2	GEN 1:2	Gu da pãmɛ à kɛkɛnaro, gusira mɛ́ à da ísirala, akũ Luda Nini tɛn yàa kɛ í pìla.
4	GEN 1:4	À è gupura pìi kɛ̀ mana, akũ à gupura kɛ̃̀kↄ̃a kũ gusirao.
5	GEN 1:5	À tↄ́ kpà gupuranɛ fãnantɛ̃, gusira sↄ̃ gwãani. Gu sì gu dↄ̀, a gↄrↄ káakun gwe.
7	GEN 1:7	Akũ à sarapura kɛ̀ lɛ, à í kũ à kú sarapura gbáru kɛ̃̀kↄ̃a kũ í kũ à kú a musuo.
8	GEN 1:8	Akũ à tↄ́ kpà sarapura pìinɛ ludambɛ. Gu sì gu dↄ̀, a gↄrↄ pladen gwe.
9	GEN 1:9	Akũ Luda pì: Í kũ à kú zĩtɛ kakara gu dokↄ̃nↄ, gukori bo. Akũ à kɛ̀ lɛ.
10	GEN 1:10	À tↄ́ kpà gukori pìinɛ zĩtɛ, akũ a tↄ́ kpà í kũ à kàkaranɛ ísira. Akũ à è à kɛ̀ mana.
11	GEN 1:11	Akũ Luda pì: Lánↄ bↄtɛ zĩtɛ kũ sɛ̃̀ wɛ́denↄ kũ lí nɛ́denↄ, baadi kũ a burio. Akũ à kɛ̀ lɛ,
12	GEN 1:12	lánↄ bↄ̀tɛ zĩtɛ kũ sɛ̃̀ wɛ́denↄ kũ lí nɛ́denↄ, baadi kũ a burio. Akũ Luda è à kɛ̀ mana.
13	GEN 1:13	Gu sì gu dↄ̀, a gↄrↄ aakↄ̃den gwe.
14	GEN 1:14	Akũ Luda pì: Pↄ́ gupurakũrinↄ gↄ̃ kú musu ògↄ̃ fãnantɛ̃ kɛ̃kↄ̃a kũ gwãanio, ògↄ̃ wɛ̃̀ sèedanↄ kũ gↄrↄnↄ kũ wɛ̃̀nↄ mↄńnɛ.
16	GEN 1:16	À pↄ́ gupurakũri zↄ̃kↄ̃nↄ kɛ̀ mɛ̀n pla, a kũ à gbãna dìgↄ̃ kí ble fãnantɛ̃, a kũ à busɛ dìgↄ̃ kí ble gwãani. À susunɛnↄ kɛ̀ dↄ.
18	GEN 1:18	ògↄ̃ kí ble fãnantɛ̃ kũ gwãanio, ògↄ̃ gupura kɛ̃kↄ̃a kũ gusirao. Akũ à è à kɛ̀ mana.
19	GEN 1:19	Gu sì gu dↄ̀, a gↄrↄ siikↄ̃den gwe.
20	GEN 1:20	Akũ Luda pì: Pↄ wɛ̃̀ndidenↄ í pa yɛ́rɛrɛ, bãnↄ dagula musu ògↄ̃ vura sarapuran.
21	GEN 1:21	Akũ à pↄ́ wɛ̃̀ndide kũ òdi í panↄ kɛ̀ kũ kpↄ̀ gbɛ̃̀ntɛ̃nↄ pínki, baadi kũ a burio. À bãnↄ kɛ̀ pínki dↄ, baadi kũ a burio. Akũ à è à kɛ̀ mana.
