2	GEN 1:2	Guu da pãmɛ à kɛkɛnaro, gusiaa bé à da ísiaala, ben Luda Ninii e yàa paa í pìla.
47	GEN 2:16	Ben à yã dìɛnɛ à bè: Nɛ́ fↄ̃ ǹ dàko pì lí píngi bɛɛ ble,
68	GEN 3:12	À wèàla à bè: Nↄgbɛ̃ kɛ̀ ń kpàma àgↄ̃ kúmao bé à lí pì bɛɛ kpàma má blè.
72	GEN 3:16	Ben à bè nↄgbɛ̃nɛ: Mɛ́ n nↄ̀sina wãwãa kaarannɛ, nɛ́gↄ̃ nɛ́ ii wãwãao. N zã nii égↄ̃ kúmmamɛ, eégↄ̃ gbãa vĩ n musu.
87	GEN 4:7	Tó n yã maaa kɛ̀, mɛ́ n síroo? Tó nɛ́ɛ yã maaa kɛ sↄ̃ro, durun naɛnnɛ n kpɛɛlɛ. N nii e à dɛɛ, séde ǹ zĩ̀ blea.
90	GEN 4:10	Ben Dii bè: Bↄ ń kɛ̀? N dãaro aru e lɛ́ zuumazi zaa tↄↄtɛ.
92	GEN 4:12	Tó n bú bà, tↄↄtɛ é àre kɛnnɛro. Nɛ́gↄ̃ sↄ̃ki kpákpaa ǹgↄ̃ likↄ̃aa zↄ̃ↄ anduna guu.
94	GEN 4:14	Nɛ́ɛ pɛɛma tↄↄtɛ kɛ̀a gbã̀amɛ sa. Mɛ́ kɛ̃kↄ̃anyo sa. Mɛ́gↄ̃ sↄ̃ki kpákpaa màgↄ̃ likↄ̃aa zↄ̃ↄ anduna guu, gbɛ̃ kɛ̀ kpàkũmao é ma dɛ.
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nↄdu bùsun Ɛdɛni ↄfãntɛ̃bↄɛ kpa.
102	GEN 4:22	Zila sↄ̃ bé à Tubala Kaini ì. Sian à ũ. È pↄ́ píngi pi kↄ̃n mↄ̀sio kↄ̃n mↄ̀gotɛ̃o. À dãre tↄ́n Naama.
135	GEN 5:29	À tↄ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tↄↄtɛnɛ yãnzimɛ.
136	GEN 5:30	Nuu ina gbɛra Lamɛki kɛ̀ wɛ̃̀ wàa aagↄ̃ sↄↄrosai à nɛ́ pãndenↄ ì dↄ gↄ̃gbɛ̃nↄ kↄ̃n nↄgbɛ̃nↄo.
138	GEN 5:32	Kɛ̀ Nuu kà wɛ̃̀ wàa plaa kpɛ́ basↄↄro, à Sɛmu kↄ̃n Hamuo kↄ̃n Yafɛtio ì.
141	GEN 6:3	Ben Dii bè: Ma Ninii égↄ̃ kú gbɛ̃nteenↄ guu gurↄ píngiro, zaakɛ mɛ̀baadeemɛ. À gurↄↄnↄ égↄ̃ wɛ̃̀ baswɛɛdo.
146	GEN 6:8	Mↄde Nuu Dii pↄnnaa è.
147	GEN 6:9	Nuu boriinↄ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kↄ̃n Ludao.
148	GEN 6:10	Nuu nɛ́gↄ̃gbɛ̃nↄ ì gↄ̃ↄn aagↄ̃, Sɛmu kↄ̃n Hamuo kↄ̃n Yafɛtio.
151	GEN 6:13	Ben Luda bè Nuunɛ: Mɛ́ gbɛ̃ sãnda píngi kaatɛ, zaakɛ aↄ̃ yãnzin taarikɛna dà andunalazi. Mɛ́ ń kaatɛ lɛdo kↄ̃n andunaomɛ.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basↄↄro, à yàasa gã̀sãsuu baplaa akuri, à lezĩ sↄ̃ gã̀sãsuu baaakuri.
