11 | GEN 1:11 | Kɔ Kanu kəloku sɔ: «Antɔf ŋopoŋ pubuk, yika ŋa defet, kɔ tɔk yokom nyɛ yende yoc-kom antɔf kəroŋ taciŋa mɔ! Yɔyɔ sɔ defet dakayi!» Kɔ teyi tatɔkɔ. |
14 | GEN 1:14 | Kɔ Kanu kəloku sɔ: «Yomotər-motər yeyi dəpəkuymɛ, ntɛ tɔŋsɔŋɛ dɔsɔk dɛgbɛyɛnɛ kɔ pibi mɔ! Kɔ tɔyɔnɛ mɛgbɛkərɛ ma tɛm, dɔsɔk kɔ meren. |
28 | GEN 1:28 | Kɔ Kanu kəmpocɛ ŋa pətɔt, kɔ kəloku: «Nəyɔnɛ akombəra, nəla, nəlas antɔf, nəboc antɔf tɛfaŋ tonu! Nətasərnɛ lop ya dəkəba, bɛmp nyɛ yɛŋfɛlər dareŋc mɔ, sɛm kɔ yeliŋɛ-liŋɛ ya dəntɔf fəp.» |
48 | GEN 2:17 | Mba ta mədi pokom pa kətɔk ka kəcərɛnɛ pətɔt kɔ pəlɛc de! Bawo dɔsɔk ndɛ məndedi pokom pa ki mɔ, məŋfi!» |
49 | GEN 2:18 | Kɔ Kanu Kəpɔŋ kəloku: «Pəmar fɛ wərkun pəyi sona! Indelompəs wəmarəs kɔn, ntɛ tɔŋsɔŋɛ ŋayi mɛrəŋ mɔ.» |
59 | GEN 3:3 | Mba kətɔk nkɛ kəyi dalɛ dacɔ mɔ, Kanu kəloku: ‹Ta nədi yokom ya ki, ta nəgbuŋɛnɛ ŋaŋ ki! Kɔ nəyɔ ti-ɛ, nəŋfi.›» |
71 | GEN 3:15 | Kəbɛrs əm k'inder dacɔ kɔ wəran, kəyɛfɛ nəna haŋ awut a wəran kəbəp awut a məna, Abok! Wəran ende pəc-putək əm domp, məna, Abok, məc-ŋaŋ kɔ dəmnɛ atek.» |
103 | GEN 4:23 | Kɔ Lɛmɛk oloku aran ɔn: «Ada kɔ Sila nəcəŋkəl dim dem! Aran a Lemɛk nəsu ləŋəs nəcəŋkəl moloku mem. K'asut im-ɛ, indif fum. K'ambopər im-ɛ, indif wanfɛt. |
156 | GEN 6:18 | Kɔ məna, indecaŋəs danapa dosu, məde məbɛrɛ debil kɔ wəran kam, awut am k'aran aŋan! |
231 | GEN 9:25 | Kɔ Nuha oloku: «Intolanɛ Kanahan pəlɛc! Kanahan pəyɔnɛ wəcar ka acar a awɛŋc aŋa!» |
232 | GEN 9:26 | Kɔ Nuha oloku sɔ: «Intola Kanu Kəpɔŋ, Kanu ka Semy, Kanahan pəyɔnɛ wəcar kəŋan! |
233 | GEN 9:27 | Kanu kəyac Yafɛt! Yafɛt pəyi abal ŋa Semy disrɛ, Kanahan nkɔn pəyɔnɛ wəcar kəŋan!» |
273 | GEN 11:6 | Kɔ Kanu kəloku, «Nəmɔmən afum aŋɛ! Fəp faŋan kusu kin kɔ ŋaŋcɔp. Nəmɔmən sɔ ntɛ ŋaŋcop kəyɔ mɔ. Tɔlɔm o tɔlɔm teyi fɛ ntɛ tɔŋmɔnɛ ŋa kəyɔ ka tɛfaŋ taŋan mɔ. |
318 | GEN 12:19 | T'ake tɔ məlokɛ a wəkirɛ kam ɔfɔ-ɛ? Məsɔŋ' em kəlɛk kɔ pəyɔnɛ wəran kem. Ndɛkəl oŋ, wəran kam ɛwɛ. Məlɛk kɔ! Məkɔ!» |
