26	GEN 1:26	Akũ Luda pì: Ò bisãsiri kɛ ó taka ũ, ògↄ̃ de lán ó bà, ògↄ̃ kí ble kpↄ̀nↄa kũ bãnↄ kũ bɛ pↄ́kãdenↄ kũ nↄ̀bↄsɛ̃ntɛnↄ kũ pↄ́ kũ òdi táa o kũ kùaonↄ pínki.
36	GEN 2:5	pↄ́wɛ ke dí butɛ zĩtɛ kↄ̀ro, bee sɛ̃̀ɛ, zaakũ Dikiri Luda dí tó legũ màro, akũsↄ̃ gbɛ̃ke kun à bura zĩ kɛro.
48	GEN 2:17	ama ǹsun lí kũ àdi dↄ̃na mana kũ a vãnio ińnɛ nɛ́ blero. Tó n blè, ĩni gamɛ.
56	GEN 2:25	Gↄ̃gbɛ̃ kũ a nanↄo kú pótompo ń pla ń pínki, wé'i sↄ̃ àdi ń kũro.
61	GEN 3:5	Zaakũ Luda dↄ̃ tó a blè, á wɛ́ ni kɛ̃ áni gↄ̃ lán a bà, ánigↄ̃ a mana dↄ̃ kũ a vãnio.
62	GEN 3:6	Kũ nↄgbɛ̃ è lí pì nɛ́ mana, akũsↄ̃ a blena nigↄ̃ nna ani tó gbɛ̃ wɛ́ kɛ̃, akũ à a nɛ́ kɛ̃̀ à blè. À kpà a zãa dↄ, akũ à blè se.
63	GEN 3:7	Ń pla ń pínki ń wɛ́ kɛ̃̀, akũ ò dↄ̃̀ sà kũ ò kun pótompo. Akũ ò gboroda lá nàbi ò yĩ̀ḿma.
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
78	GEN 3:22	Akũ à pì: Bisãsiri a mana kũ a vãnio dↄ̃̀ sà, à gↄ̃̀ lán ó bà. Óni gínɛ à lí wɛ̃̀ndide nɛ́ kɛ̃ à ble de àsungↄ̃ kun gↄrↄ sĩnda pínkiro yãi.
87	GEN 4:7	Tó n yã mana kɛ̀, mani n síroo? Tó ńdi yã mana kɛ sↄ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.
92	GEN 4:12	Tó n bú bà, zĩtɛ ni kararo. Ĩnigↄ̃ sↄ̃sↄ̃ gu kũ guo ǹgↄ̃ likara andunia gũn.
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mↄra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
104	GEN 4:24	Tó oni Kainu fĩna bonɛ gɛ̃̀n suppla, makũ Lamɛki ma pↄ́ sↄ̃, gɛ̃̀n baaakↄ̃ akuri awɛɛsupplamɛ.
135	GEN 5:29	À tↄ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ.
152	GEN 6:14	Ǹ gó'itɛ kɛkɛ kũ lí lɛ̀kɛtɛɛo ǹ kpɛ́nɛnↄ kɛ a gũn ǹ ↄ̀da maa a gũn kũ a kpɛo.
153	GEN 6:15	Ĩni gó pì kɛ lán dí bà. A gbã̀na gã̀sãkuru wàa do kpɛ́ basↄↄro, a yàasa gã̀sãkuru bupla akuri, a lei sↄ̃ gã̀sãkuru baraakuri.
154	GEN 6:16	Ǹ gó pìi musu pápa, gbasa ǹ guforo tó a dagura gwe gã̀sãkuru do zaa a musu kpa. Ǹ gbà da gó pì kpado ǹ gó pì kɛ didikↄ̃ana lɛu aakↄ̃.
155	GEN 6:17	Makũ sↄ̃ mani tó í da anduniala, de mà pↄ́ wɛ̃̀ndide kũ òdi wesa bonↄ kakatɛ ń pínki. Pↄ́ kũ ò kú andunia gũnnↄ ni gaga pínki.
