57	GEN 3:1	Abok ŋɛnacərɛ mes ŋɛtas sɛm ya dalɛ fəp nyɛ Kanu Kəpɔŋ kənawurɛ mɔ. K'abok ŋeyif wəran: «Kanu kəloku nu yati: ‹A ta nədi yokom ya tɔk ya dalɛ dandɛ?›»
65	GEN 3:9	Kɔ Kanu Kəpɔŋ kəwe wərkun kɔ kəyif kɔ: «Deke məyi-ɛ?»
67	GEN 3:11	Kɔ Kanu Kəpɔŋ kəyif kɔ sɔ: «Anɔ 'mentər əm a kəsɔkər kɔ məwur-ɛ? Cepɔ məndi pokom pa kətɔk kəŋkɔ inamɔn' am mɔ ba?»
69	GEN 3:13	Kɔ Kanu kəyif wəran: «Ta ake tɔ məyɔnɛ tantɛ-ɛ?» Kɔ wəran oloku Kanu: «Abok ŋetiŋkər im, k'indi pokom pampɛ.»
86	GEN 4:6	Kɔ Kanu kəyif Kayin: «Ta ake tɔ pəntɛlɛn' am-ɛ, ta ake tɔ məŋɛyɛ kəro-ɛ?
89	GEN 4:9	Kɔ Kanu kəyif Kayin: «Deke wɛŋc əm Abɛl eyi-ɛ?» Kɔ Kayin oloku fɔ: «Iŋcərɛ fɛ. Cepɔ wəkɛkəs kɔn iyɔnɛ ba?»
90	GEN 4:10	Kɔ Kanu kəloku Kayin: «Cəke cɔ məyɔ wɛŋc əm-ɛ? Dim da mecir ma wɛŋc əm deyi kəkulɛ-kulɛ kəyɛfɛ dəntɔf haŋ nnɔ iyi mɔ.
317	GEN 12:18	Kɔ Firawona ewe Abram, k'eyif kɔ: «Cəke cɔ məyɔ em ntɛ? Ake'sɔŋɛ ntɛ məntɔlok' im a wəran kam ɔfɔ mɔ?
318	GEN 12:19	T'ake tɔ məlokɛ a wəkirɛ kam ɔfɔ-ɛ? Məsɔŋ' em kəlɛk kɔ pəyɔnɛ wəran kem. Ndɛkəl oŋ, wəran kam ɛwɛ. Məlɛk kɔ! Məkɔ!»
363	GEN 15:2	Kɔ Abram eyif Kanu: «Kanu Wəbɛ Wəpɔŋ, ake məndesɔŋ im-ɛ? Intas ta iyɔ wan-ɛ, wədelɛk kɛ kem ɔyɔnɛ Elihɛsɛr wəka Damas.»
369	GEN 15:8	Kɔ Abram eyif Kanu, «Kanu Wəbɛ Wəpɔŋ, cəke cɔ indetam kəcərɛ a indesɔtɔ atɔf ŋaŋɛ kɛ-ɛ?»
390	GEN 16:8	Kɔ mɛlɛkɛ mmɛ meyif: «Hakar, wəcar ka Saray, deke məyɛfɛ-ɛ? Deke məŋkɔ-ɛ?» Kɔ Hakar oluksɛ mi moloku: «Wəbɛra kem Saray, iyɛksər.»
415	GEN 17:17	Kɔ Abraham ɛŋcəp kəro dəntɔf kəsel, k'olokunɛ dɛbəkəc: «Wərkun wəka meren 100 ɛntam kəkom ba? Kɔ Sara ɔsɔtɔ meren 90 endekom ba?»
428	GEN 18:3	Kɔ Abraham oloku wəkin ŋa dacɔ: «Wəbɛ, ilɛtsɛn' am intam kəsɔtər əm kəwosɛn' em kəcəmɛ ka nnɔna wacar kam?
434	GEN 18:9	Ntɛ ŋalip kədi yeri mɔ, kɔ ŋayif Abraham: «Deke wəran kam Sara eyi-ɛ?» Kɔ Abraham oloku ŋa, «Eyi nde abal disrɛ.»
