4	GEN 1:4	À è gupura pìi kɛ̀ mana, akũ à gupura kɛ̃̀kↄ̃a kũ gusirao.
5	GEN 1:5	À tↄ́ kpà gupuranɛ fãnantɛ̃, gusira sↄ̃ gwãani. Gu sì gu dↄ̀, a gↄrↄ káakun gwe.
10	GEN 1:10	À tↄ́ kpà gukori pìinɛ zĩtɛ, akũ a tↄ́ kpà í kũ à kàkaranɛ ísira. Akũ à è à kɛ̀ mana.
16	GEN 1:16	À pↄ́ gupurakũri zↄ̃kↄ̃nↄ kɛ̀ mɛ̀n pla, a kũ à gbãna dìgↄ̃ kí ble fãnantɛ̃, a kũ à busɛ dìgↄ̃ kí ble gwãani. À susunɛnↄ kɛ̀ dↄ.
17	GEN 1:17	À ń pɛ́pɛ musu de ògↄ̃ andunia pura kũ
21	GEN 1:21	Akũ à pↄ́ wɛ̃̀ndide kũ òdi í panↄ kɛ̀ kũ kpↄ̀ gbɛ̃̀ntɛ̃nↄ pínki, baadi kũ a burio. À bãnↄ kɛ̀ pínki dↄ, baadi kũ a burio. Akũ à è à kɛ̀ mana.
22	GEN 1:22	À arubarikaa dàńgu à pì, ògↄ̃ nɛ́ i ògↄ̃ kɛ dasi, kpↄ̀nↄ ísira pa, bãnↄ kɛ dasi zĩtɛ.
25	GEN 1:25	Luda nↄ̀bↄsɛ̃ntɛnↄ kɛ̀ baadi kũ a burio. À bɛ pↄ́kãdenↄ kɛ̀ baadi kũ a burio. À pↄ́ kũ òdi táa o kũ kùaonↄ kɛ̀ baadi kũ a burio. Akũ à è à kɛ̀ mana.
27	GEN 1:27	Akũ Luda bisãsiri kɛ̀ a zĩda taka ũ. A zĩda takan à ń kɛ́ a ũ. À ń kɛ́ gↄ̃gbɛ̃ kũ nↄgbɛ̃o.
28	GEN 1:28	À arubarikaa dàńgu à pìńnɛ: Àgↄ̃ nɛ́ i àgↄ̃ kɛ dasi àgↄ̃ andunia pa àgↄ̃ gbãna blea. Àgↄ̃ kí ble kpↄ̀nↄa kũ bãnↄ kũ pↄ́ wɛ̃̀ndide kũ òdi táa o zĩtɛnↄ pínki.
62	GEN 3:6	Kũ nↄgbɛ̃ è lí pì nɛ́ mana, akũsↄ̃ a blena nigↄ̃ nna ani tó gbɛ̃ wɛ́ kɛ̃, akũ à a nɛ́ kɛ̃̀ à blè. À kpà a zãa dↄ, akũ à blè se.
