2	GEN 1:2	Gu da pãmɛ à kɛkɛnaro, gusira mɛ́ à da ísirala, akũ Luda Nini tɛn yàa kɛ í pìla.
3	GEN 1:3	Akũ Luda pì: Gupura kũ! Akũ gupura kũ̀.
5	GEN 1:5	À tↄ́ kpà gupuranɛ fãnantɛ̃, gusira sↄ̃ gwãani. Gu sì gu dↄ̀, a gↄrↄ káakun gwe.
8	GEN 1:8	Akũ à tↄ́ kpà sarapura pìinɛ ludambɛ. Gu sì gu dↄ̀, a gↄrↄ pladen gwe.
13	GEN 1:13	Gu sì gu dↄ̀, a gↄrↄ aakↄ̃den gwe.
19	GEN 1:19	Gu sì gu dↄ̀, a gↄrↄ siikↄ̃den gwe.
23	GEN 1:23	Gu sì gu dↄ̀, a gↄrↄ sↄↄroden gwe.
31	GEN 1:31	Luda pↄ́ kũ à kɛ̀nↄ è pínki, à kɛ̀ mana swáswa. Gu sì gu dↄ̀, a gↄrↄ suddoden gwe.
35	GEN 2:4	Musu kũ zĩtɛo naana yãn dí. Gↄrↄ kũ Dikiri Luda zĩtɛ kũ musuoo kɛ̀,
43	GEN 2:12	wuraa pì mana. Gbɛ̀ bɛ̀ɛrɛdenↄn kú gwe dↄ.
44	GEN 2:13	Swa pì ↄnɛ plade tↄ́n Giↄ̃, à lika Kusu bùsuui pínki.
49	GEN 2:18	Dikiri Luda pì: Gↄ̃gbɛ̃ kunna ado manaro. Mani kpanyĩri kɛnɛ a gbɛ̃ndo ũ.
51	GEN 2:20	Gↄ̃gbɛ̃ pì tↄ́ kpà bɛ pↄ́kãdenↄnɛ pínki kũ bãnↄ kũ nↄ̀bↄsɛ̃ntɛnↄ pínki, ama adi kpanyĩri e ń tɛ́ a gbɛ̃ndo ũro.
56	GEN 2:25	Gↄ̃gbɛ̃ kũ a nanↄo kú pótompo ń pla ń pínki, wé'i sↄ̃ àdi ń kũro.
103	GEN 4:23	Akũ Lamɛki pì a nↄnↄnɛ: Ada kũ Zilao, à ma yã ma, ma nↄnↄ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
107	GEN 5:1	Adamu burinↄ yãn dí. Gↄrↄ kũ Luda bisãsirinↄ kɛ̀, à ń kɛ́ lán a bàmɛ.
135	GEN 5:29	À tↄ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ.
142	GEN 6:4	Gbɛ̃ gbã̀nanↄn kú andunia gũn gↄrↄ birea kũ gↄrↄ bire gbɛrao dↄ, gↄrↄ kũ Luda nɛ́ pìnↄ bisãsiri nɛ́nↄgbɛ̃nↄ dↄ̃̀ nↄgbɛ̃nↄ ũ ò nɛ́nↄ ì kũńwo. Ń nɛ́ pìnↄmɛ gↄ̃sa gbãna kũ ń tↄ́ bò zaa káakunↄ ũ.
