56	GEN 2:25	Gↄ̃gbɛ̃ kũ a nanↄo kú pótompo ń pla ń pínki, wé'i sↄ̃ àdi ń kũro.
87	GEN 4:7	Tó n yã mana kɛ̀, mani n síroo? Tó ńdi yã mana kɛ sↄ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.
351	GEN 14:14	Kũ Abramu mà ò a danɛ kũ̀ ò tà kãao, akũ à a bɛ zĩ̀karinↄ sɛ̀tɛ gbɛ̃nↄn wàa do kpɛ́ basuddo plansari à pɛ̀tɛ kína pìnↄi, akũ à ń lé Dã.
361	GEN 14:24	Mani pↄ́ke sɛ́ro, sé pↄ́ble kũ ma gbɛ̃nↄ blèe baasiro. Ama Anɛ kũ Ɛsɛkↄluo kũ Mamare kũ ò gɛ̀ɛ kũmaonↄ, ǹ tó ò ń baka sɛ́.
403	GEN 17:5	Onigↄ̃ pinnɛ Abramu doro, sé Ibrahĩ, zaakũ mani n kɛ buri dasinↄ dizi ũ.
408	GEN 17:10	Ma bàka kuna kãáo yã kũ ánigↄ̃ kũnan dí, mↄkↄ̃n kũ n burinↄ. Séde á gↄ̃gbɛ̃ sĩnda pínki tↄ̃̀ zↄ̃.
410	GEN 17:12	Séde n buri nɛ́gↄ̃gbɛ̃nↄ tↄ̃̀ zↄ̃ ń gↄrↄ sↄraakↄ̃de zĩ ari ń buria, nɛ́ kũ ò ń í n bɛanↄ kũ zĩkɛri kũ ò ń lú buri pãndenↄanↄ ń pínki.
411	GEN 17:13	Ò a ì n bɛan yá kesↄ̃ ò a lù zĩkɛri ũn yá, sé à tↄ̃̀ zↄ̃. Abire nigↄ̃ de ma bàka kunna kãáo gↄrↄ sĩnda pínki sèeda ũ á mɛ̀ɛa.
427	GEN 18:2	Kũ à wɛ́ sɛ̀ musu, à gbɛ̃nↄn aakↄ̃ è zɛna. Kũ à ń é lɛ, akũ à fùtɛ kpɛ́lɛlɛa kũ bàao à gɛ̀ɛ à dàńlɛ à wùtɛ a nɛ̀sɛlɛ kutɛna
459	GEN 19:1	Kũ malaika gbɛ̃nↄn pla pìnↄ kà Sↄdↄmu ↄkↄsi, Lutu vutɛna Sↄdↄmu bĩni kpɛ́lɛlɛa. Kũ à ń é, à fùtɛ à gɛ̀ɛ à dàńlɛ à kùtɛńnɛ à wùtɛ a nɛ̀sɛlɛ kutɛna
741	GEN 27:13	Akũ a da pìnɛ: Luda tó lɛ́kɛnnɛnaa pì gↄ̃mɛnɛ. Ǹ ma yã ma dé! Ǹ gɛ́ ǹ dɛ ǹ suomɛnɛ.
845	GEN 30:14	Rubɛni bò ésekɛ̃gↄrↄa à yenyĩ ɛzɛ è sɛ̃̀n, akũ à bòbo à sùo a da Leanɛ. Akũ Rahila pìnɛ: Ǹ n nɛ́ yenyĩ ɛzɛ pì dãmɛnɛ.
