29	GEN 1:29	Lêman talù Dwata, manan, “Blégu gamu kdee dad tmabò di tanà, na i kdee dad kayu nun bunge, du fye nun knaanyu.
56	GEN 2:25	Balù flaweh i lagi na libun ani, là ale sa myà.
60	GEN 3:4	Kabay man i ulad, “Bong là, là gamu sa mati.
105	GEN 4:25	Na lêman mngà ale Adam na yaanan Iba lagi. Na man Iba, “Banlé agu Dwata tingà lagi i tlas Abél i fnati Kain.” Taman dnagitan i tingaan ani ku Sét.
276	GEN 11:9	I banwe ani dnagit ku Babél, du sansahal Dwata i Amu i talù dad to déén, du fye mgimò dee sahal talù. Na mdà di Babél, sanbalétan i dad to di klamang banwe.
302	GEN 12:3	Banlégu kadang kafye i dad to fafye ge, bay dnuengu i balù simto dmuen ge. Fagu di ge blégu kafye di kdee dad to di klamang banwe.”
307	GEN 12:8	Mdà déén, fadlug ale Abram salu di dad bulul gsen di gusut i duh mdadong di banwe Bétél, du mlawig di gutngà i banwe Bétél na banwe Ay. I banwe Bétél i gsen di gusdaf i duh, na i banwe Ay i gsen di gusut i duh. Na déén lêmanan nimò i gudamsù di Dwata i Amu, na mangamfù kenen di Dwata.
315	GEN 12:16	Too fanse fanduf harì ani Abram, du man nawan ise ale satlamin. Banlén Abram dee dad bilibili, dad kambing, dad baka, dad lmanaf dnagit dongki na kamél, na dad lifan, libun na lagi.
322	GEN 13:3	Di kdaan di banwe Négéb, fadlug magu di sahal banwe. Kafnge én, kel di banwe Bétél di muna gumnean di gutngà i banwe Bétél na Ay,
339	GEN 14:2	Na i dad harì ani, sasatu fandamla sfati di lime dademe harì, dunan Bara harì di Sodom, Birsa harì di Gomora, Sinab harì di Adma, Sémébér harì di Séboyim, na harì di Béla, na i satu dagit i banwe én dunan Sor.
345	GEN 14:8	Na fasfulê ito di dad lime harì gine di banwe Sidim. Na i dad harì ani mdà di dad banwe Sodom, Gomora, Adma, Séboyim, na Béla dunan Sor, na i dad sundalula, fatlagad ale di kasfati déén di datal tanà mdadong di Sidim.
396	GEN 16:14	Na ani i duen dmagit i ktufa én, Béér Lahay Roy, du i gumtatekan, dunan Ktufa Dwata i Mto na i Mifat Deg. Na i ktufa ani déén fa kel di bang ani di gutngà i banwe Kadis na Béréd.
414	GEN 17:16	Banlégu kenen kafye na toota ge banlé i tingà lagi fagu di kenen. Banlégu kenen kafye na kenen sa mgimò yê i dee bung dad to. Na nun kadang mgimò harì mdà di dad belan.”
452	GEN 18:27	Na lêman talù Abraham di Dwata, manan, “Balù alò agu to, na ge Dwata i Amu, toom beg fantahà i nawam di deg di kafadluggu stulen di ge.
456	GEN 18:31	Man Abraham, “Balù ge i Amu, fantahaam nawam di deg. Tan ku én alò teenam lwe falò dad to matlu?” Man Dwata, “Ku nun teengu lwe falò dad to matlu, làgu falmo dun.”
477	GEN 19:19	Balù too bong kagtabengyu deg, du fye là agu mati, baling agu mati. Là agu gmagan mila ditù di dad bulul, du too mawag.
521	GEN 21:7	Léan man, “Di muna, simto kè i fakay gamtulen di ku Abraham na satu duh fantutùgu i tingà? Balù tatoo kenen tua, mngà agu fa i tingaan lagi.”
528	GEN 21:14	Na di kakwalan too flafus, banlé Abraham Hagar knaan, na i gumkah yéél too fnò. Na ftiangan kenen, na fdaan kenen na i tingaan lagi. Mdà ale na salu di banwe landè to dnagit Bérsiba, na lamngab ale déén.
567	GEN 22:19	Kagman Dwata ani, samfulê Abraham na Isaak di dad saligla, na mdà ale mulê salu di Bérsiba, na mnè ale déén.