156	GEN 6:18	Mↄde ma bà égↄ̃ kúnyo. Nɛ́ gɛ̃ góro pì guu kↄ̃n n nɛ́gↄ̃gbɛ̃nↄ kↄ̃n n naↄ̃o kↄ̃n n nɛ́nↄ naↄ̃ↄnↄo.
157	GEN 6:19	Nɛ́ pↄ́ wɛ̃̀ndide píngi sɛ́ ǹ gɛ̃ńyo mɛ̀n plaplaa lɛ aↄ̃égↄ̃ kú wɛ̃̀ndio.
160	GEN 6:22	Ben Nuu kɛ̀ lɛ à yã kɛ̀ Ludaa ònɛ kɛ̀ píngi.
161	GEN 7:1	Ben Dii bè Nuunɛ: Ǹ gɛ̃ góro guu kↄ̃n n bɛdeenↄ, zaakɛ ḿbe ma n e yãnnadee ũ tↄ̃ↄrigbɛ̃nↄ tɛ́.
165	GEN 7:5	Nuu yã kɛ̀ Dii ònɛ kɛ̀ píngi.
166	GEN 7:6	Gurↄↄ kɛ̀ í dà andunala, Nuu kuu wɛ̃̀ wàa aagↄ̃mɛ.
169	GEN 7:9	mↄ̀ Nuu kiia góro guu mɛ̀n plaplaa da kↄ̃n à kyào lán Ludaa ònɛ nà.
171	GEN 7:11	Nuu wɛ̃̀ wàa aagↄ̃dee guu à mↄ plaade gurↄ gɛ̃ro awɛɛplaadee zĩ, ben í kɛ̀ kú tↄↄtɛ gĩzĩnↄ pũ̀tã píngi, ben ludambɛ fòonↄ fↄ̃̀.
173	GEN 7:13	Zĩ beeean Nuu gɛ̃̀ góro guu kↄ̃n a nɛ́nↄ Sɛmu kↄ̃n Hamuo kↄ̃n Yafɛtio kↄ̃n api naↄ̃o kↄ̃n a nɛ́nↄ naↄ̃ↄnↄ gↄ̃ↄn aagↄ̃,
175	GEN 7:15	Pↄ́ kɛ̀ aↄ̃è wesaa bonↄ mↄ̀ Nuu kiia góro guu bori kↄ̃n boriio mɛ̀n plaplaa.
183	GEN 7:23	Luda pↄ́ wɛ̃̀ndidee kɛ̀ aↄ̃ↄ kú sĩ̀sĩaanↄ kàatɛ píngi. À gbɛ̃nteenↄ kↄ̃n nↄ̀bↄnↄ kↄ̃n pↄ́taa'onkusɛanↄ kↄ̃n bãanↄ kàatɛ anduna guu. Nuu bé à bↄ̀ ado kↄ̃n pↄ́ kɛ̀ aↄ̃ↄ kúo góro guunↄ.
185	GEN 8:1	Nuu kↄ̃n nↄ̀bↄsɛ̃tɛnↄ kↄ̃n pↄ́kãdee kɛ̀ aↄ̃ↄ kúo góro guunↄ píngi yã dↄ̀ Ludan. Kɛ̀ à ĩa gbàrɛ tↄↄtɛa, ben í nà babanaa.
190	GEN 8:6	Gurↄ baplaa gbɛra Nuu góro windo kɛ̀ à bↄ̀ yãa wɛ̃̀,
193	GEN 8:9	Kɛ̀ pↄ̃tɛ̃ɛ e zↄ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ↄↄ bↄ̀ à kũ̀ à gɛ̃̀o góro guu.
195	GEN 8:11	Pↄ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dↄ̃ kɛ í làgo tↄↄtɛa.
197	GEN 8:13	Nuu wɛ̃̀ wàa aagↄ̃ awɛɛdodee guu à mↄ káaku gurↄ káaku zĩ, í bàba tↄↄtɛa, ben à góro pì musu gò. Kɛ̀ à guu gwà, à è í yã̀a tↄↄtɛa.
199	GEN 8:15	Ben Luda yã ò Nuunɛ à bè:
202	GEN 8:18	Ben Nuu bↄ̀ kↄ̃n a nɛ́nↄ kↄ̃n a naↄ̃o kↄ̃n a nɛ́ pìnↄ naↄ̃ↄnↄo.
203	GEN 8:19	Nↄ̀bↄnↄ píngi kↄ̃n pↄ́taa'onkusɛanↄ píngi kↄ̃n bãanↄ píngi kↄ̃n pↄ́ kɛ̀ aↄ̃è táa o tↄↄtɛanↄ píngi bↄ̀ɛ góro guu bori kↄ̃n boriio.
