1	GEN 1:1	À káaku Luda musu kↄ̃n tↄↄtɛo kɛ̀.
2	GEN 1:2	Guu da pãmɛ à kɛkɛnaro, gusiaa bé à da ísiaala, ben Luda Ninii e yàa paa í pìla.
3	GEN 1:3	Ben Luda bè: Guu pu! Ben guu pù.
6	GEN 1:6	Ben Luda bè: Bàtuma gↄ̃ kú ínↄ dagura lɛ à í pìnↄ kɛ̃kↄ̃a.
9	GEN 1:9	Ben Luda bè: Í kɛ̀ kú gĩzĩ kakↄ̃a gu dↄ̃nkↄ̃n, gukori bↄ. Ben à kɛ̀ lɛ.
11	GEN 1:11	Ben Luda bè: Lánↄ bↄɛ tↄↄtɛ kↄ̃n sɛ̃̀ wɛ́ɛdeenↄ kↄ̃n lí nɛ́deenↄ, baade kↄ̃n a boriio. Ben à kɛ̀ lɛ,
12	GEN 1:12	lánↄ bↄ̀ɛ tↄↄtɛ kↄ̃n sɛ̃̀ wɛ́ɛdeenↄ kↄ̃n lí nɛ́deenↄ, baade kↄ̃n a boriio. Ben Ludaa è à kɛ̀ maa.
14	GEN 1:14	Ben Luda bè: Pↄ́ gupurinↄ gↄ̃ kú musu aↄ̃gↄ̃ fãantɛ̃ kɛ̃ɛkↄ̃a kↄ̃n gwãavĩo, aↄ̃gↄ̃ wɛ̃̀ sèedanↄ kↄ̃n gurↄↄnↄ kↄ̃n wɛ̃̀nↄ ↄdↄańnɛ.
20	GEN 1:20	Ben Luda bè: Pↄ́ wɛ̃̀ndideenↄ í pa yɛ́lɛlɛ, bãanↄ dagula musu aↄ̃gↄ̃ vĩaa bàtumaa.
24	GEN 1:24	Ben Luda bè: Pↄ́ wɛ̃̀ndideenↄ bↄɛ tↄↄtɛa, pↄ́kãdeenↄ kↄ̃n pↄ́taa'onkusɛanↄ kↄ̃n nↄ̀bↄsɛ̃tɛnↄ, baade kↄ̃n a boriio. Ben à kɛ̀ lɛ.
25	GEN 1:25	Luda nↄ̀bↄsɛ̃tɛnↄ kɛ̀ baade kↄ̃n a boriio. À pↄ́kãdeenↄ kɛ̀ baade kↄ̃n a boriio. À pↄ́taa'onkusɛanↄ kɛ̀ baade kↄ̃n a boriio. Ben à è à kɛ̀ maa.
26	GEN 1:26	Ben Luda bè: Wà gbɛ̃ntee kɛ wa taka ũ, aↄ̃gↄ̃ dɛ wa bà, aↄ̃gↄ̃ kí blee kpↄ̀nↄa kↄ̃n bãanↄ kↄ̃n pↄ́kãdeenↄ kↄ̃n nↄ̀bↄsɛ̃tɛnↄ kↄ̃n pↄ́taa'onkusɛanↄ píngi.