22	GEN 1:22	À arubarikaa dàńgu à pì, ògↄ̃ nɛ́ i ògↄ̃ kɛ dasi, kpↄ̀nↄ ísira pa, bãnↄ kɛ dasi zĩtɛ.
23	GEN 1:23	Gu sì gu dↄ̀, a gↄrↄ sↄↄroden gwe.
24	GEN 1:24	Akũ Luda pì: Pↄ́ wɛ̃̀ndidenↄ bↄtɛ zĩtɛ, bɛ pↄ́kãdenↄ kũ pↄ́ kũ òdi táa o kũ kùaonↄ kũ nↄ̀bↄsɛ̃ntɛnↄ, baadi kũ a burio. Akũ à kɛ̀ lɛ.
26	GEN 1:26	Akũ Luda pì: Ò bisãsiri kɛ ó taka ũ, ògↄ̃ de lán ó bà, ògↄ̃ kí ble kpↄ̀nↄa kũ bãnↄ kũ bɛ pↄ́kãdenↄ kũ nↄ̀bↄsɛ̃ntɛnↄ kũ pↄ́ kũ òdi táa o kũ kùaonↄ pínki.
30	GEN 1:30	Ma sɛ̃̀nↄ kũ lánↄ kpà pↄ́ wɛ̃̀ndidenↄa pínki ń pↄ́ble ũ, nↄ̀bↄnↄ kũ bãnↄ kũ pↄ́ kũ òdi táa o kũ kùaonↄ pínki. Akũ à kɛ̀ lɛ.
31	GEN 1:31	Luda pↄ́ kũ à kɛ̀nↄ è pínki, à kɛ̀ mana swáswa. Gu sì gu dↄ̀, a gↄrↄ suddoden gwe.
33	GEN 2:2	Ari a gↄrↄ supplade zĩ gↄ̃ ká, à zĩ kũ àtɛn kɛ pìi làka. A gↄrↄ supplade pì zĩ à kámma bò kũ zĩ kũ a kɛ̀nↄ pínki.
34	GEN 2:3	Akũ à arubarikaa dà gↄrↄ supplade pìn à dìtɛ a pↄ́ ũ, kũ gↄrↄ bire à kámma bò kũ zĩ kũ a kɛ̀nↄ pínki yãi.
35	GEN 2:4	Musu kũ zĩtɛo naana yãn dí. Gↄrↄ kũ Dikiri Luda zĩtɛ kũ musuoo kɛ̀,
36	GEN 2:5	pↄ́wɛ ke dí butɛ zĩtɛ kↄ̀ro, bee sɛ̃̀ɛ, zaakũ Dikiri Luda dí tó legũ màro, akũsↄ̃ gbɛ̃ke kun à bura zĩ kɛro.
37	GEN 2:6	Suka mɛ́ àdi kpá andunia gũn, akũ àdi mↄtↄ pisi zĩtɛa pínki.
38	GEN 2:7	Dikiri Luda gↄ̃gbɛ̃ í kàsa kũ bùsutitio, akũ à ĩa wɛ̃̀ndide vù a yĩn, akũ gↄ̃gbɛ̃ pìi gↄ̃̀ gbɛ̃ bɛ̃nɛ ũ.
39	GEN 2:8	Dikiri Luda swadakoo kɛ̀kɛ ifãboki kpa gu kũ òdi pi Ɛdɛni, akũ à gↄ̃gbɛ̃ kũ à kɛ̀ɛ pìi dà gwe.
40	GEN 2:9	Dikiri Luda tò lí buri sĩnda pínki bùtɛ zĩtɛ. Lí pìnↄ kɛ̀ mana, akũsↄ̃ ń nɛ́ blena nna. Lí wɛ̃̀ndide kú dàkoo pìi dagura. Lí kũ àdi dↄ̃na mana kũ a vãnio ińnɛ kú gwe dↄ.