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
68	GEN 3:12	À wèa à pì: Nↄgbɛ̃ kũ n kpàma àgↄ̃ kú kũmao mɛ́ à lí pì nɛ́ kpàma ma blè.
69	GEN 3:13	Akũ Dikiri Luda nↄgbɛ̃ là à pì: Bↄ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
86	GEN 4:6	Akũ Dikiri pì Kainunɛ: Bↄ́yãi n pↄ fɛ̃̀ɛ? À kɛ̀ dera n ãnn yàkaa?
89	GEN 4:9	Dikiri Kainu là à pì: Mán n dakũna Habila kunn? À wèa à pì: Má dↄ̃ro. Ma dakũna dãkpãriin ma ũ yá?
96	GEN 4:16	Akũ Kainu dà zɛ́n à kɛ̃̀ Dikiria. À gɛ̀ɛ à vùtɛ Nↄdu bùsun Ɛdɛni ifãboki kpa.
100	GEN 4:20	Ada Yabala ì. Àkũmɛ pↄ́dãri kũ òdigↄ̃ kú bizakuta gũnnↄ dizi káaku ũ.
101	GEN 4:21	A dakũna tↄ́n Yubala. Àkũmɛ mↄrↄlɛrinↄ kũ úrapɛrinↄ dizi káaku ũ.
102	GEN 4:22	Zila sↄ̃, akũ mɛ́ à Tubala Kainu ì. Siaamɛ a ũ. Àdi pↄ pínki pi kũ mↄ̀sio kũ mↄ̀gotɛ̃o. A dãre tↄ́n Naama.
105	GEN 4:25	Adamu wùtɛ kũ a nanↄo dↄ, akũ à nɛ́gↄ̃gbɛ̃ ì. À tↄ́ kpànɛ Sɛti à pì, Luda a gba nɛ́ pãnde Habila kũ Kainu a dɛ̀ gɛ̃nɛ ũmɛ.
108	GEN 5:2	À ń kɛ́ gↄ̃gbɛ̃ kũ nↄgbɛ̃o, akũ à arubarikaa dàńnɛ. À tↄ́ kpàńnɛ bisãsiri.
129	GEN 5:23	À kà wɛ̃̀ wàa do kpɛ́ basↄraakↄ̃ awɛɛsↄↄro.
130	GEN 5:24	À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.
135	GEN 5:29	À tↄ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ.
144	GEN 6:6	akũ a pↄ yàka bisãsiri kũ à kɛ̀ zĩtɛ yã musu. À laasun pãnde lɛ̀,
167	GEN 7:7	À gɛ̃̀ gó'itɛ gũn kũ a nɛ́nↄ kũ a nanↄo kũ a nɛ́nↄ nↄnↄo de ò bo í pì yãn.
183	GEN 7:23	Luda pↄ́ wɛ̃̀ndide kũ ò kú sĩ̀sĩanↄ kàkatɛ pínki. À bisãsirinↄ kũ nↄ̀bↄnↄ kũ pↄ́ kũ òdi táa o kũ kùaonↄ kũ bãnↄ kàkatɛ andunia gũn. Nuhu mɛ́ à bò ado kũ pↄ́ kũ ò kú kãao gó gũnnↄ.
191	GEN 8:7	akũ à kãakãanna gbàrɛ. Àtɛn vura àtɛn gɛ́ àtɛn su ari í bàba zĩtɛa.
192	GEN 8:8	À potɛ̃nɛ gbàrɛ dↄ de à le à dↄ̃ tó í làgo zĩtɛa.
194	GEN 8:10	À kámma bò ari gↄrↄ suppla, akũ à ɛ̀ra à potɛ̃nɛ gbàrɛ dↄ.
196	GEN 8:12	À kámma bò gↄrↄ suppla dↄ, akũ à ɛ̀ra à potɛ̃nɛ pìi gbàrɛ, adi ɛra à sù a kĩnaa doro.
204	GEN 8:20	Akũ Nuhu Dikiri gbagbaki bò. À nↄ̀bↄ kũ bã kũ òdi sa oonↄ kũ̀, akũ à sa'opↄ kũ òdi ká tɛ́n à tɛ́ kũ òa.
207	GEN 9:1	Akũ Luda arubarikaa dà Nuhugu kũ a nɛ́nↄ à pìńnɛ: Àgↄ̃ nɛ́ i àgↄ̃ kara à andunia pa.
213	GEN 9:7	Àgↄ̃ nɛ́ i àgↄ̃ kara, à da anduniala àgↄ̃ kɛ dasi.
235	GEN 9:29	À kɛ̀ wɛ̃̀ wàa siikↄ̃ kpɛ́ basuppla akuri, akũ à gà.
243	GEN 10:8	Nimlↄdu bi Etiopia burimɛ dↄ. Àkũmɛ andunia gbãnazↄ̃kↄ̃de tↄ́de káaku ũ.
256	GEN 10:21	Yafɛti dakũna Sɛmu buri kɛ̀ dↄ. Àkũmɛ Eberunↄ dizi káaku ũ.
307	GEN 12:8	Kũ à fùtɛ gwe, à mìi pɛ̀ kpi kũ ò kú Bɛtɛli ifãboki kpanↄa, akũ à bùraa kàtɛ gwe, Bɛtɛli kú ifãlɛtɛ kpa, Ai kú ifãboki kpa. À Dikiri gbagbaki bò gwe dↄ, akũ à a sìsi.