143	GEN 6:5	Dikiri è kũ bisãsirinↄ yã vãni kɛna dasi andunia gũn. Gↄrↄ sĩnda pínki yã bɛ̃̀nɛ laasunn òdigↄ̃ lɛ́ ado,
166	GEN 7:6	Gↄrↄ kũ í dà anduniala, Nuhu kun wɛ̃̀ wàa aakↄ̃mɛ.
170	GEN 7:10	Gↄrↄ suppla gbɛra í da pìi dà anduniala.
173	GEN 7:13	Gↄrↄ birea Nuhu gɛ̃̀ gó gũn kũ a nɛ́nↄ Sɛmu kũ Hamuo kũ Yafɛtio kũ api nanↄo kũ a nɛ́nↄ nↄnↄ gbɛ̃nↄn aakↄ̃,
190	GEN 8:6	Gↄrↄ bupla gbɛra Nuhu gó wondo kũ à bòn yã wɛ̃̀,
237	GEN 10:2	Yafɛti nɛ́gↄ̃gbɛ̃nↄ tↄ́n dí: Goma, Magↄgu, Midiã, Girisi, Tubala, Mɛsɛki kũ Tirasao.
238	GEN 10:3	Goma nɛ́gↄ̃gbɛ̃nↄ tↄ́n dí: Asakɛnaza, Rifa, Tↄgama.
239	GEN 10:4	Girisi nɛ́gↄ̃gbɛ̃nↄ tↄ́n dí: Ɛlisa, Tasisi, Sipiru, Rodanimu.
251	GEN 10:16	Yebusinↄ, Amↄrinↄ, Gigasinↄ,
254	GEN 10:19	Ń bùsu lɛ́zɛkin dí. Bona zaa Sidↄ̃ gɛna Gera kũ à kú Gaza sarɛ ari Sↄdↄmu kũ Gↄmↄrao kũ Adamao kũ Zeboimu kũ à kú Lasa sarɛo.
258	GEN 10:23	Aramu nɛ́gↄ̃gbɛ̃nↄ tↄ́n dí: Uzu, Hulu, Geta kũ Mɛsɛkio.
329	GEN 13:10	Kũ Lutu gu gwà, à è Yoda guvutɛ pínki mↄtↄ vĩ manamana. Ari Dikiri gↄ̃ gɛ́ Sↄdↄmu kũ Gↄmↄrao kakatɛ, guvutɛ pì de lán Dikiri swadakoo bà, lán Misila bùsuu bà, ari à gɛ̀ɛ pɛ́ Zoaa.
333	GEN 13:14	Lutu tanaa gbɛra Dikiri pì Abramunɛ: Gu kũ ń zɛ́n ǹ wɛ́ sɛ́ ǹ gugbãnduru kũ gɛ̀nↄmidↄkio kũ ifãbokio kũ ifãlɛtɛo gwa.
338	GEN 14:1	Zĩkea Babilↄnia bùsu kína Amarafɛli kũ Ɛlasa bùsu kína Ariↄkio kũ Elamu bùsu kína Kɛdↄlaomɛɛo kũ Goimu bùsu kína Tidalao
339	GEN 14:2	tɛn zĩ̀ ká kũ Sↄdↄmu kína Bɛrao kũ Gↄmↄra kína Bisao kũ Adama kína Sinabuo kũ Zeboimu kína Sɛmɛbao kũ Bɛla kũ òdi pi tera Zoa kínao.
345	GEN 14:8	Akũ Sↄdↄmu kína kũ Gↄmↄra kínao kũ Adama kínao kũ Zeboimu kínao kũ Bɛla kũ òdi pi tera Zoa kínao fùtɛ ò gɛ̀ɛ ò zĩ̀ ká kũńwo Sidimu guvutɛn.
346	GEN 14:9	Òtɛn zĩ̀ ká kũ Elamu bùsu kínao kũ Goimu bùsu kínao kũ Babilↄnia bùsu kínao kũ Ɛlasa bùsu kínao. Kína gbɛ̃nↄn siikↄ̃ pìnↄ tɛn zĩ̀ ká kũ kína gbɛ̃nↄn sↄↄronↄ.
347	GEN 14:10	Sidimu guvutɛ ↄ̀da wɛ̀ɛ vĩ dasi. Kũ Sↄdↄmu kína kũ Gↄmↄra kínao tɛn bàa lɛ́, akũ ò sì a gũn, akũ ń gbɛ̃ kparanↄ bàa lɛ̀ ò gɛ̀ɛ gusĩsĩden.