42	GEN 2:11	A káaku tↄ́n Pisↄ̃, àkũ mɛ́ à lika Avila bùsuui pínki. Wura kú bùsuu pìi gũn,
44	GEN 2:13	Swa pì ↄnɛ plade tↄ́n Giↄ̃, à lika Kusu bùsuui pínki.
45	GEN 2:14	A ↄnɛ aakↄ̃de tↄ́n Tigiri, a dↄ̀rↄↄ tà Asiria bùsu ifãboki kpa. Swa pì ↄnɛ siikↄ̃de tↄ́n Yuflati.
47	GEN 2:16	Akũ à yã dìtɛnɛ à pì: Ĩni fↄ̃ ǹ dàkoo pì lí nɛ́nↄ ble pínki,
48	GEN 2:17	ama ǹsun lí kũ àdi dↄ̃na mana kũ a vãnio ińnɛ nɛ́ blero. Tó n blè, ĩni gamɛ.
50	GEN 2:19	Akũ Dikiri Luda bùsuu sɛ̀ à nↄ̀bↄnↄ kɛ̀o pínki kũ bãnↄ pínki, akũ à sù kũńwo gↄ̃gbɛ̃ pì kĩnaa de à e deran ani tↄ́ kpáńnɛ nà. Tↄ́ kũ gↄ̃gbɛ̃ pìi kpà pↄ́ wɛ̃̀ndide pìnↄnɛ pínki gↄ̃̀ ń tↄ́ ũ.
51	GEN 2:20	Gↄ̃gbɛ̃ pì tↄ́ kpà bɛ pↄ́kãdenↄnɛ pínki kũ bãnↄ kũ nↄ̀bↄsɛ̃ntɛnↄ pínki, ama adi kpanyĩri e ń tɛ́ a gbɛ̃ndo ũro.
52	GEN 2:21	Akũ Dikiri Luda i zↄ̃kↄ̃ↄ dà gↄ̃gbɛ̃ pìla. Kũ àtɛn i o, akũ à a gbã̀ntɛrɛwa mɛ̀n do bò, akũ à a mɛ̀baasi tàta a gbɛ̀n.
53	GEN 2:22	Akũ à gↄ̃gbɛ̃ gbã̀ntɛrɛwa kũ à bòo pìi lìtɛ nↄgbɛ̃ ũ, akũ à gɛ̀ɛ kãao a kĩnaa.
54	GEN 2:23	Akũ gↄ̃gbɛ̃ pìi pì: Adikĩna wá bò ma wá gũmmɛ, a mɛ̀ sↄ̃ à bò ma mɛ̀ɛ gũmmɛ. Oni a sísi nↄgbɛ̃, kũ Luda a bò gↄ̃gbɛ̃ gũn yãi.
55	GEN 2:24	A yã mɛ́ à tò gↄ̃gbɛ̃ dì bo a de kũ a dao bɛa, àdi nakↄ̃a kũ a nanↄo ò gↄ̃ mɛ̀ do ũ.
56	GEN 2:25	Gↄ̃gbɛ̃ kũ a nanↄo kú pótompo ń pla ń pínki, wé'i sↄ̃ àdi ń kũro.
57	GEN 3:1	Mlɛ̃̀ mɛ́ à manafiki vĩ de pↄ́ kũ Dikiri Luda kɛ̀nↄla pínki, akũ à nↄgbɛ̃ là à pì: Luda pì àsun dàkoo pì lí ke nɛ́ blenloo?
58	GEN 3:2	Akũ nↄgbɛ̃ wè mlɛ̃̀ɛ pìia à pì: Óni fↄ̃ ò dàkoo pì línɛ ble,
59	GEN 3:3	ama lí kũ à kú dàkoo pìi guragura, Luda pì òsun a nɛ́ blero òsun ↄ naa sero, de òsun garo yãi.
61	GEN 3:5	Zaakũ Luda dↄ̃ tó a blè, á wɛ́ ni kɛ̃ áni gↄ̃ lán a bà, ánigↄ̃ a mana dↄ̃ kũ a vãnio.
62	GEN 3:6	Kũ nↄgbɛ̃ è lí pì nɛ́ mana, akũsↄ̃ a blena nigↄ̃ nna ani tó gbɛ̃ wɛ́ kɛ̃, akũ à a nɛ́ kɛ̃̀ à blè. À kpà a zãa dↄ, akũ à blè se.