318	GEN 12:19	À kɛ̀ dera n pì n dãremɛ, akũ ma a sɛ̀ nↄ ũu? N nↄn di! Ǹ n pↄ́ sɛ́ ǹ táo.
324	GEN 13:5	Lutu dìgↄ̃ tɛ́ kũ Abramuo lɛɛlɛ. À sãnↄ kũ zùnↄ kũ bizakutanↄ vĩ se.
327	GEN 13:8	Akũ Abramu pì Lutunɛ: À mana lɛ́kpakↄ̃a gↄ̃ kú ó daguraro, ke ma pↄ́dãrinↄ kũ n pↄ́dãrinↄ dagura, zaakũ danɛnↄn ó ũ.
331	GEN 13:12	Abramu gↄ̃̀ Kanaanↄ bùsun, Lutu sↄ̃ à kú Yoda guvutɛ wɛ̃tɛnↄ dagura. À bùraa kàtɛ Sↄdↄmu sarɛ.
340	GEN 14:3	Kína gbɛ̃nↄn sↄↄro pìnↄ kↄ̃ kàkara ń pínki Sidimu guvutɛn. Àkũmɛ Sɛ̀bɛ Wiside ũ tera.
344	GEN 14:7	Akũ ò ɛ̀ra ò sù Ɛmisipa. Àkũ òdi pi tera Kadɛsi. Ò zĩ̀i blè Amalɛki bùsuua pínki kũ Amↄri buri kũ ò kú Azazↄ̃ Tamanↄa dↄ.
353	GEN 14:16	À ɛ̀ra à sù kũ aruzɛkɛ pìnↄ pínki kũ a vĩ̀ni nɛ́ Lutuo kũ a aruzɛkɛnↄ. À sù kũ nↄgbɛ̃nↄo kũ gbɛ̃ pãndenↄ dↄ.
355	GEN 14:18	Akũ Salɛmu kína Mɛlɛkizɛdɛki sù kũ burodiio kũ sèwɛ̃o. Àpi bi Luda Musude gbàgbariimɛ.
365	GEN 15:4	Akũ Dikiri pìnɛ: Àpi mɛ́ anigↄ̃ de n túbibleri ũro. Nɛ́ kũ ani bo n wóplɛn mɛ́ anigↄ̃ de n túbibleri ũ.
367	GEN 15:6	À Dikiri náani kɛ̀, akũ Dikiri tò yã bò kãao nna a náani kũ à kɛ̀ yãi.
368	GEN 15:7	À pìnɛ dↄ: Dikirimɛ ma ũ, makũ mɛ́ ma n bo Uru, Kaladia bùsun, de mà bùsu díkĩna kpámma yãi.
370	GEN 15:9	À wèa à pì: Ǹ zùnunu wɛ̃̀ aakↄ̃ sɛ́ kũ blè wɛ̃̀ aakↄ̃o kũ sãkaro wɛ̃̀ aakↄ̃o kũ potɛ̃nɛtɛ̃nnao kũ lukulukuuo.
