14	GEN 1:14	Kafnge én, mdek Dwata, manan, “Ani nun dad mneng msut di langit, du fye samtani i mduh di butang. Én i mlé ilè gugmadè i dad duh, na i dad fali, na i dad bang mangamfù di Dwata.
18	GEN 1:18	Én i gal mneng di mduh na butang, du fye mastani i lwa di kifu. Di kite Dwata i mgimoan, lehew kenen.
35	GEN 2:4	Én sa i santulen gablà di kgimò Dwata i langit na i banwe. Di kimò Dwata i Amu, i langit na banwe,
61	GEN 3:5	Én gman Dwata di gamu, du gadean ku kmaan gamu bunge i kayu atù, mbaling gamu fulung faldam, na mbaling gamu salngad kenen, du balù gamu gmadè ku tan i fye na ku tan i sasè.”
80	GEN 3:24	Di kafalwà Dwata dale, dekan dad gambet kasaliganan gsen di gumsut i duh di banwe Idén, na fkahan sundang di gufusuk. Fadlug dminè i sundang na gal fatbiling flibut. Én i munung i dalan salu di kayu mlé nawa, du fye landè fakay fdadong déén.
210	GEN 9:4	“Alò satu i làyu fakay knaan, dunan ungad ku là fa faloh i litean. Én duenan fnanggu ani, du i gumdà i dad kdee dad mto, dunan di litè.
223	GEN 9:17	“Ani sa i ilè i fakang i tafakanggu di kdee mnè di tah i tanà.” Én gman Dwata di ku Nowa.
326	GEN 13:7	Én baling i gumdà i kasbulaw i dad to Abram na dad to Lat, i dad mifat i dad lmanafla. Na di bang atù nun fa dad to mdà di Kanaan, na dad to mdà di Férisi mnè déén.
338	GEN 14:1	Na di bang atù, Amrafél i harì di banwe Sinar, Ariok i harì di Élasar, Kadorlaomar i harì di Élam, na Tadal i harì di Goyim.
342	GEN 14:5	Na kakel di gasfalò fat fali, Kadorlaomar ani na i dademe dad harì msen di kenen na lêman i dad sundalula, sanfatila dad to di dademe dad banwe. Na fnisanla dad to mdà di banwe Réfay ditù di banwe Astérot Karnaim. Na balù fnisanla i dad to mdà di banwe Susi ditù di banwe Ham, na i dad to mdà di banwe Émi ditù di banwe Sabék Kiritaim.
343	GEN 14:6	Na fnisanla i dad to mdà di banwe Hori di dad bulul di Séir kel ditù di Él Faran mdadong di banwe gulandè to.
344	GEN 14:7	Kafnge én, samfulê ale di banwe Én Misfat, dunan Kadis i satu dagitan, na fnisanla i dad kdee dad to mnè di tanà i sbung dad to dnagit Amalék, na fnisanla i sbung dad to dnagit Amori i mnè di banwe Hasason Tamar.
346	GEN 14:9	Na dad dademe harì sanfatila dunan Kadorlaomar i harì di Élam, Tadal i harì di Goyim, Amrafél i harì di Sinar, na Ariok, i harì di Élasar. Taman dad lime harì sanfati i dad fat harì ani gine.
350	GEN 14:13	Kabay kadì nun satu to galwà, na tnulenan Abram i Hibru, gablà di kdee ani gine. Du bang ani, mnè Abram mdadong di malbang dad kayu nfun Mamri, i satu to mdà di sbung to dnagit ku Amori. Na Mamri ani nun lwe flanekan lagi dnagit ku Éskol na Anér. Abram na i tlu ani gal ale stabeng.
361	GEN 14:24	Landè falus nwègu du nfungu. Én alò gdawatgu i tagkaan i dad togu, na én i làgu fulê. Kabay mni agu alel du blégu di dad to magin deg dunan Anér, Éskol, na Mamri.”
363	GEN 15:2	Kabay tmimel Abram, manan, “Dwata i Amu, i Magot i Kdee, landè gablém di deg i too gaflehew deg, du kel i ani landè fa tingàgu. Na di kfatigu, Élisar i to mdà di banwe Damaskus baling i mfun i kdee nfungu.
365	GEN 15:4	Na lêmanan linge talù Dwata i Amu di kenen, manan, “Élisar ani ise mangfun i knunam, du nun tingaam lagi kadang na kenen sa mbaling mfun dun.”
689	GEN 25:30	Taman manan di ku Dyékob, “Tò, gasilam agu banlé i fulè sabew én, du fan agu mati i kbitilgu.” (Én duenan satu dagit Isaw dunan Idom, gumtatekan fulè.)