437	GEN 18:12	Kɔ Sara eselərnɛ pəc-loku: «Ndɛkəl ntɛ isikər oŋ mɔ, pəbotu pendey' im sɔ ba? Wos im sɔ, esikər.»
438	GEN 18:13	Kɔ Kanu Kəpɔŋ kəyif Abraham «Ta ake tɔ Sara eselɛ-ɛ a pəc-loku: ‹Mba kaŋce kɔ, indetam kəsɔtɔ wan nnɔ isikər mɔ ba?›
439	GEN 18:14	Tes teyi ntɛ tɛntambər Kanu Kəpɔŋ mɔ ba? Dok tɛm tantɛ imboŋcər əm mɔ, inder nnɔ ndaram, Sara endesɔtɔ wan wərkun.»
442	GEN 18:17	Kɔ Kanu Kəpɔŋ kəyifnɛ: «Imɛŋkər Abraham ntɛ ifaŋ kəyɔ mɔ ba?
448	GEN 18:23	Kɔ Abraham ɔlɔtərnɛ k'eyif Kanu: «Məndekɔ-tɔrsɛnɛ sɔ fum wəlompu pəmɔ wəlɛc ba?
449	GEN 18:24	Tɔlɔma afum atɔt 50 ŋayi afum aka dare dadɔkɔ dacɔ, məndekɔ-ləsər sɔ dare dadɔkɔ ba? Məfɔtam kəŋaŋnɛnɛ ŋa teta afum alompu akaŋɛ 50 aŋɛ ŋayi ŋa dacɔ mɔ?»
453	GEN 18:28	Tɔlɔma afum alompu akaŋɛ 50 ŋandekɔ-but afum kəcamət paləsər oŋ dare fəp ba?» Kɔ Kanu kəloku: «Ifɔləsər di k'imbəp di afum alompu 40 kɔ kəcamət-ɛ.»
454	GEN 18:29	Kɔ Abraham ɛŋcəmɛ kɔ darəŋ kəloku kɔ toloku ntɛ: «Tɔlɔma alompu 40 ŋ' andekɔ-bəp di?» Kɔ Kanu kəloku: «Ifɔləsər, k'imbəp di alompu 40-ɛ.»
455	GEN 18:30	Kɔ Abraham oloku: «Ilɔktərn' am, Kanu Wəbɛ! Ta pətɛl' am k'ilok-loku sɔ-ɛ! Tɔlɔma alompu 30 ŋ' andekɔ-bəp di?» Kɔ Kanu kəloku Abraham: «Ifɔləsər di k'imbəp dɔtɔf afum alompu 30-ɛ.»
456	GEN 18:31	Kɔ Abraham oloku: «Kanu Wəbɛ, məŋaŋnɛnɛ mɔcɔp mem. Tɔlɔma alompu wəco mɛrəŋ ŋ' andekɔ-bəp di?» Kɔ Kanu kəloku Abraham: «Ifɔləsər di teta afum akakɔ wəco mɛrəŋ.»
463	GEN 19:5	Kɔ ŋawe Lɔt kɔ ŋayif kɔ: «Deke afum akɔ ŋayi-ɛ, aŋɛ ŋambɛrɛ nnɔ ndaram nnɔ pibi pampɛ mɔ? Məwurɛnɛ ŋa nnɔ səyi mɔ, ntɛ tɔŋsɔŋɛ səfəntərər ŋa mɔ.»
470	GEN 19:12	Kɔ mɛlɛke ŋayif Lɔt: «An' ɔ məyɔ sɔ nnɔ fum-ɛ? Arkun aŋɛ məsɔŋ aran mɔ, awut am arkun kɔ aran, kɔ afum am fəp, akɔ məyɔ dare dandɛ mɔ fəp, məwurɛnɛ ŋa nnɔ dare dandɛ.