854	GEN 30:23	À nↄ̀ↄ sì à nɛ́gↄ̃gbɛ̃ ì, akũ à pì: Luda wé'i bòmɛnɛ.
930	GEN 32:2	Kũ à ń é, à pì: Luda bùraan dí. Akũ à tↄ́ kpà gu pìinɛ Manaimu.
956	GEN 32:28	Akũ à pì: Oni pinnɛ Yakubu doro, séde Isaraila, zaakũ n ↄsi kà kũ Ludao kũ bisãsirinↄ, akũ n ↄsi nɛ̀.
988	GEN 34:7	Kũ Yakubu nɛ́nↄ bò sɛ̃̀n ò sù, akũ ò yã pìi mà gↄ̃̀nↄ. Ń nɛ̀sɛɛ yàka ò pↄ fɛ̃̀ manamana, kũ Sɛkɛmu wé'iyã kɛ̀ Isarailanↄnɛ yãi, à wùtɛ kũ Yakubu nɛ́nↄgbɛ̃o à yã kũ à de ò kɛro kɛ̀.
995	GEN 34:14	Ò pìńnɛ: Óni fↄ̃ ò abire kɛro, óni fↄ̃ ò ó dãre kpá gyↄfↄrↄdearo, zaakũ wé'iyãmɛ ó kĩnaa.
996	GEN 34:15	Óni we á yãiro, séto à gↄ̃ lán ó bà á gↄ̃gbɛ̃nↄ tↄ̃̀ zↄ̃ ń pínki.
1003	GEN 34:22	Gbɛ̃ pìnↄ sↄ̃, oni we ògↄ̃ kú kũoo de ò gↄ̃ buri dokↄ̃nↄ ũro, séto adi kɛ ó gↄ̃gbɛ̃ sĩnda pínki tↄ̃̀ↄ zↄ̃̀ lán ń bà baasiro.
1008	GEN 34:27	Wɛ̃tɛdenↄ dɛdɛnaa gbɛra Yakubu nɛ́nↄ sù ò wɛ̃tɛ pↄ́nↄ nàkↄ̃a kũ ò wé'i dà ń dãrea yãi.
1022	GEN 35:10	à pì: N tↄ́n Yakubu, ama oni pinnɛ Yakubu doro, sé Isaraila. Lɛmɛ à tↄ́ kpànɛ Isaraila lɛ.
1091	GEN 37:7	Ma è ótɛn ése yĩyĩ bura, akũ ma ése baka fùtɛ à zɛ̀. Á pↄ́nↄ lìkai, akũ ò nàtɛnɛ.
1101	GEN 37:17	Gↄ̃gbɛ̃ pìi pì: Kũ ò bò gu dín, ma mà ò pì òtɛn gɛ́ Dotãmɛ. Akũ Yusufu pɛ̀tɛńyĩ à ń lé Dotã.
1159	GEN 39:9	A gbãna demala ↄn dí gũnlo, adi gímɛnɛ kũ pↄ́keoro, sé mↄkↄ̃n, kũ ń de a nↄ ũ yãi. Mani fↄ̃ mà yã vãni bire taka kɛ mà durunna kɛ Ludanɛro.
1201	GEN 41:5	À ɛ̀ra à i ò, akũ à nana ò dↄ. À è ése sáko mana wɛ́de pìa ése lí dokↄ̃nↄa sáko suppla.
1202	GEN 41:6	Akũ à ése sáko wɛ́ kↄgↄkↄgↄ kũ legũ'i kĩ̀aḿmanↄ è, à pìa ń gbɛra dↄ sáko suppla.
1203	GEN 41:7	Akũ ése sáko wɛ́ kↄgↄkↄgↄ pìnↄ ése sáko mana wɛ́de pìnↄ mↄ̀mↄ. Kũ Firi'auna vù, à è nanan a ò.
1218	GEN 41:22	Nana gũn dↄ ma è, ése sáko mana wɛ́de pìa ése lí dokↄ̃nↄa sáko suppla.
1219	GEN 41:23	Akũ ma è ése sáko térere wɛ́ kↄgↄkↄgↄ kũ legũ'i kĩ̀aḿmanↄ pìa ń gbɛra dↄ sáko suppla.
1220	GEN 41:24	Akũ ése sáko wɛ́ kↄgↄkↄgↄ pìnↄ ése sáko wɛ́de pìnↄ mↄ̀mↄ. Kũ ma ò màsokɛrinↄnɛ, ń gbɛ̃ke dí fↄ̃ à a bↄkↄtɛnaa òmɛnɛro.