362 | GEN 15:1 | Ntɛ mes mamɔkɔ meŋcepər mɔ, kɔ Kanu Kəpɔŋ kəwurər Abram dəmere kɔ kəloku kɔ ntɛ: «Ta mənesɛ, Abram! Ina yati indeyɔn' am aca. Indeluks' am kəway pəpɔŋ.» |
387 | GEN 16:5 | Kɔ Saray oloku Abram: «Mən' endesarɛ pəcuy pa mɔlɔməs mmɛ ɔlɔməs im mɔ! Ina yati, in' ɛlɛk wəcar kem k'imbɛr əm kɔ dəwaca, mba ntɛ ɛnəŋknɛ oŋ pəbɛkəs mɔ, k'ɛyɛfɛ kəfərfərəs im. Mba Kanu Kəpɔŋ kəmboc su kiti dacɔ (kəyi su dacɔ), ina kɔ məna!» |
450 | GEN 18:25 | «Tɔbɔl' am məna kəyɔ ka tantɛ! Məfɔdedifɛnɛ fum wəlompu kɔ wətɔlomp, tɛm tatɔkɔ wətɔdəkət pəsɔtɔ pəcuy pin payi kɔ wədəkət. Tɔbɔl' am məna nwɛ məyɔnɛ wəboc kiti ka doru fəp mɔ, məfɔdeyi ta məleləs sariyɛ!» |
455 | GEN 18:30 | Kɔ Abraham oloku: «Ilɔktərn' am, Kanu Wəbɛ! Ta pətɛl' am k'ilok-loku sɔ-ɛ! Tɔlɔma alompu 30 ŋ' andekɔ-bəp di?» Kɔ Kanu kəloku Abraham: «Ifɔləsər di k'imbəp dɔtɔf afum alompu 30-ɛ.» |
457 | GEN 18:32 | Kɔ Abraham oloku: «Ilɛtsɛn' am, Wəbɛ kem! Ta pətɛl' am, tɛləpəs t' indelok-lokər əm. Tɔlɔma alompu wəco ŋayi di.» Kɔ Kanu kəloku sɔ Abraham, «Ifɔləsər di teta afum akakɔ wəco.» |
465 | GEN 19:7 | K'oloku ŋa: «Ala, Anapa, Ilɛtsɛnɛ nu ta nəyɔ pəlɛc pampɛ! |
466 | GEN 19:8 | Ilɛtsɛnɛ nu! Iyɔ ayecəra mɛrəŋ atɔcərɛ arkun, ilɛtsɛnɛ nu ikɛrɛ nu ŋa nnɔ dabaŋka, nəyɔ ŋa mɛfaŋ monu. Mba ta nəyɔ acikəra em ntɛ o ntɛ, bawo kiyi kem kɔ ŋayinɛ dɛ!» |
467 | GEN 19:9 | K'afum a Sodom ŋaloku kɔ: «Məbɔlɛ day! Məna wəcikəra məfaŋ kəbocər səna dɔpɔ ndɛ səndekɔt mɔ, kɔ məntɔwurɛnɛ ŋa-ɛ, tɔkɔ səndedeŋər məna mɔ tendecepər taŋan!» Kɔ ŋawɛn Lɔt pəpɔŋ kɔ ŋalɔtərnɛ kumba kəkɔ-ləsər ki. |
472 | GEN 19:14 | Kɔ Lɔt ɔŋkɔ pəbəp arkun aŋɛ ŋananɛŋcɛ awut ɔn mɔ, k'oloku ŋa: «Nəkufɛ nəyɛfɛ dɛ! Bawo Kanu Kəpɔŋ kənderer kələsər dare dandɛ.» Mba, kɔ arkun akaŋɛ ŋaŋcɛm-cɛmənɛ a kəwoləs kɔ Lɔt ɛndɛ. |
475 | GEN 19:17 | Ntɛ mɛlɛke ŋawurɛnɛ ŋa dare disrɛ mɔ, kɔ mɛlɛkɛ min moloku Lɔt: «Məyɛksɛ ntɛ tɔŋsɔŋɛ ta məfi mɔ! Ta məmɔmən tadarəŋ, ta məcəmbərəs tofo o tofo nnɔ aranta ŋaŋɛ! Məkɔ məndɛ məyacnɛ nde dətɔrɔ, ta mədefi.» |
476 | GEN 19:18 | Kɔ Lɔt oloku ŋa: «Ala, wəbɛ kem! Tɔfɔtam kəyi. |