27	GEN 1:27	Ben Luda gbɛ̃ntee kɛ̀ a zĩnda taka ũ. À zĩnda takan à ń kɛ́ à ũ. À ń kɛ́ gↄ̃gbɛ̃ kↄ̃n nↄgbɛ̃o.
29	GEN 1:29	Ben Luda bè: Ma pↄ́ wɛ́ɛdee kɛ̀ kú tↄↄtɛanↄ kpàawa a pↄ́blee ũ píngi kↄ̃n lí nɛ́deenↄ píngi.
31	GEN 1:31	Luda pↄ́ kɛ̀ à kɛ̀nↄ è píngi, à kɛ̀ maa wásawasa. Guu sì guu dↄ̀, à gurↄ swɛɛdodeen gwe.
32	GEN 2:1	Lɛn Luda musu kↄ̃n tↄↄtɛo kɛ̀ lɛ kↄ̃n ń pↄ́nↄ píngi.
35	GEN 2:4	Musu kↄ̃n tↄↄtɛo naana yãn yɛ̀. Gurↄↄ kɛ̀ Dii Luda tↄↄtɛ kↄ̃n musuo kɛ̀,
36	GEN 2:5	bura pↄ́kee e bↄɛ tↄↄtɛa kↄ̀ro, baa sɛ̃̀, zaakɛ Dii Ludaa e tó lou màro, bensↄ̃ gbɛ̃kee kuu à tↄↄtɛ zĩi kɛro.
38	GEN 2:7	Dii Luda gↄ̃gbɛ̃ í kàsa kↄ̃n bùsutio, ben à ĩa wɛ̃̀ndidee vù à yĩn, ben gↄ̃gbɛ̃ pì gↄ̃̀ gbɛ̃ bɛ̃ɛ ũ.
39	GEN 2:8	Dii Luda swadako dìɛ ↄfãntɛ̃bↄɛ kpa kɛ̀ wè be Ɛdɛni, ben à gↄ̃gbɛ̃ kɛ̀ à kɛ̀ pì dà gwe.
40	GEN 2:9	Dii Luda tò lí bori píngi bↄ̀ɛ tↄↄtɛa. Lí pìnↄↄ maa, bensↄ̃ ń bɛ blena nna. Lí wɛ̃̀ndide kú dàko pì gura. Lí kɛ̀ è dↄ̃na maa kↄ̃n à zaaao ińnɛ kú gwe dↄ.
46	GEN 2:15	Dii Luda gↄ̃gbɛ̃ pì dìɛ Ɛdɛni dàko pì guu lɛ àgↄ̃ à zĩi kɛ àgↄ̃ gwaa.
49	GEN 2:18	Dii Luda bè: Gↄ̃gbɛ̃ kuuna adoo maaro. Mɛ́ dↄnlɛri kɛnɛ à gbɛ̃ndoo ũ.
50	GEN 2:19	Ben Dii Luda bùsu kↄ̀ à nↄ̀bↄnↄ kɛ̀o píngi kↄ̃n bãanↄ píngi, ben à mↄ̀ńyo gↄ̃gbɛ̃ pì kiia lɛ à e dian eé tↄ́ kpáńnɛ nà. Tↄ́ kɛ̀ gↄ̃gbɛ̃ pì kpà pↄ́ wɛ̃̀ndidee pìnↄnɛ píngi gↄ̃̀ ń tↄ́ ũ.
52	GEN 2:21	Ben Dii Luda i ìsi dà gↄ̃gbɛ̃ pìla. Kɛ̀ èe ii oo, ben à à gbã̀ntɛ̃wa mɛ̀n doo bↄ̀, ben à à mɛ̀baasi tàta a gbɛ̀n.
54	GEN 2:23	Ben gↄ̃gbɛ̃ pì bè: Kɛ̀ki wá bↄ̀ ma wá guumɛ, à mɛ̀ sↄ̃ bↄ̀ ma mɛ̀ guumɛ. Weé à sísi nↄgbɛ̃, kɛ̀ Luda à bↄ̀ gↄ̃gbɛ̃ guu yãnzi.
57	GEN 3:1	Mlɛ̃̀ bé à mↄnafiki vĩ dɛ pↄ́ kɛ̀ Dii Ludaa kɛ̀nↄla píngi, ben à nↄgbɛ̃ là à bè: Luda bè àton dàko pì lí ke bɛɛ blenloo?