1223	GEN 41:27	Zù fɛ̃fɛ̃na wↄkↄwↄkↄ mɛ̀n suppla kũ ò bↄ̀tɛ ò tɛ̀ a káakupↄnↄ kpɛ pìnↄ bi wɛ̃̀ supplamɛ. Lɛmɛ ése sáko wɛ́ kↄgↄkↄgↄ kũ legũ'i kĩ̀aḿma sáko suppla pìnↄ de lɛ dↄ. Abirekũnↄmɛ wɛ̃̀ suppla kũ nà ni ká ũ.
1268	GEN 42:15	Yã kũ ani tó mà á yãpura dↄ̃n dí. Kũ Firi'auna kunnaao áni bↄtɛ laro, séto á dakũna pìi sù la baasiro.
1274	GEN 42:21	Ò pìkↄ̃nɛ: Yãpuramɛ taaridenↄn ó ũ yã kũ o kɛ̀ ó dakũnanɛ yã yãi. O è gↄrↄ kũ àtɛn kútɛ kɛwɛrɛ, à kɛ̀ wɛ̃nda, akũ ódi a yã maro. Abire yãin yã dí ó lé.
1282	GEN 42:29	Kũ ò kà ń de Yakubu kĩnaa Kanaanↄ bùsun, ò yã kũ à ń lé bàbanɛ pínki ò pì:
1329	GEN 44:4	Ari ògↄ̃ gɛ́ ká zã̀, akũ Yusufu pì a bɛgwariinɛ: Ǹ futɛ ǹ pɛ́tɛńyĩ. Tó n ń lé, ǹ ń la ǹ pi bↄ́ yã mɛ́ à tò ò fĩnaa bòmɛnɛ kũ a vãnio a mana gɛ̃nɛ ũu?
1331	GEN 44:6	Kũ à ń lé, à yã pìi òńnɛ,
1804	EXO 10:26	Séto ò gɛ́ kũ ó pↄ́kãdenↄ, bee mɛ̀n do ni gↄ̃ro, zaakũ ń tɛ́n óni sa'opↄnↄ bon ò Dikiri ó Luda gbagbao. De ò kpɛ́ ò ká gwe, ó dↄ̃ pↄ́ kũ óni sɛ́, ò sa ooa gĩaro.
1829	EXO 12:12	Gwãani pìia mani vĩ Misilala mà daudunↄ dɛdɛ bùsuu pì gu pínkia kũ pↄ́kãde nɛ́ sà káakunↄ ń pínki, mani wé'i da Misila tãnanↄa. Makũmɛ Dikiri ũ.
1833	EXO 12:16	A gↄrↄ káaku zĩ kũ a gↄrↄ suppladeo à kↄ̃ kakara à donyĩ kɛmɛnɛ. Àsun zĩ ke kɛ gↄrↄ kũ̀nↄaro, sé pↄ́blekɛna gbɛ̃ sĩnda pínkinɛ baasiro, a lɛ́n gwe.
1904	EXO 14:14	Dikiri mɛ́ ani zĩ̀ káárɛ. Àgↄ̃ yĩtɛna kítikiti dé!
2008	EXO 18:8	Musa yã kũ Dikiri kɛ̀ Firi'aunanɛ kũ Misilanↄ Isarailanↄ yãi bàbanɛ pínki kũ wari kũ à ń lé zɛ́ gũnnↄ pínki kũ lákũ Dikiri ń bó nào.
2745	EXO 40:37	Tó tɛ́luku pì dí goaro, òdi futɛ kũ táoro, sé zĩ kũ à gòa.
3980	NUM 9:14	Bòasu kũ à kú á tɛ́ akũsↄ̃ à ye à Vĩnla dikpɛ kɛmɛnɛ, séde à kɛ lákũ ma a doka dìtɛárɛ nà. Bòasu kũ bedeo ń pínki yã dokↄ̃nↄmɛ.