975	GEN 33:14	Taman flanekgu, muna ge nan, na tì gami beg fléét mlalò ge. Én i tnagenmi i lal i dad lmanaf ani na i dad ngàgu kel di gnumahmi ge ditù di banwe Idom.”
981	GEN 33:20	Na déén di tanà ani gumimoan i gudamsuan di Dwata, na dnagitan Él Élohi Israél, dunan i Dwata Israél.
1287	GEN 42:34	Kabay faginyu dini i twaliyu, du fye gadègu ise gamu i dad gal meye, bay glut i gmanyu, na landè sasè duenyu salu dini. Na fulêgu di gamu satu flanekyu, na fakay gamu mayad dini di banwe Idyif.’ Én gman i gubirnador di gami.”
1391	GEN 46:4	Naginta ge salu ditù di Idyif, na kafnge én, nebegu i dad belam samfulê di banwe Kanaan. Na kadang di kfatim déén Dyosif di safédam.” Én gman Dwata di ku Dyékob.
1459	GEN 48:7	Nimògu ani, du too bong nawagu i yéam Rakél. Bong klidù nawagu di kfatin di Kanaan, mdadong di Éfrata di kulêgu mdà di Mésofotamya. Na lbanggu kenen mdadong di dalan salu di Éfrata.” (Éfrata ani, sadni dagitan Bétléhém.)
1555	EXO 1:22	Kafnge én, dek Faraon i dad kdee dad ton, manan, “Batyu ditù di yéél Nilu i kdee dad ngà lagi falami sut di dad Hibru, bay nangyu fakuf i dad ngà libun.” Én man i harì.
1590	EXO 3:10	Taman ani dekta ge di ku Faraon di Idyif, du fye gebem dad togu lamwà di banwe én.” Én man Dwata.
1598	EXO 3:18	Fadlug talù Dwata di ku Mosis, manan, “Di kaklinge i dad ulu i dad bel Israél i manam, too ale kadang flinge ge. Kafnge én, faginam ale kadang salu di harì di Idyif. Na ani i manyu kenen kadang, manyu, ‘Dwata i Amu, i Dwata fnangamfù dad Hibru, tamsut di gami. Na tabyà, faloham gami beg salu di banwe gulandè to, i tlu butang nagu, du damsù gami di kenen.’ Én manyu kadang di ku Faraon.
1602	EXO 3:22	Na kat satu libun di bel Israél, mni ale kadang di dad demela saldan na di dademe libun di Idyif i mnè di dale, i dad kas, salafì, blawen, na dad klaweh. Na falsakla kadang i dad ngàla dee ani. Na ani kfaguyu mebe knun i dad to Idyif.” Én gman Dwata di ku Mosis.
1611	EXO 4:9	Kabay, ku là ale fa faglut balù mgimoam i galwe tnikeng ani gine, na là ale flinge ge, mwè ge yéél di laweh yéél Nilu, na kokam di kafag tanà. Na i yéél nweam ditù, mbaling litè.” Én man Dwata.
1625	EXO 4:23	Na tagmangu di ge, falwaam i dad bel Israél, du fye fakay ale mangamfù di deg. Kabay du laam ale faloh, taman fnatigu i tingaam lagi sangal twege.’ Én manam kadang di harì.”
1638	EXO 5:5	I dad toyu, i bel Israél, too dee ale fa di dad to Idyif, na kayèyu kè fatlag i nimòla? Là fakay!” Én man i harì.
1642	EXO 5:9	Tananùyu fa baling i nimò i dad lagi, du fye fadlug ale mimò, na làla gaflinge i dad kakakéng tulen Mosis.” Én man Faraon.
1651	EXO 5:18	Na samfulê gamu di nimòyu. Landè lami blé gamu, bay balù én tooyu nimò i kdee brik salngad i nimòyu di muna di kablémi gamu lami.” Én man i harì.
1656	EXO 5:23	Hae, du mdà di kastulengu di harì, du tulengu kenen i gmanam, too baling matnù i kafsasean i dad tom, na balù ani i kagkahla landè tabengam dale.” Én man Mosis di Dwata.
1691	EXO 7:5	Na di kaflayamgu i dad to Idyif, na di kebegu i dad bel Israél lamwà di banwela, gadèla agu sa Dwata i Amu.” Én man Dwata.
