang libun, na mngà kenen lagi, na yé katlola kenen Imanyuél.” Na yé gumtatek Imanyuél dunan, “Ta dini Dwata sagin di gito.”
23237  MAT 1:24  Kanto mukat Dyosip, ta nimenan i flau i kasaligan Dwata di kenen na nsongan Méri.
23238  MAT 1:25  Bay silang sgafat i lawehla ta fnge sut i ngà Méri. Na kanto sut i ngà ayé, yé dagit Dyosip dun Dyisas.