156	GEN 6:18	Ama ma bàka nigↄ̃ kú kũnwo. Ĩni gɛ̃ gó pìi gũn kũ n nɛ́gↄ̃gbɛ̃nↄ kũ n nanↄo kũ n nɛ́nↄ nↄnↄo.
161	GEN 7:1	Akũ Dikiri pì Nuhunɛ: Ǹ gɛ̃ gó gũn kũ n bedenↄ, zaakũ mↄkↄ̃mmɛ ma n e yãnnade ũ gbãragbɛ̃nↄ tɛ́.
164	GEN 7:4	Zaakũ gↄrↄ suppla gbɛra mani tó legũ ma zĩtɛ ari gↄrↄ bupla fãnantɛ̃ kũ gwãanio, de mà pↄ́ wɛ̃̀ndide kũ ma kɛ̀nↄ wara zĩtɛ pínki.
167	GEN 7:7	À gɛ̃̀ gó'itɛ gũn kũ a nɛ́nↄ kũ a nanↄo kũ a nɛ́nↄ nↄnↄo de ò bo í pì yãn.
169	GEN 7:9	sù Nuhu kĩnaa gó gũn mɛ̀n plapla da kũ a sàao lákũ Luda ònɛɛ nà.
173	GEN 7:13	Gↄrↄ birea Nuhu gɛ̃̀ gó gũn kũ a nɛ́nↄ Sɛmu kũ Hamuo kũ Yafɛtio kũ api nanↄo kũ a nɛ́nↄ nↄnↄ gbɛ̃nↄn aakↄ̃,
175	GEN 7:15	Pↄ́ kũ òdi wesa bonↄ sù Nuhu kĩnaa gó gũn buri kũ burio mɛ̀n plapla.
177	GEN 7:17	Legũ mà ari gↄrↄ bupla. Kũ í tɛn kara, akũ à gó pìi sɛ̀ zĩtɛla.
178	GEN 7:18	Í fùtɛ à kàra manamana à dà zĩtɛla, akũ gó pì fù íla.
183	GEN 7:23	Luda pↄ́ wɛ̃̀ndide kũ ò kú sĩ̀sĩanↄ kàkatɛ pínki. À bisãsirinↄ kũ nↄ̀bↄnↄ kũ pↄ́ kũ òdi táa o kũ kùaonↄ kũ bãnↄ kàkatɛ andunia gũn. Nuhu mɛ́ à bò ado kũ pↄ́ kũ ò kú kãao gó gũnnↄ.
185	GEN 8:1	Nuhu kũ nↄ̀bↄsɛ̃ntɛnↄ kũ bɛ pↄ́kãde kũ ò kú kãao gó gũnnↄ pínki yã dↄ̀ Ludan. Kũ à ĩa gbàrɛ zĩtɛa, akũ í nà babanaaa.
188	GEN 8:4	A mↄ supplade gↄrↄ gɛ̃ro awɛɛplade zĩ gó pìi dì kpi kũ òdi pi Ararataa.
190	GEN 8:6	Gↄrↄ bupla gbɛra Nuhu gó wondo kũ à bòn yã wɛ̃̀,
192	GEN 8:8	À potɛ̃nɛ gbàrɛ dↄ de à le à dↄ̃ tó í làgo zĩtɛa.
193	GEN 8:9	Kũ potɛ̃nɛ dí diki lero, akũ a ɛ̀ra à sù Nuhu kĩnaa gó gũn, zaakũ í da anduniala pínkimɛ. Nuhu ↄ bò à a kũ̀ à gɛ̃̀o gó gũn.
197	GEN 8:13	Nuhu wɛ̃̀ wàa aakↄ̃ awɛɛdode gũn a mↄ káaku gↄrↄ káaku zĩ, í bàba zĩtɛa, akũ à gó pìi musu gò. Kũ à gu gwà, à è í làka zĩtɛa.