4031	NUM 11:6	Tera sà ó lɛ́ gà, zaakũ odì pↄ́ke lero, séde mana dí baasiro.
4074	NUM 12:14	Akũ Dikiri pìnɛ: Tó a de mɛ́ à lɛ́'i fã̀ a ãnnwa, ani kɛnɛ wé'iyã ũ ari gↄrↄ supplaroo? Ò bo kãao bùra kpɛ gↄrↄ suppla gĩa, gbasa ò a sí.
4075	NUM 12:15	Miriamu kú bùra kpɛ ari gↄrↄ suppla. Isarailanↄ dí da zɛ́nlo sé kũ ò ɛ̀ra ò a sì.
4108	NUM 13:32	Akũ ò bùsu kũ ò yakɛ̀ɛ pì gya bò Isarailanↄnɛ ò pì: Bùsu kũ o yakɛ̀ɛ pì bi bùsu kũ àdi a gbɛ̃nↄ mↄ́mↄmɛ. Gbɛ̃ kũ o ń é gwenↄ ń pínki bi gbɛ̃ gbã̀nanↄmɛ.
4139	NUM 14:30	ni gɛ̃ bùsu kũ ma a la dàńnɛnlo, séde Yefunɛ nɛ́ Kalɛbu kũ Nuni nɛ́ Yↄsuao baasiro.
4154	NUM 14:45	Akũ Amalɛkinↄ kũ Kanaa kũ ò kú gusĩsĩde pìnnↄ lɛ̀tɛḿma ò ń blé kũ zĩ̀io ò pɛ̀ḿma ari Ɔↄma.
4326	NUM 20:14	Musa gbɛ̃nↄ zĩ̀ ò bò Kadɛsi ò gɛ̀ɛ Ɛdↄmunↄ kína kĩnaa ò pì: Ókↄ̃nↄ n danɛ Isarailanↄ pì, ń wari kũ à ó lénↄ dↄ̃ pínki.
5711	DEU 30:1	Tó arubarika kũ láari yã kũ ma dìtɛárɛ dínↄ á lé pínki, àgↄ̃ dↄn buri kũ Dikiri á Luda ni pɛ́áwa à á fãkↄ̃a ń tɛ́nↄ gũn.
5751	DEU 31:21	Tó kisira pìnↄ ń lé dasi òtɛn wari kɛ, lɛ̀ɛ pì mɛ́ ani ń yã vãni káńnɛ ń ↄĩ, zaakũ a yã ni sã ń burinↄguro. Má yã kũ à kú ń nɛ̀sɛn gbãra dↄ̃ ari màgↄ̃ gɛ́ kũńwo bùsu kũ ma la dàńnɛ gũn.
5860	JOS 1:7	Ǹ zɛ gbãna ǹgↄ̃ wↄ́rↄgↄ vĩ dé! Ǹ laakari dↄ doka kũ ma zↄ̀bleri Musa dànnɛa ǹgↄ̃ kũna pínki. Ǹsun kɛ̃a ǹ na ↄplai ke ↄzɛiro, n tá ni kɛ nna.
5871	JOS 1:18	Gbɛ̃ kũ à bò n yã kpɛ à gì yã kũ n dìtɛnɛ kɛi, ade gàmɛ. Ǹ zɛ gbãna ǹgↄ̃ wↄ́rↄgↄ vĩ dé!
5894	JOS 2:23	Akũ gbɛ̃nↄn pla pìnↄ dà zɛ́n ò kìpa kpi pìnↄa ò bikũ̀ swaa. Kũ ò kà Nuni nɛ́ Yↄsua kĩnaa, ò yã kũ à ń lé gbã̀nɛ pínki
5945	JOS 5:9	Akũ Dikiri pì Yↄsuanɛ: Ma wé'i kũ Misilanↄ dàáwa bòare gbãran gwe. Akũ ò tↄ́ kpà gu pìinɛ Giligala ari kũ a gbãrao.