477 | GEN 19:19 | Ilɛtsɛn' am! Wəcar kam ɔsɔtər əm kəŋaŋnɛ ntɛ məlas layidi dam nnɔ iyi mɔ, ntɛ məsak im kəyi doru mɔ, mba ifɔtam kəyɛksɛ ibəp tɔrɔ tatɔkɔ a məctorɛ pəlɛc, kɔ pəyi fɛ ti-ɛ ina sɔ, iŋfi. |
531 | GEN 21:17 | Kɔ Kanu kəne wan dim, kɔ mɛlɛkɛ ma Kanu mewe Hakar dareŋc kɔ meyif kɔ: «Ak' ɔyɔ əm-ɛ Hakar? Ta mənesɛ! Bawo Kanu kəne wan kam dim nde eyi mɔ. |
564 | GEN 22:16 | kɔ moloku: «Toloku ta Kanu Kəpɔŋ indɛrəm' am ti, ina sərka! ‹Bawo məyɔ tantɛ, məfatɛnɛ f' em wan kam sona Isiyaka, |
578 | GEN 23:6 | «Məcəŋkəl su, Wəbɛ! Fum wəpɔŋ wəka Kanu məyɔnɛ su dacɔ. Məmɔmən kəfo nkɛ kəmbɔt əm mɔ, məwup wəran kam dəkəwupɛnɛ dosu dacɔ. Ali fum ɔfɔdefatɛnɛ dəkəwupɛnɛ dɔn kəwup ka wəran kam.» |
583 | GEN 23:11 | «Ala, wəbɛ kem. Məcəŋkəl im! Isɔŋ əm dalɛ, k'isɔŋ əm sɔ kumbuŋkum kəŋkɔ kəyi di mɔ. Isɔŋ əm ki, fɔr ya awut a atɔf ŋem kiriŋ. Məwup di wəran kam.» |
585 | GEN 23:13 | K'oloku ntɛ Hɛfəroŋ, fɔr ya afum a dɔtɔf kiriŋ: «Məna sɔ məkafəlɛ məcəŋkəl im! Iŋsɔŋ kəway ka dalɛ! Məwosɛn' em ti, a idewup di wəran kem.» |
587 | GEN 23:15 | «Wəbɛ kem, məcəŋkəl im! Antɔf ŋa gbeti mɛŋcəmbəl 400, ake babɔkɔ bɔyɔnɛ ina kɔ məna dacɔ-ɛ? Məwup di wəran kam!» |
598 | GEN 24:6 | Kɔ Abraham oloku: «Ta məluksɛ wan kem dəndo de! |
606 | GEN 24:14 | Pəyɔnɛ fɔ wəyecəra nwɛ indeloku fɔ: ‹Ilɛtsɛn' am məti tɔbɔl tam imun,› a wəkayi pəlok' im: ‹Məmun, isɔŋ sɔ yɔkɔmɛ yam yomun,› pəyɔnɛ a wəkakɔ məmpocɛ wəcar kam Isiyaka! Tɛm tatɔkɔ indecərɛ a məlasɛ wəbɛ kem Abraham layidi dɔkɔ mənasɔŋ kɔ mɔ.» |
619 | GEN 24:27 | pəcloku: «Iŋkorkor əm məna Kanu Kəpɔŋ nkɛ, Kanu ka wəbɛ kem Abraham. Məna nwɛ məntɔsak kəlas layidi ndɛ mənasɔŋ kɔ mɔ, məcyɔnɛ wəbɛ kem mɛfaŋ mɔn fəp mɔ! Kanu Kəpɔŋ məsol' em kɔ məŋkɛr' em haŋ nnɔ kəlɔ ka awɛŋc a wəbɛ kem Abraham.» |
623 | GEN 24:31 | Kɔ Labaŋ oloku: «Məder məna nwɛ Kanu kəmpocɛ mɔ! Ta ake tɔ məndeyinɛ dabaŋka-ɛ? Ifɛŋ dəkəlɔ k'ilompsɛ yɔkɔmɛ yam tofo.» |
636 | GEN 24:44 | a wəkayi pəlok' im: ‹Məbaŋ məmun məna sərka, indesɔkɛtɛ yɔkɔmɛ yam!› Wəyecəra wəkakɔ pəyɔnɛ nwɛ Kanu Kəpɔŋ kəŋcəmbərɛ wan ka wəbɛ kem Abraham mɔ! |