478	GEN 19:20	Ilɛtsɛn' am məŋnəŋk dare dɔkɔ, dɔlɔtərn' em k'iyɛksɛ ibɛrɛ di kɔ dɛfɛtɛ sɔ. Məc' em ikɔ indɛ iyacnɛ di, dɛfɛtɛ fɛ ba? Intam di kəbɛrɛ, tɔsɔŋ' em kəyi doru!»
500	GEN 20:4	Abimɛlɛk nwɛ ɛnatɔgbuŋɛnɛ wəran nwɛ mɔ, k'eyif: «Kanu cəke cɔ pəyi-ɛ, kədif kɔ mənder atɔf ŋin ali ŋayɔnɛ afum alompu?
501	GEN 20:5	Nkɔn Abraham yati olok' im: ‹Wəkirɛ kem ɔfɔ,› kɔ wəran yati nkɔn sɔ oloku: ‹Wɛŋc im wərkun ɔfɔ?› Abəkəc ŋosoku ŋ' inayɔ, ali pəlɛc iyɔ fɛ.»
505	GEN 20:9	Kɔ Abimɛlɛk ewe Abraham k'eyif kɔ: «Cəke cɔ məyɔ su tantɛ-ɛ? Kɔ kiciya kəre k'iŋciy' am-ɛ, ntɛ məsɔŋɛ su, ina k'atɔf ŋem kəciya pəpɔŋ mɔ? Məyɔ em mɔyɔ mmɛ pəntɔmar məyɔ em mɔ.»
506	GEN 20:10	Kɔ Abimɛlɛk eyif Abraham: «Cəke cɔ mənafaŋ ntɛ məyɔ tantɛ mɔ?»
521	GEN 21:7	K'endeŋər: «An' ɛnatam kəsɔŋɛ Abraham kəlaŋ a Sara endemɛsər awut-ɛ? Mba iŋkomɛ kɔ wan wərkun detem dɔn disrɛ.»
531	GEN 21:17	Kɔ Kanu kəne wan dim, kɔ mɛlɛkɛ ma Kanu mewe Hakar dareŋc kɔ meyif kɔ: «Ak' ɔyɔ əm-ɛ Hakar? Ta mənesɛ! Bawo Kanu kəne wan kam dim nde eyi mɔ.
543	GEN 21:29	Kɔ Abimɛlɛk eyif Abraham: «Cir camət-mɛrəŋ ca ake cɔ məŋcəmbər kəsək-ɛ?»
555	GEN 22:7	Kɔ Isiyaka ewe kas Abraham k'eyif kɔ: «Papa!» Kɔ wəkakɔ owosɛ: «In' ɛwɛ, wan kem!» Kɔ Isiyaka oloku: «Nɛŋc dɔ dandɛ kɔ tɔk, mba deke teŋkesiya tɔkɔ aŋkɔ-loŋnɛ Kanu pacɔf mɔ peyi-ɛ?»
587	GEN 23:15	«Wəbɛ kem, məcəŋkəl im! Antɔf ŋa gbeti mɛŋcəmbəl 400, ake babɔkɔ bɔyɔnɛ ina kɔ məna dacɔ-ɛ? Məwup di wəran kam!»
597	GEN 24:5	Kɔ wəcar kɔn oloku kɔ: «Tɔlɔma ta wəran ɔŋkɔ-wosɛ kəcɛps' em darəŋ kəder ka nnɔ-ɛ, tɛm tatɔkɔ iluksɛ wan kam atɔf nŋɛ məyɛfɛ mɔ ba?»
615	GEN 24:23	Kɔ wərkun nwɛ eyif Rebeka: «An' okom əm-ɛ wəyecəra? Məlok' im ti ilɛtsɛn' am. Səntam kəsɔtɔ kəfo dəkəcepərɛnɛ pibi, nde kəlɔ ka papa kam?»
623	GEN 24:31	Kɔ Labaŋ oloku: «Məder məna nwɛ Kanu kəmpocɛ mɔ! Ta ake tɔ məndeyinɛ dabaŋka-ɛ? Ifɛŋ dəkəlɔ k'ilompsɛ yɔkɔmɛ yam tofo.»