1748	EXO 9:5	Na fayah i kimògu dun ani.” ’ Én manyu kadang di harì.”
1773	EXO 9:30	Kabay gadègu ge na i dad ganlalam là fa likò di Dwata i Amu.” Én gman Mosis di harì.
1815	EXO 11:8	Na kadang i kdee dad ganlalam ani, salu di deg na lkuad ale, du fakdo ale di deg, na manla kadang, ‘Tabyà, lamwà ge di banwemi ani, na faginam i dad to gal mlalò ge.’ Én man i dad ganlalam kadang, na kafnge én mdà agu di banwe ani.” Di klo Mosis talù ani, too sè i kaflabean, taman mdà kenen tmagak i harì.
1837	EXO 12:20	Taman nang gamu kmaan balù tan i nun falnok. Balù nè gamu, i fan knaanyu, alò i fan landè bol falnok.” Én gman Dwata.
1887	EXO 13:19	Na nebe Mosis i dad tulan Dyosif mdà di Idyif, du ani fafakang Dyosif di dad belan, du gmanan di dale di muna fa, manan, “Tnabeng gamu Dwata, du kadang satu duh, neben gamu lamwà di banwe Idyif salu di Kanaan, na di kebe Dwata gamu samfulê di Kanaan, tooyu nebe mulê i dad tulangu.” Én kated Dyosif di muna fa, di dad bel Israél.
1888	EXO 13:20	Na di kdà i dad bel Israél di banwe Sukot, mnè ale flo di banwe Étam, di kilil i banwe gulandè to.
1892	EXO 14:2	“Manam di dad bel Israél, mdà ale di Étam, na magu ale di mahal dalan mdadong di banwe Fi Hahirot, na flo mnè déén di kagatngà di banwe dnagit Migdol na di mahin. Na flo mnè ale di kilil mahin mdadong di banwe Baal Sifon.
1894	EXO 14:4	Na kadang fgalgu i ulu Faraon, du fye tnafikan gamu, du fye gdawatgu kadang kdayen di kite i dad to i bong gnagangu di kfisangu ku Faraon na i dad sundalun, na kadang gadè i dad to di Idyif, Agu Dwata i Amu.” Én gman Dwata. Taman nimen i dad bel Israél i dad dek Dwata dale, na mnè ale flo di kilil mahin.
1902	EXO 14:12	Làmi kè gman di ge di kdéénito fa di Idyif, fye ku gami fbayà flifan di dad to Idyif? Fye fa ku gami fadlug flifan di dale, di mati gami dini di banwe gulandè to.” Én ugak i dad bel Israél.
1904	EXO 14:14	Dwata i Amu, kenen sa tlasito samfati dale, alò ito tatì fanak.” Én gman Mosis.
1908	EXO 14:18	Kadang, too gadè i dad to Idyif, agu i Dwata i Amu, di kitela i bong gnagangu di kfisangu ku Faraon, na i dad snakayan, na i dad to smakay i dad kudaan.” Én gman Dwata.
1930	EXO 15:9	Na fdag i dad to dmuen gami du manla, “E, tnafikmi ale, na kanfèmi ale kadang Na sansalelmi i dad knunla, na i kalbong knayèmi nwè, nwèmi. Nsòmi fais di lumàmi, du nwèmi i kdee nfunla.” Én i kafdag i dad to dmuen gami.
1953	EXO 16:5	Na di gnaman du, nwèla i gablà knaanla di lwe du, na i kwèla ani, falala fnatlagad du busekla.” Én gman Dwata.
1977	EXO 16:29	Fandamyu moon, agu sa i Dwata i Amu, i mlé di gamu i Du Kaftud, na ani i duengu mlé gamu kakaanyu di gnaman du, gablà knaanyu di lwe du. Na di gfitun du kayègu ku tatì gamu fanak na mnè, na nang gamu lamwà di lawigyu.” Én gman Dwata.
2069	EXO 20:17	Nang gamu mibal knun i dademeyu to, na nang gamu mibal i yaanan, i dad lifanan, i dad lmanafan, na balù tan i nfunan.” Én i dad flalò blé Dwata di dad to, fagu di ku Mosis.
2180	EXO 24:2	du ge alò i fakay fdadong di dagu. I dad to magin ge là fakay fdadong di dagu. Na i dademem dad bel Israél là fakay balù mnagad di bulul.” Én gman Dwata.
2449	EXO 32:10	Na fbayaam agu, du falmogu ale, du too dminè i kaflabègu dale. Kafnge én, ge na dad belam toogu fbel, fye mbaling gamu mgimò i sbung dad to too mlabung.” Én gman Dwata di ku Mosis.