63	GEN 3:7	Ń pla ń pínki ń wɛ́ kɛ̃̀, akũ ò dↄ̃̀ sà kũ ò kun pótompo. Akũ ò gboroda lá nàbi ò yĩ̀ḿma.
64	GEN 3:8	Kũ gↄ̃gbɛ̃ kũ a nanↄo Dikiri Luda kĩni mà àtɛn kure dàkoo pìi gũn ↄkↄsi, akũ ò ùtɛnɛ dàkoo pì lán.
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
69	GEN 3:13	Akũ Dikiri Luda nↄgbɛ̃ là à pì: Bↄ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
70	GEN 3:14	Akũ Dikiri Luda pì mlɛ̃̀ɛnɛ: Kũ n kɛ̀ lɛ, ĩnigↄ̃ láaribona pↄ́ ũ de bɛ pↄ́kãdenↄ kũ nↄ̀bↄsɛ̃ntɛnↄla pínki, ĩnigↄ̃ táa o n kùua, bùsutitin ĩnigↄ̃ ble ari n wɛ̃̀ndi lɛ́n.
71	GEN 3:15	Mani ibɛrɛ da mↄkↄ̃n kũ nↄgbɛ̃o dagura, n buri kũ a burio dagura. A buri ni n mì wí, ĩni a gbátoki kĩnna.
72	GEN 3:16	Akũ à pì nↄgbɛ̃nɛ: Mani n nↄ̀sinaa wari karannɛ, ĩnigↄ̃ nɛ́ i kũ wãwão. N zã ni nigↄ̃ kúmmamɛ, anigↄ̃ kí ble n musu.
73	GEN 3:17	Akũ à pì gↄ̃gbɛ̃nɛ: Lákũ n n nanↄ yã mà nà, lí kũ ma ginnɛ ǹ a nɛ́ ble n blè, ma láari bò zĩtɛa n yãi, ↄsi kũ ↄsioon ĩnigↄ̃ pↄ́ble en ari n wɛ̃̀ndi lɛ́n.
74	GEN 3:18	Ani lɛ̀nↄ kũ lá ũkãdenↄ butɛnnɛ, gbasa ǹ burapↄnↄ ble.
75	GEN 3:19	Ísimmawaranaa gũnn ĩni pↄ́ble en ari ǹ ɛra ǹ gɛ̃o bùsun, zaakũ gwen ma n bon. Bùsutitimɛ n ũ, ĩni ɛra ǹ gↄ̃ bùsutiti pìi ũmɛ.
76	GEN 3:20	Adamu tↄ́ kpà a nanↄnɛ Awau, zaakũ gbɛ̃ pínki daimɛ.
77	GEN 3:21	Dikiri Luda bára uta kɛ̀ Adamunɛ kũ a nanↄo, akũ à dàńnɛ.
78	GEN 3:22	Akũ à pì: Bisãsiri a mana kũ a vãnio dↄ̃̀ sà, à gↄ̃̀ lán ó bà. Óni gínɛ à lí wɛ̃̀ndide nɛ́ kɛ̃ à ble de àsungↄ̃ kun gↄrↄ sĩnda pínkiro yãi.
80	GEN 3:24	Kũ Dikiri Luda pɛ̀a, akũ à kɛrubunↄ kàtɛ Ɛdɛni dàko ifãboki kpa, de ògↄ̃ lí wɛ̃̀ndide zɛ́ dãkpã kũ fɛ̃nɛda kũ àtɛn tɛ́ kɛ àtɛn litɛlitɛo.