200	GEN 8:16	Ǹ bo gó gũn kũ n nanↄo kũ n nɛ́gↄ̃gbɛ̃nↄ kũ ń nↄnↄo.
203	GEN 8:19	Nↄ̀bↄnↄ pínki kũ pↄ́ kũ òdi táa o kũ kùaonↄ pínki kũ bãnↄ pínki kũ pↄ́ kũ òdi táa o zĩtɛnↄ pínki bↄ̀tɛ gó gũn buri kũ burio.
210	GEN 9:4	Ama àsun nↄ̀bↄ kũ odi a kùtu kpáro sóro, zaakũ a arumɛ a wɛ̃̀ndi ũ.
211	GEN 9:5	Mani á aru kũ à de á wɛ̃̀ndi ũ fĩna boárɛ. Tó nↄ̀bↄ gbɛ̃ dɛ̀ ke tó gbɛ̃ a gbɛ̃dake dɛ̀, mani a aru fĩna bonɛ. Mani fĩna bo gbɛ̃ kũ à a gbɛ̃dake dɛ̀ɛa.
212	GEN 9:6	Tó gbɛ̃ a gbɛ̃dake dɛ̀, oni a dɛ, zaakũ ma bisãsiri kɛ̀ ma taka ũmɛ.
216	GEN 9:10	kũ pↄ́ wɛ̃̀ndide kũ ò kú kãáo kũ ò bò gó gũnnↄ pínki, bãnↄ kũ bɛ pↄ́kãdenↄ kũ nↄ̀bↄsɛ̃ntɛnↄ kũ pↄ́ kũ ò kú zĩtɛanↄ pínki.
220	GEN 9:14	Tó ma tò legũ sìsi ludambɛfɛ̃nɛda bòa,
221	GEN 9:15	lákũ ma bàka kú kãáo nà kũ pↄ́ wɛ̃̀ndide buri sĩnda pínkio, a yã ni dↄmagu. Mani tó í da anduniala à pↄ́ wɛ̃̀ndide kakatɛ pínki doro.
222	GEN 9:16	Tó ma ludambɛfɛ̃nɛda è legũa, ma bàka kunna kũ pↄ́ wɛ̃̀ndide buri sĩnda pínkio ari gↄrↄ sĩnda pínki yã ni dↄmagu.
224	GEN 9:18	Nuhu nɛ́ kũ ò bↄ̀tɛ gó gũnnↄ tↄ́n dí: Sɛmu, Hamu, Yafɛti. Hamumɛ Kanaa de ũ.
227	GEN 9:21	Kũ à sèwɛ̃ mì à kã̀, akũ a wutɛna pótompo a kpɛ́n.
228	GEN 9:22	Kũ Kanaa de Hamu a de pótompo è, à bò à gɛ̀ɛ à ò Sɛmunɛ kũ Yafɛtio.
229	GEN 9:23	Akũ Sɛmu kũ Yafɛtio uta zↄ̃kↄ̃ↄ sɛ̀ ò dì ń gã̀aa ń pla ò táa ò kũ kpɛo. Ń arɛ dↄna gu pãndea de òsun ń de pótompo ero yãi, ò gɛ̀ɛ ò kù ń de pótompola.
271	GEN 11:4	Akũ ò pì: Ò wɛ́ra kátɛ ò kpɛ́didikↄ̃ana bo a mìsↄ̃ntɛ zↄ̃ ludambɛa. Ò ó zĩda tↄ́ bo de òsungↄ̃ fãkↄ̃ana dodo andunia gũnlo yãi.
301	GEN 12:2	Mani tó n buri kɛ dasi, mani arubarika dangu mà n tↄ́ bo, n kĩnaan onigↄ̃ arubarika len.
311	GEN 12:12	Tó Misilanↄ n e, oni pi ma nanↄmɛ n ũ, oni ma dɛ oni n tó.
327	GEN 13:8	Akũ Abramu pì Lutunɛ: À mana lɛ́kpakↄ̃a gↄ̃ kú ó daguraro, ke ma pↄ́dãrinↄ kũ n pↄ́dãrinↄ dagura, zaakũ danɛnↄn ó ũ.