383	GEN 16:1	Abramu nanↄ Sarai dí nɛ́ iro. À nↄgbɛ̃ zĩkɛri vĩ Misila gbɛ̃ ũ kũ òdi pinɛ Hazara.
396	GEN 16:14	A yã mɛ́ à tò ò tↄ́ kpà lↄ̀gↄↄ pìinɛ Ludabɛ̃nɛkũadima'e lↄ̀gↄↄ. À kú Kadɛsi kũ Bɛrɛdio daguramɛ.
409	GEN 17:11	À tↄ̃̀ zↄ̃ ma bàka kunna kãáo sèeda ũ.
434	GEN 18:9	Akũ ò a là ò pì: N nanↄ Sara kú mámɛɛ? À pì: À kú kutan gwe.
438	GEN 18:13	Akũ Dikiri Ibrahĩ là à pì: À kɛ̀ dera Sara yáa dↄ̀ↄ? À pì akũ kũ a zĩ kũ̀ áni fↄ̃ à nɛ́ i dↄ yá?
455	GEN 18:30	Akũ à pì: Dikiri, n yã nna! Ǹsun pↄ fɛ̃ro, má ye mà yã o dↄ. Tó gbɛ̃ mananↄ kà baraakuri sↄ̃ bi? À wèa à pì: Tó ma gbɛ̃ mananↄ è ò kà gbɛ̃nↄn baraakuri, mani yãke kɛro.
456	GEN 18:31	Akũ à pì: Ǹ gaafara kɛmɛnɛ dↄ Dikiri, mà yã onnɛ. Tó gbɛ̃ mananↄ kà gbɛ̃nↄn baro sↄ̃ bi? À wèa à pì: Mani wɛ̃tɛ pì kakatɛro gbɛ̃nↄn baro pìnↄ yãi.
457	GEN 18:32	Akũ à pì: Dikiri, ǹsun pↄ fɛ̃ro, yã díkĩna baasi mani yã o doro. Tó gbɛ̃ mananↄ kà gbɛ̃nↄn kuri sↄ̃ bi? À wèa à pì: Mani wɛ̃tɛ pì kakatɛro gbɛ̃nↄn kurii pìnↄ yãi.
460	GEN 19:2	à pì: Ma dikirinↄ, á yã nna! À mↄ́ à gɛ́ kipa makũ á zↄ̀bleri bɛa. À zú o à i la, zia kↄnkↄ káakukaaku á da zɛ́n. Ò pì: Oi, óni i gãnulɛamɛ.
461	GEN 19:3	Lutu nàkaraḿma manamana, akũ ò gɛ̃̀ a kpɛ́n. À ń yàrii kɛ̀ manamana à masaa kɛ̀ńnɛ, akũ ò sò.
472	GEN 19:14	Lutu bò à gɛ̀ɛ à ò a nɛ́nↄ anzurenↄnɛ à pì: À futɛ ò bↄtɛ, zaakũ Dikiri ni wɛ̃tɛ dí pì kakatɛ teramɛ. Akũ òtɛn da àtɛn fàai bomɛ.
483	GEN 19:25	À wɛ̃tɛ pìnↄ kàkatɛ kũ gbɛ̃nↄ kũ guvutɛ pìio kũ línↄ kũ sɛ̃̀nↄ pínki.
495	GEN 19:37	Yↄ̃ↄ nɛ́ ì gↄ̃gbɛ̃ ũ, akũ à tↄ́ kpànɛ Mↄabu. Àkũmɛ Mↄabu buri kũ ò kun ari gbãranↄ dizi káaku ũ.
496	GEN 19:38	Bãna nɛ́ ì gↄ̃gbɛ̃ ũ se, akũ à tↄ́ kpànɛ Aminɛ. Àkũmɛ Amↄni buri kũ ò kun ari gbãranↄ dizi káaku ũ.
500	GEN 20:4	À sù à lè Abimɛlɛki dí wútɛ kãao kↄ̀ro, akũ à pì: Dikiri, ĩni buri kũ odi yãke kɛronↄ dɛdɛn yá?
501	GEN 20:5	Àkũ mɛ́ à pìmɛnɛ a dãrenloo? Nↄgbɛ̃ pì sↄ̃ à pì a dãgↄ̃mɛ. Ma yã kɛ̀ a zɛ́amɛ, má taari vĩro.
518	GEN 21:4	À tↄ̃̀ↄ zↄ̃̀nɛ a gↄrↄ sↄraakↄ̃de zĩ lákũ Luda dìtɛnɛ nà.
519	GEN 21:5	À kà wɛ̃̀ basↄↄro a nɛ́ pì igↄrↄa.
521	GEN 21:7	À pì dↄ: Oni we ò pi Ibrahĩnɛ yã mani gↄ̃ nɛ́rande ũ yá? Akũ ma nɛ́gↄ̃gbɛ̃ ì kãao a zĩkũnaa gũn.
528	GEN 21:14	Akũ Ibrahĩ fùtɛ kↄnkↄkↄnkↄ, à pↄ́ble sɛ̀ kũ í tùruuo à kpà Hazaraa. À dìnɛ, akũ à a nɛ́ kpàa dↄ. À a gbàrɛ, akũ à gɛ̀ɛ àtɛn likara zↄ̃ Bɛsɛba gbárannan.