348	GEN 14:11	Zĩ̀blerinↄ Sↄdↄmu kũ Gↄmↄrao aruzɛkɛnↄ kũ ń pↄ́blenↄ sɛ̀tɛ pínki ò tào.
349	GEN 14:12	Gↄrↄ kũ̀a Abramu vĩ̀ni nɛ́ Lutu kú Sↄdↄmu, akũ ò a kũ̀ ò tà kãao kũ a aruzɛkɛnↄ.
354	GEN 14:17	Kũ Abramu zĩ̀i blè Kɛdↄlaomaa kũ kína kũ ò kú kãaonↄ àtɛn su, akũ Sↄdↄmu kína bò à dàalɛ Save Guvutɛ kũ òdi pi tera Kína Guvutɛn.
382	GEN 15:21	kũ Amↄrinↄ kũ Kanaanↄ kũ Gigasinↄ kũ Yebusinↄo.
398	GEN 16:16	Gↄrↄ kũ Hazara Sumaila ì, Abramu wɛ̃̀ basiikↄ̃ awɛɛsuddomɛ.
399	GEN 17:1	Kũ Abramu kà wɛ̃̀ basↄↄro donsari, Dikiri bò à sùa à pì: Luda Gbãnasĩndapinkiden ma ũ. Ǹ táa o kũmao ǹgↄ̃ kun taari sari.
415	GEN 17:17	Akũ Ibrahĩ wùtɛ a nɛ̀sɛlɛ kutɛna Luda arɛ à yáa dↄ̀ à pì a nɛ̀sɛɛ gũn: Gbɛ̃ kũ à kà wɛ̃̀ basↄↄro ni nɛ́ i yá? Lákũ Sara kà wɛ̃̀ basiikↄ̃ akuri nà, ani nɛ́ i yá?
424	GEN 17:26	Gↄrↄ dokↄ̃nↄ pì zĩ Ibrahĩ tↄ̃̀ↄ zↄ̃̀ kũ a nɛ́ Sumailao
433	GEN 18:8	Akũ Ibrahĩ vĩfãani kũ vĩ'ipuo kũ zù kũ ò kɛ̀kɛɛ pìioo sɛ̀ à gɛ̀ɛ à dìtɛńnɛ. Gↄrↄ kũ òtɛn pↄ́ ble, api zɛ ń sarɛ lí gbáru gwe.
445	GEN 18:20	Akũ Dikiri ɛ̀ra à pì: Yã kũ òtɛn o Sↄdↄmu kũ Gↄmↄrao musu dasi, ń durunna gɛ̃̀ ↄla.
463	GEN 19:5	Ò lɛ́ zù Lutui ò pì: Gↄ̃gbɛ̃ kũ ò kìpa n bɛa ↄkↄsialanↄn kú máa? Ǹ bↄtɛ kũńwowɛrɛ, ò pãpã kɛ kũńwo.
467	GEN 19:9	Ò pìnɛ: Ǹ gowɛrɛ gwe! Akũ ò pì dↄ: Gbɛ̃ dí bi gbɛ̃ zĩ̀tↄↄmɛ, akũ à ye à kɛ ó yãkpatɛkɛri ũ. Óni yã vãni kɛnnɛ de ń pↄ́la. Akũ ò kùsia kũ gbãnao, òtɛn su kpɛ́ gbàa gboro.