59	GEN 3:3	mↄde lí kɛ̀ kú dàko pì gura súusu, Luda bè wàton à bɛɛ blero wàton ↄ kɛa sero, lɛ wàton garo yãnzi.
61	GEN 3:5	Zaakɛ Ludaa dↄ̃ kɛ̀ tó á blè, a wɛ́ɛ é kɛ̃ é gↄ̃ lán a bà, égↄ̃ à maaa dↄ̃ kↄ̃n à zaaao.
64	GEN 3:8	Kɛ̀ gↄ̃gbɛ̃ kↄ̃n a naↄ̃o Dii Luda kĩi mà èe táa oo dàko pì guu uusiɛ, ben aↄ̃ ùtɛnɛ dàko pì lán.
65	GEN 3:9	Ben Dii Luda lɛ́ zù gↄ̃gbɛ̃zi à bè: Ń kú mámɛ?
67	GEN 3:11	Ben Dii Luda à là à bè: Dé bé à ònnɛ ń kú bũuu? Lí kɛ̀ ma ginnɛ ǹ à bɛɛ ble, ń blèn yↄ́?
69	GEN 3:13	Ben Dii Luda nↄgbɛ̃ là à bè: Bↄ́yãnzi ń kɛ̀ lɛzi? À wèàla à bè: Mlɛ̃̀ bé à ma kɛkɛ, ben má blè.
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gↄ̃ dɛ láari pↄ́ ũ pↄ́kãdeenↄ kↄ̃n nↄ̀bↄsɛ̃tɛnↄ tɛ́ píngi, n gbɛɛɛn nɛ́gↄ̃ gáɛɛ, bùsutin nɛ́gↄ̃ blee ai n wɛ̃̀ndi lɛ́n.
73	GEN 3:17	Ben à bè gↄ̃gbɛ̃nɛ: Lán n n naↄ̃ yã mà nà, lí kɛ̀ ma ginnɛ ǹ à bɛɛ blee ń blè, tↄↄtɛ gↄ̃̀ láari pↄ́ ũ n yãnzi, ↄsi kↄ̃n ↄsiion nɛ́gↄ̃ pↄ́blee en ai n wɛ̃̀ndi lɛ́n.
77	GEN 3:21	Dii Luda báa uta kɛ̀ Adamunɛ kↄ̃n à naↄ̃o, ben à dàńnɛ.
79	GEN 3:23	Ben Dii Luda pɛ̀a à à bↄ̀ Ɛdɛni dàko pì guu. Ben Adamu gàa à tↄↄtɛ kɛ̀ Luda à bↄ̀n zĩi kɛ.
80	GEN 3:24	Kɛ̀ Dii Luda pɛ̀a, ben à kɛrubunↄ kàɛ Ɛdɛni dàko ↄfãntɛ̃bↄɛ kpa, lɛ aↄ̃gↄ̃ lí wɛ̃̀ndide zɛ́ dãkpaa kↄ̃n fɛ̃ɛdaa kɛ̀ èe tɛ́ kɛɛ èe liɛliɛɛo.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
98	GEN 4:18	Ɛnↄku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
99	GEN 4:19	Lamɛki nↄↄ sɛ̀ mɛ̀n plaa, à doo tↄ́n Ada, à doo sↄ̃ Zila.
103	GEN 4:23	Ben Lamɛki bè a naↄ̃ↄnↄnɛ: Ada kↄ̃n Zilao, à ma yã ma, ma naↄ̃nↄ, à swã kpá ma yãzi. Gbɛ̃ke ma kɛ̃nna, ben ma à dɛ̀, gↄ̃kparɛ pì ma lɛmɛ, ben ma à kàatɛ.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamↄma Lamɛki ma pↄ́ sↄ̃, gɛ̃̀n baaagↄ̃ akuri awɛɛswɛɛplaamɛ.