2452	EXO 32:13	Fandamam moon i fakangam di dad lifanam Abraham, Isaak, na Dyékob, i snafaam fagu di dagitam. Fakangam di dale i blém di dale too dee dad bella, i kdeela salngad kdee i dad blatik, na lê blém di dad bella i tanà i tafakangam, i fafunam dale kel di landè sen.” Én kafakdo Mosis di Dwata.
2486	EXO 33:12	Na satu duh, man Mosis di Dwata i Amu, “Too glut dekam agu mebe i dad to ani salu di banwe i blém dale, bay laam fa tulen deg ku simto i fasnaginam dagu. Én senam alò gman, tagadeam agu, taman tanalékam agu na kanlehewam agu.
2504	EXO 34:7	Na fitegu i kakdogu i là mgili, fagu di klifetgu i dad sasè nimò, i klafà i knayègu, na i dad salà i file libu dad to. Kabay i dad to mimò salà, làgu fbayà, bay toogu fanlayam, na i kaflayamgu dale ani, kel di dad fùla, na kel fa di dad ngà i fùla.” Én gman Dwata.
2514	EXO 34:17	Nang gamu mimò i alung i kafbaweh balù tan du gumangamfùyu” Én i gman Dwata di ku Mosis.
2717	EXO 40:9	“Na nweam i fngalo, i fngalo ilè i kablé di Dwata, na snabulam i gumangamfù ani, na i kdee kandeenan di lam. Én nimoam duh ani, dunan ilè kdee ani, agu mfun, agu Dwata i Amu.
7130	RUT 1:1	Di muna, di landè fa harì i dad to di banwe Israél mkel i bong kbitil. Na nun satu lagi dnagit ku Élimélék mdà di lumbuk dnagit Éfrata mnè di banwe Bétléhém glam di banwe Dyuda. Élimélék na yaanan na lwe ngàla lagi dnagit ku Malon na Kilyon mili flo di banwe Moab, du mdà di kbitil. Na klola mnè déén,
7132	RUT 1:3	baling mati Élimélék, na gtagak i yaanan Naomi na i lwe ngaan lagi.
7152	RUT 2:1	Na nun gaked Naomi gsen di yaanan Élimélék, dnagit ku Boas, i to too mgafè na too nun knunan.
7154	RUT 2:3	Taman salu kenen di satu nligo na laloan i dad to kamtu na nukun i barli gtagakla. Na too fye, du én gumukun di nligo Boas, i gaked Élimélék.
7193	RUT 4:1	Na salu Boas di gustifun di gufusuk i lunsud na sudeng. Na di kakel satu gaked Élimélék, i to man Boas di ku Ruth, tlon, na manan, “Dini ge leg, sudeng ge.” Taman fdadong di kenen na sudeng.
7195	RUT 4:3	Kafnge én, manan di gakedan, “Na du tasamfulê Naomi mdà di Moab, kayean ku fabli i tanà nfun i gakedta Élimélék.
7197	RUT 4:5	Na man Boas di kenen, “Ku bnayadam i tanà Naomi, gagin Ruth i libun mdà di Moab di kbayadam dun, du fye i tanà én là gwè i dademe to, bay gfun i dad bel Élimélék, i to tamati.”
7201	RUT 4:9	Kafnge én, man Boas di dad sfalò ulu na di kdee dad to déén, manan, “Na di duh ani, tamite kdeeyu i kbayadgu di ku Naomi i tanà nfun i dad mati dunan Élimélék na dad ngaan Kilyon na Malon.
7202	RUT 4:10	Na gakuf di kbayadgu i tanà én, i libun balu mdà di Moab, dunan Ruth i yaan Malon. Na kenen nimògu yaangu, du fye gfun i dad bel Élimélék, i to tamati, i tanà én kel di atuan, na i dagit Élimélék là glifet i dad belan na i dad to di banwen. Na di duh ani, gamu sa tamite i kdee ani.”
7203	RUT 4:11	Tmimel i dad sfalò ulu na i kdee dad to déén, manla, “Hae, gami sa tamite i kdee. Fye ku fasngad Dwata i Amu i yaanam kadang di ku Rakél na Liya, du dee dad ngàla di ku Dyékob. Fye ku ge kadang satu mdatah to di lumbukam dunan dad bel Éfrata na mdengeg di banwe Bétlehém.
13956	PSA 2:7	Na man i harì mgalékan, “Tulengu i gman Dwata di deg. Én i gmanan di deg, ‘Ge i tingàgu, na di duh ani tafdatahta ge du tafgadègu agu i maam.’