470	GEN 19:12	Gbɛ̃nↄn pla pìnↄ pì Lutunɛ: Dí ń vĩ la dↄↄ? Nɛ́gↄ̃gbɛ̃nↄ, nɛ́nↄgbɛ̃nↄ, n nɛ́ anzurenↄ kũ gbɛ̃ kũ ò de n gbɛ̃ ũnↄ wɛ̃tɛ gũn ń pínki. Ǹ bↄtɛ kũńwo,
482	GEN 19:24	akũ Dikiri tò tɛ́ kũ ifãntɛ̃gbↄ̃ↄo bò musu à kà Sↄdↄmu kũ Gↄmↄraola.
486	GEN 19:28	Kũ à Sↄdↄmu kũ Gↄmↄrao kpa gwà kũ guvutɛ pìio pínki, à è túsukpɛ tɛn futɛ zĩtɛ lán tãmatɛ túsukpɛ bà.
491	GEN 19:33	Gwãani birea ò wɛ̃ kàkanɛ, akũ Yↄ̃ↄ gɛ̀ɛ à wùtɛ kãao. Lutu dí dↄ̃ gↄrↄ kũ à wùtɛ kãao ke gↄrↄ kũ à fùtɛro.
493	GEN 19:35	Gwãani birea dↄ ò wɛ̃ kàkanɛ, akũ Bãna gɛ̀ɛ à wùtɛ kãao. Lutu dí dↄ̃ gↄrↄ kũ à wùtɛ kãao ke gↄrↄ kũ à fùtɛro.
497	GEN 20:1	Akũ Ibrahĩ fùtɛ gwe à gɛ̀ɛ Nɛgɛvi bùsun Kadɛsi kũ Suruo dagura. Kũ à gɛ̀ɛ à vùtɛ Gera,
498	GEN 20:2	à pì a nanↄ Sara bi a dãremɛ, akũ Gera kína Abimɛlɛki gbɛ̃ zĩ̀ à a sɛ̀ à sù kãao.
535	GEN 21:21	Gↄrↄ kũ à kú Parani gbáranna pìi gũnn a da Misila bùsu nↄ sɛ̀nɛ.
536	GEN 21:22	Gↄrↄ birea Abimɛlɛki kũ a zĩ̀karinↄ gbɛ̃ zↄ̃kↄ̃ Fikↄluo gɛ̀ɛ Ibrahĩ kĩnaa ò pìnɛ: Luda kú kũnwo yã kũ ntɛn kɛ gũn pínki.
547	GEN 21:33	Ibrahĩ sãma lí tↄ̃̀ Bɛsɛba, akũ à Dikiri Luda Gↄrↄsĩndapinkide sìsi gwe.
572	GEN 22:24	A nↄ danyĩ Ruma nɛ́nↄ tↄ́n dí: Teba, Gaamu, Tasa kũ Maakao.
599	GEN 24:7	Dikiri Luda Musude ma bo ma de bɛa ma danɛnↄ bùsun, akũ à yã òmɛnɛ à la dà à pì, áni bùsu díkĩna kpá ma burinↄamɛ. Àkũ mɛ́ ani a Malaika zĩ à donnɛ arɛ. Gwen ĩni nↄ sɛ́n ma nɛ́nɛ.
613	GEN 24:21	Gↄ̃gbɛ̃ pì zɛna àtɛni a gwa tíii, de à le à dↄ̃ tó Dikiri ni tó a tá kɛ nna, ke ani kɛ nnaro.
624	GEN 24:32	Gↄ̃gbɛ̃ pìi gɛ̃̀ ↄnn, akũ Labã lakuminↄ aso pòro à sɛ̃̀la kori kũ tàragaao kpàḿma à í kpà gↄ̃gbɛ̃ pìia à a gbá pípio kũ a gbɛ̃nↄ ń pínki.
669	GEN 25:10	kũ Ibrahĩ pìi lù Itinↄa. Gwen ò a vĩ̀n kũ a nanↄ Sarao.
694	GEN 26:1	Nàa kà bùsuu pìn a káakupↄ kũ à kà Ibrahĩ gↄrↄa baasi, akũ Isaaku fùtɛ à gɛ̀ɛ Filisitininↄ kína Abimɛlɛki kĩnaa Gera.