533	GEN 21:19	Luda nↄgbɛ̃ pì wɛ́ kɛ̃̀nɛ, akũ à lↄ̀gↄↄ è. À gɛ̀ɛ à í tↄ̀ a tùru pa, akũ à sù à kpà a nɛ́ pìia à mì.
534	GEN 21:20	Luda kú kũ nɛ́ pìio ari à zↄ̃kↄ̃ kũ̀. Àdigↄ̃ kú gbárannan, akũ à gↄ̃̀ tofekari ũ.
551	GEN 22:3	Kũ à fùtɛ kↄnkↄkↄnkↄ, à gàarii yĩ̀ a zaakinɛ, akũ à a zĩkɛrinↄ sɛ̀ gbɛ̃nↄn pla kũ a nɛ́ Isaaku pìio. À sa'oyakaa pàra, akũ à dà zɛ́n, àtɛn gɛ́ gu kũ Luda ònɛn.
553	GEN 22:5	Akũ à pì a zĩkɛri pìnↄnɛ: À gↄ̃ kũ zaakio la. Makũ kũ kɛfɛnna dio óni gɛ́ arɛ ò donyĩ kɛ Ludanɛ, óni ɛra ò su ò á le la.
555	GEN 22:7	Akũ Isaaku yã ò a denɛ à pì: Baa! À wèa à pì: Bↄ́mɛ nɛ́? Akũ à pìnɛ: Ó tɛ́ kũna kũ yàkaao, sãnɛ bↄ̀rↄ kũ óni ká tɛ́n à tɛ́ kũ kú mámɛɛ?
559	GEN 22:11	akũ Dikiri Malaika lɛ́ zùi zaa musu à pì: Ibrahĩ! Ibrahĩ! À wèa à pì: Makũ di!
576	GEN 23:4	Nibↄ kũ gbɛ̃ zĩ̀tↄↄon ma ũ á tɛ́. À zĩtɛ yíama ma gɛ̀vĩki ũ mà gɛ̀ vĩn.
580	GEN 23:8	à pìńnɛ: À ma yã ma, tó a we mà a gɛ̀ vĩ la. À wɛ́ kɛmɛnɛ Zoa nɛ́ Ɛflↄnua
590	GEN 23:18	À gↄ̃̀ Ibrahĩ pↄ́ ũ Iti kũ ò sù wɛ̃tɛ bĩnilɛanↄ pínki wára.
599	GEN 24:7	Dikiri Luda Musude ma bo ma de bɛa ma danɛnↄ bùsun, akũ à yã òmɛnɛ à la dà à pì, áni bùsu díkĩna kpá ma burinↄamɛ. Àkũ mɛ́ ani a Malaika zĩ à donnɛ arɛ. Gwen ĩni nↄ sɛ́n ma nɛ́nɛ.
608	GEN 24:16	Nɛ́ pì mana akũsↄ̃ à bũnumɛ, gↄ̃gbɛ̃ ke dí wutɛ kãao zikiro. À sù lↄ̀gↄ kĩnaa, à í tↄ̀ à a lo pà, akũ à ɛ̀ra àtɛn tá.
621	GEN 24:29	Rɛbɛka pì dãgↄ̃ vĩ kũ òdi pinɛ Labã. À bò wɛ̃tɛ kpɛ kũ bàao à gɛ̀ɛ à gↄ̃gbɛ̃ pìi lè lↄ̀gↄ lɛ́a,
623	GEN 24:31	à pì: Ǹ mↄ́ mↄkↄ̃n kũ Dikiri arubarikaa dàngu! À kɛ̀ dera ń zɛna wɛ̃tɛ kpɛɛ? Ma kpɛ́ kɛ̀kɛnnɛ kũ lakuminↄ bàdↄkio.