5970	JOS 6:19	Andurufu kũ wuraao kũ mↄ̀gotɛ̃ pↄ́nↄ kũ mↄ̀si pↄ́nↄ pínki bi Dikiri pↄ́mɛ. Séde ò ká Dikiri aruzɛkɛ utɛkin.
5985	JOS 7:7	Akũ Yↄsua pì: É'e! Dikiri Luda! À kɛ̀ dera n ó bikũ Yodaa n ó ná Amↄrinↄnɛ ń ↄĩ ò ó kakatɛɛ? Tó ó vutɛna Yoda bara dire yã dé!
5990	JOS 7:12	Abire yãi odi fↄ̃ ò ń ibɛrɛnↄ gã̀ fĩ̀ro. Ò bòru kpɛńnɛ, kũ ò gↄ̃̀ kakatɛna pↄ́ ũ yãi. Manigↄ̃ kú kãáo doro, séto a tɛ̃̀ pↄ́ kũ à kú á tɛ́nↄ kàkatɛ.
5991	JOS 7:13	Ǹ futɛ ǹ gɛ́ gbã̀ bo n gbɛ̃nↄnɛ. Ǹ pińnɛ ò gbã̀ bo ń zĩdanɛ ari gu gↄ̃ dↄ, zaakũ makũ Dikiri Isarailanↄ Luda ma pì, tɛ̃̀ pↄ́ kú á tɛ́mɛ. Áni fↄ̃ à zɛ á ibɛrɛnↄ arɛro séto à pↄ́ pì bò á tɛ́.
5993	JOS 7:15	Gbɛ̃ kũ ò sù ò tɛ̃̀ pↄ́ pìi lèa, oni ade kpata kũ pↄ́ kũ à vĩnↄ pínki, zaakũ à ma bàka kunna kãáo yã gbòro, à wé'i dà Isarailanↄa.
6028	JOS 8:24	Isarailanↄ Aidenↄ dɛ̀dɛ míↄmiↄ bura kũ sɛ̃̀ntɛo gu kũ ò ń lén. Kũ ò Aidenↄ dɛ̀dɛ kũ fɛ̃nɛdao lɛ, akũ ò ɛ̀ra ò gɛ̃̀ wɛ̃tɛ pìn, ò gbɛ̃ kũ ò gↄ̃̀ gwenↄ dɛ̀dɛ dↄ.
6122	JOS 11:13	Ama Isarailanↄ dí tɛ́ sↄ̃ wɛ̃tɛ kũ ò ɛ̀ra ò kàtɛ ń bɛzĩ gbɛ̀nnↄaro, séde Azo kũ Yↄsua tɛ́ sↄ̃̀aa pìi baasiro.
6128	JOS 11:19	Ivi kũ ò kú Gibiↄ̃nↄ baasiro wɛ̃tɛ ke dí kↄ̃ yã mà kũ Isarailanↄro, ò ń blé kũ zĩ̀io pínki.
6131	JOS 11:22	Anaki buri ke dí gↄ̃ Isarailanↄ bùsun doro, séde Gaza kũ Gatao kũ Asadↄdio.
6609	JDG 4:8	Akũ Baraki pìnɛ: Tó ĩni gɛ́ kũmao dé, mani gɛ́. Tó ĩni gɛ́ kũmao sↄ̃ro, mani gɛ́ro.
6622	JDG 4:21	Kpasa'i a sɛ̀, a gbãna làka, akũ Eberu nanↄ Yaɛli kuta káro sɛ̀ kũ éreo à nào Siserai tɛɛnɛ, akũ à káro pìi pɛ̀ a mì'arɛ kpadoa à pà ari à gɛ̃̀ à gɛ̀ɛ à zĩtɛ kũ̀, akũ à gà.