105	GEN 4:25	Adamu dàɛ kↄ̃n a naↄ̃o dↄ, ben à nɛ́gↄ̃gbɛ̃ ì. À tↄ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
107	GEN 5:1	Adamu boriinↄ yãn yɛ̀. Gurↄↄ kɛ̀ Luda gbɛ̃nteenↄ kɛ̀, à ń kɛ́ lán a bàmɛ.
128	GEN 5:22	À gbɛra à táa ò kↄ̃n Ludao ai wɛ̃̀ wàa do kpɛ́ basↄↄro à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
130	GEN 5:24	À táa ò kↄ̃n Ludao, ben wà kòrazi, kɛ̀ Luda à sɛ̀ bↄna anduna guu yãnzi.
131	GEN 5:25	Mɛtusela wɛ̃̀ bakɛ̃ndo awɛɛswɛɛplaadee guun à Lamɛki ì.
134	GEN 5:28	Lamɛki kɛ̀ wɛ̃̀ bakɛ̃ndo awɛɛplaa, ben à nɛ́gↄ̃gbɛ̃ ì.
136	GEN 5:30	Nuu ina gbɛra Lamɛki kɛ̀ wɛ̃̀ wàa aagↄ̃ sↄↄrosai à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
140	GEN 6:2	ben Luda nɛ́nↄↄ è gbɛ̃ntee nɛ́nↄgbɛ̃ pìnↄↄ maa, ben aↄ̃ↄe ń sɛɛ ń pↄyezia.
142	GEN 6:4	Gbɛ̃ gbã̀anↄↄ kú anduna guu gurↄ beeea kↄ̃n gurↄ beee gbɛraao dↄ, gurↄↄ kɛ̀ Luda nɛ́ pìnↄ gbɛ̃ntee nɛ́nↄgbɛ̃nↄ dↄ̃̀ nↄgbɛ̃nↄ ũ, ben aↄ̃ nɛ́nↄ ìńyo. Aↄ̃ nɛ́ pìnↄn gↄ̃sagbãaa kɛ̀ aↄ̃ tↄ́ bↄ̀ zaa káakunↄ ũ.
147	GEN 6:9	Nuu boriinↄ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kↄ̃n Ludao.
149	GEN 6:11	Ludaa è anduna gbɛ̃nↄ yàka ń píngi, taarikɛna anduna pà.
150	GEN 6:12	Kɛ̀ Luda anduna gwà, à è à yàka, zaakɛ gbɛ̃ sãnda píngi kɛ̃̀ ń zɛ́a.
151	GEN 6:13	Ben Luda bè Nuunɛ: Mɛ́ gbɛ̃ sãnda píngi kaatɛ, zaakɛ aↄ̃ yãnzin taarikɛna dà andunalazi. Mɛ́ ń kaatɛ lɛdo kↄ̃n andunaomɛ.
160	GEN 6:22	Ben Nuu kɛ̀ lɛ à yã kɛ̀ Ludaa ònɛ kɛ̀ píngi.
169	GEN 7:9	mↄ̀ Nuu kiia góro guu mɛ̀n plaplaa da kↄ̃n à kyào lán Ludaa ònɛ nà.
172	GEN 7:12	Lou mà ai gurↄ baplaa fãantɛ̃ kↄ̃n gwãavĩo.
176	GEN 7:16	Pↄ́ wɛ̃̀ndideenↄ bori píngi gɛ̃̀ da kↄ̃n à kyào lán Ludaa dìɛnɛ nà. Ben Dii gbà tàtańlɛ.
177	GEN 7:17	Lou mà ai gurↄ baplaa. Kɛ̀ í e kaara, ben à góro pì sɛ̀ tↄↄtɛla.
183	GEN 7:23	Luda pↄ́ wɛ̃̀ndidee kɛ̀ aↄ̃ↄ kú sĩ̀sĩaanↄ kàatɛ píngi. À gbɛ̃nteenↄ kↄ̃n nↄ̀bↄnↄ kↄ̃n pↄ́taa'onkusɛanↄ kↄ̃n bãanↄ kàatɛ anduna guu. Nuu bé à bↄ̀ ado kↄ̃n pↄ́ kɛ̀ aↄ̃ↄ kúo góro guunↄ.