639	GEN 24:47	K'iyif kɔ: ‹An' okom əm-ɛ wəyecəra?› K'olok' im: ‹Wan ka Betuhɛl iyɔnɛ, wan-sɔ ka Nahor kɔ Milka.› K'imbɛr kɔ kurundɛ dololəm kɔ cəsora dəwaca.
650	GEN 24:58	Kɔ ŋawe Rebeka kɔ ŋayif kɔ: «Məfaŋ kəkɔ kɔ wərkun nwɛ ba?» Kɔ Rebeka owosɛ: «Ɛy.»
657	GEN 24:65	K'eyif wəcar ka Abraham: «Wərkun wəre ɔfɔ wəkawɛ nnɔ dəkulum nwɛ ender kəfaynɛ su mɔ?»
681	GEN 25:22	Kɔ awut ŋayɛfərɛnɛ kɔ kor disrɛ, kɔ Rebeka eyifnɛ: «Ak' ender im tantɛ-ɛ?» K'ɔŋkɔ pəkornɛ Kanu Kəpɔŋ.
691	GEN 25:32	Kɔ Esay oloku kɔ: «In' ɛwɛ ic-fi, ake dəkəcəmɛ da debeki dadɔkɔ dendeyɔ em-ɛ?»
702	GEN 26:9	Kɔ Abimɛlɛk ewe Isiyaka k'eyif kɔ: «Wəran kam ɔyɔnɛ wəran nwɛ! Ake 'sɔŋɛ ntɛ məloku su a wəkirɛ kam ɔfɔ mɔ?» Kɔ Isiyaka oloku kɔ: «Iloku ti kənesɛ disrɛ ta idefinɛ tetɔn.»
703	GEN 26:10	Kɔ Abimɛlɛk oloku kɔ: «Cəke məyɔ su tantɛ? Pəpic pɛcəmɛ wəlɔma su dacɔ ŋafəntərɛ kɔ wəran kam, kɔ mən' ɔsɔŋɛ su ti kəciya.»
720	GEN 26:27	Kɔ Isiyaka eyif ŋa: «Ta ake tɔ nənderɛnɛ nnɔ nderem-ɛ, bawo nənter im, kɔ nəmbɛləs im nde ndoronu?»
746	GEN 27:18	Kɔ Yakuba ɔŋkɔ nde papa kɔn eyi mɔ, k'oloku: «Papa wəkem!» Kɔ Isiyaka owosɛ: «In' ɛwɛ. Mən' an' ɔfɔ-ɛ, Wan kem?»
752	GEN 27:24	K'oloku: «Mən' ɔfɔ məna wan kem Esay?» Kɔ Yakuba owosɛnɛ kɔ fɔ: «Ɛy.»
760	GEN 27:32	Kɔ kas Isiyaka oloku kɔ: «Mən' an' ɔfɔ-ɛ?» Kɔ Esay oloku kɔ: «In' ɔfɔ wan kam wəcɔkɔ-cɔkɔ Esay.»
761	GEN 27:33	Kɔ pəyi Isiyaka yama-yama, yama-yama yɔpɔŋ k'oloku: «An' ɔkɔ pəpɛn wɛsɛm k'ɛŋkɛr' em-ɛ? Isɔm yi a kɔ məndeder, intolanɛ kɔ pətɔt. Kətola pətɔt kəlip kəsumpər kɔ.»
764	GEN 27:36	Kɔ Esay oloku: «Cepɔ ntɛ asɔŋ kɔ tewe ta Yakuba mɔ, ti t' ɛŋnɛmpəs' em haŋ kəmɛrəŋ? Ɛnabaŋər im tɔkɔ dəcəmɛ da debeki dem. Kɔ pəndesɔyi tantɛ k'ɛŋlɛkər im sɔ kətolanɛ pətɔt kem.» Kɔ Esay endeŋər: «Papa, məmɛŋkərnɛ fɛ sɔ kətolanɛ pətɔt kəlɔma, məsɔŋ im ki?»