6669	JDG 6:13	Akũ Gidiↄn pìnɛ: Baa, tó Dikiri kú kũoo, bↄ́yãi yã dínↄ ó lé pínkii? Daboyã kũ ó denↄ a yã bàbawɛrɛnↄn kú mámɛɛ? Ò pì Dikiri ó bↄ́tɛ Misila, ama tera à pã kpàwái, akũ à ó ná Midiãnↄnɛ ń ↄĩ.
6683	JDG 6:27	Akũ Gidiↄn a zĩkɛrinↄ sɛ̀ gbɛ̃nↄn kuri à kɛ̀ lákũ Dikiri ònɛ nà. Kũ àtɛn vĩna kɛ a de bedenↄnɛ kũ wɛ̃tɛdenↄ yãi, adi we à kɛ̀ fãnantɛ̃ro, sé gwãani.
6914	JDG 14:3	Akũ a de kũ a dao pìnɛ: Nↄ kú n danɛnↄ ke n burinↄ tɛ́nloo? Akũ ĩni gɛ́ ǹ nↄ sɛ́ Filisitini gyↄfↄrↄdenↄ tɛ́ yá? Akũ Samusi pì a denɛ: Ǹ gɛ́ ǹ a wɛtɛmɛnɛ dé, zaakũ nↄkpare pìn má yei.
6935	JDG 15:4	Samusi gɛ̀ɛ à gbɛ̃gbonnↄ kũ̀kũ wàa do kũ basↄↄroo, akũ à sɛ̃̀ɛ yĩ̀yĩ térereterere. À gbɛ̃gbon pìnↄ vlã yĩ̀yĩkↄ̃a plapla, akũ à sɛ̃̀ɛ pìi yĩ̀yĩ ń vlã pìnↄa.
7142	RUT 1:13	áni fↄ̃ à ń dã ari ò kɛ zↄ̃kↄ̃ yá? Áni fↄ̃ àgↄ̃ kun pose ń yãi yá? Oi, ma nɛ́nↄ! Dikiri kpɛ lìmɛnɛmɛ. Yã kũ à á lé pì dí kɛmɛnɛ nnaro fá!
7149	RUT 1:20	Akũ à pìńnɛ: Àsungↄ̃ ma sísi Naomi doro, séde Mara, zaakũ Gbãnasĩndapinkide pↄsirayã kɛ̀mɛnɛ.
7166	RUT 2:15	Kũ à fùtɛ àtɛn gɛ́ pↄ́ kↄ̃nↄ wɛ, akũ Bↄaza ò kɛfɛnnanↄnɛ à pì: Bee tó àtɛn pↄ́ kↄ̃nↄ wɛ nagã kũ à katɛna tɛ́, àsun wé'i daaro.
7196	RUT 4:4	Akũ ma è à mana mà a yã onnɛ, de ǹ lú ó gbɛ̃ zↄ̃kↄ̃ kũ ò vutɛna lanↄ wára. Tó ń ye ǹ lúmɛ, ǹ lú. Tó ń ye ǹ lú sↄ̃ro, ǹ omɛnɛ mà ma, zaakũ mↄkↄ̃n mɛ́ ń a luna zɛ́ vĩ. Tó n bakanlo, séde makũ mà lú. Akũ gↄ̃gbɛ̃ pìi pì: Mani lú.
7257	1SA 2:15	Bee ari ògↄ̃ gɛ́ nↄ̀bↄ kpá tɛ́a a nísi láka, sa'ori ìba ke dì su à pi gbɛ̃ kũ à sa òo pìinɛ: Ǹ nↄ̀bↄ kpá sa'oria à kpá tɛ́a, zaakũ ani we à nↄ̀bↄ fùfukɛna símmaro, sé a búsu.
7302	1SA 4:3	Kũ Isarailanↄ sù ń bùran, ń gbɛ̃ zↄ̃kↄ̃nↄ pì: Bↄ́yãi Dikiri tò Filisitininↄ ó blé kũ zĩ̀io gbãraa? Ò gɛ́ ò Dikiri bàka kunna kũoo àkpati sɛ́ Silo ò suo àgↄ̃ kú kũoo, de àgↄ̃ ó bo ó ibɛrɛnↄ ↄĩ.