607	GEN 24:15	Di laan fa fnge dmasal, takel i satu sawang libun dnagit ku Rébéka, tmiang i tibudan. Rébéka ani, tingà Bétuél, na Bétuél tingà Mélka lagi. Na Mélka i yaan Nahor, i flanek Abraham lagi.
616	GEN 24:24	Na tmimel Rébéka, “Màgu dunan Bétuél, i tingà Nahor na Mélka.”
627	GEN 24:35	Too mablé Dwata i Amu kafye i amugu na mgimò kenen to nun. Banlén kenen dee dad bilibili, dad kambing, dad baka, dad salafì, dad blawen, dad lifan, dad kamél, na dad dongki.
639	GEN 24:47	“Na snalekgu kenen ku simto i maan. Na tmimel kenen manan i maan dunan Bétuél, i tingà Nahor na Mélka. Na kafnge én, nwègu i ulel na i dad glang na blégu kenen.
642	GEN 24:50	Na man Laban na Bétuél, manla, “Tafite Dwata i Amu, i knayean, taman landè dademe gmanmi.
654	GEN 24:62	Na di bang ani, Isaak tatì mulê kenen mdà di banwe Bér Lahay Roy salu di banwe Négéb di gumnean.
679	GEN 25:20	Na tafat falò fali Isaak di kagwean i yaanan Rébéka, i tingà Bétuél. Bétuél ani, na Laban i flanek Rébéka, mnè ale di Aramaya di Mésofotamya.
691	GEN 25:32	Man Isaw, “Hae, fye sa. Balù deg i tingaan twege, tan i gukmamugu i untung én ku mati agu di kbitilgu ani.”
747	GEN 27:19	Na man Dyékob, “Deg sa i tingaam twege Isaw. Tanimògu i fimoam deg. Beg ge mték mà, du kmaan ge i uten nebegu ge, du fye kadang mni ge di Dwata, du fye mlé kenen kafye di deg.”
776	GEN 28:2	Bay baling ge fatlagad, na mdà ge nan salu ditù di banwe Mésofotamya, di gumnè i mà i yéam Bétuél. Ditù gumweam yaanam. Na i nweam yaanam di dad ngà libun Laban i lagi yéam.
779	GEN 28:5	Kafngen talù, fdaan Dyékob salu di Mésofotamya ditù di ku Laban tingà Bétuél i to mdà di banwe Aramaya. Na Laban ani lagi Rébéka, i yê Dyékob na Isaw.
784	GEN 28:10	Na tamdà Dyékob di banwe Bérsiba na salu ditù di banwe Haran.
787	GEN 28:13	Na teenan Dwata i Amu, tadag di tah i yaut na talù, manan, “Agu sa Dwata i Amu, Dwata i fuam Abraham na Dwata i maam Isaak. Blégu ge na i dad belam kadang i tanà gumileam ani.
793	GEN 28:19	Na dnagitan i banwe ani Bétél, du i muna dagit i banwe ani dunan Lus.
958	GEN 32:30	Man Dyékob, “Begam tulen deg ku simto ge kè?” Kabay tmimel i to atù, manan, “Kan kè smalek ge deg ku simto agu.” Kafnge én, banlén kafye Dyékob.
972	GEN 33:11	Begam dnawat i blégu ge, du tagablé Dwata di deg i kafye, na tagablén di deg kdee klidùgu.” Na du too fakdo Dyékob, dnawat Isaw i dad blén.
976	GEN 33:15	Na man Isaw, “Ku én, na tnagakgu ge i dad dademe dad togu du fsalngangu ge.” Kabay man Dyékob, “Bayaam sa, nangam fsamuk i nawam, balù alò gami magu. Du talehew agu nan, du gine too ge lehew smite deg.”
1086	GEN 37:2	Na ani i santulen gablà i dad ngà Dyékob. Na tasfalò fitu fali Dyosif, na tnabengan i dad twegen mifat i dad lmanaf i màla. Na dad twegen ani dad ngà di dademe yaan Dyékob dunan Bilha na Silfa. Satu duh, salu Dyosif di maan, du tulenan kenen gablà di sasè nimò i dad flanekan.
1187	GEN 40:14	Kadang di kafye kagkaham lêman, toom agu fandam, na kandom agu. Begam tnulen Faraon gablà di deg, du fye began agu falwà di bilanggù ani.
1240	GEN 41:44	Na lêman man i harì di ku Dyosif, “Balù deg sa i harì, bay là fakay ku i dad togu dini di banwe Idyif, mimò balù tan ku laam ale faloh.”