204	GEN 8:20	Ben Nuu Dii gbãgbãkii bò. À nↄ̀bↄ kↄ̃n bãa kɛ̀ wè saa oonↄ kũ̀, ben à sa'opↄ kɛ̀ wè ká tɛ́n à tɛ́ kũ òa.
207	GEN 9:1	Ben Luda aubarika dà Nuun kↄ̃n à nɛ́nↄ à bèńnɛ: Àgↄ̃ nɛ́ ii àgↄ̃ kaara à anduna pa.
208	GEN 9:2	Nↄ̀bↄnↄ kↄ̃n bãanↄ kↄ̃n pↄ́taa'onkusɛanↄ kↄ̃n kpↄ̀nↄ égↄ̃ a vĩa vĩ píngi. Ma ń náare a ↄzĩ.
214	GEN 9:8	Luda bè Nuunɛ kↄ̃n à nɛ́nↄ dↄ:
223	GEN 9:17	Ben Luda bè Nuunɛ: Ma bà kuuna kↄ̃n pↄ́ wɛ̃̀ndidee kɛ̀ aↄ̃ↄ kú anduna guu píngio sèedan gwe.
224	GEN 9:18	Nuu nɛ́ kɛ̀ aↄ̃ bↄ̀ɛ góro guunↄ tↄ́n yɛ̀: Sɛmu, Hamu, Yafɛti. Hamun Kanaa de ũ.
225	GEN 9:19	Nuu nɛ́nↄn gwe gↄ̃ↄn aagↄ̃. Aↄ̃ boriinↄ bé wà dàgula anduna guu píngi.
226	GEN 9:20	Nuu nɛ́ búbarimɛ, ben à geepi líkpɛ bà.
230	GEN 9:24	Kɛ̀ wɛ̃ɛ kɛ̃̀ Nuua à fɛ̀ɛ, à mà lán a nɛ́ zãa kɛ̀are nà,
234	GEN 9:28	Í dana andunalaa gbɛra Nuu kɛ̀ wɛ̃̀ wàa do kpɛ́ baswɛɛplaa akuri.
236	GEN 10:1	Nuu nɛ́gↄ̃gbɛ̃nↄ Sɛmu kↄ̃n Hamuo kↄ̃n Yafɛtio kↄ̃n ń nɛ́gↄ̃gbɛ̃ kɛ̀ aↄ̃ ì í dana andunalaa gbɛraanↄ yãn yɛ̀.
243	GEN 10:8	Nimlↄdu nɛ́ Etiopia boriimɛ dↄ. Àmbe anduna gbãabitade tↄ́de káaku ũ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlↄdu dɛ tofe sà ũ Dii aɛzĩ nà.
246	GEN 10:11	Bↄna gwe à gàa Asiria bùsun, ben à Ninɛva kàɛ kↄ̃n Reobo'io kↄ̃n Kalao
247	GEN 10:12	kↄ̃n Rɛsɛ̃ kɛ̀ kú Ninɛva dagura kↄ̃n Kalao. Ninɛvan wɛ́tɛda ìsi ũ.
248	GEN 10:13	Igipiti boriinↄn yɛ̀: Ludunↄ, Anamunↄ, Lɛabanↄ, Nafatunↄ,
267	GEN 10:32	Nuu nɛ́gↄ̃gbɛ̃nↄ boriinↄn gwe danɛdanɛ bùsu kↄ̃n bùsuo. Aↄ̃ kiian anduna bori píngi bↄ̀n aↄ̃ dàgula í dana andunalaa gbɛra.
289	GEN 11:22	Serugu wɛ̃̀ baaakuridee guun à Nao ì.
291	GEN 11:24	Nao wɛ̃̀ baaakuri dosaidee guun à Tera ì.
293	GEN 11:26	Tera kɛ̀ wɛ̃̀ baaagↄ̃ akuri, ben à Abramu kↄ̃n Nao kↄ̃n Aranao ì.
294	GEN 11:27	Tera boriinↄ yãn yɛ̀. Tera Abramu kↄ̃n Nao kↄ̃n Aranao ì, ben Arana Lutu ì.
296	GEN 11:29	Abramu kↄ̃n Nao nↄↄ sɛ̀. Abramu naↄ̃ tↄ́n Sarai, Nao naↄ̃ sↄ̃ tↄ́n Milika, Arana nɛ́. Arana pì bé à Isika ì dↄ.