81	GEN 4:1	Adamu a nanↄ Awau dↄ̃̀ nↄgbɛ̃ ũ, akũ à nↄ̀ↄ sì à Kainu ì. Akũ à pì: Ma gↄ̃gbɛ̃ ì kũ Dikiri gbãnao.
82	GEN 4:2	Akũ à a dakũna Habila ì dↄ. Habila kɛ̀ sãdãri ũ, Kainu sↄ̃ à kɛ̀ búbari ũ.
84	GEN 4:4	Habila sↄ̃ à sù kũ a sãnɛ káaku mɛ̀kpanaao. Habila yã kà Dikirigu, akũ à a gba sì.
85	GEN 4:5	Kainu sↄ̃ a yã dí kɛ Dikirinɛro, akũ adi a gba síro. Akũ Kainu pↄ fɛ̃̀ manamana a ãnn sìsi.
87	GEN 4:7	Tó n yã mana kɛ̀, mani n síroo? Tó ńdi yã mana kɛ sↄ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.
88	GEN 4:8	Akũ Kainu pì a dakũna Habilanɛ: Ò gɛ́ sɛ̃̀n. Kũ ò kà gwe, akũ à fùtɛ a dakũnai à a dɛ̀.
91	GEN 4:11	Tera sà ĩnigↄ̃ láari pↄ́ ũmɛ, ĩnigↄ̃ zã̀ kũ zĩtɛ kũ à n dakũna aru mì n ↄĩo.
92	GEN 4:12	Tó n bú bà, zĩtɛ ni kararo. Ĩnigↄ̃ sↄ̃sↄ̃ gu kũ guo ǹgↄ̃ likara andunia gũn.
93	GEN 4:13	Akũ Kainu pì Dikirinɛ: Wari bire gbãna demala, mani fↄ̃ro.
94	GEN 4:14	Ntɛn pɛ́ma zĩtɛ la gbãramɛ sà. Mani kɛ̃kↄ̃a kũnwo sà. Manigↄ̃ sↄ̃sↄ̃ gu kũ guo màgↄ̃ likara andunia gũn, gbɛ̃ kũ à kpàkũn kũmao ni ma dɛ.
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mↄra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
97	GEN 4:17	Kainu wùtɛ kũ a nanↄo, akũ à nↄ̀ↄ sì à Ɛnↄku ì. A gbɛra Kainu wɛ̃tɛ kàtɛ, akũ à a nɛ́ pì tↄ́ kpà wɛ̃tɛ pìinɛ.
98	GEN 4:18	Ɛnↄku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
99	GEN 4:19	Lamɛki nↄ sɛ̀ mɛ̀n pla, a do tↄ́n Ada, a do Zila.
102	GEN 4:22	Zila sↄ̃, akũ mɛ́ à Tubala Kainu ì. Siaamɛ a ũ. Àdi pↄ pínki pi kũ mↄ̀sio kũ mↄ̀gotɛ̃o. A dãre tↄ́n Naama.
103	GEN 4:23	Akũ Lamɛki pì a nↄnↄnɛ: Ada kũ Zilao, à ma yã ma, ma nↄnↄ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
104	GEN 4:24	Tó oni Kainu fĩna bonɛ gɛ̃̀n suppla, makũ Lamɛki ma pↄ́ sↄ̃, gɛ̃̀n baaakↄ̃ akuri awɛɛsupplamɛ.
105	GEN 4:25	Adamu wùtɛ kũ a nanↄo dↄ, akũ à nɛ́gↄ̃gbɛ̃ ì. À tↄ́ kpànɛ Sɛti à pì, Luda a gba nɛ́ pãnde Habila kũ Kainu a dɛ̀ gɛ̃nɛ ũmɛ.