652 | GEN 24:60 | Kɔ ŋantolanɛ Rebeka kɔ ŋaloku kɔ: «Məna wəkirɛ kosu, məyɔnɛ wəka afum alarəm! Məyɔnɛ fum nwɛ awut-sɔ ɔn ŋandetam aterɛnɛ am mɔ!» |
702 | GEN 26:9 | Kɔ Abimɛlɛk ewe Isiyaka k'eyif kɔ: «Wəran kam ɔyɔnɛ wəran nwɛ! Ake 'sɔŋɛ ntɛ məloku su a wəkirɛ kam ɔfɔ mɔ?» Kɔ Isiyaka oloku kɔ: «Iloku ti kənesɛ disrɛ ta idefinɛ tetɔn.» |
741 | GEN 27:13 | Kɔ kɛrɛ oloku kɔ: «Tɔyɔnɛ fɔ pəlɛc papɔkɔ peder im! Məcəŋkəl gbəcərəm dim dem. Məkɔ məkɛr' em mir.» |
756 | GEN 27:28 | Kanu kəsɔŋ əm pəcaŋki pa dareŋc kɔ daka da dəntɔf: Malɔ kɔ member pəlarəm! |
757 | GEN 27:29 | Kanu Kəpɔŋ kəsɔŋɛ, afum ŋay' əm dəntɔf, Kanu kəsɔŋɛ afum ŋatontnɛn' am! Kanu kəsɔŋɛ məyi awɛŋc əm aŋa kəroŋ, Kanu kəsɔŋɛ awut a iya kam ŋatontnɛn' am dəntɔf! Kanu kəsɔŋ pəlɛc, wəkɔ ɛŋfaŋ' am pəlɛc mɔ, Kanu kəsɔŋ pətɔt wəkɔ ɛŋfaŋ' am pətɔt mɔ.» |
771 | GEN 27:43 | Awa wan kem, məcəŋkəl im! Məyɛfɛ, məkɔ məgbɔpnɛ ndena wɛŋc im wərkun Labaŋ nde Haraŋ. |
777 | GEN 28:3 | Kanu Kəpɔŋ nkɛ kəntam mes fəp doru mɔ kəpoc' am pətɔt, kəsɔŋ əm dokombəra, kəsɔŋ' am məla ntɛ tɔŋsɔŋɛ məyɔnɛ afum alarəm mɔ! |
802 | GEN 29:6 | K'eyif ŋa: «Cəke cɔ pəyi kɔ-ɛ?» Kɔ akakɔ ŋaloku kɔ: «Daka o daka! Wan kɔn wəran Rasɛl ender wəkɔ kɔ yɔcɔl yɛfɛt-yɛfɛt.» |
844 | GEN 30:13 | Kɔ Leya oloku: «Mba pəmbɔt im! Ɛy, aran ŋande ŋac-kul' em oŋ fɔ pəmbɔt əm.» K'ɔsɔŋ wan kakɔ tewe ta Aser. |
851 | GEN 30:20 | Kɔ Leya oloku: «Kanu Kəpɔŋ kəmpoc' em! Tantɛ taŋ, wos im endeyi tofo tin k'ina, bawo iŋkomɛ kɔ awut arkun camət-tin.» Kɔ Leya ewe wan wəkakɔ Sabulon. |
902 | GEN 31:28 | Məwosɛ f' em kəcup awut-sɔ em arkun kɔ awut em aran! Tantɛ taŋ məmbut amera. |
906 | GEN 31:32 | Mba məmɔmən nwɛ o nwɛ məŋnəŋkɛ canu cam afum em dacɔ mɔ, wəkakɔ eŋfi! Awɛŋc asu aŋa fɔr kiriŋ məmɔmən məlɛk mpɛ o mpɛ pɔyɔnɛ pam mɔ məkekərɛ.» Mba Yakuba ɛnacərɛ fɛ a Rasɛl eŋkiyər Labaŋ canu ca kusuŋka kəŋan. |
941 | GEN 32:13 | Ilɛtsɛn' am məbaŋ im, wɛŋc im Esay dəwaca! Bawo iŋnesɛ ta pədesut im, kɔ iya ka awut em. |
1090 | GEN 37:6 | Kɔ Isifu oloku ŋa: «Awɛŋc im aŋa, nəcəŋkəl mere mmɛ iwɛrəpna mɔ! |