699	GEN 26:6	Akũ Isaaku gↄ̃̀ Gera.
704	GEN 26:11	Akũ Abimɛlɛki gbɛ̃nↄ sã gbɛ̃̀ńnɛ pínki à pì: Gbɛ̃ kũ à ↄ nà gↄ̃gbɛ̃ pìia kũ a nanↄo, oni a dɛ.
710	GEN 26:17	Akũ Isaaku bò gwe à bùraa kàtɛ Gera guvutɛn, akũ à gↄrↄ pla kɛ̀ gwe.
713	GEN 26:20	Akũ Gera pↄ́dãrinↄ fìti kɛ̀ kũ Isaaku pↄ́dãrinↄ ò pì: Ó ímɛ. Akũ à tↄ́ kpà lↄ̀gↄↄ pìinɛ Fìtii, kũ ò fìti kɛ̀ kãao yãi.
718	GEN 26:25	Gwen à sa'oki bòn à Dikiri sìsi. Akũ à bùraa kàtɛ gwe à gbɛ̃nↄ tɛn lↄ̀gↄ yↄ̃.
719	GEN 26:26	Akũ Abimɛlɛki bò Gera à sù Isaaku kĩnaa kũ a kpàasi Auzao kũ a zĩ̀karinↄ gbɛ̃ zↄ̃kↄ̃ Fikↄluo.
757	GEN 27:29	Gbɛ̃nↄ ni zↄ̀ blennɛ, burinↄ ni kútɛ n arɛ, ĩnigↄ̃ de n gbɛ̃nↄ dikiri ũ, n da nɛ́nↄ ni kútɛnnɛ. Luda ni lɛ́ kɛ gbɛ̃ kũ ò lɛ́ kɛ̀nnɛnↄnɛ, ani arubarika da gbɛ̃ kũ ò sa mana ònnɛnↄgu.
777	GEN 28:3	Luda Gbãnasĩndapinkide arubarika dangu à tó ǹ nɛ́ i manamana, ògↄ̃ kara de ǹ gↄ̃ burinↄ dizi ũ.
791	GEN 28:17	Vĩna a kũ̀ à pì: Gu dí ma kã fùtɛ. Luda bɛmɛ, ludambɛ zɛ́mɛ.
798	GEN 29:2	Kũ à kà gwe, à lↄ̀gↄↄ è sɛ̃̀n sã kpàsa lɛu aakↄ̃ katɛna a sarɛ, zaakũ lↄ̀gↄↄ pì ín òdi kpáḿma. Gbɛ̀ zↄ̃kↄ̃ ta lↄ̀gↄↄ pìlɛ.
800	GEN 29:4	Akũ Yakubu sãdãrinↄ là à pì: Gbɛ̃nↄ, a bo mámɛɛ? Ò wèa ò pì: O bo Aranamɛ.
842	GEN 30:11	Akũ Lea pì: Mìnnamɛ. Akũ à tↄ́ kpànɛ Gada.
884	GEN 31:10	Gↄrↄ kũ blènↄ tɛn kpákpa o, ma nana ò, akũ nana gũn ma è blèkofĩni kũ òtɛn kpákpa onↄ bi blè wãnzãndenↄmɛ kũ a bakibakinↄ kũ a totontotonnↄo.
895	GEN 31:21	À fùtɛ à bàa lɛ̀ kũ a pↄ́nↄ pínki à bikũ̀ Yuflatia, akũ à mìi pɛ̀ Giliada gusĩsĩdea.
897	GEN 31:23	À a gbɛ̃nↄ kàkara, akũ à pɛ̀tɛi. À táa ò gↄrↄ suppla, akũ à a lè Giliada gusĩsĩden.
899	GEN 31:25	Labã Yakubu bùra lè katɛna Giliada gusĩsĩden, akũ à bùra kàtɛ gwe kũ a gbɛ̃nↄo se.
906	GEN 31:32	Gbɛ̃ kũ n n tãnanↄ lè a kĩnaa, ò a dɛ. Ǹ ma pↄ́nↄ gwagwa ó gbɛ̃nↄ wára. Tó n n pↄ́ lè, ǹ sɛ́. Yakubu sↄ̃, à dↄ̃ kũ Rahila Labã pↄ́ sɛ̀ kpãniro.