185	GEN 8:1	Nuu kↄ̃n nↄ̀bↄsɛ̃tɛnↄ kↄ̃n pↄ́kãdee kɛ̀ aↄ̃ↄ kúo góro guunↄ píngi yã dↄ̀ Ludan. Kɛ̀ à ĩa gbàrɛ tↄↄtɛa, ben í nà babanaa.
199	GEN 8:15	Ben Luda yã ò Nuunɛ à bè:
207	GEN 9:1	Ben Luda aubarika dà Nuun kↄ̃n à nɛ́nↄ à bèńnɛ: Àgↄ̃ nɛ́ ii àgↄ̃ kaara à anduna pa.
214	GEN 9:8	Luda bè Nuunɛ kↄ̃n à nɛ́nↄ dↄ:
218	GEN 9:12	Ben Luda ɛ̀ara à bè: Ma bà égↄ̃ kúao kↄ̃n pↄ́ wɛ̃̀ndidee kɛ̀ aↄ̃ↄ kúaonↄ ai gurↄ píngimɛ. À sèedan yɛ̀.
223	GEN 9:17	Ben Luda bè Nuunɛ: Ma bà kuuna kↄ̃n pↄ́ wɛ̃̀ndidee kɛ̀ aↄ̃ↄ kú anduna guu píngio sèedan gwe.
232	GEN 9:26	Ben à bè: Aubarikadeen Dii, Sɛmu Luda ũ, Kanaanↄ égↄ̃ dɛ Sɛmunↄ zↄ̀nↄ ũ.
233	GEN 9:27	Luda kaarana kɛ Yafɛtinɛ, Yafɛtinↄ ń baka e Sɛmunↄ aubarika guu, Kanaanↄ égↄ̃ dɛ Yafɛtinↄ zↄ̀nↄ ũ.
241	GEN 10:6	Hamu nɛ́gↄ̃gbɛ̃nↄ tↄ́n yɛ̀: Etiopia, Igipiti, Libia kↄ̃n Kanaao.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlↄdu dɛ tofe sà ũ Dii aɛzĩ nà.
248	GEN 10:13	Igipiti boriinↄn yɛ̀: Ludunↄ, Anamunↄ, Lɛabanↄ, Nafatunↄ,
254	GEN 10:19	Aↄ̃ bùsu lɛ́zɛkiin yɛ̀. Bↄna zaa Sidↄ̃ gana Gera kɛ̀ kú Gaza saɛ ai Sↄdↄmu kↄ̃n Gↄmↄrao kↄ̃n Adamao kↄ̃n Zeboimu kɛ̀ kú Lasa saɛo.
257	GEN 10:22	Sɛmu nɛ́gↄ̃gbɛ̃nↄ tↄ́n yɛ̀: Elamu, Asiria, Apasada, Ludu kↄ̃n Aramuo.
269	GEN 11:2	Lán gbɛ̃nↄↄ e sↄ̃ki kpákpaa ↄfãntɛ̃bↄɛ kpa nà, kɛ̀ aↄ̃ kà Babilↄnia bùsu gusararaan, ben aↄ̃ vɛ̃̀ɛ gwe.
294	GEN 11:27	Tera boriinↄ yãn yɛ̀. Tera Abramu kↄ̃n Nao kↄ̃n Aranao ì, ben Arana Lutu ì.
298	GEN 11:31	Ben Tera a nɛ́ Abramu kↄ̃n a dio Lutuo kↄ̃n Abramu naↄ̃ Saraio sɛ̀ bↄna Uru, Kaladia bùsun, aↄ̃ↄe gaa Kanaa bùsun. Kɛ̀ aↄ̃ kà Arana, aↄ̃ vɛ̃̀ɛ gwe.