1257	GEN 42:4	Kabay i twalila, i dnagit ku Bénhamin, là fagin Dyékob, du likò kenen ken nun sasè gaslokan.
1289	GEN 42:36	Na man i màla, “Fagu di gamu, tatì lana i dademe dad ngàgu. Tamati Dyosif, na Simyon tatnagakyu ditù di Idyif, na ani lêmanyu kayè ku faginyu Bénhamin. Tooyu agu banlé kaflayam.”
1290	GEN 42:37	Na tmimel Rubén i maan, manan, “Mà, nang ge mlidù, agu sa mifat ku Bénhamin. Na ku làgu kenen gebe samfulê, fakayam fnati i lwe dad ngàgu lagi, bay toogu nebe kenen samfulê di ge.”
1295	GEN 43:4	Ku faginam gami moon Bénhamin, na salu gami ditù mayad fali.
1299	GEN 43:8	Na man Dyuda di maan, “Faginam gami twalimi Bénhamin, du fye mdà gami nan, du fye kdee ito, na i dad ngaito là mati malnus.
1300	GEN 43:9	Agu sa mifat ku Bénhamin, én i fakangta ge. Na ku làgu gebe samfulê, agu sa kmakif i salàgu, kel di kfatigu.
1305	GEN 43:14	Na dmasal agu di Dwata Too Mtulus, du fye too nun kakdo i ganlal gamu, na falohan moon i twegeyu Simyon na Bénhamin magin gamu mulê. Kabay ku ani kfagu Dwata mwè i dad ngàgu ani di dagu, kaman sa!”
1306	GEN 43:15	Taman faflal mdà dad ngà Dyékob salu di Idyif, na faginla Bénhamin, na nebela i bong filak gine, na i dad bléla ku Dyosif. Kakella ditù, salu ale di kenen.
1307	GEN 43:16	Na di kite Dyosif i twalin Bénhamin magin dale, manan di saligan, “Faginam dad lagi ani ditù di gumnègu. Kmatê ge lmanaf na tnagayu, na mimò gamu knaan, du kmaan ale kadang di safédgu di ltu duh ani.”
1320	GEN 43:29	Na di kfalê Dyosif, teenan i twalin Bénhamin, too tingà i yéan, na manan, “Ani kè i sangal twaliyu i gmanyu deg?” Na léan man ku Bénhamin, “Tò, kayègu ku Dwata i mlé di ge kafye.”
1325	GEN 43:34	Fafwè Dyosif i knaan i dad flanekan di lamisa gukmaanan. Na di kdeela, fafalbongan alel Bénhamin lime dulê i kalbongan. Na kdeela kmaan, na minum kel di kabsolla. Na too ale lehew klola kmaan na minum.
1335	GEN 44:10	Na tmimel i salig, manan, “Hae, nimògu i manyu ani gine. Balù di simto to gumitegu i tabù én, kenen alò nimògu lifangu. Na i dademe kadang fakay mulê.”
1337	GEN 44:12	Kafnge én, tanbù nan i salig too mngabal, fandaan di saku i sangal twege, kel di saku i sangal twali. Na i gumiten i tabù én baling di saku Bénhamin.
1343	GEN 44:18	Kaklinge i saflanek i man Dyosif, fdadong Dyuda di kenen, na manan, “Amumi, là agu gablà talù di ge, du gadègu i glalam salngad i glal i harì. Bay begam agu faloh moon talù di ge. Na nang ge flabè deg i lifanam.
1371	GEN 45:12	Na fadlug talù Dyosif di dale, manan. “Na i kdeeyu dad twegegu, na lê ge Bénhamin, tateenyu agu, na tadilèyu agu sa Dyosif i talù di gamu.
1373	GEN 45:14	Na di kagmanan ani, lkaf Dyosif i twalin Bénhamin na mngel, na lê mngel Bénhamin di kalkafan kenen.
1380	GEN 45:21	Na kdee i gman harì ani nimen i dad ngà Dyékob. Banlé ale Dyosif i dad kaditon, du ani i dek i harì di kenen, na léan banlé i bnatula di dalan.
1381	GEN 45:22	Banlén kat satu dale falami klaweh gumilila, bay banlén Bénhamin tlu latu salafì filak di dale, na lime klaweh gumilin.
1388	GEN 46:1	Taman flulen Dyékob i kdee nfunan, na mdà ale di Kanaan. Na di kakella di banwe Bérsiba dsù Dyékob dad lmanaf di Dwata, i Dwata maan Isaak.