328	GEN 13:9	Ǹ bùsu gwa da n arɛ pínki. Ò kɛ̃kↄ̃a. Tó n gɛ ↄzɛi, mani gɛ́ ↄplai. Tó n gɛ ↄplaimɛ sↄ̃, mani gɛ́ ↄzɛi.
335	GEN 13:16	Mani tó n burinↄ kɛ dasi lán bùsu'atɛ̃ bà. Tó gbɛ̃ke ni fↄ̃ à bùsu'atɛ̃ naro, de ani fↄ̃ à n burinↄ naro.
361	GEN 14:24	Mani pↄ́ke sɛ́ro, sé pↄ́ble kũ ma gbɛ̃nↄ blèe baasiro. Ama Anɛ kũ Ɛsɛkↄluo kũ Mamare kũ ò gɛ̀ɛ kũmaonↄ, ǹ tó ò ń baka sɛ́.
365	GEN 15:4	Akũ Dikiri pìnɛ: Àpi mɛ́ anigↄ̃ de n túbibleri ũro. Nɛ́ kũ ani bo n wóplɛn mɛ́ anigↄ̃ de n túbibleri ũ.
366	GEN 15:5	Akũ à bò kãao bàai à pì: Ǹ musu gwa ǹ susunɛnↄ naro, tó ĩni fↄ̃. Lɛmɛ n burinↄ nigↄ̃ de lɛ.
404	GEN 17:6	Mani tó n buri kɛ dasi, burinↄ kũ kínanↄ ni bo n kĩnaa.
414	GEN 17:16	Mani arubarika dan mà tó à nɛ́ i gↄ̃gbɛ̃ ũ, ani gↄ̃ burinↄ dai ũ, bùsu kínanↄ ni bo a kĩnaa.
428	GEN 18:3	à pì: Dikiri, tó ma n pↄnna lè, ǹsun gɛ̃ makũ n zↄ̀blerilaro.
439	GEN 18:14	Yãke dìgↄ̃ zĩ'ũmɛnɛro. Ziki mandara'i tó a gↄrↄ kà, mani su n kĩnaa, gbasa Sara nɛ́ i gↄ̃gbɛ̃ ũ.
446	GEN 18:21	Mani gɛ́ gwe sà mà gwa, tó yã kũ òtɛn kɛ vãni lákũ ma mà nà. Tó ò de lɛ sↄ̃ro, mani dↄ̃.
449	GEN 18:24	Tó gbɛ̃ mananↄn kú wɛ̃tɛ pìi gũn ò kà gbɛ̃nↄn bupla akuri, ĩni ń waran yá? Ĩni sùru kɛ kũ wɛ̃tɛ pìio gbɛ̃ mana gbɛ̃nↄn bupla akurii pìnↄ yãiroo?
451	GEN 18:26	Akũ Dikiri pì: Tó ma gbɛ̃ mananↄ è Sↄdↄmu gbɛ̃nↄn bupla akuri, mani sùru kɛ kũ wɛ̃tɛ pìio ń yãi.
453	GEN 18:28	Tó gbɛ̃nↄn sↄↄro kĩ̀a gbɛ̃nↄn bupla akurii pìi gũn, gbɛ̃nↄn sↄↄro pìnↄ yãi ĩni wɛ̃tɛ pì kakatɛ yá? Akũ Dikiri pì: Tó ma gbɛ̃ mananↄ è gbɛ̃nↄn bupla awɛɛsↄↄro, mani wɛ̃tɛ pì kakatɛro.
454	GEN 18:29	Akũ Ibrahĩ kpɛ́ àtɛn yã onɛ à pì: Tó gbɛ̃ mananↄ kà bupla sↄ̃ bi? Akũ Dikiri pì: Mani yãke kɛro gbɛ̃nↄn bupla pìnↄ yãi.