106	GEN 4:26	Sɛti sↄ̃ à nɛ́gↄ̃gbɛ̃ ì, akũ à tↄ́ kpànɛ Ɛnↄsu. Zaa zĩ birean ò nà Dikiri sísinaaa.
107	GEN 5:1	Adamu burinↄ yãn dí. Gↄrↄ kũ Luda bisãsirinↄ kɛ̀, à ń kɛ́ lán a bàmɛ.
108	GEN 5:2	À ń kɛ́ gↄ̃gbɛ̃ kũ nↄgbɛ̃o, akũ à arubarikaa dàńnɛ. À tↄ́ kpàńnɛ bisãsiri.
109	GEN 5:3	Adamu wɛ̃̀ basuddo akuride gũn à nɛ́ ì a taka ũ à bòkↄ̃a kãao, akũ à tↄ́ kpànɛ Sɛti.
111	GEN 5:5	Kũ à kà wɛ̃̀ wàa siikↄ̃ kpɛ́ basuddo akuri, akũ à gà.
114	GEN 5:8	Kũ à kà wɛ̃̀ wàa siikↄ̃ kpɛ́ basↄↄro akuri awɛɛpla, akũ à gà.
117	GEN 5:11	Kũ à kà wɛ̃̀ wàa siikↄ̃ kpɛ́ basↄↄro awɛɛsↄↄro, akũ à gà.
120	GEN 5:14	Kũ à kà wɛ̃̀ wàa siikↄ̃ kpɛ́ basↄↄro akuri, akũ à gà.
123	GEN 5:17	Kũ à kà wɛ̃̀ wàa siikↄ̃ kpɛ́ basↄↄro sↄↄrosari, akũ à gà.
126	GEN 5:20	Kũ à kà wɛ̃̀ wàa siikↄ̃ kpɛ́ basↄraakↄ̃ awɛɛpla, akũ à gà.
130	GEN 5:24	À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.
133	GEN 5:27	Kũ à kà wɛ̃̀ wàa siikↄ̃ kpɛ́ basↄraakↄ̃ akuri donsari, akũ à gà.
134	GEN 5:28	Lamɛki kɛ̀ wɛ̃̀ bakɛ̃ndo awɛɛpla, akũ à nɛ́gↄ̃gbɛ̃ ì.
137	GEN 5:31	Kũ à kà wɛ̃̀ wàa aakↄ̃ kpɛ́ basↄraakↄ̃ akuri awɛɛsuppla, akũ à gà.
138	GEN 5:32	Kũ Nuhu kà wɛ̃̀ wàa pla kpɛ́ basↄↄro, à Sɛmu kũ Hamuo kũ Yafɛtio ì.
139	GEN 6:1	Kũ bisãsirinↄ nà kɛna nà òtɛn dagula òtɛn nɛ́nↄgbɛ̃nↄ i,
140	GEN 6:2	akũ Luda nɛ́nↄ è bisãsiri nɛ́nↄgbɛ̃ pìnↄ mana, akũ òtɛni ń sɛ́ ń pↄyeinaaa.
141	GEN 6:3	Akũ Dikiri pì: Ma Nini nigↄ̃ kú bisãsirinↄ gũn gↄrↄ sĩnda pínkiro, zaakũ mɛ̀barademɛ. Ń gↄrↄnↄ nigↄ̃ wɛ̃̀ basuddomɛ.
142	GEN 6:4	Gbɛ̃ gbã̀nanↄn kú andunia gũn gↄrↄ birea kũ gↄrↄ bire gbɛrao dↄ, gↄrↄ kũ Luda nɛ́ pìnↄ bisãsiri nɛ́nↄgbɛ̃nↄ dↄ̃̀ nↄgbɛ̃nↄ ũ ò nɛ́nↄ ì kũńwo. Ń nɛ́ pìnↄmɛ gↄ̃sa gbãna kũ ń tↄ́ bò zaa káakunↄ ũ.
143	GEN 6:5	Dikiri è kũ bisãsirinↄ yã vãni kɛna dasi andunia gũn. Gↄrↄ sĩnda pínki yã bɛ̃̀nɛ laasunn òdigↄ̃ lɛ́ ado,