1392	GEN 46:5	Na kafnge én, mdà ale Dyékob di Bérsiba, na fadlug ale di kagula. Fsakay i dad ngaan i màla, na i dad ngala, na i dad yaanla di dad kaditon febe Faraon, i harì di Idyif.
1436	GEN 47:15	Na di takti i filak i dad to di Idyif na Kanaan, salu i dad to di Idyif di ku Dyosif, na manla di kenen, “Begam gami banlé fali, du fan gami mati malnus. Tnabengam gami, du landè nan beg filakmi.”
1440	GEN 47:19	Tabyà kandom gami na tnabengam, du fan gami mati malnus, na fan malmo i tanàmi. Begam bnayad fali i lawehmi na i tanàmi. Du tatì gami nan beg flifan di harì, na kenen nan mfun i tanàmi. Banlém gami fali, du fye là gami beg mati, na léam gami banlé bnê flami, du fye i tanàmi là malmo.”
1459	GEN 48:7	Nimògu ani, du too bong nawagu i yéam Rakél. Bong klidù nawagu di kfatin di Kanaan, mdadong di Éfrata di kulêgu mdà di Mésofotamya. Na lbanggu kenen mdadong di dalan salu di Éfrata.” (Éfrata ani, sadni dagitan Bétléhém.)
1474	GEN 48:22	Blégu di ge, ise ku di dad flanekam, i tanàgu di Sikim. Too fye tanà ditù, tanwègu di dad to di Amori di kasfati ditù fagu di sudanggu na i boholgu.”
1524	GEN 50:17	katedan gami, ku gami tmulen di ge i gmanan, na ani manan, ‘Begam nlifet i salà i dad flanekam mgimòla di ge di muna.’ Taman tabyà, begam nlifet i salà mgimòmi di ge, gami dad salig i Dwata, Dwata i maam.” Na di kaklinge Dyosif i kmanla, mngel kenen.
1536	EXO 1:3	Isakar, Sabulun, Bénhamin,
1555	EXO 1:22	Kafnge én, dek Faraon i dad kdee dad ton, manan, “Batyu ditù di yéél Nilu i kdee dad ngà lagi falami sut di dad Hibru, bay nangyu fakuf i dad ngà libun.” Én man i harì.
1605	EXO 4:3	Na man Dwata kenen, “Batam tugadam di tanà.” Taman bat Mosis na mbaling ulad, na knilan.
1696	EXO 7:10	Kafnge én, salu Mosis na Aron di ku Faraon, na nimenla i dek Dwata i Amu dale. Bat Aron i tugadan di muna Faraon na di dad ganlalan, na tì mbaling ulad.
1709	EXO 7:23	Baling samfulê i harì di bong gumnean, na fbayaan i mgimò ale Mosis gine.
1747	EXO 9:4	Kabay agu, Dwata i Amu, làgu fakuf kadang di kaflayam ani i dad lmanaf i dad bel Israél, alò i dad lmanaf i dad to Idyif gutadè i tduk ani. Bay, landè lmanaf i dad bel Israél mati kadang.
1750	EXO 9:7	Na dek Faraon i dad dademen to ditù, du neyela dad lmanaf i dad bel Israél, na fgadèla di kenen landè balù satu lmanafla mati. Bay, knean too mgal fa i ulun, na laan faloh i dad bel Israél lamwà di banwe Idyif.
1775	EXO 9:32	Bay, i dad fule gambet fali dnagit wit na sfét là malmo, du là fa tmabò di tanà.
1792	EXO 10:14	Bong mlabung dad tlangas salu ditù na mdaf kdee di klamang banwe Idyif. Na là fa lmen teen i dad to i kalbong dee tlangas salngad ani, na talàla lêman teen salngad ani.
1802	EXO 10:24	Kafnge én, fngé Faraon Mosis, na manan di kenen, “Lamwà gamu di banwe ani, du mangamfù gamu di Dwata i Amu, na balù i dad libun na i dad ngàyu faginyu. Bay, i dad kambingyu, i dad bilibiliyu, na i dad bakayu i tagakyu dini.”
1806	EXO 10:28	Balingan man di ku Mosis, “Fawag ge di munagu. Nang ge lêman salu di munagu, du ku lêmanta ge teen dini, fafatita ge.”
1837	EXO 12:20	Taman nang gamu kmaan balù tan i nun falnok. Balù nè gamu, i fan knaanyu, alò i fan landè bol falnok.” Én gman Dwata.