765	GEN 27:37	Kɔ Isiyaka oloku Esay: «Isɔŋ kɔ kiyi kam kəroŋ, k'isɔŋ kɔ awɛŋc aŋa fəp kiyi kɔ dəntɔf, k'isɔŋ kɔ bəle kɔ member. Cəke cɔ indeyɔnɛ məna-ɛ, wan kem?»
766	GEN 27:38	Kɔ Esay eyif kas: «Kətola pətɔt kin kaŋkɔ gboŋ kɔ məyɔ ba, Papa? Ina sɔ mətolan' em pətɔt, Papa!» Kɔ Esay ɛyɛfɛ kəbok.
773	GEN 27:45	Kɔ mɛtɛlɛ ma wɛŋc əm mendelip-ɛ, pəpələrnɛ pəcuy pɔkɔ məyɔ kɔ mɔ, indew' am məder. Ta ake tɔ indebutɛ nu mɛrəŋ monu dɔsɔk din-ɛ?»
774	GEN 27:46	Kɔ Rebeka oloku Isiyaka: «Doru dɛŋgbəf im teta awut aran aHewy. Kɔ Yakuba ɛnɛŋcɛ wəHewy, wan wəran wəka dɔtɔf pəmɔ akaŋɛ, ake indesɔyɔ oŋ doru-ɛ?»
800	GEN 29:4	Kɔ Yakuba eyif akɛk yɔcɔl: «Awɛŋc im aŋa, aka deke ŋɔ nəyɔnɛ-ɛ?» Kɔ akakɔ ŋaloku kɔ: «Aka Haraŋ ŋɔ səyɔnɛ.»
801	GEN 29:5	Kɔ Yakuba eyif ŋa: «Nəŋcərɛ Labaŋ, wan ka Nahor?» Kɔ ŋawosɛ: «Ɛy, səŋcərɛ kɔ.»
802	GEN 29:6	K'eyif ŋa: «Cəke cɔ pəyi kɔ-ɛ?» Kɔ akakɔ ŋaloku kɔ: «Daka o daka! Wan kɔn wəran Rasɛl ender wəkɔ kɔ yɔcɔl yɛfɛt-yɛfɛt.»
811	GEN 29:15	Kɔ Labaŋ ende pəloku Yakuba: «Bawo fum kem məyɔnɛ, məfɔdebəc' em kifəli? Məboŋcər im daka ndɛ məfaŋ da kəway kam mɔ.»
821	GEN 29:25	Dec dendesɔk, kɔ Yakuba ɛnəŋk fɔ Leya asɔŋ kɔ. K'oloku Labaŋ: «Cəke cɔ məyɔ em ntɛ? Bafɔ teta Rasɛl t' imbəc' am? Ta ake tɔ məntiŋkər' em-ɛ?»
833	GEN 30:2	Kɔ pəntɛlɛ Yakuba nnɔ Rasɛl eyi mɔ, k'oloku: «Iŋcəmɛ dəkəcəmɛ da Kanu, nkɛ kəntɔsɔŋ əm dokombəra mɔ?»
846	GEN 30:15	Kɔ Leya oloku Rasɛl: «Pəntəŋnɛ f' am ntɛ məmbaŋər im wos im mɔ, mɛnɛ məsɔtɔ sɔ yeri ya wan kem?» Kɔ Rasɛl oloku Leya: «Awa! Ndaram ende mɔkɔ fəntərɛ, kəway ka yeri ya wan kam.»
861	GEN 30:30	Bawo yɔcɔl yepic yɔkɔ inabəp' am mɔ, yɛla oŋ ndɛkəl. Kɔ Kanu Kəpɔŋ kəmpoc' am kəlɛk dɔsɔk ndɛ imbɛrɛ kəlɔ kam mɔ, haŋ mɔkɔ. Ndɛkəl oŋ ake tɛm tɔ indebəcɛ afum em-ɛ?»