921	GEN 31:47	Akũ Labã tↄ́ kpà gbɛ̀didikↄ̃anaa pìinɛ Yega Saduta. Yakubu tↄ́ kpànɛ Galɛdi.
922	GEN 31:48	Labã pì: Gbɛ̀didikↄ̃ana díkĩnamɛ sèeda ũ ó dagura gbãra. Abire yãi ò tↄ́ kpànɛ Galɛdi.
938	GEN 32:10	N gbɛ̃kɛ kũ náani yãoo kɛ̀mɛnɛ manamana, ma bɛ̀ɛrɛ dí káro. Gↄrↄ kũ ma bikũ Yodaa, gò mɛ́ à na ma ↄĩ ado. Tera sà ma su kũ aruzɛkɛ lɛu pla díkĩnanↄ.
941	GEN 32:13	Gwen Yakubu ìn. Pↄ́ kũ à plɛ̀plɛ à a vĩ̀ni gbanↄn dí:
949	GEN 32:21	Gba pìnↄ dònɛ arɛ, akũ à gↄ̃̀ bùran gwãani kũ̀a à ì gwe.
954	GEN 32:26	Gↄ̃gbɛ̃ pìi pì: Ǹ ma gbarɛ, zaakũ gu tɛn dↄ. Akũ Yakubu pìnɛ: Tó adi kɛ ǹ arubarika damagu baasiro, mani n gbarɛro.
955	GEN 32:27	Gↄ̃gbɛ̃ pì a là à pì: N tↄ́n deraa? À wèa à pì: Ma tↄ́n Yakubu.
981	GEN 33:20	Gwen à sa'oki bòn, à tↄ́ kpànɛ Luda Isarailanↄ Luda.
1002	GEN 34:21	Gbɛ̃ pìnↄ yãke vĩ kũooro. Ò tó ògↄ̃ kú ó bùsun ògↄ̃ laga tá, zaakũ bùsuu pìi yàasa ani mↄ́wá. Óni ń nɛ́nↄgbɛ̃nↄ sɛ́ óni ó nɛ́nↄ kpáḿma.
1003	GEN 34:22	Gbɛ̃ pìnↄ sↄ̃, oni we ògↄ̃ kú kũoo de ò gↄ̃ buri dokↄ̃nↄ ũro, séto adi kɛ ó gↄ̃gbɛ̃ sĩnda pínki tↄ̃̀ↄ zↄ̃̀ lán ń bà baasiro.
1023	GEN 35:11	Luda pìnɛ dↄ: Luda Gbãnasĩndapinkidemɛ ma ũ. Àgↄ̃ nɛ́ i àgↄ̃ kara. Buri ni bo n kĩnaa kũ buri dasinↄ dↄ, n buri kenↄ nigↄ̃ de kínanↄ ũ.
1034	GEN 35:22	Gↄrↄ kũ à kú bùsuu pìn Rubɛni gɛ̀ɛ à wùtɛ kũ Bilao, Yakubu nↄ yìgisaride, akũ Yakubu yã pìi mà. Yakubu nɛ́gↄ̃gbɛ̃nↄ ì mɛ̀n kuri awɛɛpla.
1038	GEN 35:26	Lea zĩkɛri Zilipa nɛ́nↄn Gada kũ Asao ũ. Nɛ́gↄ̃gbɛ̃ kũ ò ń í kũ Yakubuo Mɛsↄpↄtamianↄn gwe.
1052	GEN 36:11	Ɛlifaza nɛ́gↄ̃gbɛ̃nↄn Temana, Omaa, Zefo, Gatamu kũ Kenazio ũ.