7337	1SA 6:4	Akũ ò ń lá ò pì: Bↄ́n óni a gba ò táo ó taari yãii? Ò wèḿma ò pì: À wura pi lán gbɛ̀nna bà mɛ̀n sↄↄro kũ ɛ̃nɛnↄ dↄ mɛ̀n sↄↄro á kínanↄ dasi lɛ́n, zaakũ gyã dokↄ̃nↄ pì á lé kũ á kínanↄ á pínki.
7413	1SA 9:20	Ǹsun n zaaki kũ ò sã̀tɛ zaa gↄrↄ aakↄ̃ damu kɛro, zaakũ ò ń lé. Dín Isarailanↄn yei ń pínkii, tó adi kɛ mↄkↄ̃n kũ n de bedenↄ baasiro?
7449	1SA 11:2	Akũ Naasa pìńnɛ: Tó ma á baadi ↄpla wɛ́ bↄ̀bↄ, akũ wé'i Isarailanↄ kũ̀ ń pínki, gbasa mà lɛ́dokↄ̃nↄ kɛ kãáo.
7509	1SA 13:22	A yã mɛ́ à tò zĩ̀i pìi kágↄrↄ Solu kũ Yonatão zĩ̀karinↄ fɛ̃nɛda ke sári kũnaro, sé Solu kũ Yonatão baasiro.
7517	1SA 14:7	Akũ a zĩ̀kapↄnↄsɛri pìi pìnɛ: Lákũ à n pↄ gbà nà pínki dé, ǹ kɛ. Lákũ n sɛ̀ nà, má kú kũnwo kũ nɛ̀sɛ mɛ̀n doomɛ.
7540	1SA 14:30	Tó gbɛ̃nↄ pↄ́ kũ ò sì ń ibɛrɛnↄaa blè gbãra yã dé, de ò Filisitininↄ dɛ̀dɛ de abirela.
7549	1SA 14:39	Kũ Dikiri Isarailanↄ Surabari tↄ́o, bee tó ma nɛ́ Yonatã mɛ́ à durunna kɛ̀, séde à ga. Akũ gbɛ̃ke dí lɛ́ síro.
7608	1SA 16:11	Akũ à Yɛsɛ là à pì: N kɛfɛnnanↄ lɛ́n dí ń pínki yá? À wèa à pì: Ń gbɛ̃ kpɛde mɛ́ à kú laro, àtɛn sã dãmɛ. Akũ Samuɛli pìnɛ: Ǹ gbɛ̃ zĩ ò a sísi. Óni pↄ́ke kɛro séto à sù.
7637	1SA 17:17	Zĩkea Yɛsɛ pì a nɛ́ Daudanɛ: Ǹ ése kpatana kpɛ̃nɛ do dí kũ burodi mɛ̀n kuri dínↄ sɛ́ ǹ gɛ́o n vĩ̀ninↄnɛ likalika ń bùran.
7646	1SA 17:26	Akũ Dauda gbɛ̃ kũ ò zɛna a sarɛnↄ là à pì: Bↄ́n oni kɛ gbɛ̃ kũ à Filisitini pìi dɛ̀ à Isarailanↄ bò wé'i gũnnɛɛ? Dín Filisitini gyↄfↄrↄde pì ũ, gbasa àtɛn kùsɛɛ biribiri Luda Wɛ̃̀ndide zĩ̀karinↄaa?
7703	1SA 18:25	Akũ Solu pì: À onɛ má ye anzure pↄ́keiro, séto à fĩna bomɛnɛ ma ibɛrɛ Filisitininↄa, à sumɛnɛ kũ ń gyↄfↄrↄnↄ mɛ̀n basↄↄro. Àtɛn da Filisitininↄ ni a dɛmɛ.