455	GEN 18:30	Akũ à pì: Dikiri, n yã nna! Ǹsun pↄ fɛ̃ro, má ye mà yã o dↄ. Tó gbɛ̃ mananↄ kà baraakuri sↄ̃ bi? À wèa à pì: Tó ma gbɛ̃ mananↄ è ò kà gbɛ̃nↄn baraakuri, mani yãke kɛro.
456	GEN 18:31	Akũ à pì: Ǹ gaafara kɛmɛnɛ dↄ Dikiri, mà yã onnɛ. Tó gbɛ̃ mananↄ kà gbɛ̃nↄn baro sↄ̃ bi? À wèa à pì: Mani wɛ̃tɛ pì kakatɛro gbɛ̃nↄn baro pìnↄ yãi.
457	GEN 18:32	Akũ à pì: Dikiri, ǹsun pↄ fɛ̃ro, yã díkĩna baasi mani yã o doro. Tó gbɛ̃ mananↄ kà gbɛ̃nↄn kuri sↄ̃ bi? À wèa à pì: Mani wɛ̃tɛ pì kakatɛro gbɛ̃nↄn kurii pìnↄ yãi.
460	GEN 19:2	à pì: Ma dikirinↄ, á yã nna! À mↄ́ à gɛ́ kipa makũ á zↄ̀bleri bɛa. À zú o à i la, zia kↄnkↄ káakukaaku á da zɛ́n. Ò pì: Oi, óni i gãnulɛamɛ.
467	GEN 19:9	Ò pìnɛ: Ǹ gowɛrɛ gwe! Akũ ò pì dↄ: Gbɛ̃ dí bi gbɛ̃ zĩ̀tↄↄmɛ, akũ à ye à kɛ ó yãkpatɛkɛri ũ. Óni yã vãni kɛnnɛ de ń pↄ́la. Akũ ò kùsia kũ gbãnao, òtɛn su kpɛ́ gbàa gboro.
471	GEN 19:13	zaakũ o su ò gu dí kakatɛmɛ. Yã vãni kũ òtɛn o wɛ̃tɛpidenↄ musu gɛ̃̀ Dikiri sãn, akũ à ó zĩ ò wɛ̃tɛ pì kakatɛ.
478	GEN 19:20	Ǹ lakutu ke gwa zã̀ dire. Lákũ à kãni nà, mani fↄ̃ mà bàa lɛ́ mà gɛ́ gwe. Lakutu fítimɛ sↄ̃. Ǹ tó mà bàa sí mà tá gwe, manigↄ̃ aafia. Asa à fítiroo?
490	GEN 19:32	Ǹ mↄ́ ò sèwɛ̃ kákanɛ ó wútɛ kãao, de ògↄ̃ ó buri le a gãi.
492	GEN 19:34	Kũ gu dↄ̀ Yↄ̃ↄ pì Bãnanɛ: Ma wutɛ kũ ma deo gĩa. Ò wɛ̃ kákanɛ ↄkↄsiala dↄ, ĩni gɛ́ ǹ wútɛ kãao, de ògↄ̃ ó buri le a gãi.
503	GEN 20:7	Tera sà, à gↄ̃gbɛ̃ pì nↄ kpáa, zaakũ annabiimɛ. Ani adua kɛnnɛ de ǹ gↄ̃ aafia. Tó ńdi a nↄ pì kpáa sↄ̃ro, ǹgↄ̃ dↄ̃ kũ n gamɛ, mↄkↄ̃n kũ n gbɛ̃nↄ á pínki.
509	GEN 20:13	Kũ Luda ma bo ma de bɛa yã, matɛn likara, akũ ma pì ma nↄ pìinɛ gu kũ óni gɛ́n pínki, à gbɛ̃kɛ kɛmɛnɛ àgↄ̃ pi a dãgↄ̃n ma ũ.
526	GEN 21:12	akũ Luda pìnɛ: Ǹsun tó n pↄ yaka n nɛ́ kũ n zↄ̀nↄgbɛ̃ pìio yã musuro. Yã kũ Sara tɛn onnɛ pínki ǹ ma, zaakũ Isaaku burinↄn onigↄ̃ pińnɛ n burinↄ ũ.