862	GEN 30:31	Kɔ Labaŋ eyif kɔ: «Ak'indesɔŋ əm-ɛ?» Kɔ Yakuba oloku: «Məfɔdesɔŋ im daka o daka. Kɔ məwosɛ kəyɔ tɔkɔ indelok əm mɔ, indesɔkɛk yɔcɔl yam yɛfɛt-yɛfɛt, ibum' am sɔ yi.
888	GEN 31:14	Rasɛl kɔ Leya ŋaloku kɔ: «Mba səyɔ sɔ kɛ nnɔ kəlɔ ka papa kosu?
900	GEN 31:26	Kɔ Labaŋ eyif Yakuba: «Cəke cɔ məyɔ tantɛ-ɛ? Ta ake tɔ məntiŋkər' em-ɛ, məkekərɛ awut em aran pəmɔ afum aŋɛ aŋsumpər dəkəwan mɔ-ɛ?
901	GEN 31:27	Ta ake tɔ məŋgbɔpnɛnɛ kɔ məyɛksɛ-ɛ? Məntiŋkər f' em ba, məyɛksər f' em ba? K'inasak əm məkɔ pəbotu disrɛ, pac-leŋəs, pac-fula pac-fer.
904	GEN 31:30	Bawo pəŋwon əm kəkɔ ndena papa kam, ta ake tɔ məŋkiyɛnɛ canu cem-ɛ?»
910	GEN 31:36	Kɔ abəkəc ŋɛmpɛ Yakuba, k'ɛŋcaŋ Labaŋ kəcɔp. Kɔ Yakuba ɛlɛk moloku, k'oloku: «Deke iləsər-ɛ, deke iŋciya-ɛ tantɛ məŋcəm' em darəŋ mɔ?
911	GEN 31:37	Ntɛ məfen-feni ca yem fəp mɔ, ake mənəŋk-ɛ ca yam ya dəkəlɔ-ɛ? Məmentər im yi fɔr ya awɛŋc im aŋa kɔ awɛŋc əm aŋa ŋabɛrɛ su dacɔ ina kɔ məna.
917	GEN 31:43	Kɔ Labaŋ oloku Yakuba: «Awut arkun akaŋɛ, awut aran akaŋɛ kəbəp yɔcɔl yayɛ fəp yemi yɔ. Cəke c' intam mɔkɔ kəyɔnɛ awut em aran kɔ awut aŋɛ ŋaŋkom mɔ-ɛ?
947	GEN 32:19	K'osom wəcɔkɔ-cɔkɔ: «Kɔ nəŋkɔ-bəpɛnɛ kɔ wɛŋc im Esay a pəyif əm: ‹An' ɔ məyɔnɛ? Deke məŋkɔ-ɛ? An' ɔyɔ yɔcɔl yayɛ məsolɛ mɔ-ɛ?›
957	GEN 32:29	Kɔ fum wəkakɔ eyif Yakuba: «Cəke c' aŋw' am-ɛ?» Kɔ Yakuba oloku: «Yakuba y' aŋw' em.»
959	GEN 32:31	Kɔ Yakuba eyif fum wəkakɔ: «Ilɛtsɛn' am məboŋcər im tewe tam.» Kɔ fum nwɛ eyif kɔ: «Ta ake tɔ məfaŋɛ kəcərɛnɛ tewe tem-ɛ?» Kɔ fum nwɛ ontolanɛ Yakuba dəndo.
966	GEN 33:5	Kɔ Esay eyekti kəro, k'ɛnəŋk aran kɔ awut, k'eyif: «Are ŋɔ akaŋɛ?» Kɔ Yakuba oloku kɔ: «Awut akaŋɛ ŋɔ Kanu kənamar im kəsɔtɔ nɔnɔfɔr dɔn disrɛ, ina wəcar kam.»
969	GEN 33:8	Kɔ Esay eyif kɔ: «Ake məndeyɔnɛ yɔcɔl yayɛ səŋcepər-cepər mɔ?» Kɔ Yakuba oloku kɔ: «Kətəŋnɛ kam k'inafaŋ. Ti tɔ inacɛm-cɛmnɛ kəsɔŋ əm yi.»