13989	PSA 5:10	Én fnigu du dad to dmuen deg, landè manla gsalig, na én alò kayèla falmo. I bàla gambet sol i lbang là maglimun, fagu di kafdagla ftatekla i demela to.
14063	PSA 10:11	Én fandam i sasè to ani ku tatì fbayà Dwata; man nawan ku fnidang Dwata i matan di dad sasè mgimoan.
14262	PSA 24:4	Én alò gablà tadag di kanfen i to landè using di tnaloan mdà di salà na matlu i fandaman, i to là magin di dad ise glut fnaglut, na i to ku silangan man, “Too tì glut i mangu ani,” ku too glut i manan.
14384	PSA 32:10	Én fatan i dad to gal mimò sasè i dee kaflayamla, bay i bong kakdo Dwata landè kgilin kamlung i dad to smalig di kenen.
14386	PSA 33:1	Flehew gamu di kafye Amuito Dwata, kdeeyu dad to matlu! Én gablà nimò dad to mimen Dwata, dunan dmayen kenen.
14475	PSA 37:4	Én nimòyu klehewyu Amuito Dwata, na blén di gamu dad knayè i nawayu.
14510	PSA 37:39	Én kagalwà i dad to matlu mdà di Amuito Dwata, na kenen i guflidungla di bang i samuk.
14586	PSA 42:6	Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”
14592	PSA 42:12	Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”
14597	PSA 43:5	Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”
14645	PSA 46:3	Én duenito là likò balù fa too mingok i tanà, na mtubak i dad bulul ditù di gumngalam i mahin.
14731	PSA 51:8	Én toom kayè di satu to, ku mnè i kaglut na ksalig di lam i nawan, taman tdoam deg du fye too nun kfulunggu faldam.
15065	PSA 72:10	Dad harì di banwe Ésfanya na di dademe banwe di kilil i mahin mlé di kenen kadang, na kel di dad harì di banwe Arabya na Itiyofya mlé di kenen.
15395	PSA 89:5	‘Làgu faloh ku tlag i kagotam; nun di belam nimògu harì kel di landè sen.’ ” Én i man Dwata di harì mgalékan.
15428	PSA 89:38	Salngad kagkah knè i bulen di langit, i knè kagotan kel di atuan; teen di bulen i kagkah knè i kagotan.” Én man Dwata.
15531	PSA 95:11	Taman tatoo agu flabè na ani fakanggu na toogu dnohò, gmangu, ‘I dad to ani, talà ale nan gfusuk di banwe gufaftudgu moon dale.’ ” Én man Dwata.
15641	PSA 104:3	Tanimoam i gumneam ditù gsen di tah i dad nun yéél di langit. Én snakayam i dad labun na i mgal nus mebe ge salngad di fafak i anuk di bnas.
15693	PSA 105:20	Kagdohò i dad kna, fafalwà kenen i harì di bilanggù, Én fafalwà kenen dunan i mebe i banwe Idyif.
15901	PSA 115:3	Én gami Dwata, ditù kenen di langit, na nimoan balù tan i knayean.
15929	PSA 116:13	Én nimògu, mlé agu fye di kenen fagu di kablégu i dsù gal blé dad to dmawat i kagalwà.
15952	PSA 118:15	Fadé fanlingeyu i kit dad to Dwata déén di slungla du lehew ale mdà di katula, manla, “Én bong ktulus Amuito Dwata i gamgimò ani!
16151	PSA 121:2	Én tmabeng deg, dunan i Amugu Dwata, i mimò i langit na tanà.
16224	PSA 132:5	kel di kitegu tanun gumnè Amugu Dwata, i gumnè i Too Mtulus Dwata gusmalig i gutambulmi Dyékob.” Én fakang Dabid.
16231	PSA 132:12	Ku nafè i dad ngaam lagi i tafakanggu di gamu na nimenla i kdee tdògu dale, nun di bella lagi kadang mbaling harì tmadol di ge kel di landè sen.” Én i fakangam di ku Dabid.
16623	PRO 6:13	Én gukmamun i dad matan, dad blian, na dad kmalan, falyakan du fye nun gafgawan.
16682	PRO 8:10	Én nalékyu i dad tdògu ise ku salafì, nalékyu gnadè ise ku i too fye blawen,
16748	PRO 10:22	Én gafnun i to mdà alò di kafye blé Dwata, na i kafye blén là gfun dun fagu di kalgad mimò.
16951	PRO 17:8	Én fandam i dademe to, ku mlé filak di gugbuni salngad i satuimò, du balù simto gumléla dun, gwèla i knayèla.