1859	EXO 12:42	Butang én, nunung Dwata i Amu, du fye galwà i kdee di banwe Idyif, taman i butang én too mabtas, na i dad bel Israél klit fali nimòla i butang gufaldamla i kafalwà Dwata i Amu dale, kel di atuan. Munung ale butang én, gambet i kunung Dwata i Amu dale, du dnayenla kenen.
1892	EXO 14:2	“Manam di dad bel Israél, mdà ale di Étam, na magu ale di mahal dalan mdadong di banwe Fi Hahirot, na flo mnè déén di kagatngà di banwe dnagit Migdol na di mahin. Na flo mnè ale di kilil mahin mdadong di banwe Baal Sifon.
1899	EXO 14:9	Na i dad sundalu di Idyif, gagin i kdee dad kudà, na i dad snakay, na dad mebe i snakay, tnafikla i dad bel Israél, na gnumahla ale di guftudla di kilil i mahin, mdadong di banwe Fi Hahirot na i banwe Baal Sifon.
1975	EXO 16:27	Balù én gman Mosis di dad to, di gfitun du, nun di dale mngabal i kakaanla, bay landè teenla.
1980	EXO 16:32	Na man Mosis di dad to, “Ani mdek Dwata gito. Busek ito tukay mana, mdadong nam sufa, di dad belito kadang, du fye teenla i baweh knaanito i blé Dwata gito kloito mnè di banwe gulandè to, di bang kafalwaan gito di banwe Idyif.”
1986	EXO 17:2	Taman nugakla ku Mosis, na manla, “Banlém gami yéél.” Tmimel Mosis, manan, “Kan kè ku sanbulawyu agu? Kan kè ku tnilewyu Dwata i Amu? Neyeyu kè ku fantahaan nawan di gamu?”
2032	EXO 19:5	Na ku tooyu agu nimen, na satu nawayu di kimenyu i dad flalògu gamu, mbaling gamu dad togu too mabtas. Balù mfun agu i klamang banwe, bay gamu i dad to mgalékgu,
2059	EXO 20:7	Nang gamu dmagit i dagitgu di landè gukmamuyu dun, du agu Dwata i Amu, i Dwatayu. Balù simto to dmagit i dagitgu na landè gukmamun dun, fanlayamgu kenen.
2189	EXO 24:11	Balù teen i dad tua di dad bel Israél, Dwata, laan ale falmo. I kdeela kmaan na minum di muna i Dwata.
2506	EXO 34:9	na manan, “Amugu Dwata, ku too glut kanlehewam agu, fakdogu di ge, samnagin ge gami. Balù i dad to ani too mgal i ulula, bay begam nlifet i dad sasè nimòmi, na i dad salàmi, na dnawatam gami na fbalingam gami dad tom.”
7130	RUT 1:1	Di muna, di landè fa harì i dad to di banwe Israél mkel i bong kbitil. Na nun satu lagi dnagit ku Élimélék mdà di lumbuk dnagit Éfrata mnè di banwe Bétléhém glam di banwe Dyuda. Élimélék na yaanan na lwe ngàla lagi dnagit ku Malon na Kilyon mili flo di banwe Moab, du mdà di kbitil. Na klola mnè déén,
7135	RUT 1:6	Na di kaklinge Naomi nun tabeng Dwata i Amu i dad ton di Israél fagu di kablén kafye ulê di dad fulela. Taman fatlagadan i kdaan di Moab gagin i dad tewen libun du mulê di banwe Bétléhém.
7148	RUT 1:19	Taman fadlug i lwe ani salu di Bétléhém. Na di kakella déén, dee gusalu nawa i dad to, du tikeng ale di kagkah Naomi du landè yaanan na dad ngaan. Na sasalek i dad libun, manla, “Naomi kè ani?”
7151	RUT 1:22	Na ani kagkah i kulê Naomi mdà di banwe Moab gagin i tewen Ruth fdu di Moab. Na di kasfulêla di banwe Bétléhém tabang i kaktu satu fla dnagit barli.
7152	RUT 2:1	Na nun gaked Naomi gsen di yaanan Élimélék, dnagit ku Boas, i to too mgafè na too nun knunan.
7153	RUT 2:2	Na satu duh, man Ruth di ku Naomi, manan, “Begam agu faloh salu di nligo gukamtu i dad to, ken nun kamdo deg na falohan agu muku i barli gtagak i dad to kamtu.” Na tnimel Naomi, manan, “Hae tingàgu, fakay sa.”
7154	RUT 2:3	Taman salu kenen di satu nligo na laloan i dad to kamtu na nukun i barli gtagakla. Na too fye, du én gumukun di nligo Boas, i gaked Élimélék.