976	GEN 33:15	Kɔ Esay oloku: «Isakər' am afum em alɔma akɔ isolɛ mɔ.» Kɔ Yakuba eyif Esay: «Ak' indeyɔnɛ ŋa-ɛ? Tɛfaŋ ta ina, isɔtɔ kəŋaŋnɛ nnɔ məyi mɔ.»
1004	GEN 34:23	Yɔcɔl yaŋan kɔ ca yaŋan fəp yɔfɔdeyɔnɛ yosu ba? Pawosɛ tɛfaŋ taŋan gbəcərəm, ŋayi su dɛ.»
1012	GEN 34:31	Kɔ awut a Yakuba ŋaloku kas kəŋan: «Səndewosɛ Səkɛm pəyɔ wəkirɛ kosu pəmɔ wəran wəyi yama-yama ba?»
1092	GEN 37:8	Kɔ awɛŋc aŋa ŋaloku kɔ: «Mba məna məŋcɛm-cɛmnɛ kəyɔnɛ ka wəbɛ ka səna ba? Məyi su kəroŋ?» Kɔ ŋambɛrɛnɛ sɔ kəter kɔ teta moloku mɔn mamɔkɔ.
1094	GEN 37:10	Kɔ Isifu oloku mere mamɔkɔ papa kɔn kɔ awɛŋc aŋa. Kɔ papa kɔn oŋkul-kulər kɔ, k'eyif kɔ: «Cəke cɔ mere mamɛ məwɛrəp mɔ moloku-ɛ? Məŋcɛm-cɛmnɛ a səndeder, iya kam, awɛŋc əm aŋa, kɔ ina sədetontnɛn' am dəntɔf?»
1099	GEN 37:15	Kɔ wərkun wəlɔma ɔŋkɔ pəbəp kɔ pəc-kafəlɛ-kafəlɛ dəkulum. Kɔ wərkun nwɛ eyif kɔ: «Ake məntɛn-ɛ?»
1110	GEN 37:26	Kɔ Yuda oloku awɛŋc aŋa: «Ta ake tɔ andedifɛ wɛŋc kosu pamɛŋk mecir mɔn-ɛ?
1114	GEN 37:30	K'ɛŋkafəlɛ nnɔ awɛŋc aŋa ŋayi mɔ, k'oloku: «Wan nwɛ eyi fɛ sɔ nnɔ dəkələmp! Cəke indeyɔ oŋ-ɛ?»
1136	GEN 38:16	Kɔ Yuda ɛŋcaŋ Tamar moloku dɔpɔ: «Taŋkɔn, səkɔ səfəntərɛ.» Bawo Yuda ɛnacərɛ fɛ a wəran ka wan kɔn wərkun ɔfɔ. Kɔ Tamar eyif kɔ: «Ake məndekɔ-sɔŋ im, kɔ məmbocərn' em-ɛ?»
1138	GEN 38:18	Kɔ Yuda eyif kɔ: «Ake indesɔŋ əm haŋ ic-kɛrɛ wir wowut nwɛ?» Kɔ Tamar oloku kɔ: «Məsɔŋ im tamp tam, kəbənda kɔ kəgbo kaŋkɔ məntɔmpər mɔ.» Kɔ Yuda ɔsɔŋ kɔ yi. Kɔ Yuda ɛfəntərɛ kɔ Tamar, kɔ Tamar ɛmbɛkəsɛ Yuda.
1141	GEN 38:21	Kɔ wəkakɔ ɔŋkɔ pəc-yifət afum akɔ ɛnabəp di mɔ: «Deke wəran wətɛn arkun, nwɛ ɛŋcəmɛna nnɔ dɔpɔ da Enayim mɔ, eyi-ɛ?» Kɔ akakɔ ŋaloku kɔ: «Wəran wətɛn arkun ɔfɔcəmɛ nnɔ.»