308	GEN 12:9	Ben à dà zɛ́n dↄ à mì pɛ̀ Nɛgɛvia.
318	GEN 12:19	À kɛ̀ dia n bè n dãremɛ, ben ma à sɛ̀ nↄↄ ũu? N naↄ̃n yɛ̀! Ǹ n pↄ́ sɛ́ ǹ táo.
320	GEN 13:1	Ben Abramu bↄ̀ Igipiti à sù Nɛgɛvi kↄ̃n a naↄ̃o kↄ̃n a auzikinↄ píngi kↄ̃n Lutuo.
322	GEN 13:3	Bↄna Nɛgɛvi à sↄ̃ki kpàkpa ai à gàa à kào Bɛtɛli, guu kɛ̀ à bùra kàɛn káaku Bɛtɛli dagura kↄ̃n Aio,
365	GEN 15:4	Ben Dii bènɛ: Àmbe eégↄ̃ dɛ n túbibleri ũro. Nɛ́ kɛ̀ eé bↄ n plɛ̀n bé eégↄ̃ dɛ n túbibleri ũ.
377	GEN 15:16	N nasionↄ bé weé liara wà su kɛ̀, zaakɛ Amↄrinↄ durun e papa kↄ̀ro.
388	GEN 16:6	Ben Abramu wèàla à bè: N zↄ̀ kuu n pↄ́ ũmɛ. Ǹ kɛnɛ lán ń yezi nà. Kɛ̀ Sarai ĩa dàa, ben à bàa lɛ̀nɛ.
390	GEN 16:8	Ben à à là à bè: Sarai zĩkɛri Agyara, n bↄ mámɛ? Nɛ́ɛ gaa mámɛ? Ben à wèàla à bè: Mɛ́ɛ bàa lɛɛ ma dii Sarainɛmɛ.
434	GEN 18:9	Ben aↄ̃ à là wà bè: N naↄ̃ Sara kú mámɛ? À bè: À kú kutaan gwe.
448	GEN 18:23	Ben Ibraĩ sↄ̃̀zi à bè: Nɛ́ gbɛ̃ maaanↄ wara lɛdo kↄ̃n gbɛ̃ zaaanↄn yↄ́?
449	GEN 18:24	Tó gbɛ̃ maaanↄↄ kú wɛ́tɛ pì guu aↄ̃ kà gↄ̃ↄn baplaa akuri, nɛ́ ń waran yↄ́? Nɛ́ sùu kɛ wɛ́tɛ pìo gbɛ̃ maa gↄ̃ↄn baplaa akuri pìnↄ yãnziroo?
470	GEN 19:12	Gↄ̃ↄn plaaa pìnↄ bè Lutunɛ: Dé ń vĩ kɛ̀ dↄↄ? Nɛ́gↄ̃gbɛ̃nↄ, nɛ́nↄgbɛ̃nↄ, n nɛ́ anzurenↄ kↄ̃n gbɛ̃ kɛ̀ aↄ̃ↄ dɛ n gbɛ̃ ũunↄ wɛ́tɛ guu ń píngi. Ǹ bↄɛńyo,
476	GEN 19:18	Ben à bèńnɛ: Auo ma dii! N yã nna!
497	GEN 20:1	Ben Ibraĩ fɛ̀ɛ gwe à gàa Nɛgɛvi bùsun Kadɛsi kↄ̃n Suruo dagura. Kɛ̀ à gàa à vɛ̃̀ɛ Gera,
499	GEN 20:3	Ben Luda bↄ̀ à mↄ̀ Abimɛlɛkizi nanaa guu gwãavĩ à bènɛ: Nɛ́ ga nↄↄ kɛ̀ ń sɛ̀ pì yãnzi, zaakɛ nↄzãreemɛ.
501	GEN 20:5	Àmbe à bèmɛ a dãrenloo? Nↄgbɛ̃ pì sↄ̃ bè a dãgↄ̃mɛ. Ma yã kɛ̀ a zɛ́amɛ, má taari vĩro.
505	GEN 20:9	Ben Abimɛlɛki Ibraĩ sìsi à bènɛ: Bↄ́yãnzi ń kɛ̀we lɛzi? Bↄ́ taarin má kɛ̀nnɛ gbasa ń tò ma gↄ̃ durundee ũ kↄ̃n ma bùsuo? N yã kɛ̀ dɛ wà kɛroo kɛ̀mɛ.
565	GEN 22:17	mɛ́ aubarika dangu mà n borii kaarannɛ lán sↄsↄnɛnↄ bà, aↄ̃égↄ̃ pari lán ísialɛ bùsu'ãatɛ̃ bà. N boriinↄ égↄ̃ gbãa vĩ n ibɛɛnↄa.