1091 | GEN 37:7 | Dəkulum ayina pacsek mɛmpəlɛ. Pəwon fɛ kɔ kilim kem ka mɛmpəlɛ kəyɛfɛ kɔ kəŋcəmɛ sot! Kɔ cilim ca mɛmpəlɛ ma nəna cənder cənɔŋkər kemi, kɔ cəntontnɛnɛ ki.» |
1106 | GEN 37:22 | Kɔ Ruben oloku sɔ: «Ta nəwurɛ mecir! Nəgbal kɔ kələmp kaŋkɛ kəyi nnɔ dətɛgbɛrɛ mɔ. Ta nədeŋər kɔ kəca!» Ɛnaloku ŋa moloku mamɛ, ntɛ tɔŋsɔŋɛ pətam kəyac Isifu defi, pəkenɛ kɔ kas mɔ. |
1114 | GEN 37:30 | K'ɛŋkafəlɛ nnɔ awɛŋc aŋa ŋayi mɔ, k'oloku: «Wan nwɛ eyi fɛ sɔ nnɔ dəkələmp! Cəke indeyɔ oŋ-ɛ?» |
1117 | GEN 37:33 | Kɔ Yakuba ɛnɛpəl bi, k'oloku: «Bərumus ba wan kem bɔ! Wɛsɛm wɔlɔma wɛlɛc wɔsɔm kɔ! Wɛsɛm wɛwatəri-watəri kɔ!» |
1143 | GEN 38:23 | Kɔ Yuda oloku: «Pəmɛŋkərnɛ ca yem yɔkɔ ɔntɔmpər mɔ! Ta patɛnərnɛ malap. Bawo isom pakenɛ kɔ wir wowut kɔ məntɔnəŋk kɔ.» |
1212 | GEN 41:16 | Kɔ Isifu oloku Firawona: «Bafɔ in' ɔfɔ! Kanu kəndeloku Firawona tedisrɛ ta mere mɔn.» |
1240 | GEN 41:44 | Kɔ Firawona oloku sɔ Isifu: «In' ɔyɔnɛ Firawona! Kɔ məntɔwosɛ-ɛ atɔf ŋa Misira, ali fum ɔfɔyekti dɛ kəca, k'ɔŋkɔ yekti kəcək kɔn atɔf ŋa Misira.» |
1262 | GEN 42:9 | Kɔ Isifu ɛŋcɛm-cɛmnɛ mere mɔkɔ ɛnawɛrəp te taŋan mɔ. K'oloku ŋa: «Atɛn mes ŋɔ nəyɔnɛ! Mes ma atɔf ŋaŋɛ mɔ nənder kətɛn, nəkɔ nəloku mi aka atɔf ŋonu.» |
1264 | GEN 42:11 | Dɛwɛŋca dɔ səyɔ fəp fosu, wərkun wəkin okom su. Səsɔkɛnɛ bəkəc! Səclok' əm a dəkətɛn yeri gbəcərəm sənder.» |
1267 | GEN 42:14 | Kɔ Isifu oloku ŋa: «Tɔkɔ iloku nu mɔ, ti tɔyɔnɛ kaŋce: Atɛn mes ŋɔ nəyɔnɛ! |
1271 | GEN 42:18 | Tataka ta maas, kɔ Isifu oloku ŋa: «Nəyɔ ntɛ, tɔsɔŋɛ nu kəyi doru. Iŋnesɛ Kanu! |
1289 | GEN 42:36 | Kɔ kas kəŋan Yakuba oloku ŋa: «Awut em ŋɔ nəfaŋ kəbaŋsər im! Isifu eyi fɛ sɔ doru, Simɔŋ eyi fɛ sɔ doru, kɔ nəfaŋ sɔ kəlɛkər im Beŋyamin-ɛ! In' ɔ mamɔkɔ fəp mendetɔrəs.» |
1305 | GEN 43:14 | Intola Kanu Kəpɔŋ nkɛ kəntam mes ma doru fəp mɔ, kəsɔŋɛ wərkun wəkakɔ pəkɔ pəyɔnɛ nu nɔnɔfɔr pəsak wɛŋc konu wəkɔ osumpər mɔ nəder, nəkɛrɛnɛ sɔ Beŋyamin! Kɔ ina kɔ pəyi fɔ awut em ŋandewur im dəwaca-ɛ, awa ŋawur im dəwaca!» |
1311 | GEN 43:20 | «Nəŋaŋnɛ Wəbɛ! Sənader tɔcɔkɔ-cɔkɔ kədeway yeri. |