627	GEN 24:35	Dikiri arubarikaa dà ma dikiriinɛ manamana, akũ à gↄ̃̀ aruzɛkɛde ũ. À a gbà sãnↄ kũ zùnↄ kũ andurufuuo kũ wuraao kũ gↄ̃gbɛ̃ zĩkɛrinↄ kũ nↄgbɛ̃ zĩkɛrinↄ kũ lakuminↄ kũ zaakinↄ.
630	GEN 24:38	À pì mà gɛ́ a de bɛa a buri gũn mà nↄ sɛ́ a nɛ́nɛ gwe.
632	GEN 24:40	À wèma à pì, Dikiri kũ a táa ò kãao mɛ́ ani a Malaika zĩ à gɛ́ zɛmɛnɛ, de ma tá kɛ nna, mani nↄ sɛ́ a nɛ́nɛ a de bɛ danɛnↄ tɛ́.
633	GEN 24:41	À pì tó ma gɛ a buri kĩnaa, tó odi wero, mani bo ladana kũ ma la dàarɛ gũn.
638	GEN 24:46	À a lo kìpa gↄ̃̀nↄ, à pì mà mi áni kpá ma lakuminↄa dↄ. Kũ ma mì, akũ à kpà ma lakuminↄa.
639	GEN 24:47	Akũ ma a la, dí nɛ́n a ũu? À pì Bɛtuɛli nɛ́n a ũ, Milika kũ Nao daikore. Akũ ma tãnka dànɛ a yĩa, ma zã dànɛ a ↄnↄa.
645	GEN 24:53	Akũ à nↄmanablebↄ kũ ò kɛ̀ kũ andurufuuo kũ wuraao kũ pↄ́kasanↄ bↄ̀tɛ à kpà Rɛbɛkaa. À a vĩ̀ni kũ a daoo gbà pↄ́ ↄgↄdenↄ dↄ.
646	GEN 24:54	Akũ àpii kũ gbɛ̃ kũ ò kú kãaonↄ pↄ́ blè ò í mì, akũ ò ì gwe. Kũ ò fùtɛ kↄnkↄ à pì: À ma gbarɛ mà tá ma dikiri kĩnaa.
648	GEN 24:56	Akũ gↄ̃gbɛ̃ pìi pìńnɛ: Lákũ Dikiri ma tá kɛ̀ nna nà lán dí bà, àsun ma dãdã doro. À ma gbarɛ mà tá ma dikiri kĩnaa.
655	GEN 24:63	À bò à gɛ̀ɛ à laasun lɛ́ sɛ̃̀n ↄkↄsi, akũ kũ à wɛ́ sɛ̀, à è lakuminↄ tɛn su.
659	GEN 24:67	Isaaku gɛ̃̀ kũ Rɛbɛkao a da Sara bizakutan, akũ à a sɛ̀ à gↄ̃̀ a nↄ ũ. À ye nↄ pìii, akũ a laakari kpatɛna a da ga gbɛra.
667	GEN 25:8	akũ à gà. À zĩ kũ̀ yúkuyuku, gbasa à kà a gbɛ̃nↄla gyãwãn.
670	GEN 25:11	Ibrahĩ ganaa gbɛra Luda arubarikaa dà a nɛ́ Isaakun. À vutɛna Ludabɛ̃nɛkũadima'e lↄ̀gↄↄ sarɛ.
679	GEN 25:20	Kũ Isaaku kà wɛ̃̀ bupla, akũ à Labã dãre Rɛbɛka sɛ̀. Àkũmɛ Siria bùsu gbɛ̃ Bɛtuɛli kũ à bò Mɛsↄpↄtamia bùsun nɛ́ ũ.
684	GEN 25:25	Kũ gbɛ̃ káaku tɛn bo, à bò tɛ̃ɛ zónzon. À mɛ̀kã vĩ lán uta kãde bà, akũ ò tↄ́ kpànɛ Isau.