7762	1SA 20:30	Akũ Solu pↄ fɛ̃̀ Yonatãi à pì: Nɛ́ fayasari sãgbãnade! Má dↄ̃ kũ n zɛ kũ Yɛsɛ nɛ́omɛ. N wé'i dà n zĩdaa kũ n dao.
7771	1SA 20:39	Nɛ́ pì dí yã pì dↄ̃ro, sé Yonatã kũ Daudao.
7778	1SA 21:4	Akũ sa'oriki pìi pì: Burodi pã kunlo, séde pↄ́ kũ ò kàtɛ Ludanɛ baasiro. Tó n gbɛ̃nↄ dí kakara kũ nↄgbɛ̃oro, mani kpámma.
7780	1SA 21:6	Akũ sa'oriki pìi Luda burodii sɛ̀ à kpàa, zaakũ burodi ke kú gwero, sé pↄ́ kũ ò kàtɛ Ludanɛ. Òdi burodii pì sɛ́ Dikiri arɛmɛ, akũ òdi a lilin kɛ kũ burodi dufuo.
7783	1SA 21:9	Sa'oriki pìi wèa à pì: Filisitini kũ n dɛ̀ Ela guvutɛn Gↄlaya fɛ̃nɛda kú la. À kú uta lokomma kpɛ, biza fĩfĩa. Tó ń yei, ǹ sɛ́, zaakũ a pãnde kú la doro, séde abirekũ. Akũ Dauda pì: Ǹ kpáma, a sára kunlo.
7867	1SA 25:3	A tↄ́n Nabala, a nanↄ tↄ́n Abigaili. Nↄgbɛ̃ pìi laakari vĩ akũsↄ̃ a kakana mana, ama a gↄ̃ pì gbɛ̃ke wé'i vĩro, a yãkɛnanↄn dↄ̀rↄ vĩro. Kalɛbu burimɛ.
7903	1SA 25:39	Kũ Dauda Nabala gana baaruu mà, à pì: Ò Dikiri kũ à zɛ̀ kũmao sáabu kpá, à wé'i kũ Nabala dàma bòmɛnɛ. À gìmɛnɛ mà yã vãni kɛ, akũ à tò Nabala vãnikɛnaa wì a zĩda musu. Abire gbɛra Dauda gbɛ̃nↄ zĩ̀ Abigailia ò onɛ á ye à a sɛ́ nↄ ũ.
7997	1SA 30:16	Akũ à gɛ̀ɛ kãao. Kũ ò kà, ò ń lé, ò fãkↄ̃ana gu sĩnda pínkia, òtɛn pↄ́ ble òtɛn í mi, òtɛn pↄnna kɛ pↄ́ zↄ̃kↄ̃ kũ ò sɛ̀tɛ Filisitini bùsunnↄ kũ Yudanↄ bùsuuo yãi.
7998	1SA 30:17	Akũ Dauda sì ń tɛ́ à ń dɛdɛ naana zaa ↄkↄsi ari gu gɛ̀ɛ à dↄ̀o ↄkↄsi. Ń gbɛ̃ke dí boki lero, séde kɛfɛnna gbɛ̃nↄn wàa pla kũ ò dì lakumia ò bàa lɛ̀nↄ baasiro.
8037	2SA 1:12	Ò Solu kũ a nɛ́ Yonatão gana ↄ́ↄ dↄ̀ kũ Dikiri gbɛ̃ Isarailanↄ, zaakũ zĩ̀ ń blé. Wɛ́'i bòḿma, akũ ò lɛ́ yĩ̀ ari ↄkↄsi.
8143	2SA 5:8	Zĩ birea Dauda pì: Tó gbɛ̃ ye à Yebusinↄ dɛdɛ, séde à gɛ̃ ízɛ kũ ò yↄ̃̀ gbɛ̀n gũn, ani ɛrɛnↄ kũ vĩ̀naa pìnↄ le. Dauda ibɛrɛnↄmɛ. Abire yãi òdi pi, vĩ̀nanↄ kũ ɛrɛnↄ oni gɛ̃ kínabɛaro.