568	GEN 22:20	Beee gbɛra wà ò Ibraĩnɛ wà bè: N vĩ̀i Nao naↄ̃ Milika nɛ́gↄ̃gbɛ̃nↄ ì.
571	GEN 22:23	Bɛtuɛli pì bé à Rɛbɛka ì. Nɛ́gↄ̃gbɛ̃ gↄ̃ↄn sↄraagↄ̃ↄ kɛ̀ Milika ì kↄ̃n Ibraĩ vĩ̀i Naon gwe.
576	GEN 23:4	Nibↄ kↄ̃n gbɛ̃ zĩ̀tↄon ma ũ a tɛ́. À tↄↄtɛ yáma gɛ̀vĩikii ũ mà gɛ̀ vĩin.
602	GEN 24:10	Zↄ̀bleri pì a dii lakuminↄ sɛ̀ mɛ̀n kuri kↄ̃n a dii auziki bori píngio, ben à fɛ̀ɛ à gàa Nao bɛ wɛ́tɛ zaa Siria Mɛsↄpↄtamia bùsun.
607	GEN 24:15	Èe yã pì o à yã̀aro, ben Bɛtuɛli nɛ́ Rɛbɛka bↄ̀ kↄ̃n looo dina a gã̀n. Bɛtuɛli nɛ́ Ibraĩ vĩ̀i Nao nɛ́ kɛ̀ à ì kↄ̃n a naↄ̃ Milikaomɛ.
608	GEN 24:16	Nɛ́ pì maa bensↄ̃ à lɛzimɛ, gↄ̃gbɛ̃ kee e daɛo zikiro. À mↄ̀ lↄ̀gↄzi, à í tↄ̀ à a loo pà, ben à lìara èe taa.
610	GEN 24:18	Nↄgbɛ̃ pì bè: Ǹ mi Baa! Ben à a loo pìta gↄ̃ↄ à í kpàa à mì.
616	GEN 24:24	Ben à wèàla à bè: Bɛtuɛli nɛ́n ma ũ, Milika kↄ̃n Nao dio.
635	GEN 24:43	Má kú lↄ̀gↄ lɛ́a. Nↄkparɛ kɛ̀ mↄ̀ í tↄ́, ben ma bènɛ à ma gba í féte mà mi,
639	GEN 24:47	Ben ma à là, dé nɛ́n à ũu? À bè Bɛtuɛli nɛ́n a ũ, Milika kↄ̃n Nao dio. Ben ma tãnga dànɛ a yĩa, ma zãa dànɛ a ↄↄnↄa.
647	GEN 24:55	Nↄↄ vĩ̀i kↄ̃n à dao bè: Ǹ tó nɛ́ pì gↄ̃wao baa gurↄ kuri, é gbasa à tá.
650	GEN 24:58	Ben wà Rɛbɛka sìsi wà à là wà bè: Nɛ́ tá kↄ̃n gbɛ̃ pìoↄ́? Ben Rɛbɛka bè: Mɛ́ táo.
652	GEN 24:60	Aↄ̃ sa maaa ò Rɛbɛkanɛ wà bè: Nɛ́, ǹ gↄ̃ gbɛ̃ pariinↄ dazi ũ, n boriinↄ gↄ̃ gbãa vĩ ń zangurinↄa.
654	GEN 24:62	À mↄ̀ à lè Isaaku sù kↄ̃n lↄ̀gↄ kɛ̀ wè be Ludabɛ̃ɛkɛema'eeo à vɛ̃̀ɛ Nɛgɛvi bùsun.
661	GEN 25:2	Nɛ́ kɛ̀ à ìonↄ tↄ́n yɛ̀: Zimara, Yↄkↄsã, Mɛdã, Midiã, Isibaki, Sua.
672	GEN 25:13	Sumaila nɛ́gↄ̃gbɛ̃nↄ tↄ́n yɛ̀ lán wà ń í nà. À daudu tↄ́n Nɛbayo. À dãaronↄ tↄ́n yɛ̀: Keda, Adabɛli, Mibisamu,
674	GEN 25:15	Adada, Tema, Yetu, Nafisi kↄ̃n Kedemao.
686	GEN 25:27	Nɛ́ pìnↄ bíta kũ̀. Isau kɛ̀ tofekari gbãaa kɛ̀ è kɛ̃ sɛ̃̀tɛaroo ũ. Yakubu sↄ̃ bɛgwarimɛ.
689	GEN 25:30	Ben à bè Yakubunɛ: N yã nna! Ǹ tó mà dò tɛ̃a beee ble, zaakɛ nↄaa e ma dɛɛmɛ. Beee yãnzi wà tↄ́ kpà Isaunɛ Ɛdↄmu.