303	GEN 12:4	Ben Abramu dà zɛ́n lán Dii ònɛ nà. Lutu gàao. À wɛ̃̀ basiigↄ̃ sↄↄrosaidee guun à bↄ̀ Arana
304	GEN 12:5	kↄ̃n a naↄ̃ Saraio kↄ̃n a vĩ̀i nɛ́ Lutuo kↄ̃n ń auziki kɛ̀ aↄ̃ↄ vĩinↄ kↄ̃n gbɛ̃ kɛ̀ aↄ̃ↄ sɛ̀ gweenↄ. Lɛn aↄ̃ bↄ̀ Arana lɛ aↄ̃ dà Kanaa zɛ́n. Kɛ̀ aↄ̃ kà gwe,
312	GEN 12:13	Ǹ beńnɛ ma dãremɛ n ũ lɛ wà ma sí ↄplaplaa n yãnzi. Lán nɛ́ ma mì sí nàn gwe.
320	GEN 13:1	Ben Abramu bↄ̀ Igipiti à sù Nɛgɛvi kↄ̃n a naↄ̃o kↄ̃n a auzikinↄ píngi kↄ̃n Lutuo.
324	GEN 13:5	Lutu ègↄ̃ tɛ́ kↄ̃n Abramuo lɛdo. À sãanↄ kↄ̃n zùnↄ kↄ̃n bisakutaanↄ vĩ se.
326	GEN 13:7	Ben lɛokpakↄ̃a gɛ̃̀ Abramu pↄ́dãrinↄ kↄ̃n Lutu pↄ́dãrinↄ dagura. Zĩ beeea sↄ̃ Kanaanↄ kↄ̃n Pɛrizinↄↄ kú bùsu pìn.
327	GEN 13:8	Ben Abramu bè Lutunɛ: À maa lɛokpakↄ̃a gↄ̃ kú wa daguraro, ke ma pↄ́dãrinↄ kↄ̃n n pↄ́dãrinↄ dagura, zaakɛ danɛnↄn wa ũ.
329	GEN 13:10	Kɛ Lutu guu gwà, à è Yoda guzurɛ píngi mↄdↄ vĩ maamaa. Ai Dii gↄ̃ gá Sↄdↄmu kↄ̃n Gↄmↄrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
330	GEN 13:11	Ben Lutu Yoda guzurɛ sɛ̀ píngi. Aↄ̃ kɛ̃̀kↄ̃a, ben Lutu dà zɛ́n à tà ↄfãntɛ̃bↄɛ kpa.
331	GEN 13:12	Abramu gↄ̃̀ Kanaa bùsun, Lutu sↄ̃ↄ kú Yoda guzurɛ wɛ́tɛnↄ dagura. À bùra kàɛ Sↄdↄmu saɛ.
333	GEN 13:14	Lutu tana gbɛra Dii bè Abramunɛ: Guu kɛ̀ ń zɛ́n ǹ wɛ́ɛ sɛ́ ǹ gu'igbãro kↄ̃n sↄↄmɛtɛo kↄ̃n ↄfãntɛ̃bↄɛo kↄ̃n ↄfãntɛ̃gɛ̃kpɛn-o gwa.
349	GEN 14:12	Gurↄↄ mↄ̀a Abramu vĩ̀i nɛ́ Lutu kú Sↄdↄmu, ben aↄ̃ à kũ̀ wà tào kↄ̃n à auzikinↄ.
353	GEN 14:16	À lìara à sù kↄ̃n auziki pìnↄ píngi kↄ̃n a vĩ̀i nɛ́ Lutuo kↄ̃n à auzikinↄ. À sù kↄ̃n nↄgbɛ̃nↄo kↄ̃n gbɛ̃ pãndenↄ dↄ.
355	GEN 14:18	Ben Salɛmu kí Mɛlɛkizɛdɛki mↄ̀ kↄ̃n burɛdio kↄ̃n geepiwɛ̃ɛo. Àpi nɛ́ Luda Musude gbã̀gbãrimɛ.