1314 | GEN 43:23 | Kɔ wərkun nwɛ oloku ŋa: «Ta nənesɛ bəkəc yɔfɔr nu! Kanu konu kɔ, Kanu ka papa konu kənasɔŋ nu pəsam nde lɔba yonu. Pəsam ponu pɛnader im.» Kɔ wəcamsɛ ka Isifu owurɛnɛ Simɔŋ nnɔ awɛŋc aŋa ŋayi mɔ. |
1335 | GEN 44:10 | Kɔ wəcamsɛ ka Isifu oloku ŋa: «Awa. Ine nu sim! Nwɛ o nwɛ aŋnəŋkɛ paka mɔ, ɔŋyɔnɛ wəcar kem. Nəna aləpəs aŋɛ nəŋkɔ.» |
1342 | GEN 44:17 | Kɔ Isifu oloku: «Ifɔdebəc ti tatɔkɔ! Fum nwɛ anəŋkɛ apɔt mɔ, endeyɔnɛ wəcar kem. Kɔ nəna, nəpɛrnɛ nəkɔ ndena papa konu bəkəc yoforu disrɛ.» |
1343 | GEN 44:18 | Kɔ Yuda ɔlɔtərnɛ Isifu k'oloku kɔ: «Ilɔktərn' am wəbɛ məwosɛ wəmarəs kam pəlok-lokər əm ta abəkəc ŋɛp' am nnɔ eyi mɔ! Bawo məyi pəmɔ Firawona. |
1359 | GEN 44:34 | Cəke c' intam kəlukus, ta iluksɛ wəfɛt kosu nnɔ papa kosu eyi mɔ-ɛ? Ha! Intola fɛ kənəŋk pəlɛc pɔkɔ peŋdekɔ sɔtɔ papa kosu mɔ, k'intɔluksɛ kɔ wəfɛt kosu-ɛ!» |
1362 | GEN 45:3 | Kɔ Isifu oloku awɛŋc aŋa: «In' ɔfɔ Isifu! papa kem ɔsɔrɔyi doru ba?» Mba awɛŋc aŋa ŋanatam fɛ kəluksɛ kɔ moloku ntɛ pəŋciyanɛ ŋa kənəŋk kɔ sɔ mɔ. |
1368 | GEN 45:9 | Nəroknɛ nəpɛ nde papa kem eyi mɔ. Nəkɔ nəloku kɔ: ‹Ntɛ tɔ wan kam Isifu olokuna su: Kanu kəŋcəmbər im wəkiriŋ ka atɔf ŋa Misira fəp. Ta məwon kəder nnɔ iyi mɔ! |
1387 | GEN 45:28 | Kɔ Yakuba oloku: «Ilaŋ ti oŋ! Wan kem Isifu ɔsɔrɔyi doru! Indekɔ nəŋk kɔ a ic-fi.» |
1436 | GEN 47:15 | Ntɛ gbeti ba Misira kɔ Kanahan belip mɔ, kɔ aMisira fəp ŋander nnɔ Isifu eyi mɔ. Kɔ ŋaloku: «Məsɔŋ su yeri! Cepɔ səndefi fɔr yam kiriŋ bawo gbeti beyi fɛ sɔ?» |
1446 | GEN 47:25 | Kɔ ŋaloku Firawona: «Məluksɛ su kəyi doru! Səsɔtɔ kəŋaŋnɛnɛ ka wəbɛ kosu, səndeyɔnɛ wəcar ka Firawona.» |
1450 | GEN 47:29 | Mataka ma Yakuba kəlɔtəs kəlip, k'ewe wan kɔn Isifu k'oloku kɔ: «Kɔ məfaŋ kəmar im-ɛ, məboc kəca kam aləŋk ŋem tantɔf, məlɛk' em layidi pəsoku disrɛ ndɛ məndetɔmpər' em mɔ: Ilɛtsɛn' am ta məwup im Misira! |
1468 | GEN 48:16 | Mɛlɛkɛ mmɛ mɛŋcyac im pəlɛc mɔ, mɔsɔŋɛ awut aŋɛ! Pawe ŋa tewe tem kɔ mewe ma papa kem aŋa, Abraham kɔ Isiyaka. Kanu kəsɔŋɛ ŋa kəkom pəlarəm nde atɔf ŋaŋɔkɔ dacɔ.» |