527	GEN 21:13	Mani tó zↄ̀ nɛ́ pìi buri kɛ se, zaakũ n nɛ́mɛ.
532	GEN 21:18	Ǹ futɛ ǹ n nɛ́ pì sɛ́ ǹ a kũ a ↄa, zaakũ mani tó à gↄ̃ buri zↄ̃kↄ̃ ũ.
553	GEN 22:5	Akũ à pì a zĩkɛri pìnↄnɛ: À gↄ̃ kũ zaakio la. Makũ kũ kɛfɛnna dio óni gɛ́ arɛ ò donyĩ kɛ Ludanɛ, óni ɛra ò su ò á le la.
555	GEN 22:7	Akũ Isaaku yã ò a denɛ à pì: Baa! À wèa à pì: Bↄ́mɛ nɛ́? Akũ à pìnɛ: Ó tɛ́ kũna kũ yàkaao, sãnɛ bↄ̀rↄ kũ óni ká tɛ́n à tɛ́ kũ kú mámɛɛ?
578	GEN 23:6	Mare, ǹ ó yã ma. Luda gbɛ̃ arubarikademɛ n ũ ó tɛ́. Ǹ n gɛ̀ vĩ gbɛ̀wɛɛ kũ à kɛ̀nnɛ mana gũn. Ó gbɛ̃ke ni n tɛ̃ gbɛ̀wɛɛ kũ ĩni n gɛ̀ vĩ a gũnlo.
580	GEN 23:8	à pìńnɛ: À ma yã ma, tó a we mà a gɛ̀ vĩ la. À wɛ́ kɛmɛnɛ Zoa nɛ́ Ɛflↄnua
587	GEN 23:15	Mare, ǹ ma yã ma. Zĩtɛ kũ a ↄgↄ kà andurufu wàa plamɛ, bↄ́n abire ũ ó daguraa? Ǹ n gɛ̀ vĩn.
595	GEN 24:3	mani tó ǹ la da kũ Dikiri, musu kũ zĩtɛo Luda tↄ́o kũ ĩni Kanaa kũ má kú ń tɛ́nↄ nↄ sɛ́ ma nɛ́nɛro.
597	GEN 24:5	Akũ a zĩkɛrii pì a là à pì: Tó nↄgbɛ̃ pì dí we à tɛ̀mai à sù kũmao bùsu díkĩnan sↄ̃ro bi? Mani gɛ́ kũ n nɛ́o bùsu kũ n bonn yá?
600	GEN 24:8	Tó nↄgbɛ̃ pì dí we à tɛ̀nyĩro, n bo ladana kũ n la dàmɛnɛ dí gũn. Ǹsun gɛ́ gwe kũ ma nɛ́oro fá!
604	GEN 24:12	akũ à adua kɛ̀ à pì: Dikiri, ma dikiri Ibrahĩ Luda, ǹ gbɛ̃kɛ kɛ ma dikiriinɛ ǹ tó ma tá kɛ nna ↄkↄsiala.
605	GEN 24:13	Ǹ gwa, má zɛna lↄ̀gↄↄ sarɛ. Tó wɛ̃tɛ nↄkparenↄ bↄ̀tɛ í tↄ́,
606	GEN 24:14	nↄkpare kũ ma ònɛ à a lo kipa à í tↄ́mɛnɛ mà mi, tó à pìmɛnɛ mà mi, akũ à kpà ma lakuminↄa dↄ, de mani dↄ̃ kũ n gbɛ̃kɛ kɛ̀ ma dikiriinɛ, nↄgbɛ̃ kũ n dìtɛ n zↄ̀bleri Isaaku pↄ́ ũn gwe.
613	GEN 24:21	Gↄ̃gbɛ̃ pì zɛna àtɛni a gwa tíii, de à le à dↄ̃ tó Dikiri ni tó a tá kɛ nna, ke ani kɛ nnaro.
617	GEN 24:25	Sɛ̃̀ kũ tàragaao din ó bɛa, akũ iki kun dↄ.