1149	GEN 38:29	Mba kɔ kənaka nkɛ kəliŋ kəca kɔ wɛŋc onuŋkɛnɛ kəwur. Kɔ wəbaŋ wan eyifnɛ: «Kəpəc kəre kɔ məwurɛ kaŋkɛ-ɛ?» Kɔ Tamar ewe wan wəkakɔ Perɛc.
1159	GEN 39:9	Fum nwɛ o nwɛ eyi fɛ nnɔ kəlɔ kaŋkɛ nwɛ elelɛ pəcepər im mɔ. Ɔmɔnɛnɛ f' em ntɛ o ntɛ ta kəlɔ kaŋkɛ mɛnɛ məna, bawo wəran kɔn məyɔnɛ. Ak' endesɔŋ' em oŋ kəyɔ pəlɛc pəpɔŋ, iciyanɛ sɔ Kanu-ɛ?»
1180	GEN 40:7	Kɔ Isifu eyif amarəs a Firawona aŋɛ mɛrəŋ aŋɛ ŋanayi dəbili kɔ nkɔn mɔ, k'eyif ŋa: «Ta ake tɔ nəŋɛyɛ cəro mɔkɔ-ɛ?»
1181	GEN 40:8	Kɔ ŋaloku Isifu: «Səwɛrəpna nnɔ pibi, mba fum eyi fɛ nnɔ nwɛ endetam kəloku su tedisrɛ ta mere mamɔkɔ mɔ.» Kɔ Isifu eyif ŋa: «Bafɔ Kanu kətɔmpər kəcərɛ ka tedisrɛ ta mes ba? Nəlok' im ma mere monu-a.»
1234	GEN 41:38	Kɔ Firawona eyif ŋa: «Andetam kəsɔtɔ fum pəmɔ Isifu ba, pəyɔ amera ŋa Kanu?»
1254	GEN 42:1	Kɔ Yakuba ene a malɔ beyi Misira. Kɔ Yakuba oloku awut ɔn: «Ta ake tɔ nəndeyinɛ nnɔ nəc-mɔmənɛnɛ fɔr disrɛ-ɛ?»
1260	GEN 42:7	Kɔ Isifu ɛnəŋk awɛŋc aŋa. K'ɛnɛpəl ŋa. Mba owurər fɛ ŋa kəcərɛnɛ. K'olok-lokərɛ ŋa dim deyeŋki, k'eyif ŋa: «Deke nəyɛfɛ-ɛ?» Kɔ awɛŋc aŋa ŋaloku kɔ: «Atɔf ŋa Kanahan ŋɔ səyɛfɛ, kɔ sənder kəway nnɔ yeri.»
1275	GEN 42:22	Kɔ Ruben ɛlɛk moloku, k'oloku ŋa: «Inaloku fɛ nu ti ba, fɔ ta nəyɔ wan nwɛ pəlɛc? Mba nənacəŋkəl f' em. Ndɛkəl oŋ awer su mecir mɔn.»
1281	GEN 42:28	K'oloku awɛŋc aŋa: «Aluks' em pəsam pem. Ipɛmpɛ nnɔ alɔba ŋem.» Kɔ mera yeyi ŋa yama-yama kəcərɛ fɔ a ŋaŋkɔ dəkəway paluksɛ ŋa sɔ pəsam paŋan. Kɔ ŋayifnɛ: «Cəke cɔ Kanu kəyɔ su tantɛ-ɛ?»
1297	GEN 43:6	Kɔ Yakuba oloku: «Ta ake tɔ nənayɔn' em pəlɛc tantɛ, kəcloku wərkun wəkakɔ a nəyɔ wəfɛt-ɛ?»
1298	GEN 43:7	Kɔ awut ɔn ŋaloku: «Wərkun wəkakɔ ɛnayifət su pəlarəm te tosu kɔ tokomɛnɛ tosu, pəcyif su: ‹Papa konu ɔsɔrɔyi doru? Nəyɔ wɛŋc wəlɔma sɔ?› Kɔ səluksɛ kɔ moloku mamɔkɔ. Sənatam kəcərɛ ba, a endeloku su: ‹Nəkɔ nəkɛr' em wəfɛt konu!›?»