1471 | GEN 48:19 | Kɔ papa kɔn ɛfati, k'oloku: «Iŋcərɛ ti, wan kem. Iŋcərɛ ti! Nkɔn sɔ endeyɔnɛ wətem ka afum alarəm, endebɛk. Mba wɛŋc Tɔŋɔ endebɛk kɔ, awut ɔn ŋandelas tɔf fəp.» |
1476 | GEN 49:2 | Nəloŋkanɛ, nəcəŋkəl im Awut a Yakuba! Nəcəŋkəl Yisrayel papa konu! |
1483 | GEN 49:9 | Yuda, kusunuŋku kəwut kɔ məyɔnɛ. Dəkəwatəri-watəri wɛsɛm wam məyɛfɛ, wan kem! Nkɔn oŋnut wɛcək, pəfəntərɛ pəmɔ kusunuŋku. Pəmɔ kusunuŋku kəran: An' ɛntam ki kəyekti ta kəfaŋ-ɛ? |
1492 | GEN 49:18 | Iŋgbɛkər əm amera Kanu Kəpɔŋ, a məndeyac im! |
1500 | GEN 49:26 | Kətolanɛ nkɛ papa kam ontolan' am mɔ, kəŋcepər kətolanɛ pətɔt ka aŋɛ ŋaŋkom im mɔ, haŋ dəkələpsər da mɔrɔ ma doru o doru. Kətolanɛ pətɔt kaŋkɔ kəyi Isifu dəromp, dəndo domp dacɔ da Isifu nwɛ ɔyɔnɛ wəbɛ ka awɛŋc aŋa mɔ! |
1524 | GEN 50:17 | ‹Ntɛ tɔ nəŋkɔ-loku Isifu: Oh! Ilɛtsɛn' am məŋaŋnɛnɛ awɛŋc əm aŋa pəlɛc kɔ kiciya kəŋan, bawo ŋanayɔ əm pəlɛc! Ilɛtsɛn' am məŋaŋnɛ oŋ kiciya ka acar a Kanu ka papa kam!›» Kɔ Isifu ombok ntɛ analoku kɔ moloku mamɔkɔ mɔ. |
1528 | GEN 50:21 | Ndɛkəl oŋ, ta nənesɛ! Indetamɛ nu mɛfaŋ monu fəp kɔ ma awut anu.» Kɔ Isifu ontorɛ torɛ ŋa bəkəc, k'olok' lokərɛ ŋa dim d' antɔf. |
5859 | JOS 1:6 | Məyeŋk dis, məbaŋsɛ! Bawo mən' endekɔtɛnɛ afum a Yisrayel kəbaŋ atɔf ŋa kɛ nŋɛ inadɛrəm kəsɔŋ atem aŋan mɔ. |
5860 | JOS 1:7 | Məyeŋk dis gbaŋ, məbaŋsɛ! Məgbətnɛ məkɔt dɔpɔ ndɛ Musa wəcar kem omboc' am mɔ: Ta məkɔ kəca kətɔt, ta məkɔ kəca kəmeriya, ntɛ tɔŋsɔŋ' am kətam mes fəp nnɔ o nnɔ məŋkɔ mɔ. |
5861 | JOS 1:8 | Ta buk ba sariyɛ mbɛ bɔbɔl' am dəkusu! Məc-nəm-nəmnɛ daŋ pibi məgbətnɛ, məkɔt tɔkɔ buk bambɛ boloku mɔ, itɔ məŋsolnɛ dɔpɔ dɔtɔt, it' ɔŋsɔŋɛ mətam mes fəp. |
5870 | JOS 1:17 | Səndecəŋkəl' am pəmɔ tɔkɔ sənacəŋkəlɛ Musa mɔ. Tes tin gbəcərəm tɛbas su: A Kanu Kəpɔŋ Kanu kam kəŋsol' am pəmɔ tɔkɔ kənasolɛ Musa mɔ! |
5871 | JOS 1:18 | Nwɛ o nwɛ endetaŋər' əm aləŋəs, pəyeŋkər dim dam dobomp mɔ, andif kɔ. Məyeŋk dis gbaŋ, məbaŋsɛ! |
5872 | JOS 2:1 | Kɔ Yosuwe wan ka Nun osom afum mɛrəŋ dim dantɔf kəyɛfɛ ka Sitim, pəc-loku ŋa: «Nəkɔ, nəkɔkcɛ antɔf ŋaŋɔkɔ kɔ dare da Yeriko! Kɔ afum akakɔ ŋaŋkɔ ŋabɛrɛ nde kəlɔ ka wəran wətɔtam kəloto kɔn mɔ, pac-we kɔ Rahabu, kɔ ŋaŋcepərɛnɛ pibi nde ndɔrɔn. |
5885 | JOS 2:14 | Kɔ arkun aŋɛ ŋaloku wəran nwɛ: «Səwosɛ kəfinɛ tetam, mba ta mədeloku afum tɔkɔtɛnɛ tosu de! Kɔ Kanu Kəpɔŋ kəndesɔŋ su atɔf-ɛ, səndebɔt mera səlasɛnɛ sɔ layidi nnɔ məyi mɔ.» |
5889 | JOS 2:18 | Awa, məcəŋkəl im! Tɛm ntɛ səndebɛrɛ dare mɔ, mɛnɛ məkotər tafəc peyim nde wundɛr wɔkɔ mənatorɛnɛ su mɔ. Məcəmbərərnɛ iya wəkam, papa wəkam, awɛŋc'əm aŋa arkun aran, afum am fəp nde kəlɔ kam. |
5890 | JOS 2:19 | Nwɛ o nwɛ ɛŋcali kusuŋka kaŋkɔ a pəwur mɔ, ɛsarɛ teta mecir mɔn ndena Kanu Kəpɔŋ, mba kaŋkɔ pagbuŋɛnɛ wəkin nu dacɔ-ɛ, səsarɛ teta mecir ma wəkayi! |
5899 | JOS 3:4 | Mba nəbɔlɛnɛ ki abara masar kəcamət, ta nəlɔtərnɛ ki de! Tɛm tatɔkɔ, nəŋcərɛ dɔpɔ dɔkɔ pəmar a nəkɔ mɔ, bawo nəntacepər fɛ dɔpɔ dandɛ tɔcɔkɔ-cɔkɔ.» |
5961 | JOS 6:10 | Mba Yosuwe ɛnaloku afum: «Ta nəkɔ-kulɛ-kulɛ de! Ta nəkɔ-yɔ pane nu sim de! Ta nwɛ o nwɛ pəkɔ-loku toloku haŋ dɔsɔk ndɛ indeloku nu a nəkulɛ-kulɛ mɔ! Tɛm tatɔkɔ nəkulɛ-kulɛ sim sa kəwan .» |
5967 | JOS 6:16 | Kənɔŋkər ka camət-mɛrəŋ kɔ aloŋnɛ ŋafula lɛn, kɔ Yosuwe oloku afum: «Nəkulɛ-kulɛ sim sa kəwan, bawo Kanu Kəpɔŋ kəsɔŋ un dare dandɛ! |
5981 | JOS 7:3 | Kɔ ŋaluksərnɛ nnɔ Yosuwe eyi mɔ, kɔ ŋaloku kɔ: «Ta afum fəp ŋapɛ de! Afum mɛcəp mɛrəŋ, kɔ pəyi fɛ ti-ɛ, afum mɛcəp maas ŋapɛ, ŋa ŋantam kəsut Hay! Ta nəlɔləs afum dis, bawo akɔ pəmar a payɛfərɛnɛ mɔ, ŋala fɛ.» |
5985 | JOS 7:7 | Kɔ Yosuwe oloku: «Mariki Kanu Kəpɔŋ, ta ake tɔ məŋcɔŋsɛ afum kəcali ka kəŋgbɔkɔ ka Yurdɛn-ɛ kədelɛk su məbɛr aka Amɔr dəwaca, kəmələk su kɔ məfaŋ? Kəyi kosu Yurdɛn ntende dec dɛmpɛ mɔ kəŋcepər su kəder ka nnɔ! |
5986 | JOS 7:8 | Məŋaŋɛnɛn' em Mariki! Cəke c’ ideloku oŋ-ɛ?: ‹Yisrayel ŋayɛksər aterɛnɛ aŋan.› |
5989 | JOS 7:11 | Aka Yisrayel ŋaŋciya! Ŋaləsər temer pɔkɔ inasɔŋ ŋa mɔ. Ɛy, ŋalɛkərnɛ ca cəlɔma nyɛ inaloku ŋa kəbɛrɛnɛ yi daka dem mɔ. Ŋaŋkiyɛ ŋa yati, kɔ ŋamɛŋk ca cəlɔma dəyɛsarɛ yaŋan. |